رواية لست غجرية الفصل الثامن عشر بقلم روز الحيدر
مارد بس صار يدفع بالباب اخر شي
دفعه بقوى نفتح شافني مبللة بتسم
وتقرب مني
باهر : ليش هيج تسوي بيه وتعرفين
احبج
بخوف
وردة : باهر حباب لا
ماسمعني تقرب أكثر شألني بسرعة
حاوطت رگبته صرنا ثنينا تحت الماي
باهر : خلينا نتمم زواجنا
هزيت راسي بسرعة ويدي بعدهم على
رگبته
وردة: باهر… حباب هدي
وگف لحظة قرب جبينه من جبيني غمض
عيونه ثواني وهو ياخذ نفس طويل
باهر : تعرفين شكد تعبت حتى أوصلج؟
نظرتله بارتباك وصدري يرتفع وينزل بسرعة
وردة : وأني تعبت من الخوف
باهر : ما أريدج تخافين مني.
طلعني من الحمام وكل ملابس متنگط ماي
دخلتني للغرفة
وردة : بـ..اااهر لااااا حباب نزلنييي
باهر : أششش أهدي قبل مايخلص المفعول
وردة : مفعول شنو!
شمرني على سرير شمر بسرعة ركضت من
الجهه الثانية ردت افتح الباب منعني
وردة : بااهر لااا...مو أني أحبك لاتسوي هيج
باهر : واني أحبج
هزيت راسي
وردة : عمرك محبيتني
تقدم لمس شعري
باهر : والله ماحبيت غيرج.. القبلج والبعدج
هامش
بصوت مكسور
وردة : لاتصير مثلهم
باهر : مو مثلهم بس أهدي
گلبي نعصر وختنگت بعبرتي تقرب أكثر
رجعت للخلف
وردة : لاتخليني أكرهك
باهر : ألمهم أني إحبج
دفعني من متني وكعت على سرير.. وصرت
ابتعد وهو يتقرب
وردة : لااا حباب لاتصير مثلهم باهر لاااا
دفعته بصدره لزم أيدي بقوى وسحب ألحزام
يمه لفه على أيدي دفعني ورفعه فوك راسي
صار فوكِ ماكدرت أتحرك
وردة : بااهررر لاا حبااااب والله أحبك لاتسوي
هيج باهرررر
ضم راسه برگبتي يشم ويبوس وأرفس تحته
وأصيح... رجع نعاد موقف ظافر وياي بجيت
وصحت
وردة : عموووو لااااااا مثل بنتك
حباااب عوفنييييي ولج حبوبةةةة لحگيلييي
مأذكر غير جسمي نتفض ورجفت بشكل مخيف
ماشفت غير سواد غيم على عيوني...
مأعرف ولا أذكر اللي صار بعدها غير صحيت
على ضربات خفيفة ماكدرت أفتح جفوني بس
أسمع وأحس
انفاسه ولهفته
باهر : لااا ياوجع گلبي لاتسوين هيج... جوري
فتحت عيوني رفعت أيدي أريد الزم راسي بس
شفتها مفتوحة
كاعد وراسي بحضنه
باهر : خوفتيني عليج
نهضت من حضنه أتفقد نفسي نظرتله بخيبة
أكبر من خيبت الخيانة
وردة : بشنو أذيتك؟ ليش هيج تسوي؟
لزم وجهي
باهر : والله ماسويت شي
نزلت عن السرير ملابسي بعدها علية مبلله
وكفت ختل توازني وحسيت الدنيا دور بية.
رجعت كعدت لزمني...
وردة : لاتجسني
باهر : اهدي ولج والله ماسويت شي
رفعت عيني له
وردة : تعرف الله حتى تحلف بي!
باهر : جوري افهميي يعني أنتِ تعرفين لو صار
شي
وردة : شيافني يومية متزوجة!
باهر : ولج ماسويت شي بس شميتج نحرج
كمتي تصيحين عمو تركتج والله تركتج حاولت
اهديج بس جسمج صار يرجف وفقدتي لوعي
فجأه
هزيت راسي
وردة : جذاب
نهضت وهل مره جسمي يرجف من البرد أطك
سنن بسن
باهر : جوري
نهض لزمني
وردة : كافي خليك بعيد عندي
باهر : بس غير ملابس لا تتمرضين الجو بارد
تركته وطلعت من الغرفة ارجف دخلت للحمام
حايرة شلون اعرف اذاصار شي لو لا
طلعت شفته منتظرني
باهر : تعاي كعدي دفي هنا
اشر على مكان قريب على دفاية واكو غطأ يمها
عفته ورجعت للغرفة أشوف اذا اكو نيشان بس
ماكو أي شي
باهر : أجيبلج ملابس تبدلين
هزيت راسي بنفي
وردة : بس كول شلون أعرف اذا صار شي بينا؟
باهر سكت رفع عينه إلي بهدوء.
باهر : إذا صار شي جان عرفتي من نفسج قبل
لا تسأليني.
عقدت حواجبي، ودموعي بعدهن بعيني.
وردة:شلون أعرف؟
تنهد، وقرب خطوة وبقى محافظ على مسافته.
باهر : تعرفين جسمج… إذا أحد أذاج إذا صار
تجاوز إذا شي مو طبيعي تحسين بس أني گلتلج
ما صار.
هزيت راسي بعناد
وردة : ما أصدكك
بتسم بخبت
باهر : خلينا نعيد شوط ثاني وشوفي الفرق
سكتت وسحبت الغطا لفيت نفسي ارجف الجو
ثلج واني سبحت بماي بارد وملابسي مبلله
اجه كعد كدامي
وردة : عوفني اروح
هز راسه
باهر : أعوفج؟ وين ترحين وماعندج أحد
سكت مد ايده لمس شعري
باهر : لو تردين ترجعيله؟
هزيت راسي
وردة : مااريد بشر بحياتي ماحصلت غير الأذية
كعد يمي
باهر : خلاص باجر نطلع بس اجهز اموري
وردة : وين نطلع!
