رواية بديلة اختي الفصل الخامس والعشرون بقلم خاتون الكعبي
هدى
سارة بستفزاز : وانتي حسكتيلهم وتعوفيهم يكملون حياتهم بشكل عادي وانتي متعذبة ابيت اعيالج
هدى بكره : مو هدى التسكت عن حقهة وشاهين من الزغر مكتوب الي ومستحيل يروح الغيري
سارة : ورجلج
هدى : عوفج منة شغلتة محلولة اول مشاهين ينفصل عن مرسلين اخلي يطلكني
سارة : وشلون ينفصل عنهة
هدى بمكر : الشلون هاي خليهة علية توصلج الأخبار اذا ما خليتة يندم ع الساعة الفكر يزوجهة بيهة مطلع هدى
سارة ببتسامة : اصدكين تحمست من هسة حتى اعرف شحسوين طلعتي فعلاً داهية
هدى :هههه بعدج مشايفة شي
سارة : ههه يلة حروح امي اصيحني بس مو تكطعين تره منتظرتج ع نار
هدى : ان شألله يلة باي
سارة بخبث : بايات يعمري و......
_______________
اوتار
محمد : ع كلشي سويتة وياج ع تجاهلي الج وع كلامي وياج بذيج الفترة وع واذيتي الج وكل دمعة نزلت من عينج بسببي اني اسف عليهة
اوتار بهدؤ: وشمعنة بهل وقت بذات جاي تكولي هل كلام ليش بالوكت اردت انساك بي وانسى حبك اجيت تكولي اسف بهالبساطة وبعد كل يلي سويتة بية تتوقع ممكن اسامحك وانسى الفات
محمد فرك وجهة وهوة يكول : اسامحيني صدكيني اسامحيني بس انطي فرصة ثانية العلاقتنة واني وياج نعرف بعدج تحبيني ومستحيل تكدرين تنسيني بيوم
اوتار : اني وياك متجمعنة اي علاقة غير علاقة الأقارب لا غير يلة اترخص اخيي
كلت هيج واني ارص بسناني ع كلمة اخي
وعفتة ودخلة جوة ماريد بعد اي شي يجمعني بي لا كلام ولا حب الشفتة منة كافي و........
_______________
تقى
تقى : كول باباتي اعرفك عندك شي تريد تكولة بس متكدر
ابو تقى : هههه عوفج من هل حجي هسة وسمعيني زين
تقى: عرفت ابوية يريد يحجي وياي بموضوع مسلم
اتحمحمت اي بابة اسمعك
ابو تقى ببتسامة : شوفي بنيتي ابن عمج مسلم اليوم حجة وياي وتقدملج رسمي كدام عمامج ادري هالحجي مو وكتة وممار اهواي ع وفات المرحومة بس اريد ائمن عليج قبل لا الله ياخذ امانتة و..
تقى قاطعتا بخوف وهية تكول : اسم الله عليك بابا عمري ع عمرك ان شألله شهالكلام
ابو تقى : كلنة ع هل طريق بنتي وكل انسان نهاية جوا التراب وهسة ما كلتيلي شنو رئيج بأبن عمج اليوم حجة وياي وما ردت انطي امل بلا ما اخذ رئيج واسمعج وخلي ابالج مسلم خوش مسلم زلمة ينشد بي الظهر وما ممكن ائمن عليج غير عندة
تقى هزيت راسي بأرتباك واني اكول : الشوفة بابا انت شتفصل اني البس
ابو تقى ابتسم وهوة يكول : بارك الله بيج بنتي ربي يوفقج ويسعدج بحياتج نهة كلامة وهوة يبوس راسهة
تقى: دنكت ع ايدة بستهة وحظنتة بقوة وطلعت جان كلامة متوقع بنسبة الي بس معرف ليش احس صاير ببابا شي اشو يحجي ومثل الكأنو مهموم او مريض ويريد فعلاً يأمن علية نفيت هاي الأفكار من راسي بخوف مجرد التفكير بهذة الموضوع يخوفني ربي لا تفجعني بعزيز ثاني اعرف نفسي متحمل وممكن اموت وراه مسحت طرف عيني واني ارجع للمطبخ
و............
