رواية ذاري النجوم الفصل الثالث العشرون بقلم زهراء السراي
أحبك من تجي معلعل
شحلاتك من تگلي ولايتي بحضنك
وأسويلك وطن من ديرة ضلوعي
وأگلك نام يمدلل
ليل
✥━━━༺✦༻━━━✥
رغم شگد چان الليل طويل وموحش
وچنت أحس كل دگة ساعة
سچينة بگلبي وأني أنتظر خبر عن هاجس
بالاشهر اللي اختفى بيها
چنت أغمض عيني وأتخيله
بوسط الدخان والبارود
وأتخيل گلبي ينكسر بغيابه
لكن ربنا عظيم راد لگلبي الراحة والسكينة
والفرح ورجع بعد شهور انتظار
وهسه السعادة بگلبي كامت تعلى وتكبر بروحي
وصرنا نركض ويه الوقت حتى نجهز لعرسنا
كل غرض ناقص نشتري للبيت وكل قطعة
نختارها أحسها قطعة راح تكمل جنة حياتنا
أجمل لحظات هي من نگعد نخطط
لغرفتنا ولبيتنا الصغير والاختلاف يصير عركة
لأن ممرتب الاثاث مثل مااحب صرت اروح
كل يوم وخلال اسبوعين للبيت حتى
نكمل ونخلي اللمسات الاخيرة على كل شي
اكتشفت وقتها السعادة
مو بس بدلة بيضة وحنة راح تنحط بـإيدي
لا السعادة عمر جديد راح أبدي ويه هاجس اللي
رجعلي من الموت
واگفين اني وياه مقابيل الزاوية اللي
بيها المدفأة
ابتسمت
-اني گلت مراح يسويها ويجاري جنوني
-هي صح بس شكل بس الاضاءة
مسويه اجوووواء تخيلي
الهووول دافي والشبابيك مسدودة
وصوت المطر بره
-الله اجوائي المفضلة
-منحتاج هدوووووم بعد دفووو منه وبي
ضربته ومشيت للمطبخ
-تعااااااي افهمج شبيج
-انت فااااااسد واني وراااايه شغل
كومة
-بس نجررررب شعور الدفو بس خمس ساااااعات
-هاااااااااجس
-عيونه
-رجعني للبيت والباقي
خلي البنات يسوونه والله تعبانة
حضني مدلك اكتافي
-مو گتلچ من البداية خليهم يرتبون
-مااگدر اذا مااسوي الشي
بيدي
-امشي ارتاحي نص ساعة وواديچ للبيت
راح اروح اجيب اكل
-تمام منتظرتك بالهول
-لا ليش بغرفة النوم واريدج تاخذييين راحتج
للعظم
باوعتله صفح ومشيت
-حتى تعيد امجاد الذئب الغادر
-اني الووووواوي وانتِ الأررررنب
ضحكت وتركته تمددت عالقنفة بتعب
شو تأخر واخذتني الغفوة
حسيت بعدها بيده تمر على خدي
بهدوء
-گعدي اكلي حبيبتي
عدلت گعدتي وخله الطاولة گدامنا
اكلت وكملت ووگفت
-وين
-بس اسفط الملابس بالخانة
ابقى هنا
باوعلي ممقتنع
بسرعة دخلت للغرفة
طلعت ملابس البيت الخفيفة
واسفطهن
ثواني ومد راسه وصوفر
-كثرررريلي مشبك وجلد النمررررررر
-همجييييييي اطلع بره لا احرگهن هسه
-ياغبيييية هااااي الخانة الصغيرة
هي الراح تعمر البيت
شمرلي بوسة واني كملت قفلت الخانات
وطلعتله شامرة شالي شمر
-عندج نقص بالدنابيس
-فدوة حاااااارة آب يمعود مختنگة والله
-دخلي شعراتچ لا اشلعهن
-غيييرة حتى بهالحر
-ليييش جنابچ تردين الغيرة مواسم
هزيت ايدي ودخلت شعري وطلعنا
وطول الطريق يغني ويدندن
- والله وتحقق مـنايا شوفو حبيبي معايا
يااهل الحسد والوشايا
سعاده القلب وياه
والماي عود لمجراه
حاولتوا ياما وياما زدتوا علينا الملامه
لكن وصلنا بسلامه
من يزرع الخير يلقاه
والماي عود لمجراه
التفتلي مبتسم
-شلونه صوووتي
-بصراحة
-لا بوقاحة اعرفچ متنجرعين
-كلششش حلو اني مصدومة عبالي
صوتك مزنجر من گد الصياح بالدوام
-بغض النظر عن لسانچ اليرادله گص
بس شكرا
وهسه قبل لا نوصل حبيبتي
بعد يومين للعرس مامحتاجة شي
-نهائيا وادري تعبتك المفروض
ترتاح
-كل شي اله ثمنه قابل مسويها لله
هاي كلها ديون وراح أستردها يوم العرس وبفوائد عالية
-اييييي اطلع على حقيقتك
-حقيقتي تعرفينها بعد يومين
راح أراويج الوجه الآخر للعملة
-سخيف
-اصير ساقط السخيف هاي للجهال
انتظري الجاي وشوفي الذيب شراح يسوي
-على اساس اني النعجة
غمز ورد بسخافة
-لا الغززززال
باوعلي وحسيت بلسانه حچي
-گول هاجس احس عندك شي
-اريد عقلچ هذا الحلو يفهم كلامي
-بخصوص روان ادري
شوف هاجس حدود رووووان حياتنا
الشخصية ادنى تأثير منها مراح يصير
خير تمام
-لا تاثيييير شنو على حياتنا
-هاي هي مدام كل شي واضح
-فكي العقد لچ
-انت لك
-لچ لسانچ
-لسانك انت
-عررررمة
گالها ووگف ببابنا
-يلا كروتچ خلصت توكلي
-خاف متحصلني باچر راح اكضيها نوم
-عافية ولي يلا
نزلت ضاحكة دخلت البيت
ماما تصلي المغرب وبيبي
بغرفتها تصلي
توجهت لغرفتي توضيت صليت وطلعت
للحمام سبحت ورجعت لغرفة بيبي
جسمي جان مهدود احس عظامي تتطاحن
من التعب بس الضحكة بعدها مطبوعة
على وجهي من سوالف هاجس وخباثته
دخلت للغرفة وتمددت بفراشها على متكمل
النافلة بديت أسترجع شريط اليوم
ريحة الخشب الجديد وريحة الصبغ المالية
البيت ضحكة هاجس وسوالفه تنفست براحة
غفيت بلا شعور دقايق وفزيت
لگيت بيبي گاعدة سبحتها بإيدها
ودخان الاستكان مال الچاي يتصاعد گدامها
گمت من مكاني رحت ذبيت روحي بحضنها
-شبيچ بيبي
- بيبي ميتة تعب أحس روحي خلصت من الركض والتجهيز
مسحت على راسي بأيدها اللي بيها حنية الدنيا كلها
ردت بصوتها الهادئ
- يا بعد بيبيتچ التعب للعروس عافية
هذا تعب بنيان العش يروح كله من تفتحين باب بيتچ وتشوفين رجلج منتظرج بضحكة
ولو هو مسودن بس ميخالف
عدلت گعدتي وسندت راسي على كتفها
- بيبي شو احس رغم الفرح خايفة
المسؤولية چبيرة وهاجس طبعه عصبي
واني مااتحمل لازم ارد
ضحكت والتفتت عليه بنظرة كلها حكمة جاوبتني
- اسمعي مني بيبي
العرس مو بس بدلة بيضة وهلهولة العرس
صبر هاجس طالع من موت وشايف ضيم
هذا يحتاج حضن يلمه مو لسان يرادده بكل شي الرجال يا بنيتي مثل الخيل
يرادله إيد حنينة تمسح علي
وإيد قوية تلجمه بالصبر
- يعني شلون بيبي يعني أتحمل كل شي
واسكت حتى لو يغلط بحقي
- لا لا مو تتحملين ذل لا حشاچ
بس ديري بالج إذا شفتي نار صيري أنت الماي
وإذا شفتي ضاگت بي الدنيا صيري أنتي الوسع والراحة
الصبر يا بيبي هو اليخلي البيت عامر
