رواية زوج اختي والماضي الفصل الثاني والعشرون بقلم مجهول
_ مو دا احجي منو وجه الدبس ؟
همست _ سودة بكصتج زهراء هسه وكتها
حمزة شمرت المشط بالكاع بعصبيه منها رحت
عليها دنكت جريت البطانية وحجيت
_ مو احجي وياج منو وجه الدبس
زهراء فزيت فزة عمري.... كله ما فازة هيج فزة وخايفة كعدت بفراشي بسرعة البرق شمر البطانية بعيد عني
_ تحجين علية ولج واني موجود هنا وفوك كلشي وجه الدبس
معرف شرد ماتوقعت راح يعصب من هاي الكلمة
بلعت ريجي اريد ارد سبقني بالكلام
_ مو مال اعوفج براحتج تطلع عينج تعاالي
اجه يسحب ايدي راسن كمزت بطولي شردت
حجيت ... مو عليك شبيك
وكفت كبال الباب احاول افتحه بس ما يفتح
استغربت شبسرعة نقفل؟
_ مو عليك
_على منو لعد ؟ مقفول والمفتاح بايدي
باعي ام وجه الدبس
التفتت عليه شايل المفتاح بإيده ويهز بي
وجه نور محمد مابي همست ..
_مممم ووو....
_ احجي عدل
_ مو عليك شبيك أنت بسرعة اخذتها على روحك
_ على منو لعد إذا مو علية وبس أني وياج هنا
وجنت احجي وياج ..فاا ...
_ على الولد لجان يباوع علية بالمول أنت من حجيت تذكرت وجه جان اسمر وكلت وجه الدبس
_ هاا ... وتكولي ما جنت اباع عليه ابد ولج جنتي
تباعين على الولد واني وياج
زهراء فزيت حسيت قلبي وكع بين رجلية هذا
منين ما اطلع ويا يطلعلي همست ...
اشر بايده .. تعالي خل اشيل عيونج علمود مرة لخ ما تباعين على الولد حيوانه هاي أخلاقج وتربيتج
تباعين على الولد ورجلج وياج
_ أستغفر الله ..ولك افهم والله العظيم ما جنت اباوع أبد بس مجرد عيني سرقت النظر بدون إرادة مني ....
_ عينج سرقت النظر هاي حلوة منج ترى تريدين تغشمريني ولج ترى خابزج وعاجنج واعرف كل تصرفاتج
_مدام تعرف تصرفاتي ليش هيج تسوي
_ اممم
_ لحظة ترى مالك حق تحاسب على الولد اللي يباعون هاي هم يباعون على الرايح والجاي وأنت هم جنت تباوع على البنات بالمطعم هم كول جذب حالك من حالهم عيونكم قذرة مثل الثعلب ما تشبعون من النظر لأحد
فتح عيونه على وسعهن وكع المفتاح من ايده خليت ايديني على حلكي هاي شحجيت أني كمت ما اندل حلكي
من احجي خررب بيومج زهراء
_ أني تشبهيني بهذوليك الساقطين وشوكت
جنت اباع على البنات شوكت ؟
_ وحق الحسين جنت تباوع عليهم وهاا... ضحكت لوحدة منهن تذكرها أم شعر الاسود الكصيرون ام بنطرون المشكك
وتيشيرت نص ردان سمائي
_ وحافظة البنية شلابسة ما لابسة خررب
بيومج أنتِ جنتي تراقبين بي
_ شسويلك لعد مثل ما أنت تراقب أني هم اراقب
_ وغرتي ؟
_لاا أصلا فرحت حيل من هيج سويت لأن عرفت بيك بعدك بسوالف المكسرة ومراح تتغير أبد
_ هاا حلو
_ ديلا بدون كلام وحساب وكتاب ومسوي روحك
صدك رجلي روح نام وخلني انام
_ اليوم ماكو نوم راح اخليج تسهرين للفجر
_ اووي
_وجعوووي شغلي التلفزيون وانزلي جيبي شي اكله
_مو اكلت؟
_ جعت منوراج ام المكياج
_ ام المكياج ولك مو أنت تكول أريد تلبسين على ذوقي وتخلين مكياج بلا لو لابسة مثل البنات بالمول وهناك جانوا نفس لولد ويباعون على جسمي جان شسويت
_جان ذبحتج وذبحتهم
_مالك حق أنت الملوم لأن تلبس مره هيج لبس وانت تدري بره شلون يباعون بنظرات مليئة بالشهوات
