رواية دخيله الشيخ زين العابدين الفصل الثاني والعشرون بقلم أوتار حزينه
ليان
اني بالمطبخ داسوي گهوة سمعت صياح بره عكدت حواجبي ماما اجتي حجت بخوف
ووج هذا موو صوت وسيم
عفت كلشي وطلعت اركض لباب وهي ورايه وبابا فتحت الباب جمدت بمكاني من شفت ايهم كدامي بابا شافه وانصدم مثلي
وكف بوجهه،،،،،وصاح بي
شجاابك ولك عليناااا
اسمع خويه يفشر علي ويغلط ولازمي شباب المنطقه
مالك اجه بسرعه علينا وكف وي بابا ماخله ايهم يتقرب علينا
رجعت ليوره مااريد اشوفه ولا اسمع صوته دفع ابويه من دفعه من يمنا مالك انهد بيه ودفعه بقوه
وكع وكام يفشر علي بلحظه اخويه اجه وضربه مالك لزمه وماخله يروح علي
مااعرف شنو الصار بس فزيت من سمعت صوت طلقه ثارت بالجو
جسمي كله كام يرجف كلت اخويه كتل ايهم وضاع عيوني راحت اله مابي شي
باوعت لأخويه رجع ليوره مصدوم وبايده سلاح
امي تعيط ابويه يصيح
مالك ترنح وسند روحه على بابنا اخته اجتي تعيط وكع بالگاع على رگبته لازم صفحته والدم يفلت منها
عطت
ووولك شسووويت وسيم
رحت علي بسرعه
اخته فقدت ملخت روحها يمه لزمته من هدومه وخليت ايدي على جرحه صحت بخبال
وولكم شيلوووو راح يموت
اخويه اجه علي بسرعه هو وكم واحد شالو وركضو بي للسياره نوار تكمز يمي وملخت روحها وكفت ارجف مثل السعفه
سمعت صياح امي وابويه
هاااي الردتها ايهم راح الولد من وراك
شجاااابك علينا شجاابك ولك اجيت وجايب الشر
وياااك وصااار من الله ياخذك انت وذيج الساقطه ويخلصنا منك
ابويه انهد بي بخبال
امي تعيط وتملخ بروحها من وره المصيبه
الصارت ناس جرو من يمنا رگبو بسيارته طلع بيها بشحطه
اسمع نوار تعيط بيتهم وصوت الطفله تبجي
بصوت عالي ،،،،، مشيت بدون وعي لبيتهم طبيت امي لحكتني هي وبابا وكم
مره من الجيران شفتها بالمطبخ تعيط وتحجي بالجهاز وشايله الطفله
تصرخ بخوف
اخذتها منها وطلعت بيها لبره تبجي بخنكه وخايفه حظنتها لصدري وكمت اهز بروحي اريد اهدأ واهديها وياي
اش ياعمري ااش لاتبجين
ياارب الطف بحال الولد يارب يارب ابني
راح يروح مني
امي تلوب ام عامر حجت بخوف
الولد شالو لا ايد ولا رجل بس لاماات
امي زادت بالبجي اسمع نوار تحجي
مااادري فهد وي اخذو ووولكم ماادري
طيب ميت يبوووو عليه اخويه رااااح
بابا رجع بسرعه للبيت لحكته واني شايله
تاليا طبيت للمطبخ واكف لازم جهازه بايد ترجف يردد بصوت رايح
ماجاي اشوف اسم اخوج ووج ليان بس لاا الولد ماات
رديت ارجف من الخوف والهبطه
لااا بابا ان شاء الله مابي شي
شجااابك علينا ابن الگلب شجابك شلون اجيت
وباي عين ولك بااي عين اجيت
كام يصيح وتاليا رجعت تبجي
طلعت بيها للحديقه كعدت هناك لان رجلي
بادن وبعد مابي حيل اوكف گلبي كام يدك بسرعه
بجيت وياها وكمت اشهك اريد اسكت مااكدر
اسمع صوت نوار تبجي بالكراج وتصرخ كلت
يارب الطف بي يارب مابي شي لخاطر اخويه وبنته يارب اخذت امها لاتاخذ ابوها خلي الها
روحي لابت ابويه يفتر بالكراج مثل الطير
المذبوح كم واحد من الجيران اجه وكف ويا سمعت عمو فائق كله
ابو وسيم هذا الولد مو شويه ابن قبيله من ربيعه ومعروفين اهله ماراح يسكتون عن الصار بي لا هم ولا اقربائه
ابويه كعد مهدود حيله يدعي بصوت رايح
يارب عدي هاي الليله على خير
الشرطه اجتي وكفت تحقق وي ابويه
والجيران هم واكفين الشارع انترس سيارات
نزلو رجال يصيحون
منووو الضرب مالك
ولكم منو
هوسه صارت بره سمعت
واحد صااح بخبال
اااخوونا اذا مااات ابنك اعتبره مجتول
حظنت تاليا لصدري من خوفي
امي رجعت تملخ بوجهها انهارت بنص الكراج
كمت عليها ام حسين طبت
كومتها تحجي بقهر
يارب منين اجتكم هالمصيبه
اابني راااح ولكم وسيم ضااااع
صرخت وهي تضرب على رجلها اخذتها
للحديقه كعدتها تبجي واني وياها نسمع صياح
اخوته واقربائهم تهديدهم
النا والشرطه تحاول تهدي الموقف
