رواية خفايا القدر الفصل الخامس والعشرون بقلم انين الروح
رحنه للمكبره زرنه امنه واخونه وشبعنه بجي اني ورفيف
اتمنيت ارجع احفر الكبر وطلعهم وضمهم بكلبي
شكد صعبه من تشوف عزيز كلبك حاضنته التراب
احنه ما شبعنه من ابونه واحنه اطفال عافنه
ولا شبعنه من امنه واحنه اصغار عافتنه
يايمه ريتج تطلعين وبحضنج تضميني
محتاجه اشم ريحتج وشبع من اسوالفج
يايمه وينج ليش عفتينه يمه
ابجي ورفيف تبجي ويايه 😭😭😭😭
كمت من يم امي رحت الكبر ايوب
تباوع ع صورته شلون ضاحك
احجي وياه
ايوب صورتك وضحكتك تريد الدنيا
ليش استعجلت ورحت عفتني للمايرحم ويذل العزيز
اوووف يا ايوب يازهره شبابي الذبلت ياهو اليردها
ما بيهن #دمع
#گاضيهن_الحيل
#لا_هادن ، #نهار
#ولا_غفن. ،#ليل
اوووف يا ايوب حصره بكلبي شكبرها
لو احجي بيها اسنين هم ما افضها
طه اجه عليه
يله كومي رهف كافي بجي
لو ينفع البجي جان ردو الميتين
طه البجي مو بس عالراح
نبجي حتى نريح حالنه لان اهمومنه ملت حناجرنه
طه ..رهف
العمر مثل الجكاره مورث هموم
يخلص جذبه بجذب وانت دخان
ماتعرف مصيرك وين ماوين
تركض كل حياتك وانت تُعباُنٌ
ينكت بيك وكتك مثل الرماد
تاليتك كطف وبلحظه خلصان
اووووف صدكت والله خلص عمري وماشفت بي كل خير
يمعوده رهوف توج بحله العمر اشتحجين عالضيم
ههههههههههه اليشوف خيرهم واملاكهم يضن العايش بالبيت مرتاح
بس تجي للحقيقه ماكو اي راحه تكضيها وحدك صفنات ومتاهات
رهف احس من كلامج اكو شي وانتي مامرتاحه وياهم
لتخلي في بالك طه تهون وتخلص وصير سوالف
يله خلي نرجع للبيت
وبعد يوم من التعب والسهر حجيت ويه عمتي والجده وابوهم جبار عمي
بأن يقنعون جراح اروح ويه اختي الخانقين لان نفسيتي حيل تعبانه واني محتاجه ابتعد عنهم
وعن جراح بالذات
وكالعاده جراح رفض اروح ويه اختي
ظليت ابجي اليل كله 😭😭😭😭😭 لان اني فعلا مختنكه ومحتاجه اغير مكان ووجوه
وطلعت اتوسل بالجده تحجي وياه
اخر شي طلبتها من عمي جبار ابو جراح
الحجي .يابه اذا جراح مايقبل اشلون ترحين انتي
عمو فدوه اروحلك انت ابوه وتكدر تضغط عليه وحجايتك ماشيه عالجميع
اني حيل محتاجه اروح ويه اختي
عمي انتي احد مضوجج بالبيت احد مسمعج اححايه احد طالب منج شي صعب
ام جراح هانتج
لا عمو كلشي ماكو من الكلته انت بس اني مخنوكه اريد اطلع اروح ويه اختي فدوه عمو لا تكسر بخاطري
والله ياعمي احاول احجي وياه والله كريم
عمو اريدها من شاربك اني دخيله عندك
لا يابوي شجاج وحجيتي هاي السالفه
وج تعرفين الدخيل شنو معناها
اي عمو اعرف واني دخيلتك
اووووف يبنت بغداد 😕😕😕يجرالج عمي كومي روحي الدارج (الغرفه)
وبهذا اليوم كبت عركه بين جراح وابوه علمود هالموضوع
واسمع جراح يعيط
كتلكم مالها طلعه من هالبيت
اختها يمنه شعدها بعد تروح وياها
لو هي بس استهتار
رهف ما تطلع من البيت
وعافهم وطلع ماعرف وين راح حتى ما رجع ابيومها للبيت
طه ورضا جانوا طالعين يليل رجعوا
طه .ان شالله باجر الفجريه نطلع ونتوكل ع الله ونرجع البيتنه
اني اسمع كلامه وباوع ع رفيف شلون اتحضر جنطتها
وعيوني تجري مثل نهر مايرضه يوكف 😭😭😭😭😭😭😭😭😭😭😭😭
