رواية خفايا القدر الفصل السادس والعشرون بقلم انين الروح
صار اسبوع ع جيتي الخانقين
وجراح ولا هامه من الامر شي
اني كعدت مع نفسي اهواي وفكرت اهواي
حياتي مع جراح متنفع ولا اتصير حياه
هو ابعالم واني ابعالم ثاني
هو ما اهتم الغيابي ولا حاس بفراكي
هو ميحبني ولا شاريني
لان لو فعلا يحبني ومهتم الوجودي يمه
مجان خلاني اسبوع يم اختي
ومايسئل عليه ولا مره
جراح انت كذاب انت اكبر خذلان ابحياتي
مامتندمه ع شي بكثر ندمي ع زواجي منك
انت كذاب ماحبيت ولا راح اتحب احد بعمرك
حتى صكر ماحبيته ولا اهتميت ابغيابه
عندك شي عادي
حالنه وياك حال صفحه من كتبه قريتها ونتهى موضوعها
مع الاسف حبيت بيوم
مع الاسف كلبي رفلك
مع الاسف اشتاقلك ..تدري شكد مشتاقه الك شكد اتمنى تجي هسه وتاخذني لحضانك
وتعوضني حرمانك
ياجراح اني بني ادمه من دم ولحم واحاسيس مو حجر جامد كدامك
عندي كلب ينبض ويبحث عن الحب والامان والاستقرار
اريد اعيش حالي حال البقيه عندي زوج واطفال وبيت
ليش احرمتني من ابسط حقوقي
ليش ماكنت انت الي
الاب والزوج والحبيب والصديق
ردتك تكون ملاذي الوحيد
رفيف ..رهف هاي ويامن تحجين
مو ويه احد ..احجي ويه نفسي اعاتب الغايب الماسئل عني
اصدكين عبالي دا تحجين بالتلفون وياه
لا والله ابسببه صرت احجي ويه حالي راح انجن وتخبل لان ماهامه غيابي عنه
انتي مو تكولين هو مجان يحاجيج ولا فديوم كايلج احجايه حلوه
اي
يارهوف هو شخصيته ناشفه مايحب يجامل ولا يحجي رغم هو متعلم ودارس بس متحسي متفهم
بس شنسوي هذا حضج بعد وياه حاولي انتي وياه ابدي انتي حسسي انتي حابته ورايدته
حسسي انتي اتحبي وتتمنين وصاله وياج
دكي عليه هسه وحجي وياه عن الحب والرومانسيه
عشقي بيج خلي ينجن عليج بس بالاول انتي حاولي مره مرتين اتلاثه لازم بالاخير يلين وينطي فرصه الكلبه يحبج
يله دكي عليه وحجي وياه اني كايمه
لا وين طالعه ...اصلا ماعندي تلفون اخذه مني من قبل لاتجون علينه
صدك تحجين زين ليش
عجبه يسحب التلفون يكول اغار
شوفي يعني الرجل يحبج بس ميعرف يصارحج او يعترملج بالحب
حكوم اجيب تلفوني ودكي عليه
يمعوده اشلحيتي اني حتى رقمه محافظته
اجليها غير مره عود
لا لا بعد اشويه يجي طه واخذ رقمه منه
اله اليوم اخليج تحجي وياه
كافي بعد افراك صار اسبوع محلو افراشكم يكون خالي
ههههه والله ضحكتيني يارفيف😌😌😌
ليش هو يايوم جان افراشنه لامنه سوه
خلينه عفيه ساكتين
ولا تفتحين جروح حاولت اضمدها
.................