الجيران طبو ساندين ابويه يمشي بصعوبه
كعدو يم امي يلوب من القهر ومايعرف شيسوي
نسمع ذولاك يصيحون ويريدون يعرفون وين
اخذو اخوهم
جهاز عمو فائق دك
يالله ولك يعني طيب هاا اي دخل عمليه
يارب سترك يارب الطف بحال وسيم واهله
ولك اوكف يامستشفى ااي
اهله اجوي وحركو الشارع على بيت عمك مصطفى هسه ابلغهم
كمت شايله تاليا الي غفت بحظني وابويه سأله بتوسل
طيب موو مو ميت
لاااا ابو وسيم مو ميت الطلقه ماضارب اي جزء حيوي بالجسم وطالعه من جسمه دخلو عمليه هسه وندعي من الله يلطف بي
ابويه انهار على الكرسي امي
رفعت ايدها للسما تدعي وتتوسل برب العالمين
يطلع منها سالم
خلي اروح اكول لاهله حتى يهدأون شويه ويروحون علي
طلع من يمنا اسمع واحد يصيح
ووينو طيب
بسرعه حرگو ومانسمع غير شحطه سيارتهم
ام حسين كالت
راح اروح يم اخته خطيه شصار بيها تخبلت علي
ام عامر حجت بقهر
يارب الطف بحاله اخذت امها هالطفله خلي الها ابوها
اامين اامين
رردت بدموع واتوسل برب العالمين
يلطف بي وباخويه
🌿🌿🌿🌿🌿
وسيم
واكف بره واي حيل ماظل بيه ردت اقتل ايهم ووكعت بمالك كعدت بالگاع
لازم راسي وماجاي استوعب الصار اردد وي روحي بجنون
يارب يارب يارب
الطف بحاله
ماله ذنب بالصار المفروض مو هو الي ينضرب
ذاك العار جان لازم يموت
كمت لحيلي من شفت ضابط وشرطه اجوي ووكفو يمنا سألنا اني وباسل وعامر
وين الي ضربه تعرفو
تقدمت ليكدام وجاوبته بصوت مخنوك
اني سيدي بس والله بدون قصد
بالتحقيق يبين اذا بقصد او بدون قصد يله اخذوو
اثنين اجوي عليه خلوه كلبجه بايدي توسلت بي
سيدي بس خليني اطمئن علي
اخذوو
صاح بيهم امشي واتوسل بي يخليني
بس اطمئن على مالك ماسمعني اخذوني وذبوني
بسجن تابع لمركز المنطقه
كعدت بالسجن منهار من وره الصار واكول بس لايموت واشيل ذنبه ضربت روحي اكثر من مرة اردد بخبال
ولك لييش وكفت بوجهي خليني اقتله
لهذا العااار لييش وكعت انت بيها واني اريد اقتل ذاك
ظليت الوب بالسجن من الصار خلوني بس
اخابر ابويه وأگوله اني وين
اجاني ساعه سبعه،،،، الصبح بشرني مالك طلع من العمليه وكعد من البنج
ذيج الساعه يله فك جسمي من التشنج كعدت مهدود حيلي وتعبان كلش
🌿🌿🌿🌿🌿
الشيخ شعلان
كاعدين يم القاضي ادحك للشيخ صگبان يخزر بي اني وحميد زين مااجبتو معي اعرفو غادي نار ويجوز يتلاطش معه مره اللخ ويضيع حگنا يم القاضي
الي سأل
يااشيخ صگبان سمعت الكلام كلو
من مله حميد ومن الشيخ شعلان وش ردك
عليهم
ردي ياقاضي ماهو صدك الصار انا ماتهجمت على حميد ولا مسيت شعره منو لا هو ولا اهلو
عليك شهود ياشيخ
القاضي تكلم ردو بصلافه
يجذبون ياقاضي مااسويها وانا الشيخ صكبان
القران بينا ياااشيخ
حميد تكلم صگبان ردو بغضب
ااااحلف انت بالاول ماحرگت زرعي وگاعي
احلف وانا صادك
مارد القاضي تكلم
يااشيخ احجي شي يشيلو العقل
شلون تريدنا نصدك مله حميد يحرك زرعك
وهو اذا سواها اول المتضررين
به قصص وروايات عراقية كرار صلاح
يااقاضي هالزلمه حاقد عليه صارت سالفه بيني وبينو وحقد عليه من وراها
وش هي يااشيخ
سالتو خزرني بغضب فريت سبحتي وكملت بهدؤ
خل نعرف وش بينك وبينو حتى القاضي يعرف ويحكم بالحك
ماخصك انت
ياااشيخ
القاضي صاح به وكمل
بنت مله حميد وكعت دخيله يم ابن الشيخ
شعلان وانت تعرف الدخيل يصير تحت حمه الحامي
مارد كررت سؤالي
رد ياشيخ صگبان وش به حميد وليش حاقد عليك
ماتكلم يخزر بي حميد تكلم
ياقاضي راد بنتي غصب وماانطيته له
الكل صفن علي رد بغضب
ماهيه هاااي السالفه
عجل وش انت سولف تكلم
تخالفنا على الربح
مااصار هالشي وعزام يشهد
دحكنا لعزام رد
مااصار هالشي ياقاضي انا معه بكل شي واكلك الشيخ صگبان سوه السواه لان مله حميد ماانطاه بنتو
سمعت ياااشيخ
القاضي تكلم معه سكت اني رديت
ياقاضي حگو بالزرع اني متكفل به لجن اريد
