رواية ليتني واجهتك الفصل التاسع عشر
اهلي باركولي وانطوني هديتي وبيت عمتي نفس الشي وعلي هم انطاني هديتي يعرف بيا احب الذهب لهذا
اكثر هديه يقدمها الي شغله ذهب
رجعنا بل طريق وماري نامت من التعب شالها لؤي
لؤي؛:؛ اخذها عندي بل سياره
سدره؛؛؛ اخاف تكعد
جنات؛:؛ هسا اخليها بحضني من نركب
سدره؛: ديلا براحتكم
طلعنا نحنا ب سيارتنا وجع ماسكني قوي لنص الطريق صار يجيني الطلوك مسكت ظهري وكمت اصرخ
علي علي فدوه الحكني حباب راح اموت
شبيج شبيج كلبي اتحملي حياتي هسا اخذج على المستشفى
اي علي حباب جاي اموت
شال الموبايل خابر عمي كالو يابا سدره راح تولد ايد يسوق وايد ماسك ايدي وانوب ازدحام وطلع من الخط العسكري كبل واخذني لمستشفى واني ابجي واصرخ وجع مو طبيعي موتني
هو خطيه يهدي بيا مايعرف شنو يسوي
وصلنا المستشفى نزل ركض جاب العربه وجا عليه فتح الباب ونزلني ركبني بل عربه وطلع بيا ركض
جوى وعلى طابق النسائيه واخذوني الممرضات وهو طلع بره
علي ضل حباب اخاف
دكتور ؛؛: مايصير ماما
سدره؛: الله يوفقج دكتوره اريد رجلي يمي حبابه
منو يهتم لكلامي الدكتور فحصتني وطك ماي الراس كبل سديت رجليه
دكتوره؛: ماما افتحي رجليج خلي نجيبج
سدره؛: اذا مو رجلي معايا والله ماجيب
دكتوره؛: راح يموت الطفل راح تخنكي
سدره؛: كتلج اريد عليي عللللي حباب تعال راح اموت
دكتوره؛: اطلعو صيحو زوجها
دخلوني ب غرفه وحدي وجا علي عليه مسك ايدي وباس راسي
علي... اتحملي حبيبتي كولي يالله
سدره... عللللي جاي امووووووت تعبت
ابجي واصرخ وادوس ع ايد علي كل قوتي وعلي يهدي بيا وحسوني جانت ولدتو حيييل صعبه
علي..... حبيبي سدره اتحملي فدوه لعينج
سدره.... متت علي بعد مابيا ماريد اجيب ماريد عوفوني
واسد رجليه والممرضات يرجعوني يمسكوني ادفع بيهم اخر شي شدو رجليه والدكتوره كامت اتصيح
الدكتوره؛؛ راح يلتف حبل السره عليه و يكتلو اتحملي
واشويه وجا حسوني لدنيا بس متت من جا وجهو ازرك جان بل فعل حبل الصره جان ملتف على ركبتو وكامت الدكتوره اتسويلو مساج حتى يرجع ينتفس لان اصلا مابجى
سدره؛: علي ابني مات
علي؛: دكتوره شبي ابني
سدره؛: ليش مابجى دكتوره كوليلي شبي جاوبيني فدوه
وكلبتو وصارت تضرب ع ظهرو والممرضه يمها تحسب الوقت كلت خلص هاي هيا مات ابني وجان يكوم يبجي احس روحي رجعتلي كمت ابجي معا من سمعت صوتو علي باس ايدي وراسي جان مصدوم مثلي
علي.... حبيبي الحمدالله على سلامتج والله بعد مااخليج تحبلين سدره
سدره... الله يسلمك يروحي ابني مابي شي مو
دكتوره:؛: لاالحمدالله على سلامتكم هاي ب سببج
سدره؛: دكتوره هاي ثاني بطن بس احس اكثر وجع
دكتوره؛؛ ابنج مشاء الله سمين لهذا اتعسرت ولدتو
كملت الدكتوره وراحت ودخلت ماما تبوس بيا وتحمدلي بل سلامه بدلتي ملابسي وخطيه علي يساعدها اخذني ع الحمام وغسلي على كيفو ماخلى امي وجانت هاي اخر فرحه افرحها وبعدها صار الحزن صديقي واكثر من صديقي اصلا صرت بعد هذا اليوم اذا ماشوف الحزن استغرب اكول ليش ماكو حزن هليوم
كملت تبديل وجنت حيييل تعبانه نمت وحسيت ماما دا تحجي مع عمتي
سدره؛: ماما
ام سدره؛: ها امي
سدره؛: وين ابني
ام سدره؛: ابنج بل خدج
سدره؛؛ ليشش بي شي
ام علي؛: لاحبيبتي اشويه ويطلعو
سدره؛؛ وعلي ليش راح
ام علي؛؛ شافج نايمه باسج وطلع هسا ساعه 3الفجر وبيتونه هينا ماجوعانه