باهر : التركيا نبقى فترة وبعدها نروح الماهر
وردة : أخوك!
هز راسه
باهر : أي.. تصلت بي ضبط كلشي من يمه بس
اول شي لازم نطلع منا
وردة : أني هنا وضايعة نوب أهاجر!؟
باهر : أني وياج مااعوفج
بالكوة رديت
وردة : محد يأذيني غيرك
باهر : ماكو أذية بعد اليوم خلاص أريد ويأج
أسس عائلة وننسى كلشي
لتفت بتسم
باهر : من زمان بنفسي بيت دافي وجهج الحلو
واطفالنا حولنا... تذكرين شگلتي؟
ضميت وجهي وبجيت
وردة : أنت دمرت كلشي
باهر : مستعد أصلح ونبدي من البداية اوعدج
تشوفين شخص جديد يحبج ومايشوف غيرج
وردة : خاف قبل باقي شوي حب بگلبي ألك
بفعلك هسه نتهى
باهر : حقج ما تصدگيني... بعد اللي سويته
وخوفتج بس والله ما قربت لج بعد ما صرختي.
وردة : ليش؟
نزل راسه وطلع صوت بهمس
باهر : لأنج ما جنت تشوفيني تشوفين اللي أذوج
قبلي إذا كملت… أصير مثلهم.
تنهد ومارفع راسه
باهر : أگدر أتحمل كرهج.. بس ما أگدر أتحمل أكون نفسهم.
نهضمت
وردة : بس انت مثلهم ماتفرق عنهم بشي.. مثل
ما ظافر و مصعب حاولوا يعتدون علية.. أنت هم
باهر : مصعب؟
هزيت راسي
وردة : بيوم اللي كتلي راح أجيج عرفوا حركت
أبوهم وعشيقتك واخوها هجموا علية كالته
اغـ**** وشوه وجها..
شفت أثر الحزام بأيدي لمسته وبچيت
وردة : وطلعت شاردة من القرية ردت اروحلك
بس نسر عارضلي واخذني
رفعت عينه له
وردة : رغم كل اللي قذارتك وخيانتك ختاريتك
وشوف سويت بية
مديت أيدي شاف أثر الحزام لزم إدية يبوس ألاثر
باهر : ماکدر اكلج سامحيني بس والله أمحي كل
وجع عشتي
سحبت أيدي أرجف
باهر : جوري كومي بدلي رح تتمرضين هيج ورانا
طريق
نهض فتح الكنتور وطلع ملابس بعدهم بعلامتهم
باهر : كومي
وردة : عوووفني
باهر : ولج تتمرضين
وردة : خليني أن شاءلله اموت
باهر : اذا ماتبدلين اني ابدلج
هزيت راسي.. بسرعة سحب الغطا
وردة : يله أبدل.. أبدل
نطانياهن
باهر : ترا جديد مملبوس كلش بهذا البيت أشريته
ألج وبأسمج
وردة : اطلع
هز راسه طلع من الغرفة وسد الباب نهضت قفلته
ورجعت غيرت ملابس واني تحت الغطا خاف
اكو كامرة، لبست بلوز عريضه وبنطرون
رجعت فتحت الباب اجه
باهر : تعاي اجففي شعرج
مارديت سحبني من ايدي وكعدني جفف شعري
باهر : تردين اسرحه لو هيج
وردة : عوفه هيج
مشطه وكمل باس راسي
باهر : جوعانه؟
وردة : جؤ.. أكلت قهر وخلان وأهموم تكفيني عمر
ثاني
قرب
باهر : وعد أخليج تنسين كل هم وأذية عشتيها
بسمت بأستهزاء
وردة : واضح واضح
باهر : اسوي شي دافي لاتتمرضين
وردة : هم تخلي بي شي.. مخبلة اكل من أيدك!
ضحك.. عض شفته
باهر : خوش بدينا لو مامخربتها
رفعت عيني له
وردة : يعني ماصار شي؟
هز راسه
باهر : مع الاسف والله
صفنت بالگاع وداخلي رافض يصدكه رفعت عيني
مرة ثانية
وردة : كتلي احس؟ شلون؟
باهر : جسمج يوجعج
صفنت مو بس جسمي يوجعني حتى روحي وشعر
راسي يأذيني
وردة : اي جسمي يوجعني
ضحك
باهر : هااا نلعب شوط ثاني؟
وردة : نجب
بسرعة حضني صحت بتعد
باهر : نحبيت بحضنج لميني
يتسمت غصب عني
وردة : عوفني
قهقه، وكام للمطبخ سمعته يحرك أغراض ويفتح
ويسد ..بعدها اجا اتصال اللي فهمته شخص متفق
ويا حتى يطلعنا التركيا
نهضت وكفت مقابل اللوحه فتحت المجراد لكيت
مقص أضافر وألزمه وأشكك الوحه ماخليت شي
صاحي بيها
بعد دقائق رجع بأيده صينية صغيرة. بيها شوربة
وتوست محمص.
باهر : تفضلي ست البيت
نظرتله بشك.
وردة : ها… بيها شي؟
رفع حاجبه متعجب
باهر : إي… بيها نية أصلح اللي خربته.
قرب الصينية
باهر : ضوكيي، وإذا طلع بيها سم… أول واحد
أشرب وياج.
لتفت شاف اللوحه بتسم
باهر :وشسوي بيها بعد اذا الحقيقة بين اديه
بعدت الصينية
باهر : أني أوكلج
وردة : لا تسوي روحك حنين هسه.
باهر : مو مسوي روحي… متعلم متأخر
حاولت أقاوم، بس الجوع والبرد غلبوني
اخذت من ايده بس التوست
باهر : اشربي
وردة : اشرب كدامي خاف بيها شي
بدون تردد اخذ شرب
وردة : بعد
باهر : يله.. أكل وياج
تقرب وصار ياكل وياي من نفس الكاسه
باهر : اني ليش مااخطفتج من زمان
وردة : ماجان اكو داعي تخطفني نطيتك فرص
بكد شعر راسك وماصار بعينك
باهر : ليش شنو سويت؟
وردة : لا ابد ماسويت شي بس خنتني وي اللي
عتبرتها اختي
سكت نزل راسه
وردة : وهااا..
