رواية الضابط فهد ومريم الفصل السادس والعشرون بقلم مجهول
مريم: منشوف غير ام احمد هجمت ع زينب وصوتهة وعياطهة ملة البيت
ام احمد: يل متخافين الله ضيعتي مستقبل ابني كلة من راسج جنتي حاطة عينج علي واحنة ع نياتنة طببناج بيتنة شدعي عليكم هسة
بيبي جانت برة هية وخالة سعاد وخالة سميرة وام افراح سمعن العياط واجني
الحجية: ولكم شكوو فضحتونة
ام احمد: اني فضحتكم لو بنتكم الي ماا ماخذة تربية
سميرة: اهدي ام احمد وفهمينة شصاير متسوة هلعياط
ام احمد: تسوة متسوة ميهمني ولج بعدة عريس مالكيتي غيرة تخابري بنص اليل شكول عليج بواكة الزلم راح مستقبل ابني كلة منج
همام: كافييي لهناا وبس شنو احنة كدامج بياعين خضرة الحجي موجه للكل زينب خط احمر الي يدوس شعراية وحدة منهة ادوس ع راسة كائن من يكون
فهد: همام لتعيط سد حلكك خلينة نفتهم اكو احد يفهمني شصاير
ام احمد: اني افهمك بنتكم الحروسة دزت ع ابني ينقذهة تصاوب بسببهة وهسة حالتة حالة لاا يقبل ياكل ولاا يشرب من يوم الحادث وبلاخير طلعت تحبة تتمعشك من وراكم هية هاي تربية
زينب: ف فهد ولله ماجنت ادري راح يصير هيج جنة خايفين وماكو احد بلبيت بس اني ومريم محد رد علية ومن شفتة راد يعبر من الباب مالكيت غير حل وخابرتة صدكوني ماعندي غير نية
فهد: يانااااس لتخبلوني شنو يعبر وشنو بس انتي ومريم احد يفهمنييي
مريم: فهد الناس الي مهدديك واحد منهم راد يفوت علينة للبيت شفنا ب الكامرة وصار الي صار
فهد: وليش محد كلي وهسة يلاااا اعرف شوكت جنتو ناوين تكلوليي هيج موضوع شلون تضمو عنيي فهمونيي
علي: فهد اهدئ انتة جنت متصاوب شتريد نسوي يعني نزيدهة عليك
افراح: رتاحيتي زنوبة عاجبج الديصير
زينب: افرااح وجهج لتخليني اشووفة احسن ماسحلج سحل وامسح بيج الكاااع لتحطين راسج براسيي راح تتعبين صدكيني
الحجية: احترام بهلبيت ماكو مو محد يحترم الجبير بعد وانتي ام احمد كلشي قضاء وقدر وسويتو زينب سبب ميصير هيج ترا تتهجمين علينة وين كاعدين
ام احمد: لو مربين بنتكم زين محد يتهجم عليكم
همام: زينب مترباية احسن تربية محد يكدر يمس تربيتهة بشعرة
زينب: همام حبيبي الله يخليك لتحجي عوفهة حقهة لتسوي مشاكل
همام: زينب لتدخلين شتريدين اوكف اخليهم يحجون ع تربيتي كدامي ماسويتي شي غلط انتي
شوفي ام احمد جيتج ع عيني وراسي واحمد اخوية ومافديوم شفت منة شي واني لو ما اثق بي مادز اختي وياا زينب بعدهي صغيرة متعرف بسوالف الحب وشراح يصير ب الاخير لو مسوية شي غلط اني ماسكت بس ارجع واكول هاي تربيتي واعرفهة وثاني شي هية لاا حاجية وياا ولاا مسوية علاقة وياا حبتة من بعيد وبس ماا ضاركم ولاا ضارة هلشي اذاهاا اذا ترجعين للصدك هية الي دمرت نفسهة مادمرت ابنج من خابرتة ماخابرت من رقم حجتلي كلشي زينب جانت خايفة حطي نفسج بمكانهة ملثم يفوت لبيتج وبس انتي بي شسوين يعني هية تعلم الغيب شمدريهة راح يصير هيج اتمنى متنعاد هاي الشغلة
ام احمد: متنعاد وانتي ماريد اشوفج متقربة لابني لو تبقين بس انتي ماا اخذج لاحمد حسبي الله ونعم الوكيل
سميرة: ماجنة متوقعيهة منج ام احمد عود احنة اهل فديوم شفتو منهة شي هاي الجوهرة مالتنة وهنيالة الياخذهة الله يسامحج بسس
مريم: عافتنة وطلعت بدون متحجي وزينب بس تبجي ماسكتت فهد كاعد ولازم راسة علي ولولد مادخلو عيب يجاوزون مرة جبيرة
همام: زينب تعاي وياي
زينب: وين
همام :لغرفتج
زينب: طبيت لغرفتي طب همام وسد الباب
همام: هسة ليش دتبجين
زينب: اسفة لائن حطيتكم بهيج موقف
همام: موقف شنو هذولة عقولهم فارغة بنيتي لتنزلين دموعج الغالية لهيج موضوع كلنة ندري بي موعيب
زينب: شكرا لائن وكفت وياي
همام: زينب اني وياج بكلشي لائن ادري بيج متغلطين وهسة مسحي دموعج رجعي زنيبتي الاعرفهة اوكفي بوجهم كلهم اليحجي وياج كلمة ردي بعشرة مثل ماا متعود عليج اني خووش
زينب: خووش
همام: وهسة اطلعي لتخلين هاي الحية تشمت بيج
زينب: ادلل اخوية الححلو ربي يحفضك الي يروحي انتة
همام: ويحفضج الي يبعد كلبي
"مريم :صعد فهد فوك عفتة ماصعدت ورا دقايق وماتحملت صعدت طبيت وجان يعيط بوجهي
فهد: مريمم اريد ابقة وحدي اطلعيي
مريم: اوي عابت جفلتني ترا غرفتي مثل ماهية غرفتك
فهد: لا غرفتي ولاا غرفتج
مريم: تدري احلاا شي سويتة خليتهم يجيبون غرفة الخشاب كللش احبهة
فهد: هسة وكت هلموضوع مريم
مريم: ياااا فهد لضل ضايج حباب ولله موقصدي لمصلحتك ماكلت واني اكيد جنت راح اكلك من تصير احسن
