رواية سلسلة قضايا الجميع مشتبه بيهم القضية الواحد والعشرون خبر عاجل الفصل الاول 1 بقلم اية السحماوي

القضية الواحد والعشرون خبر عاجل الفصل الاول  بقلم اية السحماوي 

خبر عاجل:- " ظهـور كائن غريب في الأراضي الزراعية في أرض مصر و لم نستطيع العثور عليه، بل هو مُتخفي.. سُرعته لم نشاهد مثلها من قبل حيث أن لا نستطيع تحديد نوعه أو ما هو.. واختفاء خمسة رجال كانو يقومون بواجبتهم في الزراعة.. برجاءَ ألتزام المنازل و أغلاق الأبواب جيداً.. " 

كنت واقف قدام الشاشة بسمع الخبر اللي قلب كيان مصر و بقى حديث السوشيال ميديا كلها.. و سبب رعب الأهالي.. 

أن في كائن غريب في الأراضي الزراعية، و تحديداً في الشرقية. 

القمر الصناعي لحد الآن شايفه في اراضي الشرقيه و مخرجش منها تاني.. 

لكن سُرعته مش مخلياهم عارفين يحددو هو إيـه!! 

و اختفاء الرجالة بالشكل دا، يبقى هو مفترس! 

لكن القمر الصناعي حدد حجمه، بيقول بحجم فيل.. 

ازاي!! معقوله ديناصور!! لكن دول انقرضو من زمن الزمن.. 

لفيت على رنة الفون لقيت رحمـه، هي طبعاً محذر عليها من الخروج و كمان واخده اجازة لأن هي حامل، و حملها ضعيف و لازم راحه. 

_ أحمد أنا هروح عند ماما، و هروح أنا و هي للدكتور. 

برقت بصدمة و لفيت بسرعة و انا بحذرها:-

_ رحمـة، أوعي تخطي خطوه برا البيت من غيري، متطلعيش نهائي.. في كائن غريب و على ما اعتقد مفترس.. مسبب رعب لمصر كلها، و محدش عارف يحدد مكانه بيتنقل من بلد لبلد.. أوعي تخرجي يا رحمه.. اللهم بلغت اللهم فاشهد.. سلام. 

نهيت المكالمة لما لقيت الباب بيفتح، و دخل اللواء حسن و معاه العقيد سامي و اللواء رامي.. رحبت بيهم و أديت التحية العسكرية.. 

قعدنا كلنا و أنا عنيا عليهم بدأت العقيد سامي يتكلم برسمية، و يمكن أنا حسيت هما هنا ليه:-

_ طبعاً انت عارف الخبر المنتشر للكائن الغريب، و مصر كلها عارفة مين أحمد علواني و عارفين كفائتك و أصعب القضايا مش بتعجز عنها.. كل القادة متفقين إن أحمد علواني هيستلم قضية الكائن الغريب. و دا هيكون رفعه جامدة في مكانك يا احمد. 

شبكت إيدي في بعضها و لفيت عنيا على صوت اللواء حسن:-

_ احمد انت اترقيت بعد قضية بالطو و قضية ثاني اكسيد الدم و قضية مستشفى المجانين .. يمكن دول اصعب قضايا انت مسكتهم عشان كده عندنا ثقة جامدة فيك.. و عارفين انك قدها.. 

ميلت لقدام سندت دراعي على رُكبي و انا بقولهم بستغراب:-

_ هو أحمد علواني دا إيه! مش بشر! يعني مش عايزين تضحو بأي حد و يلا نصدر أحمد علواني هيقدر يتعامل.. أنا شُغلي يا فندم جنايات و جرايم قتل.. أروح أراضي الشرقية عشان احقق في قضية ملهاش ملامح أصلًا؟ مع كائن القمر الصناعي عاجز عن معرفة جنسه!! 

ولا أروح أقف في وسط الأراضي و أقول يا كائن غريب ياريت تظهر عشان اشوفك بتعمل كده ليه؟ و جنسك ايه؟ و انت مين! 

دا لو عرفت أخطي خطوه هناك! تبقى كل سكان مصر في البيوت و حضراتكم كمان.. و أنا بطولي! لكون مش بشر ولا حاجة! 

_ بس دا شغلك يا حضرة الظابط! 

اتعدلت و انا برد و بحاول اتحكم في صوتي، أنا مش معطرد و مش خايف و مستعد اعمل ايه حاجة لان دا واجبي، لكن فكرة ان كل حاجة بقت تتحول لأحمد علواني و كأنه مش بني أدم، حقه يرتاح، حق يعيش.. دا أنا مفتكرش أخر مره قعدت مع مراتي كان امتى بعيد عن شغل و قرف.. هو مفيش غيري! ولا كفائتي هتمنع راحتي!! 

يبقى بناقصها:-

_ و أنا مش مانع يفندم.. لكن في كتير في مصر غيري، و لا كفائتي هتمنع راحتي!!.. كل القضايا اللي حضرتك ذكرتها.. كان فيها خيوط حتى لو بعيده بس بوصل لها.. دلوقتي بتسلموني قضية يعالم هرجع منها ولا لأ.. و كمان مفيش خيط، مفيش شاهد، مفيش أي حاجة!! 

لفيت على خبط الباب و بعدين دخل شاب طويل شوية عنده لحيه و شنب خفيف، شكله كاريزما و هادي.. دخل رحب و سلم علينا. 

