رواية خفايا القدر الفصل الثاني والعشرون 22 بقلم انين الروح

 

طلعت زينب 

لازم اكعد اتانيه

ومن يدخل عليه ابتسم بوجهه واكله مبروك عليك اني ويردني ومبروك عليج اني 

احجي ويه حالي وشب كلبي

اشتعل نار وكمت افور.

. كعدت بطارف السرير. ورجليه ترجف وتهتز بتوتر وقلق 

صارت عندي الام خفيفه ابطني تروح وتجي 

وصبر حالي وكول اتحملي رهف هسه يفوت لا تتعصبين هسه ولا تتوجعين 

..اتاني يدخل عليه جراح حتى انفجر بي 

الدم نشف بعروكي 

شي اقوه مني ..اقوه من قدرتي

همه ليهسه باقين ع الدك والركص والهلاهل برة

ظليت كاعده وباوع ع حالي وع بطني زادت عندي الالم 

حسيتها تشاليع الولاده 

معقوله صارت عندي ولاده هسه زين اني كله صار ثلاث ايام من دخلت شهري 

لا لا اكيد هاي الالم من الخوف والتوتر

مستحيل اكو بجر اجيب بدايه شهرها 

ايدي ع بطني واحجي ويه ابني 

ماماتي حبيبي لا تستعجل ع دنياك انتظر وشبع من بطني لا تطلع هسه خليك مرتاح 

اني امك واعرف ابمصلحتك خليك سامع كلامي 

لتعاندني وتطلع لدنيا اليوم صدك تتعب ابساع 

لان دوم المستعجل يكون متعوب 

وامي دائما جانت تكلي بالعجله الندامه 

لا تستعجلين 

ف انت هم ياحبيبي لا تستعجل 

وفزيت من الباب انفتح ورد انسد

وكفت ع حيلي من دخل

اباوع عليه اسم الله محروس من كل عين 

اول مره عبالك اشوف جراح 

اشكد انيق وشكد يجذب وشكد عطره يفوح بالبيت 

بس اليوم يخلف جذريان اليوم انسان ثاني 

طوله بعرض اجتافه.

ريحته سماره 

حتى لبسه 

لابس دشداشه بيضه تلمع والغتره بيضه والعبايه المطرزه بخيط الذهب مشموره عالجتف 

من شفته بالهيبه نسيت نفسي ونسيت اني جنت ناويه اتعارك وياه  

ظليت بس صافنه بيه و عليه

واتمتم بداخلي معقوله هذا كله حيصير الي وحدي اني 

حيكون زوجي 

عيني بعينه حسيت ايده نمدت ع زنودي ولزمني 

حسيت بحراره جفه لسعتني 

هو اكبالي وعيونه تباوع 

احس اكو كلام بطرف لسانج..احجي

رفعت حاجبي وبتسمت بس بخبث 

اي عندي بس ما اكول

لان اذا حجيت يجوز نتعارك هسه اجلها غير وكت 

هاااااا هيج رايج يعني 

بس تدرين اليوم طالعه كيكه لا كيمر لا انتي الكمر كله

انتي احلى وحده شافتها عيوني

من سولفتلي عالعشك

خليت روحي 

     الماتحب بنسمات

حبك طايره

والروح بيك تعلقت

عافيتي يمك صايره

سحب يدي وكعدني عالسرير 

وكعد بصفي حط ايدة ع بطني 

وداعت هذا البعده مانور دنيتنه يارهف  

اني رجال قبل ما اكون زوجج 

وكرامتي قبل كلشي

انه بالاول ماجنت موافق ع هذا الزواج ولا رايده لان ما اكدر اتقبل المس مره اخوي 

بس اليوم هذا الزواج سويت رد اعتبار

لمي والخواتي والج والي ايضا

من هاي النكسه حجت حجي فارغ وجانت عود تتوعد بأن ما ازوج 

لان انه مو............؟

ف كسرت خشمها بهالزواج 

وطارق وفهد كالولي خلي الزواج وره ما اجيبين

بس لا

اكو شي همه مراح يفهموه ولا راح يعرفوه  

بس انه اعرف مايجوز وغلط ازوجج هسه لانج حامل 

حجيت لشيخ عن وضعج 

وكال مايجوز تدخل عليها اليله لان اولا حامل وثانيا ما ناهيه عدتها 

لا يسمح بزواجكم اله اذا 

الحبلى إذا وضعت حملها خرجت من العدة والإحداد جميعاً بنص قوله تعالى:

 وَأُوْلاتُ الأَحْمَالِ أَجَلُهُنَّ أَنْ يَضَعْنَ حَمْلَهُنَّ

 [الطلاق:4] وفي الصحيحين: أن سبيعة الأسلمية ولدت بعد وفاة زوجها بليالي، فأخبرها النبي ﷺ أنها حلت، وأذن لها في النكاح إن شاء وهذا محل إجماع 

واستقر الإجماع على أن المرأة متى وضعت حملها خرجت من العدة، وليس عليها أن تعتد أربعة أشهر وعشرا، بل متى وضعت الحمل ولو بعد وفاة زوجها بليالي أو بساعات أو بدقائق فإنها تخرج من العدة، والحمد لله. نعم.

عاد سئلته بس شيخنه هي ما جانت لازمه عده اكبالنه 

هي نوت او ما نوت هي لزمت عده

وباقي من عدتها شهر وعشر تيام 

من تنهي عدتها وتجيب المولود 

ذلك الوكت تكدر تدخل عليها وتكون مرتك حلالك 

وذا جابته وهي بالعده تنتهي عدتها 

زين شيخ الغرفه شلون 

تنعزل بتاتن عنك ما تدخل ع غرفتها ولا تكعد ع فراشها 

كتلك حتى انتهاء العده 

فيا بنت الناس انه صح املجت عليج بس انتي ماتصيريلي مره حد انتهاء عدتج 

لا تصورين راح اغصبج عليه و اخذج

الا برضاج انتي 

وعن قناعه كامله منج.

ولا تصورين فديوم اهز رجولتي واجي اتوسلج

راح تبقين اتنامين ابغرفتي وانه انام ابغرفه امي 

لا جراح ما ارضه اني ارجع الغرفتي ورجع انام ببها وانت هاي غرفتك اتنام بيها 

يله اسمحلي اطلع بعد لان تعبت وجاي تصير عندي الام ابطني 

اخذج للمستسفى 

لا ميستوجب بس امدد ارتاح 

يله لعد روحي ارتاحي بغرفتج

رهف ..كلبي كام يدك سريع..وكف الوكت

...وانحبست الانفاس والدنيه بهذيج اللحظة. 

اريد احجي اريد انطق عبالك اخرسيت 

كمت اشعر بس بالالم 

شنو اشبيج 

اني نفجرت ..انت ظالم انت اناني انت حقود انت صخر 

كلشي سويته حتى محد يطخ رجولتك ولا هيبتك تنهز وكرامتك تظل عاليه ومحد يخدشها 

بس اني طز بيه مافكرت شلون راح يكون موقفي شلون راح اصرف واني حامل وبعدته 

بس مجرد انت متنهز كرامتك 

تصرفك صح غلط لازم الكل يسكت ويرضه ومحد يناقش 

تره ياسيد جراح الرجوله مو اقوال....هي افعال 

انتبهي ع كلامج تره اجاسرتي حيل وانه ماريد امد يدي عليج وهذا كلامج عيب 

ليش انتوا هم تعرفون العيب ..؟

شو تغلطون وتسبون وتضربون وتزوجون وبعد عزه اخوكم ما انتهى شو متكولون عيب 

بس خل رهف اتسوي شي او ترفض او تحجي كبل اتكولون عيب 

جراح انت تدري جاي تناقض روحك ابكيفك اتحلل وبكيفك اتحرم الامور 

طلعت من غرفته وعيوني تجري دموع

😭😭😭😭😭 اتمتم النفسي 

ابكيفكم تتحكمون في مصيري 

ابكيفكم ازوجوني 

وبكيفكم تبتعدون عني 

ليش وين هذا كلام قبل لا تعقد عليه 

ليش ما فكرت اني بعدني حامل وبعدتي 

لو ابكيفكم اصححون الخطاء 

وبكيفكم اتخطئون الصح 

ياربي حتى بشريعتك وحكمك الناس كامت تلعب

طبعا اني ماعرف هالامور مال ميجوز زواج الحامل وميجوز زواج المعتده 

صح دارسه بس اني مدارسه هالشي بالمدرسه كل الاعرفه مره تلزم عده من رجلها يموت او تطلك 

