رواية خفايا القدر الفصل الرابع والعشرون بقلم انين الروح
كتلج يمه ماتروح
لا تظلين تعيدين وتسقلين بالسالفه
مالي خلك ارد احجي
رحت الغرفتي ابجي والله طفره روحي يعني ميصير لا اطلع لا اطب لا احجي ويه واحد شنو عايشه بسجن لو مو بسجن
واني ابجي دك عليه رقم غريب
ظليت اباوع عليه ما اعرف ارد عليه او ما ارد
جراح منبهني ما ارد ع ارقام غريبه
فصل ورجع دك
اوووي خل اشيله شمدري جراح اني ارفعت خط
شلته بس ماحجيت
اسمع صوت جهال
وكال الووووووو
يا عمري هاي انتي
اي ياحبيبتي هاي اني شلونج رهوفه اخبارج امورج
ليش هيج ياحقيره لج ست شهور لا تخابرين لا تسئلين ع اختج
ليش ما استاهل تسئلين عليه تعرفين اخباري
تدرين اصار ويايه
والله حقج والنبي بس اني اولا احترك السيم كارت مال تلفوني وظليت بدون خط
وثانيا طه سوه عمليه لعيونه وسافرنه التركيا
صدك تحجين يعني اسافرين ومتحجين
لا ياحقيره يابذاته لج اني اختج بالدم لو بس بالجنسيه
والله والله يارهف صارت ابساع ابساع
تعرفين طه بي سكر وع غفله نضربت عيونه ابسبب الارتفاع
اهله تراكضوا بي وسفروه التركيا حتى يعالجوه
واني ماعندي رقمج ولا موجود عد طه
من رجعت فتحت جهازي القديم ولكيت رقمج مخزون بالجهاز
وتعرفين الاتصال الدولي مكلف بس والله جنتي ابالي ولا لحظه غبتي عن فكري وكلبي
احجيلي انتي وضعج صحتج شلونها
اني حالي حال ورقه انكتب عليها مذكرات عاشق متيه عنوان حبيبته ونتركت عالميز لسنوات
بعد ما يستاهل عمري انتظره
انه اسنيني خرز مطشره
شنتظر عودن من اكبر ارتاح وانه عمري مشلوع من صغره
شلون يعني وضحيلي اكثر مفهمت شتقصدين
رفيف اني انلعب بيه لعب بعد ما ارجعت للبصره
ازوجت وجبت صار عندي ولد
اوكفي اوكفي شنو ازوجتي شنو هالخريط
المن ازوجتي وشوكت شنو اني اخر من يعلم
اووووف يارفيف كلامنه مو مال تلفون لازم اشوفج وحجيلج
هو حبيبتي اني نهايه الاسبوع راح نجيلج اني وطه نشوفج ونشوف الفصعون صدك شنو سميتي
صكر
وييييييييييييييع شنو هالاسم رهف ماكو غير صكر عالم الحيوان عدكم
قلت اسامي الله عزه وجل ٩٩ اسم
النبي ٢٠ اسم
اهل البيت كومه
اتعوفيهم وتسمي صكر
ليش هو اني بيدي شي يارفيف
حياتي حتى كلامي الانطقه كل بيدهم
لازم هيج احجي وهيج اكول وبهيج وكت كلشي عليه بحساب وكتاب
امشي مثل ميل الساعه محد يمدحني وذا غلطت بشغله وحده
الكل اتكب عليه تغلط وتسب وتلعن هم مصورين نفسهم بس هم الصح
وباقي الناس كلها خلط 😭😭😭😭 والله يا رفيف لا اطب لا اطلع ماعندي احد اهنا حتى مصارت عندي صديقه اشكيلها همي
رفيف .لتبجين حبيبتي لتبجين ليش ياعمري مو يمج صديقتج رشا بنت ام علاء
متجي علينه هواي ....تعرفين صار عدها ٣ اطفال متلحك عليهم ورجلها نغصه مايحبها تطلع مثل حالي
رفيف ..لج بس دحجي منو زوجج وشلون
يمعوده ازوجتي
زوجي جراح اخو ايوب الله يرحمه
لج انتي صدك تحجين شنو جراح هذا المغرور الشايف حاله
اي يارفيف صار من قسمتي
لج شلون فهميني
رفيف مو مال تلفون والله
........