فهد: هسة وين هوة
مريم: منو
فهد: مريم مو وكت فهاوتج الي تهجم ع البيت وينة هسة
مريم: هاا مادري ضرب احمد ونهزم
فهد : خوش تمضرط ممنوع تبقن وحدجن مفهوم
مريم: ادري بدون متكول التوبة
فهد: خووش اريد ابقة وحدي
مريم: يعني تريدني اروح
فهد: اي
مريم: بس اني مراح اروح مستحيل اعوفك وحدك وفكرة اجيبك وفكرة توديك ادري بيك مهموم ومن سمعت بهلسالفة زاد خوفك علينة فرغ قهرك بية عاركني المهم نتشارك الهم سوة واكون وياك هلشي كللش يعنيلي صدكني
فهد وية نفسة: فوكاهاا كلبي يكلي ليش حبيتها
مريم: حجيت شي
فهد: لاا يلاا تفضلي شاركيني
مريم: يااي فهد جان خطفوني وشفت هذولة اهل العضلات
فهد: مريممم اطلعي برة بسرعة لتخليني ارتكب بيج جريمة
مريم: ههففف موصوجك صوجي اني بطولي وبعرضي اجيت يمك اواسيك بس انتة تبقة فهد المغرور ابو خشم يابس ، قبلل ميحجي طلعت وطبكت الباب حييل نزلت جوة جان الكلل ضايج غريب شلون نكلبت الاجواء من ضحك لهاي الحالة
افراح: خيير اجيتي تشمتين بينة
مريم: شدتحجين انتي اتشمت بمنو
افراح: بينة بمنو مدشوفين الوضع كلة منجن اصلاا
همام: شلون راح اكوم افلش راسهة هسة
مهيمن : همام خييرك صاير دخل نفسك بسوالف النسوان الزم اعصابك واكعد
همام: ياا اخي العزيز اذاا متريدوني مادخلل سدولي حلكهة لذب سمهة يمي
ام افراح: يمة هية شكالت انتو صايرين متحترمون تريدون اروح واخذ هاي اليتيمة الحاطين عقلكم وياها
الحجية: لزمي بنتج وكعدي يكسرون راسهة متحجين اليطول لسانهة ويغلط ينكص لسانة
ام افراح: تعاي كعدي هناا ولتحجين اي كلمة لتخليني اخذج واروح ويحرم عليج طلعت الباب
افراح : هوة هاي شغلتكم انتو دافعون المريم ولزينب بس اني بنت البطة السودة
ام افراح: ولججج
مريم: اني جنت واكفة بلباب طلعت ودفعتني بجتفي شكد حقيرة ترخصت منهم ورحت لغرفت زينب طبيت لكيتهة كاعدة وعيونهة مورمة مبينة باجية انوب
هاا زنيبة ام دميعة خيرج
زينب: اتمنى يرجع الزمن وماعيد غلطتي
مريم: ماغلطتي انتي حبيبتي شيلي هلتفكير من راسج بغلاتي
زينب: اني ماريد اهلي هيج بنكسرون من وراية ماحب هلنضرات ورغم كلشي واكفين وياي واني شنو سويت خليت اليسوة ولميسوة يحجون عليهم ام احمد هسة تلكيهة اي وحدة من الجيران تجي عليهة تحجيلهة اشكال علية من غير الغلط ولفشار
مريم: الله موجود لوو ضلل تحجي
زينب: ونعم ب الله بس هذا عمر اني اكره هيج نضرات العالم مراح تكول بس حب من طرف واحد ولاا يدرون اني ماحجيت وياا وحتة لو يدرون مراح يصدكون راح يكولون مسوية علاقة وياا وتحبة وازيدج انوب راح يكولون لائن خطب غيرهة جابت هذا الزلمة ودزت ع احمد حتة يضربة وتنتقم منة مراح يكولون اخوانهة مجانو ب البيت افهميني ماكدر اتحملل كل هذاا الناس مترحم
مريم: الصراحة قنعتيني حجيج صحيح الناس عادي عدهة تحجي بعرض العالم عدهم مثل شرب المي
زينب:يارب شلون هيج الانسان يتحطم بسبب شخص شلون اتخلص من هالشعور وارجع حياتي طبيعية مثل قبل بدون حب بدون كلشي
مريم: زينب كولي ياا الله فترة وتهون نشالله
زينب: واسيني
مريم: ههههه ولجج اني خليني اواسي نفسي طردوني واجيت يمج
زينب: عزاا شسويتي ولجج
مريم: ولله ماسويت شيي بس كلتلة لو خاطفنة هذا التهجم علينة جان شفت هذولة اهل العضلات
زينب: صخام بكصتج ع هلجفصة ولج انتي شوكت تبطلين سوالفج يلفطيرة زين ماجنزج
مريم: شنو خية شحجيت وذا يعني همة مو ديباوعون ع البنات ويحبون الشكرات وشسمة بعد عييب
زينب: وشسمة شنوو ههههه
مريم: اووي انجبي عوفيني طايح حضي اني
زينب: علساس اني حضي واكفلي مثل الجبلل ماينهز
مريم: هسة منو يواسينة
زينب: خية واسي نفسك بنفسك احسن
مريم: الة اخلي يعتذر مني اصبريلي
زينب: ديلاا خلنشوفج شسوين
مريم: تمام اني اخليج تضحكين علية زنيبة
زينب: ديلاا ولي
مريم: صعدت فوك فتحت الباب بكل قوتي لكيتة كاعد رفع راسة علية مصدوم
راضيني
فهد: شنو بوية
مريم: شنو متسمع راضيني داكول
فهد: لاا ولله
مريم: ايي ولله شايفني داضحك وياك مثلاا
فهد: ليش بوية بيش طالبتني
مريم: فهد داكللك راضيني
فهد: ترا المفروض انتي تراضيني
مريم: ماراضيك لوو تموت يلاا باي
فهد: هييي وين
مريم: عفتة ونزلت حتة مارديت علي اني اعلمك انشوف منو يراضي منو رجعت ع زينب فتحت الباب ومبينة علية الخيبة صفنت علية وطكتهة بضحكة
زينب: هاا ولجج مبين طردوج انوب
مريم: لاا هلمرة طلعت بكرامتي حياتي
زينب: شسويتي شو رجعتي
مريم: تخيلي يكلي بيش طالبتني واراضيج ويريدني اني اراضي
