رواية بديلة اختي الفصل العشرون بقلم خاتون الكعبي
تذكير
ابو مرسلين : بوية مرسلين تعالي اهنا
مرسلين : اباوعلة كعد ع الكرويتة بتعب واشرلي ع مكان بصفة بلعت ريكي بخوف وقربت علي كعدت يمة واني اباوع ع بابا يتنهد ويذب حسرات وحط ايدة ع جتفي ببتسامة توتر وهوة يكول
ابو مرسلين : بنيتي شوفي اجاني شاهين هوة وجدج مساعة وتعذر مني ع سالفة الطلاك وكال جانت بساعة عصبية وهسة هوة متندم علي
مرسلين بسخرية : اي
ابو مرسلين : وتقدملج مرة ثانية وجدج موافق ويريد ايسوي العرس الأسبوع الجاي بمهر وعقد جديد
ام مرسلين ببتسامة : وشكد المهر
ابو مرسلين : حاضر ( *** ) وغايب ( ***)
مرسلين : اباوع ع ماما ضلت ترمش بعيونهة بصدمة ع الفرق الشاسع بين المقدم والمؤخر باوعت ع بابا بعيون مدمعة وابتسامة منكسرة وكلت
مرسلين : يعني بعتني صح
ابو مرسلين بحزن: شهل حجي بوية انتي بنيتي كطعة من كلبي اكو واحد يبيع بنيتة واصلاً اني ما ردت هيج مهر بس جدج وافق وم..قاطعة مرسلين كلامة وهية تنتر ايدة عن جتفهة وتصرخ بصوت عالي ودموع
مرسلين : مااا اكدرريت موو ماا اكدريتت اتكللة ماا اريد ابيع بنتي بوية مااا اكدريت اتكلة بوية اشون تقبل ازوج حفيدتك بهيجي مهررر ماا اكددريت تكلة بنتي متريدة مطططيقة هااا مااا اكدريت تكلة مااا اكدررر اكسرر بختهة بهيجي قسمة واخررب مستقبلهة طموحة الأحلااام الجاانت بانيتهة حياتتهة مااا اكدرر....
سكتت واني احس بحرارة ايد ابوية ع خدي باوعتلة بقهر ودموع ورفعت راس ع اخواني انزلو من ورة صوت الصياح باوعتلهم وابتسمت بسخرية معقول اكو هيج اخوان يقبلون اختهم تزوج بهل طريقة بهيج مهرر وكأنهة مبيوعة
ومسحت ادموعي بعنف واني اركض الغرفتي دخلت وجريت مبايلي من ع الميز وبأيد ترجف فتحتة ودكيت ع رقمة وية اول رنة هوة جاوب وكأنو جان يعرف راح اتصل علي واجاني صوتة المستفز وهوة يكول
شاهين : هلا بميرتي
مرسلين بقهرر ودموع : ليش سويت كل هذة شنو استفدت هاا شنوو مو كلتلي حطلكج مو كلتلي ما اريدج هاا ليش مجنتت زلمة كدد كلمتكك ونفذتهة
شاهين وهوة راص ع اسنونة : صوتج ما يعلة علية وزلمة وغصبن ما ع راسج وازوجج اطلكج بكيفي مو مرة التمشي كلامهة علية
مرسلين ضحكت بهستيرية واني اكول: هههه حقير تعرف شنو يعني حقير مشفت انسان بحقارتك ونذلك بس صدكني وداعت كول عزيز عندي اذا ما اندمك ما اطلع بنت امي وابوي ومهرك هذة انطي لل*** العندك احسن
شاهين بستفزاز : هههه ليش بنيتي اشبي حاصلج هيج مهر
