رواية بديلة اختي الفصل الواحد والعشرون بقلم خاتون الكعبي
تذكير
مرسلين : هههه اني اغار وع واحد مثلك اباوعلة قرب علية الحد موجهة صار مقابيل وجهي وانفاسة الحارة صارت تضرب بخدي وهوة يكول
شاهين : مرسلين جري وياي عدل ما اريد أذيج وسالفة التسجيل وهل مواضيع تنسيهة ومن باجر اجيج نعقد محكمة واسبوع ويصير العرس وبدواً اي اعتراض مفهووم
مرسلين بسخرية : مفهوم تأمرني بشي ثاني
شاهين برود : حالين لا بس بالأيام الجاية اكيد وغصبن ما عليج تنفذين
مرسلين : انشوف اباوعلة تبدلت ملامحة للحدة وهوة يقرب علية اكثر ويزيد بضغطة ع ايدي ويكول بصوت جهوري خلة اشفايفي ترجف من الخوف والتوتر
شاهين : كللت جرري وياي عدلل لا انددمج ع اليوم الجيتي بي علة هل دنياا مفهووم لو لااا
مرسلين بدموع : اووي وخرر ايدك دتأذيني ولا ممفهوم شنو مثلاً تريدني اكولك بعد كل يلي كلتة حاضر تأمر وانت دتهددني وتجبرني ع شي ما اريدة والزواج مو لعبة الزواج شي مبني ع المحبة والتفاهم واني وياك لا هذة ولا ذاك بيناتنة انتة تريد تنتقم واني اريد اكمل دراستي ومستحيل اخليك ادمر مستقبلي بهاي تصرفاتك الطفولية اباوعلة زاد ع ضغط ايدي وهوة يكول بصوت مصرور
شاهين : طفولية موو
مرسلين بوجع : اي طفولية وحتة الطفل ميفكر يسويهة وينتقم من شخص بشخص ثاني مالة علاقة بالموضوع ويهدم حياتة ومستقبلة كملت كلامي واني احس بأيدي حتنكسر من كثر ما ضاغط عليهة غمضت اعيوني بخوف واني احس بنفاسة صارت قريبة ع وجهي وصوتة وهوة يهمس بأذني
شاهين : اتحملي لعد اشراح يصير بيج
مرسلين : كال هيج ونتر ايدي واجة يطلع من الأستقبال صرت كدامة بسرعة قبل لا يطلع وكلت
مرسلين برجاء : لسويهة لا تهدم حياتي بهالطريقة صدكني محد حيستفيد بهل زواج لا اني ولا انت لا تخلي الأنتقام يعميك وتخرب كولشي بنيتة اباوعلة ظل صافن بوجهي وساكت لزمت ايدة بتردد ورجعت كملت كلامي وكلت بصوت مخنوك
مرسلين : ماريد تنكسر الصورة الجنت راسمتهة عنك من الطفولة بهل زواج ما اريد اكرهك ما اريد احقد عليك واذكر بيوم انو انتة جنت سبب عذابي احجي وعيوني مرتكزة ع اعيونة اباوعلة ابتسم برود وهوة يدنك علية باس راسي بشمة وكال بصوت خافت
شاهين : صدكيني اني اريدج تكرهيني
مرسلين : كال هيجي وعافني وطلع بسرعة من الأستقبال عقدت حاجبي بستغراب ع طريقة كلامة ورجعت دخلت للصالة شفت بابا وماما كاعدين بيهة عفتهم وصعدت كبل الغرفتي دخلت واني احس افكاري مشتتة اخر أمل جنت متأملة بي انو يخرب هل زواج وفقدتة ذبيت شالي واني ازفر انفاسي بتعب وطلعت جنطتي عاد خل الهي روحي بشي كلت هيج واني اطلع بكتبي وكعدت اقرة بيهن ورة نص ساعة تقريباً دخلت زهراء وبيدهة علاكة بيضة ابتسمت لمن شافتني ادرس وكالت
زهراء : هاج اشربي هذة يفيدج
مرسلين بستغراب : شنو هذة
زهراء : خافض حرارة ومسكن
مرسلين : ابتسمت واني اخذ علاكة الأدوية منهة واكول شدراج مصخنة وشوكت لحكتي اجيبيهن
زهراء بتوتر : ها حسيت بيج تعبانة فدزيت بيد اخوج خافض حرارة شربي وان شألله تصيرين احسن
مرسلين : تسلمين يعمري
زهراء : ولو عدنة اشكم مرسلين
مرسلين : ابتسمتلهة وشربت الدوة واني اغمض اعيوني بقرف من طعمتة وكمت شربتلي اكلاص مي ورجعت اقرة للمغرب حسيت بمفعول الدوة بدة يشتغل وصابني خمول قوي اثاوبت بنعاس واني الم كتبي وكمت صليت وغسلة ملابس المدرسة وصاحوني ع العشة بس كتلهم ما اريد وتمدتت ع جربايتي واول محطيت راس ع المخدة غفيت من مفعول الدوة القوي و........
