رواية بديلة اختي الفصل التاسع عشر بقلم خاتون الكعبي
تذكير
تمارة : مناسية نفسي بس سواء قبلت او لا ابقة مرتك حتة لو لشكم شهر يعني من واجبك انتة اتوصلني
شاهين : ههه جديدة هاي مرتك
تمارة بخبث : اي مرتك واكو اوراق تثبت هذة الشي
شاهين بمكر : مريتي
تمارة ببتسامة : يروحهة
شاهين برود : طالك
تمارة بعدم استيعاب : شنوو
شاهين : مثل ما سمعتي طالك والعصر ادزلج عماد بوراق الطلاك وافلوسج تاخذيهن والله وياج
تمارة بصدمة : شاهين اش..
شاهين : سديتة بوجهة قبل لا تكمل حجيهة وشمرت التليفون ع الطاولة ما ناقصني غير هاية تجي تشرط علية واشوية ودخل عمار باوعتلة برود وكلت
شاهين : خير
عمار : عود صدك طلكتهة
شاهين برود : اي
عمار بصدمة : لك مصارلك شهر من مزوجهة والبنية هسة دكت علية تنوح وتلطم تكول ما عندي مكان ثاني اروحلة وشقة اشرف وسدوهة وبناتهة كلهن اعتقلوهن دبقيهة يمكم بس هل شهر بين ما يطلع اشرف العار
شاهين بسخرية : ومنو كلك راح يطلع
عمار بستغراب : ليش مطلعة
شاهين برود : اطلعة بس مو هسة الحد ما يتوب
عمار : والبنية
شاهين : انته اصرف بيهة
عمار : شصرف بيهة قابل اني الزوجتهة
شاهين برود : هاهية لعد لا اصير حنين براسي وعوفهة طبهة مرض
عمار : عود صدك تحجي
شاهين : ليش مشاقي وياك قبل
عمار بنرفزة : زين طلكهة ما اكلك لا اطلكهة بس بقيهة بشقتك هل شهر اعتبرهة مؤجرة خدامة تنظفلك الشقة الحد ما اطلع اشرف وهوة يصرف بيهة
شاهين برود : ماشي بس من هسة اكلك ونبهة اي حركة منهة متعجبني لا اتلوم الة نفسهة وجهزلي اوراق اطلاك للعصر اريدهن كاملات
عماد بستهزاء : حاضر تأمرني بشي ثاني
شاهين : لا اطلع وسد الباب وراك
عماد : زفرت انفاسي بنرفزة من تصرفاتة وطلعت من مكتبة و....
______________
اوتار
اوتار بعصبية : لا والله وانتة اشدخلك عندي ام واخ همة المسؤلين عني فهمت انتة ملك علاقة
محمد: اوتار تكفي شري لا بال...
اوتار : قاطعة جدو وهوة يعيط علينة بعصبية ورزلنة اثنيناتنة بس برد كلبي لمن كلة مالك دخل بيهة لا اخوهة ولا زوجهة حتة تتحكم بيهة اباوع ع محمد اعيونة شاطت نارر من العصبية وكبل كام طلع برة
وره اشوية جدو راح للستقبال وكال لكرار يروح يصيح محمد باوعت من شباك الصالة لمن دخل محمد للستقبال وظليت متحركنة والفظول يقرك الف عندي حتة اعرف اديحجي ويا وره تقريباً ربع ساعة يلة طلع محمد من الستقبال وخلقتة مكلوبة مية وثماين درجة وخرت بسرعة من الشباك لمن شفتة جاي بتجاه الصالة
اباوعلة دخل بسرعة حتة من دون مينتبهلي وصعد كبل الغرفتة توترت وخفت من تصرفة بس ابنفس الوقت احس مي بارد ونزل ع كلبي
خل يضوك اشوية من الوعة الجان مضوكني ياهة كلت هيج ودخلت الغرفتي و........