حگ الصار باخويه حميد اريد حگ بنتو الي راد ينهبها غصب
حگك يجيك ياشيخ شعلان والصار بي جبيرة عندي مو بس عندك
صگبان دحك له كمل بغضب
الكاعد تسوي عيب ياااشيخ نسيت من انت
نسيت الاصول الي نمشي عليها والي تربينا عليها شلون تريد تنهب
بنت وتاخذها بالغصب
ياااقاضي حميد والشيخ شعلان يجذبون عليك وسوه هالسالفه لان داعيت
بحگي منو لابوها
ابتسمت ورديت بهدؤ قاتل
يكولون لاتحسب اني اذا احترمتك اهابك او جيت ادور مصلحه عند شرواك
هذه اخلاقي وجالك جوابك
مرباي ياوجه الفلس غير مرباك
وجهو انطعن وغده دم
كااعد تهيني بمجلس القاضي ياااشعلان
ياااااشيخ
القاضي صاح به وكمل
الزم حدك عااد واعرف اصول الجلسه وحدودها ولاتجاوز الشيخ شعلان شيخ مثلك تكلم معه بأدب واحترم العرف الساري
بينا من زمن
ياقاضي ماسمعتو شتكلم
انت الي بديت من تهتمو بالجذب
سكت مارد تكلمت
من لا وزن كلمته قبل لا ينطقها تجيه كلمة ما هي بموزونه ومو لا حفظ طلقته ببطن بندقها بنادق الناس ما هي بمأمونه
صح لسانك ياشيخ شعلان
القاضي سكت والحضور كلها سكتت تكلم وره دقائق
ياااشيخ صگبان الي خسرتو تاخذ نص فلوسو من الشيخ شعلان لان تكفل به
شلوون يااقاضي وحگي انا اكثر من هيج
اااسمع
صاح به بغضب وكمل
النص الثاني حگ مله حميد والصار به منك راح اعتبرو فصل له على السويته به
هو وبنتو هذا حگمي وهذا
فصلي ترضى به كان بها ماااترضى مالك حك يمي بعد ولا تحگ الشيخ شعلان
ولا مله حميد
صفن بقهر للقاضي دار وجهو عليه الحقد ترس ملامحو ابتسمت وتكلمت بروده
وانا حاضر ياقاضي واعتبر الفلوس اجتي ليمك سلمها انت بأيدك له
بارك الله بيك ياشيخ شعلان
القاضي تكلم صار هرج بالمجلس على الشيخ
صگبان وعملتو الرديه لان ثبت علي السواه كام من المجلس وطلع هو وربعو
كمت وراه تشكرت من القاضي سريت انا وحميد
لسيارتنا شفتو واكف يم سيارتو وازلامو حدو يخزر بيه وبحميد ولدنا والحرس
وكفو يخزرون بربعو وبه
تكلمت بهدؤ
يااولد اسرو خل نعكب لدارنا
ياااحميد ماراح انساها لك
وكفت من سمعتو هددو جدامي انداريت
وسريت له الحرس لحكوني تكلمت
ظل بمچانكم لاااحد يجي ورايه
ابتسمت لازلامو من وكفو جدامي تكلمت بهدؤ
عش خايفين على شيخكم مني تراني اعزل وماعندي سلاح ومو من شيمتي اااالغدر
عگبو خلونا وحدنا
وكفت وجهي بوجهو كملت بهدواه
يااشيخ صگبان اتمناها مگابل
عگد حواجبو كملت بنغزه
مگابل يااصگبان موو غدر مثل ماااصار يم تل الگصب
خنس ماتكلم ولا جلمه خزرتو واشرت لبيت القاضي وكملت بصوت
ناصي
هينه راح اخذ حگ ابني منك بس الزم دليل عليك وعلى الردي الي دزيتو
وغدر ولدي
مارد لجن ملامح وجهو اثبتت هو وره صواب
زين عگبت هو صاح
ااطلعو بسرعه
حميد ردد
حسبي الله عليك ياظالم حسبي الله ونعم الوكيل بيك وبكل واحد ماايخاف الله
ماايروح حگ يم الله وانا اخوك
🌿🌿🌿🌿🌿
هيله
سجنت روحي بالغرفه الي كعدنا بيها اني وامي وخواتي دمعتي بعيوني على الصار بينا ابجي حالنا وضعفنا وقله حيلتنا
ابجي ابن عمي الي راح
وسكن الگبور
التمت عليه مشتتات البال وصدري انترس
قهر وانا بعمر زغير
ياهيله اكلي شي مو زين عليج تظلين بلا
زاد راح تكعين علينا
مااريد يمه اكلو انتو
يمه راح نظل هينه بيت عم شعلان
لا ساريه هو كال لابوج بس يعكبون من القاضي
راح ياخذنا للمزرعه مالتو
عكدت حواجبي ريمه سالت
يعني هناك راح نعيش
اي ابوج ماقبل يتفضل علي وهو بحسبه اخوه واتفق ويا يشتغل يمو ويسد الدين الي علينا
خواتي فرحن ساريه تكلمت بفرح
يعني راح اشوف زين كل يوم
غمضت عيوني والقهر مرد گلبي دعى على شهم والوكت غدرني به وصرت
دخيله يموو
اااخ ااخ
خليت رجلي بين رجلي دموعي تسف وتحرگ
وجهي وگلبي وروحي ماجنت اظن هيج
راح يصير بي
ماجنت اتوقع انا اصير دخيله
وعند من.. عند زين الي اخر واحد اتمنى احتاجو