فهد اني حاس روحي فعلا شارب شي مثل ما كال هذا ابو عماد
لان هذا مو طبعي ولا انه بارد
انه جنت اذا يوم واحد ما اشوفنهه احس روحي تاكلني اكل
اظل ادور عليها حتى بخيالي حتى ارتاح
وانه اليوم صار اسبوع مامفتقدها
جنها مالها وجود ابحياتي
انه فعلا مستغرب ع حالي يافهد شايط نار وروحي ملتهبه
وهذاك الطريق ..ماروحن وتعنالها حتى اشوفنهه
ليش يافهد ليش هذا يصير بيه
اكلك انت شغلت ابد مو خاليه وكلك الزلمه انت مشربيك ليش ماتردله ونشوف شني يكلك تسوي حتى تخلص من هالسم الداخل بجسمك
فهد انه ما اصدك بخذول الدجاله كلهم نصب واحتيال عالناس انه من اشوفهم تكش نفسي وبدي اعدمهم
شلون تريد مني اسلمه روحي بيده
ياخوي السحر موجود والله ذاكره بالقران واكو ناس ماتخاف الله كلشي تسوي
فهد كلامك صح بس مو اروح وسلم حالي المنجم
جراح تره الزلمه ماكلك يسويلك شي بس يسويلك رقيه شرعيه لا اكثر ولا اقل
خل نجرب ونشوف
.................
ازهار ...افيييييييش ياريحه ثوبك ياهوه اطيوفك
مامصدكه رديت البيتك
وان شالله يجراح اردلك مره
ورجع انزل ابسجلك مره جراح... ازهار
انه هذا كله السويته لجلك يابعدي
انه احبنك وما اكدر ع افراكك
اووف ياجراح لو تفتح باب الكلب وتشوف شلون ناقشه حبك حرف حرف
بس كون انت التحبني بكثر حبي الك
بس راح اخليك تحبني وماتعوفني ولا تكدر ع افراكي لان انت الي انه مو الرهف
.............
رهف .كضيت احلى اسبوع ابيت اختي طلعه ونسه ضحك لعب كلشي الواحد يخطر اباله سويته
حتى المدينه الالعاب رحت وصعدت المراجيح
عشت الطفوله كلها
كلها رديتها في يوم شكد جنت محتاجه هيج طلعه
والحمدلله
طه ابد ما قصر ويايه وين ما اكله نروح ياخذنه ونروح
ع عيشتي اهنا بعد ما اتمنى ارجع لعيالي ولا الجراح
بالاخص جراح لان ماشفت منه يوم حلو وذكره ابد
جنه طالعين معزومين كرايب طه من خواله عازمنه ابمطعم حيل راقي وحلو
الكعده كلها
اكو رجل اسمه مؤمل ابن خال طه ما شال عينه من اول ماكعدنه
هسه مو اشوفني مره مزوجه وعندي طفل شنو هالجساره هاي والعين المتستحي اخجل يا اخي دير عينك عني
كرهني بالطلعه كلها
اباوع وعيونه لازكه بوجهي حتى كمت ما اعرف اكل لكمه وحده
مؤمل .انتي دارسه
اي للرابع عام وبطلت
حرامات
زين شلون راضيه اتعيشين بالبصره
ليش اشبيها البصره حتى ما ارضه اعيش بيها
لا بس جوها حار وميها مالح وحياتها صعبه تقاليد واعرف
كل محافظه والها تقاليدها ما اصور خانقين تخله من التقاليد والاعراف
لا اكيد متخله بس همه حياتهم متسلطه لا حقوق لا تساهل لاطبه ولا طلعه
منو كلك هالحجي انت جيت وشفت ابعينك
لا والله اصلا ما احب اروحلها
وهي هم متحب انت تدخللها ورجليك ادوسها
شو تحجين ويايه معلك شعجب
اني مو بس وياك ويه كل واحد فضولي ومامحترم نفسه ويعوف بنات العالم ابحالهم يكعدون
مؤمل .ابلعت ريكي هاي شنو من ابنيه احجي وياها كلمه تردني بعشره
رهف ..طه عفيه اريد ارجع لان احس روحي تعبانه فدوه بس اجرلي سياره اتوصلني للبيت