هاي ويامن تحجين 😡😡😡😡
ويه اختي رفيف
شو انطيني
والله اختي
كتلج انطيني
الووووو
الووووو
ماكو مكطوع الخط ..احجي رهف ويامن جنتي تحجين
والنبي ويه اختي
شو هذا رقم
اي هي مشتريه رقم جديد وخابرتني
وانه شكايلج عالارقام الغريبه لو كلامي ما مسموع عندج
والله ياجراح والنبي مجاوبت بالاول اله من لحت شلته
بس محجيت اله هي حجت بالاول
وجابني براشدي اله طارت التراجي من اذني
الف مره كتلج لا تردين ع رقم غريب
الغريب يدز رساله يكول اني افلان علان
يله تشيلي
والله ما شايله ارقام
هذا لعد شنو ...دزتلج هي رساله كالت بيها اني رفيف
لا ...شلون لعد تشيلي وجاوبين عالغريب
معناها انتي اي رقم يدك عليج اجاوبي
لا والله وداعت صكر ما اجاوب
ليش لعد هذا جاوبتي فهميني
ماعرف ماعرف ماعرف والله
ما ادري حسيت هذا الرقم الرفيف والله اني احساسي ميكذب عليه احس بالشي قبل وقوعه
الله ياسلامه صايره علامه تمتلكين الحاسه السابعه جنابج
والنبي ليش مصدك
اسكتي دك عليها
الووو رهف اعتذر والله خلص رصيدي ومرجعت ادك عليج
اشلونج خيتي
منو ويايه
انه جراح زوج رهف
اهلا وسهلا ..شلونك
والله اني هسه رهف تحجيلي هي ازوجت والله ماجنت ادري واني اصلا ماجنت بالعراق طلعنه التركيا سوينه عمليه العين زوجي طه
الحمدلله ع سلامته
الله يسلمك ابو يقين ..ان شالله ابنهايه الاسبوع نجي عليكم والله مشتاقه الرهف والابنها
هله بيكم خيتي
يله سلمينه ع طه
مع السلامه
ها صدكت هاي رفيف ..؟
اسمعي...... رفيف مو رفيف اني ما اقبل تردين ع رقم غريب اله يكتبلج برساله اني نعلان يله اجاوبي
اووو الافضل ميبقه عندج هذا التلفون
لا الله عليك جراح لتاخذه ابوس يدك لتاخذه
ليش عندج بي شي
لا والله بس من اضوج اخابر ع رشا مها اختي هسه من حصلت تلفونها زينب اذا احتاجيت شي منها
انتي عنيده وانه مايعجبني الراس الناشف اذا ماينكسر راسج ما تمشين عدل
جراح ابوس يدك فدوه اروحلك رجع تلفوني 😭😭😭😭😭 والله ما عيدها بعد وما اجاوب احد
امشي حضري حالج خل نطلع اشتريلج ملابس
ماريد جراح بس رجعلي تلفوني
شالني من زندي الايسر صفح بقوه والله رفع رجلي اليسار عن الكاع
لج اني ما مرتاحلج اسكتي ومشي لا افلش التلفون ع راسج
طلع ورد رجع
لج خلي خمار ع وجهج من تطلعين
شنوووووو ....؟
سوي مثل ما كتلج
لعد ما اطلع
راح ارجع اكسرج والعباس اتكسر
هاي اشبيك جراح ما اعرف امشي والخمار ع وجهي وعيوني ما اشوف طريقي اخاف اوكع
مايصير بيج شي
تمشين وتتحركين
المفروض وانتي مو بس خمار يحطون ع عيونج حتى جادر اذا يخلون ع راسج هم تعرفين تمشين
انت ليش هيج اتعاملني اذا ماجنت ترغب بيه ليش ازوجتني
كلام زايد ماريد اسمع امشي فضيني