_____________
مرسلين
مرسلين 💬 :وهسة اشرايد خوية
عماد 💬 ؛ معرف شنو اكلج او اشلون افاتحج بهذة الموضوع بصراحة بس اني كلت الأختج من قبل وهية الشجعتني ع هاي الخطوة
مرسلين 💬: اي خطوة خوية مدا افتهم عليك
عماد 💬 : احبج
مرسلين : ظليت صافنة ع شاشة معرف شرد او شنو احجي اخر شي حضرتة ومسحت كل الرسائل البينة مبية حيل مشكلة جديدة كافيني الي بية وحتة تقى مدكيت عليهة كبل لفية راسي ونمت ومنا للخمسة العصر يلة فزيت ع صوت تليفوني يدك عفية تليفون ميسكت كلت هيج واني اجرة من ع الميز وباوع ع شاشة التليفون بنعاس طلعت اوتار رديت عليهة واني مغمضة اعيوني بنعاس وكلت
مرسلين : الوو
اوتار : الو هلو بالكاطة شلونج حب مشتاقتلج
مرسلين بنعاس : متنجبين ع اساس انتي مكطعة المكالمات علية وتمام وانتي
اوتار : هههه حقيرة دايماً ادوك عليج بس انتة مختفية ومو زينة باجر عندي خطوبة صديقتي وحايرة شلبس
مرسلين : ههه والله ملتهية بهل امتحانات وبختت انتي اشبعي ادياحة واني ظالة مكابلة الحايط
اوتار : عوذة بعينج لج صارلي اشكد مطالعة بس للكلية المهم اشرئيج تجين تباتين يمنة وهم نختارلي فستان حلو ونكعد انسولف صارلنة اهواي مكاعدين سوة وباجر جمعة يعني معندج شي
مرسلين : اوكي لعد بس اسئل بابا خاف ميقبل اجي
اوتار : ماشي منتظرتج مو تتأخرين
مرسلين : لا متأخر يلة باي كلت هيج وسديت التليفون ورجعتة ع الميز وكمت غسلت وصليت قضاء ونزلت جوة شفت الكل مجتمع بصالة اخواني وبابا كاعدين يشربون جاي وامي كاعدة تخيط والبنات كاعدادت بصفهة رحت شلت علوش وبستة وكعدت بصف بابا وحاجيتة ع الروحة وطبعاً مقبل الة احجي وية السيد شاهين واخذ اذنة بس هل مرة عندت ويبست راس ومرضيت اخابرة اباوع ع بابا عند اكثر مني وحتة مقبل اروح فعلاً اجيت ابجي واول مكمت صاحني اخوية محسن وحجة وية بابا الحد مقنعة اروح وهوة يوصلني بست اخوية محسن بفرح من خدة وصعدت فوك بسرعة
بدلة ملابسي ولبست اتراك طويل بدال البرمودة خاف انزع الصاية اهناك ولبست صايتي ولفيت شالي اشلون مكان واني اسمع اخوية محسن يصيح علية لأن اتأخرت واخذت تليفوني ونزلت بسرعة وصلني محسن البيت جدو ودخل وياي سلم ع جدو وبيبي وراح واني ظليت اشوية كاعدة وياهم وراهة اوتار جرتني الغرفتهة دخل وكعدت ع الجرباية وبدت هية اطلع بفساتينهة حتة تختار الحد ما ثبتنة ع واحد بسيط وحلو لونة سمائي وراهة صاحونة ع العشة نزعت صايتي وعدلت شالي وطلعنة اني واوتار تعشينة وياهم بس انتبهت ع نظرات محمد عليهة طول العشة وهية ولا يمهة عرفت صاير شي بيناتهم ومبين الجو متوتر كملنة عشة
وشلنة المواعين اني واوتار غسلناهن ودزينة ابن عمو كرار ع حلويات وكعدنة انسولف اني واوتار ونتفرج ع فلم الحد مكتلهة
مرسلين : اوتاار
اوتار وهية تباوع الفلم : همم
مرسلين : صاير شي بينج وبين محمد
اوتار برود : لا
مرسلين : لعد