زينب: عزاا لاا حياتي ميصير ماقبل اني زعلي يمي عادي استقبلج
مريم: اصلاا ماصعد فوك ولاا اكل الة اخلي يتندم هلغثيث واخلي يعتذر مني هوة
زينب: ايي عفية عليج هيج اريدج
مريم: شوفي همة من يسوون عشة انتي اطلعي اتعشي وعوفيني اني اصلاا ماشتهي وكليلهم مريم نايمة كعدتهة وماقبلت تاكلل
زينب: ادللي عوفيهة علية
مريم: تمام لعد ضلينة كاعدين نحجي وزينب شوية ضوج وشوية ترجع زنيبة ام السان صار العصر وفهد مانزل ولاا سئل علية مليت من الغرفة طلعت لكيتهم كاعدين محد مسوي عشة
خالة لعد شعجب مامسوين عشة
علي: اليوم العشة علية محد يركب
همام: شبيك ولة خالي شبيك راح يخبصنة عاد
علي: ايي حالي ليش ماخبصك بيك خير جيب انتة
همام: شوف اني اشتغل مو علمود اوكلك اشتغل علمود من يروح للشغل ابوية اصير اب الزينب ادري بيهة تضل تاكل
مريم: اباوع الزينب دمعت عيونهة صارن يلمعن
همام: هاا هاا لييش البجي شو تعلمتي ع البجي انتي
زينب: رحت علي حضنتة ياناس هلانسان قطعة من روحي اغلاا شخص ع كلبي هذا الي مافديوم خلاني احتاج الاحد شفت بحضنة حنان وخوف الام هذا الاخ الي يتسمة سند
همام انتة من شنو مخلوق فهمني
همام: ولله طين
زينب: ذولاك الناس منين الله خالقهم لعد
همام: ولله طين
زينب: شنو انتة جلبت شبيك
همام: اسكتي لتحجين هواي حتة متشبعين حجي اليوم العشة ع علي لازم نجوع
علي:اطلعهن منك لتخاف
همام: ادلل ميخالف
علي: يلا كوم وياي
همام: لازم اشارك
مريم: رجعت للغرفة وماطلعت منهة بحيث اختنكت بس ماستسلم صارت الساعة 6 ونص اجتي زينب
ولجج شلون اروح اكل وانتي هنا
مريم: ولله ماشتهي عادي ماا اكلل ماجوع
زينب: اني اجيبلج اكل راح اضم قبل ميصبون
مريم: بغلاتي عندج لسوين هيج ماريد اجذب اني
زينب :تمام ع راحتج عمري
مريم: راحت زينب واني انتضر فهد يجي بس ماا اجة وهذا المتوقعتة شتريدين مريم يجي يشيلج ويوكلج مثلاا نص ساعة او اكثر سمعت واحد من الولد يصيج جاي مهيل كلت اكيد خلصو وهسة افراح كعدت يم فهد ضلت فكرة اجيبني وفكرة توديني لحد ما غفيت بدون ماحس حتة ماتغطيت
زينب: تعشينة وكملنة شربت جاي ع السريع ورجعت الغرفتي اخذت تلفوني رحت فتت لحساب احمد اشوفة ناشر صورة سودة وكاتب عليهة
شعجّب مَا مش رسالة عاد أعرفنّك حِنين .
هناا حسيت مغص بطني لاا ارادي وهذاا اكثر شعور اكرهة يعني شوفو هية رسالة عتب مو غزل بس تقهر اكثر من الغزل تدرون ليش لائن هذا العتب يشوفكم حب الشخص الحقيقي وشكد هوة متعلق ب هل انسان خرجت من حسابة ورحت نشرت ستوري مكتوب بي
اههخخ يكلبي شكد وجع بيك ومحد يحس.
نشرت الستوري وعفت التلفون ذبيتة بعدين فكرت كلت اذا شافة احمد شراح يكول علية بس ليش يعبرني اني وستورياتي هسة بحالنة هوة ماهتميت باوعت ع مريم خطية جانت تضحك بس مبين عليهة الضوجة شوكت ترتاح هلبنية مادري جريت حسرة وفتحت التلفون شهكت بعلو صوتي بحيث حتة مريم كعدت مفزوعة
مريم: خيير شبيج شصاير
زينب: و ولج لحكيلي صار الماجنت متوقعتة
مريم: زينب لتخليني اكوم امردج ضغطي هبط احجي وفضيني شكو
زينب : عزاا ولج احمد راد ع الستوري مالتي اكيد هسة عبالة اني اقصدة
مريم: اي چاا تقصدين منو خية الكل يعرف تحبي علساس هوة ميدري اسكتي احسلج انتي بطرانة
زينب: ولجج كومي انقذيني حبابة ماعرف احجي راح افضح نفسي ب الزايد #ڪــڔٰا̍ڕ
مريم: امري ل الله شكاتب
زينب: شوفتهة لستوري وطبيت ع رسالتة جان كاتب
💬 اسف بس بكيف الكلب بعد
زينب: شوفي مريم شنو اكلة حبابة ماريد ابجي صارت غصة بكلبي ليش مديروح هلشعور
مريم: لتحجين شي كتبيلة الي تمنيتي الة
زينب: تمام، رديت وكتبت
💬 لتعتذر ماكو داعي ماسويت شي غلط انتة من سمعت بيك خاطب تمنيتلك كل السعادة ودعيت انو تسعدك ومتعبك بيوم صدكني
احمد: الله يسعدج وتلكين الاحسن مني اني ماستاهلج ونشالله اشوفج احلاا عروس
زينب: تسلم ،حط اعجاب للرسالة وخرج مارد ختنكت هنا تاكدت مستحيل اتخطى ياا اللهي لوو حابني وحابتة جان شراح يصير بية تاكدت انو الحب من طرف واحد احساسة اقوة ماتوقع اكو اكثر من هيج مستحيل شنو بعد يوكف كلبي
مريم: زينب لترجعين قاومي تكدرين تتخطين متاكدة
زينب: جنت افرح بشوفتة مريم وهمت نفسي اخترعت النفسي شعور ابد ماعشتة اني عشت لحضات لكلمات مكايلهة الي بس حسيت بشعورهة وهمت نفسي انو راح نعيش سوة طول العمر يساعدني واساعدة يسعدني وانسى كلشي مريت بي قبل ماعيش وياا جان هلتفكير اكثر شي غلط سويتة بحق نفسي .