صدك فاض بيه الصبر بعد ما اتحملك اسكتت مابي الكفايه لا اني المزوجه ع وجي ولا اني المطلقه ع وجي
اسمع جراح اني فاض بيه الصبر هذا اسلوبك ويايه معاجبني فضها وريحني هيج عيشه متصرفلي وياك
انت واحد ظالم واناني ومغرور ومتكبر وماتعرف حق من حقوق الله
انت تفصل وتحل مشاكل الناس
بس مشاكلك ويه بيتك ومرتك اتعوفها معلكه
تدري اني شيصير بيه ابسببك وبسبب اسلوبك البارد المتعجرف
والمطلوب مني ست رهف
طلكني جراح
ههههههههههههههههههههههههه ضحكتيني والله😂😂😂😂😂😂
خلي نزوج بالاول وبعدين طلبي طلاك
ايوب مجان ابد يتعامل ويايه هيج كل كلامه وتعامله ويايه ابحب وبحنان
لج بنت الكلب اسم ايوب لا تجيبي بيني وبينج ايوب راح الله يرحمه
لا تظلين كل سالفه وتشبهيني وتقارنين بيني وبينه
ايوب ابو نسوان بس انه ماحب المره
لاجراح وبعيطه ايوب مو ابو نسوان ايوب حبني ومن كلبه
بس انت لا محبيتني ولا ردتني ولا فكرت بيه
انت مجرد ردت تكسر خشم ازهار بزواجك وتثبتلها انت تزوج وحده وثنين وتلاثه واربعه ابوكت واحد
انت صح ازوجت واثبتت الها زواجك كدام العالم والعلن كله واجمل حفله رنانه ظلت لصبح سويت
بس انت لحد الان مو زوج بس عالورق ومحد يدري غيرنه احس كلام ازهار الكالته عليك كله صح انت موو ...
رج ....ال
كام ضربني وتعصب نزع الغتره عن راسه وضربني بكل مكان الدم ماعرف منين يطلع
راح عالباب قفله ورجع كام شالني
و خلاني عالجربايه يضرب بيه راشديات يمنه يسره
جردني من ملابسي كامله واني اعيط واملخ بصدره او وجهه
لج تردين تشوفين شلون اتكون الرجوله لج انه مستخطيج واكول باجر تجي عكبه تجي وانتي ولا يمج
لج انه من اول يوم كتلج كلشي ولا كرامتي ورجولتي
كلشي اخذي ثوبي ولا يطلع من لسانج كلام يدفعج عمرج كله خساره وندامه
انه اكول ما اضغط عليج خليتج ع راحتج
ومن الاول كتلج لا تصورين اجي وتوسلج
جراح ابوس يدك عوفني
جراح والله اسفه ماعيد كلامي والله اكص اللساني اذا حجيت
تردين حقوق زوجيه وانه اطلعت ما اعرف حقوق الله مو
لج انه جنت كل ما اشوفج اشوف ايوب ابوجهج وتعوذ ابليسي ورد المكاني
تذكرين اول يوم دخلتي بي بيتي وانه عيني طاحت عليج
صرت اتخيلج بكل مكان ابكل زاويه
خلتيني انسه روحي وناسي
حتى الكاسر ما اشوفه حتى لا يذكرني بيج
هذا كلبي الف موته يموت من جنت اشوفج يم ايوب تخدمي وتضحكين وياه
ومن تمشين حتى من تدخلين ابغرفتج وتقفلين بابها انتي وايوب
انه اموت صرت ماحب ادخل البيت صرت اطلع فجر ورد نص الليل حتى ما اشوفج
صرت ما احب حتى اسمع صوتج
لج انه العشت بالحب بس مخنوك هوه الحبيب
انه صرت مثل ضمئان بصحره وكاتله العطش
هو يحجي بعصبيه وينزعني ملابسي