اوتار : ماكو شي هاهية انتهينة حب من طرف واحد وانتهة وسديت صفحتة من حياتي
مرسلين : متأكدة
اوتار : متأكدة
مرسلين بسخرية : وكلبج
اوتار ببتسامة: شبي
مرسلين : يكدر يبعد عنة وميفكر بي
اوتار : احركة اذا فكر بي بعد
مرسلين : ههه مطورين
اوتار : من زمان
مرسلين : ضحكت وهزيت راسي بتعجب وكلت كومي شوفينة اسبلت اشبي متت حرر شنو يبرد انفسة
اوتار : والله معرف اشبي صارلة يومين هيج
مرسلين :خو منام هيج غير نموت حر كولي الواحد من الولد خل ايشوفة
اوتار : لج حصير بالوحدة كلهم نايمين شكلهم قابل اروح اكعدهم هسة
مرسلين : لعد اشلون انام هيجي
اوتار : ههه اشرئج اروح الغرفة سارة وبتهال
مرسلين : اموت حر ولا اروحلهن اشلون اثنين او ازعلين بس اختج عكرة وما تنحمل
اوتار : هههه لا والله طيوبة بس انتي وياهة من زمان امالخ
مرسلين : ضربتهة بألمخدة وكلت دشوفينة حل هسة بدال مكاعدة تتمضحكين
اوتار : هههه اوكي شوفي عدنة حل من الثنين يا انام بصالة ع المبردة التخوط بروحهة يا بالأستقبال ع السبلت
مرسلين : علة مود انصير فضيحة الله اوكبر بالصالة وما شألله شلون علية نومة تخبل وبالأستقبال هيجي واجانة خطار من الصبح ودخل وشافنة حتة نحصلنة كتلة معدلة من جدج
اوتار : هههه لا ولج اني اكعد من الصبح حتة اروح وية صديقتي للصالون فأ اكعدج وياي
مرسلين بتردد : ماشي بس والله اذا ترزلنة اجي اكسرج
اوتار : هههه اوكي وهسة تعالي خل انطلعنة افراشات
مرسلين : هزيت راسي ورحت اخذت فراش وغطة من الكنتور وطلعت هية من الغرفة واني وراهة جان البيت هادي وظلمة اذا اذبين ابرة ينسمع بي دخلنة للأستقبال ولفحتنة البرودة زفرت انافسي براحة وفرشت افراشي كدام اسبلت واوتار بصفي وجريت مخدة من ع الكرويتة وحطيت راسي وتغطيت لحظات قليلة ورحت بسابع نومة ع برودت اسبلت والهدؤ
وللصبح يلة فزيت ع صوت تبسبس خفيف فتحت اعيوني بنعاس واني احس روحي محاوطة من خصري بشي ضخم باوعت ع مكاني متغير لحظات بقيت ارمش بعيوني بصدمة احاول استوعب اني وين اباوع ع شاهين نايم بصفي ومحاوط ادي بخصري لحظات قليلة يلة صحيت من صدمتي وكمت ادفع بي بقوة بس ماكو ميندفع عبالك حجر ورفعت راسي ع صوت بيبي وهية تكول من وراي
بيبية مرسلين : لجج فلك اصابج عوفي الولد نايم توة اجة من الدوام عوفي يرتاح
مرسلين : فتحت اعيوني بصدمة واني اشوفهة واكفة فوك راسي وكاتمة ضحكتهة وبصفهة بت عمتي سارة تباوعلنة بحقد وتخوزر احتقن وجهي من الفشلة اباوع ع بيبي ضحكت وجرت سارة وطلعت من الأستقبال رجعت عيني ع شاهين بعصبية وخجل وكمت ادفع بي واكول
مرسلين بعصبية : شااهين شاااهين اكعدد شاهين اكعدد اباوعلة حرك حواجبة بنزعاج وقربني اكثر علي وكال وهوة مغمض اعيونة
شاهين : اسكتي خليني نايم
مرسلين بنزعاج وهية تتحرك : نام بس عوفني خل اكووم لا يدخل واحد ويشوفنة هيج شيكول علينة وبعدين اجابك بصفي هاا