مريم: كافي ياا عمري ميصير هيج تعذبين نفسج شفتي شلون حجة وياج زينب انسي وعيشي حياتج المدرسة راح تبدي اكعدي اقري للسادس محد يفيدج غير جامعتج ومستقبلج صدكيني
زينب: شكراا مريم ع كلشي كلامج هذا يساعدني هواي
مريم: كم زنوبة عندي اني
زينب: اجيبلج اكل هسة ضغطج هبط من الصبح مماكلة
مريم: لوو ابقة اسبوع بدون اكل هم اكلج لاا ماريد
زينب: مريم لسوين هيج قبل دقايق جنتي تكليلي محد يفيدج غير نفسج شصار وياج
مريم: زينب مراح اكلل خلص
زينب: تمام براحتج
مريم: ضليت كاعدة بغرفت زينب ماطلعت اختنكت حييل ردت ابجي بس كلت لاا ع شنو ضلين بس تبجين ميحتاج هوة الخسران صارت الساعة 10 وماا اجة ولاا اتصل ادري هوة مهموم وضايج بس عادي اذا حجالة كلمتين ماريد يراضيني بس ع الاقل اسئل علية كمت طلعت للحديقة بدون محد يحس علية كعدت اباوع للنجوم شلون تلمع تمنيت اني وياهن اني من وعيت ع الحياة كرهتهة من عرفت مالي مستقبل بيهة كرهتهة هلفترة حاولت اعيش بس يجي شي يخرب ولهسي ويرجعني النقطة الصفر حرفياا شي تافه يعني ليش كبرت الموضوع شكد حساسة اني كمت حتة افوت وصار بوجهي فهد ماهتميت ردت اعبر وكف بطريقي
مريم:فهد شرايد
فهد:وين مختفية
مريم: ميخصك
فهد:مريم الزمي السانج واعرفي نفسج وية منو دتحجين
مريم: اعرف نفسي داحجي وية حضرة الضابط فهد
فهد: خوش اصعدي فوك
مريم: تحلم فهد عوفني
فهد: مريم كلت اصعدي فوك
مريم: عفتة ماحجيت رحت من يمة وسمعتة يكول
اذا طبيتي لهاي الغرفة ماكو روحة ل اهلج
مريم: نزلت دموعي من كال ماكو روحة ل اهلج عفتة وصعدت فوك ردت ايشي اكسرة بس ماردت احد يسمع ويعرف ب الموضوع رحت ع الحايط ضليت اضرب بي لحد ماا حسيت اصابعي تكسرن طبت فهد شايل النركيلة
فهد: خيير شبيج شمسوية بنفسج
مريم: كلت ميخصك ياخي معليك
فهد:مريم لضلين جاهل
مريم: اني جاهل ليش زوجتني لتحجي وياي لتدخل بية
فهد: مريم تعبان بطلي سوالف تعبانة
مريم: ماريد اكعد وياك بغرفة وحدة شتريد مني مارد علية فتح تلفونة وكعد يدخن يم شباك الغرفة حسيت ادية وحلكي وجسمي كلة يرجف اكيد هبوط لائن مماكلة شي رحت طلعت البخاخ وكعدت حتة علاجي اليوم ماا اخذتة باوعي وكام من مكانة اجة كعدت يمي
فهد: مريم شبيج كلبج
مريم: معليك عوفني
فهد: اسف مريم افهميني مرة حطي نفسج بمكاني اجيتي علية بوقت مو مناسب تعرفين ب الهم الي ع كلبي تعبان مريمي تعبان
مريم: ماريد شي اني هم اسفة وهسة اريد انام
فهد: هسة مو اعتذرت ع شنو الزعل بعد
مريم: مو زعلانة بس تعبانة
فهد: اكلتي شي علاجج اخذتي
مريم: بعدين مو ضروري
فهد: لاا ضروري روحي فتحي الكنتور قبل متنامين
مريم: شنو بي
فهد: مادري
مريم: عفتة ورحت فتحت الكنتور لكيت علاكة جبيرة جايب كل انواع الحلويات يمكن واني ميتة جوع
شنو هااي
فهد: شكاعد اشوفين يعني مفخخات
مريم: دمك كللش خفيف تدري لو لاا
فهد: ايي ادري كلهة تكلي
مريم: منو يكلك يعني
فهد: لازم اكعد احسبهن
مريم: احد كايلك انو انتة غثيث ومتنبلع اصلاا
فهد: احد كايلج لسانج طويل وراح ينكص
مريم: هه شحدك
فهد: حدي ونص روحي اكلي بدون صوت
مريم: شغلي فلم لو اروح يم زينب
فهد: ليش الة اني ترا تعرفين
مريم: اني اريد انتة تشغل بكيفي يلاا شغل
فهد: امري ل الله شتريدين فلم
مريم: ديزني
فهد: هنيالي
مريم: الف مرة شغل افلام ديزني وراح ع فلم ربانزل
ليش هذاا ترا شايفتة هوااي
فهد: اني مشايفة
مريم: وانتة منو عزمك بعدني ماا مكملة واجة نام ع رجلي
فهد: عود وكليني وياج
مريم: شنو هاي شلون راح اكل
فهد: ترا متاكلين برجلج
مريم: ايي بس دتباوع علية ماا اخذ راحتي هيج
فهد: مشكلتج انتي باوعي ع الفلم واني اباوع عليج
مريم: اهوووو فهد غمض عيونك ونام يلاا مو علساس تعبان
فهد: وكليني
مريم: طفل انتة
فهد: چاا بوية بس الكرشج
مريم: ماعندي كرش لتكوم تتبلة علية حتة تزوج
فهد: التوبة اصلاا كرهت كل النسوان
مريم: حتة اني
فهد: لييش انتي حاسبة نفسج ع النسوان
مريم: شنوو لعد
فهد: انتي احلاا حورية بسلفهن شرايين كلبي انتي
مريم: شلت عيني عنة بسرعة حسيت نار صارت بوجهي هذا شبي ميستحي شلت جبس وحطيتة بحلكة
فهد: ع كيفج بوية خنكتيني هذا شنو حامض شلون تاكلي
مريم: هيج شلت جبساية واكلتهة
فهد: اهاا معلومة جديدة ولله ماجنت ادري هيج ينوكل
مريم: ادلل يومية تعال انطيك معلومة جديدة ضلينة كاعدين نباوع ع الفلم شبعت وكمت عزلت المكان الفلم بقالة شوية وينتهي
فهد: مريمي
مريم: نعم
فهد: شنسمي اول طفل النة
مريم: ههههههههه يمة متتتت طفل شنو فهد ماثرة عليك الطلقة
فهد: منو كلج ابني وابنج عادي ازوج واريد اختار اسم الابني
مريم: لاا بربك وانتة منو كلك راح اخليك عايش قبل الزفة مالتك حييل طموح انتة سودة علية
فهد: نامي بوية نامي
مريم: اركان
فهد: شنو اركان
مريم: ابنك سمي اركان
فهد: كولي هيج من البداية
مريم: خلص راح انام
فهد: نوم العافية
مريم: سحبت ايدة لزمتهة ونمت كعدنة الصبح ع صوت هوسة وضحك جوة كعدت فهد ونزلنة نشوف شكوو ......يتبع