____________
تقى
واكفة يم الكاونتر اقطع بالزلاطة وعيني ع الصالة واني اشوف الست مريم مأخذة راحتهة جنة البيت بيتهة ادري معاولت اخلص منهة هية وامهة العكربة شبسرعة رجعلي وما شألله الأستاذ مسلم ممقصر من الصبح واليجاي لاطش يمهة ادري معندك شغلة وعملة لازك من الصبح بالبيت لو لأن ست الحسن شرفت بقيت
كلت هيج وما اشوفلك غير مسلم داخل للمطبخ رجعت دنكت راسي بسرعة واني احاول الهي روحي بالزلاطة لحظات قليلة واني احس بعطرة دخل ريتي من قربة علية احس روحي توترت وتخربطت كل احوالي مد ايدة ع ماعون الزلاطة اخذ اخيارة وهوة يهمسلي
مسلم ببتسامة: الغيرة مزيدتج حلا
تقى : نهة كلامة وهوة يغمزلي ويطلع من المطبخ احس اخدودي كبت نار من كلامة رحت بسرعة الجهة اسنك غسلة بمي بارد واني اسب واغلط علي شكلهة حالة السب حترجعلي من وراه و..........
____________
تماره
: ها بشري من الصبح منتظرتج حللتي لو لا
تماره بدموع : حللت وماكو شي مجرد التهابات لهيج اتأخرت الشه** يعني مو حامل
: ولا ازعلين روحج حبيبتي عادي ع شنو هل بجي مثل مجبتي شاهين اجيبين الكبر منة
تماره بقهر : ما اريد الكبر منة اريدة هوة
بشك : لج تماره يا خوفي تكونين حبيتي
تماره بتوتر : ها لا مو شغلة حبيتة بس اول واحد يعصة علية ويطلكني بهل سرعة وا.. قاطعة كلامي وهية تكول
: احجي هذة الحجي لل** ام صلاح اختي واعرفج ذايبة بحبة الهل شاهين
تماره ابجي : عوفج من هل حجي هسة ولاكيلي حل
بخبث : الحل موجود وكدام عينج بس انتي معمية عنة
تماره : شنوة
: صديقة
تماره بقرف : اشرف
: لج يا نعل الثاني الوصلج اوراق الطلاك
تماره بصدمة : قصدج عمار
؛ اي هوة
تماره : وشسويلة مثلاً
: حاولي تتقربين منة بأي شكل من الأشكال وداعتج هوة الوحيد الكادر يوصلج الشاهين
تماره ابتسمت بمكر وهية تكول : اشوف و..........
___________
محمد
مر اليوم بحالة واوتار ماكو مختفية حتة للكلية مراحت سئلة عمتي عليهة وكالت مريضة وهية البارحة جانت كلشي ما بيهة الحد مصحت ع اختي ابتهال بالليل وكلت
محمد برود: شبيهة اوتار وليش مختفية اليوم
ابتهال بمكر ؛ شعجب تسئل عليهة
محمد : ميخصج وهسة كليلي شبيهة
ابتهال : شنو شبيهة غير اليوم عيد ميلادهة وهية بكل سنة مثل هذة اليوم تختفي ومتحب تختلط بحد ولا احد ايعايدهة الثاني يوم
محمد بستغراب : ليش
ابتهال : شو احسك مكاعد ويانة ومعرف ليش بس هية تحب تختفي بهيجي يوم يلة هسة تريد شي اريد اروح اقرة
محمد برود : روحي
ابتهال : يلة تصبح ع خير
محمد : اجمعين كلت هيج وظليت صافن ع الباب الحد مطلعت فعلاً حسيت نفسي بعيد كل البعد عن اوتار الدرجة ابسط الاشياء التخصهة مجنت اعرفهة وتندمت الف مرة ع امجافاتي الهة وبرودي وياهة لكل هل وقت و....