رفعت راسي امي صافنه عليه هي وخواتي
تكلمت بقهر قصص وروايات عراقية كرار صلاح
بسج عااد تبجين وتحرگين گلبج وگلبي وياج المات ماراح يرجع وانتي تعرفين هذا كلش زين
ااي خلص وعاف الضيم ليه
رديت بشهگه باب انفتح طب ابويه شافني وجهو انطعن اكثر ماهو مطعون امي كامت بوجهو
سألت بخوف
هاا يابو هيله وش صار
سرى ليمي جلس حدي ظل
صافن عليه والقهر تارس ملامحو تكلم
ياهيله كفي دموعج عااد وبطلي بجي ونوح
النبي مادامت له الله اخذو امانتو من خلص اجلو نبي
ماسلم من الموت تريدينا احنا نسلم منو
غمضت عيوني بس صوت شهگتي تنسمع امي ردت
بنتك مو بس تبجي على شهم لا تبجي على حالنا والصار بينا
ااي اعرف حالنا تردى وانگلبت الاحوال لجن ان بعض الشر اهون
دحكت له ابتسم بتعب كمل
ماادام كلنا طيبين ومابينا شي هاي اكبر نعمه من ربج الفلوس تروح وتجي
لجن عافيتج اذا راحت بعد
مااترد مثل الاول وانا اريدج حدي توكفين وياي الما
تمر هالغيمه من حياتنا
ملت علي اخذني لحظنه ردد
گويني يااابه ابوج تعب وانهد حيلو انتي غير يابنتي عن الكل انتي حزام ظهري وسندي من بعد الله انتي الي انا هساع شاد روحي بها
وخرت منو مسحت دموعي بس شهكه صدري بعدها تنسمع خواتي يدحگن لي والعيون مغوركه ابويه رديت گوة
من بعد الله انا عندك يابه ولاتشيل هم
ونعم بالله ربج ماينسى عبدو تضيج لجن تفرج
بدقيقه
يابو هيله وش صار يم القاضي
حجلنا شسو الشيخ شعلان به وشلون وكع نص الفلوس الي علينا حك ابويه وحگي
امي ردت
خلفه الله علي ماقصر ابو زين وكف وكفه حلوه
وياك
اي والله ماقصر تكفل بكلشي وكلي ولا تشيل هم انا عندك كتلو انا مااريد اثكل علي بعد اكثر خلي نسري للمزرعه مالتك
اي وشكال
مااقبل يازهيره كال اركد هينه الوضع مايبشر بخير واظن راح تعلك
امي صاحت بخوف
وش ادكول ياحميد يعني شنو راح تصير حرب اللخ
مدري ياام هيله انتي تعرفين هو من زمان طلع
دوريات حوالينا القريه تبعنا واجته علوم مااعرف شصاير يم الحدود
يااساتر يارب يااساتر الطف بينا
اسمع الكلام واعرف هوجاس عم شعلان يطلع
صح
سمعت من خواتي الجانن يطلعن بره زين يطلع بليل هو وجثير شباب يفترون حوالين الديره ويعكبون وجه الصبح
العصر عمي الشيخ اجه بنفسو واخذنا لدار بنص بستان صاير وره دارو مجهز كلشي ومرتب حتى احسن من دارنا ذيج الجنا
كاعدين بها
صگبان الردي عگب الصار شامر غراضنا كلها بره
غانم وشكر لموهن
وجابوهن لنا
عفت خواتي وامي يرتبن بالغراض سريت بين الاشجار كعدت يم عثك
نخله صافنه على حالنا،،،
بيوم وليله تغير كلشي ظليت افكر ودايخه من وره الصار بينا وشايله هم كعدتنا بدار الشيخ شعلان
ويم من يم زين
سمعت صوت صهيل فزيت من تذكرت مهره نسيتها عگب الصار بينا وينها هساع وشصار بيها
عگبت للدار اسري بسرعه اريد اكله لابويه عليها وصلت وكفت وفگيت عيوني بذهول من شفتها بأيد زين امي حدو هي وخواتي وساريه صاحت بفرح
🌿🌿🌿🌿🌿
زين العابدين
التهيت وي الولد بطلعتنا بليل حوالينا الديره عگبت ثاني يوم سمعت ابويه فاضها وي الردي وماخذ حك عم حميد هو وهيله وموكع نص الفلوس ومنطي النص
مهره اجتي بالي ظلت هناك واعرفها عزيزه على هيله وتحبها جثير خابرت عم عزام عرفت ،،،،،
هو ماظل بكاع الشيخ صگبان عگب السواه بهيله وعم حميد ولان هم شهد يمه القاضي ضدو
سالتو
وين تريد تروح ياعم
مدري ياولدي ارض الله واسعه نشوف وين نحط رحالنا
ياعم اسري للمزرعه تبعنا ولاتشيل هم عم حميد راح يلزم شغلها وهو متعلم عليك وانت متعلم علي
مدري يااشيخ خاف زحمه
لااا عم رحمه اسري لها هساع واطلع من كاع
هالردي
الله يفرج عليك دنيا واخر وينطيك الي تتمناه
هيله اجتي بين عيوني وكلت
امين ياعم اسالك عن مهره بعدها بالمحصر
والله ياشيخ هو اجه اخذ كل الحلال لجن
عاف مهره وكال ،،،،،،،
خلها تفطس حتى