لا تخلين العناد يفت حبل المودة بينكم
سكتت شويه وأخذت نفس عميق وكملت وكأنها تسترجع تفاصيل من عمق تجربتها
- تعلمي تديرين أمورج بالحكمة
الكلمة الحلوة تكسر العظم القاسي
من يجي تعبان لو عصبي لا توگفين بوجها
كلمة بكلمة صيريله سكن وراحة من تعب الدنيا
يمه احنه النسوان شگد مانواجه بس تاليتنا
مرتاحين ببيوتنا
الزلم بره بنص الشارع ويتعاملون ويه
الدني والسافل والزين والشين
من هاي خلگهم يصغر مرات و المرة الذكية هي
التخلي زلمتها يهجس ماكو راحة بالدنيا إلا يمها
بست إيدها وحضنتها
- كلامج يبرد الگلب بيبي أدعيلي
بالسعادة بحياتي الجاية
- الله يعلم كل ليلة ادعيلچ
بظهر الغيب يا بعد روحي هسه نامي
وراج أيام تريد حيل
وأريدج تطلعين نجمة بليلة عرسج
مو ذبلانة من التعب
تركتها ترتاح وطلعت
راجعة لغرفتي وصدگ غطيت بنومة
عميقة فبعد يوم لحنتي حبيت اشبع
راحة حتى اتجهز
وتجمعن الحبايب خالاتي وبناتهن
خالة حليمة اخت خالو علي وبناتها وبناتهن
بنات خالة سهامة وبناتهن
وزوجة خالو عبد الله وبناتها
عائلة خالو علي الكل يجتمع يفرح
لماما لأن وحيييدة والكل حاسبني
اخته هاجس راد نسوي كل شي
بالقاعة مقبلت الحنة ردتها منفصلة
وبس الزفاف بقاعة
ليلة الحنة ريحة الهيل ومي الورد
المعجونة بي الحنة وصوت الهلاهل
الحلوة من البنات الجو بالبيت انكلب
ريحة البخور والياس ترس الممرات
وصوت الأغاني العراقية القديمة بدت تعلى
هاليوم نفسه اللي قبل شهور
چنت محضرتله وانكسر گلبي
نفسة هاليوم حل بس اني بقمة سعادتي
هاليوم اللي چنت أرسمه بخيالي
وأني بقمة يأسـي وضياعي
اجه بس اني بأعلى السما
من الفرح
گعدت بوقتها على هلهولة خالة
حليمة وصياحها
-ولچ خالة گعدي يادوب تتحضرين
گمت بكسل بس الفرحة بگلبي سابقتني
البنات مخلني أتنفس وحدة تسويلي ماسكات
ووحدة ترتب شعري وهوسة الملابس والبدلات مخلصت
صاحت غيد من شافتني منعسة وصافنة
- ولچ ليل كافي صفنات اليوم حنتچ
ووطن اكل راسي يكول هاجس يگول
خل ليل تفتح جهازها
ضحكت وأني أباوع لموبايلي كبالي عالميز
فتحته واتصلت بي
-ها لچ شنو صرتي عرووووس وكبر
راسچ
-نعساااانة شبيك
-اگلچ وفريلي هالسوالف
اليوووم شطالعلج ذبيت الهدوووووم............
-مووووو عيييييب
-لچ خل اكمل ذبيتلچ الهدوم العسكرية
والقاط ولبستلچ الدشداشة والغترة
-لك صدقة لله
-جايك غزالي
- ابقى بمكانك اليوم ليلة البنات
ممنوع الاقتراب أو التصوير
ضحك ورد
- بس اكمل الحنة هنا اجيچ وطن الكلب
سوااااها هوسة الشارع كله يهز ويركص
-تونس حبيبي
ودعني وراح واني تجهزت البنية الماكيرا
اجت للبيت شعري حبيت ارفعه
رفعة كاملة حتى يبين الفستان
وتفاصيله سوتلي ترتيبات بمكياج نود
مرتب يناسب الفستان وصار الليل وبدت الحنة
الصينية و الشموع االي ضواها عاكس
بهدوء كعدت بوسط الصالة
وصينية الحنة گدامي مزينة
بالياس والورد والشموع والحلويات
ردت حنة تقليدية بدون هوسة
مثل حنة قبل بيبي كاعدة يمي عيونها
تلمع بفرحة وكل شويه تصلي عالنبي
-اللهم صلي على محمد وآل محمد
طالعة گمر يا بيبي الله يستر عليج من عيون الحساد
بدن البنات يصفكن ويهوسن
هوسات لطيفة والكل فرحان تغاضيت
عن وجود روان فماردت ابعدها عن
الاجواء تبقى بنية وحيدة
ومالها احد
حنتني بيبي ومحد من عمات هاجس اجت
مشغولات بحنة هاجس
بس يمنى وغيد واخوات يمنى
گامت ماما گومت بيبي بدت تحني إيدي بحنية
وحنت كل البنات اللي ممتزوجات وتصيح
-حنة فرح يمه مدن ايدچن ان شاء الله
سنة الجاية كلچن معرسات
توزعت الضيافة ورجعنا للحفلة
والدگ والرگص وفرحة الكل حواليه
اخذنا صور جماعية واني اكدت عالكل
عادي ياخذون لنفسهم بس اليه لحد ياخذ
المصورة تصور وادزلهن الصور
نص ساعة ودگ التلفون مال يمنى
وصاحت
-يابنااااات اجه العريس
الكل لبس عبي وحجابات
ودخل هاجس ويا ام يمنى
وگف وسلم على ماما وبيبي بكل أدب
بس عينه ما فارگتني
تقرب يمي رفع حاجبه وباس راسي
وهمس بصوت ناصي
- احترگ سلطان شو صلووووخ فد مرة
-لتغلللللط وبعدين انت مووو شفته ووافقت علي
وهسة مفهمت يعني عجبك لو لا
-طالع يشگ شگ
بس هذا الثوب يرادله زنزانة حبس انفرادي
مو حفلة وعالم
وبما ان الثوب عجبني عندچ مجال هسه نعررررس ونخلص من هاي الهوسة
كالها وگرصني
- عزززه بعينك هاجس طخيتني وخر شويه لا تفضحنا
- غير افتهم هسه شبيچ ترجفين
-لأن أدري بيك ما تجوز من سوالفك
وكلهم عيونهم علينا هسه شيگولون
ضحك وهو يعدل ياخة الدشداشة
-خليهم يشوفون الذيب وهو يحاصر
الغزالة
كالها ورجع گرصني
-كااااافي هاجس موتتني
- لا تموتين أريدچ حية لليلة العرس
مااتسمى هاجس إذا ما قفلت عليچ الباب وضيعت المفتاح هسه كملي حفلتچ
بس ممنوع وحدة تصور فهمتي
سلم وطلع واستأنفنا الحفلة
فرح وضحكات وتتوجت هالسعادة
بأجمل خبر حمل يمنى
بعد مخلصت الحفلة ماما والبنات
مقبلو اسوي شي احس بتعب ونعاس
شدييييد تركت كل شي وغطيت
بالنوم براحة مفزيت الا على صوت
المنبه
الساعة ٨ موعد الصالون والوحدة موعد
الجلسة للتصوير
براحتي لبست وتجهزت غيد اجت
ويايه وطن اخذنا وصلنا الصالون
وگعدنا نختار تسريحات وترتيب المكياج
باوعت لفستاني مستور اشرت للبنية
-اكو بنية مختصة بالحجاب هنا
ابتسمتلي وصاحت لبنية ثانية
-گولي حبيبتي
-اريد حجاب مااريد تسريحة
-متأكدة
-اي اشوفه احلى شو حارة
مو مال اسوي تسريحة واتغطى بكاب
حار ستن البس حجاب احلى
طلعتلي گتالوگ
-شوفي اكو لفة نسميهت سبانش ترهم
للياخة العالية شلون فستانج
وتتركب عليها الطرحة
عجبتني واتفقنا نسويها
بلشو شغل الشكل نازك وحلو شعري لفتة
بكاب تول خفيف
واللفة هم تول كم طبقة وراها
ثبتت الطرحة نازك ومرتب خلصنا
