رواية بديلة اختي الفصل السادس والعشرون بقلم خاتون الكعبي
تذكير
محمد : احبج
اوتار ببتسامة : اعرف كلت هيج وعفتة ونزلت من السيارة دخلت للبيت سلمت ع بيبيتي وامي ورحت لغرفتي دخلت واني احس بالأنتصار النفسي
حسيت ولو جزء بسيط من كرامتي الفقدتهة رجعتلي بدلت ملابسي وطلعت صبيت الغدة ويا البنات واول مبدينة ننقل بالمواعين للصالة شفت محمد ينزل من الدرج باوعلي ببتسامة وغمزلي رفعتلة حاجبي ودخلت للمطبخ جبت دولكة المي ورجعت للصالة التمينة كولنة ع السفرة كعدت بصف اخوية عادل وبديت اكول وكل مأرفع راسي اشوف محمد بوجهي الحد مكملت وكمت غسلت ايدي وسويت جاي صبيتلهم يا ورجعت الغرفتي دكيت ع مرسلين وسولفت اشوية وياهة وبديت احجيلهة عن محمد والصار بيناتنة كامت تضحك وهية تكول
مرسلين : هههه ما شألله حياتج اكشن بأكشن بس عفية عليج يستاهل كول يلي سويتي بي
اوتار بمكر : بعدج مشايفة شي حياتي
مرسلين بجدية : طيب شنو نهايتهة
اوتار : نهاية شنو
مرسلين بهدؤ : نهاية الديصير بينكم اوتار اني وياج نعرف شكد متعلقة بمحمد وتحبي ومستحيل تنسي بيوم وهذة كولة الدسوي حتى تنتقمين منة ع رفضى الج بالبداية لا اكثر ولا اقل لهيج اكولج لا تقسي ويا كولش ولا اصيرين باردة بتعامل ويا وديريبالج من الي اسمهة نجود مرتاحيتلهة
اوتار بنفي : لا غلط من المستحيل ارجعلة بعد كل يلي سوا بية
مرسلين ببتسامة : زين سؤال
اوتار : اسئلي
مرسلين : تكدرين اشوفي ينزف الوحدة غيرج
اوتار : لا رد
مرسلين بمكر: ها شو سكتي
اوتار : عادي انسد الموضوع
مرسلين : براحتج بس اصرفي عدل ولا تخلين الأنتقام يعمي اعيونج ويخرب حياتج
اوتار : مرسلين اني مو شاهين
مرسلين : هههه بهذة تصرفج اثبتي فعلاً انج شاهين يلة حب اترخص عمة دصيحني
اوتار : مرخوصة باي كلت هيج وسديت التليفون احس افكاري اشتت من بعد محجيت وياهة وفعلاً صحتني ع نفسي من دوامة جنت حوكع بيهة نفسي والي هية دوامت الأنتقام واكبر دليل ع ذالك هوة نسر الي جنت ممكن حقبل بي بس حتى انتقم من محمد فركت وجهي بتعب واني اطلب من ربي اصبر و....
______________
تماره
بستغراب: كولي
تماره: اريد عنوان بيت شاهين
بسخرية : صدوك جذب تأمرين من اعيوني تردين سايق خاص هم يوصلج الة
تماره : فاتن فدوة ترة مدا اشاقة اريد عنوان بيتة
فاتن : وشسوين بي
تماره : اريده اريد اعرف كولشي يخصة عائلتة اخوانة اخواتة وامة وابو واذا مزوج او لا عندة جهال
فاتن : مو كلتيلي كلج ممزوج
تماره : هاي جانت قبل لا يطلكني وهسة متأكدة تركني لأن وحدة ثانية دخلت بحياتة
فاتن : لنفرض اندليتي عنوانة وعرفتي بي مزوج اشحسوين
تماره : انتي بس جيبيلي عنوانة ومالج شغل بالباقي
فاتن : ماشي هسة حدزلج واحد من الولد يسئل علي بالمركز
تماره بخوف : وامير
فاتن : لا تخافين اوصي الولد ميجيبلة خبر
تماره : اوكي منتظرتج مو تتأخرين كون باجر عنوانة يمي
فاتن باوعتلهة صفح : اشوف يلة تعالي قفلي الباب وراي
تماره : هزيت راسي وكمت قفلت الباب وراهة وتجيت ظهري ع الباب واني ابتسم بخبث اجيبك اجيبك و....