الحجيه ..رهف كومي تعاي عمج يصيحج
اي عمه كايمه
رحتله لديوان دخلت جان وحده كاعد
تعاي يابه كعدي هين
اي عمو تفضل
يابه انتي ما تحجين وي جراح متهاوشين شني احجيلي يابه انتي ليش رايده ترحين وي اختج
هي مو يمج هين شجرالج ع شني ناويه يبنت الناس
لاعمو ماكو شي بس اني اريد اروح محتاجه اغير جو
احس نفسي مختنك
بويه كلامج هذا ما يقنع شني تغيرين جو شني مخنوكه
غير اكو سالفه وما راضيه تحجيها
عمو وداعت راسك ماكو شي لا تظل تفكر بالسالفه
انه كل بالي اروح اغير جو وردتك تساعدني وتخلي جراح يوافقلي عالروحه
بس ما دام جراح ميقيل انسه عمي مشكور وماقصرت
اني عرفت محد يكدر بهالبيت يقنع جراح
او يكسر كلامه
حتى انت ياعمي الجيتك دخيله ماكدرت ع جراح
هاي شلون هالحجي يابه هو زلمتج وكلامه عليج يتنفذ
مانكدر نرده هو زلمتج يابه
اعرف عمو هو زلمتي واعرف مايقبل اروح بس اني ردتها منك اتخلي يوافق ويخليني اروح يومين ورجع ما اطول انتوا ليش محس يحس بيه اكللكم اني مخنوكه طاكه روحي وهم كمت ابجي كدام عمي 😭😭😭😭😭😭😭😭
ياكفي يابه اسكتي اذا هيج انتي مختنكه روحي وي اختج يومين وردي لا تطولين
ارفعت راسي وعيوني صارت ع عمي
صدك عمو يعني اروح وياها الخانقين
اي يابه روحي بس يومين وتردين
اي عمو بس وجراح شلون خاف ميقبل او يضربني
ماعليج انه احجي وياه
اركضت ع عمي بسته من راسه اني حيل اشكرك عمو يا احلى عمو وشيخ بالديره كلها
هو ابتسم 😊😊😊وخله يده ع راسي ومسحها
مصدكون شكد فرحتي جان جبيره من كلي روحي
طلعت طيران اركض ودخلت للغرفه طلعت الجنطه
خليت ملابس الي والصكر
حضرت حالي وحال ابني
دخلت رفيف .هاي وينج صار شكد ادور عليج
فريت البيت كله
وين جنتي
جنت يم عمي احجي وياه وقنعه اروح وياكم
الخانقين
اي وشكلج
الحمدلله وافق
صدك تحجين يعني راح تجين ويايه واخيرا
اي انتوا باجر تسافرون
اي باجر من الغبشه ..بس اكلج جراح وافق
لا بس عمي كلي روحي واني احجي وياه
لج خاف يتعارك وياهم او يسويلج شي
شيسوي يعني يضربني ويطلكني
هو اني اريد اطلك اريد اخلص لان مليت طكت روحي لا اني المزوجه ع وجي ولا اني المطلكه ع وجي
اريد اعرف حالي وين متجهه اني
اريد اعيش حالي حال البنات
اريد صدك يكون عندي عائله وعندي رجال يحبني ورايدني اكون زوجته وام جهاله
مو بس مره مسجله بالجنسيه مالته
كمنه حضرنه العشه وتعشينه
جراح ابد مارجع للبيت لان الظهريه اتعارك ويه عمي وطلع
اني افرحت لان راح اطلع وما اشوفه ولا راح يوكفني ويمنعني من الروحه
نمت اني واختي بغرفتي
ظلينه للفجر نسولف ونتذكر عيشتنه شلون جانت ويه امنه واخونه وبيتنه وبغداد الحبيبه شكد مشتاقتلها وشكد مشتاقه الهواها
محتاجه اطير ويه الهوه و اوصل ع بلادي
ويه اذان الفجر يامحله بغدادي
مشتاكه للماي العذب تعب هذا الكلب
والكلب ااااه الكلب ظل بسمج ينادي
يامحله بغدادي
صارت الساعه ٥ الفجر كمت حضرت اريوك سلكت بيض وجبن وجاي
كعدت رفيف وموج وطه
كعدو اتريكنه
كعدت عمتي اول وحده وهم اكلت ويانه
كمنه اتحضرنه
شافتني مبدله صفنت ابوجهي 😮😮😮
انتي وين رايحه
