رواية خفايا القدر الفصل السابع والعشرون بقلم انين الروح
صبري عليك طال وحتار بيك امري
جفا لو دلال
خليت دمعي سال عالخد كام يجري
يرضيك هالحال هم ليلي نار مترحم يشكي دوم المرحال
وينك ياطول البال
رفيف ..شفت رهف مامهتمه للامر ولا فرحانه واكيد ع يبس راسها مراح اتكله وتوصله الخبر
رجعنه اخذت التلفون ودكيت ع جراح من رقم طه
جاوبني
هله بأبو ياسر
لا اني ام ياسر
هله بخيتي شلونكم شخباركم
احنه كلنه بخير والحمدلله
وعندي خبر الك اله بشده وما ارضه اله منك بهديه
كولي وعيوني الج تدللين
رهف
اشبيها
رهف حامل اليوم بشرتنه الدكتوره
جراح 😳😳😳😳😳 صدك تحجين
تعال الباجر وفرح كلبها بشوفتك تره رهف حيل تحبك ومشتاقتلك بس هي ثوله متعرف اتعبر عن حبها كدامك
صار خيتي ان شالله باجر اني يمكم
بس اريد شغله وحده منج
اي تفضل
ماريد رهف تعرف اني باجر جايكم
اريد افاجئها بجيتي
صار مراح اكول الها
مع السلامه
الله وياك
رهف ..حيل ضجت من دكيت عليه ومن راسلته كتله افتح خط والله اني اسفه
هو ابد ما اهتم ولا ردي اي خبر
نمت ضايجه ودمعتي ابعيني غركت المخده 😭😭😭😭😭
جراح ..من سمعت بالخبر واني الدنيه مسايعه فرحتي طرت بالسمه طيران بس اريد اشوفها وحضنها وبوسها
معقوله حب عمري تصير حامل ويصير عدنه طفل يربطنه سوه
احن الشوفتك كل ساعه واشتاق
وصرت ويا الهوا مكتوب اوديلك
ساعه اكتب احبك وساعه اني أهواك
وساعه الروح تطلع مني تمشيلك
ويگلي شبـيك ؟
: بيه انسان
خله الروح تحلف ماتحب ثاني.
مليت من هذا البعد ما اكدر اصبر بعد وينك يا احلى البشر ردلي لتالي
شيصبرني الباجر يارهف عمري
باوعت عالساعه شفتها بالثنتين بليل
لا بعد ما اكدر اصبر صارت روحي تلوب
خليت ودكيت ع فهد
هاولك شني نايم
اي يخوي اشمالك انت ماتنام وترتاح شني جسمك مايتعب
كوم ولك لاتظل تلغي حضر حالك وتعال العندي
خير شكو شتريد مني يابه الساعه ثنتين وانت تندل مكان ليلوه
انه شكو جاي وياك
غير ينجب ويسكت وبساع يجيلي كوم لا اجي اشيلك بالشفل
جيت جيت لا تعيط
هااااا اشمالك
جبت جنسيتك
هاي وياي بس خيرك وكعت كلبي
اكلك راح نطلع لديالى هسه
ليش ياستار شكو
اريد ارجع الحرمه للبيت
خويه الصباح رباح شلك بهالسالفه اكو عاقل يطلع هالوكت ويعرف الوضع مو زين
وحضر وسيطرات
يمعود اشمالك الطريق مابي شي انه اريدن هسه اروح اشتاكيت
وشوكي جبرني اروح وشوفنها
تجي لو اروحن ابحدي
جاي بويه وامري لله خل انشوف تاليتك وين يجراح
شغلنه وطلعنه بقصه سرعه
وبالسته وصلنه
اطبكت سيارتي ونزلنه
دكيت الباب
طه .نايمين ارفعت راسي واسمع صوت دك عالباب الخارجي
رفيف .هاي منو يجي هيج وكت صدك ماعدهم ذوق
طه .لا تطلعين خل اكوم اشوف منو
رفيف .ارجعت نمت واسمع طه يهلي ويمرحب
ارفعت راسي هاي منو جاينه غباشي
بدلت وطلعت للاستقبال
مديت راسي وشفت جراح وياه رجال
هذا صدك يحجي اكو عاقل يجي هيج وكت
بس الصدك فرحت حيل هاي اكبر دليل ع حب جراح الرهف
مكدر يصبر النهار يطلع ويجيها
رحت ع رهف صحيتها
رهوف رهف كومي
فتحت عيوني بثكل 😣😣😣
هاي اشبيج رفيف والله بعدني نعسانه روحي بعدين عود