______________
مرسلين
سجاد بيتسامة : هلا والله بسوسة
شاهين : ركعت باب السيارة وراي واني اشوف ولد مراهق مبين من شكلة واكف بالباب وعوزة بس يحظنهة قبضت ايدي كاتم عصبيتي ما اريد اخربط وجهة وام سجودي احسابهة بالبيت
مرسلين : كمزت من سد باب السيارة بقوة اباوعلة ملامح وجهة مغيمة وكأنو يريد ينقض علية ويدفني بلعت ريكي بخوف ورجعت التفتت ع سجودي الي مدلي ايدة ببتسامة بادلتة البتسامة واول مقربت ايدي علي شفت ايدي شاهين قبضت ع ايدة اباوع ع سجودي خطية مبين متوجع من قوة قبضت ايد شاهين ع ايدة
وسلم علي ابرود واشرلي بعيونة ادخل وهوة يخزر بية دخلت بسرعة شفت جدو بابا والولد بالأستقبال سلمت عليهم وحظنت اخواني واول مأجيت اطلع من الأستقبال دخل شاهين ويا طلعتي وهمس بصوت ناصي وحاد بنفس الوكت
شاهين بعصبية: ما اوصيج امشي وحظني بخلك الله لا تعوفين واحد يعتب عليج
مرسلين : كتمت ضحكتي ع كلامة ودخلت جوا شفت امي والبنات موجودات وبيبي وخالتي هم بس الحمد لله هدى ماكو ما اريد مغثة ثانية سلمت ع ماما وبيبي وخالة وكعدت بيناتهن لثنعش كامن البنات يصبن بالأغدة واشرلي اكوم وياهن ذبيت عباتي ودخلت وراهن للمطبخ وسن دتكطع بالزلايط وزهراء تغسل الخضرة وكفت كدام الكاونتر وبديت اطلع بالمواعين وهنة يسئلني ع الزواج وشاهين واني بس اهزلهن براسي بمعنة زين الحد مدخل سجاد من باب المطبخ وهوة يكول
سجاد : يردون بطل مي بس كون بارد
زهراء : لحظة بس اموعة لأن جامدات وانطيك يا
سجاد: براحتج كلت هيج ودرت ع مرسلين باوعتلهة وابتسمت واني اكول اشلونة الزواج وياج ارسيلة
مرسلين بغيض : ارسيلة بعينك سجيد وزين الحمد لله
سجاد : هههه واني عبالي ازوجتي وعقلتي طلعتي بعدج بنص عقل
مرسلين بعصبية : سجيدد
سجاد : ههههه اعيونة
مرسلين : ضغطت ع شفتي الجوة بتوتر واني اشوف شاهين ومحسن يدخلون للمطبخ اباوع ع شاهين اعيونة من وحدهن صارن حمر من العصبية سلم شاهين ع اختة وسن وكف اشوية يسولف ويا محسن الحد مأخذ سجاد بطل المي وطلع يلة طلع وراه هوة ومحسن دقايق واجتني زهراء همست بأذني بخوف
زهراء : شاهين ايكول خل تدخل بسرعة تكعد يم انسوان ما اريد اشوف شكلهة بالمطبخ
مرسلين : ليش
زهراء : معرف بس ادخلي لأن مبين من صوتة صاير اعصاب
مرسلين : هزيت راسي ورجعت للصالة كعدت بصف بيبي وتجيت راسي عليهة وفرشن السفرة زهراء وسن وبدن ينقلن بالمواعين تغدينة واترخصت منهن وصعدت الغرفتي دخلت والبتسامة شكت حلكي احس صارلي اسنين عايفتهة مو اسبوعين نزعت الشال بخنكة وشفت ملابسي القديمة طلعتلي برمردة صفرة لبستهة ورفعت شعري ذيل احصان ونزلت للمطبخ شافتني زهراء واشرتلي بعيونهة حتى ادخل وهية تكول
زهراء : ها شكلنة
مرسلين : مليت من كعدت النسوان كلت اجي اساعدجن واذا تردين سدي باب المطبخ حتى ميشوفني
زهراء : اووف اوووف منج الة اسويلج مصيبة ويا كالت هيج وهية اسد باب المطبخ