راح تكلولي مذكوره بالقران 

صح اني قاريتها بس مو كل كلام رب العالمين نعرف انفسره ولا كل ايه نعرف شنو حكمها 

ولا اعرف العده اشوكت الزمها وشلون الزمها 

بس من الشيخ كال عدتها من اول يوم وفاته عرفت ماضيه ع عدته ثلاث شهور وباقي شهر وعشر تيام واني عشت ابيت محد كلي لزمي عده 

مددت ع جربايتي وعيوني تصب مثل شلال 

اني ضعت وماعرف الصح وين والغلط وين 

تصرف منو الصح 

تصرف جراح الي راد بيه وبزواجي يرد اعتباره وكرامته ورجولته 

لو تصرف اهله من رادوني ازوجه حتى اكدر اضل محافظه ع ابني يمهم 

لو تصرفي الي حتى معرفت اخذ قرار الي الحالي 

افكار دارت ودارت ودارت براسي اسئله هواي بس ماكو جواب الهن 

بده يزيد الوجع والمغص ابطني عبالك سجاجين تذبح بيه باوعت لساعه جانت بالوحده ونص وخمس بليل 

بعد ما اكدر اتحرك كوه لازمه بطني كمت اعيط بصوت عالي حتى يجون عليه ويتلاحكولي لان دا اموت من الوجع 

لج زينب... عمه ....الحكولي ...خاله فطم وينج ...ااااااخ بطني 

وعيط 

كوه كمت واشوف مي كام ينزل مني كمت ابجي وعيط 

جتلي زينب 

هاااااااااا ولج اشمالج 

فدوه زينب لحكيني راح اموت ...مي مدري بول دينزل عليه 

رهف هاي عندج ولاده 

شلون زينب اني بس يومين بشهري فدوه لحكيلي 

كعدي اخذتني وكعدتني عالجربايه 

وراحت تركض جابت عمتي يمي 

وهي اخذت جنطه الطفل 

جراح .ها تكدر تمشي 

زينب .اي اني وامي وفطم لازميها بس انت عجل وحرك سيارتك 

طلعنه وشفت السياره بحلك باب المطبخ كبل اصعدت واني خاله الشال بحلكي وعيط من شده الالم 

عمتي خابرت ع دكتورتي 

وصلنه جراح سوه الطريق للمستشفى رمشه عين 

نزلت عالسديه يمشون بيه واني لازمه ايد عمتي وزينب وابجي 

فدوه لتعوفوني وحدي اخاف ساعدوني 

وينج ماما تعاي شوفي حالي ليش عفتيني وحدي ليش 😭😭😭😭

زينب .حبيبتي ذكر الله هو يساعدج طلبي منه اليسر 

بالاول رحت لطوارىء ع دكتوره 

كالت لازم تاخذوها صاله الولاده 

عمتي مقبلت كالت ننتظر الدكتوره بالاول ونشوف شتكول خاف هذني يسونلج شي او يولدنج صناعي 

اني الخوف ماكل كلبي والالم صاعد الراسي 

انتظره بالنص ساعه جتي دكتورتي لان حالتي تختلف اني 

كشفت عليه 

الدكتوره ..صاير عدها ولاده مبكره 

زينب .بس دكتوره هي اليوم الها ثالث يوم بشهرها خوما اكو تأثير عالطفل او عليها 

عمتي .يعني دكتوره حالتها خطره لو حاله الولد 

لا لا حالتهم زينه الحمدلله بس هي صاير عدها ولاده مبكره ابسبب هبطه خوفه او واكعه من مكان 

وهيه داخله شهرها لتنسون اكو فروقات بالشهور شهر ٣٠ وشهر ٣١ يعني داخله بشهرها اكثر من ثلاث ايام 

اي دكتوره هي صار عدها هبطه 

اي الهبطه سوت عدها ولاده مبكره 

زين دكتوره تحتاج تاخذ ابره توسيع 

لا ميحتاج هي عدها توسع 

يله دخلوها لصاله 

دخلني الصاله الولاده بس اني وحدي

مقبلوا احد يدخل ويايه 

ارجف وابجي ولازمه ايد زينب 

فدوه دخلي ويايه والله اخاف 

حبيبتي والله ميقبلون 

واكفه بحلك باب الصاله واحجي ويه زينب الله عليج اذا جبته سموه احمد ع اسم اخويه فدوه 

