رواية دخيله الشيخ زين العابدين الفصل الخامس والعشرون بقلم أوتار حزينه
الجده مزنه
كاعده بالصاله ادحك للاخبار الي ماتسر الحال
تگدر من لفه علينا بله وطاعون اسود
كام يحصد بالشباب ومافرق بين هذا وذاك
القهر تارس گلبي من الكاعد اشوفو
عش صار هالشي محد يدري
ولدي دش سلم
شلونج يايمه
بخير مااادامك بخير ياولدي
انتبهت ولدي مكدر ويهوجس بشي مرتو
اجت وسلمت
الله يساعد يبو زين
هلا يافضه
خذت البشت وعگبت لدارها كعد حدي
تحسر بصوت قوي
سالتو
خير ياولدي اسمعك تتحسر وش نوحك
بك شي لا سامح الله
مدري يمه دايخ بهل السالفه الي اجتني
على غفل
عساها ما من وراها شر
لاا يمه ماهو شر
عجل وش احجي تكلم
الشيخ معتز طلب هيله له
صفنت علي كلت
اعرفو مزوج
اي ويريد يثني ورادها لبنت حميد وكال شتريد
انا حاضر
دحكت لفوك رديت
راح يتخبل المجنون اذا سمع
ااي يايمه وماراح يسكت يحرك الاول والتالي
بس يوصل هالخبر
ابنك تولع بها وعشگها ياولدي اذا راحت منه
راح يتعلل
دخت يايمه وش اعمل مابأيدي شي اسوي له
البنت ماتريدو غصب اخذها له
متى حنا اخذنا البنات غصب ياشعلان
حتى ناخذ بنت حميد للزين
غصب
مااسويها يايمه لجن هالولد قاهرني
تاشوفي مقهور وبس يصفن
هزيت راسي باي سكت وكمل
راح اخبر حميد وخل هو يقرر يسأل
بنتو ويشوف ردها
كام لزمت رجلي تكلمت
على هونك ياولدي خل انا اتصرف
دحك لي كملت
انا اتكلم معها واشوف ردها
وحميد يايمه ماايعرف
لا يمه يعرف عكب مااتكلم مع هيله
خل امك تصرف وانت عليك الصافي والزين لاحد يگله خل راكد لايتخبل علينا
هز راسو باي وعاف الموضوع لي ثاني يوم
سريت للبستان اكعد به وادز عليها اتكلم معها
الحظ جابها جدام عيوني وشفتها كاعده
تنوح وتبجي
🌿🌿🌿🌿
هيله
كاعده وحدي بالبستان ابجي من قهري
ومن الكاعد احس به مخنوكه ياربي ومااعرف
شلون اتصرف
اابجي ياهيله واغسلي گلبج
كمت بفزه من سمعت صوت الشيخه دحكت
لها صافنه عليه كملت بحنيه
اغسلي يايمه من الهموم حتى ترتاحين
منها ويبرد كلشي بيج
مسحت دموعي گربت ليمي كعدت على عثك
النخل اشرت بايدها وكالت
اكعدي حدي
كعدت يمها ساكته وادحك للاشجار
تكلمت بعد دقائق
هذني كلهن انا وجدج الشيخ زرعناهن شجرة
شجرة
اشرت بأيدها عليهن
هاي النخله تمرها برحي وكل سنه تطرح
خير وبرگه
الله يزيد ياجده
ااي يايمه اهوجس كلو هذا راح يروح
گلبي يكلي ماراح نظل هينه من وره هالبله
الاسود الي لفه علينا
دحكت لها سانده حنجها على عگازها
مدكوك ثلاث دكات وهلال بين الحاجب
وايدها هم داكه بيهن معصبه بعصبه
سوده دارت وجهها عليه
كملت
خلج گويه مثل مااعرفج هساع الحريم
والزلم لازم تكف ايد واحده بوجه هالغيمه
السوده الي لفت علينا وشلون مااشوف
راح تحرك الاخضر واليابس
هزيت راسي باي سكتت صافنه للبعيد
تكلمت
ياهيله الشيخ معتز طلبج من عمج الشيخ
وكلو يتكلم مع ابوج بهل السالفه
دحكت لها وانا عاكده الحواجب
كملت
الزلمه مايعيبو شي شيخ وابن اصول ونعرفو
كلش زين لجن هو مزوج حرمه يعني انتي
راح تصيرين الثانيه
درت وجهي وصفنت على الاشجار
سالت وش رايج يايمه
ياشيخه مو انا الي انزل
على ضره ولا اقهر حرمه مثلي
ابتسمت وسالت
لو مامزوج تقبلين به
لاااا ياشيخه مااقبل به
ماراح اسالج ليش اعرف السبب لجن اكلج
الحي ابدى من الميت
وانتي بعدج
حديثه يايمه حرامات تظلين
تنوحين على بشر راح
وبعد مايعگب
تتكلم معي اسمع وگلبي كال راح تجيب طاري زين دحكت لي مبتسمه
جن عرفت الكاعد افكر بي
اسالج ياهيله
اسالي ياجده
وش رايج بزين
سكتت مارديت تكلمت
ردي يبنت ماازعل من چلمه الحگ
