رواية الضابط فهد ومريم الفصل الثاني والعشرون بقلم مجهول
مريم: طلعت واشوف افراح لابسة دشداشة استغفرلله فاضحة اكثرر من ماا ساترة واكفة يم فهد وتتنعوص ياا اللهي كرامت هااي الانسانة ويين بس لهناا وخلص طفح الكيلل
خييرر استاذ ضحكونة وياكم
افراح: خصوصية ميصير
مريم: لاا ميصير رجلي لوو رجلج اني مواكفة هاي الوكفة يمة شهلصلافة
فهد: مريم صوتج
مريم: فهد انتة لتحجي حسابك بعدين وانتي روحي برة مو علساس دتساعدين بيهم شوكفج هناا وانتة موو علي اخذك هم شرجعك
فهد: لاا حول الله مريم تراا موطفل كدامج اني اصعدي للغرفة
مريم: يصير خيير فهد عفتة وصعدت قفلت الباب وكعدت بلكاع دموعي صارت تنزل وحدهة صارت غصة بكلبي يعني لييش كل ماا اكول خلص راح اعيش حياة طبيعية يطلعلي عائق بطريقيي يعني اخلص من وحدة تطلعلي الثانية منوو تقبلل هيج تتعاملل منو تقبلل تشوف رجلهة واكف هيج وكفة ضليت هيج نص ساعة ولباب انفتح بس ماكدر يفتحة لائن قافلتة كمت فتحت الباب ورحت مددت وغطيت راسي ماريد اشوفة
فهد: مريم كومي اريد احجي وياج
مريم: ماكوو حجي بيناتنة خلص سوي لتريدة اعتبر نفسك مامزوج اني تعبت منك
فهد: هسة كومي ياا عيني لييش هلبجي
مريم: هااا خيير احجي يلاا
فهد: شوفي ماكتلج لتدخلين بية بس انتي عليتي صوتج علي جان ينتضرني ردت اطلع وطلعت بوجهي افراح الله يشهد ماكوو غير هلشي اني تاذيت من الخيانة مستحيل اخليج تحسين نفس احساسي يعني شيكولون الولد اذاا سمعوج تعلين صوتج علية
مريم: اسفة بس ماتحملت اشوفهة واكفة يمك بهلمنضرر تريد تحرك كلبي ادري بيهة
فهد: وليش تحرك كلبج انتي مو تكرهيني
مريم: ماكرهك فهد
فهد: چاا شنوو
مريم: هيج معليك
فهد: خووش بس امسحي دموعج بوية
مريم: تمام
فهد : كومي غسلي وجهج ونزلي وياهم يلاا بوية لضلين كاعدة هناا وحدج
مريم: لييش انتة وين راح تروح
فهد: لزوجتي الثانية
مريم: احلف
فهد: وليش احلف حرام لوو عيب
مريم: تمام روح الله يخليهة الكك ويحرمك مني
فهد: مريمم
مريم: خيرر فهد خيرر
فهد: اروح فدواا لاوتار عصبيتج
مريم: روحلهة روح
فهد: منوو
مريم: زوجتك منوو
فهد: يمهة انيي
مريم: يعني ماا مزوج
فهد: بلي مزوج وكاعدة كبالي تنكد علية يومي
مريم: اني مانكد اصلاا وهسة كول وين رايح
فهد: يم عماد
مريم: قبل ساعتين اجيت من يم عماد شعندك وياا
فهد: مريم شغلل لتدخلين بي
مريم: تمام بس تجي قبلل العشة موو
فهد: نشالله
مريم: تمام روح الله وياك
راح فهد بس مبين ضايج من شي المشكلة هوة ميحجي شبي ولاا شنو يضوجة كمت نزلت جوة دورت لزينب ماكو كالو بغرفتهة رحت فتحت الباب مقفول كالت منو كلتلهة اني مريم فتحت الباب نصدمت من شفتهة تبجي طبيت وسديت الباب بسرعة
مريم:زنوبة شبيج حبيبي
زينب: مابية شي
مريم: هاا زينب اضمين علية يلاا احجي شبيج احنة مو خوات
زينب: تمام اكعدي احجيلج
مريم: اهدي واحجي خوفتيني ترا
زينب: تمام شوفي اني جنت طالبة خامس وهسة رحت سادس من جنت صف خامس جان عندي صديقة اسمعة اية وهية جيرانة اخوهة جنت اروح وياهاا للمدرسة بسيارة اخوهة حتة محاضرات نروح سوة السنة كاملة هوة يودينة مادري شلون حبيتة وتعودت اشوفة يومية بحيث يوم الجمعة يصير علية جحيم واتمنى ميجي ماجان ابالي انو هوة يحب غيري او مرتبط حتة ولاا اجة ابالي اسئل اية حتة طبيت ع حساب اية جانت ما متابعة هوااي لكيت حسابة من بين
