رواية بديلة اختي الفصل السابع والعشرون 27 بقلم خاتون الكعبي

تذكير

اوتار : محمد حرجع ويا صديقتي فجر بالخط مالتهة تعبانة ومبية حيل فراة يلة اترخص 

محمد بسخرية : يعني ابو الخط مراح يفرج وينزل البنات قبلج اصعدي وعود اوديج اول شي 

اوتار : عضيت ع شفتي اجوة اشلون احرجني الحقير كدامهن وركبت بسرعة ويا وركعت الباب بقوة باوعلي بخزرة من المراية الكدامة وبدة يسوق وصلني البيتنة وراح يوصلهن غمضت اعيوني بعصيبة واني اشوف نظراتهة علي لمن نزلت من السيارة ودخلت للبيت سلمت ع بيبي وجدو ودخلت للغرفة احس نارر وهابة بكلبي الحقير كول هذة ويجي ايكول بكل برود انو يحبني من حبتك حية ان شألله كلت هيج واني اشمر شالي ع الجرباية بدلت ملابسي وصليت ورجعت طلعت برة صبيت الغدة ويا البنات وفرشنة اسفرة وهوة ماكو سئلني عمو علي وكتلة راح ايوصل دكتورة صديقتة واختهة اباوعلة هز راسة وطلع تليفونة من جيب الدشداشة وطلع يخابر اتوقع يتصل بي وفعلاً اشوية واجا كال اتغدو محمد معزوم برة خاف جان عندي نفس ع الأكل انسدت من بعد مكالي هذة الكلام واترخصت من الكل ورجعت الغرفتي احس كمية جبيرة من العصيبة بداخلي واريد افرغهة بواحد كعدت ع الجرباية واني افرك براسي واكول اكيد معزوم عدهة ويمكن للعصر يلة يجي تخيلتة كاعد ويشاقة وياهة ويضحك لو انجنيت بالأكثر 

بقيت اباوعلة من شباك الغرفة بس ماكو للتلاثة ونص يلة شفتة دخل من باب الطرمة جريت شالي وطلعت بسرعة من الغرفة دخلت للصالة والحمد لله محد جان بيهة الظهر واغلب البالبيت اينامون بهيج وقت بقيت منتظرتة اباب الصالة واكفتلة وحاطة ايدي ع خصري واهز رجلي بعصبية دخل باوعلي ورفع حاجبة وهوة يكول 

محمد : شبيج واكفتلي هيج شنو منتظرتني 

اوتار بعصبية : وشكو انتظرك شفتك دخلت واجيت اريد احجي وياك بموضوع 

محمد وهوة رافع حاجبة : خيرج احجي 

اوتار : خير ايصيبك ان شألله ماكو شي بس ردت اكلك هالسبوع حخلي عادل يوصلني للكلية لتعب روحك 

محمد بستفراز ؛ براحتج 

اوتار : كال هيج وعافني وصعد باوعتلة بصدمة ع غيض رفعت ايدي بعصبية استنجد الصبر من ربي ورجعت دخلت الغرفتي و.........

______________

مرسلين

مرسلين بصوت عالي نسبين : وااانت اذاا تعررف العرك دساس شكوو مزووجنني هااا مخفتت همم اخوونك واحجيي ويااا حبيب الكلب مثلل مكلللت وءء... مكملت كلامي واني احس بظهري ينقسم نصين من قوة دفعتة الي ع الحايط صار كدامي بلعت ريكي واني اشوف اعيونة مطعونة بالأحمر احس كول قوتي اتبخرت من قربة الي نزلت راسي بخوف وما هية الة لحظات وصرخت من الوجع واني احسس بشيي قووي انغرس بخصرري مثل الحديد وقبض ع شعري من ورة بقوة رفع وجهي علي وهوة يكول 