ياجده زين شجاع مايهاب احد گوي واخوه خيته عند الحاجه لجن
لجن شراب عرك وابو نسوان
مارديت هي كملت
اي صح هو هيج لجن بطل وركد صارلو شهور يمنا من رادج وحبج
ياجده ابو طبع مايغير طبعو
ابتسمت وردت
هم صح مااضمن ماايحن لذاك الدرب
سكتت هي كملت وره لحظه
ياهيله انا رايدتج له واتمنى ماترديني
عكدت حواجبي
كملت بهدوء
اقبلي به لخاطر عمج الشيخ لخاطري
انا جدتج الشيخه
عبالي ادكول لخاطر ابويه ووضعو كلت راح
تستغل هالشي صفنت بعيوني
ابتسمت وكملت
مو انا الي الوي ذراع بنت بابوها
خجلت منها ودرت وجهي كملت
عزه الله ماااجه بالي استغل حالكم
والصار بيكم لجن اشوف ولدي تعبان من
الكاعد يشوفو بزين وانا هم مقهوره عليه
ابويه اجه بين عيوني حاله وحالنا الوضع الي
حنا بي وباي لحظه مانعرف شيصير
بينا ردت سند لي ردت حزام ظهر بدون منيه
ولا اتعير بعدين بالزين
الي يسوو النا هو صار بين عيوني گلبي انقبض بس فكرت اصير له وتجمعنا غرفه وحده
الحجيه عبالك تقره افكاري
احاجيج يبنت العرب
كولي ياشيخه
اقبلي به لجن خلي شرط علي
دحكت لها ابتسمت وكملت
اشرطي علي مايكرب لج
الا يتطمن گلبج له ويميل ميلة محبين يعني ياخذج
وانتي تحبيه
رديت بقهر
ياجده لاتزعلين عليه گلبي ماراح يميل له ولا راح احبو بيوم
هزت راسها مبتسمه صفنت على الاشجار
ردت
كبرت ياهيله والوگت علمني جثير شغلات
دارت وجهها عليه كملت
اول شي تعلمتو اني مااستعجل بالكلام
ولا اتكلم كلام اندم علي بعدين
صفنت بعيونها تحجي بثقه وواثقه من نفسها كملت
هو تكلم نفس كلامج هذااا لجن بلحظه عرف نفسو كاعد يكابر الغرور وعزه نفسو ماخلتو يسمع دگه گلبو
دحكت لغير جهه كملت
يجي يوم ياهيله وانتي هم ينكسر غرورج وعزه نفسج وتعرفين انتي جنتي
تحبين زين ماتكرهي
بگلبي كلت
مستحيل يجي هاليوم
كامت كالت
يالله
كمت وياها كالت
اسري معي
سريت معها تكلمت
ياهيله التعرفي احسن من الي ماتعرفي
تحزمي بولدنا وخليه سند لج بهل الدنيا
زين صح به جثير عيوب لجن عند الشده والمحنه تلكيه واكف حدج يفزع
بروحو لو عزتيها بيوم
مارديت هي هم بعد ماتكلمت شي وصلتها للساحه ،،،، گبال دارهم
قصص وروايات عراقية
كرار صلاح
وكفت جوه شجره
سرت وراحت للدار دشت
زين طلع من المطبخ صار بوجهها ابتسم سلم عليها
وحبها من راسها رفع
وجهو شافني
عكد الحواجب اندارت دحكت لي نزلت راسي وعگبت لدارنا،،،،
ايام مرت والوضع زاد مانقص المدينه
ماظل بيها اي منتسب لا جيش ولا شرطه
هدد صارت اجوي البشمركه ولزمو المدينه وانتشرو على حدودها
اسمع عمي الشيخ و زين يرحون ويجون على امر الفوج مالتهم هم وجم شيخ حتى يعرفون شلون راح يحمون الديره من اي هجوم لذولاك
كلها متحزمه بالسلاح وتفتر بالديره وحواليها
بنات عم شعلان لفن يم اهلهن هن وزلمهن
وجهالهن كعدن يمهم
خاف يصير شي مو زين
سمعنا صگبان الردي طالع من الديره هو ونسوانه هد ربعه وناسه وخلاهم بله
واحد جبير يدبر حالهم
كال ياروحي وانهزم بالغالي والنفيس
عمي الشيخ اجه بليل وكعد يم ابويه اسمعو يتكلم معه
ياخويه شور عليه وش اعمل دخت مااريد اتحمل وزر الناس ولا وولدهم خاف
يصير شي وتكع الاوادم ويصير ذنبهم برگبتي
ياشيخ سامع شي
سمعت جثير شغلات صايره بالموصل والسمعتو
شيب شعر راسي شغلات ماتنحجي يبو هيله يكولون ذوله استباحو كلشي
سكت سمعت جهازه
دك رد
ها يازين لا.. انا يم عمك حميد تعال يمي
سد الخط ساريه فزت بفرح وطلعت بره هي وريهام تنتظره وامي تكلمت بخوف
يابنات جهزن الجنط اظن ماراح نظل هينه
وين نروح يايمه
وين نروح يايمه مع عمج الشيخ وين مايروح
