رواية الضابط فهد ومريم الفصل الخامس والعشرون بقلم مجهول
مريم: كعدت الصبح الساعة 9 اول مافتحت اجة بالي فهد فتحت التلفون ونفس طيحان الحض ماكوو اي خبر منة كمت سبحت لبست دشداشة نيلي وبيهة تطريز مثل القفطان ولبست شال ونزلت زينب عفتهة نايمة نزلت صبحت عليهم وكعدت همة يحجون واني ماشارك بالي يم فهد صار الضهر واني ع نفس حالتي كمت سويت وياهم غدة بس اشتغل واني صافنة صبوو الغدة اني ماا اكلت
سعاد: يمة شبيج صاير شي متعاركة وين فهيدان
مريم: لاا عمة ولله مصاير شيي بس اني ماشتهي صعدت فوك خابرت امي وحجيت وية نور من احجي وياهاا تغير نفسيتي صارت الساعة 3 نزلت جوة كعدت ب الصالة انفتح الباب محد طب كلبي نغزني كمت وكفت ع حيلي ثواني وطب فهد لازم ايدة كوة يمشي تصنمت بمكاني ماتحركت كاموو الولد علي خالة سعاد وبيبي لطمن
سيف: فهد شبيك متصوب
فهد: مابية شيي خلوني اطب
علي: شو وين اطب خوية اطلع برة امشي للمستشفى كبلل
فهد: علي ولي عن خلقتي ماريد مستشفى
سيف: فهد لتعاند امشي
مريم: واكفة وعيوني تنزل ماتحركت من مكاني
شهد: مريم بيج شي
مريم: فهد شبي شهد
شهد :اهدي مابي شيي يكلبي ايدة متصوبة بسس
مريم: يعني ميموت
شهد: لاا شيموتة هية ب ايدة الطلقة
مريم: ضليت اراقبة وماحجي شيي بس دموعي تنزل هوة رفع راسة باوع علية ونزل راسة ماقبل يروح للمستشفى بس غصبو الولد سندو سيف وعلي وهمام ومهيمن هم راحو وياا كعدت ادعي مابي شي وخالة سعاد وبيبي نفس حالتي هذا الجنت خايفة منة ولله ساعة وخابر همام ع زينب
زينب: بشر همام
همام: لحمدلله وليد مزنجر نفسة
زينب: عزاا همام مكاعد اشاقة وياك احجي
همام: انجبي لاا اجيج هذا كلشي مابي طلقة طلعوهاا فضت راحت
زينب: لو بس اعرف شوكت تبطل سخافة وتاخذ الامور بجدية
همام: ولي اروح اكلل من المطعم
زينب: تاكلل شنوو شوكت تطلعون
همام: بليل بس يكعد ضربو مهدئ
زينب: تمام روح اكلل الف عافية يبعد العافية واهلهاا
همام: بزونة همام يلاا وليي احبج
زينب: يبعد كلبي الله وياك
سد التلفون همام وباوعت عليهم بحماس
فهيدااان مابي شيي وبليل يطلعون
سعاد: الف الحمدلله ولشكر اللهي
الحجية: ربي احفض وليداتي الخمسة من كلل شرر
مريم: من حجت زينب هيج رحت اركض عليهة وحضنتهة
زينب: مابي شي فهيدان لتخافين علي هذاا السبع
شهد: چاا شني مهيمن هم سبع
زينب: اكلج شهدة لاا تصيرين نفس وجه الطاوة حاطة نفسج بكلشي عوفيني احبج احسلج
شهد: يمة كلشي ولاا تحطيني ابالج خلص جذب جنت اشاقة وياج
مريم : شوكت بليل يطلعون يعني
زينب: اكلج لاا تصيرين افيسدة اكعدي راحة وعوفي سوالف المزوجات
مريم: شنو غير رجلي واريدة
شهد +زينب بمكر: اهاا تريدي
مريم: ايي اريدة يلاا ولو عن وجهي
زينب: تعاي وجه المطلقة صايرة امشي حطي صخام بوجهج ولبسي لون ححلو لازمة عدة لابستلي نيلي هسة ينهزم الرجال
مريم:طالع لسانج زنيبة
زينب: محد يموت ورة احد
مريم: اتمنى كلبج بي نفس الحجي وتنسين