قبل الموعد اتصلت غيد بوطن اجن
وانطلقنا لمكان الجلسة حديقة
خاصة
بالبداية گالو اكو لوكيشن داخلي
نصور بي والباقي بالحديقة انتظرته جوه گالو
بالحمام غيد تعدل بفستاني لأن گعدت
شويه وسمعت صوته يحچي ويه وطن
انفتح الباب ودخل ببدلته السودة
وقميصه الاوف وايت والببيون الأسود
تقرب مني ونظرات الاعجاب انرسمت على ملامحه وخطواته جانت توحي بذهول مكتوم
وكأنه كاعد يشوف شي ما جان متوقعه ورفع حاجبن
وعينه تتوزع عليه باوع لفستاني الطويل لردانه اللي غطت معاصمي
وللحجاب اللي لف وجهي وحاوطه
تقدملي ونزل راسه باس راسي وهمس
-طالعة تشگين شگ بالحجاب بنت المشعول
-وانت هم طالع تجنن بس احترم نفسك
ولتغلط على بابا
-سلطان يخلف وهاجس يبتلي
-غصباً عليك حبي
-واني الممنون بت عذبة القرچ
ابتسمت من دخلت المصورة
غيد خلت المسكة بيدي رتبتني وطلعت بره
يم وطن
وبدت المصورة توجهنا للقطات
-ياعروس رفعي راسج الن
وانت بوس جبينها
نفذ الگالته وهمسلي
-شنوووو جاي ابوس عمتي
هسه الشفة شناقصها وماابوسها
-ناقصها تربية
-هييييين حظج يطيييح اليوم
ضحكت ووجهتنا مرة ثانية
-صير وره العروس الزم خصرها
واسند فكك على كتفها
همس يم اذني
-هسة دگولي بوس رگبتها
-عررررس هنا فد مررررة بعد
-ويييين لاگيها عررررس بووووسط
الطبيييعة
-اي مو احنه قروووود
گلتها واجتني الگرصة بخصري ماسيطرت
طگيتها ضحكة والتقطت المصورة الصورة
وهو الخبيث هادئ ولا كأنه مسوي شي
-ها عرسان نطلع بعد بره
-يالله
لزم ايدي وساعدني شلت طرف الفستان
وطن وغيد بقو گاعدين والاثنين ضايجين
رغم فرحتي حسيت اكو شي غلط
بس افرغ اشوف شبيها
باوعتلي المصورة واني عيني منه
چنت واگفة گباله وهو يعدل بياخة قميصه بزهو
ويضحك غمزلي
-هالليلة ليلتي
-مستعجل الهمجي
صاحت المصورة
-ابقو على هالحركة حلووووة
ثبتنا وهي اخذتلنا الصورة
شو هذا من وحده رفعني من الگاع لحضنه
والمصورة تضحك اخذت الصورة
همسلي
-شوفي الاجوووواء شبيج خل نتزوووج هناااااا
-طررررزان ومرررته بنص الطبيييعة
ضحك وفجأة رن التليفون صوت الرنة شگ هدوء الفرحة باوعت لملامحه شفتها تجمدت
باوعت بالشاشة اسم روان ابتعدت وهو رفع الخط وبمجرد ما فتح الخط وصلني صوت عمتها
صرختها جانت عبالك سهم وتصوب بوسط فرحتنا
-ولك خوووويه الحگني فدوة وديلي اي
واحد
-شصاااااار
-احترگت البنية يمممممممه تصخمت
-وگفي تكسي بسرعة نقليها للمستشفى
واخوي جايچ
-ماااااااكو بالحمام بس ونينها يوصلني
متگدر تفتح الباب
-شلون احتررررركت وين اكوووو مي حار هسه
-طبت تسبح حتى نجي للعرس
واني شاعلة السخان عندي شغل بي
وهي متدري وانفجر
عليها البوري من حرارة الماي
يبووووو صوتها اختفى
بذيچ اللحظة هاجس اللي جان يباوعلي بهيام
تنرفز واحتار ويباوعلي إني بمكاني
سد الخط وگال بصوت يدري بنفسه غلطان
-ليل
هزيت راسي بلا اي كلام التفتت ماشية
صاحلي مرديت وطن اجه راكض وهو اجه
ورايه
-وطن وصل البنات للقاعة
-وين رايح
-بعدين افهمك والمصورة اتفقت
وياها نكمل تصوير بالقاعة
اخذوها وياكم
باوعلي يريد يشوف ردة
فعلي وجهي چان خالي من الملامح
درت وجهي وصحت غيد تجي ويايه
ناخذ باقي اغراضي
من اللوكيشن الداخلي
مااعتذر ولا گال انتظريني
اخذ التليفون وطلع يركض وصوت شخط سيارته بالشارع جان يعلن نهاية فرحتي قبل ما تبدي
وگفت بمكاني و أحس البدلة البيضة
صارت جبل على أكتافي
مو لأن راح يسوي واجب انساني مثل ميسمي
بس لأن روان بالذات هي اللي سحبته
مني بليلة عمري روان اللي أعرف نظراتها إله
وأعرف عدها شي غريب ناحيته
وحذرتة ان تمس حياتنا الشخصية
بس الصار صار
صعدنا السيارة توجهنا للقاعة
چانت قسمين قسم للرجال
وقسم للنساء لگيت الكل موجود
وفرحان والموسيقى اللي اختاريتها اني
وجانت مثل زفة ملائكة صارت هسه مثل
طبل مزعج يضرب براسي
الأضوية الهلاهل وضحكات النسوان
كلها جانت بمكان وروحي جانت بمكان ثاني
الكل يباوعلي بإعجاب والكل يسلم ويبارك
وما يدرون إنو العريس شخط سيارته وعافني
بوسط فرحتي لخاطر وحدة ثانية
جان إحساسي مو بس خيبة
جانت إهانة مغلفة بواجب إنساني
غيد جانت تباوعلي بقلق تحاول تلملم
الموقف تحاول تضحك بوجهي حتى الناس
متحس بس وجهي اللي جان خالي من الملامح جان يحجي كل شي بيبي وماما ويمنى
الكل حواليه وكلهم يسألون شبيچ
بس ردي واحد تعبااانة وبس
كل دقيقة يتصل وارفضه اكثر
من خمسين اتصال
غمضت عيني وتخيلت ركضته
انكسر واهسي بكل شي حتى البدلة
اللي جنت أخاف عليها تتوسخ هسه
أتمنى أنزعها وأركض بعيد عن هاي الوجوه كلها
غيد راحت ترتب الامور ويه المصورة
صوت الكل حواليه صار مشوش
ثواني ونبهتني غيد
-اخذج لغرفة الاستراحة شويه
هزيت راسي ودخلنا للغرفة
تلفوني بيدي دگ هو مرة مرتين
ثلاثة مارديت اخذت غيد التلفون ردت علي
وصوته واضح
-ها حبيبتي
-ها خويه
-ها غيد اني جاي شوفي شنو ترتيبات
دخلتي تجهزو
رديت على غيد
-گليله ماكو فقرات ولا شي
سمعني وگللها
-انطينياها
-ماعندي شي اگوله
خل يخلص باقي الوقت كلهن ثلث
ساعات خل يخلصهن بقاعة الرجال
تمام
وخرت غيد مني تحجي همس وياه
غلقت الاتصال ورجعتلي
ثواني وانفتحت الباب وغيد طلعت
وهو دخل
باوعتلة ووگفت صحت لغيد
-اخذيني وياچ
ماحچه شي بس لزم ايدي
-ويييين
-اروح للقاعة
-شبيچ
-مابيه شي تمام روح لقاعة
الرجال الوقت يركض
وهاي ساعة ونص مرت بقت
ثلث ساعات روح كملهن هناك تمام
لزم إيدي بقوة وعيونه جانت تحاول تخترق برودي اللي صار مثل حاجز كونكريت بيني وبينه
راد يسحبني لحضنه راد يمسح ملامح القهر اللي استقرت بوجهي بس جسمي جان يرفضه
وملامحي رافضة تعلن ارتياحها بعد الصار
-ليل لا تسوين هيج انخبصت
