رواية دخيله الشيخ زين العابدين الفصل الرابع والعشرون بقلم أوتار حزينه
زين العابدين
عگبنا لديرتنا بعد ماكملنا فحوصات عم حميد متمدد ليوره حدو مرتو وهيله يمي كل ساع ادحك له امها سالتني
ماظل شي ونصل موو
اي ساعه زمان ونوصل لديرتنا ويرتاح عم حميد
وانتو هم ترتاحون
يهون التعب بس ابويه يكوم على حيلو
ردت عيوني صارت بعيونها درت وجهي منها وانا عاكد الحواجب جنت مقهور منها
ومن نفسي لان ذليت ،،،
روحي لها جثير وهي صخر ثلج وماحست بهل الگلب
الي يحبها ويموت عليها
ماتكلمت بعد جهازي جانت هاجر فتحت الخط رديت
هلا هجور
شلونك يازين وشلون عم حميد
الحمد لله بخير لايظل بالكم رادين لكم احنا بالطريق
يالله يعني وضعو لعم حميد زين مايخوف يااخويه
لاا مايخوف ان شاء الله بس يرتاح ومايقهر روحو هو يتعدل حالو
سكتت سمعت خوات هيله تكلمن ساريه كالت
يازين ابويه بخير
ابتسمت ورديت
اي بخير لاتخافين
سمعت بجيها هي وريهام تكلمت بخنگه
لااتبجين ياساريه عمي بخير وهساع نصل وتشوفو
كول والله يازين
والله ياساريه
هيله يمك
اي
رديت مديت ايدي بجهازي بدون ماادحك لها تكلمت بروده
اختج تريد تتكلم معج
گلبي فز من اخذت الجهاز وطختني غمضت بقوه وفتحت اريد ابعد هالاحساس الي سيطر عليه للحظه
🌿🌿🌿🌿🌿
هيله
طمنت خواتي على ابويه من انقفل جهازو انتبهت للشاشه خال صورتو وكاتب
عليها
🌿 ** احتاجلك دايم
والگلب بك هايم
يااجوي الغايم
حي الله هالطاري**🌿
ردت انطي له مديت ايدي تكلم بدون مايدحك لي
خلي على الكشن
خليتو ودرت وجهي ادحك من الجامه اهوجس بألي راح يصير بينا
وصلنا لديرتنا ولدار الشيخ شفت خواتي بره كاعدات ينتظرنا شافن السيارات
اجني يرگضن علينا
زين وكف السياره گريب من الباب فزاع حدر ويا،،،، اجوي على ابويه نزلوا وسندوا... خواتي يمنا يدحكن له والعيون مغوركه
الحمد لله على السلامه يابه
حاوطنه وساريه حظنتو من رجلي ماكدر يتكلم بشي
يابنوات خل ابوجن يدش ويرتاح جوة
عم شعلان تكلم خواتي سرن لجوه الولد جابو
ابويه وكعدو على القنفه هاجر والهنوف اجني من بره هي والحجيه وام زين تحمد له بالسلامه ماكعدن ترخصن وطلعن من يمنا هاجر صاحتني بره طلعت وراها وكفت حدها انتبهت امها ادحك عليه ومدري شبيها الهنوف تكلمت
لاتسون شي ارتاحو غداكم وعشاكم علينا
لا تگلفون نفسكم ياام زين احنا ندبر حالنا تراكم
ماقصرتم بشي
عيوني راحت لامها ابتسمت باستهزاء عكدت حواجبي الحجيه انتبهت خزرتها سرت وكالت
انا طالعه جدامجن
غمضت عيوني بتعب تنهدت بقهر فتحت صافنات عليه تكلمت گوة وبصوت مخنوك
ياالهنوف مانريد شي السويتو النا جثير
ومانعرف شلون راح نرد ربع منو
هذا الكلام عيب ياهيله لو يسمعو ابويه يزعل عليج واحنا معه
دحكت لامها انتبهت عليه تكلمت
انا راح اظل هينه بدار اهلي اروح واجي عليكم حتى اتطمن على عم حميد
هلا بيج باي وگت الدار داركم
ودارج بعد ياهيله
ردت مبتسمه حبتني وكملت
گرة عينج مرة اللخ بسلامه عمي ويارب ماتشوفون شر به
امين يارب امين
رديت بغصه الحجيه هم حبتني وكالت
ياابنت العرب لاتشيلين هم احنا عندج اهلج وسندج عند الراحه وعند التعب
تسلمين ياشيخه والله يخلليج عمي الشيخ
ويطول بعمرو
امين يمه امين يابنيتي
انا واكفه حدهن زين طلع معه فزاع مادحك لنا سرى وراح لدارهم درت وجهي منو عيوني صارت بعيون جدته ادحك لي بتركيز لجن ماتكلمت شي ترخصت وعگبنا لدارهم
🌿🌿🌿🌿🌿
مالك
كاعد اشرب جاي بالمطبخ وعيوني على الزرعه وحوض السمج الي جابتهن ام طبع
نار لاختي حتى السمجه جايبتها نفس لون شعرها
احمر نار تفتر بخبال بالحوض ومااعرف شبيها كلت وي روحي من
تذكرت شلون غثتني