________________
مرسلين
شاهين رجع خصلة من شعرهة ورة اذنهة وهوة يهمس بسخرية : هالكد شايفة نفسج شي جبير بحياتي وانتي بنسبة الي مجرد طفلة مراهقة طايشة ما تعرف تصرف او تحجي صح راح اوضحلج ياهة من الأخير واكلج بنيتي لا تعلقين امال جبيرة بهذة الزواج ما اريد اجرحج بنهاية هل مهزلة هاي
مرسلين :مهزلة
شاهين برود : اكيد مهزلة وفترة وينتهي كلشي ويرجع كل واحد منة الحياتة الطبيعية
مرسلين ؛ كال هل كلام وعافني وراح غمضت اعيوني بقوا حابسة دموعي البيهة من كمية كلامة الجارح وقربت ع شباك الغرفة بخطوات بطيئة شفتة واكف يم سيارتة يحجي ويا وسام ويأشر بأيدة ع البيت بعصبية نهة كلامة وهوة يحط جنطتة بسيارة ويركبهة راح وسام فتحلة الباب وحرك السيارة من الكراج وطلع مسحت دمعتي انزلت ويا طلعتة اشكد شايفة ناس بس بحقارتة مشايفة
هديت نفسي واني اكول فترة واخلص منة وارجع البيتنة ورتاح منة ومن نذالتة كلت هيج وشمرت شالي ع الجرباية ورحت غسلت وصليت وللمغرب يلة نزلت جوة سويت عشة ويا سمر اباوع ع البيت جوا متوتر وعمو صاير عصبي سئلة سمر شبي كالتلي تحاجة هوة وشاهين كبل لا يطلع هزيت راسي وسكتت كملنة العشة وصحناهم محد راد حتى اني انسدت نفسي رجعنة الأكل مثل ما هوة للثلاجة ولملمنة البيت وكل وحدة صعدت الغرفتهة ومرة تقريبن اربع تيام ع هل وضع ومصطفى هوة تكفل بتوصيلي للمدرسة وترجعي طبعاً بأمر من السيد شاهين الي مشفت خلقتة او سمعة صوتة من يوم الي راح بي وحتى اذا يتصل يتصل بعمو لو بالولد ويحجي ويا الكل الة وياي وكل عادة عماتي مصدكن شاهين راح ظلن كل يومية جاياتنة ع ابو شردتي الولد وخنكتي نفس اختج واللوم صار كولة علية بين كول هل احداث جدو الوحيد الساكت وهادي مع انو اتوقعت بس يسمع بشاهين مسافر اول واحد حيعصب ويكلب الأمة هوة بس بالعكس لمن كلة عمو ع روحة شاهين كام يضحك ويهز بيدة بس هوة اليعرف بتفكير شاهين شنو وع شنو ناوي
طلعت من صفنتي ع صوت عمة وهية اصيحني لملمت كتبي اباوع ع ساعة بالخمسة وهسة يلة خلصت من امتحاني نزلت جوا وشفت سمر دتعدل بشالهة ومبدلة للجهال سئلتهة وين كالت رايحة لهلهي وسلمت علية وع عمي وطلعت ورة وسام كعدت يم عمة بصالة وكلت
مرسلين بتردد : اتصل شاهين اليوم
ام شاهين ببتسامة : اي يمة اتصل وحجة ويا عمج ويسلم عليج
مرسلسن : ابتسمت بسخرية واني اكول الله يسلمة لأن اعرفة مستحيل يسويهة ويدزلي سلام وسئلتهة شسوي عشة كالت لا اسوين مصطفى حيجيب ويا من برى وفعلاً للمغرب رجع عمو من بيت جدو واجة مصفطى حط العلاليك ع الكاونتر وكال
مصطفى : تعالي صبينة عشة من الصبح ع فرد وكفة وهاج هذة
مرسلين : اخذت العلاكة النطاني ياهة بستغراب واني اكول شنو هاي
مصطفى : تليفون شاهين دك علية وكال اجيبلج تليفون وهم حطيت شريحة ورقم جديد
مرسلين : ليش عندي الشريحة ذيج كولشي مبية
مصطفى : معرف شاهين كلي اغيرلج الشريحة وحطيتلج بي كل ارقامنة والبرامج الترديهة
مرسلين : ماشي شكراً
مصطفى : ولو تدللين وهسة حطينة العشة قبل لا اكلب عليج