شاهين بحدة : صوووتجج ميعللللة عليية ساالفة ازواااج صاررت بكيفي وشوكتت مااا اطكك اباليي اطللكجج فلا تلللعبين بعداد عمرجج وياي خلي يمرن هل جم شهر ع خيرر  وصيري خووش ادمية وراهة نتفااهمم ساامعة 

مرسلين : هززيت راسي بخوف وألم بنفس الوقت نترني من شعري وراح وكعت بالكاع بوجع من خاصرتي وألم غريب حطيت ايدي عليهة واول مأجيت ارفع تشيرت التراك حسيت نفسي انجيرت من زندي كعدني ع الكرويتة واول مرفع التشيرت لزمتة بقوة باوعلي بخزرة خلتني اوخر ايدي عن التشيرت بخوف ورفع التشيرت تلمس خاصرتي بأطراف اصابعة غمضت اعيوني من الوجع والأحراج الشتاحني دقايق قليلة وحسيت بشي بارد ينحط ع مكان الألم فتحت اعيوني ودنكت ع مكان الضربة شفتة حاط ثلج عليهة ويباوعلي ومبتسم اول مشافني فتحت اعيوني كام وهوة يكول 

شاهين برود : حطي ايدج ع جيس اثلج واقل من عشر دقايق ويروح الوجع 

مرسلين : محجيت شي بس لزمت جيس الثلج لا يوكع وفعلاً دقايق وراح الألم وخرت اجيس واني اباوع ع مكان الضربة دائرة حمرة ع زراك مثل الي انغرس بيهة شي حديد باوعتلة بنرفزة اشلون رجع كعد بكل برود كدامي ولا كأنو مسوي شي 

وعفتة ودخلت للغرفة وخرت الحاف عن الجرباية وطفيت الأضوية وعليت اسبلت شفتة طفة اضوية اصالة هم ودخل للغرفة مهتميتلة ورحت تمددت ع الجرباية  وغمضت اعيوني حسيت بي وخر الحاف ونام من الجهة الثانية بعدت جسمي عنة الحد مصرت ع طرف الجرباية وباوعتلة رايح بسابع نومة حطيت ايدي ع خدي وضليت اباوع علي شكلة حلو وهوة نايم عبالك واحد حباب وكيوت مو مثل لمن يكعد ابتسمت ع تفكيري وغفيت للصبح حسيت ابأيد تتحسس بخصري وجع خفيف بي فزيت بسرعة من نومتي مثل المرعوبة باوعت ع شاهين كاعد بصفي رفعت الغطة عني بخوف واني اكول 

مرسلين بأرتباك: اء.. اشدسوي

شاهين برود : ماكو شي ويلة جهزي روحج بسرعة حتى اوصلج بطريقي

مرسلين : هزيت راسي بخوف وطفرت للحمام سبحت بسرعة وكملت واول مدرت ع التعلاكة مال ملابس البالحمام غميت نفسي بغباء واني اذكر ملابسي من الخوف حتى ما لحكت اجيبهن فتحت باب الحمام ع كيف باوعت بألغرفة الحمد لله ماكو لفيت نفسي بالمنشفة وطلعت من الحمام رحت طلعت ملابس المدرسة من الكنتور  واول مسديت باب الكنتور شفت شاهين بوجهي واكف اباب الغرفة يدكم بقميصة شافني وضل مثل الصافن غمضت اعيوني بخجل واني اكول 

مرسلين بءبس اطلع اشوية اريد ابدل اباوعلة فرك وجهة وطلع ردت اطم نفسي ع هل موقف البايخ وبدلت ملابسي بسرعة واول ملفيت شالي سمعت صوتة من جوا ايصيح لأن متأخرين اليوم اخذت جنطتي وعباتي ونزلت ركض جوا 