المتابعتهم اية تابعتة ضليت متابعة منشوراتة من اشوفة ناشر احس فراشات اصير بكلبي بس اليوم تمنيت مينشر مريم تخيلي لازم ايد بنية ولابسين حلقات وكاتب كد الوعد رجالهة واني الغبية مادري شديصير هوة يحب وعايش حياتة وخطبهة واني الغبية اركض ورة ستورياتة وهوة ماا معبرني ولاا حبني اصلاا
مريم: اشش حبيبتي وربي ميستاهلج اذا هوة ميريدج لتنزلين دموع علي الف واحد يتمناج انتي بعدج صغيرة عيشي حياتج واكيد راح تلكين الشخص الي يحبج وراح يعوضج هذاا الالم راح تكولين اني شنو جنت احس من حبيتة شكد جنت غبية
زينب: ماكدر مريم ماكدر صعب اشيل حب سنة ونص من كلبي شلون راح اشوفة يزوج كدام عيني الانسان الي بنيت احلام وياا شلون اشوف غيري ياخذ احلامي مني
مريم: هذاا قدرج زينب كلشي قسمة ونصيب هوة مو نصيبج صدكيني راح تنسين هسة اسكتي وكومي غسلي واطلعي وياي لتخلين احد يحس متعودين ع صوتج العالي ب البيت
زينب : ماريد اطلع ماتحملل اكيد هسة ماماا تكلي اخوو صديقتج خطب
مريم : وشسويلة يعني هوة ميريدج لتريدي هوة الخسران اصلاا لو عندي اخخ جبير اخذج الة غصباعنج اصلاا اكيد راح تحبي لائن ححلو ع اختة
زينب: يااا شدعوه شهلغرور مريوم
مريم: هههه يلاا حبيبي كومي لزعليني اني منو يدافعلي اذاا حجت افراح
زينب: افاا اني موجودة وتحجي هسة كايمة وراج
مريم: تمام عمري انتضرج اني رايحا قبلج
زينب: تمام
مريم: طلعت لكيتهم ب المطبخ وافراح ساندة ضهرهة ع الكاونتر وتباوع ع اضافيرهة انتو بس تخيلو الموقف شلون ينرفز
خالة محتاجين شيي اساعدكم
شهد: لاا كلبي روحي رتاحي ماعدنة شي
سعاد: لاا يمة ليش اجيتي موزين الحرارة ع خياط راسج
افراح: شذكرج هسة
مريم: يلاا يلنادرة هذا حجيج بس الي مشتغلل ومسوي كل هذاا يلاا تحجي شوفينة شطارتج واكفة وتباوعين ع اضافيرج حتة احترام للكبار ماعندج عبالك عروس لابسة احمر ومكيجة وشعرج طالع انتي متعرفين العيب صدك سكتت هوااي
افراح: انتي هيي شلون تجاوزين هيج شدخلج انتي البس مالبس عليج بنفسج وبس ولله حلوة هااي شفتيهة عمة شلون تجاوز الضاهر الضربة مالج راسهة ماثرة عليهة
ام افراح: يمة شجاجن ولج مريم شعندج شادة وياهاا ماخذة رجلج هية لييش هلحقد ولتفرقة
سعاد: اهدي عيني ام افراح ماصار شيي خوات بيناتهن
ام افراح: ع بختج عيني مشوفيهن ناس طايرة ورة ناس يومية خوات شنو يعني احنة خطار مالنة احترامنة
سعاد: مسحيهة بوجهي بس اسكتو ليسمعون الولد وصير مشكلة
الحجية: ولجن شبيج يمدهورات
ام افراح: ولله يمة مرت فهد ماعدهة احترام لاا لصغير ولاا الجبير
سميرة: هسة ليش تكبرون الموضوع عمة ماكو شيي رجعي رتاحي شهد اخذي مريم لغرفتهة
مريم: ماروح ل اي مكان اني ماسويت شي غلط النصيحة صارت قلة احترام هسة اذا اني ما مسوية هيج اعوفهة تتبلة علية يعني اذا كلتلهة حطي شال ع راسج هاي صارت قلة احترام اني اعرف حدودي ومترباية كللش زين واحترم وسكتت عن هواي شغلات وتحملت الي انتو متتحملو وين الغلط ب الموضوع
افراح: شوفو طلعت نفسهة بريئة نزلتلهة كم دمعة جذب وراح تصدكوهة
الحجية: افراح اذا سمعت حسج العوجية اكسرهة عليج شهلصخام الحاطتة امشي غسلي جهرتج ولبسي لبس محترم حالج حال البنات تدرين اربع شباب عدنة ب البيت عيب عليج يلاا ولي من وجهي
افراح: هاي الغريبة تصيرون وياهاا بس اني الكل ضدي تمام
الحجية: هاي موغريبة هاي مرت الغالي فهيدان غصباعنج تحترميهة