عمتها خبلتني بصياحها
باوعت لإيده اللي لازمة إيدي
وضحكت ضحكة باهتة
-بس الظاهر ماماتت بما انك قررت ترجع
-مارحت اتصلت بمصعب راح
واني لفت السيارة ورجعت لقاعة الرجال
واتصلت من اول دقايق افهمچ
بس مارديتي واساساً مصعب
گال مابيها شي ووضعها تمام
قاطعته وصوتي جان هادئ
-جيد همزين تكرمت وتعطفت ورجعت
بعد مااطمأنيت عليها رجعت لأن عرفت هي بخير
مو لأن تذكرتني لو جانت صدك محترگة
جان هسه أنت گاعد يم راسها بالمستشفى
وأني هنا گاعدة ألملم كرامتي اللي بعثرتها
گدام وطن وغيد من تركتني وركضت
سحبت إيدي منه بهدوء وقوة بنفس الوقت
عدلت الطرحة وباوعتله بالمراية
-روح لقاعة الرجال هاجس
روح كمل الساعات البقت الساعتين
اللي ضاعن ما يرجعن بكلمة اعتذر روح هناك
وأني راح أروح للقاعة أكمل دور العروس ولمن يخلص العرس ذيچ الساعة لكل حادث حديث
-يعني شفهم من كلامچ ماكو زفة
-لا ليش هي مسرحية نأديها وينتهي
كل شي
سحبني حيل
-احچي عدل خل نتفاهم
دفعت ايده عدلت حمرتي ورديت
-روح هاجس لا تخليني أحجي كلام نندم عليه ثنينا
تركته واكف بوسط الغرفة
حيرة الدنيا كلها بوجهه وطلعت لغيد
مشيت وأني أحس البدلة صارت جبل
والتاج اللي على راسي صار شوك
دخلت للقاعة والموسيقى بدت تعلى
والمنظمة طلبت العريس
دقايق ودخل ورتبتتلنا فديو
دخولية حلو
والتقطت صور النه وللمعازيم
لحد مرجع لقاعة الرجال علمود العشا
ورجع بعدها يمنه وياه جده وابو
واخوانه وسوينا فقرة وراحو
بقى هو يمي عدنا صور ناخذها
-ليل فرحتنا هاليوم وگتلچ سوء
تفاهم وانسد رجعت بنفس الدقيقة
التفتتله
-بالله فهمنيييييي شصاير حياة
روان عبارة عن سلسلة سوء تفاهم
-مصعب يگول
داخلة للحمام ومن فاتحة البوري متدري
بالمي حار
المي من گد ضغط البخار مفجور البوري
على ايدها ومحترگة
-اها ومن وصل مصعب صدگ
چانت مغمى عليها
مثل مگالت عمتها بالحمام لو چانت منتظرتك
مثل الفارس المغوار تجي تنقذها
-عدلي اسلووووبچ ليل وسمعيني
-اممممم
مسح وجها بتوتر
-لا من واصل لاگيها
مطلعتها عمتها
اخذهم للمستشفى
-كثر خيره والله الولد هم ابتلى مثل بلائنا اكيد
المدام من درت بيك مجاي صحت وطلعت
من الحمام لأن بطلها الخارق ماااجه لبى
النداء
-صدگ تحچين
-صدگ احچي وانت تعرف وياهاجس
رااااح تندم على سكوتك عنها وبذاك الوقت
تذكر كلامي
سكتت وهو سكت مرت الدقايق وكأنها سنين
كعدت على الكوشة مثل تمثال شمع
أوزع ابتسامات ميتة للمعازيم والنسوان اللي يباركن وهن ميدرن إنو العريس عايفني بوسط الزفة
ورايح لوحدة يقال انها بنت صديقه
غيد جانت يمي تحاول تلطف الجو
بس عيوني جانت مصلوبة على باب القاعة
بعد ماانفتحت ودخلت منها روان وعمتها
ما جانت مبهذلة
ولا جان وجهها يدل على صدمتها
ولا جانت فاقدة الوعي مثل ما
تخيلت من صرخة عمتها
جانت كاشخة لابسة فستان سهرة أسود
أنيق ومكياجها كامل الشي الوحيد
اللي جان يربطها بالحادث هو لفاف أبيض طبي لاف إيدها اليمنى مبين مجرد حرق بسيط وسطحي
وگفت بمكانها ثواني باوعت للقاعة
وعيونها التقت بعيوني وبذيج اللحظة شفتها
ابتسامة مو ابتسامة تعب
ولا ابتسامة خجل من الموقف
جانت ابتسامة نصر ابتسامة
تحدي واضحة وصريحة موجهة إلي وحدي
التفتت لهاجس
اللي جان گاعد بصفي أول ما شافها تغيرت ملامحه
تقدمت صارت گبالنا سلمت عمتها علينة وراحت غيد
گعدتها وهي اجت سألتها اني باستهزاء
-مو گالو نايمة مستشفى
-الحمد لله طلعت بسيطة
مجرد مي حار وانفجر البوري بس عمتي تبالغ وتخاف زيادة ماادري بيها متصلة بعمو وخابصته
-لا اتصلت وخبصتنا وبووووقت غير مناسب
مثل متشوفين
التفتت لهاجس ممهتمة لكلامي
-اسفين عمو
التفتتلي مرة ثانية والابتسامة اتسعت على وجهها
بس نظرة عيونها جانت باردة مثل الثلج
-ألف مبروك ليل إن شاء الله تتهنون
حسيت الدنيا تفتر بيه صوتها وصوت هاجس
اختفى وهو يگلها
-روحي عمو گعدي هناك
بلحظتها أيقنت كل هذا جان مسرحية
مسرحية بليلة عرسنا وروان هي البطلة
باوعلي يريد يبررلي ابتسمت وصحت لغيد
باقيلنه ساعة اشرتلها
-خل يزفون تمام
-بعد ساعة
-مااريدها
راحت غيد للمنظمة گالتلها ورجعتلي
-يگولون نرجعلكم اجرة ساعة
-لا خليهن زحمة الغلط من عدنا
صاحت المنظمة بصوت
-اخوان العريس تفضلو زفو
دخلو الشباب للقاعة وبدت الزفة
هوسات وهلاهل والكل فرحان
بيبي خلت ايدي بيد هاجس
وطلعنا للسيارة هو يسوق واني
ويا ركبنا السيارة وصوت الهورنات
مالي الشارع والناس تباوع وتضحك وفرحانة
بس بداخل السيارة صمت يشبه الهدوء
اللي يسبق العاصفة
هاجس جان لازم الستيرن بقوة
وعيونه مصلوبة على الطريق
يحاول يفتح موضوع يحاول يكسر
هذا الجليد اللي صار بيناتنا
بس أني چنت بمكان ثاني
باوعت من الجامة على أضواء
الشوارع وهي تمشي بسرعة
مشوشة وسريعة ومو واضحة
مثل اللي صار اليوم
ايدي اللي جانت بيده قبل شويه
هسه لافتها كف بكف
ماأريد أي تواصل ماأريد أي لمسة
كسر الصمت بكلامه
-ليل حبيبتي هاي زفتنا كافي سكوت
يابه حسبيني انضحك عليه
شفتي عمتها شلون چانت تصيح
واني تداركت الغلط ورجعت بنفس الدقيقة
ما جاوبته بقيت أباوع للفراغ وصورة
روان وهي كاشخة ولافة إيدها بلفاف كأنه وسام
وهي تباوعلي بنظرة تگول
أخذته منج بليلة عرسج وبدون ما أحرك أصبع
رجع يحاچيني
-ليل احچي حبيبتي أكره السكتة احچي
واني اجاوب سألي
التفتتله ببرود
وعيوني مليانة عتب ما توصفه كلمات
- ماكو شي نحچي بي
-شسوي انخبصت بسبب كلام عمتها
سوتها كلش مييييتة بالحمام
- وما ماتت هاجس جتي للعرس كاشخة
ومبتسمة عرفت شلون تلعب بيك
داس بريك قوي ووكف السيارة
والهورنات ارتفعت ورانه التفتلي ووجهه محتقن
-لعبت بيه شنوووو ليل الف مرة گتلچ......