صبحت ع عمة  وعمو صاحوني اتريك كتلهم ما اشتهي وسئلت ع شاهين كالو منتظرج بالسيارة لبست عباتي شلون ما كان واترخصت منهم وطلعت بسرعة احس روحي بين لحظة ولحظة حتعفر بالعبا من ورة الخجل والأرتباك وصعدت ويا باوعلي بنظرات تفحص وهز راسة برضى وبدة يسوق كلبت اعيوني بملل ورجعت راسي ع الجامة اشلون حدوام بمدرسة جديدة واترك صديقاتي معرف حتى تقى بعدني محاجية وياهة بخصوص هالشي ومتأكدة حتزعل عليهة اااه ما كول غير الله يسترنة ورة فترة شفتة وكف السيارة اكبال مدرستي عقدت حاجبي بستغراب وسئلتة 

مرسلين : مو كولت حداوم بمدرسة جديدة 

شاهين برود : ميصير انقل بهالفترة لأن نهاية السنة والأمتحانات ع ابوابهة 

مرسلين : باوعتلة بفرح ع انتصار  وعفتة ونزلت دخلت للمدرسة بسرعة سلمت ع تقى وحظنتهة و.......

______________

طيف 

شايفين الضربة التجيكم فجئة من اقرب الناس الكم ناس جنتو تعتبروهم بحياتكم كلشي همة الهوة والنفس الي تتنفسو هذة جان كلام نسر بنسبة مثل الضربة الصحتني ع نفسي واوجع باوعتلة بحقد واني امسح ادموعي ورجع اكوم بقوة بعد مضعفت وبادت رجلية بالكاع اباوعلة رفعلي حاجبة بشموخ رفعت اصبعي السبابة بوجهة واني اكول 

طيف بتهديد: الخدداامة التحجي عليهة اشررفككك وشرررف عشيرتك حبيتك ما نكرت هالشي وللأسف غلطت عمري هذة الشي بس وداعت امي الماكو اعز منهة بهل كلب اذا ما اردلك الصاع صاعين ما اطلع بنت الخدامة التحجي عليهة كلت هل كلام وعفتة وطلعت من الغرفة نزلت جوا واني اسمع صوت ربدة وتكسير بالغرفة مهتميتلة ولا التفتت البنات عمي الكامن يصيحن وراي وكملت طريقي البيتنة  جان بي مثل السياج بينة وبين بيت جدي عبرت السياج ودخلت البيتنة شفت امي واكفة اكبال الدرج تمسح لا اردين رحت شبكتهة بقوة من ورة باوعتلي بستغراب وذبت الوصلة وكالت 

ام طيف : ههه شبيج بنيتي لاز.. سكتت وهية اشوف اعيون بتهة مليانة بالدموع باوعتلهة بخوف ع قلق ومررت ايدهة ع خدهة وهية تكول 

ام طيف بخوف: شبيج منو مبجيج وحدة مسمعتج كلمة من عماتج لو .. قاطعتها طيف ببتسامة 

طيف : مبية شي وشحدهة التحجي ويا بنت الشيخ جمال بس اشوية تعبانة من الشغل تعرفين سوو عزيمة ع مود ردت الشيخ للديرة وكل عادة الشغل صار كلة براسي من الصبح واليجاي ع فرد وكفة 

ام طيف بحنان: الله ايساعدج يمة ادخلي غسلي بين ما اصبلج غدة اكيد ما ماكلة شي منهد الريوك 

طيف : ابتسمت ع كمية العطف والحنان بكلامهة احس اعيوني رجعن امتلن بالدموع لمن اذكرت كلام نسر رجعت حظنت امي بقوة ودفنت راسي بصدرهة يل حنية العليهة الما ع احد مستحيل اكو  وحدة بطيبة كلبهة وحنيتهة 

ااااه اشكد اكره نظرات الأستحقار  والغرور البعيون بيت جدي وعماتي لمن ايشوفن امي لأن جانت تشتغل خدامة عدهم وبابا حبهة وزوجهة غصبن عن الكل واكثر من سنة ضل مزاعل هوة وجدي الحد ممصالحهم نسر  وللأسف جنت عبالي الشيخ نسر يختلف وما يهتم الهاي الفروقات السخيفة بس طلع نفس الشي واسوء وهذة الشي خلاني امحي كل ذرت حب بكلبي تجاهة الأيهين امي بنسة الي ينمحي من حياتي 