(حسابي الانستاا كلشي يخص الرواية هناك)
#الضابط فهد ومريم -
#بارت 27 -
مريم: نزلنة جوة ونشوفهم كلهم كاعدين ب الصالة وعلي وهمام واحد يضرب ب الثاني من الضرب
فهد: هييي شكاعد يصير هناا معركة احد
همام: يمة لحكولييي بطني راح تنفجررر
زينب: ولكك فهد جيرانة ابو حمدان يريد يمشي ع خالتك وافراح ياخذهة ل ابن اخوو
فهد: واني شمعرفني بيهمم وليش دتضحكون
همام:خايب ماا تنجب هذا فد واحد ادبسز الكاع زايعتة
ام افراح: ولك همام البرتقالي سد حلكك راح اهد امي عليك
همام: افاا هسة صار الاشكر برتقالي شوفو هسة بينو المضغوطين
افراح: اي اشكر ع نفسك موعلينة
همام: وانتي زركة ع الشعب كلة
علي: احمم اكول انتو ناسين عرسي موو
فهد: شلون ننسة عرس عليوي واسف تاجلل علمودي خوية
علي: ع بختك ابو كيان چاا اذا متركصلي انتة مازوج
مريم: منو ابو كيان
علي: ولججج هذاا فهيدان ب الدوام يصيحولة هيج
مريم: ياااي ححلو ابو كيوني كيييووت
ماحس غير ع كرصة بزندي حسيت ع جفصتي وبعد ماتنفست بس ماتهنيت همام ماكدر يلزم ضحكتة
فهد يهمس لمريم: رتاحيتي هسة شراح يخلصني
همام: هاا ولكك يمنة فرعون وفوك تصير كيوت بس تخيلو فهد يكول هل يوجد طعام ف اناا جوعان
الحجية: ولكك هذاا هيبتنة الفهد تريد العوچية تلعب ع ضهرك
سعاد: ايي ولله بدونة نضيع
مريم: حتة اني اضيع ، كلتهة واني اباوعلة وهوة مصدوم اصلاا كلهم صفنو علية هسة اني لييش هيج داسوي بنفسي ياكاع نشكي وبلعيني
همام: عادي اسئل سؤال شوية شخصي
فهد: لااا
همام: بداعت الخوة لتخلوهة بنفسي
مريم: تفضل احجي ،شفت حماسة للسوال ماردت اكسر بخاطرة
همام: شكاتبة ع رقم فهد وفهد انتة هم نفس السوال موجه الك
مريم: اخذتلي صفنة ع كل واحد كاعد وبعدين تنهدت وكلت
'سندي
همام: اوووو ححلو وانتة فهيدان
فهد: عوض ربي
زينب: عزااا فدواا الكبلز مالتي الححلو
همام: يمة جفاااااف زوجوني حتة لوو حولة قابلل ياخي طكت مرارتي
سميرة: ورة علي نشالله نزفك
همام: لييش تصرفون فلوس زوجوني وية علي بداعت السهر السهرتي وياي
زينب: ولكك هميم وين الربط
همام: شوفي بيني وبينج ادري بنفسي كاعد امسلت تدرين بية من اتحمس لساني يفلت
زينب: شوفو يجماعة اخوية الححلو الاشكر البرتقالي ميزوج الة ع ذوقي لائن هذاا عمر مو يوم ويومين واني اخاف ع اخوية اذا مونفسي ميزوج
مريم بهمس لفهد: ولكك يمكن حيصير الي كلتة
فهد: مريم لتخليني افلش وجهج هناا ولكك شنو اخوج لصغير اني
مريم: مو شسمة وذاا ميانة زوجية
فهد: اللهم طولج ياروح
همام: شوفو يعني احد عندة هيج نفر يخاف ع مستقبلكم شريد من الله بعد
زينب: چاا شعندي غيرك انتة امي وابوي
همام: يبعد امج وابوج
الحجية: يمة فريخاتي الله يحفضكم ويحرسكم من العين بجاه النبي محمد
همام + زينب: اميين
فهد: يمة اني طالع
سعاد: يمة وين بعدك مريض انتة ليش متفكر بنفسك
فهد: يمة مارايح بعيد عماد ب المقر متصوب وياي اهلة ميدرون رايح اشوفة
سعاد: يمة الله يحفضكم بكل خطوة
فهد: امين يمة الله الحافض
مريم: صعد يمكن يبدل رحت ورا طبيت للغرفة
فهد ليش راح تطلع لتشوف نفسك خلصت من الهجوم وماكوو واجب لتنسة التهديد انتة شتريد تسوي ب الضبط يومية شاعل كلوبنة لييش متفكر بينة ولاا بنفسك
فهد: مريم مرايح لمكان بعيد تهديد ماغيرة ماتختل ب البيوت من ورة تهديد كم نغل
مريم: فهد الوضع خطر هية موشغلة خوف وتختل هاي موت وحياة هاذة ثار فهد عادي تفهم لتاخذ الموضوع بهلسهولة
فهد: ستغفرلله مريم عوفيني لتوكفين بطريقي مخنوك لتزيديهة علية
مريم: ترا داحجي لمصلحتك ع فكرة
فهد: رايدة شي
مريم: لاا سلامتك مرايدة شي الله وياك
راح فهد عزلت الغرفة وعجبني ابخرهة كملت تبخير الغرفة ونزلت جوة اخذت المبخرة وياي بخرت البيت الجوة
افراح : اووي شنوو هاي خنكتينة دتسوين سحر
مريم: حرام عليج هذاا من مكان مقدس اخنكج ع شنوو اصلاا راحة نفسية ميعرفهة غير النضيف
افراح: استقري يلنضيفة هلسوالف مو علية
مريم: ايي اذا انتي خبرة وخري عن وجهي خليني اكمل مالي خلكج ،داحجي وياها وطبت خالة سعاد ساندة بيبي
سعاد: يمة شصاير صوتجن برة
افراح: ولله خالة جنتج تتهمنة ب السحورة
سعاد: صدك يمة مريم شدتحجي افراح
مريم: خالة ونبي جذب جنت ابخر ب البيت واصلاا هية كلتلي هلحجي
الحجية: فريحة ولججج ام الكلك اكعدي راحة احسن مانتف عطوباتج
افراح: اوف بيبي اوف شوكت تصيرون وياي
الحجية: من تصيرين مثل البشر
ام افراح: طبي جوة افراح شوكت اخلص من مشاكلج
افراح: رايحة اصلاا مو مستواي
مريم: بيبي اسفة ونبي اني احبكم مستحيل احجي هيج عليكم
الحجية: يمة مريوة الحلوة تعلميني ب فريحة كملي يبعد بيبيتج هلريحة ردتلي حيلي
مريم: يدلل الحلو
بخرت البيت كلة وطلعت مريم من غرفتهة وحاطة الهتفون احجي وياهاا مندمجة البنية بلاخير باوعتلي ذبت الهتفون وحطت التلفون جانت مشغلة هذا الوافيتة وشتغلت سجودة تهز وتكمز ولاا عبالك جانت ذابحة نفسهة قبل يومين ولله غريبة هلبنية طب همام ضل صافن وكملهة