هسه دخلي والله كريم يارهف انتي بهاي حالتج وتحلفينه عالاسم

دخلوها لصاله اني وامي كاعدات ننتظر صار بالنص ساعه وماكو احد طلع علينه 

جراح ..انه كلبي مثل النار الوب الحالي اريد اعرف شصار مايخلوني ادخل قسم الولادات 

دكيت ع زينب 

تعاي طلعيلي 

ها خويه 

يمعوده ماتكليلي وين صرتن شو دخلتن وماطلعتن 

اي والله نسيناك الدكتوره دخلتها للولاده وجاي ننتظر 

هااااا يعني هاي الاوجاع مال ولاده

اي خويه ان شالله تجيب ونفرح ابجيته ونشوف ابن ايوب ويكون بين ادينه وبحضانه  

ان شالله يله رجعي 

مشيت عن جراح 

هااااااا زينب 

رديت اله 

ها خويه 

اذا جابت وسئلوج عن الاسم كليلهم اسمه صكر 

حتى يكون (صكر ايوب)

بس خويه هي رادت تسمي احمد ع اسم اخوها 

ماكو اسمه صكر وغير هالاسم مايصير 

صار خويه 

رجعت الصاله الانتظار وكعدت يم امي اشويه وطلعت السستر 

منو جاي ويه رهف 

اي عيني احنه 

هذا ابنكم رقمه ١٣ خلي اسجل اسم امه عالقصاصه وراح ادخله خدج لان جاي قبل وكته بس لتخافون عليه صحته زينه بس يحتاج الخدج فد يومين تلاثه 

شراح اسمون الطفل ...؟

صكر 

اسموه صكر ...؟

اي وابوه شنو اسمه ..؟

ايوب 

يعني ..صكر ايوب 

اي 

طلعت الجراح بشرته عالطفل 

هااا زينب 

اي جابت ولد سمته صكر صحته زينه بس راح يخلوه بالخدج يومين تلاثه 

ليش 

لان جاي قبل وكته ف محتاج للخدج 

ورهف وينها 

طلعوها وامي يمها كالوا الصبح تكدرون تطلعون 

انت تكدر ترجع وانه ومي راح نظل وياها هين 

لا ماروح اظل وياكم والصبح نرجع جميع 

مو تتعب يخوي 

لا ماكو تعب 

تردين اجيبلكم شي 

اي والله بس جيب مي ماكو جوه 

جبتلها ورجعت هي الرهف وانه ظليت بالحديقه كاعد حد طلع الفجر 

وشفته شلون شك الليل وبتسم

الساعه ٧ الصبح خابرت ع زينب 

هاااا بشري 

والله يكولون اله تجي الدكتوره وتشوفها وبعدها تطلع

اشوكت تجي 

يمكن ب٨ يجون

الدكاتره 

زين ننتظر بعد ساعه 

خابرت فهد ياخذ باله عالشغل لان اليوم ماروح للعلوه

رهف ..طلعنه من المستشفه بس ابني ما اخذته ويايه كالوا لازم يبقه بالخدج فد اسبوع حتى يتحسن اكثر لان جاي قبل وكت 

بقت زينب يمه واني وعمتي رجعنه عمتي مقبلت ابقه لان جايبه 

جراح ..يمه يعني وضعه مو زين الطفل لو اشلون 

لايمه مابي شي بس ولادته سريعه ولازم يبقه بالخدج كم يوم 

زين يمه ترجعيله انتي 

اي بس اسبح وغير ملابسي ورجعله خوما اعوف اوليدي اهناك وحده 

وصلنه للبيت ردنه ننزل وتذكرت اسم الطفل 

جراح شنو سميتوا الطفل 

شو هذا ماجاوبني ولا باوع بوجهي بس كال 

يله يمه نزلوا 

عمتي فتحتلي الباب 

يله يمه نزلي 

عمه شنو اسم الطفل 

يمه سموه (صكر) 

ليش عمه اني ردت اسمه احمد ع اسم اخويه يعني حتى من هذا الشي حرمتوني هو مو ابني والي الحق بتسميته 

يله نزلي لاتظلين ادردمين انه من الاول كلت اسمه صكر 

احنه مانخلي النسوان تسمي جهالنه 

وانت شدعواك هيج عصبي هذا ابني ومن حقي اني اسمي الاسم اليعجبني 

اكلج لا تظلين تحجين نزلي وراي شغل 

نزلت واني ضايجه يعني حتى ابني ميخلوني اني اقرر شنو اسمي والله اني مليت من هالمله اشوكت اخلص منهم 