طه ..لا عليمن هاي بعد راح انكوم خلصنه
وصلنه للبيت الساعه ١٢ اله ربع
فرشت افراشي بالغرفه مال الجهال وتمددت
رفيف ..رهف نمتي
لابعدني توني مددت محتاجه شي
لابس هاي جبتلج تلفوني ونزلت بي رقم جراح
دكي عليه ومثل ما وصيتج ابدي انتي احجي بالحب والرومانسيه والله راح اشوفي اتغير وياج وصار الين من الحديد
رهف ..ان شالله
يله تصبحين ع خير
اتلاكين الخير
اخذت التلفون رحت عالصادره اباوع عالرقم وحجي ويه حالي
تهت بين نارين
نار عقلي اليكلي لا تتصلين مبستاهل هو جلمود هو اناني يحب نفسه وبس
ونار كلبي اليحبه ورايده وشاريه ويتمنى جراح يحس بي ويبادله نفس الشعور
عقلي .انتي انسانه قويه مامحتاجه رجال شنو وجوده وياك شنو فايدته
كلبي .لا انتي ضعيفه ولازم اكو رجال يسندج
عقلي .تفكيرج واسع وتكدرين تسيرين وحدج بالدنيا لاتنطين مجال للكلب بتحكم بيج وياخذج للهاويه
كلبي .شكد ما كبرتي وصرتي فوق المستوى بس هم راح تحتاجين الرجل وياج
عقلي .لا تتنازلين هو حقير مغرور متكبر وتكونين ضعيفه ويستغل ضعفج ودائما يهينج ويذكرج بالضعف والاستسلام
كلبي .انتي قويه مو ضعيفه بس انتي روح من دم ولحم محتاجه للحب للحنان للكلمه الطيبه
رهف ..كافي اسكتوا اتعبت ماريد اسمع الواحد منكم كافي
باوعت عالساعه جانت ١ بليل اكيد جراح بعده كاعد
خلي اجرب ودك شكو بيها
يكولون
( الميجي وياك روح انت وياه )
دكيت وكلبي يرجف مدا اسيطر ع اعصابي كلبي احسه راح يطفر من مكانه ويصير كدامي واشفه شلون ينبض
خلصت الدكه وجراح ما جاوب
شنو معقوله نايم
بس لا هو مينام هيج وكت يظل يشتغل
جربت مره ثانيه
جراح .يله للو تعاي خل نسبح
جراح شنو انت متمل هاي صار ثالث مره بس اليوم متعبت
لا ما اتعب جوعان ومحتاج افرغ كل سمومي
والله يجراح انت الماجنت ترضه الزم طرف ثوبك صاير دربك علينه سجه هاليام جنك جاي اتعوض نقص
شنو معناته هالحجي ليلوه
ماتردين
وخري انطيني ملابسي
اوكف هاي اشبيك ابساع تتعصب مصدك تسمع احجايه
لابس احجايتج مو ابمكانها
عمي جراح اسفه اسحب كلامي لاتزعل
شزعل ليش انه طفل شو مجاي تعرفين تسولفين
بسك عاد .يله تعال ندخل للحمام انه وياك
لاماريد بعد جزت نفسي
لاما ارضاها ع حالي اله افوتك وغسلك ودلكلك وطلعك عريس
كوم ياكحل عيني
جراح كمت ودك تلفوني باوعتله رقم غريب ماهميت اله عفته
ورحت ويه ليلوه
رهف ..دكيت مرتين ماردني جيت ادك الثالثه وتوقفت
لا بعد كافي اكيد هذا خازن رقم رفيف ومن شافه عرف هاي اني جاي ادك عليه
ومعجبه يجاوبني خلي ع راحته هو الخسران عبالي احجي وياه واعترفله ابحبي وشتياقي اله
بس هاي اليتيم متعلم عالبجي دمعته ماتنشف
روح بعد لو اتموت ما ادك عليك
طفيته ونمت
صبحنه الجمعه تريكنه واني رفيف جان عاجبنه نتغده دولمه كالت نطبخها اهنا وناخذها لعيالها اهناك نتغده
حضرنه الجدر وطبخناه كامل
رفيف ..هاااا ولج بشري خابرتي البارحه
اي يمعوده وياريت ما اسمعت كلامج ولا خابرته
ليش شنو رزلج
لا اصلا مجاوبني .......