اجيت اكله شفتك أخر مرة وياها بس سكتت هسه
اذا عرف اني سويتها بذيج الليلة يمكن مايرحمني
وردة : اشو الشوربة بيها طعب توابل قوي
هز راسه
باهر : أي
وردة : خاف مخلي بيها شي؟
باهر : لا والله
غمست مرتين وتركتها
باهر : رند هي ****
وردة : وانتَ شنو؟
ماصدكت؟ هي غلطت ليش تجاريها بالغلط!
سكت ماعنده شي يحجي ويدافع بي عن نفسه
واني هم سكتت لا اروح افلت بكلمة ولو يذبحني
محد يسأل عني
باهر : أكلي
وردة : ماحب توابل بيها..
باهر : اسويلج غير شي؟
وردة : لا
اخذ الصينية.. طلع طلعت ورا وأضفر شعري
رجع كعد هل مرة خزرني مارتاحيت لنظرته
بنبرة حادة
باهر : اكعدي
بتسمت بخوف وكعدت على قنفة بعيده عنه
باهر : نسر
سكت نظرلي بتركيز
باهر : هم... صار بينكم شي؟
نظرتله بحدة
وردة : شي مثل شنو؟
باهر : اللي فهمته متأخر ثقيت بي وغدرني
وردة : شلون غدرك؟ لان طلع شرطي!
باهر : طبعاً ومو بس هاي...متأكد هو اللي حرك
السيارة
تنفست بعمق وراحة
وردة : ليش حتى يحركها؟
باهر : عرفتي بعد شغلته والسيارة بيها بضاعة
وهو يعرف
وردة : تقصد جان مراقبك وبعدين حركها حتى
يخليك تخسر؟
باهر : بالضبط
وردة : خو يلزمك ليش يحركها
باهر : حركها حتى يورطني وياها ويعرفهم واني
مثل الغبي ثقيت بي وحجيتله... مايريد هيج
على ناشف يلزمني
وردة : زين شلون دخل حياتك؟
سكت ثواني وتنهد
باهر : قبل سنه ونص او سنتين لما نهيتي كل
شي ورفضتي الزواج وقبلها طلب رند من كالت
ورد جوري مو غجرية
هزيت راسي
باهر : جنت تعبان وماعرفت وين اروح اريد
انسى
وردة : ايي
باهر : دخلت المكان وشربت وقتها كثرت كلش
بالشرب الدرجة مااذكر شي.. بس قبلها شفت
نسر كاعد مقابيلي وبديت أشرب اذكر صارت
مشكلة
لزم راسه بقوى يريد يذكر
باهر : بس ماعرف شنو صار بعدها وصحيت واني
نايم بيت ماعرفة وشفت نسر مقابيلي
وردة : يعني خلصك من المشكلة؟
باهر : من صحيت كال تعاركت ويا شباب وضربوك
وفعلاً من شفت وجهي بي اثر بس اني مااذكر شي.
سكت وكمل بندم
باهر : بس من نزع صوف الخروف وطلع ذيب هاي
خطة من نسر حتى يكون صداقة وياي.... واكون
ممنون له.. واني مثل الغبي ثقيت بي
وردة : هي هاي أخر الثقة
رفع عينه
باهر : وغبائي الاكبر من جنت اسولف يمه عنج
ماتوقعته يخلي عينه عليج
وردة : احترم نفسك لاتمخرط بالحجي..
هز راسه
باهر : مع الاسف هاي الحقيقة تأخرت يله عرفتها
وردة : ماكو شي من اللي تفكر بي
باهر : متأكد
نهض قرب يمي
باهر : ليكون حبيتي؟
بتعدت
وردة :تعرفني مستحيل أحب بعد كلشي صار
وياي
باهر :صدگيني احاسبة مو على خيانته ألي لاا
راح أحاسبه... لان شافج بنظرة حب
نظرتله بحدة.
وردة : لا تسوي نفسك بطل هسه. أنتوا الاثنين
نفس الخراب… بس بوجوه مختلفة
ثبت نظره علية، وصوته هدأ
باهر :يمكن… بس فرق واحد
وردة : شنو؟
باهر : هو يريد يستخدمج… وأنا أريد أرجعج.
ضحكت بمرارة
وردة : اي واني لعبة بأيدكم مو؟
سكتت نتبهت له
وردة : شتريد تسوي بي؟
باهر : بس نطلع اخلي واحد اقل شي يسوي
يصوبه ويخلي عاهة بس
بلعت ؤيكي بخوف ورجف گلبي قربتله
وردة : خلاص هسه اني يمك وراح نطلع ليش
تلوث نفسك بدمه مو كافي الحال اللي وصلتلها؟
باهر : حتى يتوب مايخلي عينه على رزق غيرة
ماعندي قوة اكدر اتغلب بيها على باهر او اي رجل
لان الله بطبيعتهم خلقهم اقوياء بدن..
والنساء نطانا دهاء وكل وحدة وشطارتها شلــون
تستخدمة ويمتى
بتسمت بحيلة
وردة : شايفني رزق
بتسم
باهر : واحلى رزق
وردة : إذا شايفني رزق... الرزق ينصان ماينخان
وينخطف
باوعلي ثواني، وكأن الكلمة ضربته
باهر : أدري.
وردة : لا... ما تدري لو تدري جان ما ربطت أيدي
بحزام ولا خوفتني ولا جبتني لهنا غصب.
نزل عينه
باهر : كل ما أريد أصلح أخرب أكثر
وردة : لأنك تريدني على كيفك مو على كيفي.
باهر : شلون أخليج تصدگين إني نادم؟
وردة : الندم مو حچي... الندم تصرف.
باهر : شتريدين؟
رفعت عيني إله بثبات.
وردة : أول شي... تبعد هسه.