مرسلين : غمضت اعيوني بدموع واني اسد الخط بوجهة واكعد بالكاع بتعب احس لهنى وكل قوتي نفذت ودموعي موكفن واني اذكر كلام بابا والحد هل لحظة مدا اكدر استوعب كل يلي صار او بألصح ما مصدكة اكو واحد بنذالتة حطيت ادية ع وجهي وزدت بالبجي ما نقصت الحد محيست بتليفوني يهتز بحظني شلتة واني امسح بدموعي وفتحت التليفون وشفت رقم غريب دازلي مثل المقطع الصوتي عقدت حاجبي بسغراب واني اقرة جوا كلمة ارفضي" واول مفتحت المقطع الصوتي اجاني صوت شاهين الحاد وهوة يكول
شاهين : من الأخير كولي اشرايدة
هدى : تتركهة
شاهين بسخرية : تدللين
هدى بعصبية : دتستهزاء حضرتك
شاهين : ههه لا مو عيب اني استهزاء بيج
هدى بخبث : زين ليش متكون صريح وتكول ازوجتهة حتة تنتقم مني لا اكثر ولا اقل وهسة اني كدامك واكول انتقمت وفعلاً ندمت ع غبائي وزواجي بحيدر اعتبرهة فترة طيش وهسة متندمة ع قراري بكد شعر راسي واعرفك تحبني ومستحيل تنساني او تتزوج من مرسلين لهيج اكلك عوفهة خل تروح بحال سبيلهة لا تظلمهة وتظلم نفسك بهيجي زواج
شاهين بسخرية: احبج منو كال
هدى بثقة : اني كلت ومستحيل يدك كلبك الغيري او تحب غيري تذكر اجانو يكولنة من احنة وزغار شاهين الهدى وهدى الشاهين يعني من احنة وزغار مكتوبين البعض رغم كل يلي مرينة بي
شاهين برود : لعد حضري نفسج من هسة للأسبوع الجاي
هدى بستغراب : ليش
شاهين : العرسي اني ومرسلين وطبعاً انتي اول المعزومين
مرسلين : نهة التسجيل الصوتي وية اخر دمعة نزلت من عيني احس الدنية داتلف تلف بية وترجعني ع نفس النقطة وهية هدى احس محور حياتي ودمارهة صار مبني ع اساسهة بكل مرة اكول مالهة علاقة تطلع هية اصل المشكلة
كلت هيج واني ادك ع نفس الرقم الدزلي هذة التسجيل دك مرة مرتين بس ماكو المرة الثالثة يلة جاوب وهوة يكول بألهفة واضحة من نبرة صوتة
: الو مرسلين
مرسلين بشك : انت عماد صح
عماد: اي
مرسلين برود: ليش دزيتلي هذة التسجيل
عماد : حتة ابينلج اختج وخطيبج ع حقيقتهم
مرسلين بهدؤ : شوكت صار هذة الكلام بيناتهم وين
عماد : اليوم الصبح كدام بابنة
مرسلين : وشعجب مكلت الأخوك
عماد : ما اكدر
مرسلين بسخرية : لازمة عليك شي مو
عماد: اي
مرسلين : زين اشدراك ما اروح هسة واسمع التسجيل البابا
عماد : متكدرين
مرسلين : ليش ما اكدر
عماد : لأن مرسلين العرفهة مستحيل تروح وتفضح اختهة
مرسلين : بس اختهة دمرت حياتهة
عماد ببتسامة: حتة لو مسويهة
مرسلين : زين منطول دزيتلي هل تسجيل اكيد عرفت بشاهين رجع تقدملي وراح يسوي البالة ويزوجني صح
عماد : اي العصر شفتهم راحو هوة جدج البيتكم وسمعت جدج يحجي بموضوع العرس لهيج دزيتلج يا
مرسلين : شكراً كلت هيج وغلقت الخط وقربت رجيلة ع صدوي ودفنت راس بينهن احس حتة دموعي خلصن ونسدت كل البواب بوجهي شسوي وشنو الحل معرف غمظت اعيوني براحة واني اسمع صوت اذان المغرب وكمت بية ما بية اتوضيت وفرشت مصلايتي احس مبقالي احد اشكيلة غير ربي هوة الوحيد الكادر يساعندي ويطلعني من هاي الشدة و...........