مخليته يكمل رديت
-امانة صديقك اعرف
وانت عبالك احترگت وخفت
بس للأسف والله فرحتي بهاليوم
اللي احتركت
شغل السيارة مرة ثانية ومشى بسرعة جنونية
وكأنه يحاول ينهزم من الحقيقة
وصلنا للبيت ونزل فتحلي الباب
وگفت ورا سيارة ماما وبيبي وخالاتي
الكل دخل وياي للبيت جهزولي شحتاج
لهاليوم
وهو بره يهوسوله اصدقائة
واخوانة واولاد عمه
باستني ماما وبچت وطلعت بسرعة اما بيبي
فمااعرف شلون حست قربت مني
باست جبيني سندت راسي
على صدرها وبچيت وشاورتني
-هالليلة الله من يمه مباركها
انا ادري صارلچ شي
ووجهچ غيم عدي الليلة ومن
باچر شصاير تتعاتبين ويا عتب
ثگيل بس لا تطوخين اخذي
حقچ بس هم صيري لينة خوش
طلعت بيبي وخفت الهوسة
الغرفة هادئة والهوا بيها جان بارد
الغرفة اللي اندفع بيها مبالغ
وتعبت بتجهيزها حتى تكون عشنا الهادئ
هسه صارت تشبه زنزانة باردة
مشيت لوسط الغرفة
ووكفت كدام المراية باوعت لشكلي
المكياج لهسه مرتب الحجاب لهسه ثابت
البدلة تلمع بس العيون
العيون جانت ميتة خالية من أي لمعة فرح
جنت أحس بوزن البدلة يضغط على كتافي
مو ثقل قماش لا ثقل الخيبة اللي ركبني من راسي لسلسلة ظهري يخلي جسمي يقشعر
كلما اتذكر الموقف
مديت إيدي أحاول أفتح السحاب
بس إيدي چانت ترجف وما كدرت
وگفت عاجزة كدام المراية
والدموع بدت تشق طريقها
فوگ المكياج اللي تعبت الماكيرة بي
بذيچ اللحظة انفتح الباب على كيف
شفته بانعكاس المرايا
جان واكف بالباب ملامحه متوترة
فات وسد الباب ببطء
وتقرب مني وهو يباوعلي بنظرة رجاء خجلانة
ما التفتتله بقيت أباوع لنفسي بالمراية
تقرب ووكف ورايه حسيت بحرارة
أنفاسه المخبوصة على رگبتي
-ليل باوعيلي
صوته جان مبحوح مليان توسل
دنگت راسي والدموع زادت
مد ايده مسح دموعي وحاول
يحضني
-هاجس اطلع بره
صوتي طلع هادئ بارد مبي أي نبرة
بس مطلع تقرب مرة ثانية
وحسيت بي ينزل لمستوى طولي
-هاي احنه عرسان مو هذا العرس
اللي تمنيناه وكل يوم نحچي بي
واني بنص الموت
التفتتله وعيوني اجت بعينه وگعت دموعي
- لتگول عرسان
يا عروس اللي عريسها يتركها بنص فرحتهم
ويركض لغيرها
-ورجعتتتتتتتت بنفس الدقايق
وراسلت وطن گال وصلنا ورحت للقاعة
مارحتلها
-بس تركتني بوحدي
سكت ما جاوب النظرة اللي بعيونه
جانت حيرة بين الحب والندم
باوعتله نظرة أخيرة
-اطلع هاجس ما أريد أشوفك هسه
نزل راسه ومسح وجهه بتعب باوعلي
نظرة أخيرة بس ما شاف مني أي تنازل
دار وجهه ومشى للباب بس ثبت ثواني بمكانه
ورجع مشالي بسرعة
- ما أطلع ليل
تقرب مني مرة ثانية هالمرة جان أجرأ
لزم إيديه الاثنين وعصرهن بخفة وكأنه
يحاول ينقلي حرارة ندمه
- اتركني هاجس
-ماااتركچ والله يابه لعنة الله عليه
لأن رديت عالتلفون
بسرعة خطفني رفعني لحضنه
تمسكت بأكتافة خاف اوگع ابتسم خله عينه بعيني
- أني جهزت هالبيت حتى نضحك بي
مو حتى نتعارك ونختلف من أول ليلة
يابة ادري وحسيت بالموقف خزي
من صعدت السيارة عرفت غلطتي
بس هااااا جل من لا يخطأ
واني اعترف غلطان
اريد انزل من حضنه ميقبل
مسنود على ميز المرايا ويضحك وعينه مني
-تعاركي وانتِ بحضني تعبتيني
-خربت فررررحتي شفتها بعييييينك
اجت بكامل اناقتها وووووين
الموووووت وين الحرگ بعد
نظرة التحدي بعيونها ماااعرف
على شنو تحسنني اني غريمتها
بس جاوبني هي تحبك معترفتلك
انت منطيها امل
ضرب جبيني بجبينه
-يااااابه وعيونننننچ ياروان حاسبها اختي
بنتي مو اكثر بس هي تصرفاتها رعنة
وعمتها عدها حالة نفسية من كل
شي تخاف
ردت اجاوب بس هو مد إيده لوره رگبتي
هالمرة ما سمحتلي نفسي أدفعه
سحب راسي لصدره ودفنت وجهي بصدره
بهدوء دقايق هدوء استفذت
بيها طاقة حزني حتى ابدي ليلة زواجي
مثل موصتني بيبي جان هو حاضني
بقوة وكأنه يخاف أفلت من إيده وأضيع
نزلني بهدوء للگاع ولزم وجهي عينه بعيني
-انسي كل شي مااستمتعت بشوفة
هالچهرة بالقاعة
فرني حوالين نفسي وعينه عالحجاب
-فاجئتيني بي
قررت امشي هالليلة اللي
المفروض نكون بيها بقمة سعادتنا
وادوس الموقف اللي صار ونتحاسب
علي بعدين مثل مگالت بيبي ابتسمت
وشوفته الترتيب
-شفت مو احلى من التسريحة
-الاف المرات طالعة ملكة
بعدنا نحچي ودگ تلفونه رفعتله حاجبي
-عينچ لچ هذا نوح
رد علي وطلع
دقايق ودخل جايب العشا للغرفة
-خلي بالمطبخ الله عليك لتصير ريحة اكل
بالغرفة
اخذة وراح واني تركت ملابس العرس
طلعت بيجاما مرتبة ودخلت للحمام
ثواني واندگت الباب
-يلا حبيبتي
-دقايق
-منتظرج
راح واني تورطت بالحجاب مليان
دنابيس فتحتهم شعري مشسوري
مبللتة سبحت وارتاحيت
وضفرت شعري وارتاحيت من المكياج
رشيت معطر وطلعتله
لكيتة مغير ملابسه لتراك
وگاعد عالميز يتصفح بتلفونه
ابتسم من شافني اشرلي اگعد بصفة
گعدنا ناكل مشغللنا اغنية هادئة
خلة لگمة بحلگي وباوعلي
-دلعيني شي شبيچ ثلج
-خليني ساكتة
-ينخاف منچ بت عذبة
خلصنا اكل رتبت الصحون وهو راح
للغرفة غسلت ورحت هناك فتحت الباب
واگف يرش عطر من عطري
-هااااا مو يخنگ
-يحرك المشاعر
گالها وغمزلي وبدينا ليلة هادئة حلوة تشبه
العبور من عاصفة رملية قوية لواحة
ميسكنها بس الهدوء والدفو
الصمت اللي صار هالمرة مو ثگيل
بس صمت ناعم يعلن بداية
حياتنا سويه