صار فوكاي واخذني بالقوه والمرافس
حسيت اول مره ازوج
اختنكت طكيت بجي اني جواه وعيوني مابطلن بجي صرت بس اكح وختنك دفعته من صدره وبعدته عني بعد ما ....؟
انت حقير انت اناني انت ظالم
لا تغلطين كلامج والرجوله التحجين عنها افعال مو اقوال هاي بينت مو انتي ردتيها
عبالج اسمعج وسكت لا يارهف
انه كلتها وارجع اكولها ما اذل روحي المره
ماجيتي برضاتج
وانه عفتج ست اشهور صار ما تقربتلج
وكل راح تفهم وهي تجي وبرضاتها
انه كل الطلبته منج تحبيني وتجين
ماردت اضغط عليج وتكولين حب بس جسمي
ردتج تجين وتحبيني
وانه اعيشج ملكه زمانج
بس انتي لا ارحمك ولا انزل رحمه الله عليك
كل السويته اريدج تحسين وانتي ولا يمج ولا هامج
كتلج لا تروحين البيت زينب لان انه اغار وردتج تفهمين وانتي ابد
كتلج لبسي خمار وانتي ولا يمج
شنو الله خالقج من حجر ماكو احساس
الانوثه وين عنج شنو موضوعها يمج
كل هذا الكلام وشوفي انتي ما نطقتي حرف واحد تعرفين ليش
لان انتي غلط من ساسج الراسج
رهف راجعي نفسج وتعلمي من النسوان شلون يعاملون زلمهن
اسئلي اختج خواتي شلون يتعاملون ويه رجالهم
حتى اتكونين زوجه معدله الي وام صالحه الجهالي
رهف .هو يحجي واني دموعي شلال ما وكفت ابد 😭😭😭😭😭😭😭😭😭
طلع من الغرفه وعافني وحدي ابجي
احجي ويه روحي
اني تمنيتك الي زوج وتمنيتك الي حبيب وتمنيتك الي اب
بس مو هيج مو هيج مو هيييييييييييييج ياجراح وعيط ملخت وجهي خدودي اجرحا بظافيري
دخلت عليه فطم ورباب
فطم ..هاي اشبيج داده ليش هالبجي والطم شكو
رباب ..احجي رهف اشبيج ليش هيج املخه روحج
ابجي وعيط
اني احبه واعشقه بس ماردته هيج ماردته هيج يجيلي
شنو بس فهمينه منو يجيلج هيج
اريد امي ولج يووووووم وينج تعاي شوفي بنتج اصار بيها ولج يمه تعاي اووووف ياربي ولج يمه حبيته من كل كلبي بس ماردته هيج يووووم
ردته اب يكون قبل الحبيب
ردته حبيب قبل الزوج
ردته زوج ابكل اوقاتي وحالاتي
اتحمله ويتحملني اشيله ويشيلني
يمه جراح ما يحبني اخذني بس كسر اخشوم يايمه
فطم لزمتني وحضنتني كافي احبيبه والله جراح يحبج وشاريج وما يستغنه عنج
كافي يمه كومي غسلي وتعوذي الشيطان وتوضي وصلي كومي احبيبه
كمت وياهن غسلت وتوضيت صليت الزمت القران اقره وابجي عيوني تصب عشره عشره
احجي ويه حالي
والله ياجراح اذا انت شايل خشمك عليه وكرامتك متسمحلك تجي وتحاجيني وتطلب مني اجيلك
اني هم كرامتي متسمحلي اروح العندك وتوسل بيك
انت مو افضل مني كلنا من بني ادم وكلنه من طين
يارب يافارج الهم وياكاشف الغم فرج همي ويسر امري وارحم ضعفي وقله حيلتي
اللهم اني اعوذ بك من قهر يؤلمني
ومن هم يحزنني ومن فكر يقلقني