______________
اوتار
كاعدة بصف جدو ادلك برجلي وعيني ع اديان الكلبة بت خالة من العصر وهية لازكة بي ولا شالت اعيونهة عنة وهوة ولا مهتم اعرفهة تريد تقهرني وتغثني وفعلاً نجحت بهذة الشي اشكد حاولت ما ابين ممهتمة بس ماكو كل ما اشوفهة تقرب منة اكثر احس بدي اكوم واخنكهة
اخر شي ترخصت من جدو ودخلت الغرفتي حضرت تقريري للكلية وطلعت ملابسي كويتهن واول مأجيت انام سمعت صوت تليفوني ايدك اتأففت بنزعاج واني اكوم اخذة وشوف منو باوعت بشاشة التليفون رقم مرسلين عقدت حاجبي بستغراب واني اجاوبهة واكول
اوتار : الوو مرسلين
مرسلين بصوت مبحوح : الوو
اوتار بخوف : شبيج
مرسلين : مخنوكة
اوتار : من منو
مرسلين : من الكل
اوتار : ع سالفة زواجج مو
مرسلين بسخرية : هه لازم سمعتي بيهة
اوتار : اي واشوف ماكو داعي اتحملين الموضوع اكبر من الازم اشو شاهين رايدج ومشتريج واكيد حيقدرج ويصونج
مرسلين : ههه سالفة مشتريني هوة فعلاً اشتراني وبأغلة سعر ممكن تتصورينة
اوتار بستغرب : اشصقدج مفهمت
مرسلين : حجيتلهة كولشي صار وياي حتة التسجيل الدزلي يا عماد بس حلفتهة متكول الأحد لأن اعرف بابا اذا عرف مراح يسكتلهة وانتظرتهة تحجي شي بس ضلت ساكتة مثل المصدومة الحد مكالت
اوتار : شوفي بصراحة معرف شنو اكولج بعدني بحالة صدمة بس معندج غير حل واحد وعسى ولعل تتخلصين بي من هل زواجة
مرسلين : وهوة
اوتار : ادزين التسجيل الشاهين
مرسلين : لا والله
اوتار : اي شبيج وتهددينة بي تكوليلة يا تخرب هل زواج وطلكني يا اسمع الجدو هل تسجيل وانتي تعرفين شاهين شكد يعز جدو ويقدرة يعني اكيد حيقبل بهل شي وينجبر يطلكج
مرسلين : معرف بس ما اتوقع شاهين ممكن يقبل بهل سهولة
اوتار : انتي بس توكلي ع الله وشوفي مخسرانين شي
مرسلين بتعب: ماشي اشوف يلة حياتي تصبحين ع خير
اوتار : اجمعين يعمري كلت هيج وسديت التليفون واني اتنهد ع حالهة مبينة من نبرة صوتهة جانت تبجي الله يعينهة ويساعدهة ع الهية بي و...
______________
مسلم
مرن يومين وهية ماكو اسئل عليهة يكولون مريضة ولا غدة ولا عشة تنزل بس ابوهة يصعدلهة من يوم الحجت بي امي بموضوع زواجي وهية مختفية حاولت اشكد ما اكدر احجي وياهة بس ماكو متنزل حتة مدرستهة غابت عنهة بحجة المرض زفرت أنفاسي بخنكة واني انزل جوة اباوع ع البيت اظلم الكل نايم الساعة عبرت الثنتين واني بعدني كاعد دخلت للمطبخ واني اكلب بتليفوني بملل بس وكفني صوت حركة غريبة بالمطبخ قربت ع نقطة الكهرباء واني اكول
مسلم : منوو اكو واحدد اهناا كلت هيج واني اشغل دكمة الكهرباء باوعت ع مكان الصوت وشفت تقى واكفة يم الطباخ وجهة مخطوف من الخوف ابتسمت واني اشوفهة كامت تبلعم بريكهة بتوتر ع خجل وكلت
مسلم : عاش من شافج ست تقى مختفية
تقى بتوتر : ها تعيش ايامك ولا بس اشوية تعبانة
مسلم : سلامتج بوية اشلون صرتي
تقى بخجل : احسن الحمد لله يلة اترخص تصبح ع خير
مسلم : اباوعلهة عافتني واجت تطلع من المطبخ صرت كدامهة بسرعة واني اكول
مسلم : انتظري اريد احجي وياج
تقى : بشنو
مسلم : ليش احسج جاي تتهربين مني ومتردين تحجين وياي
تقى برود : لا خوية متوهم كلت هيج واني اعوفة ورجع بسرعة الغرفتي و.....