لتخافين عمه اني مو مهزومه
راح اروح ويه اختي ويعلم عمي هو كلي روحي وياها
وانه شو ماعندي خبر لا انتي حجيتي ولا عمج كال
اشمالج يامره حسج يجيب التايه
شو اكلك انه رجل كرسي بالبيت
لاخبر عندي لا احد يحجي
تسونها بسكوت سوالفكم
يامره شني سوالفكم البت رادت مني اقنع جراح يتركها تروح وي اختها
وابنج معاند لا رحمك ولا انزل رحمه الله عليك
كتله يابه روحي يومين وردي وانه احجي وي جراح
بس مايصير هيج يارجال شلون تكللها روحي
وهي زلمتها مايرضه تطلع باب الحوش
تره من يرد للبيت وما يشوفها يرجع عليك ويتعارك انه ما خصني بشي
اكلج شني جاي تحجي وي طفل انتي لو ما عرف اتصرف
ابنج الماتعرفين انتي عنه شي
هاجر المره ماينام وياها لا بغرفه ولا بفراش
هو عسباله هذا الشي صح مايدري لو امغشم حاله
البت هم تطك روحها تكلك انه مره لو اخشبه وما يكربلي
افهمي يامره تره مو كل النسوان تصبر ع افراك زلمتها منها
اكو منهن اليطلعن من الطريق
واكو منهن الشريفه المعدله الما تصل صوب احد
وبتنه متحمله ابنج وساكته حتى انه وانتي ماندري ابنه مفارك افراشه وتره لا هي حجتلي ولا اهو انه اسمعت من صاحبه فهد
صح لو انه غلطان
خلها تروح
هذا لان اكبال عينه ما حاس ابنعمه الله
خلها تروح وشوفي شلون يكوم يدورلها ابلايت
انه اريد يكون مسؤل من مره
مو بس مسؤليته بالسلف والدواوين والفصول
عمتي قنعت ابحجي عمي ودعتهم وعفت يقين يمهم ما اخذتها اخاف هاي مسؤليه
ونطلقنه والحمدلله الشارع جان نظيف ماكو امريكان ولا كل اشويه واكفين
طه شغل مسجل راديو ..اشبيك السياره ضوجه والطريق طويله
شغل راديو ع قناه اور FM حيل حلوه الاغاني البيها
سمعنه الابراج
جراح برج اسد
طه علي الصوت خلي اسمع عفيه
برج الاسد
اهم شيء عند الاسد الكرامه كرامته بالسماء واكثر حاجه ممكن تغيضه انك تهينه او تستفزه بس نكدر نكول هم عدهم تحكم في غضبهم والي مايعرف الاسد يكول عنه بارد في بعض الاحيان
قوي متصلب شديد متكبر
خرب بالحظ حتى في برجه اكو كرامه وعزه نفس وخشم يابس شنو من مخلوق هذا الخاطر الله
برجي اني العقرب
يكلي العقرب .عندك سفر بس احذر من رده فعل الشركاء في الحب انت قوي وعميق المشاعر لاترغب بالعلاقه العابره او السطحيه
لج رفيف صدك يححون والله عبالك حاسين بيه ويكتبون
يمعوده هو مجرد اخريط كلام يا ابراج ياسوالف تعبانه
كلمن الله كاتب شخصيته ع كصته ماكو متشابهين
الناس اجناس متلكين كلها فقيره ولا تلكين كلها قويه
بس بقت هاي الشخصيات لازم انتي تعرفين شلون تتعاملين وياها
مثل طه شخصيته هادئه لو يحترك البيت ما يحجي ويفتح حلكه يفكر بصحته غرم هو بي سكر وابو السكر يكون دومه عصبي ومنهار هو بالعكس تشوفي حيل ريلاكس
اما جراح عصبي نار محد يوكف ابوجهه الكل تسمعله وتطيعه وجهه مايكصه السيف
بس لازم عنده نقطه ضعف ومن خلال هالنقطه تدخلين الجراح وتعرفين شلون اتعاملي
مو هو مير واني مير منو يسوك الحمير
مبصير يارهف كعدي وفكري عدل الزواج مو ثوب وشوكت ما اختنكنه منه ننزعه
الزواح عائله وبيت ومسؤليه وهذا كله بجفه
والرجال وحده بجفه