ومن شخص يحمل خبث لي
اللهم فرج همي يارب وصعف قوتي يارب
خفيت حالي ابغرفتي اطلع بس ع كد الشغل المطلوب مني
جراح من يجي للبيت اركض ادخل الغرفتي
لان مطايقه اشوفه ماجنت اتمنى منه هالعمله
ردت يجيلي ويطلب مني اكون زوجته وحبيبته
واني افتحله ذراعي واكون اله كلشي بحياته
بس مزق كلشي حلو رسمته اله بلحظه غرور وتكبر وتعجرف مع الاسف
كل الوكت اني ابجي مخنوكه ومضايقه ما متحمله احد وماريد احجي ويه احد
صبحنه الخميس تنظيف وتركيب
اجه علينه فهد نزل مسواك للبيت من حب كلبك وشتهى
كلشي بالسوك جابه خضره ع فاكهه ع سمج ودجاج ونطاني علاكه سوده
هاي جراح دزها الج ..ويكول طبخن سمج عالغده
اشون وكلن مو كله شوي
اني بهتت وعاين عليه
جراح من ازوجنه لليوم ما ذاكرني بشي
شعجب اليوم ذكرني لازم اكو شي اليوم راح يصير
اخذت العلاكه وخليتها عالكاونتر
وبديت ادخل المسواك وسفطه كلمن ابمكانه
اخذت السمج نظفته وملحته شويت اثنين واثنين كطعتهن وملحتهن وبهرتهن
رباب وعلياء ونور وبقيه البنات جانن ينظفن
بعدها كملن ودخلن للمطبخ
كامت رباب طلعت عصير من الثلاجه ودصب
علياء . رهف اساعدج بالسمج
لا كملته بس عفيه هاي العلاكه مال المنظفات خليها بالكاونتر
علياء ..هاي هم علاكه اخليها بالكاونتر
رهف ..اي خليها
علياء ..هاي شنو شو لينه يمكن مو منظفات
رباب .فتحيها وشوفي شنو
الله الله شنو هاي شوفي شوفي رباب
الله هاي المن الملابس
رهف شوفي هاي علاكه بيها ملابس وشغلات
جنت احضر بالسمج وسمعتهن يكولن ملابس وهيج شي
التفتت عليهن وشفت علياء مطلعه دشداشه لونها وردي والورده صفره وبيضه شكلها يجنن عبالك فستان
وطلعن علب
رهف اذكرت فهد انطاني علاكه
وكال جراح دزها الي صحت بيهن عوفن ولجن هاي الي الغراض
وركضت عليهم اخذهن
جريت العلاكه منهن
رباب وعلياء ونور ...رهف خلي انشوف شنو هاي
يمعودات جراح دزلي ملابس
خلي نشوف شنو قحط
كمت اطلع بيهن وهن مصدومات شغلات اجنن اني هم مثلهم انصدمت من شفتهن
اني بنت بغداد ما اعرف اشتري هيج شغلات
حتى الاكسسوارت يجنن جايبهن ويه الوان الدشاديش
كامن يحسدني علياء .بخت كون حضي مثل حضج هيج اريد رجال يفكر بيه ويجيب ويخلي كدامي من غير ما ادري اني
لج عيني بس شوفي شلون منسق الالوان والملابس اااااخ الله
رباب ..والله اخوي ذواق ويعرف اشيشتري
خوما مثل حظي اطلع ويه امي وما اعرف اشتري شي الحالي
كون يجيلي هيج رجال ذواق مثل اخوتي
يمعودات اشبيكم اليسمعكم كل مره مشترلي شي هي هاي اول مره يشتري ويدزلي
هاي اشجاي اسون
علياء ..ابوصكر ذوقك يجنن وختياراتك اتموت
جراح .باوعت ع رهف شفتها اتلم بالغراض وتخليهن بالعلاكه بس برعبله وهوسه