مسحت ادموعي واني اوخر عن حظنهة باوعتلي بنظرات قلق واضحة بس مسئلت لأن تعرف بتهة مستحيل تحجي شي وعفتهة وصعدت الغرفتي احس روحي اريد اكعد وحدي اريد ارتاح من كل هل تفكير والتعب دخلت الغرفتي بس مسمحت لدموعي ينزلن مو طيف التبجي ع واحد هان امهة وشمرت روحي ع الجرباية دفنت راسي بالمخدة مانعة نفسي من اي تفكير بس ماكو فايدة كل ما اريد انام احس كلامة ايرن بأذني الحد مشربلي حبة فاليوم يلة اكدريت اغفة و.........

______________

شاهين 

كاعد بالمركز واحس عقلي امشوش افكار اجيبني وافكار توديني فركت راسي بوجع مع ابتسامة سخرية واني احس شريط حياتي رجع ينعاد كدامي بكل تفاصيلة غمضت اعيوني مستلسم الذكريات الماضي واوجاعة...اني شاهين محمد اسميت بهالأسم ع اسم جدي الي جان وما زال بمقام ابوية واكثر يعرف عني كل جبيرة وصغيرة الوحيد الكدامة ما اكدر احط قناع البرود او العصبية كبرت حالي حال اي شاب وبديت مراهقتي بأعجاب بت عمي هدى اشوية اشوية تحول هذة العجاب الى حب حاولت ابينلهة بكل الطرق عن حبي واعجابي الهة بس للأسف ما جنت الاكي منهة غير الصد واجهت جدي واعترفتلة عن اعجابي بيهة وحبي الهة شفت بعيونة الأنزعاج والرفض 

بس رغم هالشي ما عارض وكالي بيومهة ادرس واشتغل ع روحك والبت ما راح اصير غير الك وفعلاً بديت اتعب واشتغل ع نفسي الحد ما تخرجت من السادس بمعدل ايهلني ادخل اي كلية ابالي واكيد فكرة الأهل الساسية جانت موجهة ع الطب بس بوكتهة عارضتهم ورحت سجلة بكلية الضباط وصديقي عمار سجل وياي فترة وطلع قبولنة بيهة وبعد شهرين من الاختبارات والتعب كدرنة نلتحق بيهة مرت اتلث اسنين علينة مثل الحلم فعلاً لو كالو احلة اسنين العمر هية الكلية تعرفت ع اصدقاء جانو اكثر من سند واخوة بنسبة الي وتخرجنة واهنا بدت مرحلة جديدة ومختلفة من حياتي رجعت للبيت بقوة وهيبة اكبر ورجع تعلقي بهدى يزيد حققتلهة كل الاشياء الي ممكن تتمناهة اي ابنية من هداية وطلعات وطبات حتى دروس خصوصية حطيتلهة بالسادس وبعلم اهلهة اكيد 

لأن جانت كدام الكل هية خطيبتي واتخرجت من المدرسة بمعدل لا بأس به اذكر بوكتهة جدي عارض فكرة ابنية ادوام كلية بس ما قبلت وكفت بوجهة ع مودهة واضطر يغير قرارة ويوافق بالموضوع بس بشرط والي هوة انو اعقد عليهة فرحت بهذة الشرط لأن جان بصالحي وفعلاً عقدت عليهة وبدت اداوم بكليتهة واني اوديهة وجيبهة وبديت انتبه ع تصرفاتهة وصلافتهة ويا الشخص المقابل حتى اعيونهة التروح ع الشباب وهية تمشي وياي بس رغم هيج ما اهتميت الهالمواضيع جنت شبه معمي عن اخطأهة حبي الهة جان فوك كلشي وتوسعت بشغلي اكثر وكونت نفسي اشتريت بيت بأخر سنة من تخرجهة ردت افاجئهة بي بيوم زواجنة وخلصت كلية وعرضت عليهة الزواج اكثر من مرة او انو انقدمة بس جانت ترفض بحجة تريد وكت اكثر حتى تفكر بي عفتهة ع راحتهة ما ردت اضغط عليهة 

