رواية الطاغية والمغرور الفصل الثالث والعشرون بقلم يارا الياسري
شيراز
كم تمنيتُ بأن نكونَ معًا الآن،
في زاويةِ مطعم راقٍ،
وأن تُسدل الستائرُ علينا
دُون أن ينظر إلينا أحد،
ودُون أن يتفقّدنا أحد،
أن أكون لك
دُون أيّ حواجزٍ قد تحولُ بَيننا،
دُون أيّ مسافاتٍ قد تفرّقنا
أن أبتسم
وَأجدَ بأن أبتسامتي تِلك
قادرةٌ على أن تصنَع الحدائق
في صدرك،
وأخبرك كثيرًا بأنني أُحبّك بمراتٍ
لن أستطيعَ أنا وأنت تعدادها لكثرتها
في قلبي، أن أختفي عن هذا العالم لأسكنك.
رفعت راسي انصدمت بنظرته الحاذقة ومتعجب
قسور بدهشة فتح حلكه ماما جلبهار ؟؟؟!
زينة بقت تبحلك بنظراتها بيني وبين قسور
وتسرعت وحجت
زينة : لا الك بله اختك زعطوطة ماتفتهم
أنتَ شبيك ماتميز
هاي رحيق أسمها باوع عدل
ركز ترى بيها اخطاء مطبعية اقصد أختلافات
ربانية تدل على الاختلاف..
قسور باستهزاء شنو اخطاء شبيج شاربة شي ؟؟!
زينة عوزك بعد رزلني رزلني مو أخطاء
وانما تغيرات شدراني مشيها
المهم مو مرت ابوك الاصلية هاي تقليد .
أني بقيت صافنة بوجهه وأحساسي لحضتها
تمنيت لو جلبهار عايشة
وأشوف أتلمس ملامحها
هالكد أشبهه لدرجة محد يميز لو لان يحبوها
والكل مشتاقليها يشوفونها بوجهي .؟
تمالكت نفسي واعصابي وأبتسمت بهدوء
رخيت وجهي صباح الخير .
قسور رد ببرود ممزوج بتساؤل صباح النور
انتي مو جلبهار ؟!!
تنهدت ورفعت عيوني ليفوك بملل لا حبيبي
اني رحيق.
قسور وصغر عيونه عود تشرفن
حجاها وملامحه معفوسة وببروج مثل المعتاد
اتشرفت بمعرفتك شكد عمرك قسور؟
قسور 15 انت مرت ابوي الجديدة ؟!!
يمته تزوجتوا ؟!!
رديت برفض وبسرعة لا لا لا مامتزوجته
ولااعرفه
منو ابوك لااعرف ولايعرفني
رد برد جفلني ومن صدوك متت ضحك على
روحي من كد اعصابي بقيت أخربط .
قسور بحذق: لعد شلون لابسة سترته ؟؟؟!
وضحك لاتستحين عادي انتي رقم الثالث .
زينة تباوع وتضحك
زينة : اقتربت مني وهسهست
هسة جذبي جذب بي
حظ امداج على هالجذبة
رحيق بعصبية : انجبي لا تخليني اقصفج قصفة بكوكل ماموجوده اخليج سنة تلمين بمي وجهج .
زينة هههههه يفداج وجهي
قسور أجه يروح تلكت قزح تريد تصعد
ماصارت نزلة علية صارت مجلس برلماني
قزح بأمر : قسور ليش مارايح يله بدل وأنزل
للمدرسة
قسور التف نص التفاف عليها: مالي خلك
ماعندي شي مااريد اروح .
قزح تخوصرت : انشوف من يدري ابوك راح
تكول هيج لو تمشي مثل الميل .
قسور: بابا أذ ما فتنتي مراح يعرف ماعندي
شي ماله داعي اروح..
قزح :والله عيني واجبي أهتم بيكم وبدراستكم
مامستعدة أبوك يرزلني علمودك يلة بدل .
رحيق :ماكدرت أتحمل أسلوبها ويا بأي حق
تحاجين هشكل
ماتفهمين عربي يكلج ماعندي شي
شنو تنكلب الدنيا أذ ماراح ماله داعي هالتصرف
والصياح شبيج راح تموتين.
قزح ماعليج انتي عار بت الملاهي لفينج هنا
شفتي روحج فد شي ترى حالج حال الخدم
هنا وأني الناهية والامر أفتهمتي
رحيق ألضاهر أنتي تعانين من هلوسات يقظة
أنصحج تعالجي شبيج بابا حالج من حالنه
هنا وأذ شيراز ينام وياج بالسر مو معناه حولج
مرته فالزمي حدج لا أكص لسانج .
قزح ايا حقيرة تشتميني تشوهين
سمعتي ياعار ماكو غيرج تسوي هالسوالف
زينة على صفحة بوية احترك الجو
ناقصها شيراز وتكمل العركة اااخ
الك قسور تشجع منو
قسور شبيج فكيهن أذ كعد بابا اني اكلها
زينة تاكلها باردة لو حارة ؟!
قسور ار يو سيريس .
انتي متاكدة
يو ار كريزي
انتِ مجنونة .
زينة : وأيدها على خدها عفية رحيق وتصفك
شبيك بقيت ترطن انكليزي
ترى ندري بيك
بيرفكت باللانكلش بس لا تجي تبيعهن براسي.
قسور اوميكاد حاولي تفرقيهن
زينة شفرقهن خليهن حماس من الصبح
تنشيط للدورة الدموية
قسور بعصبية : ماكو تنشيط لعقلج ؟؟
زينة : عقلي نشط من الله
رحيق: انتي صدوك وحدة بيئة وعقلج
على كدج مااريد أبذر حرف عليج روحي
روحي الله يثبت العقل عليج
قزح :لج شتقصدين اني مخبلة
رحيق بسخرية : حشى الاخبال منج
بين الضجة طلع شيراز
و من الغرفة وصاح بغضب وهو يتقدم علينا .