_ زهراء انجبي لا تخليني اطلع عن طوري
_زهراء انجبي لأن دا تكولين الحقيقة
_ ربي أخذني وخلصني منها
_ اللهم أمين يارب شوكت الله يأخذك وأخلص شوكت
_ بنت الكلب تدعين عليه بتالي الليل
_ لا تغلط .. و أنت دعيت وأني ساعدت بس المهم تشكرني
_ أشكرج من عيوني تعالي ابوس طرف
لسانج اللي ينكط عسل تعالي
_ تريد تكطع لساني ولك ؟
_هو اريد اطلعة لج وكطعة بسنوني علمود
اخلص من صوتج للأبد
_ علمود يحلالك الجو
_ ياجو هذا الخاطر الله اسكتي لأن مبيه
حيل اسوي جريمة بيج اسكتييي
سكتت بين عليه ضاج راح نام سحب البطانية تغطة وكال ... من نروح للعمارة ونرجع راح اعلمج شلون تصرفين وياي لأن هسه بعدج عروسة وخطار عندي اوك
_ اوك
_انوب تكول اوك ياالله هاي متحمسة للكتل
همست بداخلي ... الله يأخذك شكد نذل يريد يستعمل وياي الضرب والله أكسر ايديك أبن سندوس
رحت طفيت ...الضوه نمت كعدت الصبح متأخرة بدلت نزلت جوه كلها رايحة على الشغل بس عمتي موجودة
رحت يمها بالمطبخ سوي ريوك لنفسي
سويت وكعدت اكل على الميز هي كاعدة كبالي
تشرب عصير برتقال
_ باجر ان شاءالله تطلعون للعمارة
_ ان شاء الله .. بس عمه أني معرف أحد هناك وحتى المنطقة غريبة علية شلون لأزم أحد يجي وياي منكم
_ والله عمه مانكدر جنت أتمنى اجي وياكم بس شوفت عينج وهناك موجودات بنات عم حمزة خوش بنات ويكيفون بلمه الاقارب لا تشيلين هم مراح يخلونج تحسين
نفسج غريبة ولا تنسين رجلج وياج
_ هي المنطقة ريفية لو لا ؟
_ ايي بالريف بس شوي مطورين يعني مو بيوت مالت قصب وبردي مثل ماتشوفين بالهوار
_ حلو واني أحب هيج أجواء كلش
_ اي حلوة هناك كلش بلأخص البساتين والزروع
_ كلش أحب الريف
_هو منو لمايحبه
_ صدك عمه أنتو اصولكم من وين بالضبط
_ والله عمه احنا اصولنا من أهل العمارة بس بسبب
شغلك عمج اجينا هنا بغداد وبعد استقرينا
_ هاا ماجنت أدري
_شمدريج إذا مو احد يحجيلج
_ هم عدكم ورث هناك ؟
_ ايي عدنا ٣٠ دونم كاع و بستان وبيت مالتنه
موجود هناك بعده
_ منو يشتغل بيهم هناك ؟
_ مجرين الكاع لعم حمزة والبستان كذالك
_والبيت منو ساكن بي ؟
_محد مهجور صارلة سنوات طويلة
_ محد راح له من قبل ؟
_لاوالله محد رايح صار ٥ سنوات
_شعجب ؟
_ أخر مرة رحنا بيها صارت ويانه حادثة وبعد
من هذيج الروحة ماوصلنا أبد
_ شصار ؟
_ صار شي يرعب ويخوف الله لا يجيب هذاك
اليوم بحق محمد وآل محمد
_ خوفتيني عمه شصار وياكم وهيج وجج نخطف ..
_ خطفوا واحد من ولدي ...
_خطف ؟!
_ ايي خطف
_ منو منهم ؟؟
_حمزة
_حمزة .. وشصار وشلون خلصتوه منهم ؟
_شلون خلصناه طلبوا فديه ٣ دفاتر لو الفلوس لو نأخذ الجثة والحمدالله جان عمج عنده فلوس خير من الله بس
ماكفت جمعوله أخوانه وطلعناه
_ مادري والله هيج صاير وياكم بالماضي
والله يساعد قلبج عمه
_ اسبوع بقيت ادك ولطم وقلبي مثل النار مشتعل
على ابني لما رجعوا لي بيوم الثامن
_ سبع أيام يلا رجعوا ؟
_ ايي والله وطلبوا مانرجع للعمارة أبد
_ لعد شلون راح تخلين حمزة ياخذني ويروح لهناك
_ ماكو خوف بعد
_ شلون هيج تكولين وهم كايلين ما تجون للعمارة أبد ماتخافين يكونون هناك ويشوفونه
_ مات الخاطف
_ماات ؟' شلون عرفتوا ماات ؟!