مرسلين : ضحكت ع كلامهة وبدية افرغ بالأكل وشلت المواعين ع السنك وغسلناهن اني ومرة اخوية كملنة من الغسل ورجعنة للصالة رحت كعدت يم ماما وحطيت راسي بحظنهة واني اهمس بكلمة اشتاقيتلج اباوعلهة ضحكت وباست راسي وبدت تمسد بيدهة ع شعري بخفة ابتسمت براحة واني اغمض اعيوني واغفة و...
______________
شاهين
كاعدين بستقبال بيت عمي واحس راسي اشوية وينفجر من حجي جدي اشلون عايف مرتك وشلون ما تسئل عليهة باوعت ع الي اسمة سجاد برود وضحكت ع نفسي والله زمن يشاهين تاليتك تحط راسك براس مراهق ع مرة كمت من مكاني وترخصت من عمامي بحجة اسلم ع الحجية واشرت لحسين يسويلي طريق كام طلع من الأستقبال واني وراه صاح ع البنات من باب الصالة ودخل دكيت باب الصالة واول ما دخلت وراه شفت الهانم نايمة بصالة ورجلين والزنود طالعات ايلالن ضلت مدري شبية بس ابلعم عود اني الشايف وعايف نسوان بكد شعر راسي مراهقة اسوي هيج بية وتخربط احوالي اتحمحمت بصوت عالي عسى ولعل تكعد وتستر ع نفسهة قبل لا اشيطان يلعب بعقلي
بس ماكو قربت سلمت ع الحجية وعمتي ومرة غريبة العرفتة منهة اصير ام سجاد خالة مرسلين كعدت بصف الحجية وحسين بصفي احجي ويا الحجية وعيني عليهة كل ما اريد اشيل عيني عنهة احس شي يجذبني الهة اكثر الحد مكالت امهة
ام مرسلين بوجع : حسين هاي نامت تعال شيلهة وديهة الغرفتهة رجلي خدرت من وراهة
شاهين : اباوعلة ضحك وراد ايكوم ايشيلهة وكفتة واني اكول بعصبية مكتومة لا اتعب روحك كعدوهة خل اجهز روحهة اشوية ونرجع
بيبية شاهين : لا يمة خطية تعبت ويا البنيات اليوم صعدهة الغرفتهة وانتة يمة حسين تعال كومني اريد اروح يم جدك وعمامك
شاهين : اباوع ع حسين هز راسة وراح سند الحجة وطلعهة تقربت ع مرسلين حطيت ايدي جوة رجليهة واليد الثانية جوة راسة وشلتهة اباوعلهة بين الغافية والكاعدة فتحت اعيونهة بثقل ابتسمت اتوقع عبالهة جاي تحلم وقربت علية اكثر ودفنت راسهة بصدري ابتسمت واني اقوي ع شيلتهة وصعد فوك وزهراء كدامي دلتني ع غرفتهة ونزلت فتحت الباب برجلي ودخلتهة للغرفة حطيتهة ع الجرباية واني اباوع ع ايديهة لازمة ياخت قميصي بقوة ابتسمت واني اوخر الشعر من وجهة اباوع ع ارموشهة طاخات بالحواجب اتلمست ترافت خدهة بطراف اصابعي ونزلت عيني ع شفتهة صغيرة ومصبوغة بالحمر اشهي الواحد يلتهمهة بلا وعي مني نزلت راسي ع اشفايفهة وقبرت شفتي ع شفتهة طخت اشفايفي بشفايفهة واني احس بنفسي فقدت اخر ذرة عقل بقت عند انقضيت عليهن بعنف واني التهم شفتهة الفوك وجر شفتهة الجو بستوني احس روحي فقدت وبديت اجرء اكثر بلمساتي وايدي تمشي ع كل جزء بجسمهة بحرية اول محسيت بيهة بدة تتحرك بنزعاج مثل صفارت الأنذار وصحتني ع الجاي اسوي
فصلت اشفايفي عن اشفايفهة وكمت منهة فركت وجهي بعصبية وعفتهة وطلعت من الغرفة كرهت نفسي ع السويتة وياهة احسهة بريئة وما اريد الوثهة بلمساتي تستاهل شخص احسن مني بهواي و.......