قزززح رحيق شصاير من صباح الله ؟!
اني وقزح التفين علي بشكل كامل
قزح ضلت تبلع ريك
واني باوعت ببرود ودرت وجهي بتملل
وحجيت بقوة ماكو التقينا هنا وتصابحنا
على بعض بس قزح هانم صباحها غير
هي تشرحلك .
قزح بغضب : حقيرة تريدين تلوفيها علية
رحيق: باوعتلها بنص عين وكتفت ايدي
شنو سيارة والوفها عليج.
من گلت هشكل
لكفت شيراز حصرته الضحكة وضماها يموت
أذ ضحك بوجهي لازم يغنتب علية .
شيراز تحم أحم بغضب ويرص بحروفه قزح شديصير شنو شصايرلج تخبلتي ؟
نظامج فلت من يمته صياح بهالبيت من الصبح؟ كلشي يمشي بالميل
شخربط الوضع ؟
وأنتبه لقسووور شعدك ليهسه هنااااا ؟
ومامغير ملابسك شديصيررر بهالبيت
تنعافون اسبوع تنگلبون لمية سنة
عائلة مخربطة ابقى أصيح ويومية كالب
البيت گئابة امشوا عدل .
ورجع علية صار قريب مني وانتي شلج دخل
بكيفج تصرحين بهالبيت .
بعد ماعقدت عليج صرتي تتحكمين
ورفع اصبعه بوجهي بتهديد والله والله يارحيق
أذ ماجريتي عدل لسوي بيج لماصاير ..
رحيق عباله أخاف من الصياح
وأني قلبي ميت
حجيت ببرود رغم مغص لزم بطني
شنو بقى ماسويت بية ؟؟؟!
ورفعت تك حاجب عين اليمنى أني ماسويت
شي يهز بنظام البيت گل ما بالامر
بعدني مامبررة ورفع كفه بحيث طخ
بصدري.
خزرته والكل انتبه وصاروا يباوعون
بترقب صااح بالكل صوت جهوري رعدة قوية
شيراز الكل لمكانه خمس دقايق الكى الكل
جوة والسفرة مصبوبة وبالنظام لعند دوام
ملابس دوام لعند كعدة بالبيت ملابس بيت
خمس دقااايق خلي اشوف منكم ليتأخر
ويكسر الكلام .
رحيق بقيت صافنة بخلقته وانتبه لعروك
وجه لطلعن شدعوة من الصبح هالصريخ
الناس تكعد رايقين هادئين يسمعون قران
هذا كاعد يصارع جون سينا .
باوعت يمين يسار ولا نفر بس أني
ورفعت عيوني وعيون شيراز مخنزرة علية
ويطكطك بأصابعه .
بللت شفتي وكلت هاي هية راح يهجم
علية ويبرد غليله مني
عاد اني صرت اخوزر بنفس خزراته
واطكطك بيدي مثله وماادري كد التوتر
طكيت اصبعي بقوووة
وجعني وصرخت اااخ
وماحس غير شيراز رخى ملامحه وضحك بهدوء
وهو يردف صابتج غيرة
حيل وابو زايد يوم كسر لايدج .
رفعت عيوني بوجهه لعدويني عيني .
شيراز: بعصبية مكتومة منيلج اعداء عيني .
رحيق: لا لا نسيت روحك انت اولهم يالله شايب ومتخرفن وزهايمر ضاربك صفح
ماعتب عليك
رغم شيراز واضح ان شباب
يعني مو مال شايب بس حبيت اضوجه
شيراز : لعد انتي عاهرة ومستوية مااعتب عليج وغمزتلها بحقارة
مجرد ماكلت عاهرة انكلبت ملامحها
ابتسمت روحي روحي من وجهي
رحيق : لا مااروح.
شيراز : ليش ماترحين زرعوج هنااا
رحيق مااروح كيفي.
شيراز بغضب ضلي عساج لااكلتي
ولاشفت خلقتج
وعافني ونزل هسة
هذا سب غلط اووف رحيق
شبيج شهالتصرفات حجيت ويا نفسي
باوعت للسترة غمضت عيوني
وتنفست بعمق لازم انزل اغير هاللبس
اووف اووف
نزلت كبل للمطبخ شفت زينة تحضر
وثريا وفريال ادري ريوك السلطان
هو بيض على جبن
والحمد الله .
صباح الخير .
زينة ردت بضحكة والبقية ردن عادي
بس يباوعن مستغربات لبسي
رحت لزينة هسهست يمها تعالي اريد منج شي
البسه ملابسي جبتيهم وياج.
زينة: ااي عود ردت اخمطهم ذني الجدايدات
عمة رايحة شووية وراجعة مو ترزليني .
رحيق : شتخمطين هن مخموطات من العالم
رحت وياها للغرفة مخصصة الهن غرفة
هي وفريال وثريا طلعت اختاريت منهن
زينة : وهي تطلع ههههه باعي ششلون مااشوف حضرتج راح تبقين سيدة بهالبيت
رحيق :بعدم اهتمام وأذ وگعدت على الجرباية
تنفست الصعداء ورخيت اعصابي..
زينة وهي فاتحة الكنتور وتطلع ملابس
أانتي غبية لو تستغبين أني لو جايني
واحد بي حظ ويتزوجني أتزوج وافلت
شنو عاجبج الخدمة جو ايد هاي وذيج .