مريم: بيبي هاهية اني اعتذر من الكل عفتهم وصعدت كللش انقهرت من امهة يعني ليش تصير وياها وسوتني ماحترم اني ماحجيت شي دافعت عن نفسي وبس اتصلت ع امي وحجيت وياهم كلهم شوية رتاحيت ضليت للمغرب اني كاعدة وحدي اندك الباب وفات فهد
مانزلتي
مريم : نزلت
فهد: ليش صعدتي بيج شي
مريم: لا مابية شي بس راسي ياذيني
فهد: لضمين شي اول ماطبيت استلمتني خالتي وحجتلي كلشي
مريم: فهد صدكني ماتجاوزت هية البدت
فهد: ادري ميحتاج هل بجي شبيج
مريم: ماحب احد ياخذ عني هيج نضرة اني ماتجاوزت دافعت لنفسي وبس
فهد: احجيلي اريد اسمع منج اني
مريم: تمام نزلت طبيت للمطبخ كلتلهم محتاجين شي كالو لاا وهية كالت شذكرج هسة وهية مكيجة واكفة تباوع كلتلهة اذا انتي هيج نادرة جان ساعدتيهم مو واكفة وتباوعين وكلتلهة عيب تلبسين هيج ولد ب البيت وانتي حتة شال ماحاطة ع راسج احجي وابجي اباوع علي هذاا خرباان ضحك
فههد هاي شبيك تضحك علية كوم اطلع مو صوجك صوجي اني احجيلك
فهد: ولد ب البيت لو فهد ب البيت
مريم: انتة شهلثقة العندك اوفر كللش ترا
فهد: چاا شلون بوية استاهل هلثقة
مريم: يلاا يلاا كوم روح يمهة متمكيجة خطية
فهد: بوية اني شعلية بيهة كاعد يم مرتي الله يشهد ماباوع بوجهة لتبجين من تبجين اوكع مثل دموعج
مريم: انتة اكثر انسان بجيتني تذكر
فهد: هسة احنة موكلنة نبدي صفحة جديدة
مريم : تمام اسفة خلص سكتت
فهد: هسة كومي غسلي وجهج لتخليهم يفكرون حجيت عليج لو رزلتج مرت فهد محد يمسهة بحجاية يلاا كومي بوية
مريم: من حجة هيج حسيت بشعور غريب مثلل الامان رحت حضنتة وكلتلة شكراا
فهد: ايباااه اشتعلو اهلج افراح وية جنتي ضامة هاي العركة
مريم: ضربتة ع جتفة وكلت
كوم اطلع يلاا مو صوجك
فهد: هسة شحجيت اني
مريم: جاية وراك اني
فهد: قبل لتطلعين اريد اكلج شي برة البيت لحد يطلع لاا انتي ولاا البنات ولاا حتة بيبي
مريم: ليش فهد شصاير
فهد: مريم ماصاير شي لتخافون بس مثل ماكلت تريدون شي كلولي الباب محد يطلعة
مريم: هوة شنو ماصاير شي غير اكوو سبب حتة هيج تسوي بعدين تدري كاعدين يحضرون لعرس علي شلون متريد احد يطلع
فهد: مريم مو وكتهة كلت تريدون شي تكولون للولد لو الية وبس غير هيج ماكو
مريم: تمام نشالله، طلع بدون ميحجي شي هذاا شبي ليش ديسوي هيج اوووف لوبس يحجيلي شيصير ويا اني بخير
.............................................
(بمكان اخرر فهد وعماد)
فهد: انتة شدتحجي عماد اني ماضلل خاتلل همة شنوو حتة اخاف منهم لوماا خايف ع امي ومريم ماا اطلع من بيتي واتهجول
عماد: فهد شبيدي شعرفهم وعرفت ماضيهم كلهم هذولة ماشايف مثلل فسادهم ابد وعدهم الثار ثار خلص انتهى النقاش
فهد: عماد شلون اروح احلف قران جذب شلون اشهد زور تدري تدمر حياتي وين اروح من القانون وين اروح من ربي
عماد: فهد اعرف كللش زين هلحجي ماكتلك روح اشهد بس انتة لازم تشتكي ياخي تضلل ساكت
فهد: عماد لتوكلني نعل هسة همة يعرفون ابنهم واحد ساقط وطايح حض من جان عمرة 12 سنة هوة هيج ادبسز تريدهم يهتمون لشكوة
عماد: ولله فهد ماعرف شكلك بعد بس اعرف مراح تفض هلسالفة ع خيير انتة هم ديربالك ع نفسك
فهد: متهمني نفسي عماد المهم امي ومريم ميصيرلهم شيي
عماد :فهد شدتحجي امك مالهة غيرك مرتك وين تروح مافكرت بيهة الكلل لازم يضلل بخيير
فهد: الله كريم
عماد: تشالله خوية لتفكر هواي ليشغلل بالك هيج نماذج تراا بس حجي الله وكيلك خلي نشوف افعالهم
فهد: دمهم محروك ع اخوهم كلشي يسوون عماد
عماد: تفض تضلل سوالف صدك
فهد: الله سمع منك
..............................