____________
مرسلين
فتحت اعيوني بتثاقل واني اشوف نفسي بغرفتي عقدت حاجبي بستغراب معقولة اخواني مصعديني حركت ايدي بنعاس واني احس جسمي متكسر كمت من مكاني وشفت الساعة بالأربعة الة ربع شعجب مكعدوني الحد الأن رحت لملمت شعري ع المراية بس لفت انتباهي الحمار الخفيف الصاير ع ركبتي والجزء الظاهر من صدري سديت اول دكمتين من اتراكي واني ارفع حواجبي بستغراب يمكن انفتحن واني نايمة
وضبيت شعري ونزلت جوا شفت بس عمتي وبيبي موجودات يمكن خالة رايحة وفعلاً سئلت ماما وكالتلي راحت بتلاثة شربت جاي وياهن ورة فترة اجت زهراء كالت وسام يكول تحضرن حنرجع هزيت راسي وكمت لبست ملابسي الجيت بيهن لفيت الشال اشلون مكان ونزلت جوا ودعت بيبي وماما ونسوان اخواني ولبست عباتي وطلعت ورة عمة شفت عمو جدو وياهم بابا واكفين اباب الأستقبال رحت ودعتهم وحظنت بابا واخواني وطلعت ويا عمة اباوع ع الباب سيارة شاهين ماكو قربت ع عمة وكلت بهمس لعد وين شاهين
ام شاهين : معرف كالو الولد طلع عندة شغل وراح
مرسلين : هزيت راسي بعدم تصديق ورجعت ويا عمة والولد للبيت صعدت كبل الغرفتي نزعت ملابسي ولبست دشداشة طويل وردية وبيهة اسود وشال اسود ونزلت جوا دخلت للصالة وشفت عمو كاعد ومبين ع اعصابة وعمة بصفة تهدي بي الفهمتة منة معصب ع شاهين لأن عاف الكعدة وراح بقيت كاعدة يمهم لليل تعشينة وكملنة وشاهين مختفي من الظهر للعشرة يلة سمعنة صوت هورن بالباب وطلع مصطفى يفتحلة يا كمت بسرعة ترخصت منهم وصعدت فوك همة اهله واكيد حيحاسبو ويحجون ويا عيب اكعد بيناتهم دخلت للغرفة ونزعت شالي واخذتلي اتراك خفيف رحت سبحت وتوضيت اول معدلت المصلاية حتى اصلي دخل شاهين مهتميتلة وكملت صلاتي ونزعت جادر الصلاه ولميت المصلاية ورجعتهن بالميز اباوع ع شعري رطب بعدني ممشطتة اخذت المشط وطلعت بصالة شفتة كاعد يكلب بتليفونة ومبدل ملابسة لتراك اسود كعدت اكبالة وبديت امشط بشعري او بالأحرى اعتة احس نصة تكطع بيدي
شاهين وهوة رافع حاجبة : هذة تمشيط لو اخبال
مرسلين : باوعتلة بغيض وكملت تمشيطي وعفت شعري مفتوح ع طولة وباوعتلة وكلت
مرسلين : شاهين
شاهين وهوة يباوع بتليفونة : همم
مرسلين برجاء : فدوة ما اريد اغير مدرستي اباوعلة طفة تليفونة ورفعلي تك حاجب اشكد اكره هاي الحركة منة فعلاً تستفزني
شاهين برود : وليش بلة
مرسلين : صديقاتي ومدرساتي تعودت عليهن اهناك مكدر اتركهن
شاهين : صديقاتج اكو شي اسمه تليفون وتخابري بيهن ومدرساتج عادي مدرسات المدرسة الراح انقلج الهة زينات وتعاملهن حلو ويا الطالبات
مرسلين : حتى لو ما اريد انقل كتلك مدرستي ومتعودة عليهة ومو بسهولة انتقل المدرسة ثانية
شاهين بشك: وليش معتزة بيهة هيج خاف حتى تشوفين حبيب الكلب ب..قاطعتا بحدة وهية تكول