رحيق وجاحظة عيونها : لا عمري
مارضيت الذلة واكثر شي شفت هي بحياتي
عموماً خليني أبدل
وتنهدت طلعلي شي البسه عوزي ملابس
فلوس ماكو حالة مزرية
زينة: ليش ماصرفلج راتب ؟؟
احنه اول ما كالت ست سمر تجون وياية كالت راتبكم يسري بس نخصم منه خمسين الف
بس نعمة ولا ماكو .
رحيق باوعتلها وضعي غير عنكم غير بعدج
مافهمتي اني اختلف بقدري عن هالبشر
زينة عوجت حلكها والله عدي فضول أعرف شورطج هنانه يلة وسمعت صوت ثريا تصيح
يلة يله لبسي اي شي وخلي أروح .
راحت وبقيت متتأففة بدلت لكيت فستان قماش
دافي بالون اللزرك المخملية مابي شي
مجرد فستان طويل لا أضافة لاشي لبسته
ولبست نعال ابو الاصبع شفته حلو ابو كركوشة
وباوعت للميز لكيت مشط خذيته ومشطت
شعري وأني صافنة بشگلي شكد سمار
جوة عيوني من الحزن لو من شنو مدري .
صلاتي متقطعة يامنعول الصفحة ياشيراز
من وراك كلي ذنب وذنوب .
بعدني امشط وضفرت صفح وأجت زينة
زينة وهي عد الباب متوترة
استاذ شيراز كال لازم تكعدين على الطاولة
رحيق واحساسي مليان برود نوع من لا مبالاة
بصفتي شنووو؟!!!
زينة مديرة الخدم شدراني ؟!!
عاندت ماردت أروح شنو لعبة بكيفه.
لعب روحي
عفت كولشي وطلعت برااا بهالبرد جو الصبح
بارد طلعت وگعدت برااا عاقدة الوجه .
ومكتفة أيدي بس أرجف هسة شورطني
وطلعت لو باقية لا لا أبقى هنا احسلي
بقيت برااا كاعدة بعد مرور وقت
توقعت يجي يجبرني بس شو هذا ماكو
جعت بس قاومت گلت أدخل للمطبخ
وأكل حالي حال فريال والبنات شو رحت
للمطبخ ذني كاعدات يشربن جاي
تريكتن ؟!!!
ثريا تباوع لفريال وتبلع ريك وزينة تغمز بعيونها
رحيق تخصرت بملل شكووو ؟!!
زينة: أكولها بالكصة لو ترديها متقطعة .
رحيق بملل كولي بالكصة .
زينة أستاذ شيراز كال ممنوع ننطيج لكمة
لمدة يومين .
رحيق تخبلت مو على الاكل بس على طريقة
بالتعامل عبالك حيوان عنده بكيفه
بقيت أهتز غضب واممم وبعد شكال ؟؟
زينة ماكال بس خلوها عبرة الكم ليكسر امر
مني العب بحاله طوبة امشوا عدل
لا امشيكم بالتي هي أحسن بالعذاب والوجع.
يعني سواني عبرة والله اني لروح افلش
ملامحه واسوي عبرة لكل واحد يأذي رحيق .
تنفست بقوة ورحت ناوية الهجوم لزمتني
ثريا من أيدي وين رايحة بهالغضب ؟!
رحيق بكل شراسة رايحة أرجعه لحجمه
عند كم فلس شاف روحه سلطان مقدس
ماتمشي على رحيق هالسوالف مو ذليلة عنده
واجيت اروح رجعت لزمتني فريال
الك بنتي شو بدك في ليش عم تعاندي
الله يرحمها كانت تمشي بكيفه ماكنت ترفضله
طلب وهو كان معيشها بجنة شو مابدها
بيصيرلها .
باوعتلها بعيون مشتعلة
هاي جلبهار مو رحيق اني ماامشي بكيف
بشر مااصير لعبة بيده مايهمني اذ حبني
لو لا بس غصب عنه يحترمني كدامه بشر
بشر.
يمته مايحترم لكدامه راح يشوفني
ماشية ويا صح .
رجعت ثريا لج بنيتي أكعدي وهدي نفسج
لا ساعة شيطان ويأذيج .
رحيق بهستيريا وتلفت يمين يسار بكل توتر
شيسوي بعد شيسوي شيسوي فهموني
الكم تدرون بلي مر علية من وراااا ؟!!
شيصير بعد .
زينة: شدعواج مكبرة الوضع هو مخليج
مربية لان تشبهين امه بنته ليش هالتكبر
ترى لا تشوفي ساكت على كولت بيسان
هذا هدوء ماقبل العاصفة ماتعرفين يمته
يدك أنذار بالاعصار ويهجم الدنيا فوك راسج.
رحيق : أي مو الدنيا تايهه اله لا محكمة لا قانون
واذ مسؤل بس هووو راسه جيير بالدولة .
زينة بسخرية: والله ليسمعج يكول جوة ايدج
منهم الله و ايدج اذ تعرفين مسؤل غيره
يساعدج عجيب وضعج بوضع المفروض
ترضخين وتكولين عيني وكلبي وتصيرين
خاتم بأصبعه تتكبرين وتتواجهين ويا بصلافة
وااله انتي تردين تموتين ماتدرين شلون.
رحيق بغضب: عوفوني بحالي ماتعرفون شي
عني لاتصلون تطلقون فتاوي بكيفكم وخروا
تني وخرري عني وحجيت بعصبية .
خلستهن عافني وطلعت بكل جزع من هالوضع
كرهت كلشي كارهه هالمكان وكارهته
لو شارع اشرفلي
مااريد قفل راسي ماأريد ابقى
يمه لو اموت جوع الشخص الي أستغلني
علمود يحقق مصالحه وصورني بأبشع صور
ولا فكر حتى بالكدامه بشر ورغم هوو سمع
وعرف قصتي ماابقى يم بنفس المكان
شنو يختلف عن عديم الشرف سلام أثنينهم
نفس الطينة.