زينب: انسى لتخافين علية
مريم: اعرفج ذيبة
زينب: يلاا هسة نغير المود نسويلج حمام نسائي
مريم: اوععع ولي عزاا منحرفة
زينب: اكلي نعل عابت لوجهج موصوجج
شهد: عزاا تضحكون
زينب: اووي سندوس الفاهية هاي كل قوتج
مريم: عفتهن وصعدت طلعت دشداشة لون بيجي ردانهة تصميمهن نفس العبايات الخليجية حتة التطريز كلهن مال جهازي من يم الخصر ضيكة وجوة الخصر لاا عادية مو عريضة وطلعت شال بلونهة بس شوية افتح سبحت وطلعت ضليت انشف بشعري ساعتين كاملات بس لشعري بحيث ايدي بعد ماحس بيهة رفعتة حتة اخذ راحتي ب المكياج حطيت مكياج خفيف حييل بس مادري ليش يطلع مبالغ بي بملامحي شكد ماا اخفف يطلع احلاا ع وجهي المهم صارت ب 7 كملت كلشي لميت شعري كلة حطيت الشال ب اهمال وشمرت الباقي ع جتفي طلعت خصل خفيفة من كذلتي حطيت العطر اقصد سبحت ب العطر ونزلت يمة لوو تشوفون وجه افراح وامهة ملامحهن اصلاا ميتفسرن
زينب: هلاا ب الزين كلة هلاا ب الححلو مالتنة
مريم: لتخجلوني
سعاد: ايي هاي بنتي يمة لاا يحسدوج
الحجية: ضمي الفرخة قبل لاا يجي فهيدان يمة
افراح: خالة شنو قصدج يعني منو يحسدهة اني لو امي
زينب: افراح اكوم ادوس ابطنج اطلع مصارينج من خشمج خلينة كاعدين وفرحانين هدي هدي لتنفجرين علينة
ام افراح: زنيبة لسانج
زينب: شبي خالة لساني ميحجي غير الحق واثقة منة تربيتي
ام افراح: سميرة متعلمين بنتج
سميرة: ولله ياا عيني هنة كل البنات هيج قابلل احاجي بس بنتي هنة بنات بيناتهن ميصير ندخلل
ام افراح: افراح لزمي لسانج وكعدي خلي يفض العرس دنولي
افراح: ايي الكلل يولي مو بس احنة
مريم: اذا قصدج علينة ف اكيد احنة ماباقين هناا
افراح: چاا خوش الله وياج وجه الفكر
مريم: هاي اخلاقج هيج بس راح اسكت لائن موبحالج اصلاا
افراح: ايي واضح مو بحال احد من مكياجج رجلج ب المستشفى وانتي محمرة
مريم:لحمدلله رجلي مابي شي وثاني شي لاا انتي ولاا غيرج يخاف علي اكثر مني
افراح: اووي بطرانة انتي شايفة نفسج علينة استقري
مريم: من تصيرين بتواضعي احجي وبعدين ابوج مو بعدة ماصارلة سنة من متوفي قبلل اشكم يوم منو لابس الاحمر وكاسر الحمرة ع بلاجمة اني لوو شهد
افراح: ابوي لجيبين سيرتة ع لسانج فتهمتي
مريم: اي واضح اصلاا كللش متاثرة بي
سعاد: يمة مريم روحي للمطبخ انتي وشهد وزنيبة يلاا
مريم: نشالله خالة ،كمت من يمهة واني كلبي بارد لائن ماسكتلهة هاي مو مال واحد يحترمهة صدك التهيت وية البنات الساعة 9 طبكت سيارة بلباب مالتنة طب مهيمن وطب سيف وعلي ساندين فهد
فهد: ماريد انام كعدوني هناا
مريم: كعدو ع القنفة واني واكفة يم الباب واراقبهم كامو كلهم سلمو علي وتحمدولة ب السلامة ب الاخير اجتي افراح ردت وسلمت علي الله ياخذهة حتة اني ماعندي الجرئة اسوي هيج بس ماعوزهة تحضنة ضجت وضليت واكفة يم الباب ماطبيت انتبه علية هوة صعدت فوك مانزلت يعني شنو هيج تسلم علي موعيب عليهة من بعيد الحمدلله ع السلامة ونجبي وكعدي لازم اطفر روحي يعني ضليت افتر ب الغرفة فكرة اجيبني وفكرة توديني بعدين فكرت شنو اخليهة كاعدة يمة واني هنا كاعدة صدك غبية اني كمت عدلت شالي ونزلت طبيت جانو الولد كلهم كاعدين وافراح وامهة وبيبي رحت علي سلمت وكعدت يمة