مرسلين بعصبية: مووو اني ولا ترربيتي التسمحليي احجي ويا واحددد واني ع ذمت رجاال ثاااني من جنت ابيت اهلي مسويتهة تتوقع لمن ازوجج اسووويهة
شاهين بستفزاز : بس العرك دساس
مرسلين :ضليت صافنة بوجهة بعدم استيعاب الحد مفتحت اعيوني بصدمة واني افتهم مقصدمة حسيت مثللل الناار وشعلللت بكلللبي الحقيررر باوعتلة بحدة وكلت
مرسلين بصوت عالي نسبين : وااانت اذاا تعررف العرك دساس شكوو مزووجنني هااا مخفتت همم اخوونك واحجيي ويااا حبيب الكلب مثلل مكلللت وءء... مكملت كلامي واني احس بظهري ينقسم نصين من قوة دفعتة الي ع الحايط صار كدامي بلعت ريكي واني اشوف اعيونة مطعونة بالأحمر احس كول قوتي اتبخرت من قربة الي نزلت راسي بخوف وما هية الة لحظات وصرخت من الوجع واني احسس بشيي قووي انغرس بخصرري مثل الحديد وقبض ع شعري من وراه بقوة رفع وجهي علي وهوة يكول
شاهين :.........
_____________
اوتار
كاعدة بسيارة ونعاس غالبني والله لو معندي امتحان جان غبت اثاوبت بتعب واني ارجع راسي ع الكشن باوعت ع الطريق وعقدت حاجبي بستغراب والتفتتلة وكلت
اوتار : وين رايحين هذة مو طريق الجامعة
محمد : راح انمر ع بيت نجود وسالي ناخذهم بطريقنة
اوتار بعصبية : وليش بلة ما هنة يروحن صايبهن الكسر
محمد بحدة : اووتار السانج وخطهن هل اسبوع سيارتة عطلانة معرف شنو فعرضت عليهن اوصلهن بطريقنة وافقن
اوتار : رفعتلة حاجبي ورجعت درت ع الجامة وكتفت ايدي كدام صدري فترة وصلنة البيتهم دكلهن هورن محمد وطلعن من بيتهن باوعتلهة بعصبية شلون وكفت كدامي بكل وقاحة وكأنو تكولي نزلي
نجود : صباح الخيرر
اوتار رديت عليهة برود عكس النار الجواية واني اقبض ع الملازم البيدي بقوة : صباح النور دكتورة كلت هيج وضليت اباوع بعيونهة بتحدي الحد مملت من الوكفة وصعدت ورة وهية تتأفف رجعت التفتت ع محمد وشفتة يباوعلي والبتسامة مرسوة ع وجهة وهوة يحركلي بحواجبة خزرتة ورجعت التفتت ع الجامة وصلنة للكلية واول مصف السيارة نزلت منهة ورحت القاعتي واني اسمع سالي اصيح علية حتى ندخل اني وياهة بس ولا اهتيمت انطيتهة الأذن الطرشة دخلت للقاعة سلمت ع فجر وبدينة اراجع للأمتحان امتحنة والحمد لله جانت الأسئلة لا بأس بيهة وتناوبت علية المحاضرت بشكل مملل الحد ما انتهى الدوام زفرت انفاسي براحة ويا طلوع اخر دكتور وسلمت ع فجر وشفت سالي منتظرتني حتى اروح اني وياهة للكراج كلبت اعيوني بملل ومشيت وياهة للكراج قربنة ع سيارة محمد وشفتهم جاين قبلنة والصفيرة كاعدة بمكاني وتضحك هية ويا قبضت ع ايدي بنرفزة وكلت من الجامة
اوتار : محمد حرجع ويا صديقتي فجر بالخط مالتهة تعبانة ومبية حيل فراة يلة اترخص
محمد :..........