تردد، بعدين رجع لورا
وردة : ثاني شي... ما تجيسني إلا إذا أني سمحت
هز راسه ببطء.
وردة : ثالث شي... نسر ما تمسه.
ملامحه تغير
باهر : هذا لا.
وردة : إذا لا... فكلشي لا.
لف وجهه، مرر إيده بشعره بعصبية نهض وبقى
يتمشى بالصالة.
باهر : هذا لعب بظهري خله عينه على محبوبتي
راقبني وأخذج.
وردة : وأنا مو غنيمة حتى "أخذني"
التفتلي
باهر : كل كلمة منج تصفعني
وردة : لأنك تستاهل
ضحك
باهر : والله أستاهلج... وحدة لسانها يگص حديد.
وردة : أحسن من واحد عقله ***
ضحك أكثر، وكعد على طرف القنفة المقابلة
باهر : هاا... رجعتي جوري القديمة
وردة : لا تفرح هاي جوري اللي تگدر تذبحك وأنت
نايم
رفع حاجبه.
باهر : بخنجر لو بالسم؟
وردة : لا... بأكثر شي يوجعك.
عمز
باهر : شنو هو؟
ميلت راسي وابتسمت بسخرية
وردة : أتجاهلك
حط إيده على صدره ومثل واحد انطعن
باهر : لا هاي قوية... الموت أهون
رغم نفسي فلتت مني ضحكة صغيرة
انتبهلها فوراً ووجهه نور.
باهر : إي والله... هاي الضحكة أريد أعيش إلها.
اختفت الضحكة بسرعة.
وردة : لا تستعجل بعدك تحت الاختبار
باهر : شكد مدته؟
وردة : يمكن العمر كله.
باهر : موافق... بس إذا كل يوم بي هيچ دقيقة
منج أتحمل.
سكتت.واخذت الغطا لفيت نفسي
باهر : بردتي؟
وردة : شوي
قرب الدفاية والمس جبيني بكفه
باهر : زين مابيج شي.. بس نامي ورتاحي
مددت رجلية وخليت راسي على مخدة بدون
مااغمض جفني
باهر :إذا بردتي...كولي حتى ادفيج بحضني
صفنت بوجهه واجت صورته هو ورند موقف
مقرف الدرجة بس ذكرتهم شمأزيت
وردة : برأيك ليش بعض الرجال تخون؟
سكت
وردة : ليش ميحب الاستقرار رغم زوجته موفترله
بيت واطفال وهي ماناقصها غير نجمة من السما
يعوف كل هذا ويدور قذاره
سكت ثواني، وكأنه السؤال نزل على راسه
باهر : لأن بعض الرجال مو رجال.
نظرتله بسخرية.
وردة : جواب فلسفي أريد الصدگ
تنهد مرر إيده بشعره.
باهر : الصدگ؟ مرات مو لأن زوجته ناقصها شي
لأن هو الناقص. ناقص عقل،ناقص ضمير، ناقص
قناعة.
سكت شوي وكمل:
باهر : أكو واحد عنده بيت ونعمة وامرأة محترمة
بس من داخله فارغ، يريد كل يوم يثبت لنفسه أنه مرغوب، أنه رجال، أنه يگدر ياخذ غيرها. مو حب...
جوع نفس ما ينشبع.
بلعت ريگي، وعيني عليه
وردة : والجوع هذا يبرر الخيانة؟
رفع عينه بسرعة
باهر : لا. يفسرها... ما يبررها
وردة : وأكو نوع ثاني؟
باهر : إي... واحد غبي. يملك الشي الثمين، ويتعود
عليه فيحسبه مضمون. يركض ورا الوهم الى ان
يخسر الأصل.
ثبت نظره علية
باهر : ولمن يصحى... يلكه الباب انسد.
ضحكت بمرارة.
وردة : وبعضهم يركض للقذارة لأن القذارة أسهل
ما بيها مسؤولية، ما بيها تعب، ما بيها وفا.
هز راسه ببطء
باهر : صحيح
وردة : وبعضهم يخون لأن يضمن المرأة الطيبة
تبقى.
باهر : صحيح أكثر.
ثبتت عيني بعينه، وما رمشت.
وردة : وانت أي نوع منهم؟
نزل نظره للكاع بصوته خافت
باهر : أني... خليط من أسوأ نوعين.
رفع عينه إلي.
باهر : غبي حسبتج مضمونة... ومريض غرّه
الإعجاب الرخيص
ما جاوبت بس نظرتي تعلكت بي
باهر : جنت عندي نعمة وما عرفت قيمتها ولمن
حسيت إنج ممكن تروحين... ركضت ورا كلشي
إلا الشي الصح
وردة : والشي الصح شنو جان؟
باهر :أرجع إلج من أول غلطة مو أتمادى وأكابر
تنهد
باهر : وكل ما أخطيت أكثر صار الرجوع أصعب
فقنعت نفسي إني حر وإن الرجال هيچ وإن عادي
وردة : وطلع مو عادي؟
باهر : طلع العادي الوحيد... إني أخسرج
وردة : لا تخاف تعلمت الدرس متأخر
قرب الدفاية أكثر وبقى بعيد
باهر : إي... بس تعلمته على أغلى خسارة
نهضت
باهر : وين شبيج؟
وردة : مابية اريد اغسل
سكت رحت للحمام غسلت وجهي حتى اصحصح
ورجع للمطبخ شربت ماي من السنك واخذت سجينة
خليتها بين بطني وحز البنطرون تحت الملابس
ورجعت تمددت
وردة : أريد نام لاتسوي شي
باهر : وعيونك ماسوي شي
سكتت وغطيت راسي گال
باهر : تنامين؟
وردة : اهمم نعسانة.. وانت؟
باهر : ابقى اتأملج
وردة : اهمم
شفت الفجر طر وصار نهار جديد لفيت راسي
ونطيته ظهري ومثلت النوم رغم التعب والقهر
بقت عيني مقاومة..