الحد مبديت انتبه ع تصرفاتهة بأخر 

فترة متغيرة جذرين حتى بتعاملهة الصاير شبه فض وياي وبيوم جنت استوني راجع من الخفارة تعبانة وحيل ما بية سلمت ع جدي واول ما ردت ادخل الغرفتي شفت هدى طلعت من غرفتهة تتلفت بخوف وصعدت للسطح عقدت حاجبي بستغراب بس ما انطيت للموضوع اي اهمية الى ان اتكررت هالحالة مرة ومرتين واتلاثة اهنا انزرع الشك بداخلي تجاهة وبيوم جنت استوني راجع من الواجب سمعت صوت باب السطح انفتح لا ارادين صعدت كبل للسطح فتحت الباب ع كيف وشفهة متجية ع الحايط ولازمة ايد ابن بيت ابو حيدر جيرانة اعيوني شاطت من الصدمة والعصبية باوعتلي بخوف وهذاك العار عافهة وشرد رحت جريت شعرهة ونزلت واني اجرجر بيهة احس خصل شعرهة اشلعن بيدي شمرتهة ع جدي وطلعت بسرعة ركعت الباب ع بيت هل عار دخلت بنص بيتة دميتة ادمي واني اسمع امه طلعت تتصايح هية وعمامي كل هذة وما شفيت غليلي منة بلا وعي من شفت السجين ع طاولة جريتهة واني اشوف ملامحة انكلبت وبحركة سريعة دجيتة بطنة اباوع ع اعيونة طلعت من الوجع وكام يصرخ مثل النسوان ردت اكمل علي وذبحة خلاص بس وكفن بعيني اخواتة الصغار واني اشوفهن يتراجفن من الخوف دخلو عمامي طلعوني من بيتة وجدي جر السجينة مني ودخل اباوع ع منطقة انكلبت كلاب بسيارة الشرطة والأسعاف طلعو هل صكط مدمة ع السدية واني اخذوني للمركز ما طولت بي اقل من ربع ساعة وطلعت بفضل منصبي واسطات جدي رجعت للبيت واني حالف اذبحهة الهالعار وهنا جانت اصدمة لمن شفت جدي جايب الشيخ ويريد نفسخ العقد واطلكهة ما ردت اطلكهة ردت اردلهة اضعاف السوتة بية ردت اعاقبهة بنفسي بس ما كدرت واني اشوف جدي مصر ع موضوع الطلاك وفعلاً اجت هدى وصار الطلاك رسمي كدام الشيخ من بعد ما طلكتهة ما ردت اي شي غير اكوم اطلع من البيت كلة ما ردت احجي ويا واحد او 

اشوف نظرات العطف بعيون واحد مو الشاهين الينعطف علي واول مردت اكوم بدة عمي يتعذر مني ع صار وبدة المصايح هوة وجدي ع ابو معرفت تربي بناتك وما سويت الحد منهى عمي هل نقاش وهوة يهديني بنتة الزغيرة باوعتلة بحدة ع صدمة معقول يفكر يهديني بنتة الما يجاوز عمرهة الثنعش سنة جانت بنسبة الي مثل بنتي وبمقام اختي زهراء رفضت هالهدية واول ما كمت صاح جدي وسكت كل عمامي وهوة يكول الهدية مقبولة والشيخ هسة يعقدلهم باوعتلة بحدة بس ما ردت اكسر احجايتة كدام عمامي وهم اكو شي بداخلي يريد ينتقم حقد متكوم بصدري بالحظتهة الغل والحقد عمة اعيوني وخلاني اروح اصيحهة واعقد عليهة خصوصن بعد. ما شفت نظرات هدى المنكسرة ع مود اختهة وطلعت من البيت بسرعة واني اباوعلهة واكفة مثل المذنبة المتعرف شنو ذنبهة ابأي حق هذة كلة صار وياهة للحظة كرهت نفسي ع السويتة بيهة اشلون فكرت انتقم من اختهة بيهة بس كل هذة ما وكف بعيني 