نسري معه ماعندنا غيرو هو و زين
حجتها بقهر نزلت راسي سمعتو دش وره دقائق سلم
شلونك ياعم
هلا ياولدي كل الهلا تفضل اكعد
زاد الله فضلك
ساريه تكلمت
زين تريد جاي هيله مسويه كيكه تخبل وهااا سوينا محلبي راح اروح اسويلك
صينيه مرتبه
لاتعبين روحج مااريد شي
ازعل يازين
ههه لا كلشي ولا زعلج روحي بس جثري لان جوعان كلش
اادلل
طلعت تركض من الديوانيه وريهام وراها امي تكلمت مع ريمه بهمس
كومي معهن هساع
يثربن المطبخ
كامت بسرعه عليهن سمعت ابويه سالو
بعدك تسري حوالين الديره يازين
اي والله ياعم كلشي يصير الغافل يضيع بهل الهوسه
اي والله الله يجفينا شر هالايام
امين يارب
عمي رد وكمل
يبو هيله انا مااضمن البشر عگب الصار لا جيش ظل ولا شرطه واخاف هم ذوله يهدون كلشي ويخلونا وحدنا اكول حضر روحك ،،،
خاف يصير
الي خايفين منو حتى تسري بالعجل معنا
امي دحكت ليه بخوف هاله لزكت بها
زين تكلم
يابه اذا تسري انا اظل هينه مااهد دارنا ولا ديرتنا
لاااا يازين تسري معنا انت الي راح تاخذ بيت عمك وتطلع بهم اذا صار الي خايفين منو
يابه شلون نهد كلشي ورانا هاي مو مرجله شلون تريدين انهزم واعوف كلشي لذوله المايخافون الله
العرض اغلى من كلشي ياولدي
سكت بعد مااتكلم
امي خرمشت وجهها وكالت
ووج سمعتي الكلام عزه العزاني اذا صار الخايفين منو وولجن وين اوديجن وين اضمجن عن عيون ذوله اذا لفو يمنا
روحي اختنگت من السمعتو ساريه اجتي هي وريهام شايلات صينيه تعلوله دشن بها لجوة
سمعت زين تكلم
عاشوا والله خل اضرب بالخمسه
بالعافيه يابه اكل
يازين ديربالك الجاي حار خاف يجويك
اوف يالحنينه شكثر تحبو لولدي
سمعت عمي الشيخ تكلم ساريه اجتي من يمهم خجلانه والخدود حمر
هي وريهام
امي ادحك لنا بخوف ووجهها انخطف لونو رددت بقهر
هم راح يتفضلون علينا هم راح نلفي معهم بس يصير الخايفين منو
سكتت من دموعها نزلت كملت بخنكه
انا مو خايفه غير عليجن وعلى ابوجن القهر راح يجتلو من وره العوز وهم الكاعد يصير بنا
غمضت عيوني بتعب عقلي يكلي اقبلي بزين خلي يصير سند لج من يصير زلمتج راح تخلصين من الهم وراح يشيل وياج مسؤوليه اهلج
بدون مايحسون بالمنيه والقهر
اختنگت من فكرت هالتفكير گمت طلعت بره اريد اگعد وحدي اريد اشتم
هوه لان حسيت روحي فرفحت من القهر احاجيها واحاول اقنعها بي اردد
لخاطر ابويه اقبل بي لخاطر مايصير به شي لا هو ولا امي وخواتي راح اقبل به
گمت من اجه بالي راح تجمعنا غرفه سوه ويلزمني غمضت عيوني بقوه هزيت
راسي بلااا رددت
يارب ما اطيقو ولا احب شوفه وجهو شلون يصير زلمتي شلون اگعد معه بغرفه وحده شلون اخلي يلزمني وانا ما اتحمل نظره من عينو
اقبل بشيخ معتز وهو متزوج واكسر ظهر مرتو
ما اگدر مو انا الي اسويها
وبعدين انا شمعرفني به شفتو مره ويجوز يطلع انگس من زين
وگفت بنص الحديقه ادحك بيأس للبستان هو بين عيوني وكفاتو ويانا ركضو النا كلشي سواه النا خير جثير وغطانا به
تذكرت كلام الحجيه
اقبلي به لجن اشرطي علي مايلزمج الا يهواه گلبج
وگلبي ماراح يهواه طول العمر شلون يظل هيج متحمل ما ايلزمني شلون وانا اشرف نظراتو فاضحتو
دخت وراسي افتر سريت رايحه جايه ادحك للديوانيه بقهر خواتي طلعن يمي شافن حالي ريمه سالت
وش بلاج وجهج غادي دم
مابي شي لا ااحد يسالني
نترت بها صفنت عليه سريت من يمهن ودشيت للبستان صار مچاني الي انهزم له من الكاعد يصير بينا وهوسه عقلي
ووتعب روحي
سريت بها دمعتي بعيني اتذكر دعائه عليه واردد بقهر
شنو بينك وبين الله كلما تدعي عليه يصير الي تريدو شنووو سرك يازين وانت شراب عرگ و زاني