بس رتاح جسمي صحيت شفته نايم على قنفة الي
مقابيلي.. ماستغليت نومته بالعكس رجعت نمت لان
اعرف البيبان مقفوله.. ولو احاول ادور المفاتيح راح يصحى من الصوت وممكن مايرحمني
فخليني استغلها وانام. وفعلاً غفيت ماعرف شكد
بس فزيت على صوته
باهر : جوريتي.. حبيبتي
بلكوة فتحت عيوني
وردة : شكوو!
باهر : كومي أكلي شي حتى نطلع
وردة : وين؟
باهر : نعوف الماضي والوجع وأشرد بيج
كعدت احس كل جسمي وجعني وبردانه
باهر : شبسج ياوجع گلبي
وردة : احس جسمي نحلان
لمس جبيني
باهر : حرارتج رتفت..
قريب طبع بوسه قوية بجبين
باهر : إويلي تجوي يله هسه اخذلج علاج
نهضت تعبانة سندني.. غسل وجهي ونشفه
ورجعت كعدت
باهر : ماعدنا شي ناخذه اذا تكدرين يله
هزيت راسي ونهضت راح للغرفة طلعت
السجين بدون ماينتب رجعتها.. اجه بأيده
ستره
باهر : يله البسيها خاف تبردين
لبسنياها وطلعنا سيارته واكف فتح الباب
صعدت ورجع صعد
باهر : اول شي اخذلج علاج وبعدين نتريك
وردة : وين نروح؟
باهر : مو هسه موعدنا
سكتت ولفيت نفسي.. شغل وطلعنا نزل يم صيدلية
جاب علاج وبعدها رحنا للمطعم طلب اكل وجبرني
اكل رغم حتى الماي صار مر بحلكي
باهر : يله حبيبتي حتى تاخذين العلاج ميصير على
معدة فارغة.
اكلت
وردة : اذا عدنا وگت تكدر تاخذني ازور حبوبتي
باهر : صار بس اخذي علاج عدنا هواي
فرحت واكلت.. بعدها اخذت العلاج بقينا ساعة
كاعدين وبديت احس بتحسن وفرق وباهر الف
اتصال اتصل اجه كعد
باهر : شلونها محبوبتي
وردة : احسن بهواي
عينه بالمبايل
باهر : الحمدلله
وردة : أبهر
رفع عينه
باهر : ياروحه
وردة : مو طلعت بعد عليمن نهاجر؟
ضحكت مو ضحكت فرح
باهر : ياطلعت؟ اقل شي اكل 10سنين
لا أرادياً لزمت أيده
وردة : ليش هيج سويت بنفسك!
اخذ كف أيدي باسه
باهر : مو وكتها بس وعيونج ندمان.. ومااتمنى
اي شخص يدخل بهذا المجال لان صعب يطلع
منه
سكتت
باهر : يله نروح للمقبرة
هزيت راسي وطلعنا للمقبرة واول ماوصلت ذبيت
نفسي على قبر وحضنتها وبجيت
اجه كومني
باهر : على كيفج ويا روحج انت مريضة
لمست ترابها
وردة : دائماً جنتي تكولين لاتخافين من شي دام
الله لي كاتب الاقدار.. خلاص بعد ستسلمت شيصير
يصير اصلاً بيوم الرحتي روحي راحت وياج
باهر : جووري.. كافي
هزيت راسي وقبل ماانهض بست اسمها
وردة : أحبج هوواي وماانساج
همست كأنها تسمعني
وردة : أدعيلي.. ادعيلي بس اريد اعيش بهدوء
نهضت ومسحت دموعي.. واخذت وردة من الوردات
الي ع قبر
ومشينا للسيارة وطلعنا ماعرف الي يصير ولا اريد
اعرف خلاص ستسلمت خلي الحياة دوسني اكثر
وأكثر.. حسبي الله على جابتني وذبتني وحملتني
ذنب شهوتها وقذارتها الله يلعنهااا
مشينا هواي وكل شي صار ورانا المغرب صار بسرعة
وكفنا بمكان.. اجت رسالة الباهر
وردة : شنو؟
باهر : من الشركة صرنا خارج التغطية العراقية
لتفت
باهر : شلون صرتي؟
وردة : احسن.. هسه شلون نطلع؟
باهر : بس يجي ونص ساعة واحنا بتركيا
نزلناوالهوى بارد يلسع الوجه والمكان خالي تماماً
أجه ضمني لصدره.
باهر : لاتخافين.
رفعت إيدي ببطء ولزمت بقميصه
غمضت عيني مو حب ولا أمان كامل بس تعبت
من الخوف وردت مكان أستند عليه ولو دقيقة
وردة : ضمني حيل
شد حضنه أكثر حتى حسيت نبضه واضح
باهر : هيچ زين؟
هزيت راسي
وردة : أريد أبقى هيچ دقيقة
تنفس بعمق ولفني دخلني بجاكيته
باهر : العمر كله إذا تريدين
رفعت عيني بسرعة
وردة : لا تبالغ
ضحك أول ضحكة خفيفة من ساعات
باهر : زين...عشر دقايق هسه والباقي نتفاوض
عليه بعدين
وردة : شايف نفسك خوش صفقة؟
باهر : إذا الزبونة أنتِ... إي
طلع مني شبه ابتسامة
باهر : اجه
فتحت عيني وبتعدت شفت سيارة من بعيد تمشي بتجاهنا... شبك جفي بجفه
وصلت السيارة ونزل منها شخص سلمو على بعض
واثناء كلامهم يوصي باهر ويدلي سلمه الجوازات
وهوية..
ماحسينا له سيارت الشرطة طلعت من كل مكـان
طاوقتنا بأهر بسرعة سحب سلاح من ظهره لزمت
أيد
وردة : شتسوي؟ تخبلت شتكتل واحد ثنين!
شديت على إيده بكل قوتي
أضوية الشرطة لفت المكان من كل جهة وصوته
الصفارات شگ الليل
الشخص اللي نزل من السيارة رجع خطوتين للورى
ورفع إيده.