سدره؛: اي اريد نستله بس ماشتهي تعبانه
ام سدره؛؛ خطيه علي جابلج كيمر قبل مايروح
انطتني ماما كيمر وطعمتني هو بدون خبز هذاك اليوم خلونا انبات بل مستشفى اكلت وجابو حسوني فدوه حبيبي اشكد حلو ابيض بس مو مثل ماري وزنو جان اربع كيلوات ونص لهذا اتعسرت ولادتي
شميتو وبستو حبيب ماما رضعتو وعمتي اخذتو وخلتو بمكانو يمي
الصبح جا علي وعمر سلمو عليه عمر باسني وشال حسوني باسو
سدره؛؛ ماري اكيد بجت عليه البارحه ماكعدت بل ليل
علي؛: كعدت ولؤي كن اخذها لمحل مشتريلها وماخذها عندو امنومها اصلا حتى نستج ههههه
سدره؛؛ هههه مثل عمها ام بطن
الدكتوره شافت وضعنا وكتبت خروج وطلعنا وصلنا لبيت... عمتي شايله حسوني جوات العبايه امخليتو
وعلي ماسك ايدي وعمر شايل الغراض دخلنا جوى بيت اهل عبدالله موجودين وبيت اهلي دخلت وكلهم سلمو عليه وماري تركض
من شافت بطني ماكو كبل كالت
ماما بابي
بابي يعني طوبه وينها جانت اتسمي بطني بابي وين الربط بين طوبه وبابي ماعرف هههه
علي ؛؛ هذا بابي تعالي شوفي
شالها وشوفها حسوني برطمت كبل من شافتو شالت ايدها دا تضربو كبل وعلي مسك ايدها
علي؛: لاااا غبيه
سدره؛؛ علي لاتصيح عليها هسا هيا اتغار
كامت تبجي وراحت ع لؤي ولؤي شالها ويبوس ويحضن بيها واخذها لمحل
اماني خابرتني وجنات اجت وكل واحد يشوف حسوني يتخبل علىه عندي ايه كرسي وعين ذهب شلتو كبل لبستو لحسين بس جان حبيبي فقير حيييل عكس ماري جانت بس تبجي ومن كبرو وكحه وماتكعد ابد وعمي مايقبل احد يصيح عليها هو ولؤي خصوصه شنو اتسوي مايحجون معاها وكل ماتبجي شالها لؤي اخذها عل محل اشترالها حلويات او معاها لعبه ورجعت تضحك وتحضن ب لؤي
جنت امخليه حسوني بحضني وكاعده وعلي كاعد يمي اندحك على ودا نحجي بصوت ناصي ومبتسمين ودخل لؤي شايل ماري وهيا تضحك بس شافتنا برطمت ودارت وجها راد لؤي ينزلها ضلت مجلبه بركبتو
لؤي؛؛ يابا زعلت بنتي
سدره؛ماري تعالي ماما عندي
كام علي دا ياخذها من لؤي ماتقبل تجي وماتقبل ادحك اصلا
على ابوها وينطيها فلوس موبايل ماتقبل خلص عاندت
اخر شي عافها كلت ل لؤي يجيبها يمي جا اتقرب يمي كامت تبجي وماسكه قميص لؤي كمنا عفنها
ام سدره؛؛ عوفوها هسا خطيه
سدره؛؛ ماما كلبي يوجعني عليها
اسماء؛؛ ميخالف على ماتعود انتي علميها حاولي تشترين شغلات الها وشغله لحسوني وكوليلها انطي هذا الحسوني وهديه منج راح يفرح ومن يكبر يلعب معاج هسا طبعا بل بدايه تنقهر
جنت حييل انقهر عليها وايام ضلت ماتقبل اتنام يمنا اتروح يم لؤي تطلع ع الدرج واتصيح ؤاي يعني لؤي وهو يطلع ياخذها بحضنو ويناموها واروح عليها بل ليل اشوفها يكول عوفيها يمي اتولعت ب شكل ب لؤي
وحسوني قربانو حياتي ماعندو صوتو بس من يجوع يبجي اشويه ومن ارضعو يسكت
صار عمرو سبع ايام عمي ذبحلو وطهرنا وحلقنا شعرو واتصدقنا بكد وزن شعرو فضه لان هاي سنه الرسوله صلى الله عليه وسلم
عزمنا الكل وعلي عزم اصدقائو معارفو بيتنا ماكفه وعلي كال ليش البيت يتوسخ انخلي خيمه بل شارع
وكامو نصبو خيمه بل شارع وسوينا مولود والنسوان تطبخ صار مولود حييل حلو ولؤي المصور اكيد صور من جوى وطلع بره ع الزلم يصور
بعد الغده وزعنا ملبس وبقلاوه
علي شال حسوني وطلعو بره ويشوفه الزلم بس دخلو كمنا نقراء عليه ايات وانرقي