_ شلون عرفه ، يكتلج القهر جان أخو عمج من أمه
جانت اكو مشاكل على الورث
_ الله وأكبر عم يخطف أبن اخوه علمود الورث ،
_ كلشي يسوون أكو عمام قتلت ولد إخوانهم ودفنتهم
بايدي هم علمود الورث يكون بس لهم
_ والله هاي الدنيا كلشي بيها ، الله يجيرنه منهم بحق
الحسين ، بس عمه أم عمو جانت مزوجة قبل
لا تزوج أبو عمو الله يرحمة
_ ايي هي تكون بنت عمه ومرت أخوه أخوه استشهد بوقتها بالحرب وماخذها علمود أبن اخوه مايتربه يم
خواله وبعيد عن أهل ابوه
_ مثلي يعني هسه
_ ايي مثلج بس شوي اختلاف
_ اي اختلاف اني مره هو رجال الله يرحمه
_ الله يرحمه
_ شسوون بعد القدر لعب لعبته وانتهى كلشي وكلمن أخذ حقة ونصيبه من هل الدنيا هو راح يم الله وهناك راح يتحاسب على كل اعماله وانتو الحمدالله ماصار شي لابنكم
وبعدكم مكملين حياتكم بفضل الله
_ الحمدالله على كل حال عمه
حجتلي كومة سوالف وكل مرة اتعجب من سالفة شكل وأني اكول ابوي ظالم طلع أبوي لا شي كبال عمام حمزة
شكد قاسين وبدون رحمة
هاي وين مانروح نلكة الظلم من أقرب الناس النه " الله يحمينه من شر الأقارب " ومن شر كلشي موجود بهالدنيا سوء من بني آدم ومن الجن والشيطان وأعمال الشيطانية وأعوذ بالله "
عمتي كلش طيبه مبين عليها ، ياريت لو طالع حمزة عليها ، طيب مثلها مو حاقد ، رامي وسيف كلش حبابين ومو
اعصاب مثلة هذا حية أم راسين
وصعب حيل عنيد لبراسه يسوي ومايحب المره تمشي على كيفها ولا يأخذ شور المره أبد بس شور أمه ينسمع
عنده وباقي جنس حواء مرفوض أن يستمع لهن
الام تبقى أول حبيبه بقلب آي رجل آو امرأة وأني ويا يسمع كلام امه إذا كلامها بي خير ومنفعة له الظهر اجه حمزة سبح وبدل كمل صلاة صبيت له الغدة تغدة فوك أني أكلت قبله وي عمتي ماحجه وياي أبد ولا أكلت رزالة رأسن لف رأسه ونام
فرحت حيل...... اليوم ماله واهس أبد يتعارك وياي أني هم لفيت رأسي ونمت كعدت العصر ،ّ ُ بدلت ونزلت جوه لكيت حمزة وعمي كاعدين بالأستقبال
عمي صاحلي اجيبله جاي وكفت يم الباب سألت حمزة
_ هم تريد جاي
بأوعلي ... لا
طلعت صبيت جاي لعمي واجيت طلعت شفت عمتي كاعدة وي اخلاص يحجون اخلاص معرف شبيها ضايجه يحجون
باللغاز محبيت انظم لهم ّ ًِ،."
رحت لغرفة مالتي كعدت حوالي عشر دقائق كمت أخذت الموبايل اتصلت على .بيبي كلش مشتاقتلها
صار يومين ماحاجيه وياها
حجيت وياها فوك لنص ساعة وكالت راح نعزمكم اسبوع الجاي ان شاءالله فرحت حيل وأخيرا راح أزور محافظة اللي احبها واموت عليها وراح أزور الأمام علي (ع)
اللي تعودت كل يوم لو يومين اروح ازوره وهسه نقطعت عنه شكد مشتاقة لكلشي هناك .ورة العشة..حمزة طلع بره وأني أخذت مصطفى وصعدت فوك بغرفتي خليته على الجرباية جهزت ملابس لي أخذت كله طويل
ما أخذت شي قصير
اخذت عباية من عده لعباية اللي راح لبسها جهزت ملابس الحمزة اعرف بي يحب الكشخة لذالك عرف شراح اخليله بالجنطة بس الخوف كاتلني كتل
راح نطلع لوحدنا ... وبمكان كلش بعيد وهاي آول مرة راح ازور العمارة بحياتي كلها محافظة فقط سامعة بيها
بس ماشايفة شي منها
وكلام عمتي خوفني من كالت عم حمزة هو الخاطفة بالماضي ومحاول قتل ، خفت لا يطلع أحد من اولادة أو أقاربة بعده حاقد عليهم ويحاول ينتقم لا سامح الله
اني من طبعي كلش جبانة واحسب ألف احساب الكلشي ، حرامات ما سئلتها شلون عرفوا أخو عمي هو المجرم
؟ شلون نسيت ما سئلت ياالله
بقت حسرة بقلبي شلون عرفوا وشلون مات قبل ثلاث سنوات مو مال انزل هسه واحجي وياها عيب خليها
من نرجع ان شاءالله اسئل
على الساعة بال ١٠ ونص ندك الباب فتحت طلعت اخلاص دخلت وكالت ... اريد صوفي
_ اليوم خلي عندي
_ لا مايصير وراكم طلعة من الصبح لأزم ترتاحون
_وإذا
_ يسلب راحتكم ومايخليكم تنأمون والطريق
بعيد من للعمارة وبغداد
_ براحتج
_ اووي نايم تروحلك فدووة اخلاص وأقارب اخلاص
_شكد تحبينه
_ أحبه أكثر من روحي
_ هلكد متعلقة بي ؟ وتحبي أكثر من روحج نفسها
_ يبووة ولج أموت عليه ورب الكعبة هو أني
شعندي غيره احبل اجيب بعد
_ تحبلي وتجيبي والله
_ ههههه شلون
_ تزوجين
_مالت زواج اني ما ازوج هذا ابني كافي
_ ليش هيج تكولي وتحرمي نفسك من الزواج وتكوين عائلة
_ الزواج دمرني بالماضي وهسه نفسي لاعبة من اسمه مو منه يمعودة عوفيني مرتاحة وراسي بارد
_ الظاهر حياتج السابقة مأثرة عليج كلش
_ايي
أخذت مصطفى بين ايديها نايم مثل الملاك ...