يحترگ گلب هيله عليها سمعت من واحد لفه يموو ومن ولى غانم راح لها جابها وخلها يمنا
فرحت وكلتو
يعني هساع هي يمك
اي ياشيخ وش ذنبها هالحيوان بحقد هالحاقد
يااعم هساع اجي اريد تلفي بالمزرعه وتجيبها لي
تأمر يااشيخ
مايأمر عليك ظالم يله اترخص وسوي الي كتلك
علي حدر انت واهلك واكعد باي مچان يعجبك
تسلم يااشيخ وباارك الله بيك
كمت بسرعه ورحت للمزرعه رتبت وضعو هو واهلو واخذت مهره وعگبت بها لدارنا وديتها
لدار اهل هيله وكفت بها
بره صحت
ياااساريه يااريهام وينجن
طلعت بسرعه من سمعت صوتي شافت مهره
صرخت بفرح
هااااي مهرة لفت يمنا
خواتها طلعن بسرعه وراهن امهن حجت
بذهول
اااي والله هاي مهره شلووون جبتها ياااشيخ
ابتسمت من كالت شيخ رديت
ماانا شيخ حدج ياخاله
ابتسمت وردت
لاا والله شيخ وابن شيوخ
خوات هيله التفن حوالينا مهره لجن هيله ماهيه
دقائق ظليت واكف ساريه صاحت
ياااهيله زين جاب مهرة
انداريت على جهه البستان واكفه ادحك
لها بذهول مهره صهلت وسرت بسرعه لها من شافتها سريت اضحك واردد
على هونج راح اگع على وجهي
وصلت يمها خلت وجهها
يم وجه هيله
حظنتها وغمضت عيونها
عكبت خطوه عيوني عليها اخذت نظري وگلبي
وتمنيت هالگرب تمنيت هيج وجهي بوجهها اتنفس
هوه التشمو
تكلمت بغصه
نسيتج يامهره عگب الصار بيه
وانا ماانسيتها ورحت جبتها لج
دحكت لي ،،، دارت وجهها ردت گوة
مشكور
صفنت على كلشي بيها ونسيت انا واكف بنص اهلها صوت طلعني من الحال الي انا به
ووين راح تخليها ياهيله
ساريه تحور يمنا هي وريهام ويدحكن لي ولها ابتسمت ورديت
اكو محصر بدارنا تخليها بها ومن تريد تسري بها تاخذها شوكت ماتريد
مشكور ياشيخ ماقصرت لا انت وابوك
امها تشكرت مني رديت
مااسوينا شي انتو اهلنا وعم حميد غالي علينا جثير
يعز غاليك ويحفظ شبابك من كل شر
سكتت دحكت لهيله سرت بمهره من يمنا ترخصت من عدهم وعگبت لدارنا
🌿🌿🌿🌿🌿
مالك
الحمد لله الطلقه ضربتني صفح مااذت جزء حيوي
من صحيت ورجعلي الوعي حققو وياي
وكلت بالغلط وبدون قصد
ووسيم صديقي وماعندي شي وياه خليت اخوتي يسقطون الدعوه ،،،،
ويسدوها
الضحى زين اجاني بعد ماسمع بالصار بيه هو وحمد وصعب وخالتي معهم ظلو للعصر ورجعوا وره مااراحو
وسيم اجاني لونه مخطوف هو وابوه وامه
اخوتي يمي وولد عمامي
حظني وظل يردد
اسف والله مااعرف شلون صار هالشي
مااصار شي وسيم اعرفك مو متقصد
وخر مني دحك لابويه ولاخوتي وولد عمي
ابوه كال
اسفين واحسبوها علينا واحنا حاضرين لاي
شي تامرون بي
ماانريد شي عم
اني رديت عدلت روحي اخويه ووسيم ساعدوني امه حجت بخوف
والله ياماما مو متقصد
هو يحبك ويعزك هوايه وشوفه شلون صار من وره
الصار بيك
رسول ابن خالته الي اشترى المشتمل كال
انت شوف اخوتك واهلك وشتريدون احنا حاضرين
فهد جاوبو
ماانريد شي اخويه كاعد يكول الشي صار بدون قصد ولو نعرفو بقصد مانسكت
الكم لحد هساع
حجي مو احنا الي ناخذ فصل من شي صار بدون قصد الله قدر ولطف والحمدلله عدت على خير
كملت وره ابويه
عم اني متنازل عن كلشي وسيم احبو واعزو جثير والصار قدر الله ولطف بيه
مااريدك تشيل هم ولاتفكر اني اريد شي منك او اهلي برد راسك وارتاح لان
السالفه انسدت من يمي
ابوه اجه باسني من جتفي ورد بصوت مخنوك
بااارك الله بيك ابني وان شاء الله ترجع بالسلامه لبيتك وبنتك
تسلم عم
وسيم وعم مصطفى
ظلو بهل اليومين النمت بيها بالمستشفى يروحون
ويجون عليه وجايبين وياهم العشه والغده ماعده الفواكه والعصاير
طلعت ثالث يوم ورجعت لبيتي اريد بس اشوف تاليا لان ماخليتهم يجبوها للمستشفى خفت عليها تتمرض ،،،،، وصلت
طبيت للبيتي نسوان اخوتي ماعدا الي تزوج قبل فترة كلهن موجودات وقايمات بالواجب سلمن عليه وتحمدن بالسلامه هن ونوار سألتها من كعدت
وين تاليا ناايمه
اي والله نامت قبل شويه
كمت اسند على فهد سالني