___________
مسلم
كاعد اشرب چاي وما شوفلك غير تقى صارت فوك راسي اخدودهة حمر وقابضة ع ايدهة كاتمة عصبيتهة شكلهة مثل الطفلة وهية معصبة باوعتلهة وكلت بيتسامة
مسلم : شبيج منو وياج
تقى بعصبية : بت خالتك العكربة شوكت تولي وبعدين انتة مو كلت اني اصرف وياهن شو رجعن يجن
مسلم : كلت اصرف وياهن ما كلت اطردهن وبشنو زاعجات حضرتج
تقى : من العصر وليجاي هية وزينب كر كركر ما سكتن اريد انام ماكو صوت ضحكهن وصالني للغرفة
مسلم : هسة احجي وياهن ينصن صوتهن حتة حضرتج اتنامين
تقى بحدة : شو احسك دتستهزاء بية
مسلم : ههههه بنيتي شبيج اليوم اشو طاكات فرد مرة
تقى : باوعتلة بغيض واول مردت ارجع صاح علية وكال
مسلم : انتظري شوية اريد احجي وياج
تقى بنفاذ صبر : كول
مسلم بمكر : شكلج ناسية سالفة الشرط
تقى بتوتر : ها لا مناسيتة كول شنو شرطك واني اسوي
مسلم :........
_____________
مرسلين
كعدت الصبح واني بكامل نشاطي كمت سبحت وصليت ولبست ملابس المدرسة ع السريع ما اريد اتأخر واخذت جنطتي ونزلت صبحت ع اهلي واول مكعدت اتريك كالت ماما
ام مرسلين : هاي شلابسة شنو مكلالج شاهين البارحة اليوم حتعقدون
مرسلين برود : ومدرستي
ابو مرسلين : عود غيبي اليوم ماكو مشكلة
مرسلين : باوعتلهم ابرود وهزيت راسي وصعدت حسيت الكل استغرب ع تصرفي وأني وافقت بهل سهولة عبالهم حرضخ للأمر الواقع واتقبل شاهين كزوج الي كلت هيج واني ابتسم بمكر
وأدخل الغرفتي وطلعتلي فستان اسود طويل يناسب هيج يوم لبستة ولبست ويا شال وردي فاتح وحطيت مسكارة وحمرة وردية بناتية وكعب من نفس لون الشال واول مبديت ارش عطري دخلت ماما وباوعتلي ببتسامة وكالت
ام مرسلين : عفية ببنيتي السباعية هيج اريدج البسي وتعطري وكسري اعيون كل شامت وهسة يلة تعالي شاهين قبل اشوية اجة ومنتظرج
مرسلين : ماشي بس تروحون ويانة مو
ام مرسلين : لا لأن اليوم بس تحللون وتكملون اوراقكم وباجر العقد
مرسلين : هزيتلهة راسي برود واخذت جنطة ازغيرة ومبايلي ونزلت جوة شفتة كاعد وية اخواني وبابا بالصالة سلمت علي رد السلام وكام ترخص من بابا وطلع واني وراه فتح السيارة وركبهة ركبت ويا وبدة ايسوق درت وجهي ع الجامة بتجاهل ما اريد احتك بي الحد مقطع هذة الصمت وهوة يكول
شاهين بسخرية: ماكو اضيك من هذة الفستان جان لبستي
مرسلين : اكو ليش لا بس مشفت فستان يناسب هيج يوم اكثر من هذة الون اباوعلة سكت ورجع كمل سياقة الحد موصلنة للمحكمة صف السيارة اكبالهة وكال
شاهين : يلة انزلي
مرسلين برود : ما انزل
شاهين : وليش بلة
مرسلين : اريد احجي وياك
شاهين : اتوقع البارحة حجينة بما فيه الكفايا وضحتلج كل الأمور بعد بشنو تردينة نحجي
مرسلين : انت الحجيت وهددت مو اني وهسة اجة دروي احجي
شاهين بسخرية : تفضلي
مرسلين : عندي شرط قبل لا نبدي بالعقد ويتم هل زواج اباوعلة رفع تك حاجب وكال
شاهين : شرط ماكو طلب اي