هاي هم مثل صاحبتها طكه ونص ولسانها اطول منها
سكتت وصفنت للبعيد كملت
ياامالك الصار بيها مو قليل خيانه وغدر ورادت تموت من ورة هالشي بس الله فگها من الموت شتريد تضحك للدنيا توزع ابتسامات وهي مطعونه من اقرب الناس الها مو زين هي بعدها ظاله بعقلها
وماتخبلت
ها مالك اصبلك بعد جاي
لااا
رديت بنتره دحكت عليه بخوف حجت بتردد
بعدك زعلان عليه
نوار كتلج مااريد اي علاقه بهل البنيه وانتي كسرتي كلامي
مالك مو اجوي علينا جم مرة وانت استقبلتهم
بيتنا يعني شفتك ماحجيت شي وكلت عادي احجي وياها او اسلم
يولي غير اخوها صوبني واجوي يقومون بالواجب
ااي مو هم ديشتغل وياك يعني صار صديقك بالشغل وهنا انت مو تسلم علي وتوكف ويا
ااستغفر الله يارب هذا شغل اافهمي نوار شغل عمل صح الولد خوش ولد واهلو هم خوش بس اختهم مووو زينه جابتلهم
سمعه مو حلوه
هم شعليهم بيها خطيه ليان تره مبين حبابه كلش ومااعتقد هي مثل اختها ذيج
نواار تالي وياج كتلج مااريد اي صله وياها سلمي من بعيد ولاتظلين تحجين
وياها باي شي افتهمتي
سكتت زعلانه صحت بغضب
اافتهمتي يولي
اي مالك افتهمت بس تره حرام ناخذ العالم بذنب غيرهم
حجت ومشت من يمي ذبيت حسره شلت السويج والجگاير طلعت لبره وكفت يم سيارتي ورثت جگاره جريت نفس طويل بابهم انفتح طلعت هي دحكت عليه ذبيتو بضوجه واني عاكد الحواجب
دارت وجهها مني وراحت لسيارتها
ماالك نسيت جهازك
اختي طلعت ورايه شافتها دحكت عليه بخوف بعدين عليها تردد سلمت بصوت ناصي
شلونج ليان
هلا نوار
ردت مختصر ،،،،اخذت جهازي من اختي شافتني گالب الخلقه طبت بسرعه وسدت الباب
صعدت بسيارتي الجگاره بحلگي شغلت هي طلعت قبلي مشيت وراها تسوق
بهداوه ردت اطلعها بس تمشي بالنص دگيت هورن
دحكت لي بالمرايه صارت على صفحه طلعت من يمها بسرعه وصلت للشارع ازدحام ولعبان نفس هي صارت ورايه حركت راسي يمنى ويسرى رگبتي
متشنجه
من وجع راسي فرگتها بقوه هورن دك جانت هي،،،
انتبهت السيارات متحركه فاتت من يمي بسرعه ودكت هورن اللخ
صفنت عليها وكلت مبتسم
خرب حظج ثارج ابد مااينام
حركت اضحك على الموقف ادحك لها وكفت يم المشتل مالتها
طلعت لزيونه داشوف الشغل هناك وين وصل
التهيت لليل باكثر من شغله ومارحت للمكتب
رجعت للبيت بعد مااخذت عشه لفات صاج لحم وبيتزا فتت من يم مشتل اقحوان بعده مفتوح
الساعه،،، جانت بالعشره كلت وي روحي بنيه مثلها شلون اخليها لهيج ساعه وحدها بهل المشتل وهم يعرفون،،،،، شصار بيها
وخصوصا ذاك العار اجاها مرة لبيتهم ويجوز يكررها مره اللخ
طول الطريق اذكر كلامها وبجيها على الصار بيها وشلون انغدرت من اختها
ياسبحان الله عرفتها مو راحه بس مو لهل الدرجه شلون دنت نفسها على رجل اختها اني ماادري
وهو الشفيه شلون دنت نفسه عليها وهو رجال شكبره ومقدم بالشرطه يعني ماره عليه اشكال والوان ويعرف دروب
النسوان
سكتت الافكار براسي من وصلت لبيتنا نزلت اني والغراض دحكت لبيتهم
تذكرت شلون شفتها عروس وفرحانه بذاك اليوم كلت هاي كلشي تغير بيها مااظن هي هيج طبعها
الصار بيها خلاها تصير انسانه ثانيه كلها غضب وكره وحقد انسانه مكسورة وكسرها صعب ينجبر
ذبيت حسره من تذكرت حالي وكلت كل واحد شايل همو بگلبو والهموم اشكال
والوان
وره يومين الجمعه اني بالممر داخلي گلوب شفت بزونه اليفه بيضه ومدنفشه
شكلها حلو كلش واكفه على الحايط بينا وبينهم
كمزت على الگاع ادحك الها باعجاب سمعت صوتها
كيتي وينج يمعوده وي رحتي
رجعت حجت
ااوف منج راح ابسطج بس تلزمج ايدي
صوتها مو هوو تحجي بنزاكه مو ذاك جبار الي انهد بيه رفعت حواجبي
من شفت كفشتها طلعت
من السياج رحت بصف دنگه وكفت وراها،،،، دحكت للممر صاحتها