الحمدالله مشت الايام وحياتي بيها كل الخير السعاده مع عائلتي اني وعلي خلينا ماري اتحب اخوها وتهتم بي كامت اتحبو ب شكل ولؤي او احد من يشتريلها تجي تنطي لحسوني وجانت اتكول على بابي عرفت حسوني هو نفسو بابي
بهاي الفتره شترينا بيت الحمدالله علي اشترى بس جنت مقرره ابد ماعوف عمتي اني مع العلم البيت حييل قريب علينا
علي؛؛ سدره خلي نقل ب بيتنا
سدره؛؛ شنووو
علي... شبيج طرشه اكولج خلي نسكن ب بيتنا
سدره... والله ماعوف عمتي ولاعمي
علي؛: اكووولج يوم
ام علي؛؛ ها امي
علي؛: الله عليكم خلي افوت عليكم فديوم انتي وسدره دا تتعاركون
ام علي؛؛ يمه اسم الله ليش
علي؛:اريد اتحول ب بيتنا واتكول ماعوف عمتي اول مره اسمع جنه ماتريد اتعوف عمتها
ام علي؛: سدوره امي اذا ترتاحين وحدج روحي
سدره؛: لاوالله ماطلع ليش حتى اطلع
علي؛؛ اني اريد
ام علي؛؛ امي رجال يريدج تلبسين شي ياخذ راحتو ب بيتو
سدره!؛ شنو يوم تطرديني
ام علي؛: اني طردج بله ياسدوره
سدره؛؛ يوم ماكدر والله اذا ماصبح الصبح بوجهج الحلو انتي وعمي وع خبالات لؤي وصوت ويلاد حمودي ماكدر والله بعدين اني باجر عندي دوام وخفاره اربع وعشرين ساعه وين اخلي ويلادي واذا ع لبس دا البسلك بل غرفه سيد علي لو لا
دحك عليه وابتسم وحك حنجو
ام علي؛؛ بكيفكم امي
سدره؛؛ البيت جبير وباجر لؤي يتزوج واني وجنات بي
علي؛؛ هو اكدر ع خبالاتج تدللين يابا عمتج عمتج شنو اسوي راح اجرو
سدره؛: براحتك كلبي
خلصت امتحاناتي ومن خلصنا كبل صهيب حدد عرسه هو وامانيي
واتزوجو قبل ماتطلع النتايج مالنا......
وبداء التحضير لزواج لؤي وجنات طلعو اغراض الغرفه وصبغوها وجانو حيييل فرحانين بس يضحكون جنات ولؤي
كلشويه نازلين لسوك ويشترون بهل اغراض ماقبلت امها ولاعمتي ينزلون ويشترون معاها ملابس كالت اني اريد كلشي ع ذوق لؤي
جنات
الحمدالله اتخرجنا ونجحنا وحددنا زواجنا واني ولؤي جنه مامصدكين على الله راح نزوج
جنت كلشي اشتري لؤي معايا رحنا نزلنا لسوك وهو معايا وشترينا ملابس البيت وطلعه وباقي ملابس النوم شلون اشتري خجلت
لؤي؛: جنو ماشفتج اشتريتي ملابس نوم
جنات؛: ها
لؤي؛: كدامي يالا
جنات؛: عفيه استحي
لؤي؛: ولاكلمه كدامي همس اريد اشوف إغراءات
ابتسمت خجلانه وهو هم ابتسم معايا ومشينا لمحل وكمنا نختار اني جنت اخجل حييل ولؤي يختار ويكولي هذا واني ساكته
لؤي... ها جناتي شبيج حبيبي
جنات... لؤي اخجل
لؤي.... وليش تخجلين
جناات....عفيه عيب
لؤي...هههه يالا اخذهم اني على ذوقي
اي هزيت براسي
وصار لؤي يختارلي وابو المحل يطلع جانت الوان وفصالات اتخبل وصحيح جان ذوقو حيييل حلو
نزل عشر فساتين
جنات....لؤي كافي جثير
بهمس اني اريدج تلبسين يوميا واحد
غمزلي بعين ويبتسم ونزل بعد اثنين هم وشاف عندو تركسوات فصالهم حييل حلو هم اخذ اثنين منهم
جنه ابد مانكعد بل بيت لو نطلع لسوك لو مطعم وناخذ صور ونفس اليوم انطلعهم لان جان لؤي عندو طابعه بل بيت ونكعد نطبع الصور
اختارينا القاعه والفندق والديكورات وغرفه مالنا صارت تخبل
مرتبه ونازكه وخلينا بيها ثلاجه صغيره وتلفزيون ماجان بيها اي نقص
عندي صوره جنه صغار اني ولؤي واحد واكف يم الثاني وصوره الخطوبه وصوره حفلة التخرج كلهم كبرنهم وعلكتهم بل حايط
جانت فرحتي ماتنوصف بهذاك اليوم يمكن جنت اكول مستحيل اكو عروس فرحت مثلي بعد علاقه اكثر من سبع سنوات وخطوبه راح اصير بحضن حبيبي