مرسلين : هههه حاضر رحت حضرت العشة وصبيتة التمو الكل ع الطاولة تعشينة وسويتلهم جاي وغسلت المواعين وصعدت الغرفتي نزعت الشال وكعدت ع الكرويتة فتحت علبة الموبايل وشفتة نفس نوعية تليفوني الكسرة ونفس لونة شغلتة وشفتة حاط كول ارقام اهلي واخواني ومنزلي بس يوتيوب واتساب حطيت اتليفون ع الشحن ودخلت سبحت ولبست برمودة خفيفة لون احمر وجففت شعري ورجعت اخذت اتليفون فتحتة وشفت رقمة ترددت ادك علي او لا بس كبريائي جان اكبر يعني مر اسبوع تقريبن مسائل علية شكو ادك علي كلت هيج ودخلت واتساب حطيت رقم تقى ودزيتلهة رسالة * اني مرسلين وهذة رقمي الجديد * اشوية وردت علية وسئلتني ليش مغيرة رقمج كتلهة مو اني مغيرتة شاهين غير وضلينة نتراسل ونسولف ع المدرسة وسئلتهة شبيج ذاك الأسبوع كالت ماكو شي وسدت الموضوع مردت اضغط عليهة فسكتت ولثنعش دك تليفوني عقدت حاجبي بستغراب واني اشوف رقم شاهين وجاوبتة بهدؤ واني اكول
مرسلين : هلوو
شاهين برود : هلا شلونج
مرسلين : زينة الحمدلله وانتة
شاهين : تمام دراستج شلونهة احد مضايقج ومحتاجة شي
مرسلين : لا سلامتك
شاهين : يلة لعد تصبحين ع خير
مرسلين بتردد : وانت من اهله وشكراً ع التليفون كلت هيج وسديتة بسرعة احجي ويا واحس كلبي يدك بسرعة احس الشعور البداخلي غبي تجاهة وملازم احس بي بس شسوي مو بيدي كلمة شلونج منة جانت كفيلة انو تنسيني كل الكلام الكالة قبل ليروح
شفت تقى دازتلي كومة رسائل راسلتهة وترخصت منهة بحجة نعسانة وقفلة التليفون وشمرتة ع الميز وقربت رجلية ع صدري ودفنت راسي بينهن مانعة نفسي من اي تفكير بي او بكلامة و...............
________________
شاهين
عمار : كملت من الدورية ودخلت للكرفان بتعب شفتة كاعد كدام اسبلت ومريح واني منصمط الخلفي من الحر ركع الباب بعصبية وهوة يكول
عمار : ادرري جنة كااعدين ومرتاحينن بالمركزر نقلتنة اتلاف الدنية شعددنكك ما اتكلي مو طاح صبغي بهالحر والتعب من الصبح ليجاي بالدورية
شاهين برود: محد عاتب عليك وكالك تعال وياي
عمار طلع بطل المي من الثلاجة وهوة يكول : مو عيب اني اعوفك وحدك اعرفك تموت من دوني اباوعلة ضحك ورجع دنك ع الوراق البيدة شربت المي وكعدت كدامة حطيت البطل ع الطاولة وباوعتلة وكلت
عمار بهدؤ: سئلتك وما جاوبتني البارحة ليش ما رفضت هالواجب
شاهين : وليش ارفضى
عمار : يكدر اي ضابط ابمكانك يجي يحلة مو صعبة وهم المكان بعيد يعني جنت تكدر ترفضة بكل بسهولة زائدن اغلب الضباط استغربو لمن سمعو بيك نازل بهالوجب بنفسك
شاهين زفر انفاسة بنرفزة وهوة يذب القلم من ايدة ويكول : تكدر اتكول ردت ابعد
عمار بمكر : ردت تبعد عنهة
شاهين : عن منو
عمار : زوجتك صح خايف لا توكع وتروح بيهة مو نهة كلامة وهوة يغمزلة
شاهين ابتسم بسخرية وهوة يكول : ليش اني معترف بيهة حتى ابعد عنهة
عمار رفع تك حاجب وهوة يكول: لعد تبعد عن منو
شاهين برود : عن الكل اريد راسي يبرد وهسة اطلع برى اريد انام
عمار : هزيت راسي بشك وعفتة وطلعت من الكرفان و.........