ليش خاف دكيتي وكت متاخر وهو نايم
لا جراح يبقه للفجر صاحي يشتغل مينام اله وره صلى الفجر
لعد خاف مادكيتي دكه كامله بس ترميشه وماسمعها
اكلج دكيت مرتين عليه اله فصل الاتصال وهو مرد
ميخالف الرجال عذره وياه اليوم هم رجعي دكي عليه
لا والله بعد ولا ادك ولا اسمع كلامج
خلي يطير شايف حاله ومتعالي
وماكو غير بس الله العالي
وع كوله امي الله يرحمه قبل من اتشوف واحد خشمه عالي اتكله ما يعله غير الزبل
لا ولج هذا زوجج ميصير تشبهي بالزبل هههههههههه😝😝😝😝 لان طلعت بيها فايده
لازم نلكاله تشبيه اقوه يلوك الشخصيته طاح حضج يارهف خلتيني اغلط عالرجال وهو بعيد
وملائكته ع اجتافنه
كومي كومي ضوكي طعم الحموضه والملوحه يحتاج بعد لو كافي حتى ناخذها ونروح
كافي ممتاز طعمها
اخذناها ورفيف خابرت ع حماها اجه اخذنه ورحنه الهم
بعد ما اتغدينه وشربنه جاي كعدنه كلنه سوالف وحجي
عمه رفيف عرفت اني ازوجت من حمايه اخو زوجي
اكلج ماصرتي حامل
لا خاله وين ابني توه عمره اثمن شهور
خلي يكبر وعود افكر ابطفل ثاني
لا لتكولين هيج حبلي فوكاه حتى يكبرون سوه وماتتعبين
الطفل الاول من يكبر وتصيرين حامل مره ثانيه اتحسين جنج تحبلين اول مره وتتعبين بالتربايه
مادامج صغير حبلي هسه وكبريهم سوه
ان شالله خاله ...😒😒😒😒 هي لو تدري ما طاخ جسمي غير مره وحده وجاني بيهى ابشكل وحشيه
كرهني بي وبنومته الله يخلصني منه
كامت العمه وطلعت بقينه بس اني ورفيف وموج
كاعدين نسولف
موج ..رهف شلون اخبار رضا لو ميتصل بيج
رفيف ..هله هله جنج رميتي سناره ياموجوووو
لاولج ليروح بالج بعيد
بس حبيت اسئل لان هو اهناك من جنه بس يسئل عليه ويطمن
ف حبيت اردله هالمعروف
لا والله ما اصدك بيج
رفيف هاي اشبيج والله بعد ما احجي شي كدامج
رهف ..لا حبيبتي معليج بيها احجي كلشي تردين
والله اني ماعندي تلفون بالوقت الحالي بس وعد اذا خابرني ع خط رفيف اوصله سلامج
لا عفيه شنو اتوصليله سلامي هو اني مجرد سألتج الج مو حتى تروحين وتكليله موج تسئل عليك
اي شكو بيها ياموج قابل عيب لو حرام
اي عيب رهف انسي الموضوع عفيه
خطيه خجلت حيل وخلت وكامت من يمنه
رهف ..طبعا موج واكعه ابحب رضا شتكولين رفيف
اي اكيد ماطول تسئل عليه دائما وهي جانت اهناك نشوفها هو وياها سوه يضحكون ويسولفون
الله يجمعهم سوه
والله رضا زينه الرجال خلقه واخلاق
زلم حيل تعبان ع نفسه
والله اني هم اتمنى تصير موج من قسمته خوش ابنيه حبابه وعاقله وتصرفاته موزونه
العصر سوينه جاي وكيك كعدنه بالحديقه الكل موجود ومتونس لان الجو اتغير صار حلو دخلنه بشهر الثالث جو الربيع بخانقين يمووووت اشوفون الزرع والاشجار والورد
وريحه الياس والشبوي يفوح بالحديقه والبيت
رهف ..الله والله مشتهيه ع هاي الكعده تكه مال لحم ريحتها ابخشمي
احب هيج جو واحد يطلع سفره ونكعد نشوي الله