صوت قوي انسمع من مكبر
: ارمي السلاح خلاص ماكو مهرب
باهر أنفاسه سريعة عينه تدور بالمكان مثل ذيب
محبوس نزل نسر من السيارة
باهر : خاين... باعني.
وردة : مو هسه وكتها! نزل السلاح!
حاول يسحب إيده مني تمسكت أكثر
وردة : باهر، إذا تحبني صدگ لا تضيع روحك
التفتلي وعيونه مليانه غضب وخوف
باهر : إذا استسلمت... يضيع كلشي
وردة : وإذا أطلقت تضيع أنت
ثانية وحدة مرت كأنه ساعة إصبعه قريب على
الزناد قربت عليه أكثر وحطيت إيدي على صدره.
وردة : باهر... باوعلي مو عليهم علية
ثبت نظره بعيوني
وردة : أول مرة سوي الصح حتى لو متأخر
رجفت إيده وبعدها نزل السلاح شوي
صاح بصوت مخيف
نسر : ارمي سلاحك فوراً
وردة : باهر
فتح أصابعه فجأة ووگع السلاح على التراب
بنفس اللحظة نسر و الشرطة ركضوا طرحوه
على بنيد السيارة وگلبجوا إيديه
ما قاوم... بس ظل يباوعلي
باهر : جوري...
تقدمت خطوة بس صاح
نسر :جوووري
ماهتميت دموعي نزلت بلا صوت
وردة : ليش ما سمعت من البداية؟
ابتسم ابتسامة مكسورة، ووجهه على السيارة
باهر : لأنج أول صوت صدگ... سمعته بحياتي
قيدوه وفتحوا باب الدورية
قبل لا يركب لف راسه علية مرة أخيرة شاف
نسر قرب
نسر : أنت زينة
صاح
باهر : عوووف مرتي
صعدو.. وتحركت السيارة
وگفت بالنص بين أضوية الشرطة صارت تبتعد
والبرد والطريق المفتوح...
وأول مرة من زمان، ما أعرف إذا انتهى الكابوس
لو هسه بلش
تقرب لمس وجهي
نسر : جوري أنتِ زينة
هزيت راسي بنفي وبجيت رفع وجهي له
نسر : شـ..ـنو سوالج شي؟
هزيت راسي باوعت بعينه خوف من أجابتي
طلع صوتي مكسور
وردة : تزوجنا
إيده الي على وجهي تجمدت بمكانها ستوعب
الكلمة غمض عيونه
نسر : شنو؟
نزلت عيني للكاع
وردة : عقدلنا شيخ... وشهود وكلشي صار
نسر : شنو.. سنو قصدج كلش صار؟
مارديت سكت ثواني، وجهه انشد، وعروگه برزت
برگبته
نسر : برضاچ؟
سؤاله ضربني أكثر من أي شي
رفعت عيني له وماعرفت شجاوب الخوف الضغط
التهديد التعب شنو ينحسب رضا؟
وردة : أني گلت موافقة
رجع خطوة كأنه أحد دفعه
نسر : لأنج موافقة لو لأنج مجبورة؟
وردة : شيفرق هسه؟
نسر : يفرق كلشي.
قرب بسرعة ونبرته صارت أخفض بس أخطر
نسر : جاوبيني.
بلعت ريگي
وردة : خفت إذا أرفض ياخذني بالحرام
بجيت بصوت
وردة :ماردت أصير مثلها ماااريد مثل ماجابتني
أجيب طفل بالحرام مااريد يعيش مثلي
نسر : تمام.. أهدي شوية كلشي ينحل
رتبكت
وردة : شنو يعني؟
رجع باوعلي ونبرته هدت
نسر : يعني مو كل عقد ينكتب يصير زواج إذا الرضا
مو حقيقي والإكراه موجود فالحچي يختلف.
وردة : تعبت ما أعرف شنو صح
قرب أكثر بس وكف مسافة محترمة
نسر : هسه ما مطلوب منج تعرفين كلشي مطلوب ترتاحين.
وردة : عن ياراحة الحياة داستني دوس
نسر : أمشي وكلشي وله حل
لزم أيدي وسحبني للسيارة صعدت ويا شغلها واتصل
نسر : أي اخذو الولد...اي لكيتها الحمدلله بخير تمام
لاااماخليها اجيبها وأجي.. ان شاءلله يله
سد الخط
لتفت
نسر : ترحين وياي برضاتج لو غصب مااخليج هنا
سكتت صاح
نسر : سمعتييي
لتفت
وردة : أخذني للمستشفى
بأستغراب
نسر : ليش؟.. بيج شي؟
وردة : أي مريضة أريد مستشفى نسائي
نسر : ليش احجي سوالج شي؟
وردة : اخذني وبس
هز راسه
نسر : تندلين هنا؟
وردة : أي بعد شوي ونوصل
هز راسه وكمل الطريق وكل شوي يتصل لحد ما
وصلنا نزلت اجه لزمني بقلق
نسر : جوري.. فهميني بيج شي؟
رفعت عيني
وردة : كال ماصار شي بينا وأريد أتأكد
نسر : شلون يعني؟
نزلت راسي
وردة : لما تقرب كل لي اذكره
سكتت وخجلت أحجي
نسر : كملي
وردة : ذكرت ظافر لما حاول يعتدي علية وو..
وجسمي صار يرجف وفقدت الوعي.. كال مالمستج
نسر : متعرفين اذا صار شي؟
هزيت راسي بخجل
نسر : تمام لاتخافين روحي واني منتظرج هنا
هزيت راسي ومشيت وگفت بالباب التفتت شفته
يمشي ويرجع بمكانه من القلق
دخلت للاستعلامات ودلوني على غرفة الطبيبة
دكيت الباب ودخلت سلمت عليها وردت السلام
أول ما كعدت كبالها انهاريت حچيتلها كلشي صار
وأنا أرتجف والكلمات تطلع متكسرة
سمعتني للآخر وبعدها حچت بهدوء
الطبيبة : لا تخافين… راح نفحص ونتأكد
بعد الفحص كمت بسرعة وگلبي يدگ رفعت عيونها
إلي وابتسمت.