________________
اوتار
كاعدة بالحديقة ويا البنات نسولف ونضحك ع الدكاترة فترة وقربت علينة ابنية يطلع عمرهة تقريبن بنهاية العشرينات شافتهة صديقتنة وكامت سلمت عليهة وحضنتهة وكفت كدامنة هية وياهة وكالت
سالي: اعرفجن بأختي نجود دكتورتنة الجديدة بمادة ال**** بدال الدكتور حمزة
اوتار : البنات كلهن الضحكة شكت حلكهن لمن كالت بدال الدكتور حمزة لأن الكل يكرهة وبداً ايسلمن عليهة الحد مقربت يمي مديتلهة ايدي واني اكول
اوتار ببتسامة: اهلاً وسهلاً اشرفت بمعرفتج
نجود : اشرف الي حبيبتي بس انتي اسمج اوتار صح
سالي: اي هاي اوتار بت عمت دكتورنة الصاك منين تعرفيهة
نجود : ههه اشلون معرفهة الدكتور محمد جان اقرب زميل الي بالكلية واديماً جان يسلوفلي عنهة واكثر منة مره شايفتهة ويا وملتقية بيهة
اوتار : هنة يحجن واني مثل الطرش بزفة وهاي تحجي وكأنهة متأكدة من نفسهة معرف ليش محبيتهة هزيلتهة راسي برود واني اكول نورتينة
واترخصت منهن وجريت فجرر ورحت للسنتر طلبت كهورة واول مأجينة نكعد ع الطاولة شفت محمد دخل والي اسمهة نجود دخلت وراه تسولف ويا وتضحك وهوة رايح بغير عالم وياهة حتى منتبه الوجودي كعدنة ع الطاولة وهمة اكبالنة اباوع ع محمد يحجي ويسولف وياهة وصوت ضحكهم يرن بأذني ركزت ع الي اسمهة نجود نظراتهة ابداً مو نظرات صديق او نظرات اخوية لا بالعكس نظرات كولهة حب وخجل قبضت ع ايدي كاتمة عصبيتي بيهة ماريد اروح اسحل كفشتهة الصفرة بالكلية وانفصل
باوعتلي فجر واشرتلي انكوم نطلع كتلهة ماشي وكمنة بسرعة طلعنة من السنتر ورجعنة للقاعة مرت علية المحاضرات بألف يا ويلاه يلة خلصت وانتهى الدوام ودعت فجر ورحت للكراج شفتة واصل وراكب بسيارتة واول مردت اركب ليكدام اشرلي اركب ورة وهوة يكول
محمد : اركبي ورة راح تجي ويانة الدكتورة نجود وسالي نوصلهن بطريقنة
اوتار بنرفزة : لا والله مهنة ايولن البيتهن
محمد بحدة : شهل حجي مو عيب ت..