جهزت فساتين اثنين لحنه واحد قصير وفستان طويل مخصر
نحنا بيتنا الصاله جبيره مالتو سويت كوشه حيييل حلوه وكراسي خليت بل صاله وبابا سوى عشه
قبل الحنه ب يوم
خلصت كلشي ورحنا اخذنا الاغراض وكعدنا ارتب بيهم بل غرفه اني وامي وعبير اخت لؤي
جا لؤي دك الباب
ام جنات؛؛: فوت ابني غرفتك هاي
دخل لؤي ويدحك عليه وعل الغرفه ويبتسم
لؤي؛: مايصير انرتب اني وجناتي الغرفه
ام جنات؛؛ براحتكم امي
امي وعبير طلعو ولؤي سد الباب وجا عليه اتقرب مسك ايديا اثينهم وباسهم
لؤي:؛جناتي تذكرين من جنه صغار امسك ايدج وانروح لمدرسه من هذاك اليوم جنت اكول من اكبر راح اتزوج جنات جنت ماعرف شنو الحب ولاالزواج بس الي جنت اعرفو الي راح اتشارك حياتي هيا جنااتي وبس احبج جنو
يحجي معايا واني خجلانه وابتسم هذيجه جنات ام لساني احس ماعندي لسان من اصير بهيجي موقف مع لؤي اضعف كدام لؤي
رفع حنجي وباس شفتي بوسه خفيف
جنات؛؛ لؤؤي خلي انكمل
لؤي؛: انكمل البوسه تدللين تعالي
جنات؛: هههه لؤي منحرف لاتصير اقصد على الغرفه اريد اكمل ترتيب الملابس يالا لؤلا
لؤي؛:؛ بسيطه جنو اشوف بعد باجر منو يخلصج مني
دنكت راسي عبست
لؤي؛: شبيج حبيبتي
جنات؛: خايفه
حضني ويضحك
لؤي؛: ولي اموتج اتخافين شنو مخبله انتي اتصير بحضن لؤلا وراح اشوفج لؤلا شنو يسوي
جنات؛؛ ههههه انت حباب اندري بيك
سحب اذني عضها جان دائما يحب هاي الحركه واني اصرخ
جنات؛: لؤؤؤؤي اخخخ اتوجعني اذني والله
لؤي:؛؛ههههه يالا حبيبتي هاي بوس مكان العضه
قرب شفتو يبوسني هم رجع عضني لحكت ورى وسحبت بدي واضربو ب لؤي وهو يركض كدامي اخر شي صار يم الكنتور بل زوايه
لؤي؛:ههههه اسف اسف بعد ماعيدها هههه
جنات؛؛ ليش اتعضني
لؤي؛؛ ماعض اذنج بعد
ماحسيت غير دفعني ع التخت وصار يبوس ويعض بيا صرت اقاوم بل بدايه وبعدين صرت ابادرو
جنات؛: لؤي
لؤي!؛ اممم يروح لؤؤي
جنات. ؛؛ احبك
لؤي؛:؛ اعشقج جنو
ماحسينا غير الباب دا يندك كبل دفعت لؤي عني وكام لؤي عل سريع يعدل بنفسو واني عدلت نفسي ومسكت الملابس علي اساس دا ارتب فتح الباب لؤي طلعت سدره
لؤي؛: خرب بنصج هاي انتي
سدره؛؛ لازم خربت لحظه عليكم
لؤي؛:هههه اي والله جفلت عبالي عمتي ام جنات
سدره؛؛؛ اكص ايدي اذا امرتبين بدي واحد
لؤي؛:؛ اكولج سدره ليش ماتجين مكاني والله اذا ضليت ليوم العرس ماكمل
سدره؛؛هههه ادري بيك عمي دزني يكول جيب ذبيحه لان مانريد العشه كص وهاي السوالف تعرف عمي
لؤي؛:؛ مو نتفقنا مع ابو القاعه
سدره؛؛ قصدو على الحنه
لؤي؛؛ ديلا اوكي راح اخذ ماري معايا
سدره؛: اخذها اخويا
راح لؤي واسمعه نزل من الدرج ويطك بصبعته
لؤي.... واخيرررااا راح اخذ الي احبها طح تطح
واني و سدره نسمعه وميتن من الضحك
سدره... ول مجنون
لؤي.... كولي طح تطح معايا يالا لااجيج خلصت الكلية والسبع سنوات من حبنا وراح اخذ جناتي هههههه
يمشي ويغني ويضحك ويطك اصبعته ههههههه
سدره.... الله يعينج ياجنات اش يطلعج من ايدين لؤي يوم العرس
جنات..... ههههههه
وصارت سدره تساعدني
سدره؛: عوبه اش جنتو اتسون
جنات؛؛ مثل ما علي جان يسوي معاج هههه
سدره؛:ههههه
كملنا تسفيط الغرفه ورجعنا لبيت اني وامي انكمل سوالف الحنه حفيت وكملت باقي شغلي
سدره