لا تظلين يوميه متعاركه وع
ودوني رجعوني
اني اختج احجي وياج وخايفه عليج
الرجال مهما يكون هو ( فحمه رحمه)
عالمره
واجدادنه وبيبياتنه حتى امهاتنه جنه نسمعهم
يكولون (نارك ولا جنه هلي ) شوفي سكد لعد قويه هاي الحجايه
الاهل لو جنه هم المره من تزوج بعد ما تكدر تبقه وياهم اتحس روحها ثكيله اثكل من الجبل الي الله خالقه
اني ما اطردج ولا اكلج رجعي البيتج بس اني لازم انصحج لان لا اني ولا طه نفيدج بشي
اهلج وبيتج هم زوجج وطفالج
صفنت ع كلام رفيف وسرحت بالخيال وتذكرت
من جانت امي تتعارك ويه بابا وتزعل منه ابد مجانت اتعوف البيت وتطلع
جانت تاخذنه للغرفه وتكعد بنصنه تسولفنه قصص واحنه ملتمين يمها ونضحك ونلعب وياها
الله يايمه شكد جنتي طيبه وحنينه
ريتج يمي هسه وتواسيني
وطلعت اغنبه لهيثم يوسف
اسرحت بيها كلامها فعلا عليه كله
اسمها
ياريت عمري ماهويت
رخصت دمعي وع فراكك بجيت
ياريت ماحبيت
لاتظن دوم اظل احبك
اني منك مليت
يوم تزعل
يوم ترضه
شنو طبع مادريت
مو عجيبه تصير شامت
بس عجيبه اتشوفني
بيني وبين الموت لحظه وما اجيت
ما اجيت
حبيت لو بلوه ابتليت يريت عمري ماهويت
عايش جنت وحدي
كل هم ماعندي برجلي للهم اعتليت ياريت ماحبيت
بس عرف بيه اتعلقت وتاكد بحبه ذبت
يتركني طول الوكت
مو جنت خالي ياكلب
مرتاح من خلاني احب
شجابك انت الهذا الدرب وشلون طاوعتك وجيت ياريت ماحبيت
ياربي ليش خليتني احبه وتعلق بي
ياربي شخصيته ما ترهملي هو مزاجي ومغرور
واني احب الضحك والفرفشه
هو ع كلشي يحاسب واني فطيره اسوي الشي من غير ما افكر بي
ياربي ساعدني لو تهدي عليه لو تنزعه من كلبي
جراح .رديت الظهريه للبيت ضايج وتعبان مالي خلك حتى الروحي
كبل ادخلت الغرفتي
وصحت بيهم لاتكعدوني عالغده صوت ماريد اسمع محتاج انام
صحيت وي المغربيه كوه شلت نفسي من الفراش
طلعت ليدوانيه كعدت عالقنفه بس منطي ظهري للباب شغلت تلفزيون وصحت رهف .....رهف
هاي وينها
ازهار ..مشت عيوني
التفتت 🤨🤨🤨 انتي شدخلج اهنا انه مو مانعج من دخلت البيت
جيت اشوف بنتي واشوفك خاف محتاج شي
ما احتاج ون احتاجيت موجوده راعيت بيتي.... رهف لو نسيتيها
لامنسيتها بس راعيه البيت لوصدك مهتمه بالبيت وخطاطيره وماتقصر
وحابه رجلها وتهتم بي وبطلباته ما خلته وراحت وي اختها وهي جانت يمكم اسبوع
فزيت من مكاني كمت ع حيلي وعاين ع وجها
انتي شجاي تحجين الزمتها من زندها بقوه عصرته
اااخ يمه يدي اشمالك راح تخلعها
منو كلج هي رايحه وي اختها
اطلع وسئل عنها وصيح بسمها شوف تردك لو ماكو رد منها
اطلعت وانه شايط وبراكين راسي راح تبدي تتفجر حمم
صحت بصوت
رهففففففففففف 🤨🤨🤨🤨🤨
من صوتي التمن كلهن اكبالي
الحجيه ..يمه اشمالك ليش هيج تصيح
وين رهف ليش ماترد ع صوتي
الحجيه .ظليت اتبلعم شكله هو هسه وكابه عنده
اذا دره ابوه انطه جلمه الرهف وكاللها روحي وي اختج والله يطيح سكف البيت ع روسنه
ليش ماتجحون رهف وين
يمه رهف راحت وي اختها ابوك انطاها الامان وراحت
اي وانه اهنا رجل كرسي لا صداد ولا رداد
ماخليت شكو شي اكبالي اكسره منو يمي اضربه
انه شني اهنا زلمه لو خشبه