مريم: تريد شي
فهد: شريد من الله بعد بربج
مريم:شنو فهد اسكت عيب
فهد بصوت عالي :بوية مرتي واريد اتغزل بيهة تقبلون عدكم اعتراض
همام: اي اني عندي
علي: انتة انجب اتغزل ابو الفهد تريد اصعدك فوك
سيف: علي شو انتة صاير ادبسز ع الخطوبة خير
علي: ياخي شعليك انتة عوفوني اعيش حياتي
سعاد: اسكتو متملون اتغزل وليدي الله يحفضكم واشوف جهالكم
افراح: هههههه ياا خالة هية مريم شكول جهال
فهد: ايي ليش لاا اذا يجون يشبهوهة اخلف عشرة
مريم: اووي خجلت بس ماخلف غير ثنين لتحلم زايد
فهد: الله كريم الرزق بيد الله
مريم: متعشي
فهد: ايي
تلفونج وين
مريم: هذاا
فهد: افتحي التلفون
مريم: فتحت التلفون وشفتة دازلي
فهد: 💬 كومي روحي يم البنات
مريم: 💬 لييش يمة سويتلك ازعاج
فهد:💬 اي كومي وليي
مريم: 💬 تمام اسفة ع الازعاج
اختنكت وكمت من يمة مو صوجة صوجي اني ماكلت هذا فهد الميتغير شبية اني ليش حطيت مكياج عود محد يستاهلل صعدت فوك رحت غسلت وغيرت الدشداشة وكعدت اباوع ع دموعي ينزلن لحالهن باوعت ع نفسي وحجيت
ضلي ابجي ضلي ماعندج غير هلسالفة رتاحيتي هسة هوة ميحبج جذب كلج احبج كال خاف اموت وربي يعاقبني لائن ماحب مرتي ضلل كاعد يم وجه الطاوة مسحت دموعي وصديت ع الباب لكيتة واكف ولازم ايدة ويريد يضحك
شكوو تضحك علية
فهد: خبلة تحجين وية نفسج
مريم: ايي خبلة ضارك بشي تقدم يمي وحجة
فهد: كلتلج كومي لائن ماريد احد غيري يشوف هذا الجمال شنو بوية حرام احاجي مرتي
مريم: مو مرتك يلاا روح يمهة كعدت يمك وبعد متكدر تباوع عليهة براحتك
فهد: مريم لتروحين زايد ب الحجي افراح لو اريدهة جان اخذتهة اني معتبرهة اختي تريدين تصدكين او لاا شيي راجعلج
مريم: تمام تمام مصدكتك
فهد: امشي ننزل
مريم: موو متقبل
فهد: لاا مو غسلتي وجهج
مريم: توجعك ايدك
فهد: ايي هوااي
مريم: اوي بية ولاا بيك
فهد: انجبي غير تفضحيني يلا امشي
مريم: مانزل
فهد: مريم امشي ماكدر اوكف
مريم : فهد مانزل يعني مانزل يلاا عوفني
فهد: عدلي شالج وضمي شعرج وامشي يلاا
مريم: ذبيت الشال وفليت شعري
ماضم كلشي واذا تريد انزل هيج انزل
فهد: ماراح احجي لائن ادري بيج انتي متقبليهة ع نفسج تنزلين هيج
مريم: ايي مانزل عوفني اذا انزل اروح اكفشهة شفتهة شلون لازمة ايدك وباستك هم
فهد: هاا بوية شتغلت الغيرة
مريم: هه واثق من نفسك ماغار ولاا شيي بس شي مسجل ب اسمي مالهة شغل بي هية
فهد: يلاا راح انام اني ميحتاج انزل
مريم: وانيهم تعبانة ومن غسلت نعست
فهد: دتعاي نامي لعد
مريم: تمام لحضة خليني اعدل الفراش
رحت حطيت مخاد ثنين حتة متتاذة ايدة ورحت سندت ايدة ونام
فهد: لمي شعرج عيني ربانزل وتعاي نامي