طه بشرفك خلي باجر نطلع سفر للمصيف (كولم ) ونكعد نشوي اهناك وناكل عفيه طه
رفيف .اي والله محتاجين هيج سفره شتكولين عمه
اي شكو بيها الباجر من الصبح نطلع انجيب لحم وفحم ونحضر غراضنه ونطلع شعدنه قابل
السلام عليكم
رهف ..اهوووووووو هذا شجابه الاكشر
ام طه .هله يمه الله جابك
خير خاله شكو
الباجر بذن الله ناوين نطلع سفره للمصيف ناخذ غدانه ونروح البنات ضايجات هم نتونس وهم نشوف ناس
اي شكو بيها خاله حلو المصيف بهذا الوكت
زين لعد كول الامك والخواتك الباجر تجون ويانه ونطلع سيارتين
من عيوني خاله اكيد الطلعه وياكم حلوه
شلونج رهف
زينه نحمدالله
خليت وكمت منهم لان ما احب هذا الاسمه مؤمل حيل مايع وميبطل نظرات وحركات
جراح .طالع جنت ورديت العصر للبيت ميت تعب ومترب لان صار عندي بنجر بالشارع بس اريد انوش الحمام ورتاح
ازهار ..هله بنور البيت
هله بيج
سوده عليه امبين عليك التعب
احظرلك الحمام
ماريد منج شي
بس انت تعبان ومترب
الزمتها من زندها وعتيتها
اكلج انتي جايه اهنا تخدمين بنتج وبس وفضل مني استقبلتج
بس لو عليه انه ما طايق اباوع ابجهرتج
فلا كل اشويه ناطتلي وتحاجيني
ماريد اشوفن خلقتج تحوم حولي
لاتخليني ارد اطردج من البيت
احترمي حالج و هتمي ابنت وبس مالج دخل بيه
بس انه جيت اشيل عنك التعب
مارايدج انتي شني ماتفهمين بالكلام شني ضهرج يحكج
كتلج لا توصلين صوبي خلج بعيده وستري ع حالج
عتيتها بقوه ومشيت عنها
ازهار .انه الك يجراح اذا ما خليتك تتمنى شوفتي وكربي الك ما اسمه بسمي
اله اخيلك تركض وراي مثل الطلي بسيطه
رهف ..رحت مددت عالفراش ماعرف احس بروحي عندي خمول وكسل وجسمي بي نحول قوي بس اريد انام
وغفيت لليل يله صحيت
تعشينه ورجعنه للبيت
رفيف .راح انام لان تعبانه اريد ارتاح من الصبح كاعده وباجر عدنه طلعه لازم استعد الها
اني ايضا حنام
هاج رهف
شنو
التلفون حلولي دكي عليه اليوم ايضا
لا ماريده ميستاهل ادك عليه بعد هو لو فعلا مهتم جاي اليوم دك عليه اكيد شاف المكالمه بس هو مرايدني ولا يريد يسمع صوتي
هسه هاج لتلحين يمكن الرجال عنده شغل نسه مشاف تلفونه
حاولي انتي مخسرانه مره مرتين مينقص شي منج
لا ينقص تنقص كرامتي الجاي ابهذل بيها علموده
اهوووو سكد اتاحين يارهف
اخذي وسكتي سوي الكتلج عليه
تره صدك انتوا اثنينكم مكروهين
اخذته ورحت للغرفه بس ابد ما دكيت ولا شفته للرقم
جراح .ماعرف ليش من دوم كل الارقام الدكت عليه ظل هذا الرقم في بالي
حاس بالرقم راجع الرهف
باوعت عالساعه جانت بالوحده وثلت
هسه اكيد نايمه عقلي يكول
بس كلبي يكول لا دك عليها لتتاخر اكثر بعد
شلت التلفون ودكيت عالرقم
رهف .توني غفيت وسمعت التلفون دك
شلته اقره جراح لان اختي مسميته الرقم باسمه
اباوع ع الاسم جراح
صدك هو يجرح
جرح مشاعري جرح احساسي جرح برائتي
وفصل وما شلته
جراح ..اكيد نايمه او التلفون من يمها
صارت بالوحده ونص
كلبي يلوب بس اريد اسمع صوتها