دخلت والنسوان استقبلني وفرحانات وهم سئلن عالطفل وعمتي كعدت تشرح 

رباب اخذتني الغرفتي فتت سبحت مي حار ولبست ثخين بجامه وجاروبه وبلوز حتى كب وشال لفيت ع راسي 

هاي اوامر جدتهم تكول حتى متتمرضين ولا تتوجعين والسعدني اكثر الجو بارد ف حلو الدفو 

جابتلي سوب لحم ابيض شربته وماعون تمر خستاوي حتى الحليب يزيد وكرزات وفاكهه يوووو كومه اكل

كل اشويه جايبين ماعون حتى اتعافه وكوم ابساع وما يضل بيه اي وجع 

عمتي حرملت البيت كله 

طبعا اني رغم الوجع البيه بس روحي تلوب ع ابني اكثر 

ماردت ارجع اريد ابقه يمه بس عمتي لحت عليه اله ارجع 

فاتت رباب وجايبتلي عصير مال اكرفس وياه ليمون حامض اني استغربت 

شنو هذا رباب 

هاي جدتي تكول شربي حتى تعوضين الدم الفقدتي 

لا ما اكدر شنو هذا 

يمعوده عصير ليمون وكرفس كلش زين 

هاي حتى خواتي من يجيبن يشربنه يعوضهن الدم الفقدنه 

اخذي ولا تتنعوصين 

اخذته شربت كمعه قليله جدا اشوف شنو طعمه 

والله وطلع طيب كمت اشرب منه شفطه شفطه 

رباب ..رهف وين تلفونج 

والله ما ادري اني من البارحه ما شفته بس اني جنت عايفته عالميز مال المرايه كومي شوفي 

اي هياته اكلج راح اخابر جواد من احد يدخل بس كولي رباب اريد اتغطيني حتى افهم واحد دخل علينه للغرفه 

يله ميخالف بس لا اطولين خاف كلشي يصير 

كملت رباب اتصال ويه جواد باستني ونطتني تلفوني وطلعت

اني نمت وماحسيت ع شي كعدت ويه العصر 

كمت غسلت وطلعت رحت للمطبخ 

شافني البنات جتلي رقيه تركض 

ها اشبيج رهف ليش كايمه 

يمعوده مليت من السرير 

لا ميصير هيج رهف شنو انتي متخافين ع حالج والله هسه يضربوج بعين وتوكعين بالقاضيه دروحي وستري ع حالج 

زين اني حروح للجده اريد اشوف عمتي 

ليش عمتج وين مو رجعت للمستشفى يم صكر وزينب 

رقيه ابني مو اسمه صكر 

اسمه احمد ما ارضه احد يصيحله صكر 

عيوني انتي المترضين هذا اسم ابن اخوي 

واخوي جراح سمه الطفل صكر ف لا تغير اسمه ابكيفج يله امشي منا لايشوفنج البنات 

خليت ورجعت الغرفتي وعادي كضه اليوم واني وحدي احس بطني فرغت يوميه جنت احس برفساته ابطني وافز عليه اليوم ماكو شي لا رفسه ولا صوت ولا شي 

كعدنه الصبح النسوان رايحه وراده تسئل ع عمتي والطفل 

اني حبيسه الغرفه ما اطلع لان ماريد اشوف احد ويظلون يمللوني بسؤالهم 

تجي عمتي بس تسبح وتغير ملابسها وترجع للمستشفى خطيه زينب هي ظلت يم ابني الوكت كله ابد ما عافته ولا لحظه 

مر ع ولادتي ثلاث تيام جتي زينب للبيت سبحت وغيرت ملابسها والجده رادت منها يضبوني 

معرفت شنو 

اثاري عدهم عادات المره من تجيب ثالث يوم تسبح مي حار وتطلع يلفوها بالبطانيه ويخلون جواها شال حتى كل وحده تلزم طرف من الشال ويجروه حتى الحامل من اتجيب يرجع جسمها ينضب وما تظل اعظامها امفككه 

اني هاي اول مره اسمع بيها 

ماعدنه ابغداد هيج عادات للحامل 

سون الكلته كله حسيت صدك جسمي نضب حيل ورجعت اعظامي التمت حتى اسمعتهن طكطكن 

بعدها كمت ورتاحيت 

طبعا هاي الفتره كلها ولا شفت جراح ابد حتى ما اسمع صوته بالبيت عبالك معايش يمنه ياخذه فجر يجيب نص الليل 