البيت انكلب نحنا هيجي انضل البيت قبل الزواج باسبوع وبعدو باسبوع ينخبص بل خطار بس الكل يتشغل بنات عمامي حبابات يعني مو مثل سلوى سلوى طالعه ع ابوها وعمة علي بس اتذب سم 🐍
خابرت اهلي يجون عدنا حسوني موتني حتى امي تمسك حسين خطيه عمتي هم تمسكو بس ملتهيه بل خطار وسوك والبيت وعمتي مو من طبع اتحب تكعد وتعتمد
اجوي اهلي واول من دخلت امي واسماء وبيت عمر سلمو واسماء واسراء ذبو نفسهم بل شغل وانطيت حسوني ب يد امي وماري بره لو عند ابوها لو عند اخوتي او اخوان علي تلعب
واكفه بل مطبخ اغسل مواعين اني والبنات سمعت لؤي واكف بل كراج يحجي مع عبدالله بل موبايل وفاتح سبيكر
لؤي... دحك قشمر والله العظيم اذا ماجيت على زواجي فلا احجي معاك بحياتي
عبدالله... لؤي والله عندي شغل ماكدر اعوف شغلي
لؤي... الشغل اهم من اخوك
عبدالله.... لاوالله ماهم من عندك اجي يوم العرس من الصبح
لؤي... خوش
هم عبدالله كلبي انقبض صار فوك السنتين ماكن شفتو من صار هذاك الحادث بعدها ماشوفتو
مابيها نص ساعه وباب الحوش مفتوح وماشوف الي عبدالله ب يدو جنطه وفات لبيت والويلاد دا يذبحون
كلها صاحت عبدالله
عبدالله؛:؛ معقوله اخويا يتزوج وماحضر عرسو
لؤي!: ادري بيك قشمر ماتسويها
ولؤي وعبود واحد يحضن الثاني ويضحكون ومع علي نفس الشي سلم على الكل وطلعت اموو وسلوى يركضون عليه ويبوسون بي وهو يحضنهم
واني كل هذا دا ادحك عليهم من الشباك
عبدالله؛: من اتصلت بيك لؤي كتلك ماجي جنت بل مطار
لؤي ؛؛! قشمر والله ضجت كلت شلون مايحضر عرسي
جت ماري تركض واتصيح بابا لعلي
علي؛:؛ ها باباتي
ماري ؛:عم (يعني جوعانه )
عبدالله؛؛ هااي ماري مو
علي؛:؛ اي ماري
علي جان ماينشر صور ماري على النت ابد وماتوقع صدفه دزصور ماري لعبدالله لان عبدالله استغرب من شاف ماري
عبدالله؛: تعالي عمو عندي
جا اتقرب عليها شالها وباسها طلع من جيبو 25الف وانطاها
علي؛:؛ اشكاعد اتسوي يمعود
عبدالله ؛؛ شعليك انت بس علاوي بنتك نسخه من سدره ولاعليك دحك الله وكيلك حتى الغمازه
علي؛: امنية اخوك بعد
دخلت جوى واشتغل ماريد اشوف شكلو اكرهو اكرهو جت اسماء عليه
اسماء؛:: اكولج سدره هذا مختار يريد يضرب طلقات ب زواج لؤي
سدره؛؛ اخاف والله من صوت الطلقات اشكد بطران وينو
بل استقبال دا يحجي مع عمو قصي يكلو
رحت اسمعهم
مختار؛: من بعيد اكف واضرب طلقات هسا مو كل اعرسنا نضرب ياعمو
لؤي؛؛ يابا دعوفو
ابو علي !؛ بكيفكم يابا
دزيت ابن اسماء علىه وصاحو
مختار؛: ها سدره
سدره؛ انت مخبل مثقف ومهندس وتريد تضرب طلقات
مختار؛؛ شكو بيها صديقي دا يتزوج
سدره؛؛ مختار بطل سوالفك اني اخاف من صوت الطلقات والله
مختار ؛؛ هيا ثلاث طلقات اضربهم بل جوى وكلشي مايصير قابل اش دا يصير يعني مثلا مو كل اعرسنا نضرب
سدره؛؛ يمعود دا عوف سالفه الطلقات والضرب
مختار؛؛ ماتروحين اشكد جبانه كلت لعمو قصي وافق شكو انتي
سدره؛؛ مشكلتك الي عليه كتلك وانت ضل غبي مهندس واكف يضرب طلقات
مختار:؛؛ سدي اذنج عود
سمعت صوت عبدالله يضحك ورايا
عبدالله؛:؛ ههههه اشكد جبانه الي العراقين متعلمين على كلشي ضلت على طلقات بابا عوفي خمه شنو
مختار؛:؛ كولها زا جبانه
عبدالله،؛:؛ هههه شلونج سدره
سدره؛؛الحمدالله وانت
عبدالله؛؛؛ بخير لا تخافين ماكو شي
مختار؛:؛ خمه شكو يمعوده انتي هم
سدره؛؛مادري مامرتاحه اني
مختار اصر يضرب طلقات ....