تعااالي هسه يجيج هذا المجرم يسويج تشريب لحم
عكدت حواجبي ورديت
والله احنا مااناكل غير
لحم غنم لو دجاج
شهكت ماسمعت غير طبتها بالگاع كلت
خرب بالحظ تكسرت البنيه
البزونه تريد تكمز مااتكدر رحت شلتها خليتها
على الحايط حجيت
هااج ااخذيها قبل لااسويها تشريب ابيض
مدت ايد بيضه ثلج واظافر انظف من وجهي صفنت عليهن طختني وحجت
بنتره
جيبهاااا
اخذتها مني فريت ايدي ورحت جبت الدرج صعدت بدلت الگلوب من دانزل شفت شباج مفتوح وهي كاعده بغرفه ويمها البزون كلت هاي غرفتها
كيتي تعلمت تجي علينا مرة عم مصطفى يجي يرجعها مره امها ووسيم تاليا تعلقت بيها وكلت اجيبلها وحده تلتهي بيها
🌿🌿🌿🌿🌿
ليان
تمارة صديق زوجها جابله بزون هديه تخبلت مارادتها خابرتني وكالت اخذيها مااريدها اتخبل من القطط اخذتها لبيتنا اول مره ابويه ضاج منها وظل يحجي راح تترس البيت شعر وماما هم
بس وي الوقت صارو احباب تكعد يمه وعلى بطنه يلعب وياها هو وماما ودللوها
دلال مو صاير
بس ام المشاكل تعلمت تروح لبيت نوار ولزكت
بيهم بليل رجعت من المشتل وصلت شفته هو واكف بتاليا بره تبجي وما ادري شبيها نزلت شافتني اشرت بايدها تعالي دار روحه بيها من شافها تريدني
مشى بيها مسافه ،،،،،
بابا طلع وبايده كيتي شافتني شمرت روحها عليه حجيت
هلو كيتي
سمعت صياح وبجي تاليا تريد تجي علينا بابا شافها حجه
هاااي شبيها الحلوه تبجي
تقرب بيها مايباوع عليه رد
والله مدري ياعم عبالك ضايجه
لعد وين نوار
راحت بشغله وي امي
تاليا ذبحت روحها تريد بس تجي عليه تبجي بشهكه بابا اخذها منه جابها يم كيتي
سكتت وكامت تكمز وما ادري شتحجي ابتسمت الها ووخرت شعرها من عيونها
درت وجهي هو صافن عليه بس بسرعه دار وجهه
خليها يمنا منا الما تجي نوار
لا عم هساع اخذها بسيارتي افرها شويه وتسكت
مد ايده الها صرخت وكامت تبجي تريد تجي عليه ذبيت كيتي بالگاع اخذتها من بابا حظنتني تباوع عليها تفتر يم رجلي
مااعرف بشنو حسيت من ضميتها بحظني ارتاحيت
وشعور الهدوء صار بگلبي حجيت بتردد
خليها يمنا منا الما تجي نوار
ماانتظرته يرد اخذتها وطبيت لجوه وورانا كيتي
🌿🌿🌿🌿🌿
هيله
ابويه نام وغفى وخواتي الصغار هم بس انا وريمه
وامي ظلينا كاعدين بره بالحديقه اسمع امي تحجي وي خالتي وتشكي حالنا ترد
والله مابدينا شي نسوي لكم تعرفين الحال ياام هيله فلوسنا كلها راحت للگاع وهم ضلينا مطلوبين جثير الها
جان شهم
ذكرت اسمو وكامت تبجي امي بجت
وياها غمضت عيوني دمعتي حدرت بخنگه
شأسوي ياخيه تعبت وانا ابجي عليه وعمن عيوني من وراه للغالي راح وخلاني بحسرتو
الله يصبرج ياخيه
خالتي كعدت تشكي لامي همها تحاول تكسر عليها وتصبرها على مصيبتها سدت الخط
وره دقائق صافنه بهم وقهر ريمه تكلمت
يمه شراح يصير بينا هساع وهذا حال ابويه
مدري ياريمه مدري لاحد يسالني اي شي دخت ودوخني زماني مااعرف عليمن اصد عليجن على ابوجن على اختي وحالها مااعرف تعبت والشكوى لله
گهدت بالبجي بصوت قوي ريمه غورگت عيونها دحكت لي غمضت عيوني وذبيت حسره كلت بصوت مخنوك
الامر امر الله وحنا عبادو ولازم نرضى بحگمو وابتلائو
ماكااايله شي ياهيله بس والله تعبت يابنتي كلها تهون الا وكعه ابوج كسر ظهري
بهل النومه
عيوني غورگت لجن مابجيت اريد اگوي روحي واگويهن ردت امي
ابوج وكع من القهر ياهيله ظل يضم بگلبو الما ضربتو الجلطه ماتحمل الظلم
الصار علي ولا عوزته
للاوادم
ريمه ردت بدموع
اي ابويه عزيز نفس والصار بنا قهرو
ذبيت حسره اللخ وكلت
استغفر الله استغفر الله يارب منك الفرج
محد لنا غير الشيخ شعلان بس الى متى ياربي الى متى ياهيله نظل مادين ايدنا الو