وكفت بنص البستان تايهه احس تيهت حتى روحي كمت مااعرف شاريد وشلون افكر
مره اكول ارضى به كلشي ينحل عدنا وابويه يرتاح ويسند روحه علي بدون منيه لان راح يصير نسيبه وسند الو ولامي ولخواتي
اصفن لحالي مااحبه ولا اكدر اسلمو اي شي لاجسد لا روح لا گلب
دموعي نزلت رددت
گلبي رغم السواه شهم ظل وفي له ظليت احبه اله هو ماكدرت افكر اصير غير له
كعدت بارض البستان ابجي بشهكه مكسوره ومااعرف شلون اتصرف اذا كلت
اي على زين كلشي يتعدل وابويه يرتاح من التفكير
واذا رفضت راح نظل هيج عاله عليهم
🌿🌿🌿🌿🌿
زين العابدين
عگبت من بيت حميد وسريت لدارنا ساريه صاحتني
ياازين
وكفت اجتي علي تركض وكفت يمي
دحكت للبستان اشرت
له بحزن
هيله دشت هينه راح تبجي مثل كل يوم
عكدت حواجبي
كملت بخوف من لزمت دشادشتي
خايفه عليها لا تمرض مثل ابويه هيله حزينه يازين اعرف گلبها يوجعها لجن هي ماتحجي كاتمه كلشي به وخاف هم تكع مثل ابويه
رديت
لاتخافين عليها اختج گويه وسبعه
اي ابويه هم سبع وگوي لجن وكع وتمرض
ذبيت حسره عيوني على البستان ريهام صاحتها ردت
اجيت اروح يازين
روحي الله وياج
ظليت واكف وحدي،،، صافن على المچان الي هي به سريت لها وكفت عگبت لدارنا ترددت درت روحي جن اسمع صوت بجيها
يوصلني جن اشوف دمعها
يحدر وگلبي انا اليوجعني سريت لها دشيت البستان ادور عنها بعيوني سمعتها تبجي شفتها من بعيد كاعده بالگاع وتشهك
صرت وره عثك نخله سندت روحي علي وغمضت عيوني
رددت بقهر
ياريت يستاهل هالدموع ياهيله تبجين على واحد هون جثير وماكلف خاطرو
يسوي الشي الي يسد حلوك الوادم بي
كامت مسحت دموعها عگبت لدارهم طلعت من ورة العثك وكفت دارت روحها بسرعه شافتني
صفنت عليه
ردت اعگب صاحت
يازين ااكف
وكفت بمچاني درت روحي واكفه بمچانها ادحك عليه بقهر ذبيت حسره ورديت
وش تريدين ياهيله
نزلت راسها عيوني راحت لايدها لزمت ثوبها بگوة رفعتو صفنت علي تكلمت بوجهه مطعون
انا قابله بالي تريدو
لجن بشرط
گلبي راد يفرح ردت اصيح بعالي الصوت من فرحتي،،،،
لجن شكلها خلاني اعكد
حواجبي وادحك لها بتركيز كالت بشرط
رديت
اسمعج ياهيله كملي
سمعتها ذبت حسره وصلني صوتها كملت بدون ماادحك عليه
اصير لك زوجه لجن ماتلمسني الا يطيب
گلبي من يمك
انا مو غشيم عرفت هي قبلت من وره حالهم
ومن وره دين عمي وافضالنا عليهم وشرطها هذا اكد هالشي
كلت اقبل ويجي يوم وتحبني مثل ماانا احبها اصبر عليها الما تطيب نفسها مني
رديت
عهد الله ماالمسج الا بعد مااسمع منج كلمه يطيب بها گلبي
دحكت عليه بعيون مغوركه تقدمت عليها دارت وجهها مني وكفت مسافه كملت
ياهيله عز الله ماراح تندمين انج وافقتي تصيري
حليله لي بعيوني
خليت ايدي عليها وكملت
راح اخليج غاليه يبنت عمي وغلاتج جبيرة بگلبي
سكتت للحظه كملت بغصه
يازين خل عمي الشيخ يطلبني من ابويه واعتبر دينو مهري
عكدت حواجبي من سمعت كلامها رديت
عز الله مااهو دين عطيه من كريم لكريم ومهرج يجي ليمج وفوكاه حب هيل ومسج
لااا يازين هذا شرطي تقبل به انا لك ماتقبل ارجع بكلشي
سكتت وكلت خلها بعدين من اعقد عليها اسوي الي اريدو
سمعتني يبن الشيخ
سمعتج يابنت العرب
دارت وجهها تكلمت كوه
اروح
روحي يبعد حي وميتي
وكفت بمچانها صفنت علي ابتسمت
كلت
أوعدك هالقلب غيرك مايجي فيه لو مرّت الأعوام عام ورا عام
ظلت صافنه عليه للحظه عيونها بعيوني نزلت راسها وعگبت ابويه جان يم عم حميد ماانتظرت لباجر خاف تغير رايها عگبت لهم دشيت ابوي صفن علي هو و عم حميد
كعدت يمو تكلمت والفرح بگلبي شكبره