سدره
جنت اخاف من صوت الطلقات ب سبب هذا الشي منعت مختار يضرب وبعدين هو مهندس ومثقف واكف يضرب طلقات بل شارع ابد مو حلو هذا الشي
بس اتضل تقاليد العرب الي مع الاسف الى حد هذا اليوم ماكدرنا نتخلى عنها وجثير ناس راحت ب سبب هذا الشي
مع الاسف ماكدرت اقنع مختار وماصح ب يدي مجال اكول لعلي لان جان ملتهي حيييل بل حنه والزواج واخوهم الاصغير دا يتزوج وفرحانين
اتحضرنا كلنا حتي انروح ع بيت اهل جنات لان صار الحنه وصار وكت ينزلون لؤي من فوك وياخذونا عل الحمام
نزل لؤي من فوك والويلاد كلها اتغني وتركص ويركصون بي
وكفت عمتي وعمات علي يسون الهوسات العراقيه
نحنا معاهم نركص وانغني طلعو لؤي بل هوسات بره وهو فرحان يضحك كملنا لبس وطلعنا نحنا لبيت جنات
فدوه جنو اشكد حلوه طالعه ب فستانها ومكياجها جانت بس امسويه مكياج وشعر مفتوح ودخلنا بل هلاهل واشتغل الدك والركص وكومنا جنات كامت تركص هذاك الركص فدوه اتخبل حبيبتي اشكد فرحانه جانت
جنات
ام صالون جتني لبيت وسرحت شعر فقط ماردت اسوي تسريح حتى شي مميز اطلع باجر ومكياج يجنن خابرت لؤي يجيي ع الحنه لازم وكال ان شاء الله
جنت فرحانه حيييل بشكل ادحك ع روحي بل مرايا واخذ نفس واخيرا ياجنو راح اتصير بحضن لؤلا قربان عيون حبيبي اشكد احبو
كعدت بل كوشه وجانو بيت عمامي يعني الاقارب ب صوره عامه موجودين ويركصون ودخلو علينا اهل لؤي وانكلبت الحنه كلب وكفت اركص معاهم وكل اشويه تجي امي اتكول اكعدي عيب واني اكعد اشويه وارجع اكوم اركص اني وسدره واماني وهدير خصوصه سوينا عمل
رحت كعدت وكلت لسدره اتخابر لؤي يجي
بس لؤي راح لحمام
اني اريد يجي هسا اكيد خلصو
اكفي اكول لعمتي بس جنو مايصير يجي العريس عيب
والله اذا ماجا لؤي فلا احني اصبعتي
راحت سدره كالت لعمتي وعمتي
ام علي ؛: ها جنو امي
جنات؛: اريد لؤي يجي يوم
ام علي؛: عيب بنتي مايصير يجي بل حنه
جنات؛: بس اذا لؤي ماجا ماحني اصبعتي والله
عمتي وامي والبنات يحجون معايا وعيب من الناس اني عاندت لؤي يعني لؤي يجي يحني اصبعتي اشهل تقاليد لعد اني عليش كاتله روحي ومكياج وفستان وهوسه وبل اخير حبيبي مايشوفني
سدره
جنات عاندت لؤي يجي يعني يجي كمنا اخرشي اش انسوي راح انخابر لؤي اخذت الموبايل ورحت خابرت لؤي مايجاوب دكيت مره ثانيه جاوبني صهيب
الو ها سدره
اكولك صهيب تسمعني
اي اسمعج بس اطلعي مكان مابي هوسه اشويه صوتج بعيد
هسا اشوفلي لحظه
الو سدره
طلعت ع طابق الثاني اشويه الصوت اقل
الو صهيب تسمعني
اي سدره
اكولك خلي لؤي يجي ع الحنه
ليش مايصير
ها جنو مخبله عاندت ماتقبل تحني اذا مالؤي يحني اصبعتها ماخلص لؤي
امبله دا يبدل هسا انطيج لؤي
اي عفيه
انطاني لؤي وحجيت معا
١سدره... ها راح تجي
لؤي....اي تدلل جناتي حقها هسا اجي
اخخ منك ومن جناتك بلاوي سوده انت وهيا
سديت من عند لؤي وبلغتهم راح يجي وجنات ابتسمت فرحانه
جنات
فرحت حييل لمن سدره كالت لؤي راح يجي ابتسمت ب فرح وبل فعل اشويه وجا لؤي لابس قميص وبطرون وهو شعرو فيكه وعطرو الي اموت عليهم جان كلها نسوان دخل يبتسم ومنزل راسو اني وكفت وادحك عليه واضحك
اتقدم عليه باس راسي وماسك ايدي كعدنا
جنات؛: شنو رايك
لؤي؛:؛ اويلي جنو شنو هذا الجمال وكله قلع اش يصبرني لباجر
حجيتها بدلع
جنات؛؛ اتحمل يروحي
لؤي؛: بس الله يخلصج مني
هههه ضحكت واموع بروحي كدام لؤي ولؤي كل اشويه يمسح بكصتو وكصتو ترجع تعرك
جان فستاني كله قلع وقصير ولؤي بس يدحك عليه ويبتسم
جاب الحنه وحنه اصبعتو ولف ورقه 100دولار يعني فوك اصبعتي
وباسني وطلع ورجعنا دك وركص وبعدين بدلت جنه جايبين مصوره بنت
وثالث مره بدلت لبسنا نفس الشي اني وهدير واماني وسدره طكينه صور حيييل حلوه صارت الحنه
سدره
تعشينا وخلصت الحنه ورجعنا لبيت مكلوب الفرع الشباب واهل المنطقه وصوت الاغاني بل شارع وشاديها جوبي
اتخبل جانت طلعنا نركض من السطح اندحك عليهم وانصور ب موبايلاتنا