امي كالتها بشهكه وكملت
ابوج ماراح يطيب مادام كاعد يشوف الشيخ متفضل علينا بكلشي حتى باللگمه
اسمع واحس بروحي اختنگت ومااعرف شاسوي
مااعرف شلون اساعد اهلي انا مهما جنت سبعه وگويه اظل حرمه وصعبه علي اشتغل بره صعبه الاوي الزلم بشغلهم لان كل واحد
والو طاقتو وحيلو
ماعرفت شاجاوب او ارد ظليت ساكته جواب ماكو لان اصلا اني هم دايخه
مثلهن صح عم شعلان ما مقصر بشي ويانا لجن الى متى نظل عاله عليه الى متى
نظل دخيل يمو
بذيج الليله مانمت ولا غمضت عيوني التفگير جتلني والقلق على ابويه خلاني كل ساع اروح علي لغرفتو هو وامي ادحك له من باب المفتوح نايم وامي حدو الفجر اذن صليت ولاول مرة ابويه مايكعد ولا
يروح للجامع بجيت على سجادتي بخنكه رددت
يارب انا مسنا الضر وانت ارحم الراحمين يارب باوع لحالنا وارحم ضعفنا وقله حيلتنا فرج همنا يالله عبدك بضيچ وينتضر منك الفرج
دعيت اكثر من دعاء ولجأت للقران هناك الراحه والسگينه قريت كلام الله وبگلبي توسل برب العالمين يفرج علينا همومنا ويكوم
ابويه من هالشده
ماكعدت اخوتي كلت خلهن نايمات تعبانات من الصار وذابات روحهن بالفراش
ابويه كعد الصبح صلى
على الكرسي تريك واشوفو احسن من هاليومين بس مايتكلم غير شويه رجع تمدد بفراشو لان الدكتور كلو ارتاح لاتتحرك جثير
لهيت روحي بشغل البيت انا وريمه وامي طبخت شوربه لابويه وشوتلو صدر دجاج طلعت لبره اشر الهدوم ساريه تلعب جوه الاشجار هي وريهام وهاله كاعده ادحك لهن
افتريت وره الدار شريتهن وعگبت
سمعت صوت عم شعلان
كعد ابوج يااهاله
اي كعد ياعم
سريت له وكفت من شفت ويا واحد معكل بكد زين دحك لي وبعدين نزل راسو
تلثمت عم شعلان تكلم
هلا يبنت العرب
هلا ياشيخ
الشيخ معتز اجه معي تايشوف ابوج يعرفو ويعزو جثير
هلا بيك ياعم وحي الله ضيفك
ذاك رفع راسو مبتسم رد
حي الله اصلج يبنت العرب
سريت للدار دشيت انطيت علم لامي وريمه طلعت لهم هلت بيهم وكعدتهم بالديوانيه ريمه راحت تحضر ضيافه سندت ابويه انا وامي وودينا لهم دشينا به عم شعلان كام علي تگرب امي وخرت اخذو من ايدنا تكلم
شلونك اليوم ياخويه
هز راسو بتعب رد
الحمدلله يبو زين
شيخ معتز كرب منو باسو
وكال
الحمدلله على سلامتك ياعم كدرني السمعتو عنك
كعدو ابويه على القنفه وهم يمو
سريت من يمهم ورحت
للمطبخ امي عگبت ورايه ريمه سالت
يمه من هذا
شيخ معتز يمه ابوه رفيج ابوج لجن مات من زمان وابنو هساع شيخ بدالو
ريمه دحكت لي كالت
اول مره اعرفو واشوفو
انا هم
رديت هي ردت سالت
يمه مااشايفي ابد جاي علينا
الرجل ساكن بغداد ياريمه مدري وش يدرس قانون هيج سمعت من ابوج
مو جبير يايمه اظنو بكد زين
مااعرف يمه اظن كالو يريد ياخذ شهاده اعلى
زين ابوه منين عرف ابويه
ابوج يايمه عندو جثير اصحاب عرفهم بالجامع
من يجون يصلون وراه بالصلاه شيوخ وناس فقره
ااي شفنهم جثير اجوي علي هينه بس هذا مو شايفي ولا نعرفو
اي يايمه ابوج كلها تحبو وتريد ودو الا ذاك الردي ظلمو وظلمنا معه
امي ردت بحسره كملت
يله يمه صبن جاي خل اودي لهم
🌿🌿🌿🌿🌿
زين العابدين
كاعد بالمضيف ابويه ترخص من الربع خذ شيخ معتز وراح لعم حميد تايسال علي عگبو وره مشوار كعد حدي وابويه بمجلسو تكلم
قهرني عم حميد كلش ياشيخ
حتى انا هم قاهرني جثير الصار به مو قليل ياشيخ معتز
ااي هاي سوالف صگبان الرديه مو جديد علي ياعم هالسوالف
اي والله قهرو للرجال وخلاه ينجلط من وره
ظلمو له
حسبي الله علي عم حميد مايستاهل الصار به
سكت وهو صافن رد سال
اسالك ياشيخ
اسال يولدي
هو ماعندو ولد
لا ربك مارزقو غير خمس بنوات
هز راسو ورد
نعمه البنت لجن همهن جبير