ياعم انا طالب هيله منك
صفن عليه ابويه هم تكلم
يازين ماسدينا هالسالفه
يابه خل يسالها ويشوف رأيها
ياوليدي انت تعرف رايها
رد بخجل وهو يدحك لابويه الي يخزر بيه كملت
ياعم اسالها وشوفها بلكي غيرت رايها
ابويه عكد حواجبو ظل صافن عليه شاف وجهي يضحك تكلم مع عم حميد
ياخويه اسال بنتك وشوف رايها
صفن علينا ماكال شي كام من يمنا راح لجوة الشيخ سالني بغضب
ووش صاير تكلم
يابه هيله وافقت عليه
رديت بفرح صفن ورفع حواجبو رد
صدك تحجي
اي يابه هساع من طلعت من يمكم تكلمت معي وكالت انا موافقه عليك
ابويه عكد حواجبو تفرس بملامح وجهي سال
يازين ليش احس اكو شي مضموم بهل السالفه
لااا يابه ماكو شي
سكت بس ظل صافن لي عيوني على الباب الداخلي
دقائق مرت طويله وعگب ابوها وكال
بالخير عليك يابه هيله وافقت عليك
🌿🌿🌿🌿
وسيم
اكثر من مرة شفت نوار اخت مالك وبكل مره
من اشوفها ابتسم وي روحي واتذكر شلون حركت الطاوه وجرتني من ايدي لبيتهم حتى اطفيها
وتكررت شوفتي الها،، من ورة كيتي الي تعلمت
تروح عليهم... الايام مرت وصارت بينا نظرات اعجاب ردت اصارحها اشوف هي تحس نفس احساسي حتى اعرف شلون اتصرف
وي حظي انهجم البلد للمره المليون الموصل احتلت من جماعه ما نعرفهم منو بس وي الايام
عرفنا اسمهم داعش
قتلو الجيش والشرطه وكل واحد اعترض ووكف بوجههم صارت مذابح
وكلنا الطائفيه هم رجعت وراح تحرك الاخضر واليابس كاعد بالمكتب نباوع للاخبار
مالك متوتر سالته
اهلك بربيعه بخير
هم مو بربيعه بقريه بعيده مسافه عنها بس تعتبر تابعه الها هسه ماكو شي يمهم بس خايف لا هالنار توصلهم
خلي يجون هنا
رد عاكد الحواجب
منو يجي عمي الشيخ لو زين العابدين يموتون ولا يسلمون كاعهم
صفنت عليه وجاوبته
بس تره هم مايكدرون يسون شي انت دتشوف
الجيش انسحب هو والشرطه
اي داشوف واعرف عمي مستحيل يهد گاعه
وارضو لا هو ولا ابنو
غلط هيج راح يخسر روحه هو وابنه وكل اليوكف بوجههم ماشفتهم شسوو
ذبح وقتل بكل مكان
انت ماتعرف احنا منو نموت ولا نسلم كاعنا
وخصوصا شيخ شعلان مايهاب احد وجلمتو وحده
اموت ولا اسلم كاعي لاحد ومو انا الي اهاب الموت هلا به اموت رافع الراس ولا يكولون انهزم وعاف كاعو للغريب
سكتت اجتي صورته بين عيوني من عزمهم
لبيته شيخ طويل وضخم هيبه من يمشي وابنه مثله بالطول والهيبه بس اشكر مو اسمر مثله كلت
الله يحفظهم من كل شر
اللهم امين
كملت شغلي من وكت وطلعت من يمهم
مالك راح بشغل واني رجعت لبيتنا وصلت عيوني على بيتهم اريدها تطلع واشوفها
بيتهم ظلمه سمعت صوت بجي تاليا بالكراج واكف يم بابنا ابوها اتصل رديت
ها مالك
وصلت لبيتكم
اي وصلت خير صاير شي
يرحم عمي الحجي شوف الجوزه مال المولد
شبيها طافيه
ليش هي مو الكترونيه
اي بس الظاهر ست نوار محملتها جثير وظلت تفصل الما قفلت
هسه اشوفها الك
اي والله شوفها وخابرني من ترجعها
ادلل
سديت الخط ورحت للكابينه فتحتها شفت
اثنين فاصلات رجعتهن بيته رجعله الضوه
رجعت لبيتنا اريد اتصل بي بابهم انفتح رفعت راسي شفتها هي شايله تاليا
وكفت وابتسمت كلت
اجاكم الضوه
ابتسمت وكالت
اي ماتشوف البيت ضوه
ابتسمت وظليت صافن عليها سالتني بخجل من شافت نظراتي
اخويه خابرك
اي مالك اتصل بيه ورجعته الكم
تسلم
رجعت لجوه حجيت بسرعه
نواار
وكفت باوعت للشارع ماكو احد ارتبكت وتوترت مشيت خطوه حجيت بصعوبه
ااني يعني ااريد ااكلج شي
هاا شنو هو
فرگت ركبتي بتوتر ترددت خاف اسمع كلام يقهرني رفعت عيوني الها حجيت
اني معجب بيج
وجهها احمر بلحظه نزلت راسها كملت بسرعه