صار عشه الزلم وصبو العشه جان جايبين طباخينن بهيجي مناسبات اكثر شي عمي كبل يجيب طباخين نظامي ب شكل
اتعشو الزلم ونحنا نزلنا جوى بدلت وسبحت وسبحت ويلادي ونومتهم
الويلاد مافاتو الي ساعه 1بل ليل وسووا كعده بل حديقه وكعدنا كلنا نحنا شباب وبنات وحضرو النركيله وورق ودومنه
صهيب وعلي وعمر وهيثم ابن عمي كعدو يلعبون دومنه
اروح ع صهيب
سدره... جيت اشجعك صهيب
صهيب ؛:؛ كفو سدره كفو
اكف يم صهيب اشر لعمر شنو عندو
هيثم ؛: ول صهيب سدره كاعده اتغشش عمر والله
صهيب؛:؛ لا يابلا وفه
وجتني كمخه من صهيب وركضت اضحك واروح ع اساس اشجع علي اغشش هيثم لو اشجع عمر اغشش صهيب اخر شي كلهم طردوني
علي؛:؛ امشي فضحتينه
سدره؛: والله مو صوجكم صوجي اني
صهيب؛: انتي لو حتي ماتغششينا نعرف اش اكو ب يد عمر
سدره؛؛ شلون تعرف اشو اني ماعرف
صهيب ؛: احسبي انتي تعرفين
هثيم؛::؛ اكولج سدره اش صارلج تدرسين طب
سدره؛: ست سنوات غير وخلصت
هيثم؛؛ اي يراد ست سنوات الخ يالا تعلمين شلون تعرفين شكو ب يدنا
سدره؛؛ هههه ماتضحك
الكل؛:هههههه
هيثم ؛:؛ دكومي سوينا اكل عفيه
سدره؛: اي تدللون
اخذت اماني ورحنا انحضر الهم اكل ماقبلو ياكلون اكل الي ضل من العشه وهم جان مايكف كمنا طلعنا صدر دجاج واجناج ولحم وكعدنا نشوي ساعه 2بل ليل وصوت الضحك مالنا واصل لراس الفرع
وكلشويه واحد من الويلاد يصيح صوتكم بنات عيب انفضحنا
وخلينا سفرة بل حديقه وخبز وشنينش (لبن) وببسي وطرشي وخضروات عمي والويلاد جابو بل صنادك لهذا كلشي اكو بل بيت
وخلينا الاكل وكعدنا انصور ونضحك ونشاقه سلوى بس اتخنزر بينا اني وعلي هيا واخوها مشاء الله
هثيم؛:؛ اكولكم اشو لؤي ماكو
محمد؛:؛ اني شفتو طلع ع السطح
ميس؛: تلكي نط ع بيت اهل جنات
الكل؛:هههههه
علي؛: مايصبر لباجر حبكت هسا ياخذ جقه (يعني بوسه)
الكل؛::ههههههه
عمر؛: يمعود احد يروح يصيحو لا احد يشوفو فوك
مختار؛: لا يروح ياكل كتله من اهل جنات وينزل مورم
عبدالله؛:هسا اتصل بيا
عبدالله كام يتصل ب لؤي ويفصلو اخر شي جاوب
لؤي؛:؛ ها زربان اش رايد
الكل؛:ههههههه
عبدالله؛: وينك انت ول مطي
لؤي ؛: يم حبوبتك
عمر:؛ امانة الله ماكن نطيت على بيت الجيران
لؤي؛:؛ اموت عل الجيران
علي؛:هههه تعاال مفجوع لااحد يشوفك ماتصبر لباجر
لؤي؛: هههه نو اكولكم اشتميت ريحه شوي هاي من عدنا
سدره؛: اي من عدنا
لؤي؛:؛ سدره الج لو لذيب
سدره؛: لا الذيب
الكل؛؛:هههههه
لؤي ؛: الله يطيح حضج وحض الذيب
سدره؛:هههه لاكول يخسى الذيب
لؤي؛:؛ بطني اتصوفر الي ولجناتي
سدره؛؛ههه تدللون عرسان لازم ادللكم
سد لؤي الموبايل وجبت صحن جبير لان زحمه اطلع صينه فوك ورتبتها وخليت بيها خضره وخذت بطل اثنين لبن
واخذنانها اني وعلي فوك الهم ولكفنا لؤي كاعد بل سطح مال اهل جنات وخاتل بل زوايه جان دائما يكعد ب سطحهم ونفس المكان
جنات
بعد مال الكل راحو سبحت ورحت نمت بفراشي بعد تفكير طويل وخوف من باجر وبين فرح وتوتر
بل ليل فزيت ع موبايلي يدك كاتبه ع رقم لؤي انفاسي
لان يمكن ماتخيل روحي اعيش بعد لؤي اذا صار بي شي لهذا جنت دائما اكولو انت انفاسي ومستحيل الواحد يعيش اذا انكطعت انفاسو
جاوبتو واني مغمضه عيوني وبل كوه احجي
جنات..... ها لؤلا
لؤي... نايمه يروحي
جنات... اي نايمه تعبانه
لؤي.... اريد اشوفج جناتي
جنات.... لؤي فدوه اريد انام
لؤي.. يالا جناتي كومي اطلعي لسطح اني هناك
جناات...اوكي
كمت اتعدلت ورحت طلعت على كيفي عالسطح
هو بسطحهم واني ب سطحنا
جنات.... ها لؤي حبيبي
لؤي... هلا كلبي اتاكدتي ماكو احد
جنات.... اي حبي نط ماكو احد
قلب من سطحهم علينا متعودين دائما جنه انسويها من جنه بلسادس يعني بعد ماهلي عرفو بعلاقتنا
اول من جا حضني قوي ويشمني
لؤي؛: بس كوليلي شنو هذا الجمال طالعه هليوم
جنات؛: ههه الك يروحي
لؤي... اروحلج فدوه اني
جنات.. اسم الله حياتي