شاهين : اثبتي اريد انام واني رجال نايم بحالي انتي الجيتي ولزكتي روحج بصفي
مرسلين بصدمة : عززا بعينك يا ج.. سكتت واني اشوف جدو داخل للأستقبال ولا اردين دفنت راسي بصدرة من الخجل واني اسمع جدو يكول الشاهين
الجد بعصبية: شعدك نايم اهنا وتحظن بيهة كدامنة ما تستحي عود ازوجهة وحظن بيهة براحتك وهسة يلة كوم روح البيتكم من غير مطرود
شاهين برود : ترى هية مرتي يعني عسة ما اخذهة وياي للبيت محد الة عندي شي وهذيج مرتك وروح احظنهة ما لازمك
مرسلين : اسمع كلامة واتمنة الكاع تنشك وطمني اباوعلة ولا اهتم الوكفت جدو او كلامة جر الغطة ع روسنة وقربني اكثر علي ورجع غمض اعيونة اباوع ع جدو من جوة الغطة حرك ايدة وطلع وخرت الغطة من راسي اول مشفتة طلع وكلت بعصبية
مرسلين : اشلون تحجي هيج وية جدو مو عيب هسة عبالة بيناتنة شي ويلة وخر اريد اكووم كافي الفضيحة النفضحتهة كدام جدو وبيبي بسببك
شاهين برود : اسكتين لو شلون اليوم
مرسلين : ما اسكت الحد ما تعوفني اريد ارجع البيتنة
شاهين وهوة رافع حاجبة : صدك انتي اشلون تجين اهنا ومتكليلي
مرسلين : وليش اكلك ق.. نطت اعيوني بوجع واني احس بيدي تعصر بخصري بقوة اباوع ع ملامح وجهة تغيرت للحدة وهوة يكول
شاهين : هاي ع مود تتعلمين بعد اشلون اطلعين وما تكليلي
مرسلين بوجع : اووي وخرر شاهين فدوة دتوجعني
شاهين : خففت قبضتي عن خصرهة لمن شفت اعيونهة دمعن وشفايفهة اشلون مبرطمة ابتسمت برود فعلاً طفلة كلت هيج واني امرر ابهامي ع خدهة اباوعلهة توترت وخدودهة صارن حمر دنكت ع اذنهة وهمست بصوت ناصي
شاهين : طفلة
مرسلين : احس كلبي ع ساعة ويوكف
من قربة علية واخدودي اشتعلاً نار من ملمس ادي ع خدي وانفاسة الحارة وهوة يهمسلي بأكثر كلمة اكرهة طفلة باوعتلة بغضب طفولي وخجل بنفس الوقت ودفعتة من صدرة وكلت
مرسلين : لعد وخرر عني مو طفلة اباوعلة ابتسم واول مأجة يحجي سمعنة صوت اعياط عالي مال عمة ام اخلاص وبناتهة وصوت بجي وصريخ
لزمت كلبي بيدي من الخوف وباوعت ع شاهين عقد حاجبة بستغراب وكام بسرعة طلع من الأستقبال و........
________________
محمد
صافن ع النهر وابتسامة السخرية مرسومة ع وجهي واني اذكر اشلون مرسلين جانت نايمة بحظن شاهين
اذكر بالحظتهة مهتزيت بقدر شعرة او ضجت علة شكلهم سوة كد مضجت وغرت
ع اوتار الي جانت استوهة كاعدة من النوم وشعرهة نازل ع طول جتفهة وخدودهة صايرات حمر من ورة السبلت غمضت اعيوني واني اذكر شكلهة مرة ثانية وابتسم براحة فتحت اعيوني وباوعت ع صديقي حيدر الجان كاعد بصفي وكلت
محمد : احبهة
حيدر : منية
محمد : الأوتار
حيدر بسخرية : بعد وكت زين تتوقع راح تقبل بيك بعد كل يلي سويتة بيهة
محمد برود : تقبل ليش لا هية تحبني ومتأكد راح تنسئ كل يلي صار
حيدر : ههه مستحيل تقبل
محمد بثقة : ماكو شي اسمة مستحيل ع الدكتور محمد يلة اترخص
حيدر بسخرية: مرخوص
محمد : باوعتلة برود وكمت ركبت سيارتي و..........