وأنتِ نأمي لا تنتظري حمزة
_ هو ما اجه؟
_ بعده
_وين طلع ؟
_ طلع البيت خالو يم محمد
_ هاا
_ ارتاحي هسه وراج طلعة منالصبح .. تصبحين على خير
_ أنتِ من أهل الخير
طلعت سديت الباب وراها بالي يم حمزة صاير يروح يم محمد خير ان شاءالله لأزم أكو شي راح يصير بلأيام
الجاي والله يستر شكو ؟
مابدلت نمت بالدشداشة عفت الضوء مفتوح أحاول أنام ماكدر بالي يروح ويجي شلون راح اكدر كمل حياتي وي حمزة وأني صارلي ١٠ أيام نفسي لاعبة منه
وكارهته أكثر من قبل "
سمعت الباب جاي ينفتح بسرغة غطيت رأسي
سويت روحي نايمة "
حمزة رجعت ... من بيت خالي جنت عند محمد روحي طاكة من تصرفات زهراء وياي من آول يوم لنا وهي مجاهلتني
ولا على بالها أني رجلها
حجيت وي محمد بس مابينت له أني وياها مثل الفارة والبزون وأحد يكره الثاني كلتله أني وياهامصافين وناسين
الماضي كله والحمدالله مرتاح
وياها أكثر من ماجنت مرتاح وي أختها انفال .. مايدري عايش بالضيم وياهاا الخاتونة دخلت جوه.... الغرفة شفتها نايمه كا العادة عازلة فراشها عني مسحت للحيتي بايدي سديت الباب دخلت باوعلها من بعيد هسه شسوي
بيها هواي أفكار براسي تدور
مال اكلبها من فوك الفراش ، مال أضربها وخليها تخاف مني مثل قبل وتسمع الكلام ؟ مال شنو هسه أسوي بيها ...،
ماكو شي رهم بالي اسوي بيهاا
رحت كعدت يم رأسها جريت الغطة من راسها طلع وجهها باوعت بملامح وجها بكل دقة صار سنوات ما مقترب
من وجهها لهالدرجة ومتعمق بتفاصيل الوجه
_ نايمة جنها ملاك بس شيطانة سودة تنكلب من تفتح عيونها البنية الله يأخذج زهراء شكد اكرهج وكره ملامج وجج الحلوة بس اصبر على ايام الجاي إلا أسود عيشتج
كمت من يمها حجيت هيج لأن أدري بيها كاعدة أريد خليها تهابني وتسمع الكلام مني بحجه الخوف فتحت
الكنتور أنظاري عليها
تحركت على الجهة الثانية وتقطت ضحكت ... وهاي سمعت كلشي الشيطانه مسويه روحها نأيمة هههه
زهراء خفت لا يسوي شي من رفع الغطة عني حجه كم كلمة خوفتني حيل هذا صدك يكرهني ويحاول ينتقم
من طلع" لأزم أخذ حذري منه من اليوم
لصبح مانمت بقيت اتقلب يمنى يسرى كعدت أصلي صليت كملت رجعت نمت هو ماكعد على الصلاة بقى نايم
صار الفجر وطلعت الشمس اشعتها
اخترقت الشباك والبردة من جهة النص صارت اشعتها بعيوني تماما حجبت عني النظر خليت ايدي على عيوني علمود احجب الشعةكعدت بفراشي افرك بعيوني فزيت
على صوت الوحش ...
_ همزين كعتي خاتونة
أخذت نفس زفرت رديت ... همزين أنت كعدت مو أني والله
_ شقصدج ؟
_ قصدي ماكعدت على صلاة الفجر وأني كعدت
_ مو الله يسلمج كعتيني على الصلاة تريدين
بس لج الحسنات ومحبه الله
كمت باوعت عليه كاعد بالفراش وشاعل جكارة ...