باسني من شفتي ورجع باس ركبتي وصار يبوس بيا ويلمس شعري جان يحضني ب شوق ولفه
جنات... لؤي فدوه لاتصير مكانها
لؤي... ماتصير حبيبي ماخذ بالي
ماحسيت على روحي غير ابدرو خلى شفتو على شفتي ويبوس بيها كعد وخلاني بحضنو حاوطت ركبتو وهو يتلمسني
لؤي... اووف جناتي مابيا اصبر لباجر
جنات.... لؤي فدوه روح
لؤي... خليني اشويه جنو
وكام عبدالله يدك علينا وحجى معا لؤي واني ميته من الضحك
خطيه جت سدره جايبه اكل معاها هيا وعلي
سدره؛:, ها لوتيه اش دا اتسوون هينا ماتحملون لباجر
لؤي؛؛ جيبي الاكل وادعبلي
سدره؛:عابت
ههههه اتعشينا وكملنا ولؤي يطعمني ب يدو
خلصنا واني نعست اريد انام واذن الفجر خفت لابويا يكعد يحس علينا
جنات... يالا حبيبي اروح اني
كمنا ولؤي حضني قوي وباسي وشمني واني هم حضنتو
لؤي... لو تعرفين ياجنات اشكد احبج
جنات... اشكد
لؤي... شوفي النجوم الي فوكج بكد هاي النجوم ورحمة الله
جنات... ههههه لؤلا
لؤي... هاي يعمر لؤلا
جنات... اذا انت تحبني هلكد لعد اش خليتلي
دنكنا نضحك طبع بوسه على كصتي ورجع على سطح مال اهله
لؤي... احلام سعيده جناتي تصبحين على خير بنيتي الحلوه
جنات... عمري وانت من اهلو ياقلبي ياعشقي
ضحك وغمزلي بعين وكال
لؤي.. موعدنا باجر ههههه
واني نزلت جوى اضحك همزين محد شافني غسلت ورحت لفراشي المس شفتي وركبتي وخدي مكان البوسه.....
سدره
صار ثاني يوم وكلنا مخبوصين وهذا الي يصيح وين القاط وهذا الي يكول وين صار الريوك والخ يكول ماضل وكت
وكلها تركض هينا وهينا والشباب نايمه بل حديقه وعمي وابويا كامو يصيحون عليهم يكعدونهم مانمنا البارحه الي ساعه 4الفجر ماخليت علي ينام بل غرفه اخذت اماني يمي
هيا وهدير دائما هيجي
كعدنا اتريكنا كلنا وركض ركض انشيل المواعين ونغسل والشباب هم يساعدونا خطيه يلمون الفراش ويسفطون
وشطفو البيت كلو عمر مسك الصونده من فوك لجوى والويلاد كل واحد شايل ماسحه ومشكلين البجامه مالهم وينشفون البيت وجماعه يرتبون الكدوره بل كراج مال سياره على مود يجون الطباخين يطبخون لغده لان العشه بل قاعه
ميس؛:؛ ضابط وبالكم عني ماسك الصونده
عمر؛: ترى امسكلج الصونده من صدك فوك ماساعدكم
ميس؛؛هههههه عفيه عفيه حضرت الضابط
سدره؛؛ قبان اخوي اممممواح جتك البوسه امسكها
دزيتلو بوسه بل هوى ورجع مسكها باسها ودزلي هيا فدوه اشكد حنون علينا عموري
ماحسيت غير مسكني من كذلتي علي ويضربني لان يغار وجا عمر سحبني من ايدو واني اضحك وضلو همه بينهم واحد يضرب الثاني
اني مامن نوع ملتزمه ب حجابي جنت مره البس مره لا وعلي ابد مايحاسب ولايكول ليش مالابسه لبست كم مره كدام صهيب وبعدين دحكت ماكو احد غريب كمت انزع الحجاب كدامو هو واحد منا وبينا
كملنا تنظيف وبداء الطبخ ونحنا البنات ركضنا بدلنا واخذت سويج السياره وطلعنا واخذت جنات وزوجه اخوها وطلعنا لصالون واشتغلت بينا ام الصالون
خليت حسوني يم امي واخذت ماري معايا حتى اني ارتبها ب يدي
جنت ماجره فستان لون ذهبي فصال سمكه وطويل اشويه
حيييل جان حلو
صار وكت الغده جابونه الغده لصالون وكعدنا نتغده وكل وحده بينا اتخلي لكمه بحلك جنات ونضحك عليها
كملتنا ام الصالون سويت تسريحه بحيث شعري كلو صار جهه وحده من كدام ولبست ذهبي كله طلعت اخبل
واكفه اعدل بروحي وماري واكفه يمي تضحك فرحانه بل حمره مالها وهم لابسه ذهبي مثلي اتخبل ونحنا اثينا شكر
طلعت جنات من المنزع ولابسه فستانها الابيض فدوه شنو من جمال طالعه بس كمت اقراء عليها ايات وانفخ من العين
جنات
هليوم واكفه ب فستان الابيض كدام المرايا وصديقاتي صديقات العمر محاوطيني هدير واماني وسدره
ادحك عليهم وابتسم وارجع ادحك ع المرايا الي كدامي احس روحي راح ادخل بغير عالم عالم عباره عن وردي رسمنا اني ولؤي من جنه اصغار عالم انعيش بي انسوي اطفال وانربيهم ونعلمهم على الحب والتضيحه عالمنا جان وردي .....