واگفين مال هاجس ناحيتي وحضني
بدأ يفك قيود اعصابي المتوترة طول اليوم
احس بنفسي استرجعت انفاسي
وبديت استعيد دفو روحي اللي فقدته
من جديد بحضنه
ذب نفس مرتاح وصرنا عين بعين
چانت نظراته أبلغ من كل قصائد الغزل اللي
يلقيها دائما على مسامعي
نظراته تفيض وله واخذني ويا لشوق
جارف محى أثر ابتسامة روان
وعمتها وكل الوجوه التي حاولت تبوگ سعادة ليلتي
-هاجس
نطقتها بتوتر وخوف ورد
-بعد نجومه
همس بيها وهو يطبع بوسة
عميقة على باطن كفي
سحبني إله بهدوء
غصت بصدره وحسيت بتسارع
دگات گلبه قوية ومنتظمة
اتجهنا لمخدعنا اللي مزين بالورد الابيض
غارگ بعطر الورد والدفو
الضوة الخافت والصمت
مچانت ليلة زفاف بالمعنى التقليدي
چانت التقاء روحين وشخصيتين
رغم التنافر تجاذبو
عم السكون بأوصالي وچانت
لمساته تحچي بلغة ميفهمها إلا
العشاق لمسات حانية
مترددة أحياناً من شدة الخوف عليه
وجريئة أحياناً
حتى يثبت نفسه كحبيب حصل مبتغاه
بعد انتظار
غرگنا ببحر من التفاصيل
ريحة العطر اللي اختلطت بعبق
الحنة من شعري
وكلمات الغزل بطريقته المعتادة
يهمس بيها باذني
وجملته المضحكة وهو يوصفني
-دااافية مثل استكان چاي
بليلة شتا باردة
چنت أشعر بدفو جسده يحيط بيه
يمنحني الأمان اللي زلزله الموقف اللي صار
وحسيت بمعنى أن تكونين بين ادين الشخص اللي تحبي ماچان بينة طرف سلبي
ليلة چانت تبادل للمشاعر
استسلمنا بيها احنه الاثنين للهدوء
اني قابلته بحب وهو قابلني بقدسية
بتعاملة وياي بعد وقت
مسحت بيدي على ملامحه
ابتسم وامتزجت الانفاس
تهمس بلا كلام بوعود أبدية بأن حياتنا
مراح يزلزل استقرارها اي ريح
عابر
استقريت بأحضانه واستقريت على صدره
وهمسلي وهو يرسي اول دستور بحياتنا الجاية
اتفقنا ان اي شي يصير خارج هالغرفة
يموووت بره لمن ينسد الباب علينا
وغطيت بنوم عميق وهو استقرت
انفاسه تعلن غفوته
محسيت الا طلع الصبح
والضوه الخافت الداخل من بردات الغرفة
يداعب اجفانه التعبانة من سهر الليل وجنونه
فتحت عيوني ووگعت على ملامحة الهادئة
وهو غاط بالنوم واني غرگانة بحضنه
وايدة محاوطتني بقوة
تسحبت بهدوء من بين ايدي
واني اطلع ملابس النه
حتى نستقبل اهلنا اللي راح يجون
بعد ساعة
اجاني صوته المبحوح من عمق النوم
-رجعي لچ
التفتتلة ملامحه محمرة من النوم
-صح النوم اگعد جايين الاهل وراح
ننفضح
وگف وتقدملي باوع للكنتور واني اطلع
ملابس
-وين جلد النمر
-موجود عيوني على جسم النمر بالغابة
كفخني وجعصني بحضنه
امتدت ايدي لمكان العمليات ببطنه وصدره
اماكن تشوهت بسبب عمق الجروح
خلة ايده على ايدي ورفعها حاوطت رگبته
-شكلهن مقزز مو
ابتسمت وانحنيت بايسة الاثر بصدره
ايدي المحاوطته حست بقشعرة
جلدة وگفت وخليت عيني بعينه
-شكلهن مشرف مو مقزز
كرصته من بطنه مثل ميسوي وهو انصدم
مشيت للباب وركضلي
واني طلعت بسرعة دخلت الحمام وقفلت
الباب
-وين تررررحين گاعدلچ هنا اربع أيااااام
-رووووح عيني عبالك نسييييت
السوووويته
-يا مسمومة يعني ضحكتي عليه واستغفليتني
ضحكت مسيطرت على ضحكتي ورديت
-ايييييي اخذت منك اللي اريده وشمررررتك
همس على كيف
-مغتصببببة
-هههههههههههههه
للحمام البره بسرعة
حتى من اطلع نجهز الريوگ
اختفى صوته بين مكملت لابسة
كلابية بسيطة بين منشفت شعري
بالسشوار دخل بس بالبيجاما
صار ورايه رفع ايدي يظهرلي عضلاته
ويعرضهن بطريقة رياضية
-اعترفي انچ وگعتي بغرامي
واني بالغيبوبة
اكييييد چنتي تبوسين هالعضلات
ليل نهار
-اييييي صح مرة صبح ومرة
بالليل مثل كبسول الالتهابات
ضحك ونزل راسه ناحيتي
رفع راسي باسني بقوة
سلبت انفاسي
-بعدچ زعلانة
-منسيت الموقف ولا حرگة گلبي بساعتها
بس حبي الك اكبر من هيچ تفاهة
تلاعب بخصلات شعري
واني امشطها واضفرها
نزلتها على كتفي وهو كمل لبس
طلعنا للمطبخ بين مسويت الچاي
اندگت الجرس وطلع
دخلت ماما وبيبي وبيد ماما
سلة مرتبة للريوگ اول مدخلت بيبي
صلت عالنبي
وگعدنا بالهول اني بصفها شاورتني
-سويتي الگتلچ علي
-اي بيبي
-بالمبارك يابعد روحي
وهسه مادام امچ بالمطبخ
سولفيلي شصار
بشكل موجز حچيتلها باوعتلي
-تردين تهدمين بيتچ وتخلينها ببال هذا
المسودن ظلي كل ساع ذاكرتها ولچ
صيري نبهة چا شلون صرتي طبيبة
وماتفهمين
ضحكت وهي ردت
-مو تگولين تخابر بعد انت ردي
عليها وعديها مثل الهوا ماتنشاف
ومن اليوم واعديني ماتذكرينها گدامه
شني بيبي هي احلى منچ لو اذكى منچ
يابيبي البرابيگ هواي بس يردلهن لزمة
حتى يتلزگن للزلم
عدهن المعرس بي حلاووووة يلزگلة فرد لزگة
وانت لا تطينها فرصة
خوووووش
هزيت راسي ويا دخلة هاجس من الباب
الخلفية وويا عماته اثنينهم
وجده وابو ومرت ابو
نوح ويمنى بدوامهم ووطن
كذلك بس غيد اجت وياهم
اجتمع الكل البنات تعاونو سوو سفرة
الريوگ
بيبي وجدو گاعدين على القنفات
وگبالهم طبلة للاكل
عيني تروحلهم كل شويه
اباوع لجدو يقربلها الاكل
وصاح
-استكان چاي مر لأم ريحانة
-اشربه حلو انا
-هااااا زين انا اشربه مر
-انت شايب بيك سكر انا بت
شباب بحيلي
ضحك وخله گدامها صمونه
ياكلون ويسولفون عن صادق
زوج خالة سهامة ويسألون غيد
وتجاوبهم
الكل مشغول الا نهاد ام يمنى عينها
مني باوعتلي