الطبيبة : اطمني …ماكو علامات اعتداء وماكو دلائل
على حدوث علاقة
ثبتت بمكاني ثواني وبعدها انفجر البچي مني كمت حضنتها بكل قوتي.
بصوت يرجف
وردة : يعني بعدني باكر
بتسمت هزت راسها
الطبيبة : نعم
وردة : الله يفرح گلبج مثل ما فرحتيني
ضحكت بلطف وربتت على ظهري
الطبيبة : إذا تريدين أكتب لج تقرير بالفحص
مسحت دموعي
وردة : إي… أريده
سحبت ورقة وبدت تكتب وبعدها ختمتها وسلمتني
إياها
الطبيبة : هذا تقرير الفحص
أخذته بإيد ترجف وعيني بالورقة لي ماعرف اقراها
طلعت من الغرفة أبچي… بس هالمرة مو من الخوف
من الفرح
أول ما شافني نسر جمد بمكانه ثانية وحدة… واجه يركض إلي وصوته يرجف
نسر : هاا.... جوري؟
مديتله الورقة أخذها بإيد مرتجفة وعينه تركض بين السطور فجأة… ابتسم
وحفرة خده برزت بشكل واضح كأنه فرح اكثر مني بهاللحظة رفع عينه إلي وارتاح وجهه كله
نسر : الحمدلله
وردة : شنو مكتوب؟
قرب خطوة،ولسه مبتسم
نسر : مكتوب إنج بخير.. وماكو شي صار لج
ما حسيت بروحي إلا ودموعي نزلن مرة ثانية
وردة : يعني صح ما لمسني!
نسر : لاا.. وما راح يگدر بعد
رجلي خانتني حسيت روحي رخت من التعب
بسرعة لزمني
نسر : جوري…ها شبيج؟
وردة : أول مرة أحس نفسي نجيت الله خلصني
بتعدت عنه
نسر : يله نطلع هالمكان ما يليق ببداية راحتج
هزيت راسه ومشينا للسيارة صعدنا والورقة بأيده
نسر : تخليها يمي؟
وردة : أي.. عادي خليها
شغل وطلعنا
وردة : وين نروح؟
تنهد
نسر : سليمانية حتى تاخذين ملابسج واخذج واياي
سكتت لتفت
نسر : عندج عتراض؟
وردة : شلون اروح
نسر : مثل ماتبقين هنا على اقل هناك يمي وكدام
عيني وكذلك اخذلج بيت تاجري واذا تردين تشتغلين
هم أشوفلج شغل
سكتت
نسر : هاا؟
وردة : بكيفك
نسر : يعني نتوكل؟
هزيت راسي
وردة : اذا مثل متكول
باوع للطريق وبعدين رجعلي بنظرة قصيرة بيها
ارتياح
نسر : مو مثل ما أكول.. أحسن ألج
سكتت لف التقرير بحذر وكأنه شي غالي فتح
الچكمچه طلع منها جنطة جلد صغيرة متروسه
اوراقه خلا بينهم
كملنا الطرق طويل صف يم مطعم نزل شوي واجه
بأيده اكل
نسر : اكيد جوعانة
وردة : مااشتهي
نسر : مو بكيفج
طلع لفة شاورما وببسي قدمها
وردة : مشكور تعبتك هواي
نسر : ماكو تعب اصلاً مقصر وياج
رفعت عيني له
وردة : خفت يصيرلك شي بسبب
نسر : الكاتبه ربج هلا بي
اشر
نسر : يله أكلي
هزيت راسي واكلت وهو هم
نسر : من رجعت ومالكيتج عقلي طار
سكت باوعلي
نسر : يمكن اسوء يوم عشته بكل بحياتي
وردة : جنت منتظرتك والله
نسر : اعرف شفت كلشي بالكامرات
وردة : شراح يصير؟
نسر : كدرت انقل القضية وهناك يصير حسابه
وردة : وزواجي منه؟
نسر : مو زواج فعلي مجرد عقد شرعي بسهولة
ينتهي
وردة : والتقرير ممكن يفيد؟
نسر : بس نوصل احل كلشي
سكتت واكلت
نسر : وين إخذج؟
بلعت الكمة
وردة : البيتنا
رفع حواجبه
نسر : امممم.. بيتكم!
وردة : لما ردنا نتزوج قبل طلبت بيت بعيد وصغير
تحسر
نسر : اممم.. جنت اسمع يحجي بس مافكرت اندله
لان ميروحله له نادراً
وردة : شلون عرفت مكانه؟
نسر : ماعرفت بس بزمنا المهربجي وهو أخر امل
بقى والحمدلله حصلتج
سكتت وكملنا اكل شغل السيارة والطرق طويل
نسر : تنامين؟
وردة : ياريت
نسر : رجعي الكرسي
رجعته وسندت راسي على كشن ماحست على شي
غير صوته
نسر : جوجو
فزيت مرعوبة
نسر : اسم الله الرحمن
وردة : وين؟
نسر : أهدي وصلنا يله
وردة : ها وصلنا بسرعة
نسر : هههههه غير خبصتيها تشخرين
وردة : والله
ضحك
نسر : يله لمي ملابسج حتى نكمل طريقنا بغداد
ترحب بكم
نزلنا وفتح الباب دخلت للبيت ودي انام أسبوع من
التعب والقهر والخوف لي عشت بي
نسر : يله
هزيت راسي ودخلت للغرفة جمعت غراضي بجنطة
وخايفة بس ماعندي حل ثاني تاكدت مانسيت شي
طلعت هو كذلك جهز اغراضه
نسر : ها نروح؟
هزيت راسي
قبل مانطلع اخذ علاكة على ميز
نسر : اخذي جبتلج ككاو اللي تحبي
مديت ايدي من سمعت ككاو تراجعت وصفنت
بوجهه
نسر : اخذي شبيج!