اي لجن بناتو سبعات وخص هيله بنتو الجبيرة
عيوني راحت له ابتسم ورد
هالبنت الي تلثمت من شافتنا
ابويه ابتسم ورد
اي هاي هيله بنت العرب ماكو بنت بهل الديره
مثلها گويه وسبعه وبليغه لسان
بينت ياعم من ردها
عكدت حواجبي وظليت صافن علي درت وجهي ابويه يدحك لي تنهد التهى بغير سالفه
الشيخ معتز عگب لبغداد وانا ردت اعگب للفله حتى ماظل گريب من هيله البعد عنها عذاب والگرب عذابا اكبر رددت وانا اسري بالبستان بليل
يازين ،،،، درب الي مايعز ممشاك أقصر خطاك عنه
كعدت ادخن وصافن لليل ونجومه هينه اختنكت وروحي تلوب واظل اهوجس بتعب وقهر اتذكر حالي شلون ذليت روحي لها بهل المچان شلون بحت الي بگلبي وانا مجنون وهي ولا دارت بال سرت من يمي وخلتني معطب بناري
غمضت عيوني لاحت لي بين الگصب مفرعه وشعرها محدر للرگبه ضوه الگمر ونجومه يشع عليها
گلبي زادت دكاتو وروحي هامت يمها كمت من مچاني سريت لدارها رجلي خانتني هي وگلبي ردت المح طيفها قبل لا اهج وكفت بنص الدرب عگبت احاجي روحي
عگب يازين شوفتها راح توجع گلبك اكثر ماهو موجوع
سمعت صوت خواتها يلعبن عگبت سريت بهدواه وصلت وكفت وره نخله ساريه تلعب هي وريهام وهاله يمهن بس هيله ماهيه درت وجهي اريد ارد لدرانا وكفت من نادت ساريه
يااهيله تعالي شديلنا الحبل
درت روحي شفتها راحت لها شدت لهن الحبل وسوت مرجوحه
راحت كعدت ،،،،ادحك لهن يلعبن بها نزلت راسها احسها من بعيد تتنهد جن نفسها ونفسي سوه رفعتو دحكت باتجاهي ماجانت تشوفني ظلمه وصاير وره عثك النخله
درت روحي وسريت من يمهم امشي مثل التايه مااعرف هالعشك وين راح يصل بي كلت مااظل اعگب للفله لان اذا اظل هينه راح اتعب من گربها وشوفتها
وهذا السويتو لهيت روحي بالدوريات وكمت ابعد عن الديره مسافه طويله
🌿🌿🌿🌿🌿
هيله
احنا بهمنا ومصيبتنا ووكعت مصيبه ولفه بله على العراق كلو بليله ويوم الي جان يهوجس به عم شعلان صار سمعنا الموصل وگعت بايد ناس اجونا من وره الحدود الشي صار بسرعه بسرعه مثل النار وگبت بكومه حطب مااعرف ليش هيج صار ولا شلون الجيش انكسر بلحظه الكل دخل انذار وتحزم الشيخ وربعه واهل الديره كلها كالت مانخلي ايدنا بايد واحد غريب جاي من ورة الحدود ايدنا بايد الجيش ووولدنا لجن ماشفنا اي جيش ولا شرطه
كلها انهزمت بارواحها وخلونا وحدنا نواجه عدو مانعرف من ولا شنو يريد
من عدنا
ابويه كاعد اشوف قلق وشايل همنا وامي تلوب وتفتر يمنا خواتي كاعدات يدحكن بخوف نسمع صياح الزلم تحزم بولدها ريهام حجت بخوف ودموع
زين ماهو راح وبعد مايعگب
اااسكتي فال الله ولا فالج هساع يرد
امي انهدت بها بغضب
زين وفزاع وعوض وجم شاب طلعو قبل الاحداث
بجم يوم وصار الصار وما عگبوا دوريات طلعت عليهم لجن مالگوهم باي مچان الدنيا احتركت عليهم وهم ماكو
ابويه ردد بصوت تعبان
يارب الطف
ماكمل من غص بقهره ريمه ردت
يارب الطف بينا ربي يارب ردو لابوه سالم ومابه شي
ياحميد راح اروح اسال عنو
ابويه هز براسو دحك لي كمت وي امي لبست صايه وطلعت وياها سرينا لدارهم من بعيد شفت الهوسه سيارات الشيخ والديره كلها واكفه وزلم متحزمه بالسلاح
ووج شوفي ياهيله ياربي سترك يارب استر علينا وعلى امه محمد
امين امين
رددت وكفنا يم باب المطبخ من سمعنا بجي
امه ونوحها علي
ولكم ولدي وين راح ليش مااعگب ليش ولا واحد منهم بين اكيد صارلهم شي ااكيد ولدي ماهو بخير
امي رادت ادك الباب بس وكفت من سمعتها كملت
كلو منها لبنت حميد هي الي خلتو يسكن الفله
حرگت گلبو وخلتو يريد بس يبعد عن دارو واهلو ولدي اذا راح خطيتو بركبتها