-اكلج شلون راح تگدرين تديرين البيت
وانت بدوامچ ترجعين لثلاثة الظهر
او الاربعة
هاجس وهو منزل راسه رد
-نفس ماراح تديره يمنى عمة
اثنينهن من اخذناهن نعرف شغلهن شنو
-يمنى ترجع تناملها ساعة وتنزل
تساعد غيد ومرت ابوك
-وليل ماعدها شي بس اني
وياها واني لليل لو ارجع لو لا
واغلب ايامي طالع بقضايا
لو خفارات يعني متراهمين عمة
لا يظل بالچ
بيبي مگدرت تسكت
-فدوة لجهامتك معدل
تاففت نهاد وردت
-اشوف الكلام وگع على مايچ عمة
-لا ياعمة يگولون الداخل بين
البصلة وگشرتها مايحصل بس
ريحتها زلمة ومرة بينهم يدبرون
امرهم
جدو غير الموضوع وسألني
-جدو شباقيلچ بتنسيبچ
-مباقي بس شهر ونص
-ياالله خلصت جدي وصارت
سوالف وانت سبعة
ردت بيبي
-طالعة علية بنيتي
-والنعم
ردت بيبي
-والسبع انعاااام هم
ضحك هاجس وندسني
-راح تطخ الثمانين ومانتجرع
-شعبالك لعد تحذرررر مني
ترررى دمها يسري بعروگي
ضحك وكمل الريوگ
وطلعت ماما وبيبي بعد ماوصوني على
هاجس وبيتي وان ادير اموري بعقل
عماته هم طلعو
وجد بالهول رجعت يمه
صاحلي گعدت بصفه
مد ايده لجيبه طلع علبة
ذهب صغيرة
-هديتچ جدو
فتحتها تجنن مداليا ثلث
نجوم رتبة عسكرية
ابتسم وهمس
-ردي كلادة النجم لصاحبتها
وهاي بدالها
-ليش جدو احبها
ذب حسرة
-فالها مو زين صاحبها ماخذ رادته
رديها جدي ربي يعلي شانكم
وتعيشون براحة
وگف وباس راسي
-متباركين جدي
طلع وبقت كلمته براسي تتردد
لبست الگلادة
ورحت اريد اشوفها لهاجس اللي طلع
برة بالكراج عالمرجوحة من دگ تلفونه
صرت ورا ووصلني صوته الهامس
-نوح رتبها من يمك اجاازة مرضية
سوووويني موات
ادري تغيير خطط بس شغلة صارت
اريد اعوضها
تسللت حاوطت أكتافه التفتت
وضحك سد الخط ورفع راسه اليه
-اگلج شي جوه تعاي
تحولت نظراته لشي جدي
استغربت
-شبيك الله عليك صاير شي
-تعاي سالفة چبيرة يرادلها گعدة
دخلت ويا للغرفة اشرلي اوگف
-دقيقة راجعلچ
طلع ورجع بيده سويچة ومفاتيح البيت
التفتت اسد البردات وهو قلل الاضاءة
سمعت صوت طگة المفتاح عادي مااهتميت
ثواني وصار ورايه حضني وفتح الشباك
-ليييش اريد الغرفة تبرد
همسلي
-حلفت اقفل الباب علينا واشمر المفتاح
گالها وشمر مفاتيح البيت كلها بالگراج
ودارني اله
-شتريد
-ان اريك ماتفعل الذئاب بالغزلان
ضحك وشالني واني اتملص منه
-نعسااااانة
-تعاي الوليلچ وناااااامي
-ماااااااريد
-اناغيچ وتناغيني
-هم مااااااا
-وجعاااااا
گالها وشمرني عالسرير وتمدد بصفي
رفعت نفسي نمت على صدره
-الهمجي شلون نطلع
-شعدنا طالعين
-نجوع
-اكل وموجود ماااجوع
عضني من زندي ودفعته
ورجعت عضيته
مسح على شعري فتح ضفيرتي
انفرشت على صدره
يمشط بشعري بيده
-القرچ شگد حلوة
-ال.........
-كمليها اذا بيچ خير
-شگد حلو
بست شواربه وهو تحول لثعبان
برمني برم بحضنه
شگد ماااحاول افلت منه
ادي متنلزم
-هاجس عفيه
-كثريلي من العفيه
والحباب حتى ماااهدج
گالها وصوته اختفى وهو يدفن
راسه بشعري وبهدوء يتنفس
-شورطني بيچ
ضحكت وبادلته الحضن
رخت ايده عني ودخلنا برحلة
من مشاعر ماطلعنا منها الا وقت التعب
غفيت بين ادي لوقت متأخر حسيتة تسحب
مني فتحت عيوني علي بيده التلفون
-شتسوي
-اخلي وطن يجيب المفتاح
فزيت واگفة
-مااااااا لتفضحني اني اتصل بغيد
رحت للتلفون عالشحن سحبته
اتصلت بيها اجاني
صوتها مبحوح كأنما تبچي
-ها حبيبتي
-ها غيد بيج شي
-لا عيوني ستوني كعدت من النوم
-غيودة تگدرين تجيني من الباب الخلفي
للگراج گبل
-تمام جاية محتاجة شي
-بس جيبيلي المفتاح مال البيت
تلگي بره اخذه منچ من شباك غرفتي
ضحكت عبالك فهمتني
ثواني واندگت الشباك
شفتها واگفة
ومثل متوقعت عيونها وارمة
-غيد بيج شي
رفعت راسها ووگعت دموعها
-تعبااااااانة ليل
-هسه اجيج
-اكو ناس جايين على هاجس
يم جدو اذا يگدر يجي
-خوووش وتعاليلي انت
-لچ ليل متغديتي
دگينه الباب وانتم ماكو
-نمنا
غمزتلي ضاحكة وراحت
واني ركضت غسلت وغيرت ملابسي
وهاجس طلع للحمام غير ملابسه
وراح للخطار
اندگت الباب ودخلت غيد
اشرتلها رحنه للهول
-گعددددي منو مضوجچ
-ام يمنى بس والله استحي من
يمنى مااحاجيها ولا ارد
-هاي دواها بس بيبي
-اني دايسة كلامها ليل بس
اكتشفت كلامها حقيقي
-شگالت بالله وصدگتيها
-وطن يحب بنية قبل
صفنت بوجها وهي وگعت دموعها
-شوفي اني چان عندي احساس
غريب ناحية اوراقه وكتبه اللي محتفظ
بيها لهسه
وبيوم هو بالدوام گعدت أعدل بالمكتبة
وشلت الزايد بكارتونة
دخلت ام يمنى واجتني تگلب بالكارتونة
فتحت كتاب ورفعت راسها
-ليش شايلة الكتب
-كتب وطن مثگلة الرف اريد
اضمهن بالمخزن بما ان هو ميقراهن
فتحت الكتاب واشرتلي
-ياااااا هاي مال الجامعة ايام
الحب الاول
صفنت بوجهها وهي ولا كأنه
كملت
-عادي حبيبتي ايام شبابه
طلعت واني اخذت الكتب للغرفة
فرشتهن عالسرير وكل كتاب افتحه
بي رسمة عين
لو طاووس لو حية
لو غصن زيتون
متكرر كل شي متكرر
لحد ملكيت الاسم مزين حواف الكتب
گلزهار
بالإنجليزي والعربي وبكل انواع الخط
وگعت دموعها
- شوفي اول متزوجنا غلط بأسمي صاحلي
زهرتي
بس عبالي غلطانة لمن عرفت معنى الاسم صاحلي بأسم دلعها يمكن ليل واضح علاقة قوية
-سألتي
-لا مااااريد اسأله ولا أواجهه
مدام محچالي من البداية