وردة : لا مااريد
نسر : ولج اكلي بالطريق
وردة : لا مااريد
نظرلي بأستغراب
نسر : تمام يله
اخذ العلاكة وطلعنا وسد الباب.. صعدنا خله العلاكة
يمي بتعد عنها
نسر : شبيج؟
وردة : مابية
سكت بس مستغرب وضعي طلعنا
نسر : رجعي نامي اذا تردين
وردة : اي
سندت راسي على كشن بدون مااغفى بس بقت
عيني على شارع وادعي ربي مايضيعني لان
ماعندي غيره وماعرف اذا روحتي وي أمير زينة
لو هم بيها أذية
: يارب نطيني اشارة ودليني ماعرف اتصرف رتب
حياتي حباب لاتعوفني مثل ماعافوني
حسيت دمعة نزلت بطرف عيني مسحتها بسرعة
وخليت ساعدي على عيوني.. يمكن غفيت شوي
لان صحيت على صوت فتحت عيوني احنا بسيطرة
عدلت كعدتي
وردة : وصلنا؟
نسر : تقريباً
فركت وجهي
وردة : اريد ماي
نطاني بطل فتحته وشربت
نسر : بيج شي احس مو على بعضج
سديت القبق
وردة : شلون تريدني بعد كلشي صار وياي موزين
لسه مقاومة!
نسر : حقج
تحسرت ولفيت وجهي ذكرت مبايلي طلعته من
الجنطة وادخل ملهوفة على العبة نسيت روحي
واني العب لحد ماوصلنا صف السيارة
نسر : نزلي نتربك
وردة : ماشتهي مو هستوني اكلت بعدين وين
الصبح؟
نسر : غير فجر... يله بس كعدي كبالي اني اكل
وانت باعيلي
وردة : ليش؟
نسر : بسببج صار يومين مماكل
سكتت ونزلت
كعدنا وجابوا كيمر وكاهي وعسل
وردة : كتلك مااشتهي ليش طلبت
نسر :ضوگ ولو شوية الخاطري
هزيت راسي واكلت شوية وشربت بس چاي
بعدها مشينا مايقارب ساعة صف السيارة
يم المركز
نسر : جوري
لتفت
وردة : ها؟
نسر : عادي تبقين بالسيارة عندي شكم شغلة
اخلصها وارجع
وردة : اي عادي
نسر : تمام ماتأخر
هزيت راسي.. نزل مايقارب نص ساعة ماحسيت
بالوقت التهيت باللعبة رجع فتح الباب رفعت عيني
شفته لابس ملابس الدوام
ضحك
نسر : ها حلو؟
ضحكت
وردة : اجيت حتى تسألني؟
نسر : لا نسيت الملف بالسيارة.. بس كولي شلوني؟
وردة : هههههه ترعط رعط
ضحك
نسر : احبها ترعط رعط
فتح الچكمچه طلع ملفات
وردة : باهر وين؟
نسر : بالأستجواب
وردة : اكدر اشوفه؟
رفع عينه تنهد ورجع يتصف بالملف
نسر : ماعرف.. يله اذا تردين نزلي هنا خاف مليتي
هزيت راسي ورجع نزل.. بقيت العب لحد ما المبايل
صار شحن احمر تركته وبعده مااجه نزلت وهاي اول
مرة رجلية دوس هل ارض اول مانزلت كلت
وردة : بسم الله الرحمن الرحيم
سديت الباب وشفت اكو محل دخلت شتريت ماي
وبقيت افتر شتريت بسكت وعصير حاسيت وطلعت
كعدت على رصيف اكل
ماحس له شعري نجر لتفت واشوف طفل ضحكت
وردة : ااااع ولك من هسه سرسري وتتحارش لو
كبرت شلون!
ضحك ورجع لزم شعري ميفهم بعده اقل خمس
سنوات
وردة : تعال هاك
نطيته بسكت اخذها وصار يكمز اجه ابو اخذه
ولتفت يسوي باي بأيده سويتله وضحكت
وردة : زين اصغر احباب الله رحبوا بية
كملت اكل ومليت والجو حاار واني لابسه بلوز متت
احس نفسي كسبت.. نهضت وكفت باب المركز اكو
شرطي قرب
: تفضلي خوية محتاجة شي
وردة : وياي؟
: لا وي ابوي جا أكو غيرج؟
وردة : اي اريد النقيب أمير
باوعلي بتفحض كال
: دخلي وعلى ايدج اليسرة يصير مكتبه
هزيت راسي ومشيت اتلفت بين الناس لحد ما
وصلت بس مااعرف اي غرفة شفت شرطي
وردة : عموو وين مكتب النقيب امير
أشر على غرفة
: هذا
وردة : مشكور
مشيت واعصر بأيدي.. الباب مردود خليت أيدي
على مقبض قبل ماادخل اجه صوت ترس أذني
: ولك تحجي صدك جايب كـ**** الناس شتكول؟
صاح
نسر : احترم نفسك لاتغلط عليها
: اصحى ولكككك اصحى كاولية الناس تاكل وجهك
نسر : طزززز بالناس وكلامهم
: باچر يعيروك بيها بكل مكان تكدر تخسر سمعتك؟
وسمعت أهلك ابوك وعمك مافكرت بيهم؟!
نسر : مافكرت ولا أفكر وهذا كلامك مو وكته
إيدي نزلت عن المقبض فجأة حسيت الدنيا داستني
للمرة الألف هذا الي متوقعته اعرف الناس شنو تشوف
وشنو تحجي
مو أول مرة أحد يحچي علية بس ماأريد أميـر يتأذه
بسببي ماأريد وجودي يجيبله العار
دمعت ورجعت خطوة
وين ما أروح أصير حمل. عار. مشكلة. شي لازم يخفوه
رغم أمير زين ودافع عني بس حتى الزينين ما يكدرون يغيرون نظرة الناس وشكد يريد يدافع؟... وشكم حلك
يسكت؟
لفيت ومشيت بسرعةكل خطوة ترجعني لفكرة وحده
ماكو مكان إلي هنا.