اوتار قاطعتا بعصبية : لا مو عيب وليش اني اكعد ورة ما هنة يكعدن وراة
محمد بنفاذ صبر : اووتار اشبيج اليوم اشو تحجين وتخوطين بكيفج كتلج راح يجن البنات ويانة خطهن متأخر عليهن بعد اشهال حجي المالة داعي
اوتار بعيون مدمعة : ماكو شي كلت هيج وصعدت ورة اشوية واجن سالي واختهة اصفرة ركبت سالي يمي والصفرة كدام حرك محمد السيارة والطريق كولة وهوة وياهة ضحك وسوالف واني مخذة وضع السايلنت احس بس واحد يسولي بز انفجر بوجهة الحد مشفتهة زادت بضحك هية ويا وهمة يذكرون ايام كليتهم باوعتلة بغيض من الجامة الكدام واني اكول
اوتار : ما كلتولنة صارلكم اشكد مملتقين ابعض
نجود : مدري تقريبن من ايام التخرج صح حمود
محمد : ههه صح اخر يوم بالتخرج احتفلنة احنة والولد وبعد كل واحد راح بطريقة
نجود: اممم والله ايام متنسي
اوتار : درت راسي ع الجامة واني ادردم وسب بكلبي عليهة ام حمود الحقيرة وكملو ضحكم وشقاهم الحد موصلهم البيتهم وباوعلي من المراية الكدامة وكال
محمد : يلة رجعي ليكدام
اوتار : مشكورة خلي لأم حمود نهيت كلامي واني اعوج بحلكي نفسهة اباوعلة ابتسم بس خفة ابتسامتة بسرعة وهوة يكول
محمد بمكر : شو شام ريحة غيرة بالموضوع بس لا غرتي
اوتار بقرف : يععع اني اغار ومن هاي الجنهة ابو بريص شبية تخبلت
محمد : هههه يعني مغرتي
اوتار برود: لا طبعاً
محمد : خوش لعد تعالي اهنا مدام ما غرتي لأن كعدتهة بمكانج مثل مكلتي
اوتار : ما اريد هز راسة ورجع ايسوق السيارة وصلنة للبيت واول مأجيت انزل صاح علية باوعتلة بنرفزة واني اكول
اوتار : خيرر
محمد : احبج
اوتار ببتسامة :............
_______________
تماره
بعصبية: لج شبيج صارلج اسبوعين وانتي معتكفة بغرفتج لا اكل ولا شرب معقولة كدر يأثر عليج هالكد بالفترة الزوجج بيهة وخلاج تتعلقين بي بهالسرعة
تماره بدموع : لججج احبببة احبببة تعرفين شنو يعني احبة ومتمنية هسة اسمع بس صوتة او المح خيالة لجج اعشكك الكااع اليمشي عليهة شاهين مو مثل اي واحد ازوجني شاهين غير زللمة يعررف المرة شنو تريد شنو تحب شنو تكره يدللهة دللال بت ابيوت ممدللتة تفكيرة غير يختلف عن كل الزلم الشفتهم بحياتي اتحسين ويا بألمان مو واحد خايف من مرتة لو واحد مايع ومستعدة عسا ما ابوس رجلة المهم يرجعلي
برود : هل حجي كلة مراح يجيب نتيجة شاهين طلكج وانتهة الموضوع ومن باجر ترجعين اشغلج ازباين بدو يسئلون عليج
تماره وهية تمسح ادموعهة : مستحيل ارجع الهذاك الشغل شاهين دزلي افلوس تعيشني سنة كاملة ليكدام يعني مبعازت احد
وهية رافعة حاجبهة : بيج غير واحجي هالحجي كدام امير حتة خوش تحصليلج كتلة ومثل مكتلج من باجر الكاج جاهزة جاينة زبون جديد ما يتفوت
تماره : كالت هيج واول مأجت تطلع رحت لزمتهة بسرعة من ايدهة باوعتلهة برجاء واني اكول فددوة ما اريد اطلع فدوة بس هل فترة الحد ما ارتاح وداعتج ارجع للشغل واحسن من قبل
بتردد: وامير
تماره بخوف : تحججيلة كليلة مريضة جايتهة الش** اي شي المهم ما اريد اطلع
: ماشي بس اسبوع ماكو غيرة زاد يوم واحد ع هل اسبوع الحجي يصير ويا امير مو وياي
تماره بفرح : صار والله بس هل اسبوع
: خوش يلة حروح اشوف البنات تحضرن لو لا حتبدي السهرة وقفلي بابج زين متعرفين شيصير ميصير
تماره بتوتر : حاضر بس رايدتج بخدمة وانتي الوحيدة التكدرين اساعديني بيهة واعرفج مستحيل ترديني
بستغراب: كولي
تماره :..............