همام: انه من اهد العب لعب ع الغيم اسمي ينكتب
زينب: خاف الزلم يكولون اوكف للضلع
مريم: يمة شنو من اخ هذاا قطعة نادرة طلع هوة مخبلهة ويكول تربيتي سمعو الهوسات الولد واجوي كلهم حسيت نفسي بعرس علي وراح يجيبون العروس طفت الاغاني زينب وحجت
زينب: يلاا خلصت فلوسكم ادعبلو
علي: ولجج هسة حسيت نفسي عريس
زينب: ادللو شعدكم غيري
همام: ومانريد غيرك يبو خد وخد
زينب: ومانريد غيرك يلوجهك زنجار اصفر
همام: ادري لاا الاسمر خلص منكم ولاا الاشكر خلصان هسة صار الاشكر زنجار اصفر مو
زينب: اينعم اخوي الكفو للاسف هاي الحقيقة تقبلهة
الحجية: يمة ماا تشغلون يلبرتقالة خلوني افرح بفروخي
زينب: ههههههه بيبي هاي برتقالة واكفة يمج
همام: زينب خليني احبج ترا اذا اشد وياج اخلي البيت كلة يضحك عليج
زينب: اصلاا سوالفي اني معلمتك عليهن بابة يلاا اخذ جماعتك وروح بيبي انتي تعاي اكعدي نلعب هيلاا هب اجانه الدب
الحجية: يمة زنيبة شلكيتيني العب وياج وخري عن وجهي صعدتو ضغطي
زينب: اصلاا انتو متحبون الوجه البشوش صوجي اني
مريم: سحبت زينب وطبيت للغرفة سديت الباب
ولجج شكو بس لاا صاير شي ماعرفة
زينب: ولجج مريم الزكج هسة ب الحايط شيصير بحياتي يعني فجلاية بوسط غابة اني
مريم: فهد لييش تاخر هيج
زينب: يجوز متواعد وية ضابطة
مريم: انتي تريدين تهجمين بيتي زنيبة اكعدي راحة لاا انتف عطوباتج
زينب: ايي ولجج راقبي عبالج بس ضباط تراهن حاتات وشخصية
مريم: وشيسوون بيهن يابسات اكو واحد يحب اخو
زينب: صوجي اني انصحج
مريم: عزااا راح ابجي وليي اني اعلمك فهد تكلي يم عماد ومتصوب موو #ڪــڔٰا̍ڕ
زينب: ههههههههه عزاا ولجج داشاقة ونبي بس انتي بسرعة صعدت عندج
مريم: اني اعلمج زنيبة اعارك فهد واجي اعاركج
زينب: انتضرج خطية ع كيفج وياا متصوب
مريم: صعدت فوك خابرت امي طلعت نور
نور: اكلج انتي زوجناج وماخلصنة منج شرايدة
مريم: هاا نور اسدة
نور: ماعدنة خبز يابس
مريم: ياا حقيرة راح ابجي ولله ميصير هيج
نور: يابعد معدتي انتي
مريم :عندج معدتج اهم من كلبج
نور: چاا شلون كلبي يوكلني بس يركص 24 ساعة
مريم: انتي متبطلين سوالفج انتي ماماا وين
نور: نايمة
مريم: يوسف شلونة
نور: يمة اخوج صاير صاك ويدور بنات
مريم: بعد روحي مشتاكتلة
نور: واحنة شنوو عيني
مريم: لكل شبر ب البيت مشتاكة وربي
نور: ولمواعين كللش مفتقداتج هم
مريم: سلميلي ع باباا وبوسيلي يوسف
نور: نشالله يوصلل يكلبي
مريم: سديتة من نور ضليت انتضر فهد صارت الساعة 6 وبعدة ماكو كمت افتر ب الغرفة اروح وارجع انفتح الباب وطب فهد صرت بوجهة
فهد: شبيج فاتحة عيونج علية تراا ادوخ هيج
مريم: لييش يمة فاليوم انيي
فهد: مفعول عيونج اقوة
مريم: ايي دتغطي خيانتك
فهد: مريم خيانة شنو بزعان من نفسي اني
مريم: يعني جنت يم عماد
فهد: وروح ابوية يم عماد
مريم: ايي تمام لعد هاهية
فهد: ستغفرلله مريم ماحب الشك اني وهلسالفة متنعاد خوش
مريم: خووش
فهد: ليش كاعدة هناا
مريم: جنت احجي وية نور
فهد: وخالتي
مريم: لاا نايمة
فهد: حرامات
مريم: لييش رايد منهة شي
فهد: شريد منهة بعد بس عندي حجاية وياهاا
مريم: عزاا راح تحجي علية ولله ماعيدهة بعد هاي شبيك هسة امي شعليهة
فهد: لسان لو ام فور انطيني مجال احجي منو كلج راح احجي عليج بوية
مريم: هاا شتريد منهة يعني
فهد: اريد اكللهة من حبلتي بمريم شتنسيتي
مريم: يااا لييش مرتك تتنسة موو وتريد تاخذ خبرة من امي
فهد: شوفي انتي مو ماال واحد يتغزل بيج ولاا مال واحد يحبج وراح ارجعج ل امج
مريم: مارجعع مارجعع عوفني اطلع برة يلاا
فهد: بنيتي صخامي بلوتي وجع راسي اكعدي خلي احجي كلمتين وياج كلمة رجال لمرتة بس مرة وحدة
مريم: كعدت يلاا احجي
فهد: تدرين شردت اكول الامج
مريم: ايي عيني شنوو
فهد: ماكلج كومي اطلعي برة
مريم: الة اكول الخالة عليك تذكر من جانو يطردوك علمودي واجيبلك الاكل للغرفة
فهد: مضحكين ولله شكد اريد اضحك اني عود غير مرة الكيلج سالفة اقوة
مريم: ياخي انتة عبارة عن نرفزة متنبلع
فهد: دللي يومية تعااي
مريم: وديني لاهلي يلاا طلكني
فهد: بوية انتي لييش متعقلين اريد افهم
مريم: رب العقالة اني بس انتة متعرف تتصرف وياي
فهد: ايي وشلون تريدين اتصرف يحلوة
مريم: بعد متطلع مفهوم
فهد: ايي كابتن الله كريم
مريم: اكول
فهد:جعل محد غيرج يكول كولي
مريم: شسمة تذكر اخت الشخص الي طلعتة من السجن يعني هية عزمتك انتة رديتلهة جواب
فهد: ايي
مريم: ايي ع ياا برنامج حجيت وياهاا استاذ
فهد: واتساب
مريم: شكاتب ع رقمهة
فهد: شرايين كلبي
مريم: فهددد مالتي هااي مالتي احترم نفسك وماحب هذا الشقة
فهد: امشي ننزل بوية
مريم: شوف فهد اذا كعدت كدام افراح اكوم اسحلهة وبكيفك بعد
فهد: امشي بوية اكعد بحضنج عود
مريم: بحضني ولاا كدامهة
فهد: مرتي الغيورة
مريم: ارجع واكول الثقة الزايدة مرض
فهد: ديلاا بوية امشي احسن ماا ابسطج
..............................