اليوم يطلعون ابني من المستشفى صارله اسبوع بالخدج 

زينب كالت كبر وتنشنش 

افيششششششش اليوم راح اشم ريحه ابني وضمه الصدري وخلي يرضه حليب امه 

كعدت من الفجر حضرت المكان ورتبته ورتبت الميز مالته كامل وكاعده انتظر جيته 

الكل كعد وجان التوتر باين بعيون الجميع مو طفل وجاي علينه 

عبالك شاب ومسافر واليوم يرد لهله وداره والكل منتظر شوفته 

صارت الساعه عشره الصبح واني ع اعصابي واكفه اكبال باب المطبخ انتظر دخلتهم عليه وابني ابحضنهم 

انفتحت باب الكراج ودخلت سياره جراح 

يمه وكع كلبي للكاع صرت ارجف مثل السعفه ويه هبه الريح 

نزل جراح وشايل الطفل بين اديه لان مو هو

جان يسوق جان فهد 

اني اركضت بدون وعمي وصلت الجراح من غير سلام ولا كلام مديت يدي اخذ ابني الحضني من حضن جراح 

هو باوعلي بعيونه وعاكد حاجه بمعني هذا التصرف معجبني بس اني مااهتميت اله لان فكري كله ببني اريد اشمه 

باوعتله ولتقت عيني بعينه وكتله 

انطيني ابني اريد اشيله 

مدلي ايده والطفل وياها شلته منه وحضنته اباوع ع وجهه سبحان الخالقه كمر العيون اوساع الخشم قلم الشفايف وردي

كله بصفحه والرصعه جوه الحنج صفحه ثانيه مرسومه رسم لا منحوته نحت 

اخذته ظليت ابوس بي التفتت اريد امشي وشفت طارق ومناف منزلين طليان وديذبحون بيهن 

جراح لزم واحد من الطليان وصاحلي 

تعاي اهنا 

اني خفت اصلا اخاف اشوف شي ينذبح كدامي 

رحت يمه واني شايله الطفله وكفت وجان يذبحه يم رجلي مسح ع رجلي وع رجل الطفل لان طلعتها من الكماط 

ودخلنه صارت هلاهل لان ابن ايوب دخل بيته 

وديته ع الجده حتى ياخذ من بركاتها وتشوفه 

علكت بكماطه قطعه ذهب ليره صغيره وعمي جان موجود طلع شافه وخله بكماطه فلوس 

البنات شافنه بس جراح ماقبل ولا وحده تشيله وتبوسه لان طفل صغير مو مال شيل وحط 

عمتي كالت تعاي نامي ابغرفتي يمي حتى اني وياج انحس عالطفل من يبجي 

ما احجيلكم ع يقين من شافته بس اتريد تكعد يمه وبس تبجي هي صح مو حيل جبيره بس تفتهم 

ومتقبل من عمتي تشيله تكوم يقين اتعيط بمعنى نزلي اني اكعد بحضنج 

البيت كله فرحان ابجيت ودخلت ابن ايوب 

عمتي النسوان من جني يباركن كامت تبجي وتكول عمت عيني عليك يبني متت وما شفت ابنك اووووف يايمه اشبعت تراب 

وظلت تبجي وبجت النسوان وياها 

اني شو كل ما يبجي الطفل واريد ارضعه مياخذ صدري ماعرف ليش 

لو ياخذه ويضل يبجي يمكن ميشبع 

رحت لجده كتلها 

كالتلي طلعي صدرج 

طلعته الها عصرته طلع حليب بس لونه مو ابيض لونه اصفر ع جوزي خفنه

الجده كالت لا تنطي حليبج خاف بيج شي سويله حليب صناعي 

عمتي دكت ع جراح وكالتله اجه علينه 

يمه شتردون اسوي

الجده .يانظر عيني اخذ الطفل وامه لدكتوره خلها تنطيكم حليب لان امريتك حليبها لونه ماهو طبيعي 

وخاف تصيب الطفل وتمرضه 

صار جده 

يله كومي 

اخذنه اني والطفل للدكتوره 

سوتلي تحاليل 

لا ماكو شي حليبج زين مجرد عندج التهاب اسمه الضرع يصيب الرضع اثناء الرضاعه يكون انسداد القنوات الي ادر الحليب 