______________
مرسلين
كمت وره شاهين لبست شالي وطلعت برة اباوع علة عمة ام اخلاص كاعدة بنص الطرمة تعيط وتخرمش بخدودهة وبناتهة بصفهة يبجن والكل ملتمين عليهن خفت من منظهراً وصرت ورة بيبيتي اباوع ع شاهين راح كومهة ودخلهة للصالة وجدو اشرلة يجي هزلة راسة بمعنة اي وصاح ع سارة اجيب العمة مي وطلع ورة جدو هوة و عمو ابو محمد
وبيبيتي كعدت تهدي بعمة وتسكت بيهة مفتهمت شي من كلامهن غير انو رجل عمة واخوانة هاجمين ع بيت واحد طالبي فلوس مدري شنو داكيهم بس رجل عمتي مصوبلة وحد من اهل البيت وهل واحد ميت خطية اباوع ع بنات عمة منتهيات من البجي وعمتي ادك وتطلم ع رجلهة واول مدخل جدو للصالة عمة كامت تبجي وتتوسل بي ع رجلهة وبيتهة لأن مهددين يحركو الحد مجدو زمخ بيهة بعصبية وكال
الجد : كاافي اسكتتي لا تنوحين ورجلج العار هذة اني اعرف شغلي ويا وشاهين راح للمركز ايشوفة ويشوف اهل الولد وان شألله خير
مرسلين : اباوع ع عمتي خنست ورة مزمخ عليهة جدو ورة فترة قصيرة التمو كول عمامي ونسوانهم بالبيت حتة ماما والبنات اجن وعمامي راحو ورة شاهين للمركز اني رحت جريت ماما من الهوسة وكلت
مرسلين بهمس: ماما اريد ابدل الولد كلهم التمو واني باقية بهل تراك حتة عيب
ام مرسلين : فلك اصابج دومج مخزيتنة وصيت زهراء ايجيبلج دشداشة روحي شوفيهة جابت
مرسلين : هزت راسي بضوجة ورحت سئلت مرة اخوية زهراء والف الحمد لله طلعت جايبتلي اخذتهة منهة ورحت سبحت بغرفة اوتار ولبست الدشداشة اباوعلهة بالمراية تقريباً هاي اضيك دشداشة عندي ومن زمان مكمت البسهة ادري ملكت اجيبلي غير هاي كلت هيج واني مدنكة راسي وارفع بدلعتهة ولميت شعري كعكة ولبست شالي وطلعت شربتلي جاي بالمطبخ ورجعت للصالة سئلت ع عمامي وبابا طلعو بعدهم مجايين رجعت وية البنات للمطبخ وبدينة انسوي غدة كلمنة وصبينا ورة مرجوع عمامي وشاهين ودخلو للأستقبال
بس محد اكلة الكل مسدودة نفسة وانكسر كلبي ع عمة واني اشوفهة صافنة ع الأكل ودمعتهة ع خدهة كملنة غدة وكمنة اني والبنات لمينة المواعين وغسلناهن وسوينة جاي اني وسارة صبينة صينيتين اكبار ودخلنة ورة النسوان للأستقبال اباوع ع شاهين مترئس الكعدة هوة وجدو ومبين ع وجهم اضيق وجدو كول ساعة وساب رجل عمة وزعنالهم الجاي واول مأجت عيني بعين شاهين حصلتلي خزرة معدلة منة وهوة يأشر بعيونة ع دشداشتي بلعت ريكي بتوتر وكعدت بصف ماما
وبدو يسولفون ع موضوع زوج عمة واول مكال ينسجن عمتي عاطت وكامت تبجي وبيبي تهدي بيهة وجدو بدة يحجي عن سالفة الفصل لأن صارت بيهة مكتول اكيد راح تدخل بيهة العشاير وراح اصير كعدة بين العشيرتين وعمتي انهارت اكثر كمت جبتلهة اكلاص مي شربتهة يا بيبي يلة اشوية هدت واخذت صينية الستكاين ودخلت للمطبخ حطيتهة ع السنك واول مأجيت اطلع صار شاهين اكبالي
اباوع ع اعيونة تجدح نار لا ارادين رجعت ليورة من الخوف وهوة بدة يتقرب علية بخطوات بطيئة الحد ملزكت بالحايط وصار كدامي نزلت راسي بتوتر وكلت
مرسلين : شاهين وخر شب..قاطعني بصوت حاد وعصبي خلاني ارجف من الخوف وهوة يكول
شاهين : اشكلتي النفسج وانتي تلبسين هاي الخركة هااا
مرسلين : ضليت ساكتة من الخوف واني احس مثل الغصة صارت ابلعومي اباوعلة اشدت ملامحة وعاط بصوت عالي اكثر وهوة يكول
شاهين : متحجين موو احجي ويااج شهلل لبس هااا