صعدت عاصفة بمشاعري
ولاكني هو نازل مستعجل
وگفتله متخوصرة وفتحت رجلية يروح يمين
أروح يروح يسار اروح اخر شي عصب
شيراز مخبلة وخرري من دربي
رحيق مااوخر .
شيراز ماتوخرين مو جرريتها بقوة للحايط
لزكتها وخليت عكس أيدي بنص صدرها
مرة ثانية لو قررتي تخبثين
لاتخبثين واني مستعجل
أندمج مو كدي فهميها لسانج برنو بس قوتج
ماتفيد لقتل نملة ..
عافني وراح مالحكت اركض وراه لزمت صدري حسيت
أنزرف شهكت الله ياخذك .
ونهضت بجسمي گعدت على الدرج بتعب
وخليت راسي على أساوره. ومااحس الاصوت
فوك مني
قزح وخري خلي نعبر ماحلتلج الكعدة
الة هناااا.
كمت بكل عصبيتي ودفعتها ذاك درج نزلي
منه عساج بالكسر ونزلتج للمستشفى
وعبرته وصعدت ومااسمع الا صرخة قزح
دنكت من فوك اشوفها
متكربحة ولازمة رجلها عوزها بعد أهتم
وانزل اشوفها صعدت لغرفة خود نايمة هالبنية .
مظلومة مثلي شفت جهازي لاحضت أكثر
من عشر أتصالات تينة .
تنهدت شتردين بعد رجعت دكيت ردت وهي
نعسانه بعد مادك عشر مرات .
تينة بصوتةمتشجحرج الو منو ؟!!
رحيق هاي اني لازم اسالج
منو انتي ؟ من شنو مخلوقة؟!
علية ضدي لج ماكفاج لسويتي
غدرتي بية وبيدج وديتني للتهلگة بعد شتردين
متصلة؟؟!!
تينة گعدت بحيلي أستوعب اووف رحيق
اسمعيني على كيفج بس فهمي
رحيق شفهم بعد هالرقم لا دكين علية عتقيني
لحد الان متورطة بيد واحد مااعرف أذ مجرم
والا شيطان والا شنو
والسبب أنتي وثقت بيج وبرخص بعتيني
بس صوجي اني المني وبية غدرني أثق بالغرب ليش؟!
مشكورة درس وحفظت زين .
تينة بصياح بسسسس بسس كافي انطي صبر
ماكو دكمة توكفج مجبووورة
فهمي شيراز هددني
واني حاولت اساعدج وبعدتج عني شمرتج
يم صفاءبس صار لصار وعرف مگانج شتردين
أسوي؟!!!
والله مستعدة أرجع أساعدج بلي تردي لاعبالج
هان علية أذيج بس مجبورة هددني .
رحيق : عفية حظي گلها تهدد علمودي وشنو
هالسر المكنون بية لكلها تريده .
تينة :مادري سالي روحج دكيت أسال عنج
وأبرررلج أني مو شغلتي أطعن بشر بضهره
بس بعد صار لصار ووعد هسة اذ محتاجة
أساعدج ولا تخافين مني رحيق أني اريد
أعرف شسوة بيج وشنو حالج ؟!!!
رحيق : ههههه لكتيني غبية انلدغ مرتين
من نفس الجحر .
تينة نعم الله عليج سويتني حية .
رحيق : لا هواي عليج حية انتي حرباية
متغيرة الوان .
تينة غمضت عيونها مو الحق مو عليج
علية متصلة وضميري معذبني من أحتركت
عشيرة ضميري .
بس ارد اعرف شصار ابتليت
رحيق بجفاء: وأذ عرفتي شيتغير ؟!!
تيتة أهو شبيج انتي؟!!
ترى مو عدوتج
رحيق : والعدو شلون يصير مدري تصرفاتج
وين أصرفهن ؟!!
تينة بمصرف الطيف الاسلامي
هاي تحجين صدوك مو صوجج اني الداكة
وأسال عنج عيوني انتي حرة مااجبر
بشر يتفهمني باي .
رحيق قفلت كلعتهم عوزي وحدة مثلج
كل من جوه راسها بهالذاك اليوم لو ماقنعتن
ماكنت ركصت ولا صار لصار .
اووف بعدني مامادة جسمي رجع دك جهازي
رفعته الو
لارا الو هلاو خالة شلونج ؟!!
رحيق بتعجب كعدت بحيلي لارا هلا حبيبتي
شصاير امي بيها شي ؟؟!
لارا لا لا تخافين ماكو شي بيبي زينة .
رحيق زحيت حسرة من كلبي الحمد الله
شلونج
شخبارج ؟!!
لارا زينة انتي شلونج ؟!
رحيق أشكر الله عايشة أمي شلونها؟
كدرت امج
تروحلها مو بلغتها اول ماتروح دك علية
لارا بلعت ريك هاا أمي مو هالايام ملتهين
بالبيت بالكوة تروح ولبنى بالبيت ماتكدر
تتصل صدوك خالة أرد أسالج
انتي وين ببغداد؟!
صفنت هو اني مااعر ف وين شجاوبها
شلج بهالسؤال لارا ؟!!
لارا :هيج بس أسال أطمئن عنج .
رحيق: اني بخير حبيبتي عند ناس متمكنين
والحمد الله عايشة المكان والمنطقة ماعرفها
بالضبط .
انتي شخبارج ؟!!
لارا نفس الروتين خالة ماكو جديد ياهو ليجي
يدمغني ولااأحلام لاطموح .
شيصير تغير .
رحيق ربج كريم تفرج .
لارا امين: يالله خالة باي بس الكفى بيبي لوحدها
أتصل بيج باي .