زينب : حاولت ارجع مثلل قبل وابدي حياتي من جديد قبل ماا اتعرف ع احمد اقتنعت هوة مو الي ميصير اسوي هيج بنفسي ع شيي مستحيل ثقتي بربي اقوة من كلشي واثقة ضاملي العوض عن كلشي الحياة راح تستمر محد راح يموت ورة احد اليريدني هوة يجي مو اني اروح من اليوم مابادر الشخص بنضرة همة الي راح يبادرون ومراح اعبرهم مو زينب الي يكسرهاا حب ومن طرف واحد هم واحمد راح يعيش وينسة هم
ماعرف شنو الصاير بينة وبين خطيبتة بس اتمنى يتفاهمون ميستاهلل شخص يخذلة هلانسان مهمى يكون مانسة هوة جان وراح يضلل حبي الاول اماا الاخير ماعرف كلشي بيد ربي
كملت خرجت من تطبيق مذكراتي دخلت للانستاا نشرت ستوري جان عبارة صورة بيهة كتب هوااي واقتباس، جان مكتوب
" انتهينا وجفت الدمعه الحزينه )
ضليت اكلب ب الستوريات وخرجت ماجان ناشر شيي احمد طلعت برة وية ماا طلعت نزلت مريم وفهد شكد احب نزلتهم سوة احسهة تحرك وجه الطاوة
هلاا بعصافير الحب
فهد: هلاا بيج ام عطوب
زينب: هاي مريم معلمتك موو وربي ماعندي عطوب اصلاا شعري حرير انتو تغارون الة اكول الهمام عليكم
فهد: وينة المهلس نشوفة شيسوي
زينب: هسة اشوفك شيسوي، هماممممم
مريم: هية صاحت همام لكيناا واكف كدامنة شلون مادري خطية اجة خايف عبالة بيهة شي
همام: شكوو شبيج وكفتي كلبي ميصير هيج
زينب: تعال شوف فهد يكلي ام عطوب
همام: وانتي شبيج ضجتي يعني هذولة يغارون منج لوو ماعندج شعر ولاا رموش لوو وزنج 90 تبقين احلاا وحدة ب العشيرة
فهد: بس اهدئ السكف راح يوكع علينة وين نولي بيك حتة مستشفيات متستقبلك
همام: ايي اكيد يستقبلون بس المزنجرين
مريم: السمران ملوك الساحة
فهد: خلص مادام هذا رئي مريم لوو تضل تحجي ماعبر كلامك يلاا دعبل
همام: خليني اتزوج وتتواجهين انتي ومرتي ماحجي هسة
مريم: يلاا هسة بس ازوج يمعود ،دنحجي وسمعنة دك برة طلعنة ونشوف علي وسيف ومهيمن حاطين جداري ويدكون ويهوسون
وخالة سميرة وخالة سعاد طبن وياهم وبيبي واكفة اتصفك وتهلهل وافراح وامهة واكفات يباوعن
همام: هااي شنو خونة خرب ديناركم ع هاي الدكة الناقصة
اكيد طبو همام وزينب وياهم واكتملت السبحة
علي: هااا
الزين الشايل حمل ابن العم **موش يدور بالزلات
ردو كلهم ورا ،**موش يدور بالزلات
سيف: أحنه النطرب لم سرگي المايل موش بحالج يم ناضور
الكل: موش بحالج يم ناضور
همام: يهل القوط ذبو القوط علاوي لبس قاطة
مريم: اني وفهد ضلينة واكفين اباب الكندور ونباوعلهم هلعائلة عدهم طاقة ايجابية للحياة كللش ماا متقيدين بعادات عايشين حياتهم بحرية محترمة بدون ميسوون شي حرام ب اختصار ( حرية بحدود ) حرية بدون ضلم حرفياا جنت محتاجة هاي الاجواء اني جنت عايشة بحكم العمام الضالمين لحمدلله الله عوضني بهاي العائلة المهم نرجع، ضلو يحجون ويضحكون ع علي طبو جوة للصالة واني وزينب وشهد رحنة للمطبخ نصب كملنة وصبية العشة كاعدين دنتعشة وحجت ام افراح
يمة تراا امير هليومين يجي
همام: ليش شعندة
ام افراح: لييش ولك متريدة يحضر عرس علي
همام: لاا هلاا بي اكول يمة ابوية وعمي شوكت يجون
سميرة: ولله يمة قبل عرس علي
علي: الله يساعدهم يرجعون ب الف سلامة
الحجية: نشالله يمة
مريم: ماكدر اشارك ب الحديث وياهم ماعرف هواي عن حياتهم الاعرفة بس راح يجي اخو افراح نشالله ميطلع غثة نفس اختة كملنة العشة خدرت الجاي وزينب وشهد غسلن المواعين صبيت الجاي طبيت وكام فهد اخذ الصينية
مريم بهمس: ياا شبيك ايدك
فهد: همام كوم اخذ الصينية
مريم: كام همام اخذهة من فهد وراح رجع لمكانة هذا شبي ولله يالله شايف نفسة رجعت للمطبخ ساعدت البنات وضلينة كاعدين ب المطبخ
شهد: عاجبني اجيب فستان كلشي ميستر
زينب: اصيح مهيمن
شهد: نجبي خبيثة علساس انتي راح تلبسين نقاب
زينب: ايي عادي اني ماعندي رجل قيور
مريم: اذا ماعجبج شيي شوفي الفساتين العندي مال جهازي ملابستهن لائن اصلاا مصارت مناسبة ورة زواجي
زينب: شوفي اني اجيب اليعجبني واهم اشوف العندج واخذ لتخافين
شهد: هاي لحالهة بلاخير راح اخليهة ب المطبخ
زينب: يمة مطبخ شنوو حبيبتي قاعة ولاكل جاهز ولمواعين سفري ولبيت كشر حب مراح يصير بي وهز لصبح
مريم: لييش راح يزفوهم ب القاعة
زينب: لاا بس محد يجي منستقبلل ضيوف شنوو تعبانين ونريد انام اكل اكلوو ركص ركصو ونسة وتونسو شكو بعد الة يستقرون يمنة ورة السبعة يلاا يذكرون عدهم بيوت