______________
مرسلين
واكفة كدام المدرسة واحس وجهي مشتعل نار من ورة الشمس وكل اشوية اتلفت بالطريق منتظرة مصطفى يجي بس ماكو مدري ليش اتأخر اليوم دنكت راسي بأنزعاج من نظرات اهل الخطوط ورجعت ع الرصيف واني افرك ايدي بخوف من نظراتهم دقايق وشفت عماد صار اكبالي باوعتلة بخوف على صدمة من شكلة والأثار البوجهة وبلعت ريكي بتوتر واني اسمعة يكول
عماد : هلا بمرسلين شلونج
مرسلين بخفوت : تمام الحمد لله
عماد بحقد : مبروك يابة ع الزواج
مرسلين : ابتسمتلة بمجاملة وهية تكول الله يبارك بيك يوم الألك
عماد بخبث : وياج اكيد
مرسلين : شنوو كلت هيج واول مراد يحجي شفت سيارة مصطفى دخلت بفرع المدرسة عفتة ورحت بسرعة بتجاه السيارة قبل لا يشوفة مصطفى واصيرلي مصيبة اني في غنى عنها ركبت ويا وسلمت علي بتوتر واول موصلنة للبيت وصفت السيارة كدام الباب نزلت بسرعة ودخلت للبيت سلمت ع عمو وعمة وصعدت الغرفتي نزعت عباتي بصالة وكعدت ع الكرويتة بتعب احس تفكيري مشتت وعماد اجا وزادهة علية زفرت انفاسي بخنكة وبدلة ملابسي ونزلت جوا ساعدت عمة بصب الغدة والتمو الولد وعمو اتغدينة وغسلة المواعين ورجعت صعدت فوك لليل واني حابسة روحي بالغرفة ماريد اشوف احد ولا اريد احد يشوفني احس روحي مسوية جريمة وخايفة من الكل لا يكشفني وصاحوني ع العشة بس كتلهم ماريد مشتهي وللعشرة يلة خلصت اقرايتي وحضرة الجدول ونظفت الغرفة وعلية اسبلت وطفيت الأضوية معدا ضوة اتيبلام وتمددت ع الجرباية ضليت بساعة اتكلب بمكاني يلة اكدريت اغفة
ورة فترة حسيت بثقل غريب ع جسمي وشي يبزبز بركبتي عقدت حاجبي بنزعاج وفتحت اعيوني بتثاقل واول مردت اتحرك حسيت بأدين محاوطة خصري بقوة حركت راسي بخوف ع استغراب واني اشوف شاهين جاي ودافن راسة بركبتي حطيت ايدي ع صدرة احاول ادفع بي بس ماكو فايدة الحد مكلت
مرسلين بنزعاج : شاهين شاهين وخر عني وين نايم
شاهين : بحظن مرتي وين يعني
مرسلين : يحجي بسخرية وانفاسة الحارة تضرب بركبتي رفعت حاجبي بستغراب واني اكول شبيك شا..اخخخ عطت بوجع لمن حسيت بأسنانة نبتت بركبتي ورفع راسة عنهة وصار وجهة مقابل وجهي باوعلي بنظرات خلت جسمي ينشل من الخوف والخجل بنفس الوقت ودنك راسة ع خدي وبدة يحرك بأربنب خشمة علي بخفة وهوة يكول
شاهين بهمس : منو شفتي اليوم
مرسلين : بلعت ريكي بخوف من سؤالة عضيت ع شفتي الجوة بتوتر واني اكول محد
شاهين بسخرية : اكيدد
مرسلين : هزيت راسي بمعنة اي وسكتت اباوعلة تبدلة ملامحة للغضب والبرود بنفس الوقت وهوة يكول
شاهين : يعني مشفتي عماد او التقيتي بي من ورة ظهري يم المدرسة مو نهة كلامة وهوة يعصر بخصرهة بشكل اقوة
مرسلين اتهاوت بألم وخوف وهية تكول : اااااااه اي اي شفتة بس والله وداعت بابا مو مثل البالك