وطلعت من البيت ويا طلعتي من هالبيت انخلق شاهين ثاني بارد عصبي مستفز غير تماماً عن الأول نسخة مصغرة عن جدي واسوء ترفعت بشغلي ويا ترفعي هذة بديت اتعرف ع ناس جديدة منهم الزين ومنهم اشين وبديت اسلك طريق لا يرضيني ولا يرضي ربي كل هذة ع مود انساهة وفعلاً مكمت احس اي مشاعر داخلي اتجاهة بس كل ما اذكر اسوتة بية ترجع النار تلهب بداخلي ردت انتقم منهة بأي شكل من الأشكال وبيوم جنت واكف بيت جدي اخابر بصديقي حسيت اباب البيت انفتح بس ما درت بال الحد ما نهيت المكالمة ويا صديقي واول ما درت ع الباب شفت ابنية واكف بعتبت الباب لابسة ملابس مدرسة عرفتهة من اعيونهة هاي مرسلين بس كبرانة وصايرة احلة من قبل صايرة مرة كاملة تعجب اي رجال بوجه اطفولي واعيونهة البريئة باوعتلهة بنظرات باردة وهية كبل طلعت من البيت من هذة اليوم بدت التقائاتي تزداد بمرسلين معرف اذا جنت اتقرب منهة حتى انتقم من اختهة فعلاً او شي بداخلي يريد يتعرف عليهة اكثر صارت عندي اعيون بكل مكان تروحلة او هية بي صرت اعرف ادق تفاصيلهة رغم هذة كلة بعدني اهوم نفسي ان الجاي اسوي بس حتة انتقم من اختهة وصار المطلوب وزوجتهة وزفيتهة كدام اعيون اختهة بس ولد هل شي خوف بداخلي تجاهة ما اريد تعلقي يزداد بيهة وما اريد احبهة ما اريد كلبي يرجع يدك مرة ثانية الأي وحدة حاولت ابعد عنهة ورجع مثل قبل وياهة وكأن هية بت عمي وبس ماكو اي علاقة تربطنة غير هالشي بس ماكو ما كدريت شعور بداخلي رافض هالفكرة ومن يوم العزيمة مال بيت عمي والهالحظة اني عايش بحيرة وهم ساعة اكول لحظة شيطان ورغبة وساعة اكول لحظة ح.. فركت وجهي واني استغفر ربي وسمعت الباب يندك صحت ادخل ورجعت دنكت ع الملف البيدي واني اكول 

شاهين برود: احجي 

نصر : كملت الأوراق مالتة ادخلة المكتبك لو اطلعة كبل 

شاهين : دخلة 

نصر : حاضر 

شاهين : كال هيج وطلع لحظات ودخل اشرف رجعت راسي ع الكرسي بسخرية واني اشوف شعرة داكي صفر هنة والحواجب وجهة ما مبين من الضرب شكلهم مقصرو ويا الولد ابتسمت واني اكول 

شاهين ؛ بشر اشلون لكيت السجن عدنة حلو مو 

اشرف بخوف : شاهين وا.. قاطعا وهوة يرفع حاجبة ويكول

شاهين : شنو 

اشرف برجفة : اقصد سيدي والله ما اعيدهة اصلاً الشقق راح اسدهن وال** راح ابطلة والتريدة ايصير 