يعني ااريد ااخطبج شدكولين
سكتت وطولت
باوعت لها بخوف كملت بصوت مخنوك
لاا مو نوار
ردت علي بأرتباك وتوتر وهي خاتله وره الباب
لاااا هاي اي
ماافتهمت لااا
ااي ااي
كالتها بسرعه وطبت جوه ابتسمت بفرح
واني صافن لبابهم واردد
كالت اي ولك وسيم موافقه
جهازي دك جان مالك تماسكت بصعوبه فتحت الخط وجاوبت
رجعت الجوزة
تسلم وبارك الله بيك
محتاج شي
لا سلامتك اخذ راحتك
سلم وراح مشيت اضحك وي روحي وكلت اكعد وي اهلي واكول الهم اريد اخطب نوار اخت مالك
🌿🌿🌿🌿
ليان
بليل على العشه اخويه فاجأنا من كال
بابا ماما اريد احجي وياكم بموضوع انتو وليان
خير وسيم صاير شي
خير بابا يعني تعرف اني كلت الك جمعت فلوس حتى ازوج بيها وجمعت خير من الله وكلت اتوكل واخطب
ابويه فرح هو وامي ردت علي
اي ماما ليش لاااا ازوج وخلينا نفرح بيك مو ليونه
هزيت راسي سالته
منو هي نعرفها
باوع عليه رد مبتسم
اي اخت مالك نوار
عكدت حواجبي امي
باوعت لابويه ساله
ابني اكو شي بينكم يعني
انت عندك شي وياها
لاا بابا كلشي ماعندي وياها ولايروح بالك لبعيد اكلك اكو نظرات اعجاب بيني
وبينها وغير شي ماكو
بابا سكت وهز راسه سالته
وانت شمدريك هي ترضى بيك
ابتسم ورد
سالتها ليونه اذا اجي اخطبج تقبلين بيه
وكالت اي
التزمت الصمت اباوع اله فرحان ووجهه يضحك ماشفته هيج صارلي فتره من صار الصار وهو مهموم وضحكته صارت عزيزه
بابا حجه
وسيم ماايصير تحجي وي البنيه من ورة ظهر اخوها عيب بابا هو صديقك ومأمن بيك المفروض ماتوكف وياها وتحجي بهيج موضوع بالشارع
اعرف،،، غلط السويته بس ردت اتاكد ويتطمن گلبي هي موافقه عليه يعني ردت ارتاح من الكاعد افكر بي
ماما حجت بفرح واعجاب
والله البنيه حلوه وشايله اخلاق بعد احلى تنحب وبس تضحك من اروح عليها اجيب كيتي شلون تستقبلني استقبال حلو وتريد بس اكعد يمها
عيوني راحت لاخويه صفن مبتسم بابا كمل
هاي هيه بابا رتب امورك واني راح انطي خبر لمالك الاهل راح يجون عليهم حتى يحجون بموضوعك انت وياها
بااجر بابا
اخويه رد بلهفه ابويه ابتسم باوع لامي رد
ادلل باجر احجي ويا
🌿🌿🌿🌿🌿
مالك
كاعد بالصاله واحجي وي زين لان الوضع يمهم مايبشر بخير وهم بشرني
خطب وراح يعقد هالايام
صدك ولك راح تزوج
اي والله الي يريدها الگلب وافقت اخير
منو هي اعرفها
سكت كملت بضحك
ههه عبالك اعرفها منو گرايب
هي گرايب ومو گرايب
عكدت حواجبي رديت
كاعد تحشش ولك
لاا والله بس هي هيج
ااي دكول منو وفضها عاد
بنت عم حميد
فكيت عيوني كمت لحيلي صحت بي
منووو هيله بنت العرب
ضحك ورد
هههه اي شبيك مو مصدك
كعدت صافن ومذهول كلت
ولك هاي شلون قبلت بيك وهي مثل ماشفت تكرهك وتموت منك شنو نست السويته بيها بذاك اليوم واانت انت
يازين اعرفك ماتحبها ولا تطيقها شجاك هساع تريد تخطبها لاا وادكول الرادها الگلب
سكت سالته
يول احجي عقلي ماجاي يصدك هالبنيه رضت بيك واني وانت نعرف هي
ماتودك ولا تحبك وانت نفس الشي
صارت سالفه طويله يبن الخاله من اشوفك
احجيها لك
صفنت على السمعتو بعدين كلت
يول ماتجون عاد هنا مو الوضع مزروب بيه يمكم شيريد عمي الشيخ يوكع واحد منكم يله يجيبكم وتجون
يامالك شلون تريدنا نهد كاعنا وارضنا ونعوفها
للغريب
ولك ياروح من بعدج روح انتى اعمى ماجاي تشوف الكاعد يصير ذوله زحفو لكل المدن ووحده وره اللخ كامت توكع بايدهم وهساع بغداد داخله
انذار من وراهم
هاي انت كلت بغداد دخلت انذار من وراهم شلون تريدنا نجي عليكم وهي كل
الطرق انسدت
روحو لاربيل انتو قريبين عليها ساعه زمان توصلون الها
ولك انت شبيك اكلك عالكه بكل مچان حتى اربيل مانگدر نوصلها