رحيق بايات سديت منها
مدري ليش حسيت بغرابة
من تساؤلاتها لارا وماأدراك من لارا تفكيرها فاق
الناصرية وكل محافظات الجنوبية
صاحبت طموح
وتحلم تكون مشهورة وتعيش حياة مغنيات
مطربات
اني متاكدة لو كلولها تركصين وتنشهرين
تتوافق بعدها مراهقة وعقلها بهالسوالف
شكد حجيت وخاص من نزلت هالانستا
والبرامج بجهاز أمها وأيباد أخوها حذرتها
هواي بس ماتسمع عقليتها بالطلعات السفرات
مو مال عيشة حبس .
حاولت اقنعها أفهمها بس عبث
أذن طين وأذن عجين .
بعدني ماصحيت من صفنتي گعدت خود
بوستها وهي حضنتني .
حبيبة ماما شمعة گليبي .
خودان برواء وأبتسامة صباحو ماما .
رحيق يلة ياحلوة نگوم نبدل ونغير الملابس
ونتريك ونبلش يومنا بطاقة التفاؤل .
گامت سبحتها ومشطتلها ونشفت شعرها
بالشسوار لبستها فستان باللون الابيض
وبي وردات حمر وجوة ستريج
وشعرها الحلو ويا جمالها وبرائتها طلعت
مثل الاميرات لنشوفهن بالتلفزيون .
نزلتها وهي تضحك للمطبخ شتحيين تاكلين؟!
خودان أممممم ماادري .
رحيق أسويلج بيض وطماطم لو ماتحبي ؟!!
خودان أمممم لا مامشتهيت أريد شي طيب
أجيت بوستها من خدودها مأكو أطيب منج
ومن هالخدود .
زينة حضرت الصينية الها وكالت خلي تاكل
باوعتلها نأكل برااا خود.
خودان أي أحب أشم الهوة البارد الصبح .
رحيق يلة خذتها وگعدت تاكل وأني صافنة
بيها تلاوعلي أبتسم اووف هالطفلة شكد
مظلومة گملت أكلها وبقين نلعب بالمرجوحة
اني وياها نايمة بحضني ونتمرجح
وساعة أدغدها .
شووية تقريباً بعد مرور ساعة أو هيج
كعدت بيسان أجت صباحو .
أممم اثنين جكليتات شيسون هنااا؟!!
رحيق دنشم هووة بيسان مداشوفج
بيج شي.
بيسان بتوتر هااا لا مابية
رحيق مانايمة ليش وجهج هالكد تعبان
بيسان مرتبگة : غمضت عيونها لا مابية
طبيعية بس لزمت راسها مثل ليوجعها
كمت سندتها شووو هاي ترجعي وتريد تتقيء
رگضت لجوووة فتحت عيوني باوعت لخود
ماما ابقي هنانه هسة ارجعلج ورحت وراها
اسمع صووتها من الحمام الجووة رحتلها
قافلة الباب بيسان هاي اني رحيق
بيسان بخوف ماشي بس اغسل اطلع طلعت
ها رحيق
رحيق شبيج خاف
لا لا لبالج كولش مو صح اعرف قصدج حامل
بس لا بس داخذ حبوب وهي مسسبتلي هالتعب
رحيق بدهشة حبوبيج ؟!!
بيسان بنفاذ صبر ونفسية اهووو شنو تحقيق؟!
حبوب مقويات ودك جهازها بقيت يمها
بيسان هلا خالوا تنهدت اووف خالوا أريد
ابقى فترة عل ماامي تسحبني تلطمني
تحجي صدوك خالوا هو أصف وين؟!!!
هو هيج راح أجي يمكم بأربيل أرتاح وأريح
راسي ولا هالبهذلة داحس نفسي نازحة
لا بالعكس مايحجي وحباب بس اني مامرتاحة
يعني عمتي سمر أخته اني شكووو .
أوك أي احجزلي بالطيارة باجر مدام غراضي
بعدهن بالجنط .
اوك باي خالوا باي .
رحيق بتساؤل راح تعوفين هالبيت ؟!!
بيسان شلزكتي بية أي أعوفه المن ابقى
رحيق كولش تفاچات بتصرفها
عبالك مو بيسان
الهادئة بس حقها لصار مو سهل امي بعيدة
أب دايخ باسياسة اخ صايع وهي مراهقة
بعدها مامكملة دخولها لسن النضج
وهالتقلبات طبيبعي تأثر بنفسيتها همهمت
وتركتها ورجعت لخودان .
گعدت يمها مالبثتها دقايق ونزلت قزح
مثل بعير سكران تهنجل بكعبها .
مالكيت غير هالوصف يليق بيها حتى ماتستاهل
أوصفها وصف مبهر .
تجاهلتها لكن هي متقصدة جايتني ضربتني
على أيدي بخفة رفعت عيوني باوعتلها
بخزرة وعيونه حاذقة شتردين؟!!
قزح وتعوج بحلگها ولاشي بس روتين كل
أسبوع غرفة خود تترتب
وهالاسبوع فات وهي بين مرض وتعب
ماتنضفت فتحبين
أنتي تنضيفها ووترتيب غراضها لو أخلي
البنات .
رحيق اني وبنتي نرتبه وباعت لخود بمحبة
مو ياشمعة گليبي .
خود بفرح أي واطلعلج الغراض الجديدة
رحيق حضنتها يمة فدوة .
قزح تمام وعاففت المكان وراحت .
رحيق خذيت خود وصعدت أنضفها هي نضيفة
مجرد غبار خفيف
رجعت صفطت ملابسها
فتحت المجرات رتبت الوانها ماشات الشعر
الاطواق وفتحت مجر بي اوارق ودفاتر رسم
والوان طفولية بأشكال حلوة
فتحتهن وأني ارتبهن
وخود ملتهية ترتب لعباتها كلساعة مخربتهن
وترجع ترتبهن .