شاهين : ما اريد اشوف خلقتك بكل بغداد تطلع منهة وخلي هالحجي ترجية بأذنك اذا صار وفكرت ولو بفكرة تلعب بذيلك وياي اعتبر دمك مهدور 

اشرف بلع ريكة بخوف وهوة يكول : تأ.. تأمر 

شاهين : يلة لعد شوفنة عرض اجتافك اباوعلة طلع بسرعة من الغرفة ابتسمت تك خد واول ما شلت تليفوني دخل عمار كعد اكبالي وهوة يكول 

عمار بنرفزة : هاي بت ال*** رجعت دزت ولد للمركز 

شاهين برود : شتريد 

عمار : ما اعرف بس الشرطة الكبال المركز كالو اجا الولد يسئل ع عنون بيتك 

شاهين بهدؤ: وينة هسة هوة 

عمار : سجنتة واجيت احجي وياك اشوف انت شغلك ويا لو اني احل الموضوع من يمي

شاهين برود: انت حلة عندي شغل ومفاضيلهة اريد تمحيهة هية واختهة 

عمار : ماشي لعد انتظر لليل وادزلهن دورية للشقة الساكنات بيهة 

شاهين : براحتك بس الي اسمه امير عوفة 

عمار بستغراب: ليش 

شاهين : اكو شكم شغلة اريد اعرفهن من خلالة وبعدين اشوف شغلي ويا 

عمار : ماشي وهاك هذني اوراق النقل الردتهن وسئلت ع المدرسة سمعتهة ممتازة وتدريسهة خوش تدريس

شاهين برود : الغي سالفة انقل واليوم حجيت ويا المدرسة القديمة ورجعت اوراقهة 

عمار بنرفزة: صدك تحجي صارلك يومين ساطرني بيهة وشف المدرسة واسئل عليهة وجيب اوراق وادي اوراق اخر شي تكلي الغي اسالفة بلة اكدر اعرف ليش الغيهة نهى كلامة بسخرية 

شاهين برود : ................

_______________

اوتار 

كاعدة بصالة واعيوني مرتكزة علي امووت واعرف ويامن ديتراسل ويضحك معقول وياهة اي اكيد وياهة قبضت ع ايدي بعصبية منتظرة الحظة اليكوم بيهة ويعوف التليفون بس ماكو فايدة ولا تركة واترخص من الكل وصعد الغرفتة وهوة يراسل مرت اكثر من عشر دقايق واني كاعدة بمكاني احوس اريد اعرف بس ويامن ديتراسل ورة فترة اندك الباب طلع كرار فتحة ورجع وره خمس دقايق صعد فوك ونزل هوة وراه محمد باوعت ع كرار بستغراب واني اكول 

اوتار : منو بالباب 

كرار : صديق محمد 

اوتار : هزيت راسي وابستمت بمكر لحظات وسحبت ع كيف ليفوك دخلت الغرفتة بسرعة عسا ولعل مبقي التليفون بيهة وفعلاً شفتة ع الشحن رحت جريتة من الشحن واول ما ردت افتحة سمعت صوت محمد وهوة يكول 

محمد : هاي اجاي اسوين اهنا 

اوتار : بلعت ريكي بخوف ع توتر وحطيت المبايل وره ظهري ودرت علي ع كيف واني اكول بأرتباك 

اوتار : ها..مسوي شي بس شسمة احمم عمة عمة كالتلي اصعد الغرفتك اجيب الء.. سكتت واني اشوفة بدة يتقرب علية بطئ وابتسامت المكر مرسومة ع وجهة لا ارداين رجعت بجسمي ليورة الحد ملطخت بالميز ورجعت اعيوني بخوف علي قرب اكثر علية الحد محسيت جسمة لزك بجسمي وحاوط ايدي بخصري الحد ما وصلن الأيدية لزم المبايل بأيدي وباوعلي وهوة يكول

محمد بخبث : وعمتج كلتلج اخذي تليفوني 

اوتار  :.........