حضرتن الغده الناس راح يوصلون
رباب ..يا ناس
ابو ياسر وزوجته اخت رهف
رهف .مجنت اباوع عليه ملتهيه الم الشغلات وسمعته يكول اختي هي ورجلها جايين علينه
كمز كلبي من مكانه مدا اصدك السمعته
بصوت فرحه وسعاده والضحكه ماليه وجهي
صدك هسه راح يجون 😃😃😃😃
اي فوتي غيري ملابسج هاي ولبسي من الجبته الج
فتت اركض للحمام حتى اغير وزيح التعب عن كاهلي
طلعت لبست ثوب هو مشتري الي لونه جويتي وبي دوائر بيضه شكله حيل حلو
ولبست شالي شمرته هيج ع شعري شمر ومكيجت مكياج خفيف حلو
بدلت الابني واليقين
وسمعت المراحب والتهلي
طلعت اركض بس اريد احضن اختي وشتم عطرها
باوعت من المطبخ ماكو
رحت عالاستقبال وشفت يمه حبيبي ياسر كبران وعبدلله فديتهم بوستهم
بعدها اركضت ع رفيف اشمرت روحي عليها ردنه نوكع اثنينه بالكاع بس لحك طه سندنه
ابوس وحضن وابجي عبالك صار اسنين ما شايفتها
رفيف بيها شكل من امي حيل قريب من شفتها شفت امي مو اختي
سلمت ع طه
وسلمت ع موج اخت طه هم جايه وياهم ابنيه حبابه فقيره يطلع عمرها ١٥ سنه
كعدت الجهال بحضني ابوس بيهم وحضن
سبحان الله
عبدلله ماخذ شبه الاحمد اخويه هواي
رفيف ..لعد وين ابنج رهف
ارفعت راسي وجتي عيني ع جراح
شفته يأشر ع راسي
لان الشال نازل وطه كاعد
عدلته والله يا رفيف من بدلتله نام لان هو جان كاعد يلعب ف تعب
خطيه عوفي اشوكت مايكعد نشوفه
وهاي منو الحلوه
هاي بنت جراح وهم بنتي هههه لان من هي وصغيره اني مربيتها حتى اصيحلي ماما
عفيه عليج يارهف بعدج صغيره ومهتمه بثنين اطفال
جراح .نسوانه مو نسوان....
يدكن الكاع يفتحن بير
هيج انعلمهن احنه
طه ..والنعم منكم ومن تعليمكم
اي ابو يقين شغلك عملك ليش ماتمرنه الخانقين
ابوصكر ينادولي
عاشت الاسامي ابوصكر
انت هل تعرف وضع البصره موزين والشغل بالنازل
جاي تسوء حال البلد يوم بعد يوم
رهف اتحول الحوار الى سياسه اني اخذت رفيف وطلعنه رحت الغرفتي
اووووووي
صدقه الله لج هذا شنو من جمال سبحان الخالق
صدك اذا كالو ملاك عالارض محروس من عين كل البشر واولهم اعيوني
لا حبيبتي خوما عينج تحسده
ميخالف لازم تصلين عالنبي حتى ماينضرب خطيه
وكعد صكر اخذته رفيف اتبوس بي وتشمشم وتلاعبه
هو عنده سوالف حلوه اتخلي الواحد يكزكز عليها
للوحده البنات صاحن عالغده
طلعنه بس ما اكعدت يم جراح صرت مقابيله يعني ياكل وعيونه عليه
من اشوفه يباوعلي يغير اتجاه نظرته
ماعرف حرت واحتاريت وياه
ابتعد يتقربلي اتقرب هو يبتعد مني
هاي ابوياسر السمجه طيبه
والله دا اكل تسلم ابوصكر دايم ان شالله
يدوم عزك.... اهلا وسهلا
كملنه ولمينه الماعين موج هم ساعدتنه
دخل رضا علينه للمطبخ
يابه وين جايكم