مرسلين بخوف وهية تبلع بريكة : .ما ادري.. هيج ..ضيكة.. زهراء.جا..جابتلي ياهة.. ومعندي لبس ..غيرهة اهنا فأ. اضطريت ..البسهة كلت اخر كلمة واني مدنكة راسي من الخوف ومن شكلة المرعب احسة اشوية ويهجم علية وهوة كام يصيح ع سارة بصوت عالي الحد مأجتة تركض باوعتلي وهية رافعة حاجبهة بستغراب وكالت
سارة : ها شاهين صحتني
شاهين بعصبية مكتومة : اي اخذي هاي وخليهة تغير هل خركة الابستهة لا احركهة عليهة
مرسلين : متلت اعيوني بالدموع من كلامة اباوعلة عافني وطلع وسارة ظلت تفر ايدهة وكالت تعالي وراي غسلت وجهي ع السنك ودخلت وراهة الغرفتهة انطتني دشداشة من عدهة لبستهة وباوع ع روحي بالمراية بيبيتي متلبس هيج مبينة قديمة وعريضة حيل وبيهة طول اباوع ع الدلعة مالتهة جبيرة بحيث طالع نص صدري منهة مهتميت واخذت شالي ولبستة وحطيت الجزء الباقي منة ع صدري حتة يغطي واول مبيدت انزل سمعت صوت اعياط عمتي رج البيت رج اجيت اوكع من الدرج من الخوف ونزلت بسرعة وشفت الولد وعمامي كلهم طالعين وجدو طلع وراهم اباوع ع عمتي شاكة دشداشتهة بنص وبناتهة يبجن وياهة
سئلت زهراء بخوف شكو اصاير كلتلي اخوان الزلمة المكتول حاركين بيت عمة وبيوت اخوان رجلهة الباقين فتحت اعيوني بصدمة وباوعت ع عمتي انتهت كولش لا كامت تحرك لا ايد ولا رجل كامت لبست عمتي ام محمد عبايتهة وسندتهة هية وامي ودنهة للمضمدة اليمنة لأن ارتفع ضغطهة من الهبطة و......
_____________
اوتار
فزيت من نومتي ع ايد امي وهية تهز بجتي وتكول
ام اوتار : دهر الصابج اكعدي اشعدجن نايمات اهنانة وصديقتج صارلهة ساعة ادك عليج
اوتار : اول مكالت صديقتج فزيت من نومتي بس لا اتأخرت عليهة باوعت ع الساعة المعلكة ع الحايط استوهة بثمانية تنفست براحة واول مدرت راسي ع افراش مرسلين ماكو لكيت افراشهة فارغ معقولة كاعدة قبلي كلت هيج واني اتلفت براسي بالأستقبال الحد مثبتت عيني بصدمة ع نهاية الأستقبال واني اشوف شاهين نايم وست مرسلين دافنة راسهة بحظنة عززة بعينهة والله اذا شافهم جدو يذبحهة ع القبلة كلت هيج واني اجر شالي بأحرج وحطة ع راسي وطلع بسرعة ورة ماما شفتهة كاعدة بالصالة هية وبيبي صبحت عليهم واني اسمع ماما تكول البيبي
ام اوتار : لو شايفتهم واحد نايم بحظن الثاني ع ساعة ويكعد ابوية ويشوفهم شيكول
بيبية مرسلين : شيكول يعني رجال ومرتة قابل حرام
اوتار : يعني هوة جان نايم عدنة من البارحة
ام اوتار : لا اجة من الصبح من الخفارة حتة يسلم علة جدج ويصبح علي لأن جدج صارلة يومين زعلاً علي لأن ما يمر علي ولمن عرف بجدج بعدة نايم راد يروح بس بيبيتج لزمت علي الة يبقة يرتاح وينام اهنا اليكول معرف بسوالفة
اوتار : اباوع ع امي نهت كلامهة وهية تباوع ع بيبيتي صفح اعرفهة تريد ازوج اختي سارة الشاهين وبيبي دتحاول تقرب شاهين من مرسلين بكل الطرق وطبعاً هل شي معاجب لا ماما ولا خالتي ام اخلاص وبناتهة وبيبيتي ما سكتت ظلت تترادد هية وماما الحد ممليت ودخلت الغرفتي شفت فجر داكة علية اكثر من مرة اخر شي دزتلي رسالة مكتوب بيهة حضري نفسج ربع ساعة ونجيج قريتهة وبسرعة شمرت التليفون ع الجرباية ودخلت سبحت ولبست بنطرون وتشيرت عاديات وفوكاهن صايتي وحطيت فستاني بعلاكة واول ملفيت شالي دكت علية فجر عرفتهة وصلت رفضت المكالمة وشلت تليفوني وعلاكة الفستان وطلعت ركض ودعت بيبي وامي وطلعت من البيت شفت سيارة اخوهة صافة اكبال بيتنة ركبت ورة وصبحت عليهم وصلنة للصالون