_ ما احب اكعد احد أني ... بشرفك جكاير من الصبح ؟
_ علاج هاي
_ياعلاج لتحجي عليه ؟ هاي مرض وسم يدخل الرئة
_ عادي خلي الرئة الوردية لج .. انزلي سوي الريوك
هفيت بإيدي مشيت حجه .. مجهزة الملابس
وكاوية ملابسي لراح البسهم ؟
فتحت الباب .. ايي
طلعت همست .. يدور حجه علمود يتعارك وياي أعرفه
نزلت جوه لكيت عمتي مسوية ريوك لعمي
وأولادها تساعدها جانت اخلاص
_صباح الخير
_صباح النور
عمتي ... تعالي اكعدي اكلي حمزة وين
_ دا يبدل
_ هاا اكعدي عليش واكفة
_اريد اسوي ريوك لحمزة
اخلاص .. دكعدي احنا واكفين ودا نسوي
عمتي _ اكعدي يمة
أبتسمت ....سحبت الكرسي وكعدت بصف سارة وره لحظات نزل حمزة بنفس الملابس لجان نايم بيهم باوع علية
_ صباح الخير
_صباح النور
عمتي _ اكعد يمه
سحب الكرسي وكعد بصفي تضايقت منه ليش كعد يمي قلت هالإماكن الا يمي يعني اففف
كملنا أكل عمي وعمتي توصينا شنسوي مانسوي وكالوا لحمزة لا تقترب من هذاك المكان أبد حدك البيت عمك..
مبين عليه ماسمع الكلام
كال .. ماشي .. كومي جهزي روحج
_ماشي
كمت ....عرفت بي كومني علمود يحجي ويه أهله مايريدني أسمع الحجي والله أفضل ما أسمع وكوم أخاف هذولة
عدهم أسرار يابو الأسرار
رحت لغرفة طلعت ملابس نفنوف طويل للكاع باللون الوردي الفاتح وشيله أسود وي الجنطة والحذاء جهزت
العباية رحت اخلي مكياج انفتح الباب
دخل حمزة من شافني كبال المراية بايدي
كريم الأساس أبتسم وكال
_ مكياج ماكو شمري من ايدج
فرحت حيل بقلبي ماشمرت حبيت شوي عاند
.. ليش ؟
_لا تسألي وشمري من ايدج وطلعي ملابسي اريد اسبح
_براحتك
شمرت من ايدي بس مال ادك واركص هسه هو أني اتخبل من المكياج وقت الطلعة صح أحبه بس وقت المناسبات
وبالبيت اخلي لأن علمونه بالحوزة
(حرام المرأة تظهر زينتها أمام الأجنبي )
طلعت ملابس له خليتهم على الجرباية .. هذني
باوع .. ايي
راح للحمام أني كمت اعدل بالشيلة مالتي عدلتها رشيت عطر هادئ كلش مو مال عطر قوي (حرام )وان شاءالله حمزة مايجبرني على هاي الأشياء اللي استحرم منها أني
كعدت على طرف الجرباية من الجهة اليسار وملابسة عفتهم على جهة اليمين طاع لاف المنشفة على خصرة
دنكت راسي استحي منه
من ياجارة نايمة وي بنفس الغرفة "
كمل لبس وكال ... تستحي الخاتونه من رجلها
مرديت كمت رحت البس العباية جانت بصفه على
الطبلة كبال الميز دنكت ردت اشيلها بإيدي
جرني من زندي وكال ... هذا التصرف ماريده مرة لخ
جريت زندي منقبضة ايده .. ياا تصرف ؟
_التجاهل
_مامجاهلة
_ وهذا شسمينه لعد مو تجاهل
_ لا
_ هه لا تجاهل وتنكر بكل عين صلفة
_ حمزة ادري بيك تدور مشاكل الخاطر الله جفي الشر
_ مشاكل ؟ لا مادور مشاكل بس اريدج تعدلي
اسلوبج الجاف وياي
_ اسلوبي مو جاف اعتقد
_ جااف كلش مثل جفاف الطين اليابس
ومتفطر من شدة الجفاف
_ مااشوفه أني؟
_ اكو حرامي يعترف بالجريمة مالته بسهولة عاد
أنتِ هسه من مستحيل تعترفي
مارديت أخذت العباية لبستها على السريع
_ مستعجلة
_ لا ، أحب اجهز حالي من وقت علمود لا آخر لوياي
_ واااو أول مرة أشوف بنية سريعة بالعادة انتو البنات
تتأخرون حيل لما تكملون
_ اني غير البنات
_لذالك اختاريتج ام لصوفي
_ واضح ام لابنك
_ ههه تردين تصيرين مرتي ماعندي مانع هسه نلغي الروحة وا...