غمضت عيوني بقوه عگبت اريد اسري لدارنا خطيت جم خطوه عم شعلان صار بوجهي صفنت علي الوجه مطعون وغادي دم حتى عينو حمر
امي سلمت
شلونك ياشيخ
الحمد لله ياخيه
صوتي گوة طلع
گوه الله عزمك ياشيخ
وعزمج ياهيله
يرد بصوت مخنوگ واحسو واكف گوة على رجلي
امي سالتو
مابين شي من زين
لاا ياخيه مابين اي شي
امي دحكت لي ردت
الله يردو بالسلامه وما تشوف شر به
امين اامين ياخيه ادعيلو خل حميد يدعيلو ابني ماابين ولا اعرف وينو دورنا
بكل مچان ماهو مااهو للزين مدري وين صار الولد
حجاها بحسره وقهر ما تكلمت ولا حرف الي سمعتو من امه خلاني احس بالذنب انا الي
حديتو على الفله كلامي معه وقسوتي خلتو يهج من دار اهلو ويروح يسكنها
امي ردت بدموع
الله يردو الك يااشيخ مثل مارد ربك يوسف ليعقوب
امين اامين يارب اطلبو منك ردو لي ولامو
حجاها بتوسل وهو يدحك للسما ورافع ايدو كلت بگلبي امين
ترخصنا منو وعگبنا لدارنا ابويه دحك لنا بخوف من دشينا لان شاف امي تبجي تكلمت بسرعه
ماكو شي يابه مقهوره على غياب زين
كعدت ادحك لي بقهر تنهدت ودرت وجهي منها تكلمت بصوت مخنووك
اخوك يقهر يااحميد يمشي مكسور الظهر ويتكلم گوة
سكتت مسحت دموعها دعت يارب رد زين العابدين لاهلو يارب لاتفجعهم به ماعدهم غيرو لاتختبر الشيخ به ردو سالم ومابه شي
ابويه رفع ايدو للسما وكال
امين
ساريه تبجي بخنكه هي وريهام وهاله سريت لبره من اختنگت ريمه لحكتني
كعدنا بالحديقه تكلمت
وش راح يصير بعد ليش هالمصايب ياربي الحدرت فد مرة علينا
مارديت كلام ام زين يدك بگلبي وكلت اذا صار به شي
راح اظل شايله ذنبو طول عمري لان انا الي دست بطنو وخليتو يهج من دار
اهلو ريمه حجت جثير بس ولا فهمت چلمه عگبت لجوة من صاحتها امي
ظليت وحدي كاعده اهوجس به وخايفه لاينفجع عم شعلان به ويكسر ظهرو اعرف الشيخ گوي وما يكسرو شي
لجن شفتو من تصوب زين شلون انهد ووكع عرفت اذا صار الخايفين منو عم
شعلان يموت وراه
غمضت عيوني بقوه مااريد افكر بالشر ردت اتفائل اكول راح يعگب ومابه شي
امي طلعت سرت ليمي ادحك لي بغضب تكلمت
سمعتي الكلام مووو
مارديت انهدت بي
ااحاجيج يبنت
ها يايمه
ااحجي ياهيله صاير شي بينكم مجاتله الولد مسمعتو كلام يوجع
سكتت انهدت بي مرة اللخ
مااتحجين اانطقي يبنت جافصه بطنو قاهرتو يبنت بطني وهج من وراج
درت وجهي منها كملت بغضب
عش اسالج شفتج وش تكلمتي معه واحنا بدراهم شفتج ياهيله شلون قهرتي وخليتي يسري من يمنا النار شاعلتو
يمه رحمه لاهلج زين لح جثير عليه
غمتني بايدها صاحت بي
غمج الله يالما تفهتمين وج شناقصو شيخ شكبر اسمو يحبج ولج ميت عليج وحار شسوه لج حتى ترضين وانتي تكبرتي عليه جثير وذليتي وهو عزيز نفس وابن عز ولج حتى مهرة من عگبها ابوج للردي خلاها بالو وجابها لج لان يعرفج تحبيها جثير وتعزيها
وحنا بعد عزيزين نفس يايمه
ووينها عزه نفسنا ياخايبه مااجاي تشوفين شصار بينا ولج عميه انتي شوفي حالنا
شوفينا وين لچينا بدار اهلو وهو يركض لنا وابوه معه
ماايغزر ياهيله مايغزر بج الكاعد يسوي لج هو وعمج الشيخ وج ماكسر عينج
الزين هذا كلو
التزمت الصمت تحور يمي والغضب تارس ملامحها كملت
وج الولد هالواحد لاهلو قهرتي ليش ماكدرت تسدين حلكج وماتردين ماقهرج عمج
ماشفتي شلون صاير مكسور ظهر واذا صار به شي للزين لاسامح الله يموت ولج ماايظل والله
شاحجي كلامها صدك جفصت ويا جثير وقهرتو كرهت روحي كلت لو عايفتو يحجي وماارد واقهرو جان ماهج جان ظل
حد اهلو وبدارهم
امي ظلت تلوم بيه واكلت گلبي اكل بذيج الليله مانمت من التفكير دعيت
له يردو سالم لخاطر امه وابوه وحتى مايظل ذنبو
برگبتي
🌿🌿🌿🌿🌿
زين العابدين