ارجعت دكيت
رجع دك اباوع واني متردده اشيله لو لا
اخر شي شلته
الووووو
الووو هاحبيبي البارحه شلونك انه ولا لحظه غفيت وداعت عيونك
سهران اون حيل
مرض صابني من الراس لرجلين
وسفه ع ايام كضت وراحت وانه وياك مشتي حدي
مشتاق الك مثل شوك اسوالف جدي
احضني حيل ورميني ابحضنك ولا تبخل ولا تعوفني الوحدي
انه وياك مثل طفل مايوكع من حلكه الملهي
رد الي يابعد عمري
شلونج رهوف
اني 😳😳😳😳😳😳😳😳😳 بصدمه انت جراح
اي انه العشك انه الحب انه الهيام انه كلشي انتي
لا مدا اصدك
الاسمعه معقوله هاي انت
ليش حبيبي ماتصدمين التسمعي شني قابل انه ما عندي كلب لو ما عندي مشاعر تحب وتشتاك
لعد وين هاي مشاعرك من جنت موجودك يمك
مشاعري ابكل وكت موجوده بس ظرفي خلاني اشويه ابتعد عنج
اشويه بس انت متاكد من كلامك
اي حبيبي انه ما اصبر بدونج
اي اشوفك كطعت التلفون عليه تسئل
المن ادك وانتي ما اخذتي تلفونج وياج
تلفوني انت اخذته مني ومارديته الي
ليش ما طلبتي مني ارده الج
😮😮😮😮😮😮 جراح معقوله هاي انت جاي تحجي هسه وياي
اي حبيبي اشبيج شنو ماتصدكين
لا والله مدا اصدك يمكن اني ابحلم
بس حلم حلو ماريد اصحه منه
لا حبيبي انتي ابعلم اخذي يدج وخليها ع خدج وكرصي خدودج راح تحسين وتتوجعين
ااااخ فعلا اني بعلم
وهذا صوتك نفسه الخشن المليان كبرياء
لا حبي اليوم ماكو كبرياء اليوم كله عشك وحب
رهف ردي انه محتاجج ردي ياشمعه البيت
وسمعت شغلي اغنيه من تلفونه
محمد عبد الجبار
احلفك بالمحبه
احلفك بالمحبه وعشرتي وياك
تحن ليامنه وترجع الينه
حبيبي وداعتك من يوم فركاك
من كد البجي بعدك عمينه
خطيه الروح بس اتريد ملكاك تتاني اليوم حتى تجينه
منو الكلك كدرنه بيوم ننساك ياهو الكدر ينسه دينه
مثل نجمه ندور مضوي بسماك دلال الشفته ماذكرك بينه
دشوف شراع عمري الكسره اجفاك
اجه الموج وخذ كل السفينه
رغم هجرك حبيبي الكلب وافاك تره الغيرك ولا مدت ادينه
كلبي ماصبر صدك بلياك اذكر طيبته وذكر حنينه
رهف ..شنو هالاحساس العالي انت اليوم ابد مو انت
لعد سمعي شكتبت الج هاي البارحه كتبته الج
🌹دعني ارى🌹
دعني ارى مافي عينيكي, ومافي هذه النظرات...
التي تاخذني الى عالم بعيد في خيال واسع...
وصلت الى درجه بان يتكلمون بجانبي
اسمع مايقولون ولكن لا افهم كانما اصبحت...جسداً بلا روح
في الحقيقه جسدي...
جالس بجانبهم ولكن روحي اتت اليكي...
لكي تسمع نبضاتكي اقوالكي عشقكي يافاتنتي
وهذه العينين التب جعلتني لا ادرك طريقي...
نحو بيتي وجعلت اسير خلفكي وفي داخلي اقول...
سوف اتشجع واقول لها ان قلبي مكسور هل تستطيعين...
ان تعالجيه وتجبريه في كلمه او حرف او نظره منكي...
لكي يلتحم ويقول لكي كل ماتستحقيه وكل مايتمناه ان يقوله...
لا استطع ان اقول لكي انني اعجبت بتلك الفتاة...الشقراءه
ذات العيون العسليه
التي تحمل عينين تجمع سحر كلام العالم فيه...