دا الدكتور كريم عبدالله.. اللي كان طلع ترند في قضية نرمين. طبيب جنائي كفائه جداً.. يمكن اكتر من رحمه نفسها.. احنا معرفة لكن مش شخصية اوي.. 

قعد بهدوء لقيت اللواء حسن قال:-

_ دكتور كريم هيكون معاك طبعاً بدل الدكتورة رحمه، القضية اختارنا فيها اكفئ ظابط و أدق طبيب جنائي.. الحكاية مش حكاية ان مفيش غيرك يا احمد.. في غيرك كتير جداً، لكن مفيش زي دماغك.. و لما كل القادة العليا تطلب ان احمد علواني بنفسه يستلم قضية بالصعوبة دي، يبقى تعرف انك قدها و كلنا واثقين فيك.. اللي عنده دماغ زيك يقدر يحل أي قضية و متقفش قدامه حاجة.. حتى لو كائن ملهوش ملامح. 

بالتوفيق.. 

وقفوا استأذنوا و خرجوا، و عنيا على الباب لفيت عنيا على كريم اللي ابتسم ليا ببراءة.. بسمته خلتني اضحك بُغلب و قولتله:-

_ هو في مشروب بيخلي الشخص غبي!! 

لقيته بيضحك بصوت عالي، ضحكت انا كمان و اخدت الجاكت و خرجت انا و هو و هو بيقول:-

_ توكلنا على الله.. ربنا يسترها علينا.. انا كتبت وصية قبل ماجي. 

ضحكت و ضربته على كتفه، و ركبنا العربية. 

مديت ايدي بسترة ضد الرصاص و لبست انا كمان واحده، احتياطي. 

_ بيقولو كائن مفترس.. مش شايل رشاشات. 

_ هنبدأها ظرافة من دلوقتي يا كريم..

اتحركت بالعربية و الفريق بعدد اكبر بكتير ورانا بالعربيات الكبيرة و البوكسات و مجهزين نفسنا كويس جداً.. طلبت منهم الهدوء التام مفيش اي صوت يشتغل.. 

شغلت سورة يسوف لانها بتريح بالي شوية و نفسيتي بصراحة. 

انا رايح لأول مرة لقضية، و انا معرفش عنها حاجة، مفيش حتى أي حاجة توصلني.. المرة دي القضية متنقله مش ثابته. 

قبل ما ندخل الشرقية، طلعت ايدي من شباك العربية بعلامة كله يقف محدش يدخل لأن الكائن ده هيحس و هيخرج تاني.. بصيت في الساعة لقيتها خسمة المغرب و الشمس بدأت في الغروب.. 

نزلت انا كمان من العربية و معايا كريم.. الفريق كله طلع فرق نفسه بصمت غريب. 

جهزت سلاحي و القنابل اللي معايا، و كريم ورايا نزلنا بهدوء الاراضي الزراعية.. كريم بيتلفت حواليه و انا عنيا قدامي، وقفت لما بصيت على الارض لقيت مكان رجل.. بحجم غريب! احيه على اللي رميت نفسي فيه.. 

كريم ركز على رُكبته بيدقق النظر في مكان الرجل الغروز في الطينه و قال:-

_ دي مش رجل حيوان عادي يا احمد!! دا حجـم رجل لـ.. 

قطعت كلامه و انا بشده من الجاكت براحه، وقف بهدوء بصينا قدامنا لقينا اللي بيتحرك في ارض الدُره!! 

طفيت الكشاف اللي معايا، و رجعت بخطواتي لورا انا و كريم. 

و قولتله بسرعة لما لقينا اللي طلع من الدره، شهقت بصدمة من اللي قدامي:-

_كريم بتعرف تجـري

_ها؟ 

_مش وقت ها.. أجــــــري

و في ثانية إلا ثانية، بقيت أجري انا و كريم بسرعة غريبة، و حرفيا حاسس الارض بتتهز تحتنا من اللي بيجري ورانا.. 

ازاي بالحجم ده؟ ازاي؟ هتجنن. 

يخربيت سرعته، شديت كريم بسرعة و نطينا في ارض الموز، شجر عالي، حطيت ايدي على بُقي عشان النفس و كريم كمان. الجو ضلم. 

طلعت الفون رنيت على اللواء حسن و اتكلمت بصوت واطي جداً و صوت نفسي عالي و دقات قلبي عالية و سريعه:-

_ الهدف فعلاً في اراضي الشرقيه، الطيارات تيجي حالاً.. يا فندم سامعني!! ألـ.. 

نزلت الفون و انا بحسس على اللي تحت ايدي، او انا قعدت عليه. 

نورت بشاشة الفون، لقتني بحسس على رقبة راجل مفصوله عن الراس و انا اصلا من الخضة محستش اني قاعد على بطنه.. 

لفيت عنيا على كريم بسرعة عشان اقوله، لقيته شايل الراس في ايده و رافعها، كأنه كسب جائزة نوبل للسلام.. 

برقت انا و هو زحفنا على بطننا بسرعة في خطوط الارض، لما حسينا بالحركة و صوت الشجر عالي، يعني دا يدل ان هـو جاي عليـــــــــنا. 

ــــــــــــــــــــــــــــــــــــــــــــــــــــــــــــــــــــــــــــــــــــــ

الفصل الثاني من هنا