وين رايح
اريد اشوفها اشتاگيت الها
امي دمعت عيونها وكالت
حگك يمه شعندك غيرها
رحت لغرفه اختي مشيت للكاروك مالتها نايمه وغافيه حجيت بخنگه
ووج اريد ابوسج بس مااكدر
لاتبووس الشوارب راح تكعدها
ابتسمت من حجت نوار ورديت
هو هم هيج
رجعت للصاله تمددت على القنفه ابويه
يمي يسبح بسبحتو امي
حجت بقهر
شفت بيت اخوك لا اجوي ولا اتصلو علينا سمعو بمالك تصوب ولااا كلفو نفسهم وشالو تليفون وتحمد له بالسلامه
ذبيت حسرة ابويه دحك لها وهو عاكد الحواجب رد
يامرة مو وكت هالسوالف الولد قبل شويه طلع من المستشفى
غمضت عيوني بتعب وافكار دارت براسي بعد وفاه لميس بيت عمي كطعو
صلتهم بيه وباهلي حتى تاليا مااجوي شافوها ولااا طلبو
احد يجيبها الهم وهم بنفس المنطقه مو بعيدين
عليه
يابه الحجي اجه وجايب طليين
فتحت من سمعت صوت اخويه محمود ابويه كام لحيله سأله
منو يابه
ابو وسيم يابه
هذا الرجال ماخله شي مااجاب من تصوب مالك ولحد هساع
اي ديريد يبيض وجهو عگب السواه ابنو
امي ردت بضوجه سمعت صوتو بالاستقبال
من طب ابويه راح الو كمت لازم جرحي امي حجت قصص وروايات عراقية كرار صلاح
عش تروح الو ابوك يمو هو واخوتك
عيب يمه الرجال خوش زلمه جاي وجايب هديه على سلامتي شلون مااروح علي
تفضلي خاله
نوار طبت ووراها ام وسيم شافتني حجت بخجل ومستحيه من امي
الحمدلله على سلامته لابو تاليا واعذرونا والله مااعرف شلون نعتذر منكم بعد الصار بي لابنكم
امي ردت بوجه ثكيل
صار بعد وابني تاذه ولو ما ستر الله ولطفو بي وبينا جان هساع الله اليدري
شصاير به
ام وسيم سكتت اشرت لاختي حجت
تفضلي خاله اكعدي
لاااا والله مااكدر اكعد لان عفت البيت وحده كلت اجي اسلم عليكم واتحمد بالسلامه للمالك
هلا بيج خاله وتسلمين ولايظل بالج الشي صار وعدا على خير
مااعرف شصار بيها انهارت وكامت تبجي بخنگه كررت الحمدلله على سلامتك
ابني وطلعت من يمنا
يااا هاي شبيها المفروض اني ابجي عليك وعلى الصار بيك
يممه هاي ضيفه وانتي جان وجهج ثكيل بوجهها
شترريد يمه اهلي بيها وارحب وابنها ضاربك صواب ورايد يجتلك
ماا قاصد يمه حجيتها للمرة الالف موو قاصد
ابنها صديقي وهم خوش ناس ماشفتيهم شلون ظلو يرحون ويجون عليه بالمستشفى
سكتت سمعت صوت
يالله تفضل ابو وسيم
الحجي طب اجه ليمي سلم عليه وتحمد بالسلامه وكرر اسفو النا ماظل طلع من يمنا
وسيم اجه بليل هم تحمد لي بالسلامه وتأسف مني
🌿🌿🌿🌿🌿
ليان
بعد السواه ايهم بابا اتصل على اخوته علكها عليهم وراح للشيخ واشتكي علي يمه كعدوا واخذو منه تعهد ماايصل بعد لبيتنا
طول هالفتره مااكدرت افتح المشتل ظليت عايشه بقلق وخوف من وره مالك والصار
بي كلت راح يموت واخويه يضيع مستقبله
بس الحمدلله سمعت جرحه مو قوي وما مأذي شي حيوي بجسمه اهلي ظلو يرحون ويجون علي ومن طلع من المستشفى
بابا اخذله طليين ووداهن
اله بيته
كاعده بغرفتي اشتغل بالحاسبه واحجي وي روان الي خابرتني هي وتماره
وسوينا مكالمه مشتركه يسالن على مالك
لا الحمدلله طلع من المستشفى ورجع لبيته
الحمدلله من اجته خفيفه ولا جان وسيم راح بيها
سكتت تمارا سالت بخوف
ليان اايهم شجابه عليكم شبي هذا تخبل ماظل عقل براسه ماايعرف دمه انهدر يمكم
غمضت عيوني بتعب ذبيت حسره
روان جاوبت بتردد
اكيد مو بوعيه
عكدت حواجبي من سمعت نبرة صوتها
اني ماسألت بس تماره سألتها
شلون عرفتي مو بوعيه
جنت اعرفه شارب شفت وضعه مو طبيعي ومو تمام سكتت تماره رجعت سالتها
تعرفين شي احنا مانعرفه
روان تتردد للحظه بعدين ردت
يعني انتو تعرفون من تعرفنا على افنان واخذت رقمها حتى اتواصل وياها بعد الصار ظلت عندي صله وياها البنيه تسلم وتسال عليه وعليج وهي والله كلش مقهوره من الصار بيكم وكالت ايهم مو زين كام يشرب وصاير واحد ثاني وومو مرتاح ويوميا عالكها على........