إني اتحمل كل الشوق ونار العشق وعذاب الروح...
وانا اقول مافي قلبي ولا اكتفي
اني اريد منكي ان تكوني ملكي انا وحدي
فقبلي طلبي ولا تردي بصمتكي الشفاف
لنكي قد مزقتي اوردتي
راح احسد حالي اليوم عليك
حبيبي جراح حيكون اليوم وكل يوم هيج وياج
الباجر من الفجر تلكيني يمج
لا جراح الباجر لتجي
ليش شكو
مو الباجر عدنه سفره للمصيف والكل راح يروح واريد اني هم اروح واشوف المصيف
هاي صدك تحجين هيج رهف
يعني اني ميت ع شوفتج وصار اسبوع ما ضايك طعم النوم واريد اجيلج وردج
تكليلي لا تجي لان عدكم سفره واردين تروحين
خليج لعد ابيت اختج وستفادي حيل منها وتونسي طلعات وسفرات عيشي ايامج رهف
ونعل كل عشيرته بعد اليدك عليج ويكلج ردي البيتج يا جلبه لج تفضلين السفره ع جيتي بسيطه رهف سهله
لا جراح لا والله ما افض................؟ وطبك التلفون ابوجهي
اني اصخمت اشكلت شجاني وكتله لا مو اعرف هو ما يتحمل احجايه غير انتظر واكوله هله بيك يتلكاك كلبي كبل عيني
وضربت راسي بيدي
شكد ثوله شكد ثوله
توه حجه واعترف ابحبه الي وهيامه
والرجال من شوكه الج كلج راح اجي ورجعج
اشبيج مثل الثور كبل كتيله لا عمت عيني اي والله الف مره
دكيت عليه مره مرتين ثلاثه ابد ولا يرد.
دزيت مسجات اتأسفت وعتذرت وهو ولا يمه السالفه
رجعت دكيت شفت الجهاز مغلق
ثول الثولني ان شالله اسكتي اي غبيه جان يحجي حب وغزل استغلي هالموقف وحجي انتي هم بادلي الحب
هسه شيراضي بعد جيب ليل وخذ عتابه
مر اسبوع ع اخر اتصال من جراح
اني يوميه ادك وهو ابد الحجاره اتحركت وهو ولا اتحرك
صحتي تعبت دائما عندي نحول تعب نعاس قوي مرات يصاحبها تقيئ
اخذتني رفيف للدكتوره
سويت تحاليل
الدكتوره ..ماماتي انتي حامل هاي يابطن الج
اني صحت وخليت ايدي ع حلكي
🤭🤭🤭🤭🤭 ماعرف افرح اضوج احزن
طلعت مصدومه منها 😮😮😮😮😮
رفيف ..الف مبروك رهوف حبيبتي
ان شالله يجي ويملي عينج
ويكون تام الخلقه والعافيه
رهف ..رفيف تحجي ويايه واني بغير عالم غير دنيا
زين هسه اذا كلت الجراح راح يفرح لو يضوج
يريده لو يكلي نزلي
مو وكته هذا الطفل ابد مو وكته
ياربي لا اعتراض ع حكمك الحمدلله والشكر
بس ياربي اني مرايدته هسه لان لحد الان ما اعرف مصيري شنو بالنسبه الجراح
حبيبتي مصيرج راح يحدده هذا الطفل
هو رساله من ربج يكول بيها انتي اتكملين حياتج ويه جراح ويصير ابو بيتج وجهالج
حمدي ربج ع هالعطاء
غيرج ما لاكين اظفره
اعرف رفيف الف الحمدلله والشكر
بس منو يكول جراح يريده الهذا الطفل
يريده وراح
يحبه اكثر من الكل صدكي
خلي نرجع وتصلي بي
يمعوده هو صار اسبوع ادك وراسله وهو ولا يمه
اليوم يجاوبج من ادزيله مسج وتكوليله اني حامل
راح اشوفي حتى من التلفون يطلعلج
رجعنه للبيت الكل باركلي
صارت الساعه ١١ كوه الزمت حالي
اخذت التلفون دكيت مجاوب
دزيت رساله وووووو