يعني شنو انحصرتو هناك فان حظكم اذا صدك صار هالشي
مدري خلي نشوف الوضع هساع احنا ماكو شي
يمنا هدوء لجن مااعرف اهوجس وراه راح تعلك يمنا
فال الله ولا فالك ان شاء الله مايصير الخايفين منو
ان شاء الله
اكلك صعب وحمد شخبارهم
ذوله العارات هجو لاربيل خالك لم عيلته وطلع لاربيل جثير ناس هجت منا
يارب سترك شجاي يصير بهل البلد
مدري مالك الله وكيلك شليله وضايع راسها
اخذت نفس طويل من جكارتي وسالتو
عجل انت شلون راح تعقد وتزوج بهل الوضع
لازم اعقد مالك مااكدر اتاخر جثير
يول شنو السالفه عقلي ماجاي يصدك انت وهالبنيه راح يجمعكم بيت واحد وليش بهل الوكت بالذات والدنيا مگلوبه
كتلك سالفه طويله من نتشاوف احجي لك
صفنت وسالته بسرعه
يول مسويلها شي ااحجي تكلم كاسر البنت سويتها ياازين كسرت خشمها
لبنت العرب
ااستغفر الله ياربي شبيك يول ليش هالظن السوء
انهديت بي
موو شفتك يااحظي شسويت بذاك اليوم
عهد الله مااسويتلها شي البنت مثل الورد وذيج كاعده بدارها ويمنا
شنوو شجابها يمك
يول كتلك صارت سوالف وانا ماخابرت ولا انت من اجيك اگلك شصار
جرس الباب اندك كتلو
اترخص مدري منو اجاني
مرخوص وسلامي للاهل
يوصل مع السلامه
الله وياك
طلعت افكر بكلامو ومذهول من السمعتو
منو... فتحت الباب شفت عم مصطفى سلم
شلونك مالك
هلا عم تفضل
ياالله
طب وياي للاستقبال كعد تاليا اجتي بالحجله تفتر يمنا كام باسها وكال
الله يحفظها الك
امين عم ويحفظلك ولدك
امين يارب
نوار طبت سلمت اشوفها خجلانه منو رجعت وكمت ضيفته جكليت
شلون وسيم بالشغل ان شاء الله مامقصر بشي
لا عم وسيم وردة وشغله توب مااعلي اي قصور
الحمد لله
رد اشوفو بحلكو كلام رد وره لحظه
والله ياابني اجيتك بسالفه يعني الاهل يريدون يجوكم باجر ياريت تنطي خبر للحجيه حتى تجي تستقبلهم
عكدت حواجبي من سمعت هالكلام عرفت شيريد
رديت كوة
خير ياعم
خير ابني ان شاء الله خير باجر يحجون وي الوالده وتعرف منها الحجي
كام كمت ويا وكلت
وين ياعم ماضيفتك شي
ولا كعدت
تسلم ابني غير مرة اجي واكعد وياك
مشى واني وراه سلم ورجع لبيته وكفت بالباب صافن عليهم وعاكد الحواجب
رجعت وفتت من المطبخ نوار واكفه تغسل كوب الجاي دحكت عليها بتركيز نزلت راسها ومشت من يمي ماردت احجي شي ولا استعجل كلت خلي اسمع الحجي من امي حتى اعرف شيردون واتصرف صح
ثاني يوم الصبح جبت امي وخليتها يم نوار فهمتها راح يجن عليها بيت حجي مصطفى
افتهمت بس ماحجت شي رحت للمكتب ومارجعت لليل طريقي جان من يم مشتل ام طبع نار
من بعيد شفتها بعدها مفتحه جهازي دك جانت امي رديت
هلا يمه
هلا مالك انت وين
جاي بالطريق كولي حجيه محتاجه شي
اي والله يايمه اريد جبن حلو مااكدر اتعشه دهن معدتي ادكوم توجعني منو
ادللي حجيه هسه اجيبلج من هذا الحجي خوش
جبن يبيع
اي الله يرضى عليك دنيا واخره
وعليج يمه يله هياني وصلت يمه راح انزل
روح يمه الله وياك
سديت الخط نزلت يم ابو الاسواق الي بصف مشتل ام عطب احمر طبيت اخذت جبن للحجيه وحلويات لنوار وتاليا وجكاير اليه وطلعت
ورثت جگاره واخذت نفس
طويل ادحك للزرع التارس الرصيف هي طلعت
شافتني الخلقه تغيرت زفرت الدخان بضوجه دارت وجهها مني شالت سندانه وودتها جوه حجيت بضوجه
نفس الشعور وداعتج هم تگب الخبالات عندي من اشوفج
مشيت لسيارتي خليت الغراض ليوره رحت صعدت شغلت دحكت بالمرايه طلعت ماباوعت ولا رفعت راسها شغلت ومشيت بسيارتي جان ازدحام
ولعبان نفس
صافن اريد تفض عاد درت وجهي على الجهه الثانيه عكدت حواجبي من لمحت