_______________

طيف 

راجعة من المدرسة واحس خدودي اشوية ويطكن من ورة هل حر باوعت ع صديقتي فرح بنرفزة وكلت 

طيف : لججج اشوية وامووت شهلل حرر متكللي 

فرح بتعب : غير انتي حاطتنة بخط ابو فليح يوم مريض يوم السيارة عطلانة يوم ازدحامات يخلص الشهر واحنة ما راكبين بسيارتة غير اسبوعين وراس الشهر يجي من الستة اصبح ع افلوس الخط

طيف : اكول ليش متنجبين مو احسن وبعدين اني اشدخلني غير الوالد ما يريد غير عندة لأن جبير بالعمر ويعرفة

فرح وهية تمسح وجهة : اي وشنو الحلل يعني انضل ع هالحالة من ورة حضرتج 

طيف : لا اليوم احجي ويا حتى انغيرة بس شوفينة ابو خط من يمج كون زين وجبير بالعمر 

فرح : ماشي هاي اذا لكينة خط فارغ بس اصدكين بعدني ما مستوعبة فكرت بعدنة سنة ونروح للسادس وراهة الكلية العبب 

طيف : هههه ولا اني معرف ليش متخوفة من السادس

فرح : خااب دنجبي دخل نخلص اول شي من هالخامس الشل حالنة وبعدين احجي 

طيف : ضحكت ع حجية ورة فترة وكفت يم بابهم دكت الباب واشرتلي بيدهة بمعنة باي اشرتلهة بيدي ورحت البيتنة وكفت بنص الطريق واني اشوف حمزة ابن خالي جاي يفلح ابساتين جدو اشكد اكره فكرت انو يشتغل عند جدو ونسر هوة وخالي بس بنفس الوكت افتخر بيهم ع الأقل ما بيوم مدو ايدهم للحرام او طلبو من جدي شي ع ابو نسايبة بالعكس وره زواج امي وابوية تعبو ع نفسهم اكثر وحتى رادو يشتغلون بغير بستان مرادو ايثكلون ع ابوية بس نسر رفض لأن من الطفولة همة اليحرثون بالكاع ويا الفلاحين باوعت ع حمزة ببتسامة واني اكول 

طيف : الله ايكويك حمزاوي وين خالو

حمزة : ههه ويكويج شيخة وخالج راح يتغدة ويرجع 

طيف قربت علي واني اكول بنزعاج : لا تكلي شيخة ما احب هالقب ومرحت ويا 

حمزة : هههه براحتج بوية وما اشتهي عندي شغل اهواي بالكاع 

طيف : الله ايساعدك تريد مساعدة 

حمزة ببتسامة : لا بوية سلامتج هاج اكيد عطشتي من هالحر وليش ما اجيتي بخطج 

طيف اخذت منة بطل الماي شربتة وكلت : ما تعرفة يوم يجي وعشرة لا اريد احاجي ابوي علي حتى يغيرة 

حمزة : اذا تردين احجيلج ويا الخط البي اختي رجال زين ومواعيدة مضبوطة 

طيف : فددوة متقصر اشوف ابوية ورجعلك خب..قاطعني صوت خشن ورجولي عرفتة من بحتة صوت نسر ما هتميتلة وبقيت اعيوني ع حمزة واني اسمعة ايكول 

نسر وهوة يباوع ع طيف المنطيتة ظهرهة : كواكم الله اشلون الشغل 

حمزة : الله ايكويك شيخنا زين الحمدلله ما بقالنة شي ان شألله للعصر مكملين

نسر : هز راسة برود وهوة يتمتم بكلمة خوش ودار ع طيف وهوة ايكول اجابج بوية اهنا بهالظهرية ما خفتي واحد يشوفكم من الفلح ويفتهم وكفتكم غلط اذا ما تخافين ع نفسج خافي ع سمعت ابوج بين هالديرة 

طيف :..............