شلون ابوي يكولي المرتي تروح
شو الكل صاير يتصرف ابكيفه
زينب ..جنت جايه امر بهلي مشتاقتلهم صار بالخمس تيام ما شايفتهم
وانه امشي بالحوش وسمع صوت جراح يرعد
ادخلت للبيت وانه اركض
ولكم اشمالكم صوتكم خارج البيت
تعاي اسمعي هلج وبوج المن منطي الامان ومخليها تروح وي اختها
يمه شلون تسكتين غير تكليله لبوي مايجوز مايصير شلون تخليها تروح وبدون علم رجلها ولا موافقته
وانه شكو يمه خل يرد ابوكم وسئلوه ليش انطه الامان الرهف وخلها تروح وي اختها
جراح .انه كابه عندي لستار وروحي شايطه الا لزمه جدامي اله اكصه نصين
خليت وطلعت اتصلت ع فهد
اجالي بسيارته تركها وصعد وياي
اشمالك يخوي ياضلعي ليش متعصب احجيلي
اكلك انه كابه النار بجسمي خذني المكان خلني ارتاح
امشينه انه راح اخذك ال ليلوه
دخلنه ونزلنه مشروب وشربت بيكين تلاثه
هله وميه هله بكحل العيون
هله بالكلب والضلع واليحبون ليلوه وبرجليهم يجون
اليوم المكان نور ابطلتك
اكولن شوفتك ردت بيه طوايفي
شذكرك بينه يماي العين
اكلج انه ضايج وطافره الدنيه من عيني ومالي خلك احجي اريد ارتاح
تريحيني لو ارد البيتي
هاااا جراح يجيني ويطلب راحته وانه ارده حشه انت مو تكعد ع كلبي تكعد حتى ع .....؟
كوم ياروحي ادخلك الغرفه انزع ورتاح لاتبقه مجتف ابملابسك
الله خلقه عارين مصلخين ليش نكمط ارواحنه بالثوب
فك عن نفسك محد يستاهل الدنيه وصخه
اني عليمن تلمحين
خلت ايده ع صدري وقربت شفايفها ع شفايفي وتلاعب بلسانها وتحجي
لاحبيبي ما المح بس اني اريدك تنسه خليك وياي وبس
هاي ليلتك وليلتي خل نلعب ببها لعب بس انه وياك
العب بيها يابو اسميره
اكلج فوتي سبحي تعرفيني انه نفسي تكش
اي حبيبي تعال وياي نسبح سوه
لا انتظرج هين سبحي وتعالي
لا ابد اله تسبح وياي
اخذتني من ايدي ودخلنه انه وياها للحمام نزعتني ونزعتها وووووو
الصبح فزيت ع ضوه الشمس قوي دخل عالمكان النايم بي
وحده اسمعتها تحجي
يله كوموا شنو عرسان انتوا
دلال سدي البرده يمعوده ما نمت البارحه من وره جراح
كومي ليلوه ورانه شغل
جراح ارفعت راسي عن السرير اباوع هذا مو مكاني ولا افراشي وراسي دايخ يوجعني
الزمت كصتي افرك بيها باوعت بصمي مره نايمه
صباح الحب صباح الرومانسيه صباح حبيبي جراح
تذكرت انه البارحه اشربت طوخت حيل
ونمت وي ليلوه عاينت عالساعه بالوحده الظهر
اكمزت من السرير
لا يا الله انه نايم عريان
اسحبت الروب وكمت للحمام اسبحت وبدلت وطلعت
هاي وين جروحي
عاينت عليها هي بسيت ابيض شفاف وربي مثل ماخلقتني كشت روحي منها
تعال حبيبي خل نتريك سوه
انه عفتها وطلعت
سيارتي ماكو
رديت دخلت ..اكلج وين سيارتي
هي تتموع جدامي وتلزم شفايفي وتبوس ركبتي
عطت بيها ولزمتها من ايدها وعتيتها
جاي احجي وياج وين سيارتي
وانه اشمدريني جابنه صاحبك هذا الاسمه فهد ذبنه وراح بالسياره
تعصبت وضربت جف بجف انه الك فهد
اطلعت مشيت وحدي بالشارع
وصلت شفت سياره اجره وكفتها وطلعت كبل الشغلي
دخلت للعلوه .عطت بالعامل اكلك ابساع سوي كهوه مره ابسسسسسسسساع
اي شيخنه ثواني وتجهز
رضا ..اشمالك جاي متعصب ..