تفاچأت بورقة خفيفة مخطط ومكتوب بيها
مسطحة بين الدفاتر عقدت حاجبي شنو هاي؟!!
فتحتها
كان مضمونها لصعقني مثل تيار كهربائي
صابني ويبس أثر الصعقة بس هالرسالة
صعقت مهجتي
بنتي خودان أميرتي وسندرلتي الصغيرة
گان ألالم يفوق قدرتي واباك ليس بهالشخص
الجيد خودان أذ بيوم متتت أعرفي هو سبب
مقتلي وهو الي قتلني .
من قريت حروفها حسيت واحد وضربني
على راسي دوار دوار أرد أستوعب
بقيت أفتح عيوني وأسدهن والورقة بيدي
أحس أضلعي أنحنت مثل السهم على قلبي
وتلعلت بأنفاسي حقيقة أبتلعتني لاعماق
الاستغراب والرعشات .
اول شي خطر أبالي ليش يقتلها ليش ؟!!
زين ليش هسه يلة طلعت الرسالة لازم
أعرف يعني معقولة محد منضف قبلي ؟
صحيت وبقى عقلي شوية شوية يجمع بس
دوخة وصداع لفح راسي .
كمت ورحت أصيح قزح قزح أجت قزح
والضاهر كانت بالبلكونة
نعم .
رحيق بتلاعب : منو گان ينضف غرفة
خود
قزح أني قصدج ترتيب مو تنضيف التنضيف
مسح غسل فريال أني أرتب غراضها ملابسها
رحيق وماشفتي شي غريب ؟!!
قزح اووف غريبج هن ملابس المهن واقلام
أصفطهن وهي أساساً نص مجراتها ماترضى
أحد يلمسهن ومالي خلك مناحتها وأضرابها
عن ألاكل فعوفهن .
رحيق هااا منو من المجرات ماتقبل ألزمهن ؟؟
قزح بخبث ومكر أخر مجرتين بالميز مالتها
مال الدراسة .
رحيق همهمت أها هسة فهمت معناها ماترضى
أحد يلزمهن معقولة هالطفلة فهمت هالكلام
أوف ربي شهالحيرة بعد خاف ناقصني
سالفة أحير بيها غير روحي .
رجعت وگعدت افكر رجعت فتحت الجرار
وطلعت الرسمات وهن كملت الصدمة
باول دفتر رسم عادي ورد حروف انكليزي
وملونتهن ثاني دفتر اول اوىاق عادي ومن بعدها
ورقتين ذات الرسمه مو رسم قوي رسم اطفال
بس مفهوم واحد بيد سلاح واضح ومكتوب علي
قتل وخطوط ملونات مكتوب دم
ووحدة مرسومه بس هيكل برسم طفولي
مكتوب مامي .
ارد أسحب نفس من الصدمة
مادري انفاسي وين صرت مثل
جنحِ فراشة تهاوى في بركةِ ماي .
أستغفر الله واتوب اليه لا مستحيل يكون
بهالقسوة وقتل مرته كدام بنته .
حاولت أربط بس شربط راسي نربط
بصداع وحرارة لزمته ولملمت كلشي
ورجعتهن گمت مثل السكرانة
أمشي مترنحة وأحجي بهمس ويا روحي
لا شنو يقتلها لا ليش يقتلها معقولة قاتلها
بنته شلون ؟!! اني شلون بية هذا مريض
لو شنو لزمت گلبي
أي يقتلها واضح من شخصيته يسويها هو
الي يستغل علمود يوكع أبن عمه ومنصب
مايقتل أكيد بس شلون مايعرف برسالتها ؟!
فزيت من سرحاني برعبة وشهكة وصرخة
من أنفتح الباب بقووة .
وطفرت من واكفة كعدت على الجرباية
خارت قوى رجلية حسيتهن تبددن
تخيلت عرف بية عرفت وأجه يتخلص مني.
بس من لفحني صوتها وهي تصيح .
سمر بصياح قزح أخذي خود براا تلعب
أرد احجي ويا أمها ..
بقيت متسمرة بمكاني شكو ست سمر ؟؟!
طلعوا وسدت الباب واجت دفعتني بغيظ
سمر سمعي زين شسويتي لاخوي وخبلتي
بيج ماراضي الا يتزوجج لج أصل فصل
انتي منووو منين الله دزج علينا
مثل حية تتملصين من بيت حماية لهنا
باعي بعيوني احاجيج .
رحيق جريت نفس اني وحدة الزمن ظلمها
وكسرها
شتردين احجي وشسويلج .
الجواب اخذي من أخوج لا تساليني .
سمر وترادين ؟؟
رحيق عجيب لعد شسوي انتظرج تدوسيني.
سمر بسيطة اذ ماوريتج الضيم بعينه .
طلعت تنفست الصعداء وبعدني بدوامة
الخوف الي لفحت روحي .
بقيت اليوم كلو هيج وعلى حظي استاذ
شيراز مأجه نصب العشة وعادي تعشيت
ويا البنات جوة مارفضوا .
صعدت مأختلطت بأحد حتى بأبهر
نمت على وقت ونامت يمي خودان
والعب وأمسد بشعرها فززيت على صوت
بجي وشهكات عبالي خودان فزيت يمها
تلمستها ماكو وبقى يزيد البجي طلعت من الغرفة
ماكو بس يزيد باوعت خطفني خيال .
لزمت گلبي برعب بلعت ريك كلشي شفت
بس ناقصني أشباح وتكمل اتخبل .