وبالعكس الرضاعه تشفي صدرج من المرض وتفتح القنوات المغلقه ف لتخافين من شي 

بس دكتوره لون الحليب غامق 

عادي انتي حليبج لونه غامق وكتلج عندج التهاب 

رضعي ابنج ولتخافين 

زين انطيني حليب اذا ما قبل الطفل ياخذ صدري 

اني حكتبلج ع حليب بس ابد لتعوفين الرضاعه ولتصدكين اكو طفل ميشبع ع صدر امه 

افرحت من سمعت كلام الدكتوره لان اني امنيتي ابني يرضع من صدري احب هذا الشعور 

طلعت حجت رقيه الجراح وطمنته دخلنه عالصيدليه اخذنه العلاج والحليب الكتبته الدكتوره وشترينه ممات ورجعنه للبيت 

طبعا اني ما اخذت ابني ويايه عمتي مقبلت كالت ااجو بارد وخاف يتمرض 

رجعنه وهم ابد ما حجه جراح ويايه ولا نطق بحرف عبالك اني ما موجوده ولا شايفني 

ومرت الايام وابني حبيبي ينام يمي وبحضني وبده ينشنش ويسمن صار جنه تفاحه يخبل 

يقين ابد ما عافته تغار منه تجي يمه بس محد يخلي وحده 

عمتي ٢٤ ساعه حاطته بحضنها 

والله حتى اني كمت اضوج يعني مجلبه بي ليل ونهار بس بليل نريد انام اخذه منها انام اني ويقين وهو بغرفتي لان بقين اتعلمت عليه ومتهدني اله اتنام يمي واني كل اشويه صاحيه ع واحد مرضعته ومسويتله ممه 

ومرات يصحون اثنينهم سوه وما يبطلون بجي عبالك توم متوقتين سوه عالبجي 

اني ياهو يسئل ع اسم ابني اكول احمد 

الحد فديوم جوي ناس يرجعون العمتي وسئلوا ع اسمه كتلهم احمد 

ومناك اسمعت رعيد يخوف 

هذا ياهو اسمه احمد 

فات للديوان سلم عالموجودين كال منو اسمه احمد 

المره ردت عليه مو ابنكم هذا اسم احمد الله يحفظه 

جان جراح باوع عليه وعاكد حاجبه ويباوعلي بنظره حاده 

لاحجيه اسم صكر مو احمد 

اشرلي براسه وطلع بمعنى اكوم وراي 

ترخصت منهم واني ابلع ريكي كوه 

دورت عليه شو ماكو 

فتت للممر مال الغرف 

حسيت شي لزم يدي سحبني بقوه واله ردت انضرب بالحايط 

ااااخ يده 

التفتت عليه جراح سحبني الغرفته وغلق الباب 

لج انه موكلت اسمه صكر ليش تكولين احمد 

ظليت امتمت 

متحجين شو اخرسيتي 

هااا هو اسمه بالجنسبه صكر بس خل ينادوله احمد 

لا وبعيطه 😠😠😠😠😠 اسمه واحد صكر وبس ماينادوله بغير اسم 

لزم فكي بكف يده وضغط ع وجهي بقوه حسيت اسناني دخلن بخدودي 

ون سمعتج تكولين اسمه احمد اله الزم السانج وكصه فاهمه 

اشرتله براسي اي 

ودفعني عن وجهه بدفعته اوكعت بالكاع ظليت بس اباوعله 

كومي طلعي ابساع 

كمت وطلعت واني ابجي شافتني علياء بنت عمهم 

وسئلتني اني من غبائي حجيت الها كلشي 

ولا جنت ادري هاي مرسال كل حدث ابيتنه الحلك ازهار اله وين يله اعرفت 

شكد اني لعد ثوله وبعد فوات الاوان يله احس بثولي 

صار عمر احمد ااااااااا صكر شهر 

والحمدلله صار بطه يخبل كلمن يشوفه

اله يشهك 

جان جراح يوميه يدز عليه يشوفه ويبوسه 

من يرجعولي الطفل اشم بي ريحه جراح كلها سكد عطره مميز 

اليوم صار اسبوعين مشايفه جراح مسافر البغداد عنده شغل ابمحطه كهرباء بغداد ويمكن يطول اكثر هذا كل الفهمته من عمتي 