قاطعتها بعصبيه
سدي الموضوع روان مااريد اسمع اي شي يخصهم
ردت بسرعه
ااسفه والله مااريد اغثج بس داكلج هو يشرب واكيد اجاكم مو بوعيه
اني اروح مع السلامه
سديت الخط والحاسبه صفنت بجمود مااعرف بشنو احس قهر بگلبي وعقلي لحد هسه ماجاي يستوعب هو خاني وي ااختي
ماجاي افهم هي شلون دنت نفسها علي وهو شلون دنت نفسه عليها
الغدر ليش اجاني من اختي بله هو غريب ماتربطني بي اي صله دم بس هي مو غريبه عليه اختي بنت امي وابويه شلون كدرت هيج تسوي
صافنه ودمعتي بعيوني اتذكر شلون واكفه يمه وادكله سلمتك نفسي وانت
اخذتني
غمضت دموعي نزلت بعد الشفته منهم تاكدت منه هم من نفس الطينه
طبعهم نكس والغدر يمشي
بدمهم وواحد يلوك للخ
وشيريد يصير بيهم اكول هاي حوبتي واريدها بعد اكثر
سمعت صوت تاليا تبجي كمت للشباج وكفت
يمه سمعته هو يحجي وياها ويكول
هلا بابا هلا بنتي الحلوه
اشتاكيت الج يگلب بابا وعيونو
غمضت عيوني بقوه سندت راسي على الجامه بگلبي كلت
الحمدلله مامات جان شصار بحال هالطفله
اسمعه يحجي وياها بحنيه ولطف اهله يمه واسمع حجيهم صوت مرة جبيرة
حجت
مالك يمه انطيها لاختك لا ينفتح جرحك
مابي شي يمه خليني شايلها بحظني واشم ريحتها الطيبه
اي دكعد ياايمه لاتظل تفتر بيها اخاف عليك
ههه حجيه تره صوابي مو قوي شبيج ابنج گوي مايلوي جرح خفيف
لااتحسد حالك يايمه كول يالله لك الحمد
يالله لك الحمد
وخرت من يم الشباج من جهازي دك
روان وتمارة يدكن مادرت بال سويته صامت
ورحت تمددت بفراشي
🌿🌿🌿🌿🌿
هيله
بعد الصار بينا عمي اتصل بينا مره وحده وبعد ما اتصل ابويه خبرو بالصار وشلون الشيخ شعلان تكفل بكلشي
كلو اذا فضت هيج ارضى واكعد حدو حتى تسلم من بطش الشيخ صگبان لان
هذا ماراح يعوفك
كاعدين بليل يمهم امي
تكلمت بعتب
شفت ياحميد خيتي ولا اتصلت عليه ولا سالت علينا بس اختك تتصل يوميا علينا
وتسال عن احوالنا
اختج ماعليها عتب ياازهيرة مضروبه براسها من ورة شهم
امي سكتت كمل بقهر
لاتعتبين على ،،، احد كلمن لاهي بروحو
يابه عم عزام وينو هساع
ريمه سالتو رد
ماخبرتكم مو زين جابو وخلاه بالمزرعه هو واهلو
امي دحكت الو بذهول سالتو صدك تحجي ياحميد
اي والله طلع هو جايب مهرة للمزرعه عگب
ماراد ذاك المايخاف الله يعوفها وحدها بالمحصر حتى تموت من الجوع
ماافتهمت يابه
ريمه تكلمت هو رد
يابنيتي،،، زين خله براسو مهره يعرفها عزيزه عند هيله وخابر عمج عزام عرف منو هو عگب ماشهد لي ترك كلشي يم صگبان وراح يشوفلو مچان يلفي به هو واهلو
زين گايلو،،،حدر للمزرعه مالتنا ويشتغل معي من الزم شغلها سالو
عليها كلو يمي لان ذاك الردي ماخذ الحلال كلو وتارك مهره للموت جابها
لهيله لان يعرفها عزيزه عليها وتحبها جثير
ريمه دحكت لي بنظرات اعرفها درت وجهي منها كمت امي سالت
وين يايمه
اسري بره
محد حجه طلعت بره للحديقه دحكت للبستان
سريت لها اريد ابعد اظل بروحي اريد اتنفس هوه مخنوگه صاري فتره وما جاي احس الهوه الي اشمو يترس صدري
سريت مهمومه مقهوره من الصار بينا افكر شلون راح اكدر اكعد بمزرعه تخص زين وهو رايح جاي عليها افكر انا وكعت علي دخيله
وصرت دخيلتو هو بذات الي اكرهو وااموت منو
كعدت على نفس عثك النخل مخنوگه دمعتي بطرف عيوني نزلت من تذكرت شهم ضميت وجهي بايدي شهكت وكلت بصوت مخنوك
ااخ ااخ ياااشهم ااخ انكسرت يبن عمي