احنا بالفله مخيمين بعيدين مسافه طويله عن ديرتنا سمعنا بنص الليل رمي ثگيل كمت من فراشي انا والولد دحكنا من جهه طريق الموصل فزاع سال
وش صاير ياساتر يارب
ياولد لمو الغراض خل نسري ونشوف وش صاير
تكلمت وسريت ليجدام ادحك للسما اشتعلت عكدت حواجبي وگلبي نغزني
كلت بس لا هوجاس ابويه تحقق ركبنا سياراتنا سرينا للشارع بعيد مسافه عنا
الصوت سكن لجن نشوف لهبه نار مشتعله من بعيد طفيت الضوه مال سيارتنا
والولد هم طفوه اضويتهم
وكفت ووكفو وياي نزلت ادحك من بعيد تكلمت
خل نسري بهدوء نشوف وش العلوم وشصاير
سرينا گربنا من الشارع مسافه لمحت اليات محتركه وتفتر يمهم سيارات تبع الشرطه عوض تكلم
هذوله ربعنا
راد يسري لهم لزمتو وانا عاكد الحواجب
خير يازين
دحك للعلم
جان علم اسود يرفرف فوك السيارات ماهو علمنا ولا شايفو من قبل
عگبوو
وش بك
ماهم ربعنا عگبو بسرعه
عگبنا لسياراتنا ركبنا عوض دك هورن السياره صحت به
يووول شسوويت
بلحظه صار رمي علينا وكثيف صحت
ااطلعو
طلعنا كلنا من المچان نسري بسرعه بالمرايه
شفتهم اجوي ورانا دست
بسيارتي والرمي علينا
ياازين عوض اانگلب راح هوو وساير
فزاع صاح وكفت السياره جريت رشاش وهو هم السياره الثانيه نزل منها عبد الله وحسن سيارتين جايات ورانا رمينا عليهم
رمي كثيف وحده انگلبت
واللخ حدرت ووكعت بنگرة غميجه
شوووفو الولد
صحت باعصاب تقدمت على سياره الي بالحفره واحد طلع مجروح وينزف
سحب مسدس عليه جتلتو
بكاعو
اللخ جان ميت وفاطس
درت روحي بسرعه سريت لعوض شفت فزاع يم سياره اللخ تكلم من شافني
ذوله ميتين
ماجاوبت عيوني على عوض وساير مكسرين والدم يفلت من راسهم وجسمهم
جروهم من جوة السياره وخلوهم بالكاع يونون من الوجع
بسرعه شيلوهم خل نعكب بهم للمستشفى
شلناهم وخلينه عوض يمي وساير يم عبد الله طلعنا بسرعه من المچان للشارع
العام دنصل لديرتنا سرينا
مسافه من بعيد لاحت لنا سيارات كاطعات الطريق
درت سيارتي من شفت العلم نفسو وطلعت على الترابي صار رمي علينا لجن
الله سلمنا من الموت
اخذنا طريق بعيد عن ديرتنا لجن يوصلنا لها عوض يون من صوابو الفجر طلع علينا
واحنا بعدنا بالچوله،،
فزاع سال
من ذول وعش حاركين سيارات الجيش وليش رمونا
عدوو ذوله مادام حاركين سيارات الجيش وماخذين مالات الشرطه عدو لنا ولهم ياافزاع
جاوبتو بغضب سرينا مسافه
وشفت سياره عبدالله وكفت هديت ونزلت من سيارتي خايف على ساير
صحت
ها وش به
يريد يذب من راسو يااشيخ
نزلو ذب من راسو واشوفو صار فد مره غسلت له انا وحسن وشربنا مي تكلمت معه
گوي روحك ياخويه هساع نصل ماظل شي
مارد تعبان ووجهو غده نوميه صعدنا بالسياره وعكبت نهبت الطريق نهب
اريد اصل ديرتنا
ماجنا نعرف وش صاير ورانا والجهاز الي نتصل به والمتصل بالقمر الصناعي نسينا هالمره ومااخذنا معنا لاحت لي ديرتنا وصلت للشارع العام ودست بسيارتي
🌿🌿🌿🌿🌿
هيله
الضحى كملنا خبز انا وريمه شالتو وراحت به للمطبخ غسلت وكعدت اقره قران قبل اذان الظهر
اقره سوره يوسف يم ابويه الكاعد يسبح بسبحتو لان يحبها جثير وصلت نصها ساريه دشت تصيح بفرح
يااابه عگب زين
ابويه فز من مچانو راد يكع كمت بسرعه لزمتو صحت
الله يابه
امي اجتي تركض من المطبخ صاحت بفرح
صدك ولج عگب الزين
ريهام ردت من دشت وراها
اي يمه لجن حالهم حال
عباتي وينها جيبوها خل اروح اشوفو
ابويه تكلم گوة
خذوني اله
يابه انت ماتكدر
اشر الي بنافذ صبر لبره
امي لبست عبايتها اجتي لزمته وانا رحت لبست صايتي واجيت ويا لزمته وي
امي طلعنا خواتي الصغار راحن يرگضن لدارهم من بعيد شفت سياراتهم واكفه يم المضيف تكلمت
يابه اظن هم بالمضيف
اشر اسرو بي