مرسلين : انكول طلب
شاهين : شنو
مرسلين : انت واني نعرف ع شنو انبنة زواجنة فأ اريد اظمن حقي بهل زواج
شاهين : اذا قصدج ع المه.. قاطعتة مرسلين وهية تكول
مرسلين : لا مو ع المهر ولا يهمني اساسن طلبي هوة يكون زواجنة وقتي لمدة شكم شهر وننفصل وبهيجي انتة تكون حققت انتقامك من اختي هدى واني اكدر ارجع الحياتي ودراستي بدون ميفوت علية شي
شاهين : قصدج زواج ع الورق
مرسلين : اي وبدون حتة متلمس.قاطع كلامي وهوة يكول بكل استفزاز
شاهين : اخر اهتماماتي هذة الشي مو اني التدني نفسي ع طفلة مثلج وسالفة اطلاك ابالي يعني لا تاكلين همج ع الفاضي
مرسلين : كال هيج ونزل كبل من السيارة كلامة جان جداً مؤذي عبالك مثل البسامير بالعظم حتة لو ما احبة وما اريدة حيجرحني هيج كلام كبنية مسحت الدمعة من طرف عيني ما اريد توكع وابين ضعفي مرة ثانية
ونزلت واره واول مدخلنة للمحكمة لزم ايدي وبدة يمشي بسرعة حاولت اجرهة من ايدة واحررهة من قبضتة بس ماكو فايدة قابض عليهة بقوة الحد ممليت وقربت منة وكلت بصوت خافت
مرسلين : اترك ايدي اعرف امشي وحدي اباوعلة ولا اهتملي وزاد بقبضتة ع ايدي الحد مدخلنة المكتب ازغير كام صابحة اول مشاف شاهين حسسني الوزير داخلة وبدة يرحب ويسهل بي ودانة للمختبر سحبو منة دم وطلعنة اشرلي شاهين ع كراسي اكبال المختبر وكال
شاهين : اكعدي اهنا بين ما اجي
مرسلين : اوكي كلت هيج واني افرك ايدي بوجع من ورة الأبرة وكعدت بالمكان الأشرلي علي ورة دقايق يلة اجة وهوة شايل بدية عصير مدلي يا وكال
شاهين : اخذي هذة وساعة وتطلع التحاليل وروح نعقد
مرسلين بستغرب : نعقد بس ماما كلتلي باجر العقد وما اتوقع يقبلون يعقدولنة واني بعدني مبالغة اثمنطعش
شاهين برود : اني احلهة معليج
مرسلين : هزيت راسي وسكتت وفعلاً اقل من ساعة وصرت مرتة شرعاً وقانون واول مركبنة السيارة شفتة مثل الضايج حبيت اغير جو واني اباوعلة واكول ببتسامة
مرسلين : مبروك زوجي
شاهين ابتسم ع طفوليتهة وهوة يكول : الله يبارك بيج امريتي بس اشغيرج مساعة جنتي ناصبتهة فاتحة ومغندبة
مرسلين بضحك : هههه شفت السالفة متستاهل واني وياك بعد تفاهمنة وحطينة انقط ع الحروف يعني كل واحد منة صار يعرف شنو نهاية هل زواج اباوعلة هز راسة وسكت بعيدن كال
شاهين : اروح المطعم نتغدة
مرسلين : لا ماكو داعي ماما امسوية دولمة وما اريد افوتهة
شاهين : ههه ابراحتج
مرسلين : درت راسي ع الجامة وضليت ساكتة الحد موصلني البيتنة كتلة باي ونزلت من سيارتة دكيت الباب وطلعتلي امي دخلت وظلت تسئل بية الحد مكلتلهة عقدنة اباوعلهة مثل التفاجئة وزهراء كبل طكتهة بهلهولة ابتسمتلهة وصعدت فوك معرف ليش رغم اتفاهمت اني ويا ع حل يرضينة اثنيناتنة وضحتلة كولشي بس بعدهي اكو مثل الوخزة بكلبي يوم بعد يوم دتكبر اكثر واكثر دعيت ربي ايسهلي أمري ويخلصني من هل سالفة ع خير و......