انكسرت وكسرتي جبيرة ومالها دوه
الوگت غدرني وخلاني الفي
يم واحد اكرهو ومااطيق
شوفه وجهو
بجيت بصوت قوي وانا اردد
ااانذلينا يارب اانذلينا والناس كامت تتفضل علينا واحنا عزيزين نفس
سمعت حركه فزيت وصحت
من هنا
زلمه طلع من ورة نخله لاف وجهو بغتره عرفتو هو وخرها ،،،،
دحك بوجهه مطعون درت وجهي منو سرى باتجاهي ماتحركت ظليت واكفه بمچاني وكف مسافه
عني تكلم بصوت مخنوك
اعرفج تكرهيني وماا تطيقين شوفتي اعرف ياهيله وش تحسين من تشوفيني لجن بكل مره
اسمعها منج گلبي هذا
دحكت له لزم گلبو وعصرو بقوه كمل
يگوم يوجعني كلش جن اول مرة يسمعها منج
مادرت بال له درت روحي صاح
ياهيله الله يبليج باا
وكفت وقاطعتو بغضب
بلاني من اخذ ابن عمي وخلاك انت
غمض عيونو بقوه واشوف وجهو انطعن بعد اكثر رد من سريت
لو يحبج ماهان علي يعوفج لحلوك الاوادم وانا اولهم ماهان علي يحجون بج
ويطلبوج وهو يسمع وما ايعمل شي
ما رديت كلامو وجعني ودگ
بالعظم كمل
يااااهيله اكولها لج وهو ميت
إعشگي اللي في المواجهه سيف مجرب .. وأتركي الي راس ماله
في كلام
من السيف المجرب انت ياازين
صحت به كملت باعصاب
ودموع
انت ياااشارب العرك يلي ماخليت ملهى يعتب عليك انت يالزاني يلي ماخليت
معصيه مااسويتها
ياهيله ترگت كلشي لخاطرج عفت كلشي حتى اصير بعيونج مثل ماتريدين
ماايهمني يازين لو صرت نبي
سريت رد
لجن يهمج ابوج والي راح يصير له من يد الشيخ صگبان
جمدت بمچاني من سمعت كلامو درت روحي عاكده الحواجب سالتو
وش تقصد مافهمت
ياهيله الردي هدد ابوج جدام ابويه وانتي تعرفي
زين وتعرفي غدار ماعندو امان
گلبي هبط من سمعت بي مهدد ابويه
هو كمل
ابويه ماقبل يخلي يعكب للمزرعه مالتنا من وره
هالسالفه خاف علي وكلو يبقى هينه من وره الوضع
نزلت راسي واختنگت بعد اكثر بداخلي حزن صار مثل صياح خرسه انهبت بليله ظلمه
دحكت له بقهر كمل
يمنا محد يكدر يطخكم ياهيله وشحدو الي يمد ايدو عليكم اذبحو واحسب
الله ماخلقوا
مارديت لزمت ثوبي بگوة تقدم عليه اشر على نفسو وكمل
انا افداج بروحي ياهيله ومااخلي احد يقهرج او يمس شعره من شعراتج
لا انتي ولا اي واحد من اهلج
صار گريب عليه وكف يتفرس بوجهي بلهفه درت وجهي منو عكبت ليوره
هويت ورد اكع مد ايده صحت به
لا تلزمني يااازين
عهد الله ماالزمج الا وانتي حلالي
مااصير ماااصير يازين شيلني من راسك
وارحم روحك وارحمني عهدي يظل مع ابن عمي اافهمها عاد وجوز مني
صاح بيه باعصااااب
مااايستاهل توفين له مااايستاهل ياهيله
عگب ماهون جثير
ااافهمي عااد
ماهو ند لج مايلوك لج
انتي خيالج ااانا
عگبت ليوره من شفت فقد اعصابو ادحك
له بخزرة ودموع ضرب على صدرو بگوة وصاح بجنون
اااانا وبس خيالج ااانا ااي الوك الج
اانا ند لج انا الي احبج واموت عليج اافهميها
عااااد تره عليتي گلبي وخليتني عايش
معلول
واااانا مااحبگ غصب ياازين تريد تاخذني غصب مثل ماراد يسويها الردي
سكت ووجهو غادي دم وعروگ رگبتو تبين ذيج صفن بقهر عليه
سريت من يمه ابجي واشهك
صاح بصوت مخنوك
الله يبلاج بعشگي ياااهيله الله يبلاج
بهل الگلب الشايلو بصدري
حتى تحسين
بالجاي احس به حسبي الله بيج
وبالكاعد تعملي بي حسبي
الله عليج ياااهيله
يكون يلفاج الي احس به
سريت ابجي بشهكه دعى عليه بخبال
ياااهيله ااادعي من الله ذله حبي الي انا بها تصير بج وتجيني برجليج وانتي مذلوله