لج كومي صحصحي شوفي منو جاي يمنه
رفيف وخري عني اريد انام انعل ابو الجاي شلي دخل بي عوفيني
لج جراح جاي علمودج
رهف ..ارفعت راسي 😮😮😮😮😮😮
منو جاي
اي جراح اجه توه هو واحد وياه
اكيد جاي يرجعج
وينه خلي اكوم اشوفه
ع كيفج توج تكولين انعل ابو الجاي شو من سمعتي بسمه كمزتي للسكف هههههههههههههه
دسكتي شكد اتحبين اداهرين
وين همه هسه
يالاستقبال
كمت اركض طلعت وكبل دخلت للاستقبال من غير ما انتبه ع نفسي اني بدون شال ودشداشتي قصيره مال نوم
دخلت وعطت
احبك يامجنون وركضت عليه بدون وعي وحضنته بكل قوتي نسيت او ماشفت منو موجود بالغرفه
ماحسيت غير بس برعشه كلبي وحبي واحساسي المرهف الي انطلق ويه شوفه جراح
جراح .جنه كاعدين نحجي عالطريق شلون مأمن بالليل وماكو شي
وما اشوف غير رهف دخلت علينه هي وعطوبها وثوبها القصير المغري
اوكفت ع حيلي شنو هالبس هاي شلون دخلت هيج علينه
واشوفها جتلي تركض وكمزت حضنتني مثل المخبله وتبجي وتكول احبك والله احبك
اني اخجلن موقف ممار عليه قبل حرت شلون اصرف حضنتها ومشينه طلعتها خارج الغرفه ابعدتها عن صدري اباوع بعيونها التلمع بالدمع والحب
ولج هاي شلون تدخلين هيج علينه هههههه احرك عشيرتج هسه
احرك عشيرتي احرك اهلي احركني بس لا تبعدني عنك اكثر
مو انه البعدت انتي الطلعتي ماعاجبج جان جراح
والله عاجبني وعاجب كل عشيرتي
يله مخبله روحي ستري حالج وحضري نفسج حتى نرد البيتنه
ارفعت نفسي وكفت ع اطراف اصابعي واني صاعده ع كف رجله بسته من خده ومسحت خدي بخده بلطف وغمضت عيني وصلت شفايفه بستها ظليت ابوس بيهن الله شكد طيب عطر انفاسه
لج هي الناس راح تشوفنه وخري ماتستحين عود هاي اسوالفج سويهن من نرد ونكعد ابغرفتنه
يله امشي اتحضري وخلنه نرد لهلنه
صار من عيوني ياعيوني انت
رحت حضرت
نفسي والابني وطلعت عليهم
رفيف .هاي شنو
جراح .كافي بعد صارلها اسبوعين يمج ما شبعتي منها
لا مو قصه اشبعت بس توها الناس كعدو خل نتريك وعود امشوا
لا مايظل وكت خلينه نتوكل ونردها جيتنه الكم
طه ..بس والله ميصير هاي اول مره تدخل بيتي وتطلع بدون لكمه
خوما جاي اجربك انه انت ابو الكرم والنفس الطيبه
اخبارك بالكرم واصله النه ابو ياسر
خلونه نتوكل مادام الطريق فارغ
كل الهله بيكم نورتونه
رهف حضنت رفيف وكمنه نبجي
راح اشتاقلج
اني ايضا حشتاقلج بس نجيكم ان شالله
راح انسوي الطريق سجه بينه وبينكم
جراح ..كل الهله بيكم نرحب بجيتكم النه
وطلعنه
والحمدلله الطريق كله امان وماكو شي
جراح شغل المسجل ع اغاني هيثم يوسف واغنيه اضرب من الثانيه ويباوعلي من المرايه ويبتسم ويكول هاي للغوالي
وين ابعدت
اول العشاك
اصعف كدامك
اوووووو كثير من اغاني الحب عيشني يوم كله دلع وحب
ياريت ما ينتهي هاليوم
كل اشويه يياوعلي من المرايه ويغمزلي
نزلنه يم مطعم اكلنه ورجعنه لسياره
وصلنه للبصره الظهريه توهم يصبون الغده
دخلت سلمت عالجميع
الحجيه ..انطيني جبده كلبي
هله يمه هله بطوايفي هله بريحه الغالي يمه كبران الله يحرسه
اي يارهف شلونج
زينه عمه الحمدلله
غيرتي جو تونستي
اي عمه الحمدلله