_____________
اوتار
كعدت الصبح ع صوت ماما وهية تهز بجتفي فزيت من نومتي باوعتلهة بنعاس وقربت علية حظنتني وعايدتني ابتسمتلهة ولميت كل الصور الجانن منثورات ع الجرباية ورجعتهن باللبوم وكمت غسلت وصليت ولبست تنورة سودة وقميص اسود وفوكا سترة سودة واخذت شال ماررني لبتسة وحطيت حكل وحمرة خفيفة واخذت السجل وجنطتي وطلعت من الغرفة واول مدخلة للصالة شفت بوجهي محمد باوعتلة ودنكت عايدوني الكل الة هوة شي عادي بنسة الي مثل كل سنة وكعدت اتريك ورة فترة كام محمد وكال
محمد : منتظرج بسيارة لا تتأخرين
اوتار : هزيتلة راسي برود وكمت اترخص من الكول وغسلت ايدي وطلعت وراه شفتة راكب سيارتة ويتأفف ركبت ويا ودرت وجهي ع الجامة بدة يسوق واني اسمعة يستغفر ويفرك بوجهة ورة اشوية تحمحم وكال
محمد : كل عام وانتي بخير
اوتار : تسلم
محمد بحدة : اوتارر
اوتار وهية تباوع ع الجامة: تفضل
محمد بنرفزة: اسلوبج هذة بطلي مو اني التحجين ويا بهل اسلوب وانتي تعرفيني اكره ما عندي اسلوب التجاهل والا مبالا فبطلي احسن الج والي
اوتار بهدؤ : ممجبور تحجي وياي وتتحمل اسلوبي مثل متكول واذا تريد اسويلي خط فضت راحت وع ما اعتقد هذة انسب حلل النة اثنيناتة انو نبتعد عن بعض اشكد ما نكدر سواء بالبيت او بالكلية
محمد بحدة : اوتار تكفي شري من الصبح وسكتي احسلج وسالفة الخط تنسيهة
اوتار : باوعتلة برود والتفتت ع الجامة بعد وبعد استونة بدينة العب بعدك كولشي مشفت مني كلت هيج واني ابتسم بسخرية واول موصلنة للكلية وصف السيارة بالكراج عفتة ونزلت بسرعة ورحت القاعتي و..........
_____________
عماد
كاعد العب كيم بالمبايل وما اشوفلك غير المبايل انجر من ايدي فزيت من مكاني واني اشوف هدى واكفة فوك راسي وبيدهة المبايل وتباعلي بحقد باوعتلهة بنرفزة وكلت
عماد : شبيج تخبلتي رجعي المبايل وطلعي برة
هدى بعصبية : لكك حقيرر اجذذب علية مو كللتلي بعدد مستحيل تفكر بي وحتكرهة واكيد حتبعد عنة وحتخلي يطلكهة ورة مدزيتلهة التسجيل هااا
عماد وهوة رافع حاجبة : شبيج لج قابل كبل اصير الشغلة انتظري اشكم يوم ويطلكهة ع شنو مستعجلة
هدى ؛ للك يا ايطلكهة استوهة دكت علية امي تكولي عقددو بالمحكمة والأسبوع الجاي عررسهم يعني صارت مرتة رسمييي
عماد بتفاجئ : شنوو مستحيل مرسلين توافق علي متأكد راح ترفضة
هدى بعصبية : شتررفضة هاا اشترفضة وهمة راحو عقددو بس العتب مو عليكم العتب ع الغمة الوثقت بواحد غبي مثلك
عماد بنرفزة : الصمي واطلعي برة لا تنسين نفسج تبقين مرة اخوية وبكلمة وحدة مني افضحج واخلي يشمرج ع بيت اهلج مثل الجلاب
هدى بسخرية : بيك خير واحجي شي حتة انشر فضايحك كلهة انت وابن ابو عدنان وكتهة انشوف منو الراح ينشمر مثل الجلاب
عماد : باوعتلهة بنرفزة وطلعت برة احس عقلي حيوكف معقول رضت بي وراح تتزوجة مستحيل اكيد وراهم شي لو ملعوب و.......