وبدة ام الصالون اول شي بفجر حف وتنظيف بشرة ومساج واني وراهة بس مخليتهة تلعب بحواجبي او بشعري شي بقيتهن ع طبيعتهن احلة وراهة بدت بالمكياج وتسريحة الشعر اباوع ع فجر طلعت مثل العابة اتجنن ربي يحفظهة منا للثنتين يلة خلصتهة وكامت فجر لبست فستانهة بلون بصلي فاتح برز تفاصيل جسمهة اكثر وكفت كدامي وباوعتلي بمعنة شلون هزيتلهة راسي ببتسامة ولا ارادين رحت حظنتهة احس اعيوني امتلت ادموع الفرح خطوبة اختي اشلون ما افرح وخرت منهة لأن حسيت بيهة ع شوية وتبجي وتخرب مكياجهة
وبدت ام الصالون بية مكيجتني مكياج بسيط مثل مكلتلهة وشعري بس سرحتة وعفتة نازل ع طولة ورحت لبست فستاني السمائي وية كعب اسود ولبست صايتي وشالي وطلعت رمشت فجر ع اخوهة وبديت البسهة بالبرنص وأقل من عشر دقايق وجة اخوهة طلعنة ركبنة بسيارتة وهوة بدة يشاقهية ويضحك لأن شافهة متوترة وصلنة البيتهم واول مدخلنة استقبلنة امهة وعماتهة بالهلاهل وخررو البرنص عن فجر وكعدوهة ع كوشة ازغيرة بالصالة اشرت الأخت فجر ع مكان انزع بي جبتي صعدتني الغرفتهم نزعت جبتي وشالي وعدلت شعري الدخربط من ورة الشال ورجعت نزلت جوة
وستلمناهة دك وركص اني واخت فجر وبنات عمهة الحد مصاحو اجا العريس وبداً يدخلاً النسوان اباوع ع فجر انخطف لونهة رحت وكفت بصفهة واني اهدي بيهة ونسوانهم بداً يهوسن ويركصن الحد مصاحو حيعقدون باوعتلي فجر بتوتر واخذتهة امهة حتة يعقدولهة خمس دقايق ورجعت الهلاهل اشتغلت وتم العقد ع خير واول مكالو حيدخل العريس صعدنة بسرعة اني واخت فجر فوك لبسنة صاياتنة والشالات ونزلنة اباوع ع فادي داخل وفجر صايرة طماطة بصفة من الخجل لبسو الحلقات وكلو بعض الكيك والعصير وباسهة براسهة قبل لا يطلع اباوعلهة اجت اسيح من الخجل واول مطلع قربت عليهة وكلت بهمس
اوتار : عشنة وشفنة فجيرة خجلانة
فجر : انجبي لا اكوم اسحلج اهنا ترة لا عبالج عروس واسكتلج
اوتار : ضحكت ع حجيهة ورجعنة نهز ونركص ورة مراحو اهل العريس وكومنة فجر ويانة ورة فترة اجتني اخت فجر تركض وهية لازمة تليفوني انطتني ياه وكالت صارلة ساعة يدك عقدت حاجبي بستغراب وباوعت ع شاشة المبايل محمد ديتصل واول مفتحت خط اجاني صوتة يرعد بالرزايل والصياح الحد منهة كلامة وهوة يكول
محمد بعصيبة : اني واكف كدام بابهم الج خمس دقايق دقيقة وحدة تأخير لا تلومين الة نفسج
اوتار : كال هيج وسدا بوجهي ظليت صافنة ع المبايل مثل الثولة الحد مهزت جتفي اخت فجر وهية تكول شبيج صحيت من صفنتي وكتلهة لازم ارجع ورحت بسرعة لبست جبتي وشالي وسلمت ع فجر وامهة وطلعت بسرعة من بيتهم شفتة صاف سيارتة كدام الباب رحت ركبتهة وكلت
اوتار : شكو شبيك تعيط حتة خجلتني كدام البنات
محمد بعصبية : حقج عيني انتي كاعدة اهنا ادكين وتركصين والبيت مكلوب كلاب
اوتار بخوف : ليش شكو اصاير
محمد : رجل خالتج الشفية كاتلة واحد وساجني وهسة اهل المكتول رايحين حاركين بيتة
اوتار بصدمة : ياا صدوك خطية وخالة هسة اصاير بيهة
محمد : منتهية والضغط صعد عدهة
اوتار : سكتت واني ارجع افتح بمايلي وشوف كمية ارسائل والمكالمات من امي واختي سارة ظليت صافنة ع الجامة بتوتر وخوف الحد موصلنة للبيت و............