_____________
طيف
واكفة واحس كلبي مثل الطبل اريدة يجي وكحل اعيوني بشوفتة كلبي ناطف علي احسة صار غايب عني سنتين مو اسبوعين اباوع ع ولد عمي واخواني كلهم ديحضرون لستقبال الشيخ نسر غمضت اعيوني بقهر واني اذكر كلام جدي وحبوبتي البارحة وشلون صارلة اسبوعين بغداد ع مود الي اسمهة اوتار وشلون رجع تقدملهة مرة ثاني وهم حصل ارفض منهم مسحت ادموعي الي نزلن من دون محس بنفسي وفزيت ع صوت ارمي برجعت الشيخ لديرتة ركضت ع شباك المطبخ ويا بنات عمي وعماتي واني اشوفة ينزل من سيارتة بهيبة تجبر الكل اطيعة ويطخلة راس سلم ع جدي وباس راسة ودخل ويا زلم للديوان ويا دخلتة صاحت جدتي علينة هية وعماتي وخرنة من الشباك بسرعة وبدينة انصب بالغدة صبينة للزلم اول شي انوب للنسوان طول ما اني بالمطبخ عيني ع الباب هسة يطب يسلم ع حبوتي هسة يطب يرتاح بس ماكو وكملو ازلم وبد ولد عمي ينكلون بالماعين واجا اخوي صاح ع الجاي صبيتلهم يا بسرعة واطيتة يا واول مشال اصينية وطلع دخلت بت عمتي وهية تكول
بفرح: لجج دخللل الشيخ دخلل
طيف : الضحكة شكت حلكي واني اسمع صوتة يسلم ع جدتي وطلعت بسرعة وراهة شفتة مدنك ع حبوبتي يبوس راسهة وسلم ع نسوان عمامي من بعيد وبدة يسلم ع بنات عمي وعماتي الحد موصل يمي كلتلة بصوت خافت واني احس كلبي يدك الف مرة بالثانية من قربة الي وعطرة الدخل الريتي وسكنهة
طيف : السلام عليكم شيخ
نسر برود : هلا
طيف : نطق بهاي الكلمة وصعد الغرفتة باوعت ع بنات عمتي وعماتي شلون يضحكن بشماتة ويتهامسن بيناتهن
مسحت الدمعة الطفرت من عيني وصعدت فوك دخلت الغرفتة من دون حتى ما ادك الباب وشفتة واكف ينزع بقميصة الأسود الزايدة هيبة وحلا ومنطي ظهرة للباب تقربت علي واني اسمعة يكول
نسر : شكم مرة كايلج ممنوع ادخلين الغرفتي
طيف : كال هاي الكلمة وشمر قميصة ع الجرباية الواضح من نبرة صوتة انو عصبي قربت منة اكثر وصرت كدامة اعيوني صارت مقابيل اعيونة وانفاسة الحارة صارت تضرب بوجهي بشكل اقوة دليل ع غضبة باوعت بعيونة واني اكول