______________
تماره
طوخت لون الحمرة واني اسمع الباب يندك واخذت شالي شمرتة ع شعري شمر وابتسمت بثقة واني اشوف شكلي انهائي بالمرايه اليوم اوكعة اوكعة كلت هيج واني افتح باب الشقة وابتسم بوجهة اباوعلة مثل النصدم من شكلي وكال
عمار : السلام عليكم
تماره : وعليكم السلام اعيوني شلونك
عمار : تمام الحمد لله تفضلي هذة المسواك واي شي تحتاجي بس دكي علية واني بالخدمة
تماره : فدوة الكلبك متقصر مكلتلي ابو شنو انكولك
عمار : بعدني ممزوج
تماره بمكر : اها الله يجمعك بنت الحلال التريح كلبك
عمار : تسلمين يلة اترخص
تماره : لا وين رايح بعد وكت حتة مضيفناك شي اباوعلة صفن بوجهي وبأبتسم بادلتة الأبتسامة واني افتحلة باب الشقة حتة يدخل دخل وحط علاكة المسواك بالباب اشرتلة يدخل للصالة دخل ورحت جبلتة مي ورجعت للصالة واني اشوفة كاعد ع الكرويتة ويتلفت بعيونة بالمكان انطيتة المي وكعدت كدامة اباوعلة شرب المي وباوعلي بنظرات غموض مفتهمتهة الحد متحمحمت بحرج وكلت
تماره بخجل مصطنع: ليش تباوعلي بهل طريقة اكو شي
عمار بهدؤ: ع شنو ناوية
تماره بتوتر : مف.. مفتهمت شنو قصدك
عمار برود :...........
_____________
مرسلين
كملت دروسي بتعب من بعد مخابرت تقى ع التحاضير النطونة ياهة اليوم وكالت المعاونة انطتني انذار ع غياباتي الهواي اتنهدت بتعب واني ارجع جنطتي المكانهة واول مردت انام دك مبايلي شلت راسي بنعاس عن المخدة واخذت تليفوني شفت رقم شاهين رجعت راسي ع المخدة واني افتح الخط واكول بصوت ناعس
مرسلين بنعاس: همم
شاهين :شبيج نايمة
مرسلين : لا بس نعسانة وستوني ردت انام
شاهين : اها المهم من باجر امي راح تجيج وابدي حضري وياهة النيشان واختاري الذهب والخميس الحنة والجمعة العرس واي شي ينقصج دكي علية
مرسلين بتعب : ماشي بس ومدرستي مساعة خابرت ع صديقتي وكالت المعاونة انطتني انذار ع غياباتي الهواية مكدر اغيب بعد
شاهين برود : اني احلهة واخذلج هذة الأسبوع اجازة لا تهتمين
مرسلين وهية تغفي : ماشي تصبح ع خير
شاهين ببتسامة : اجمعين
مرسلين : سديتة التليفون ورجعتةع الميز وغفيت بسرعة وفزيت الصبح ع صوت امي وهية وتستعجلني حتة اروح للسوك لأن اجت مرة عمو ام شاهين ومن هذة اليوم بدة الطيحان الحظ والتعب مكمت احس برجلية من كثر المشي يوم للسوك يوم للصالون يوم حجزنة بدلات يوم اشترينة ذهب احس راسي صار طبل من وراهن هذة غير البس المخزي اليختارنة