جراح ..انه ابعدت عن البيت حتى ابتعد عن رهف لان كل ما اشوفها اضعف كدامها وما اتحمل 

انه من جانت مو بسمي ما اصبر اله اشوفها ومن صارت بسمي اتخبلت عليها اريد بس كربها الي 

بس انه ما اكدر اجبرها علي اريدها هي برضاتها اريدها تحبني قبل كلشي 

وعذرتها لان لازم عده وجايبه 

بس انه الشوك اله ذبحني خليت وطلبت اروح الطاقه كهرباء بغداد 

حتى ابتعد اشويه لان تعبت هواي

بيش اكاسر غيبتك واجرع صفنتي 😭😭

جبير وجزاني الوكت   

باب العشك سديته

مر بيه لحضه وجزه

مدري شكثر حبيته

.....

مر بيه وگفني غصب

بعيوني ما شفت الدرب

ياربي جا هجي اليحب

ينهجم هو وبيته

.....

بعيوني ما شوفن بعد

وگلبي لمتوني صعد

للگلب طبالي وگعد

صار الهوه من ريته

.....

والگلب ضل ما مستقر

من الفرح راح انتحر

ما عرف ليلي من الفجر

واني بوسط ضهريته

.....

يالشامتك تكتل كتل

والعين حلوه بلا كحل

من شوفتك لا ما امل

بيج الگلب سابيته

.....

لا عينه من عين البشر

لا شعره يشبه للشعر

بس وجهه يشبه للگمر

داخت الناس بصيته

.....

ينقاس شكلك بالورد

لو صيحت ميت يرد

يركض ركض من اللحد

الميت عدل رديته

.....

صفناتي عكس الناس ماكو مثلهن

انت الوحيد البيك صفناتي كلهن..

وبعد مرور شهرين ع غيابي عن البيت قررت ارجع البيتي وديرتي وناسي لان اتعبت افراك وشتاكيت للكاع للمي الكاسر الامي خواتي ابوي اخوي ابني صكر الكلشي حلو اشتاكيت 

........

رهف الجو صار بارد حيل اول مره ادري البصره تبرد هيج الاعرف جوها حار يكتل كتل بالصيف بس سبحان الله بالشته هم تبرد حيل 

كمت اشوف البنات كلهن يمنه ملتمات والتنظيف عملان وهوسه 

صبحت عليهم كلهم 

هاي شكو اليوم شو العيد جاي 

البنات شو كلهن ردن اي العيد جاي 

اني اصفنت شنو مو عيد الحجاج راح ونتهى صارله اشهور 

صحكن لا عيني اليوم يهل علينه عيد ثاني عيد غير كل الاعياد 

هسه غير يحجن من راح يهل 

عمتي ..جراح يمه اليوم راجع البيته بعدله كم ساعه ويصل لينه خلص شغل من بغداد واليوم يرجع الحضن امه فديت روحي اله 

اني من اسمعت جراح راجع اتخربط كل كياني صرت حتى ما اكدر اوكف 

عفت كلشي لا اكلت ولا نظفت كبل اركضت الغرفتي فتت نظفت نفسي كامل وسبحت طلعت بدلت ثوب اشويه قصير وردانه اتلتربع اتعطرت وسشورت خليت مكياج خفيف باوعت عالساعه حييييل صارلي ساعتين بالحمام شنو هاي شدا سوي جنت كل هالوقت 

بدلت الابني وبوترته بدلت اليقين وبوترتها طلعتهم ويايه اثنينهم وديتهم يم عمتي جانت كاعده يم الجده 

اول ما فتت عليهم هذني يباوعن عليه ويصلن عالنبي 

((اللهم صل ع سيدنا محمد وال محمد ))

اني ابتسمت بوجوهم 😊😊😊 بخجل 

عمتي .صلوات يمه طالعه كمر ربي يحفظج 

هيج يمه اريدج دوم بهالجمال هذا وبهالابتسامه هاي تستقبلين زوجج 

ابتسمت وخدودي احمرن حيل ماعرف شرد عليهم 

خليت وطلعت رحت توني للمطبخ اريد اشوف جراح وصل بعده اشوكت يجي

فتت وصار اكبالي عيني .......؟ افتحت اعيوني ع وسعهن 😳😳😳😳😳 اصفنت بعد لا اصد ولا ارد

الفصل الثالث والعشرون من هنا