_ شكد تفكيرك منحرف
_ هههههه
مشيت من يمة فتحت الباب وطلعت .. اففف الله هذا شبي تفكيرة قذر ومنحط مثلة شوكت اخلص منه ياربي خلصني فدوة بعد مااتحمل
ربع ساعة ...نزل منزل ويا الجنطة طلع خلاها بالسيارة واجه ودعنا لاهل صعدنا صعدت يمة بالصدر متضايقة حيل
بالكعدة ماكدر حتى اتنفس براحة "
الطريق شكد بعيد تطرك بينه السيارة وكلشي ماكو عبالك الطريق بعده بالبداية طلعت الموبايل شفت الساعة مصار ساعتين من طالعين ؟
تعجبت شعجب مايسوق سريع ! ؟
_ ثلاث ساعات ونوصل البيت عمي
_ هواي
_ هي المسافة بين بغداد والعمارة ٣أو ٤ ساعات
حسب السرعة السيارة
_هاا
_ بيت عمك بالريف عايشين ؟
_ ايي منو كالج بالريف عايشين ؟
_عمتي
_ امم وأنتِ تحبي أجواء الريف ؟
_ أموت عليها جان بيت جدو الله يرحمه هناك
بالريف بس باعوه عمامي
_ وليش باعوه ؟
_ كلمن أخذ حقه من الحصة
_ حقهم والبنات هم أخذوا ؟
_طبعا هم حقكم هذا مال ابوهم ولهم الحق بي
_ صح وأنتِ هم تأخذني ورث من يموت ابوج
_شنو هل السؤال وبيش طالب أبوي بالمووت
_ كلنا نموت اني مطالب احد جان سؤال وجاوبي
_سبحان لمايموت .. لا راح أتنازل عن حصتي لأخوي حسين
_ عفيه عليج هسه خليتيني انعجب بشي منج
برغم كلج عيون من راسج لساسج
_ ماعاب الا المعيوب
_الحمدالله هذا المثل ماينطبق علية لا تحاولي
تضربي أمثال اوك
_ كل إنسان عنده عيوب ماكو إنسان كامل بهالدنيا
_ بس أني كامل وخالي من العيوب
_ واثق
_طبعا واثق
_ راح نوصل بعد ساعتين مو ؟
_ ايي مبقى شي راح أسويها ساعة وحدة مو ساعتين
_ لاتسوق سريع فدوة أخاف نسوي حادث
_ وإذا
_وإذا شنو ماتفكر أكو عالم دا ينتظرونا بالبيت
ويخافون علينا
_ سايق محترف كبالج مو زعطوط
_ هواي سواق محترفين راحوا جوه التراب
_ بيش طالبتنا نكون جوه التراب
دخلنا المنطقة جانت منطقة ريفية بالطريق أشوف جاموس وابقار وخرفان وااو كلش عجبني المظهر والله المنطقة كلها خظار باوعت أشوف زروع
البيوت مثل بيوتنا هناك بيوت حلوة ومرتبة ماكو أي
اختلاف عن المدينة ، كال
_ بعد دقائق نوصل بيت عمي
_ من شوكت ماجاي لهنا ؟
_ سنتين
_بس أمك كالت خمس سنوات
_ أهلي صح مااجوي لهنا من خمس سنوات بس أني
اجيت أكثر من مرة بدون علمهم
_ هاا
_ شبيج ؟
_مبي شي
وكف السيارة كبال بيت قاطين جان بس لبغ اسمنت الواجهية الحوش مالته شكبرة وشكدة السياج عالي كلش
_ هذا بيت عمي
_ حلو وجبير مبين
_ ايي شعوزة عمي مكسور الركبة
_ مكسور الركبة ؟
_ انزلي مالج دخل عمي واحجي عليه
نزلت هو نزل وراي ......فتح الصندوق السيارة طلع الجنطة رسم أبتسامة على شفايفه
_ لا تنطين كسيرة بي مهما كان كبالهم ولا تأمني لهم ماشي
_ وليش انطي كسيرة ؟
_ أخاف يعني كلت خل انبه
_ وليش ماتأمن
_ لا تسألين وامشي ... هاي ابن عمي طلع دنكي للكاع
دنكت رأسي دخلني اشوفه خررب بحظي شكد
يغار هذا صاير سلم
_ السلام عليكم .. زارتنا البركة هلا بأبن العم الغالي
_وعليكم السلام هلا بيك حبيبي
واحد حضن الثاني شوي كلام عادي سلم علية من بعيد
_السلام عليكم أختي
_وعليكم السلام
_ تفضلوا
فتح الباب دخلنا السيارة بقت بره سأل حمزة واحنا نمشي بالطرمة جانت جاية من الباب البره باب البيت
_ ليش عفت السيارة بره؟
_ أريد اطلع فد ربع ساعة
_وين ولك
_ بعدين تعرف
باوعت على للحوش مالتهم حديقة جانت من الجهتين يامحلاها شجر التكي .جان بي تكي جديد توه ذاب اللون صاير اخضر الحديقة كلش حلوة ومرتبة بيها م