ولازم كل شغلة وحدة تبدي رئي بيهة احس بدت اصير بين ماما ومرة عمو اسوالف الحموات مع انو مرة عمو اعرفهة حبابة وفقيرة من اهل الله اشلون جابت واحد مثل شاهين مدري واجة اليوم المنتظر الي هوة يوم الحنة وكأي عروس من الصبح للثنتين العصر يلة خلصت احس جسمي تخدر من التعب بس انتيجة جانت اكثر من روعة بحيث باوعت ع نفسي بالمرايه ومعرفت نفسي من ورة الحفافة وشعري الصبغتة عسلي فاتح يناسب لون بشرتي وبدلة ملكية بلون رماني طلع كولشي كامل وحلو الة ضحكتي احسهة مو كاملة صحيح حلمت بهيج عرس وهيج بدلة بس مو بهل طريقة ردت واحد اقلها يحبني وماخذني لأني مرسلين مو حتة يرضي انانيتة وينتقم من اختي كمت اهفي بوجهي ما اريد ابجي واخرب المكياج واجة اخوية محسن رجعنة للبيت اني ومرتة واول مدخلنة بدت الهلاهل والهوسات دخلتني ماما للصالة كعدتني ع الكوشة وشفت كول خالاتي وعماتي جايات ابتسمتلهن واجن يباركلي هاي التباركلي من ورة خشمهة وبغيرة واضحة وهاي تباركلي بلا مبالا الحد مدخلة ام شاهين واخواتة ووياهن بيبيتي وعمتي ام محمد واوتار وكل خالاتة بوكتهة شفت وجه امي انخطف وهية تروح تسئل ام شاهين ع شاهين لأن صارت بالخمسة وهوة ماكو اعتذرت منهة ام شاهين وهية تكول مايكدر يجي وملتهي وية اصدقائة ومن هل حجي اباوع ع عماتي انرسمت ابتسامة الشماتة ع وجوهن ونبت بت عمتي سارة من يمهة وكالت
سارة : يا لعد ميلبسهة الحلقات الذهب حتة خطية لا خطبة سويتولهة مثل البنات ولا حنة بيهة خير
مرسلين : اباوع ع بيبي خزرتهة وكامت هلهلت واخذت علبة الذهب من عمتي ولبستني يا وقربت علية علوية من جيرانة هية الحنتني وعلن البنات الديجي وبداً يهزن ويركصن خوب اوتار وتقى فعلاً وكفن وياي وكفت خوات هنة جانن جو الحفلة بس كل هذة واني مدايرة بال الشي وعيني ع الباب منتظرة الست هدى تجي لو لا الحد ميأست من جيتهة وكومني البنات وبدية اركص وياهن حاولت اشكد ما اكدر انسى سبب زواجي وافرح وضحك وية البنات وللستة يلة شفت هدى دخلة وصعدت فوك كبل ذبت جبتهة ونزلت بفستان قصير صلوخ ومكياج قوي جانت طالعة حلو لاكن المكياج مبالغ بي ورغم هيج كدرت انتبه ع اعيونهة اشلون منفخات وحمر مبينة جانت تبجي تقربت علية وهية تحظني وتباركلي كدام النسوان وكامت تهلهل وتركص وية البنات ورجعت المكاني وللسبعة يلة بدت تخف النسوان وتروح ورة ساعة اشررت الأوتار اريد اصعد هزت راسهة واجت كومتني هية ومرة اخوية وصعدني الغرفتي ساعدتني اوتار بفتح التسريحة والبدلة وكبل دخلت سبحت وذبيت روحي مثل الميتة ع الجرباية مردت افكر او اتخيل بشي لهيج نمت بسرعة وللصبح يلة كعدت ع صوت وسن وهية تكعد بية وتكول
وسن : مرسلين سوسة حبيبتي اكعدي اخوانج وابوج مجتمعين جوة ويردون يحجون وياج
مرسلين : هزيت راسي بنعاس ودخلت سبحت وصليت وشفة تليفوني تلث مكالمات فائتة من شاهين رجعت تليفوني بملل ع الميز ونزلت جوة شفت الكل منجمعين بالمطبخ رغم زعلانة من كل واحد بيهم بس بنفس الوقت احس بوجع قوي ويضيق خلكي لمن اذكر راح ابعد عنهم وبعد ما اشوفهم ولا اشوف لمتهم حتة لو المجرد اشهر قليلة