______________
تماره
: لجج والله مثل مكلتلج طلع نقيب ويشتغل بمركز (****) بعد والشقة الجنتي بيهة انتي والبنات مالتة مو مالت اشرف
تماره بصدمة : شنو نقيب وبعدين الشقة صارت عليهة كبسة يعني تتوقعين اذا نقيب فعلاً جان راح يخلي اشرطة تقرب المكان شقتة
: والله بعد معرف امير راقبة وشافة يدخل للمركز ورة مسئل علي عرف هوة نقيب يشتغل بي وضابط وياهم مبلغ ع الشقة واشرف رايح بيهة
تماره : واني اكول هيبتة مال واحد جبير بالشرطة لو بأمن الدولة
: هههههه خررب عقللج ما كلتيلي هسة شحسوين بعد مطلكج
تماره بمكر: منتظرة شغلة ابالي تتحقق وادعيلي اصير
بخبث : امين بس مو تنسينة بالحلاوة
تماره : ههههه ادللي احلة حلاوة بس خل اتصير كلت هيج واني احط ايدي ع بطني ببتسامة و.......
_____________
مرسلين
كاعدة بالساحة وصافنة ع البنات هاي اتلعب وهاي اتسولف وهاي التضحك هية وصديقاتهة والف حسرة بداخلي ليش مبيوم عشت حالي من حالهن بلة مشاكل او تعب بلة هموم وعرك سواء بين عائلتي او اقاربي ليش عشت كل حياتي واني محاوطة بالمشاكل وعدم تفاهم سواء من امي او من ابوية واخواني الي صار همهم نسوانهم واطفالهم
فعلاً احس صرت وحيدة بين كل هل أمور اتنهدت تنهيدة طويلة واني اسمع صوت الجرس يندك رجعنة للصفوف وكملت دروسي بشكل عادي وملل والمدرسة ام انكليزي كملتهة علية وهية ترزلني كدام كل الطالبات لأن مستواي اتراجع واول مدك الجرس للبيت حسيت مثل السجن وتحررت منة بعد مجانت المدرسة احلة مكان بنسبة الي حتة اخلص من مشاكل البيت بس شنو الفايدة حطلع من سجن وادخل بسجن ثاني كلت هيج واني ارجع كتبي بالجنطة وطلع من المدرسة
حتة تقى منتظرتهة احس روحي محتاجة ابقة وحد وافكر بالكلام يلي كلتلي يا اوتار من البارحة واني افكر بي بس اكو تردد كولش جبير ابداخلي لأن اعرف شاهين مو هين ومستحيل يوافق عسى ما جبتلة الف تسجيل وتسجيل بس شسوي معندي حل غيرة هذة اخر امل بقة الي وكل عادة اول مدخلت بفرعنة شفت عماد ابابهم بس هل مرة جان اجرئ وهوة يوكف اكبالي ويكول
عماد : شقررتي
مرسلين برود : بخصوص شنو
عماد : بخصوص ابن عمج حتوافقين علي بعد كل يلي سمعتج يا
مرسلين : ليش عندك حل ثاني اباوعلة صفن بوجهي ومعالم الحيرة بينت ع ملامحة ابسمت بسخرية واول مأجيت اعبر من بيت جدو شفت شاهين طلع مهتميتلة وكملت طريقي البيتنة واني اسمع عماد يسلم علي وصلت البيتنة دكيت الباب وطلعلي اخوية حسين دخلت من دون ما اسلم علي وبوجهي الغرفتي ما اريد اشوف واحد منهم او اكعد وياهم بدلت ملابسي وشمرت روحي ع الجرباية بتعب احس اكو خمول بجسمي مو طبيعي وقبل لا انام اخذت تليفوني ودزيت الشاهين تسجيل اصوت وقفلت التليفون وغمضت اعيوني بتعب دقايق قليلة ورحت بغير عالم وللعصر يلة فزيت ع صوت زهراء وهية تكول