مريم: يااا صدك تدري هااي احلاا شخصية من اميرات ديزني احبهة
فهد: يمعودة لو بايسج متخجلين هيج
مريم: فهد لضل فويسد نام يعني متصاوب ومتبطلل سوالفك
فهد: شكلت بوية راح اكوملج ستغفرلله فوكاها تريد تخلف صدك حجايت افراح من تكول هية هاي شكول جهال
مريم: فهد تراا ادوس ب ايدك واخلي عياطك للحمزة نام يلاا
فهد: مشتاكلج العنيفة مالتي
مريم: مو مالتك
فهد: تسجلتي بجنسيتي وبكلبي بوية مالتي وغصباا عليج وع الكل
مريم: رحت كعدت يمة
صدك ايدك تاذيك شلون تتحملون الطلقة انتو
فهد: اجسامنة تختلف عنكم انتن ترفات بوية مايعات
مريم: ضربتة ع بطنة فهد منو مايعة
فهد: اخخ يمة
مريم: شنو شبيك ولله مو يم ايدك
فهد: لاا مابية شي
مريم: فهد شبيك ليش لزمت بطنك وخر اشوفهة
فهد: مابية شي مريم نامي
مريم: مانام شوفني بطنك
فهد: بوية ماعندج اخوان تتحرشين بية
مريم: ايي ماعندي فهد لتخوفني شبيهة بطنك
وخر التشيرت وطلعت بطنة حاطيلهة بلاستر مال جرح هم
عزاا هاي شنو الطلقة مو ب ايدك
فهد: هاي شضاياا مو طلقة
مريم: يعمري الله يساعدك ومتحمل وتضحك وتشاقة وياي هم
فهد: تهون بوية بسيطة نشالله يلاا نامي
مريم: لاا مانام الة تنام انتة شلون راح تنام وكل هذا بيك شنو متحس ترا ادري توجع حسيت ع دموعي ينزلن
فهد: بوية ليش هلبجي شوكت تبطلين هاي السالفة ع النملة تبجين صيري قوية
مريم: اني قوتي بيك انتة تدري من اول ماخطبتني كلت راح اطلع من هلضلم وراح يصير عندي سند بدنياا
فهد: مسحي دموعج يعمري ولتباوعين علية هيج
مريم: لييش موحلوة
فهد: عيونج يسطرن مثل شارع بغداد القديم مريمي
مريم: احب من تكلي مريمي
فهد: مريمي
مريم: عيونهاا
فهد: اووف يعيونهاا بيهن حجي مثل كتب المتنبي
مريم: هسة عوف عيوني شلون راح تنام وكل هلشضاياا ابطنك وطلقة جانت ب ايدك
فهد: انام بوية تذكرين الهجوم شسوة بية قبل موضليتي 3 اشهر دارين بية
مريم: لتحجي هيج غصباا عني انتة رجلي وهذا واجبي
فهد: راح ضلين تبجين تعاي نامي
مريم: وين اجي
فهد: هاج ايدي ونامي
مريم:شسوي بيهة ايدك
فهد: اقري عليهة معوذات
مريم: من تنام انام،نمت واخذت ايدة وهوة نام ع ضهرة وغمض ميكدر ينكلب ايدة تاذي
مدري شنقص ب العمر من المرض جاسك
اليلة انومك واضل كاعد بصف راسك
ولو نزل مني الدمع لاا تقلق اطمن
صدكني راح ابتسم لمن تصير احسن
--------------------------------------------------
(زينب)
ورة ماصعد فهد رحت لغرفتي طبعا غرفتي جانت ل اهلي قبل متتوفة امي الله يرحمهة من اتوفت امي ابوية كام ينام ب الدوانية ميقبل يطب للغرفة اني كمت انام بيهة طبيت للغرفة نمت وضليت افكر كلعادة اخذت تلفوني طبيت للانستاا شفت احمد ناشر اريد اطب للستوري واتردد طبيت للستوري شفتة ناشر صورتة ب المستشفى مو هوة ماخذهة احد ماخذهة وناشرهة وهوة مسوي توجيه للستوري وكاتب الحمدلله ع كل حال كتبتلة
💬الحمدلله ع السلامة واسفة صار كل هلشي بسببي اني لو ادري يصير هيج مادز عليك حتة لو يذبحنة.