رجوعة حديدية
جلب عدهم مربوط جان باللون الأبيض نايم وعلى باله ينبح علينا اني اخاف من الجلاب كلش فتح الباب
وكال ... تفضلوا
نزعنه من رجلنا ودخلنا شفت مرة جبيرةبالعمر جانت ضعيفة مو سمينة وبنية بعمري ولد بعمر رامي ورجال جبير معكل
جان ولا بس عباية شكله كشخة ومرتب
سلمت على النسوان شفت حمزة باس ايد عمه وجان يكولي
تعالي سلمي على عمي زهراء
زهراء سلمت السلام عليكم عمو شلونك شلون
صحتك من بعيد استحي
وعليكم السلام الحمدالله
_ تعالي بوسي ايد عمي شبيج تستحين
كلت بيني وبين نفسي ( حرام رجل غريب عني )
عمه .. عوفها يجوز تستحرم البنية مدام هي من
آهل النجف وجانت تدرس بالحوزة
حمزة _ وين الحرام بالموضوع .. امشي زهراء
زهراء مشيت مردت افشلة كبال بيت عمه بست ايد عمه خله ايده على راسي ... وكل الله يرضه عليج بنيتي
كعدنة واحد بصف الثاني اجت البنية كعدت يمي يحجون عن مواضيع ماعرف شنو من أساس كالت البنية
_ كومي خل نطلع بره
_ هسه
_ ايي كومي كلشي مانفتهم منهم صاروا
يحجون بسوالف المنطقة
_ بس وين نطلع ؟
_بالحديقة صدك انطيني الجنطةمالتكم خل اخليها بالغرفة طلعتها انطيتها لها كمت وياها
حمزة _ وين
زهراء _ يم البنية نطلع بره بالحديقة
حمزة _ بس هناخارج ماكو طلعة
زهراء _ ماشي
مرت عمة _ هاي شبيك عمه صلى على محمد
وين رايحة هي قابل هالكد تخاف
حمزة _ هنا كلها تكرهني وأنتِ تدرين مااريد تطلع وتتأذى
عمي _ علمود ادفنه جوه الكاع اللي يندك بيك
حمزة _ هههه ماتقصر عمي الغالي
عمي _ وتضحك بعد عمك
حمزة _ الظاهر بعدهم يهابونك
ابن عمه _ايي والله
عفتهم يحجون وطلعت مبين عم حمزة شخص قوي وذو نفوذ قوية بالمنطقة طلعنا بره سألتها
_شنو اسمج
_خديجة
_عاشت الاسامي خدوج
_ هههه
_ هههه مخطوبة .؟
_لا والله
_ ان شاءالله تنخطبي
_ ان شاءالله... سؤال
_تفضلي
_ شعجب رضيتي بحمزة ؟
_ رضيت بي علمود خوش رجال ويحترم المرأة وثاني سبب علمود أبن أختي اني آولة بي من الغريبة
_ ياريت كل النسوان مثلج والله
أبتسمت وكلت بقلبي ... (خيه جبروني عليه والله )
_ الولد عندج هسه لو بعده عند اخلاص وخالتي
_ لا والله عدهم بعده
_ شوكت نأوية تاخذينه ؟
_ لو بايدي اخذته من آول يوم لي بس هم مايقبلون يكولون اخذوا راحتكم هسه بعدين نطي لكم
_ هم صدك بعدكم عرسان جدد
_ سؤال إذا مبيها زحمة
_ اسألي قلبي
_ ليش حمزة كال كلها تكرهني هنا؟ شكو شصاير
بالماضي وي أهل المنطقة
_ ليش مكالولج ،ّ؟
_لاوالله محد كال شكو
_تعالي خل نكعد جوه الشجر واكولج ... حارة صارت
_يلا
كعدنا جوة شجره الثل جانت كبيرأ جدأ عابرة عبور الحايط ومسوين بيها مرجوحة بس مال صعد بيها وخليها
تهزني يمين وشمال بس عيب
_هذا ابوي وحمزة واخوي وين رايحين ؟
باوعت حمزة يمشي بصف عمه ويحجي ويا وابن
عمهم يمشي وراهم شايل دفاتر
_دفاتر شنو ؟
_مستندات هاي
_مستندات شنو ؟
_مالات الكيعان والأراضي لابسم جدو الله يرحمه
_ ليش مو كلمن ماخذ حقه الشرعي
_ اي كلمن أخذ حقه بس عمي ابو سيف كلشي ما مأخذ خطيه
_ والبستان مو من ميراث ابوه
_لا هو مشتري من ماله الخاص
_ والله مادري بعد
_شمدريج خيه بعدج جديدة على العائلة
_ تتوقعين حمزة راح يطالب بحق ابوه ؟
_ هو عمي كال راح أطالب بحقي بهاي الفترة ويمكن
دز حمزة بداله لأن عنده شغل
_ ايي صح عنده شغل اخاف تصير عرايك
وطلايب لا سامح الله