شهد: يمة من السانج خلي الدلالة تفتح محل مال علوجة احسللهة محتلة الساحة انتي
زينب: شعبالج لعد حياتي ،اكول مريم متعزمين اهلج
مريم: ماعرف ماعتقد يكدرون طريق بعيد
زينب: انتي اعزميهم اذا كدرو هلاا بيهم واذا لاا براحتهم
مريم: نشالله عمري ،صعدت فوك فكرت ب موضوع اهلي انتضرت فهد يصعد حتة اكلة صارت الساعة 9 وهوة ماكو رحت طلعت تراك اسود نازك وطبيت سبحت طلعت لكيتة نايم ع الجرباية ويباوع بتلفونة ماحجيت شيي رحت كعدت كدام المراية مشطت شعري بعد معانات عفتة مفلول بين مينشف رحت كعدت كبالة
احمم فهد كوم اريد احجي وياك ،ذب التلفون وكام باوعلي بتركيز
فهد: مريمي احجي لتصفنين
مريم: هاا اي شسمة ردت اكلك شنو رئيك اعزم اهلي لعرس علي
فهد: وهذا الشي يرادلة رئيي يعني
مريم: لاا موكلت اذا اجوي مراح تخليني اروح عليهم ورة العرس
فهد: اذاا راح تشوفيهم ليش تروحين
مريم: فهد شبيك يعني ابوية مراح اشوفة شلون ماروح وبعدين همة مو غربة من حقي اروح عليهم ميصير هيج تدري شكد صارلي مزوجة لاا صارت سبعة واجوي كرايبي واهلي مثل كل البنات ولاا رحت لاهلي ورة السبعة مثلل كل عروس وانتة تدري شسويت بية بيوم عرسي ولاا اذكرك شلون جسمي صار خريطة العراق
فهد: بعد بوية اطلعي صيحي اغتصبني
مريم: ايي اكول ليش لاا مراح اكون مجذبة هذا الصار وهذا الواقع تقبل افعالك
فهد: ستغفرلله مريم اريد ارتاح كافي سوي التريدي وفكيني
مريم: ارتاح عزيزي ارتاح ، رحت طلعت السشوار ورجعت كدام المراية شسورت شعري بين ماا كملت باوعت للساعة عزاا الساعة 11 باوعت الفهد نايم ولتلفون مشتغلل رحت علي عدلت المخدة طفيت التلفون واخذت تلفونة طفيتة رحت مددت وشغلت تلفوني ضليت اباوع وماحسيت ع نفسي من نمت
'''''''''''''''''''''''''''''''''''''''''''''''''''''''''
زينب: طبيت للغرفة ورتاحيت احس هلغرفة اذكرني ب امي الله يرحمهاا وارتاح بيهة هلغرفة شافت كل ذكرياتي وراقبتني من كبرت مخدتي الي حملت دموع تعادل بحر وماملت مني تحملتني هاي بطانيتي الي حمتني من البرد كلشي بهلغرفة بي ذكرى ححلوة رحت مددت وشغلت تلفوني فتحت الانستاا لكيت احمد ناشر ستوري رجعلي كلشي رجعت لنقطة الصفر جان كاتب
شنهي الاغلى مني و هيچ وبهل سرعه تنساني
حواجب چنه اني وياك واحد يشبه الثاني .
هناا تاكدت انو صاير شي بينة وبين خطيبتة اكيد بسببي وعرفت ب الصار ياربي لييش هيج مو ردت انسى بس هسة مراح اكدر انسة وشخص يتعذب بسببي ماتحملت دزيت رسالة
💬 بسببي مو ، مارد ضليت انتضر يفتح ويشوف الرسالة شفت علامة خضرة ع حسابة يعني متصلل دقايق وفتح الرسالة هناا مادري شصارلي حسيت بندم من شافهة تمنيت مدازتهة تمنيت يرجع يختفي حتة احذفهة بس هيج اني اتندم ورة ماا اجفص شفتة يكتب ضل يكتب هوااي لدرجة تحمست للرسالة
احمد:💬 اكيد لاا هذاا بلاء من ربي قبلل ميفوت الاوان اختبار للمستقبل صح تاذيت بس تعلمت من هلشي الضروف تعلم الانسان منو يوكف وياا ومنو يستهين بضروفك تدرين هية سالفة اضحك بس من صار الحادث هية ماكالتلي الحمدلله ع سلامتك كالت وين جنت وية منو لكوك وضربوك سجينة هااي حوبتي بيك بينت بسرعة بهاي اللحضة كرهتهة بكد ماحبيتهة اني ردتهاا تصوني وتحافض ع بيتي هاي راح تهجمة حتة جهالهة راح ادمر مسنقبلهم ولو هية لو متزوجتني متشوف الجهال ف لتحطين فكرة ابالج انو الصار بسببج كولي هذا ربي راد يكشفهة ع حقيقتهة قبل ماتورط .
زينب: اقرة ب الرسالة ودموعي تنزل اكول ع نفسي مقهورة وهوة قهري ميجي لربع قهرة خلصت الرسالة مسحت دموعي وكتبت
💬 شوف ماعرف هية شنو بكلبهة ولاا اعرف شنو نيتهة بس انطيهة فرصة افهم منهة هية شتريد حتة لاتضلمهة ولاا تضلم نفسك انتة بعد عقدت عليهة شتكول للعالم واني شفت بعيونهة الحب لتخسرهاا
💬الكاتبة الله يصير الحمدلله ع كلشي
💬 نشالله كاتبلك كل الخير
حط اعجاب للقصة وخرجت عقلي تشوش ماعرف الصح من الغلط بعد ماعرف وية منو الحق بين هاي الاطراف الغامضة تعبانة من هذا النفس اني ابد موبخير مادري ليش كاعدة اكابر واضحك وماكوو ضحكة بداخلي ابد اريد بس اكعد من هذاا الواقع الخياة تعبتني كللش ياربي خلي بعد هذاا البلاء خيير وبس اريد بالي يرتاح وهوة يكون سعيد بحياتة .
‘‘‘‘‘
مريم: نايمة واحس احد ضربني ع راسي فتحت عيوني ماكدر احرك راسي او حتة اصبع من اصابعي ولاا انطق بهاي اللحضة اجة ابالي ملك الموت وكلت خلص اني متت ...