كتبت هيج وخرجت حسيت نفسي ارتاحيت من اعتذرت بس حتة لو اعتذرت هذا ميغير شي يارب احفضة ل اهلة ولخطيبتة هوة مالة ذنب بكلشي اني الي حبيتة هوة مافديوم باوعلي بغير نضرة هوة اصلاا مباوعلج زينب لائن هوة جان صدك رجال وفي لحبيبتة وميشوف غيرهة اني صح احجي هيج بس مانكر وجع كلبي اصلاا النغزة هاي تصير ابطني كلهة بس المار بهيج موقف يعرف شعوري ماا اجاني نوم كمت كلبت الكنتور وعزلتة وطلعت الملابس الماريدهن ضميتهن انوب رحت ع المكياج كلبتة ونضفتة شكد خبلة انتي زينب تلهين نفسج بكلشي ومن تروحين تنامين تكلبيهة مناحة وبجي كملت رحت سبحت مانشفت شعري بس مشطتة ورحت نمت اخذت تلفوني شفت رسالة منة حسيت فرحة ع خوفة بكلبي طبيت للرسالة كاتب
💬 خيتي لتحجين هيج احنة جوارين واهلل مابيناتنة هلشي وهذا واجبي الحمدلله ع سلامتكم انتو هم
خيتي موو شوكت صرت اختك عابتلك وعابت ل اختك سويت اعجاب للرسالة وخرجت ونمت
(احمد)
طلعوني للبيت وصرت احسن ثاني يوم بليل راسلتني زينب جيرانة تعتذر شكلهة من طلعت برة مديروح من بالي حسيتهة تندمت اتصلت بية من شافت الوضع صار صعب شوية بنت الاوادم اني اخذوني ب السيارة وعياطهة ماوكف الولد ماقصرو راحو وياية وكفولي وكفة اخ الضربة صارت مو بكلياتي ولاا ابطني جوة كليتي اليسرة الدكتور كال نسبة انو اجيب جهال صارت كللش ضعيفة من يوم الصار الحادث وعرفت سماح حسيتهة ضاجت ومن اريد احجي وياها اطلع حجة بخطار لو نعسانة اريد انام وبعدين نحجي مشغولة هاي ال يومين سوتهن علية جحيم اريد اشوفهة وين تريد توصلل
.............................................................
مريم: كعدت الصبح الساعة 9 لكيت فهد نايم الضاهر بعدة مفعول المهدئ ماراح رحت طلعت ملابس بهدوء وطبيت سبحت طلعت لكيت فهد كاعد
صباح الخير
فهد: صباحي انتي
مريم: مبين مزاجك ححلو اليوم
فهد: اليصبح بهيج وجه شلون ميصير مزاجة ححلو لاا وعسلل هم
مريم: وين انطي وجهي اني
فهد: انطي الي عندي كم شغلة ويا
مريم: افيسد كوم يلاا كام يضحك ورحت ساعدتة يكوم طلعتلة ملابس ولحمام قبل ماطلع حضرتة طب سبح بس كلت الله يعينة شلون راح يكدر وهوة صاير منخل من الشضاياا طلع من الحمام وشكلة عبالك جان بحرب شعرة نازل ع وجهة وحتة ملابسة شلون لابسهن مادري رحت علي لزمت ايدة وكعدتة كدام المراية جبت المنشفة واشوفة يباوع وكاتم ضحكتة
شبيك شنو اليضحك
فهد: شنو صغير اني شدسوين
مريم: اهووو فهد شسويتلك يعني دانشف بشعرك ترا
فهد: يلاا بوية نشفي
مريم: انشف بشعرة واباوعلة غمض كلت هذا راح ينام وخرت المنشفة وضل مغمض
فهد نمت
فهد: ميصير انشفلج شعرج
مريم: لاا تسلم نشفتة مشطت شعرة ورفعتة مثل ميسوي هوة حتة لحيتة عدلتهة ' يااي زوجي لكيوت
فهد:مريم انتي لازم تجفصين ب الاخير يلاا لمي شعرج خلي ننزل
مريم: اسفة بس تحمست