زاد الصوت واني تجمدت طلعت صرخة دواية
مني على أثرها أجه أبهر يركض وامه
ويباوعلي بأستغراب .
صوت ماتسمعون صوت بجي
أبهر : تتخيلن ماكو صوت هياتني گاعد مانمت
داشتغل ماسمعت .
والله صوت تكذبني يعني ؟!!
ابهر مو أكذبج بس اكولج ربما حلمانة
رحيق : هزيت راسي برفض وأنزعاج ورحت
للغرفة وكلمن رجع لغرفته بس أني ماكدرت
انام بقى الخوف مزروع بية أني انخطفت
خيال شفته وصوت سمعته صوت بنية
تبجي منو هاي الخوف جمد اطرافي
بقيت أقرا أيات وماحسيت الا نمت .
للصبح كعدت على نفس الروتين وهاليوم
بس مزعوجة وأحس بشئم وطاقة
متعبة بهالبيت طلعت للبلكونة اتنفس
عبير الزهور وازفره عسى يهدي من
شؤم مشاعري . مر الريوك والغدة
بنفس روتين والكل گالب خلقته قزح
وسمر بوجهي واصلاً كل وقتي ويا خودان
لو يم زينة وعمتها جوه .
بقيت براا عند المسبح ويمي خود تلعب
وقسور لاحضت يجي من المدرسة
وقت ساعة يرتاح وياكل بعدها دورات مايرجع
منه لليل ساعة ٨ ومن يرجع يتعشة
وگبل لغرفته وحتى تلفزيون بهاليومين ماكو
عززا مو بيت وحدة عسگرية .
تغاضيت عن كولشي لكن ماتغاضيت عن لصار
بالليل .
قررت أحاجي لشيراز أرد أفهم كلشي .
للعصر اجه لمحت من بلكونة غرفة خود
تبسمرت بيها لحد ماجه
دخل للمكتب أخذ ملفات وطلع
طلعت بوجه أرد أحاجيك .
شيراز مو وقتها
,رحيق شنو مو وقتها اريد احاجيك موضوع
مهم .
وخرني من وجه كلتلج مو وكتها وانتي
يردلج مزاج .
عافني وطلع عافني بحيرتي بقهر يمي
مزهرية من ذني الكبار الفانتازيا
مخليها بنهاية الدرج زينة شمرتها بدفرة
قووية ومااحس الة هاي ذبت زرك
وتزحلكت علة الدرج ركضت انزل وراها
والج أوكفي على كيفج وين مولية عبالك
تسمعني مااحسها الا فطست وتكسرت
وصوت كزازها وتهشمتها سبب ضجيج
قبل لايجي أحد طكيتها ركضة للغرفة
وقفلتها .
اسمع صياح وخرخشات حجي غلست .
خود لاحضت اكثر وقتها ترسم وتدرس
موضوع دراستها ماعرف شلون وهواي
امور ماعرفها مواليدها شلون سكتت ؟؟
لليل بقيت متوترة ماارتاح أذ مااوجهه
بداخل هالفوصى لبحياتي أجتلي هالقصة
وخربطت وضعي ماكدرت أتحمل گلت اواجه
وأشوف ربما أجد لزمة من المواجهة .
خلص اليوم وأني انتظره مااجه منه للساعة
ب٢ بالليل أنتظرته جوه بالصالة
فزيت على الصوت رحت من مكاني
اله وگفت بوجه
وهو يغلق الباب أريد احاجيك
دار وشافني سوة حركة مثل لخترع
بسم الله حتى بكوب القهوة اطلعلي
شكو متحلمة بية ؟!!
رحيق :أريد احاجيك .
شيراز: راسي طبل مامتحمل دك اليتيمة مالتج
فكيني من شرج وروحي نامي.
رحيق :مو شي يخصني يخص جلبهار .
شيراز :من ذكرت اسمها حسيت نار بقلبي
خير ليش تذكريها بهالليل الله يرحمها .
خلي حرمة للميت يومية ذاكرتها .
رحيق : الله يرحمها بس من حقي اعرف .
شتعرفين بنية حبيتها ومتزوجها والموت
خطفها غفل مني ومن بنتها شتعرفين بعد
انطيج تلخيص لقصتي وياها احجيليها قصة
قبل النوم وشهالتناقض الي انتي بي ؟
من جهة تكولين مااريدك ولا اريد ابقى يمك
ومن جهة تجين قاصدة تعرفين بفضول قصتي
ويا مرتي .
غمزتلها بتلاعب شنو فلمج الغيرة التحتية
رحيق غمضت بنفاذ صبر اللهم يصبرج ياروح
انت شتخربط شنو اغار عليك .
شيراز : لا على امي دامشي بهالليل
صدى الصوت وناس نايمة .
صعدت ورا دخل للغرفة بقيت برااا
رجع خطوتين الي وهسهس شنو خجلانة
ورجع حجى بمزح ثقيل شو كثرانة جياتج
بالليل تحجين بمواضيع
خاف مشتهية ومستحية
ترى بالخدمة ولو تلعب روحي من بنات الملاهي
ماتحملت عصبت ويع عفت هالطيحان حظ
لقزح وتينة وامثالها ترفعت عن سوالفكم .
شيراز :ههههههه طيحان حظ احجي عدل
لا تخليني بهاللليل اطيح حظج .
ترفعت هي صح تحولتي من وزيرة قصف
لوزيرة قتل بالسجاجين .
وشدعوة هالكد غيرانة من قزح
ترى ماارضى عليها
اذ ساكتلج بكيفي مزاجي ملتهي بالانتخابات
ووضع
المخربط مو معناها تزيدين ويكبر راسج
ترى اكسر الج .
رحيق : شابعة بهالكلام ولي ماترضى عنها لازم مراضيتك عدل
شيراز والله كلش مراضيتني يله احجي
شتردين تعرفين وخلصيني أرد أنام .