حضرنه الجاي وفوته جوه
خليت رضا هو يصب ويقدم
اخذت رفيف الغرفتي وتركت موج يم البنات يكعدن يسولفن
رفيف .لج رهف هاي اصاير بيج شو حيل متغيره
احجيلي شلون رضيتي تزوجين هذا
يمعوده مجرد كعدنه اتغدينه احسه وكف بزوري بطل سفن مينزله
شلون جارعته انتي شلون اتنامين وياه هو هالعرضه وانتي رايحه حتنملصين شكد ضعفانه الخاطر الله
رفيف اني زواج بس عالورق
شلون يعني مفهمت
ازوجني كسر اخشوم لان طلع عليه حجي يخصه والحجته طليقته
واني الاكلتها
يعني هو الحد الان ملامسج
اخذني بالغصب قبل اربع خمس تيام
ليش بالغصب
لان ذكرته ابسالفه كالتها طليقته عنه
هو انجن جنونه وتخبل عليه بكل همجيته
ولا خاف ولا قدر اني انسانه ضعيفه وتحت سيطرته
رفيف انتي جيتي صارلج ساعه وبنفسج كلتي بطل سفن مينزله
هذا هو شخصيته هيج
شخصيه مكروها شايف حاله وكبرياء
ميسمحله يطخ راس لحد
بالاخص الزوجته حتى ذيج جانت هيج منه اتعاني
جنت اتصور هي تتحجج عليه وتحجي بيه كدامنه اني جنت مرات اكذبها
وكول هاي تحجي هيج حتى تلفت انتباهنه ع جراح يحبني واني ادلل عليه
بس من ازوجني طلع كل كلامها صح ميحب المره ولا يحب يعاشرها ولايحب افراشها
عنده المره بس للخدمه اي حقوق ما الها هي كاعده بالبيت تاكل وتشرب وتنام وتخدم جادودها واهل البيت الساكنين بي
الله يساعدج خلصتي وما خلصتي
اووووف يارفيف تعبت والله حيل تعبت احس راسي راح يوكف من كثر التفكير
اريد ارتاح يارفيف 😪😪😪😪😪😪
الله كريم ياعمري ربج ميعوفج صدكي لابد يلتفت الج فديوم
اهم شي متيأسين من رحمه ربج
رهف فدوه بس طلعي شوفي موج وين واذا تكدرين جيبيها وياح عفيه
رهف .طلعت ادور ع موج شفتهم كلهم البنات وياهم رضا والجهال ولد زينب وفطم كاعدين سوه يضحكون ومنطلقين
عفتهم ورجعت بدخلتي للغرفه طلع جراح من غرفته
لزم زندي وجرني اله بقوه بحيث طبك صدري ع صدره
والتقت اعيونه سوه
سمعي لشوفين اختج اهنا تفلتين حيل بحجه هي موجوده
شالج مينزل من راسج شعرايه متطلع منه ماريدج تكعدين ويه طه وظلين اطكين اسوالف ولا اضلين داخله وطالعه من الاستقبال
اي خبر عن حياتنه اني وياج متحجين الاختج ليش عازله غرفتج عنه
تكلين بس بالنهار علمود الجهال بليل تجين تفوتين الغرفتي وتامين
فاهمه شحجي
😪😪😪😪
ماريد اعيد الكلام عيني حتكون عليج ف انتبهي ع تصرفاتج
وأن ما انتبهت
ضغط ع زندي بقوه حسيت راح تنخلع ذراعي
ااااخ جراح اذيتني
لاتظلين اتراددين سمعي كلام وبس
جنج تعودتي عالضرب
وهد يدي بقوه ..ومشه عني
دخلت ودمعتي بطرف عيني
شفت رفيف نايمه عفتها خطيه طريق متعب وتمددت اني هم يمها عالجربايه