فهد: بطلي هلحماس واكعدي عاقلة جوة شقة وميانة زايدة ماريد خووش
مريم: خووش
فهد: عفية هيج اريدج تسمعين الكلام
مريم: رحت طلعت شال واكفة كدام المراية البس ب الشال واعيب علي كملت ورحت وكفت كدامة
يلاا تفضل
فهد: شالج عدلي شعرج طالع
مريم: اووي فهد تراا مو الاميرة دياناا وخر يلاا امشي
فهد: موكلنة نسمع الكلام مريم شعرج ضمي
مريم: ستغفرلله رحت وكفت يم المراية وضميت شعري ورة اذاني وكفت يمة
هاا استاذ هيج تمام
فهد: ايي ربانزلي تمام
مريم: كيووووت
فهد: مريممم كيوت شنوو بطلي هلسوالف عييب زلمة شطولني شعرضني اطلع كيوت لسانج ليفلت كدام احد
مريم: تمام نشالله ابطل جفصات لتخاف ميفلت
فهد: خوش يلاا بوية امشي
مريم: نزلنة جانو كاعدين كلهم طبعا بيبي تكعد الصبح وتكعدهم كلهم صبحنة عليهم افراح جانت ماموجودة شعجب رحت للمطبخ اسوي ريوك سويت بيض وحطيت جبن وكيمر عرب ورحت كعدنة ناكل طبعاا فهد ميكدر ياكل اني ضليت اسويلة لفات وانطي بهاي الاثناء افراح جانت كاعدة تباوع بطرف عينهة واني ماحب اعاند ابد ماشعلت جدهة كملنة واخذت الصينية للمطبخ غسلت المواعين ورحت كعدت يم فهد اباوع علي يخزر هذا شبي هم يريد يطردني
شبيك تخزر تريد اصعد بكرامتي بدون طردة
فهد: عدلي الصخام الابستة مريم
مريم: شلون شغلة وية الصخام
فهد: مشكلتج
مريم: تقدم علية وكام يعدل ب الشال ب ايد وحدة وكدامهم عزاا يفشلتج يمريم
همام: بلشو عااد كومو اصعدو فوك بلاا مطرود يلاا
سيف: شعليك انتة جنك العجايز حط راسك بتلفونك واكل نعلل
همام: شنو هية حرام زوجوني واسكت
فهد: ليش مناخذلة نور يصيرون القبق ع الجدرية
مريم: فهد يشيلوكم من المنطقة اذا تصير هلسالفة اسكت ليسمعوك
فهد: همام لكيتلك مرة بس خليهة بعدين
همام: كول ولله
فهد: ولله
همام: العببب لككك هذاا صدك كفوو مو مثلكم شادين وياي وانتو تلعبون ع الحبلين روح فهودي اليوم عشاك علية من هلركبة
علي: لييش متاكل نعل وتكعد انتة ولزواج شنو
همام: چاا انتة من ازوجت ماكلت هلحجي النفسك لتخليني اطلع سوالفك
علي: ياخي ازوج وجفيني شرك ولي عن وجهي
همام: اصلاا هذا الوجه المفروض يكعد يكابل ناس اكابر مثقفين مو مثلك اجلح ماكارط النعمة
علي: اصلا وجهك يطرد النعمة
همام: ازوج ودلل الة احجيلهة ع كل سوالفك المكسرة ياا مكسر
علي: حافي منتف
فهد + مهيمن: سدووو حلوكمم
همام: شنو منوو شصار
مهيمن: احترم الاكبر منك
همام: هوة انتو تجون ع الفقير
مريم: صافنين عليهم شلون يتعاركون واني اريد اضحك مادري شلون كدرت اضحك بصوت ناصي اني ضحكتي فضيحة وكل هذاا ويخزر لو ضاحكة ضحكتي الصدك شسوي وربي ترجعني لهلي طبت زينب ضايجة
مريم: شبي الحلو
زينب: انتو ناسيني وكاعدين بدوني
همام: اكو واحد ينسة روحة تعاي هوة احنة مضلومين شنسوي
مريم: ضلينة كاعدين ولكعدة صارت تخبل شبعنة ضحك بس اكيد مادامت طبت ام احمد علينة وجهة ميتفسر وهجمت ع زينب .........