انت البارحه وينك ليش ادك عليك ما تجاوبني
جراح رضا مالي خلكك راسي يوجعني ودايخ جثير
رضا ..انت من زمان دايخ ومتعصب محد يكدر يحاجيك
لا انه لا العمال لا البيت حتى مرتك ما تطخ السانها وتحاجيك
مااتكلي اشمالك
رضااااااا كتلك دايخ شنو مجاي تفهم
افهم جراح وانه اكلك كلي شنو الي يضايقك يا اخي احجيلي انه اخوك ضلعك وسندك
رضا مو وكتها
جراح من يوم زواجك ع رهف وانت معاجبني
يا اخي اذا ما تكدر تعاشرها وتشوف ايوب ببها طلكها خلها تروح تعيش الحالها وي ابنها ليش متأذي انت ومأذي البت وياك
رضا ما اعوفها هي مرتي وانه رايدها
بس انت ما مرتاح وياها
لان هي مجاي تحس بيه جاي تجاهلني ماتحبني ماتودي ماتريد افراشي ولاكربي ماتكلي انه رايدتك انه احبنك
جراح شلون تطلب منها هي تكلك وتطلب منها تودك اذا تشوفك انت ماتكربلها ولاتحجي وياها
انه اغلب الاوقات من ادخل للبيت اسمع تعيط بيها وترزلها وما ترضه عليها بكل شغله تسويها
كلي فديوم فكرت تاخذها وتطلع فد مطعم
فديوم فكرت تاخذها لامول
هاي الناس كلها تطلع
انت تعرفني ما احب طلعت النسوان
لا ياخوي لاتتحجج بهاي السالفه
هي المره شلون تحب الرجال غير من تشوفه يهتم بيها يحاجيها يتغزل بيها يشجعها بشغله سوتها
انت كل هذا ماكو منك
شلون تريدها بعد تحبك وتهتم بيك
انه اشوف هاي روحتها وي اختها افضل طريقه سوتها حتى انت تعرف شرايد
تريدها زوجه حاول تهتم بيها تحبها تاخذها وياك انت حتى غرفتك عازلها عن
شلون اتريدها بعد تحبك وتهتم بيك
ياخوي انه عيب عليه اجي وحجي وياك وعلمك شلون تتعامل وي حرمتك
طارق ..هاي وينكم السيارات جاي اتنزل الحموله
رضا اي جايلك
خويه اكعد وفكر عدل ورجع لم مرتك وخلها جو اجناحك
جراح .اصفنت ع كلام رضا هذا منين اكله كل هالكلام وهو بعده صغير
بس انه صدك مافديوم اكعدت وياها وحجيت ولا فديوم سمعتها كلمه حلوه
شو من ازوجتها لليوم بس مكضيها سفر ومعارك
انه الجنت اتمنى اشوفها واتمنى اسمع صوتها
هي حب حياتي حب عمري ليش ما اكدر اتقبلها
ليش ما جاي اريدها ليش ابتعد عنها
فهد .انه اكلك ليش
اشمالك فززتني
خاب غير انت صوتك يجيب التايه انت جاي تحجي وي حالك لو يمك احد
اي بله احجي يبو الفوايين
لك انت شلون تاخذ سيارتي وتمشي ماتكول هذا الزلمه شلون يرد جان خليتها ورحت
اي وانه شلون ارد البيتي مشي ع رجليه
زين انت ماتعرفين انه ماحب ابقه او انام يم ليلوه ليش اتركتني يمها
خاب انه شفتك طوخت بالمشروب حتى ركص كمت تركص خليتك ع مايك وصلتكم ورجعت البيتي
فالح يخوي سويت الزينه انت
فهد..فوك حكه دكه
بله كلي ليش ما طايق بيتك
انت ليش ناسي طليقتك
وهاي شلها دخل
شلون شلها دخل مو انت بنفسك جنت تجي وتكول هاي مكعده البيت ومكومته ابسبب هالمره
هي هسه زوجتك وهذيج صارت طليقتك
ولا تنسه خالها يعرف ويفتهم بالسحر
اي والله فايتتني هاي
شلون فهد المن نروح ونعرف
انه اخذك ع ابوعماد هذا رجال كلشي يعرف
حتى يطلعلك الحيه من الزاغور
امشينه هسه يافهد
لا وين بعد مو هسه نروح خلها انه اخذك لا يظل ابالك