شاهين : لانت ملامحة وهوة يشوف اعيونهة مدمعة وكام بسرعة من فوكاهة عدل ياخة قميصة وهوة يكول
شاهين برود: غيري لبسج وتعاليلي بصالة
مرسلين : باوعتلة بستغراب اشلون كام عني فجئة وطلع برة الغرفة دنكت راسي ع لبسي فتحت اعيوني بصدمة وخجل بنفس الوقت واني اذكر نفسي اشلون لابسة شورت وكيمونة وهوة صاير فوكاي كمت بسرعة عن الجرباية طلعتلي دشداشة طويلة لبستهة بسرعة وعدلة شعري وطلعت للصالة اباوعلة كاعد ع الكرويتة وصافن بتليفونة باوعلي واشر ع مكان كدامة كعدت بي وكال
شاهين : احجي
مرسلين بخوف : عن شنو
شاهين : شوكفج ويا هذة العار
مرسلين : ه..هوة جان مار من المدرسة ولمن شافني كدام الباب اجا باركلي ع زواجي وراح
شاهين بسخرية : بس
مرسلين : هزيت راسي بتوتر ودنكت الحد مكال
شاهين برود : خوش لعد من باجر ماكو دوام
مرسلين بصدمة : شنوو
شاهين وهوة يكوم يدخل للغرفة : مثل ما سمعتي
مرسلين : دخلت وراه بسرعة للغرفة اباوعلة اجا يدخل للحمام صرت كدامة واني اكول
مرسلين : شنوو ماكو دوام هاي حياتي ومستقبلي ومو انت التقررهة من كيفك ومن سابع المستحيل ابطل من المدرسة و.....
شاهين قاطعها برود : ليش منو كلج راح ابطلج
مرسلين رفعت حاجبهة بستنكار وهية تكول : شنو منو كلي مو انت الكلت بعد ماكو دوام
شاهين : داوم بذيج المدرسة ماكو
مرسلين بستفهام: شنو يعني
شاهين : يعني راح انقلج الغير مدرسة فضن للمشاكل
مرسلين : ضليت ارمش بعيوني مستغربة من كلامة واول مأجيت احجي عافني ودخل للحمام ضربت رجلي بالكاع بغيض وباوعت ع الساعة بالربعة الفجر لعد من اشوكت اجا شاهين كلت هيج واني اغفي من النعاس شدعي عليك هسة اشلون هبطني وفززني من نومتي رجعت ع الجرباية تمدت واول مأجيت انام شفت شاهين طلع من الحمام مهتميت ورفعت الحاف ع راسي وكملت نومتي للصبح حسيت بأيد شاهين تزرف بجتفي وهوة يكعدني فزيت من نومتي واني احرك بظهري بوجع واكول
مرسلين : اووي احس جتفي انخلع بشرفك اكو واحد يكعد هيج
شاهين : عدلي ثوبج ونزلي تريكي اهلج عازمينة اليوم ع الغدة
مرسلين : عدلة دشداشتي بسرعة بأحراج ودخلت سبحت شفت ركبتي بمراية الحمام اسنانة منبتة بيهة الحقير تلمستهة بوجع ولبست ملابسي وصليت ونزلت جوا صبحت ع عمة وعمو وتريكت وبديت انظف البيت اني وعمة للدعش يلة خلصنة وصاح شاهين حتى نبدل صعدت بسرعة غسلت ولبست بنطرون اسود وقميص زيتوني طويل وشال اسود واخذت عباتي ونزلت بسرعة لمن سمعت بشاهين بدة يعيط طلعو عمة وعمة وركبو ويا وسام ومصطفى واني بسيارة شاهين مع انو المسافة قصيرة معرف ليش الة بسيارة البتسامة شكت حلكي واني اشوفة يصف السيارة كدام بابنة ونزلت بسرعة دكيت الباب لحظات ومشوفلك غير ابن خالتي سجاد فتحلي يا باوعتلة بفرح ع صدمة واني اكول
مرسلين : سجوودي
سجاد بيتسامة : هلا والله بسوسة
شاهين :..............