_ لأزم تصير
_ صدك '!؟
_ من مات جدو صارت عرايك والبنات اشتكوا أثنين منهم واخذواحقهم غصب عن خشوم الكل وهسه موزعين حصه عمي أبو سيف على البنات ولولد وعمي راح يطالب
بحقة صعبه حيل بنسبة لهم
_الحق حبيب الله
_اي والله خطيه كلشي مشاف عمي وهججوه
بليله كشرة منا هو وعائلتة
_ ليش هججوه ؟
_ عمي ابو سيف تزوج ام سيف غصب عن جدو وجديتي الله يرحمهم وطردوا من البيت وكالوله مالك حق بعد ولا
لك حصه من الميراث
_ خذاها بالعناد
_ايي والله جان يحبها وتحبه ومن أقاربة بس علمود امها جانت خبيثة وتخبث على جدي وجديتي بالماضي حقدوا عليها ومارادوا من جرثتها يكون جزء من العائلة
_ حقد قديم بيناتهم وعم على المستقبل
_ اي والله شنسوي بعد
_زين هم مو تصالحوا قبل لايتوفون الجد والجدة ؟
_ ايي تصالحوا بعد ماصار سيف واخلاص جابوهم واجوي جدي تقبل بي هو وعائلتة بس بعد ما مات رفضوا ينطونه
حقه من الميراث وهو هم ماطالب بعد بحقه
_اكلوا
_ايي اكلوا بيناتهم وهسه حمزة يطلعة من
بين عيونهم واحد واحد
_ وابوج هم آخذ
_ لا والله أبوي ماياكل حرام أبد شكد حجه وي عمي ابو سيف بس هو مقبل كال مااريد وأني ماعايز
_ الحمدالله ... سمعت عمكم المتوفي خاطف حمزة
قبل خمس سنوات ؟
_ ايي صح خطف حمزة وطلب فدية مقابل يطلق سراحة هو جان الهدف مو القتل جان الهدف مايخلي عمي يوصل لهنا بعد بحياته كلها وينسى عنده أهل وميراث هنا
_ شكد قلوب قاسية مايخاف من الله
_ شكد ظالم جان الله يرحمة حتى ويه عائلتة جان ظالم والله عاقبة سوه بي مرض سرطان الرئة ماطول سنة من العلاجات وطلعوا خارج البلاد كلشي مافادة
_ إن الله يمهل ولا يهمل، بعد ربج يأخذ الحق مهما طال
_ونعم بالله
_ بس شلون عرفتوا هو الخاطف
_ قبل لايموت بيومين عترف ودز على عمي أبو سيف
وعائلتة علمود يسامحونة ويبرونه الذمة
_سامحوا
_ ايي والله سامحوا بس ما اجوي شافوا
_وحمزة هم سامح
_ لا والله لا سامح ولا براه الذمة كال خطيتي بركبتة إلى يوم الدين عذبني وشوفني انجوم الظهر كله علمود الطمع
والجشع مااسامح خلي هو وربه
_ حمزة ماعندة قلب اعتقد
_ طالع على والد امه مستحيل يسامح ويغفر الواحد غلط بحقه يحبون يأخذون كلشي بايدي هم بدون تسامح
_ يعني أنتو تسامحون
_مو الكل عندج عماتي ال٢ حياية مالات تبن
يلدغن ويضمن رؤوسهم
_ الله يهديهم ان شاءالله
_ اللهم أمين .. زهراء تصعدي بالمرجوحة
_ أتمنى بس استحي والله
_ ماكو احد كلها طلعت بس امي بالبيت
_واخوج الصغير
_ كرار
_ ايي
_ هذا نايم على رب الموبايل مايطلع من البيت
بهيج وقت ابد بس العصر يطلع
_ هاا .. بس هماات استحي
_دكومي خل العبج شوي كومي
كمت نزعت العباية خليتها بالكاع على الثيل
ضحكت وكالت ... مستعجلة
_ايي والله
_ صعدي يبعد قلبي صعدي
صعدت لزمت بالحبال زين كتلها .. اخاف تنكطع بي ؟
_ وين الله وتنكطع بيج ههههه
_ هههه هزي لعد ثابتة
_ واثقة ؟
_ طبعا دهزي صار سنوات مالاعبة بيها آخر مرة
لعبت بيها من جان عمري ٨ سنوات
_ اني كاليوم العب بيها وهسه عمري ٢٠ سنة
_ العمر كوله حياتي
_ الله يسلمج
كامت تهز بي واني اكوللها أكثر .. وأكثر طرت بالهوى صح حارة كلش بس ماهتميت أبد طلعتها من قلبي نزلت اضحك وهي تضحك شكلها طيوب هاي البنوتة
لبست العباية دخلنا جوه جانت امها تسوي الغدة بقيت تسأل على كلشي والحمدالله يجاوبون بسرعة هواي أشياء عرفتها على بيت عمي جانت مظمومة عني