طيف بقهر: رفضتك مو جرحتك مثل مجرحت هذة كلت هيج واني اشيل ايدة واحطهة ع مكان كلبي باوعت بعيونة وكملت بقهر اكبر وخيبة كسرتك حطمت احلامك البنيتهن انتة وياهة بمخيلتك شعور يوجع مو صعبة شعور ارفض من انسان حبيتة اول موكعت عينك علي اول محسيت بكلبك يدك الة لعيونة تفرح ع فرحة وتزعل ع زعلة تحس كلبك يريد يطلع من مكانة وانت اشوفة يبتسملك مجرد ابتسامة تعشك الكاع اليمشي عليهة يرف كلبك لمن يجيبون طارية بسالفة تتخيلة بكل لحظة وكل دقيقة وما تكدر تكمل يومك بيلا شوفتة رفعت رجلية واني اقرب راسي ع اذنة واهمس بخفة
طيف بعيون مدمعة : شنو بيهة زيادة عني ليش حبيتهة الهة وكسرتني ورحت تقدمتلهة وانت ما صارلك شهر من متعرف عليهة بأي ذنب اذنبتة وياك حتى اسوي بية هذة كلة
نسر بهدؤ: مو ذنبج انتي بس هذة دكلهة وحبهة من يوم الطاحت عيني عليهة كال هيج وهوة يضرب ع صدرة بقوة
طيف من بين ادموعهة : وهية رفضتك ومقدرت حبك وأهانت..قاطعها وهوة يجرهة من ايدهة ع صدرة بقوة عصر ايدهة بعصبية وهوة يباوع بعيونهة اشلون كامت ترجف بأيدة مثل السعفة
وكال
نسر بصوت جهوري : ثمنني حجييج والززمي الساانج مووو الششيخ نسرر الينهان مهرتي عنيدة واني اعرف اشلون اصيدهة الباقي مالج شغلل بي
طيف برجفة : يعني.. بعد.. بعدك عندك. امل.. بيهة
نسر : من يوم الي وكعت اعيوني عليهة واني حالف ما اصير الة للشيخ نسر سكتت واني اباوع لعيونة صارت مثل اللبوة وهية تدفعني بقوة وتصرخ بصوت عالي خلاني اوكف مثل المصدوم ع جرئتهة هاي
طيف بنكسار :ليييش ...فهمنني لييششش..حبيتككك..ورب ..السما والأرض حبيتك ..عشششكتك.. من صغرررري الهذة عمري...من..يوم الفتحت بي ...عيوني ع هل دنيا ..واني مشايفة رجاال غيرررك بعيني صررت كللششي بنسبة الييي روححي وعمرري ودنيتي ما فكرررت بحياتي بشخص غيررك وانتة بشنو جازيتني هههه اني اكوولك بشنووو بكسرر ..بدموع بجروح بخذلان مكمت ..انااام بسببك رحتتت البغداد ..ع موودهة ..واخذذذت رووحيي وياكك تعرف ...بهالسبوعين شنو صار بية شنو الحالة الوصلتهة بسببك.. بسبب حبك هااا وهسة جاي تكللي حبيتهة دكلهة هذة لعددد ليش مدكلي منبضلي...محبنيي...لليشش
نسر : اباوعلهة اتهسترت وهية تضرب ع صدري وتبجي لزمت ايدهة بقوة ورجعتهة ع الحايط باوعتلهة بحدة واني اصرخ بيهة واهز بأيدهة محببببيتجج افهممممي مااا حببيتجج ومستحيللل احببببج بيووم لا واعدجج بشيي ولا مأملججج وخلللي اباللججج هاللحجييي موووو الشيخ نسررر اليقبل بوحدة امها جانت تشغل خددامة عدددهمم مفهوووم
طيف :.......