بليله اتعشينه وهم سوالف وضحك بس كلنه جنه كاعدين بس جراح ماكو جان طالع عنده شغله ورضا جايب حب وشاميه وجبس
الجو جنه عالكي ولعب دومنه فريقين رضا وطه والتصنيف عملان
رضا يكول الطه اذا خسرتك اتزوجني اختك
والكل يضحك
وطه يكله اذا خسرتك تنطوني جاموسه حتى اخذها وياي ونشبع دهن حر وكيمر
لساعه تقريب الوحده بلليل واحنه نلعب ونكت
دخل جراح سلم علينه
السلام عليكم
ردوله
الله بالخير عالجميع هاي شعدكم شجاي اسوون بهيج ساعه
طه والله جاي اخسر اخوك جاموسه
جراح .هااااا ياخوي خسارك كاعد يلعب وانه موجود
وكعد جراح هم لعب وياهم وصار الرهان جاموسه وبقره وزوج بط ودجاج
ورضا مكتفي بس يزوج اخته الطه
صارت حدود ساعه ثنتين ونص جراح كام يابه عذروني بعد اني حيل تعبان ومحتاج ارتاح اسمحولي اروح انام
صاحلي
كمت وراه
دخل غرفته واني واكفه يم الباب
باوعلي مدخلين الغرفه مراح تاكلج
لابس اني واكفه اهنا عاجبني
سمعي دا اكلج تفرشين الاختج يم البنات وما اتنامين يمها مو لان جايه تردين يمعا تنامين النهار كله انتي يمها بليل
لا تجين غرفتي
وزوج اختج بالديوانيه هو ورضا
وانتي اليوم تجين تنامين هينه بالغرفه ما تطلعين منها اله الصبح
ماريد اعيد الكلام واضح
اشرتله براسي بمعنى اي واضح
رحت سويت مثل ما كلي فرشت للزلم
والاختي والحماتها يمها حجيت وياها وفهمتها بستها وطلعت
دخلت الغرفتي احول الجهال ابغرفه جراح
دخل هو الغرفتي
هاي شسوين
احول الجهال الغرفتك
لا عوفيهم اهنا نايمين لا تغيرين مكانهم عوفي غرفتج بايها مفتوح
بس صكر يكعد نص الليل يبجي
كتلج عوفي الباب مفتوح ينسمع صوتهم
اليشوف خوفكم عالجهال وما ترضون يعيش وحده ويه امه او غريب يهتم بيهم يكول هذوله مجانين حب الجهالهم
بس هسه متقبل اجيبه الغرفتك
وين حبك الهم لعد
شوفي اني احبهم همه روحي من الدنيا همه النفس الي اتنفسه بس انه رجال تعبان اريد من انام ارتاح مو كل اشويه حاس ع صوت طفل
بس هي بتك
لا تضلين تحجين اكلج تعبان اريد ارتاح انتي شنو مجاي تفهمين بالحجي يابنت الناس تره تعبتيني وشليتي حالي
حسي افهمي شلون بعد اشرح
عفت باب غرفتي مفتوح ودخلت غرفه جراح اكو اريكه صغيره رحت عليها اتمددت
هو ولا يمه ولا يحس عافني ولف راسه ونام حتى احجايه وحده مكال
ولا كلي تعاي نامي يمي عالجربايه ابد عمك مو يمه السالفه
طبعا يومه معارك اني وجراح ماعرف ع شنو لا صايره اني اطيقه ولا هوه يطيقني
اكله طلكني مايرد ع كلامي
ظلت يمنه رفيف اسبوع
اخذناهم لشط ولامول
وخذتهم للبستان شوفتهم الكاسر
هذا كله ورضا ويانه ماعافنه لحظه وحده
ويانه ويانه وابد معاف موج يوميه سهر ولعب وكرزات
اليوم راح تمشي اختي ترجع البيتها واني وصكر راح نروح وياها الخانقين