گربنا عكدت حواجبي من شفت سياراتهم كلها منخرة رصاص الحرس شافونا اجوي بسرعه
وخرت انا وامي من گربو لزمو ابويه واخذو للمضيف
راح اروح للشيخه اكرر عيونها بابنها
روحي يمه انا راح اعگب للبيت
ماحجت شي هي سرت لهم راحت لدارهم وانا عگبت لدارنا وره ربع ساعه وكالت ذوله الي احتلو الموصل متعرضين لهم ورامين عليهم عوض وساير
متصوبين ،،،، وزين والويا الله سلمهم من الموت
حمدت الله رد مابه شي حتى مااشيل ذنبو ويظل بركبتي طول العمر
صليت الفرض والسنه كعدت اسبح باصابعي كمت بالازار سمعت صوتو بدرانا طلعت من غرفتنا انا وخواتي باب الهول صاير كبال الموزع الي به غرفنا
رجعت ليوره من شفتو،،،،
واكف وسادو بطولو مديت راسي دحكت له لابس فانيله وسروال اسود وشاد راسو بغتره سوده وجوزي مترب بتراب ومبين علي التعب
تايحجي وي ابويه ويكول
لاتعب روحك ياعم ارتاح واذا تريد تشوفني دز عليه ساريه
ارتاحيت يابه من شفتك
ابويه رد امي كملت بخنكه
اخذت حيلنا بهل الغيبه يالغالي
عيوني راحت لوجهه ابتسم ونزل راسو رد
يعز غاليج ياخاله وانطيج من حيلي انتي وعم حميد اذا جاسكم التعب
اكعد ياولدي عش واكف
اروح ياخاله ارتاح شويه لان صارلي يومين امشي بجوله وعره
روح يمه الله يحرسك من كل شر
امي ردت سمعت ساريه تكلمت
يازين لاتروح بعد اكعد هينه اخاف عليك من ذوله الجلاب
سكت مارد
مديت راسي اريد ادحك له عيوني صارت بعيونو عگبت بسرعه تكلم بصوت مخنوك
لاتخافين عليه ياساريه گلبي مات من زمان وكمت مااهاب شي
تكلم هيج وترخص وطلع من يمنا
العشه طلعت وي خواتي بره للحديقه عگبت اريد اشرب مي اخذت بطل وكفت سمعت امي تبجي گلبي فز كلت ابويه به شي ردت ادش للهول وكفت بمچاني من تكلمت
بنتك لا اجت ولا سلمت علي ياحميد نست فضلو علينا نست شكاعد يعمل لها
ابويه مارد كملت
شبي ياحميد الولد جاز من كلشي لخاطرها ولد طول بعرض وشيخ ابن شيوخ
وابوه رفيجك ويحبك ويعزك ووكفلنه وكفه اخ ماوكفها لنا حد
كملت بصوت مخنوك
احجي معها ياحميد تكلم انت هي تسمع چلمتك
لاتضيع زين من ايدها الولد يحبها ويودها وحار شسوه حتى بس ترضى علي
يازهيرة ماتودو مو غصب هي
يااحميد اريدها تزوج الوضع ماهو بزين اريد اتطمن عليها يم رجال يحبها ويخاف الله بيها
ياام هيله تصدكين بالله انا هم اريدها ترضى به لان اعرفو يحبها كلش،،،،، سمعتو انا وابوه بالبستان شلون يتكلم معها بحرگه گلب ويتوسل بها ترضى به وهي ترزل به ماكو رجال بهل الوكت يذل روحو لمره مره ومرتين اذا ماجان يحبها من صدك
شدكول ياحميد ابوه سمعهم سمع بنتك ترزل
به
ااي والله وفشلت منو لجن مابيدي شي شاريد احجي معها اجبرها وانا رجال مله واخاف الله
يااربي شلون وي هالفشله من هذا امو حجت وكالت كله صوجها ابني سكن الفله
من ام زين
اي يبو البنات حجت وكالت هي السبب ابني هج من دارنا ولو صاير شي بي لاسامح الله جان ماظلينا هينه من وره سواد وجهنا من وره بنتك
شااحجي يازهيره مااكول غير الله يهديها وترضى به انا هم اريدها تزوج حتى ابري همها
طلعت من المطبخ سريت للحديقه وللبستان ريمه صاحتني رديت
عوفيني وحدي
رحت كعدت بنفس المچان من تهاوشنا انا ويا صفنت للبعيد عيوني غوركت من تذكرت شهم ووعهدي معه عتبت علي بگلبي وكلت
فارگت وسريت ياشهم وخليتني للحلوك
هونت جثير يبن العم وخليت اليسوه والي مايسوه يعيرني بك
صرت علج بحلك زين وعيرني بك وكلامو دك بعظمي ووجعني حيل
شهكت بصوت مكتوم كملت
لو تحبني من صدك جان تحركت سديت الحلوك
حتى لو بحلقه لجن انت ماسويت اي شي وزدتها
من سمعت كلام خالتي واجيت ضربتني وانا مامسويه شي
بجيت بشهگه ضميت وجهي بين ايدي
اابجي ياهيله واغسلي گلبج
كمت بفزه من سمعت صوت