هذاك العار رجلها
كاعد بسيارته مسافه عن المشتل بالجهه الثانيه وصافن عليها دحكت
بالمرايه مو منتبه له لان مسافه عنه عيووني علي وعليها وكلت هذا راح يسوي شي واحد دك هورن
انتبهت السير ماشي
استداريت بالاستداره وما اعرف ليش هيج سويت مشيت لليمها نزلت يم
ابو الاسواق هي طلعت صفنت علي من شافتني رجعت باوعت الها بعدين اله بعده واكف بمچانه ردت
احجي اكول شي بس شاحجي وهي اعرفها ماتطيق جلمه مني ولا اني اطيق احجي وياها
طبت بالسندانه رجعت للاسواق اخذت جم حاجه وكل ساع اروح للباب اشوفو بعدو واكف
ها يابه بعد محتاج شي
انتبهت للحجي سال جاوبتو
لا عم تسلم ماريد شي
قصص وروايات عراقية
كرار صلاح
شاخذت ماادري عبيت العلاكه ودفعت وبالي
مشغول بهذا الساقط طلعت ليم سيارتي هي قفلت المشتل وراحت لسيارتها صعدت واني هم
حركت عفتها تطلع جدامي مشيت وراها مباشره
عيوني عليها وعلي فاتت من يمه مو منتبهه
دحكت علي يتبعها بعيونو حرك ولحگنا من استدار ظليت اراقبو بالمرايه وكلت شيريد يسوي هذا ذاك اليوم تصوبت من وراه شبي تخبل فد مرة ماايعوفها بحالها شيريد ترجعله
بعد السواه بيها وشلون وهو ماخذ اختها
اسال بروحي واراقبه بالمرايه طبينا للشارع مالتنا هو وكف براس الفرع
نزلت من سيارتي وهي هم بابنا انفتح كيتي طلعت من عدنا امي وراها وشايله تاليا
تصيح عليها
ووج خليها تروح تريد اهلها
رحت اخذت بنتي من امي من شافتني وكامت تكمز
هلا بابا هلا بتوته
تاشر على كيتي الي شالتها ليان دحكت لبنتي ملامحها تبدلت بلحظه تاليا صاحت
ده ده
درت روحي بيها لان عرفت تريد تروح عليها مشيت بيها للبيت من كامت تبجي
حجيت وياها
خوش تعلوم ست توته كلما تشوفيها لست ليان تظلين تزحفين الها لااا والنوب الزحف صار لبزونتها الي تشبهها بالكفشه
طبيت للبيت اريد اعرف الي
فكرت بي طلع صدك لو جانو جايين على غير شي
🌿🌿🌿🌿
شهم
نايم بغرفه اون من الوجع الي براسي اسمع كل ساع رمي يصير مره گريب مره بعيد مااركز ولا اعرف شجاي يصير احس روحي ضايع متيه حتى اسمي
سمعت صوت المره الجبيرة بالعمر
ولك يمه الولد كعد،،،، ماايعرف اسمه ولا اهله
شراح نسوي له،،،،، وشلون اذا عرفو بي ذوله المايخافون الله هو يمنا يگتلو واحنا ويا
ماايصير شي يايمه اذكري الله هوايه مثله تصوبو بهل الحرب الدارت يمنا
يسالون اكول قريب لي
وجاني زيارة وتاذه
ليش مااعفته ليش جبته يايمه مااسلمته باللحظه لاي سيطرة
يمه غير ابتلي بي راح ياخذوني ويكولون انت القتلت ربعه ماجاي تشوفين شكاعد يصير بالبلد هوايه ناس راحت بالرجل وهي ماعدها شي
يارب سترك يارب عدي
هاي الايام على خير
امين يمه امين
صوت بنيه حجه
يله يمه هذا العشه تعشو وهاي شوربه الغريب
كعدو يايمه خلي ياكله لكمه يسند نفسه بيها حتى هم تضمد اله جرح راسه وجسمه
ايد سندتني ونيت بصوت قوي كال
تحمل ياخوي وساعدني ااكعد اكل لكمه حتى تطيب بسرعه وبلگي تذكر انت منو واهلك بيا مكان
حجيت گوة
انا وين
بالموصل
فتحت عيوني اريد اميز الوجوه طنين بأذني ووجع قوي يدك بالراس الحجيه
سالت
يمه ماتذكرت شي
كلشي ممسوح من راسي ماجاي اتذكر منو اني ولا من اي ديرة اجيت
منو اني وشجابني هينه
الرجال دحك لي وبعدين لأمه تكلم
ماايذكر شي من وره الصار بي
راسي يوجعني ويريد يطك من الوجع
العصر اطلع ادور الك دوه مسكن حتى مايوجعك
لا راسك ولا رجليك
شحال امك يايمه هسه ماتعرفك ميت طيب لو بس تذكر شي جان الواحد دزلهم خبر انت يمنا وبخير
هاج يمه انطي مي
سمعت صوت البنيه ملامح سمره خطفت من جدام عيوني لجن راحت بسرعه
وتبخرت