رحيق واهز بتوتر بس مثبتة ايدي
ولازمتهن بقوة جلبهار شلون ماتتت
شيراز تنهد بقهر واضح وصغر عيونه بتعب
هسة انتِ مثل زعير الليل وتحومين هذا سؤال
خوب كولي مشتاقة انام باحضانك وأحضني
رحيق بعصبية سايف هالموضوع بسيط وعادي
شكلي يشبه مرتك لميتة ومحد يعرف
سبب موتها وحابسني وناوي تتزوجني غصب
وگل هذا مو سبب اسالك وأستفسر عن
شبيهتي .
شيراز تأففف وكور قبضته
تعالي كعدي وسوالي مجال على الجرباية
وكاعد فارد رجلي بالاول ليش تسالين ؟؟؟
سامعة شي اكو شي ؟!!
رحيق من حقي اعرف
شيراز بسخرية حقج ؟؟؟؟
لا مو حقج مرتي الله يرحمها تخصني ماتخصج
واريحج بعد زواجي منج لامور سياسية .
رحيق عصبت مع ذلك شلون ماتتت ؟!!
شيراز ويحاول يكتم كد مايكدر
مشاعره لتتهيض مجرد ماينذكر اسمها
باوعلها بنظرة قوية بداخلها دمعة
حبيسة الغرور أنتحرت وماتتت
رحيق أنتفضت حيل ضجت
مليت من تعامله للبشر كانهم شي جماد
ماتت انتحرت بدون تأثير اني الي مااعرفها
منتفضة ومقهورة على شبابها
وعادي تحجيها بهالبرود
انتَ ماحبيتها؟!!
شيراز تنهدت بحزن : اكو انسان يكتم حزنه
ويبين ثباته واني من هالناس الي اكتم بقلبي
غمضت عيوني وبقلبي مشاعر الم
وجرح ماطاب موت جلبهار سببلي تعب
وجهد نفسي .
بس ردت أسكتها
هسة شلج بهالحجي سالتي شلون وجاوبت
خلصيني من خلقتج وولي نامي .
شلون مااحبها عشتي ويانه؟؟
تعرفتي عليها !؟
لاتتدخلين بشي مايخصج
لان مامدخل بشي يخصج
مثلا ماسالتج عن مصطفى
ماسالتج عن سلام لاغتصبج
واذ انتِ سويتله مجال بعد اعدد
يعني فهميني الي تردي شنو بيت وكاعدة
وساكتة بي أتبحوشين ليش ؟!!
رحيق مالك حق تفتح الماضي علية حياتي شي يخصني مايخصك
اعرف لان انت جبرتني ودخلتني لحياتك
اني ماجبرتك تتزوجني .
شيراز ساعة سووودة بلي شفتج بيها
ماتملين نقن نق كركر .
روحي نامي وماعليج بحياتي .
رحيق بنرفزة وحسيت عقل مابقى عندي
هيج شكو مشاعر اعصاب طغت بية
تريد تتزوجني لان اشبهه ؟
شيراز سؤال صحاني على نفسي اني حبيتها
لو حبيت شبهه بجلبهار ماادري
بس أحس برغبة ومشاعر حب على فرح
وياها مافارغ اكعد افرزن مشاعري
بس رديت برد يسكتها واخلص من ملحتها
لان أعرف اخر هاليلة انومها بحضني ماريد
أجبرها بس نفس الوقت ماكدر اسيطر
على غريزتي لتنثار امام طغيان جمالها
ورغبتي تزداد اكثر من تعاند ردت انهي
هالليل لااكسى كلبها ولا أذيها بشرفها .
جاوبتها ببرود معاكس للبراكين لمكتسحتني
لان تشبهيها ارتاحيتي.
رحيق :صدمني رد بقيت جاحظة عيوني بسيطة نشوف منو تتزوجك وعفته وطلعت
رحت لغرفة خود واني افكر بطريقة اشرد منه واخلص من هالجحيم مثل ماخود
معتبرتني امها هو بعد شبهي بجلبهار
مسببله عقدة ويريد يتملكني مثل ماتملكها
ردت شي يبرد گلبي بي ماادري ردت
اقهره ازعجه اسببله ارق هيج ردت اجعصه
حسيت الدمعة تريد تنزل بس أكو طوق
لازمها طوق طغياني وكبريائي .
رغم اعرف هالسؤال غلط ومو وقته
ولا صح أساله بس لبوة وطغت قوتي علية
وسألته بكل ثبات وحروف مرصوصة
انت قتلت جلبهااار ؟؟؟
ورايد تقتلني مثلهاااا لو تخبي جريمتك بية .
گام بهيجان بقى يفتر يمين يسار ووأسمع من ضربات خطواته للارض انخسفت
ضرب الميز لبقربي بقوووة وصوته يتردد صدى باذني .
كمزت وانفاسي موج بحالة هيجان
نيران وتمشي بوريدي حرارتي صعدت
مدري خوف مدري صدمة .
وعيوني تباوعله منتظرة جوابه .
شيراز دنك ورجع رفع راسه بثبات
وجحظ عيونه وتفاحة أدم تصعد وتنزل
گل وضعةبحالة غير مستقرة مثل ليكلي
وخري مني لا الحكج بيها حسيت مشاعر
الغضب لكتمها خلص انفتح الباب كدامهن .
حجى بگل ثقة وبرود مع نبرة حزن طاغية
بصوته رغم حدت ملامحه
أي اني قتلتهااااا ..
تتوقعون شيراز قتل جلبهار ؟!!!
وأذ هو ليشش وشنو علاقة أثر جرح أبهر
بجلبهار ؟!!