ذبت حسرة ووگفت
-احس فد حاجز صار بيني وبين وطن
-انسي غيد مدام وطن مثل ماهو
يعني فعلا موضوع قديم
ومنتهي
هزت راسها وطلعت
وره ساعة اندگت الباب
دخلت يمنى بيدها صينية
-العرساااااان هاي عصرونية
استمتعو
-لچ حااامل ليش شايلتها
-شبيچ خفيفة
-شلونچ ويه الوحام
-دماااار بس نحن لا نهزم
اگول مبقى شي وينتهي التنسيب
ونخلص
-تقدمين بورد لو دبلوم
-والله مااعرف اريد اختصر الطريق
-دبلوم
-هاي اذا مااجلت بس ماما كالت
اني اساعدج بالنونو
-لتاجلين السنوات تركض ركض
-الله كريم
دخل هاجس ويمنى وگفت
-اكلووو عرسان عصرونية من ايدي
-ولي لرجلج الفاهية يريدج
ضحكت بخجل مشت بسرعة
وهو گعد بصفي وكليني كيك
خليت بحلگه قطعة باوعلي
عيونه بيها حچي
-من الاخير هاااااجس شكووو
-فاهمتني بت عذبة
-اصدمني عيوني
-روان وعمتها جايين
درت وجهي بعدين وگفت
-اي اهلا وسهلا بيهم
رحت للغرفة ارتب كم قطعة ملابس
خليتهن بالغسالة باوعت بطريقي للثلاجة
اشوف شسوي عشا
-ها حب
-شسوي عشا
-عمتي والله تعبت بتجهيز كل شي ليش مكلفتها
هيچ
-مقبلت تعاونت ويا خالاتي وبناتهم
وجهزت هالنواشف
سد باب الثلاجة
-للتعبين نفسچ عشا جاهز تفرغيلي اليوووم
-شتسوي بالاجازة المرضية
ضحك وگعدني ويا عالميز
-گلت بلكي ترهم ونروح ولو ليلتين للشمال
بس مارهمت
-معوووضة غير مرة
اشرلي على عيونه
-من عيوني
نحچي واندگت الجرس
طلع هو واني طلعت عصائر بسرعة
رتبتهم بالصينية عرفتهم وصلو
سمعته فتح باب الصالة
رحت للغرفة جددت عطري وطلعت
عليهم
اباوعلها گاعدة بصف هاجس وتحجي وياه
اول مكلت السلام عليكم
گامت عمتها بوستني
-عالخير خالة يجعلها
زواجة الدهر
وگفت هي مدتلي ايدها
-مبروك
رجعت گعدت بصف هاجس
اللي وگف وگال
-من رخصتكم زلم منتظريني يم الحجي
راح واني استأذنت رحت جبت الضيافة
ورجعت خليتها عالطاولات گدامهم
-تفضلو
واني احجي وياهم دخلت ام يمنى
ترحب بيهم بما ان عمة روان صديقتهم
وروان متربية عدهم حسب الاقوال
حضنتها نهاد وبوستها وباوعت
لأيدها
-سودة عليه ظل بالي
ماقصر هاجس تارك مرته ورايح متصل بصاحبة
حتى يطمأن عليها
باوعتلها ورديت
-اي فعلا بحيث من الكلام حسيت
البنية منتهية بس خطية رغم الالام
والاوجاع اجت نورت العرس فاجئتنا
عمتها وجهها صار ينطي الوان وهي
رفعت حاجبها وردت
-صح عمو مصعب گال عمو هاجس
تارك كل شي بدون ميبلغكم ورايد يجي
بس بعدين جايي ناس للعرس مضطر يرجعلكم وعمو مصعب اجه بداله
-لا استأذن مني حبيبتي
عموما اني هم راح اسأله
عن كلامج واشوف
التفتت لعمتها تطلب الانقاذ
لأن انحصرت بزاوية
-لا خالة فهمتيها غلط مو قصدها
تقول عمها شي مگايلة
-بالعكس روان عاقلة معدها هيج
سوالف مووووو
ركزت عالكلمة وهي هزت راسها
ام يمنى تدخلت
-روانة بت هذا البيت ربت بحضن
هاجس
استفزتني الكلمة هوووايه
ورديت ويه دخول هاجس للصالة
-كلمة بحضنه كلمة مجازية مو هاجس
صفنن كلهن وهو هم استغرب
-شنو حبيبتي
-عمة تگول روان تربت بحضن
هاجس اگللها قصدها بشي
مجازي مووو
فهم قصدي ورد
-اي اكيد من چانت نتفة عمرها سنوات متتجاوز
الخمسة
برد الحديث وام يمنى انكبست
وروان وگفت تثأر لنفسها مني بتصرف غبي
-عمو اريد احچي وياك بموضوع
اشرلة طلعو للهول
طلعت شايلة الصينية وفتت هي
بسرعة رفعت نفسها تقربت منه
تشاوره هو ابتعد
رغم ميدري بيه ورا
رجعت للصالة لگيتها راجعة
شويه ووگفت عمتها
-يلا احنه نرفع الزحمة
لزمت ضرف خلته عالميز
-هاي هديتكم وعذروني مااعرف شتحبون
بهالمبلغ اشترو اليعجبكم
هاجس چان بالغرفة وهي تحوس
ايست منه يرجع
فتحت علاگة ماركة جابتها وياها وباوعتلي
-عمة متعرف ذوقچ مقبلت تجيب
شي
اني اعرف ذوق عمو جبتله هالهدية
خلتها عالميز وطلعت للباب
بكل ادب وجبتهم وطلعو وام يمنى
وياهم طلعت لبيتها
رجعت للغرفة بيدي هديتها
اول مدخلت باوعلي چنت احس بدخان
يطلع من راسي
خليت الهدية بيده
-هدية روان خصيييصاً الك
-شنو هاي
فتحها سيت فخم سبحة وقلم ومداليا سويچ
سيارة ومنديل جيب وربطة عنق
-جيد فاهمتك الحبابة
تركتة ورحت للصالة گعدت
ماااااعرف شفسر تصرفاتها
دخلي للصالة يصوفر
-شبيها حليوة الجيران
-شرادت منك
-موضوع امها رجع انفتح
-وانت شعليك
-تريدن اصير وسيط بينهم
-اهاااا
تركت المكان وهو طلع وصى
وطن على عشه رجع تعشينا
واني اتصلت بالبنات
اجو يمي وتعمدت اخليهم يتأخرون
راحو وراها اتصلت بماما وبيبي
بحدود ال١٢ دخلت سبحت بعد مااخذتلي
فستان سهرة بسيط رفعت شعري
وگاعدة عيني منه
يصدلي بالمرايا رافع حاجبة اطلق سؤاله
-شبيچ
-مبيه شي
وگف وتمشالي صار ورايه
-شبيچ احچي
-تگلي عمتك روانة بت هذا البيت ربت بحضن
هاجس
گلتها بصوت ينعوص اعيب عليها
وهو طگها ضحكة
-زعلتي
-هووووايه
-ليش
-لأن قبلت هديتها
وگف راح جابها
فتح المجر طلع مگص گصگص ربطة
العنق والمنديل فرط حبوب السبحة بالعلبة وكسر القلم
شمر العلبة عالميز وسحبني بقوة
لصدره
-وهسسسه
-هم زعلانة
رفعني بحضنه وهمس بصوت
متلاعب
-تعرفين عريان السيد خلف شيگول
-هممم سمعني
خله شفافة الدافية يم
اذني وهمس بولع
-وازعلنك ولذتك بـالعشگ من تغتاض
تتگطر إشفافك عسل گنطاري
و اراضيك بـولك يا بعد هاي و هاي
و اتعذر سنه و ما تقبل اعذاري