حسيت الدموع اجمعت بعيوني واني اشوف بابا فاتحلي ايدة رحت بسرعة حظنتة وتعلكت بركبتة اشكد حاولت ما ابجي بس ماكو فايدة وكعن ادموعي واني اشوف نظرات الكسر بعيون بابا بست راسة ورحت حظنت اخواني الي كل واحد منهم بدة ينصحني نصيحة شكل الحد مصبو اريوك ونزلت اختي هدى هية وبتهة نور اول مشفتهة كمت اخذتهة منهة وبدية ابوس بخدودهة واحظنهة وتريكنة واول مردت اصعد فوك سمعة هدى تكول الأزهراء انتي ابقي واني اروح وياهة للصالون وجابوتهة زهراء بتوتر بكلمة براحتج تأففت بملل واني اصعد فوك ولبست جبتي ورحنة للصالون وبدت ام اصالون بتسريحة والمكياج واني اباوع ع هدى شلون مشغولة بنفسهة وبمكياجهة احسهة تريد تطلع بأي شكل من الأشكال احلة مني حتة تثبتلة انو هية الحسن ضحكت ع تفكيرهة ومنا للتلاثة يلة كملت ابتسمت برود واني اشوف نفسي بالمراية بالبدلة. البيضة الأي ابنية ممكن تحلم بيهة وغمضت اعيوني كاتمة كل دمعة واه تصدر مني الحظة الوحيد هذي الماريد ابجي بيهة ورة فترة يلة اجة اخوية ورجعنة للبيت بس هل مرة البيت جدو حتطلع الزفة منا للفندق وهذة قرار جدو وشاهين اكيد وكل عادة لازم يتنفذ دخلت البيت جدو وبدت الهلاهل والجكليت ركع بروس كعدتني امي وعمتي ام محمد ع الكوشة واني احس بتوتر وخوف غريب احتلني وللأربعة ونص اجت الزفة وبدة صوت الهورنات و الرمي يقرب اكثر دخلن خالات شاهين ونسوان خوالة واهواي نسوان معرفهن وبداً بألهلاهل والهوسات ورة فترة يلة دخل شاهين وجدو مكدريت حتة اجرء ورفع راسي وشوفة من كثر التوتر والخجل قرب علية جدو باركلي وهوة يبوس راسي ولزم ايدي وحطهة بيد شاهين معرف ليش بس تمنيت ابوية اليسوي هاي الحركة مو جدو
اباوعلة معرف شهمس بأذن شاهين خلا يبتسم برود ويدنك يبوس كتف جدو وصاح شاهين ع البرنص لبساني يا وربط الخيط مالتة بقوة وباوعلي بعدم رضة وصاح امة ع عباية باوعتلة بصدمة ممعقولة يلبسني عباية فوك كول هل حر والبرنص منا وحتة بيبيتي حجت ويا بس ولا اهتم وفعلاً اخذ عباية من عمة ولبسني ياهة بعض النسوان استغرباً تصرفة والبعض الثاني. كاماً يضحكن وهنة يكولاً غار عليهة ابتسمت بسخرية واني اسمعهن هيج يحجن
ولزم ايدي بقوة اكبر وطلعني وراه والنسوان يهلهلاً ورانة وكبل ركبني بسيارة الزفة وبقة واكف وية أصدقائة شوية يلي خبصو الشارع بالرمي ورة فترة يلة رجع ركب السيارة واخو مصطفى يسوق وجدو بصفة
ورحنة اول شي للمصور طكينة صور مثل صور المدرسية وكل ما المصورة تكولنة ع حركة معينة شاهين يخزرهة وهل شي جان كفيل انو يسكتهة وبألف يا ويلاه يلة خلصنا تصوير
وظلو يفرون بينة بشوارع بغداد الحد ما صار المغرب و زفونة للفندق وصعدتني امي وعمتي الغرفة شلون السويت وظلن يوصني ويهداً بية الحد مدخل شاهين وكامن امي وعمتي بسرعة باركلة وصنة بية وطلعن باوعتلة بخوف ودنكت راسي جانت ملامح وجهة كفيلة انو ترعبني وتخلي اطرافي كولهة ترجف من الخوف واني اسمعة يكول
شاهين :............