______________
مرسلين
اباوع ع البيت كولة متوتر وبيبيتي لازمة اسبحة وسبح بيهة ورة فترة يلة رجعن مرة عمو وامي وهنة ساندات عمة وكعدنهة بغرفة بيبي والتمن نسوان عمامي وعمتي ام اوتار حواليهة وكعدت بيبي بصفهة ورة ربع ساعة دخلت اوتار تركض خطية وجهة اصفر مبينة استوهة سمعت بالي صار اجت سلمت ع عمتي وبناتهة وراحت بدلة ملابسة ورجعت كعدت بصفي هذة كولة وعمامي والولد بعدهم مجايين حتة جدو اندك عليهم ماكو للمغرب دخل جدو والولد عمتي كبل كامتلهم تسئلهم ع البيت باوعلهة جدو بضيق ودنك راسة وهوة يكول صاير رماد عمتي من الصدمة منطقت بشي بس ادموعهة اليجرن رجع كعدهة شاهين ع الجربايهة وهوة يهدي بيهة ويكول
شاهين : يرجع كلشي مثل ما جان واحسن بس انتي اهدي وصيري قوية علة مودج وعلة مود بناتج المبقالهن سند بهل دنية غيرج
مرسلين : اباوعلهة سكتت وهية تهزلة راسهة وتمسح بدموعة مر هل يوم علينة مثل الكابوس مشكلة ورة مشكلة ولليل يلة كدرنة نرجع البيتنة احس جسمي كولة ايون علية من التعب واول مدخلنة كبل صعدت الغرفتي سبحت وذبيت روحي مثل الميتة ع الجرباية ما كعدت غير الثاني يوم بالعشرة الصبح ع صوت مرة اخوية وهية تكعدني
فزت من مكاني واني اباوع ع الساعة بنعاس ودخلت سبحت وصليت ونزلت جوة صبحت ع اهلي ورحت للمطبخ تريكت ونظفت البيت وية زهراء وسن وتصلت بأوتار حتة اطمن علة عمة كلتلي صارت احسن بس من البارحة لا اكل ولا شرب بس صافنة وتفكر
وللعصر كلت الأمي اروح البيت جدو بس مقبلت كالت بالليل اروح وية ابوج كتلهة ماشي ورحت للمطبخ دخلت سويت جاي واني اسمع اباب البيت يندك طلع اخوية محسن يشوف منو ورة اشوية شفت جدو من شباك المطبخ يدخل وراه شاهين عقدت حاجبي بستغراب واني اباوع ع ملامح شاهين مظلمة مثل الكاتم عصبيتة ودخلو للستقبال وطلع بابا يسلم عليهم اشوية واجة اخوية محسن ع الجاي بس جانت ملامح وجهة مثل المنزعجة
صبيتلة الجاي وانطيتة الصينية راح بسرعة للستقبال ومنا للمغرب يلة راحو جدو وشاهين
ودخل بابا واخواني اباوع ع بابا نظرات القهر بعيونة واخواني يباوعلي بنظرا كسر احسهم حتة ميكدرون يحطون عينهم بعيني وصعدو بسرعة فوك سئلتة ماما بخوف شكو وبابا باوعلي وكال بتنهيدة طويلة
ابو مرسلين :............