زهراء : لجج مرسلين اكعدي مرسلين شاهين اجة جوة يريدج مرسلين
مرسلين بنعاس : شيريد
زهراء : معرف بس يريدج
مرسلين برود : هسة جاية
زهراء بستغراب : ماشي بس بيج شي
مرسلين : لا بس شوية تعبانة كلت هيج واني اكوم من الجرباية ودخلت للحمام غسلت وجهي ولبست شالي ونزلت جوة سئلت زهراء وينة كلتلي منتظرج بالأستقبال اتنهدت واني اهز راسي وادخل للأستقبال اباوعلة كاعد كدام الباب وبصفة بابا كلت السلام عليكم رد السلام وكعدت بالجهة المقابيلة ورة فترة بابا اترخص وطلع رفعت راسي علي واني اسمعة يكول بصوت حاد وعصبي
شاهين : منين جبتي هذة التسجيل
مرسلين برود: مو مهم منين جبتة المهم البداخل التسجيل
شاهين بهدؤ: مو مهم بنسة الج بس مهم بنسبة الي وهدى الدزتلج يا مو
مرسلين : ان جان هدى او غيرهة كوتلك مو مهم المهم التسجيل ومن بعد مسمعتة اكيد من سابع المستحيل ارتبط بواحد مثلك
شاهين : ههه ليش هل كد شكل عندج فرق وانتي تعرفين من الأبداية سبب عقدي عليج
مرسلين : مجنت مصورة حقدك حيوصل بيك انك تتزوجني وسوي العرس بس ع مود تنتقم منهة المهم ما علينة بهل حجي ومن الأخير اكولك ياهة يا تخرب كولشي هسة واطلكني مثل متفقنة يا هل تسجيل يوصل الجدو وما حاجة اكولك بجدو شحيسوي بعد ميسمعة
شاهين برود : تقربي
مرسلين : شنو
شاهين : تقرربي اهناااا
مرسلين : اباوعلة تبدلت ملامح وجهة للبرود بعد مجانت مرسومة ابتسامة الستهزاء ع وجهة وهل شي يثبت انو وصل العلى مراحل غضبة تقربت منة بخوف حاولت اشكد ما اكدر اخفي وكعدت ع نفس الكرويتة الكاعد عليهة بس بعيد عنة اشوية
لحظات قليلة واني احس بأيدي انخلعت من مكانهة وهوة يجر بيهة ويقربني علي الحد مختلطت انفاسي بنفاسة رفعت راسي علي بخجل وعصبية بنفس الوقت وكلت
مرسلين : ادسوي وخررر منيي ا.. سكتت بوجع واني احسة يضغط ع زندي بقوة وهوة يكول
شاهين بصوت جهوري: هس اسكتيي ما اريد اسمعلج حس مفهووم
مرسلين بوجع : اااه وخرر شاهين دتوجعني فدوة اباوعلة خفف من ضغطة ع ايدي وهوة يكول
شاهين : لعد اسكتي خل احجي واسمعيني عدل مفهوم
مرسلين : هزيت راسي بخوف واني احاول اجر ايدي منة
شاهين: شوفي سالفة التسجيل تنسي وحتة اذا وديتي الجدج مثل ما كلتي مراح يهمني بقدر شعرة بس اكيد اختج راح ت.. قاطعتة مرسلين بنبرة استهزاء واضحة
مرسلين : شنو اتخاف عليهة
شاهين وهوة رافع حاجبة : شنو بس لا غرتي
مرسلين : هههه اني اغار ع واحد مثلك اباوعلة قرب علية الحد موجهة صار مقابيلي وجهي وانفاسة الحارة صارت تضرب بخدي وهوة يكول
شاهين : ..........