مريم :رحت بدلت لبست دشداشة ماروني فصالهة خليجي كللش ححلوة واحب الدشاديش الخليجية ولعبايات الخليجية هم حطيت مكياج خفيف لبست شالل ب اهمال ونزلت لكيتهم ديصبون عشة طبيت للمطبخ وافراخ ضلت تخزو وجه البومة لكيت زينب دتساعد بيهم بس مبينة عيونهة حمر ومتباوع ع احد هاي موزينب النعرفهة ابد نشالله تنسا ومتضل متعذبة هيج كملنة وصبينة كعدنة نتعشة رحت كعدت يم فهد
فهد: هاي شنو موو عفتج كالبتهة مناحة
مريم :ان كيدهن عضيماا عزيزي
فهد: زين هسة انتي متمكيجة الية لوو ل افراح
مريم: لاا النفسي اكييد
فهد: كملي اكلل بوية
مريم: زينب وين تعاي اكلي
زينب: لاا عمري ولله ماشتهي بليل اكل راح اخدر الجاي
مريم: ماتوقعت هاي زينب راح تنكسر هيج بيوم وتروح ضحكتهة ميصير تضلل هيج لازم تنسة الصار اكلت شوية وكمت حتة ميشكون بينة رحت للمطبخ شفتهة دتغسل ب المواعين
مريم: روحي لغرفتج لتفضحين نفسج اني اكملل
زينب: مابية شي صدكي
مريم: زينب روحي اني اكملل واجيج للغرفة
زينب: تمام
مريم: راحت زينب واني كملت المطبخ شهد لمت المواعين وجابتهن غسلناهن سوة وصبينة جااي شهد تدري بزينب من زمان حاجيتلهة انطيناهن جااي ورحنة لغرفة زينب لكيناهاا كاعدة وصافنة
شهد: انتي شبيج ليش تخليني الزمج ادكج حتة ترجعين ادمية
مريم: شهد ع كيفج وياهاا
زينب: شتريدون اسوي لو انتو بمكاني شسوون كلولي تضحكون لوو تركصون داحاول اكون طبيعية مكاعد اكدر شتريدون اسوي افهموني شوية
مريم: رحت عليهة حضنتهة
حبيبتي زنوبة الهاجمة البيت احنة وياج وفاهمينج بس خايفين عليج منريدج تضلين هيج اكيد راح تدخلين حالة اكتئاب اذا ضليتي هيج شوفي هذاا بجيج وضوجتج مراح تغير شي الصار صار ونتهة ثنينكم غلطانين انتي حبيتي بدون متعرفين هوة رايدج او لاا ميصير هيج يعمري
زينب: موبيدي اني مادري راح يصير هيج
شهد: هسة يلاا اسكتي لتبجين هوة الخسران
مريم: اكيد هوة الخسران الف واحد يتمناهاا مناقصهة شيي
زينب: ماريد ازوج اني عوفوني اريد اضلل يمكم
مريم: جعلل محد غيرج يضلل يمنة
زينب: اريد انام
مريم: تمام احنة رايحين بس لتبجين
زينب: حاضر
مريم: طلعت واشوف بوجهي فهد وافراح واكفة يم باب المطبخ
هاا حبيبي محتاج شيي
فهد: ايي حبيبي اريدج
مريم: ايي جاية وراك اصعد انتة صعد فهد رحت وكفت يمهة بثقة
شوكت تملين
افراح: ب احلامج لتفرحين هوااي
مريم: حتة اذا مافرحت مستحيل يباوع ع وحدة مثلج جان اخذج قبل ميخطبني
افراح: هوة جان مباوع عليج اصلاا قبلل ميخطبج غير خالة سعاد ورطتة بيج
مريم: المهم هوة راضي ورايدني ويحبني
افراح: لوو يعشكج ميهمني
مريم: شعندي اضيع وقت وياج اني دروحي بابة انتي تعبانة
افراح: دللي مريم اني اعلمج
مريم: ميشرفني تعلميني شي انتي عفتهة محروكة بدمهة وصعدت طبيت لكيت فهد نايم ويباوع بتلفونة رحت وكفت يم الجرباية وكمزت
فهد: ولججج خبلة راسج
مريم: اخخ يمة ضهري