كونج ماتردين وتكولين ضايجه ومخنوكه وتردين لختج
لاعمه ارتاح بعد ماكول ولا اختنك
يله عن اذنكم اغير ملابسي
طلعت صارت ابوجهي ازهار شايله اماعين الغده وداخله للهول
استغربت هاي اشعدها اهنا جراح طردها لا والنوب شايله اماعين الاكل وداخله عليهم
شنو السالفه🤨🤨🤨🤨 معقوله كامت ترجع تدخللهم
يبوووووو اذا هاي السالفه صدك
هم رجعت حليمه العادته القديمه راح اتنغص عيشتي مره ثانيه
رحت الغرفتي افتحتها فتحت برداتها والشباك حتى تتهوه لان اسبوعين اني عايفتها واكيد محد داخل ومهويها
دخلت اريد اسبح
وصاح جراح من غرفته
رهف وينج
اي جايه بس دقيقه
طلعت وشفت ازهار اكبالي تريد تدخل الغرفه جراح
اصبري انتي وين داخله هو صاح رهف
شنو انت اسمج رهف
لا احبيبه بس هو صاح وانه ادخلت اشوفه شيريد
اني زوجته وصاحلي
انتي ادخلين الغرفته بصفتج منو
انه هم جنت زوجته
انت كلتيها جنتي زوجته يعني شي من الماضي هسه طليقته
ما اسمحلج ادخلين ع غرفته
اكلج تره هاي غرفتي
حبيبتي
غرفتج سابقا هسه لا كافي عاد طلعي من حياتنه شنو لزكه ولزكتي بينه ماعندج كرامه تجين وتتلزكين
ازهار ..ما اتحملت كلامها وجبتها براشدي
شو هاي ماصدكت ..كامت تعيط وتصارخ
جراح .انه جنت بالحمام صحت ع رهف حتة تجيب المنشفه مالحيتها بالحمام
وسمعت صوت رهف تصارخ
البست ملابسي الداخليه وطلعت اركض
هاي شكو شفتهن وحده لازمه بشعر الثانيه والصراخ عملان
عطت بيهن اثنينهن
رهف ..هاي النكسه ضربتني لان منعتها من دخله الغرفه هي طليقتك ليش تدخل للغرفه شتريد منها
ازهار ..اسكتي ام الفوايين تردين تذبيها براسي لوما الزلمه يصبح بالعشر مرات وانتي هادته ولا جن زلمه يصيح
جراح .عطت بيهن اثنينهن اسكتن ماريد اسمع حسجن اثنينجن
وانتي ازهار حسج بالبيت ماريد اسمعنه مالج دخل بالبيت كله ردت راعيه البيت من بعد امي
اي يجراح هي راعيه البيت وانه الجنت امريتك مافديوم كلت عني راعيه بيتي
وانه الاقرب منها الك هي غريبه وانت بنت خالك
بسج ازهار انه ماظلمتج من الاول كتلج انه مهاويج ولا رايدج تكونين زوجتي
بس امي اليحفظه هي رادتج فلا تظلين يوميه مسويتنه مشكله
انه حدي دايخ وتعبان اسمعج متهاوشه وي رهف او واحد من البيت
ما تظلين دقيقه بالبيت فاهمه لو ارد اعيد الحجي
يله طلعي وخذي وياج الباب ..وانتي رهف تعاي
رهف ..يمه من اسمعت كلامه ويه ازهار ردت بيه العافيه صدك حسيته يحبني وميريد احد يضوجني
جراح .....
عيون جراح ..كلب جراح ..جلاوي جراح
ههههههه هاي شنو ....شنو جلاوي ماحب
لعد شتحبين ياعمري
جراح اطلب منك طلب
طلبي روحي الج
مو اتريدني انام ابغرفتك وع فراشك بعد وكون مرتك بشرع الله ورسوله
اي اكيد
اني راح اعتبر نفسي عروس جديده وماريد اعرس لا بغرفتك ولا ابغرفتي
جا وين تردين تعرسين
بس الله عليك احلف تسويها النه
غير اعرف شنو وحلف
لا بالاول احلف
اووووف يابه وداعت صكر بعد شكو هاي حلفنه
اريد تحضرلي الغرفه الفوك تكون هي غرفتنه اني وياك وتجهزها من جديد
بس هاي مثل المخزن ما تنفع
والله تنفع اني حبيتها لان الصدك الصدك
حبيتك بيها حسيت بيها كلبي نبض الك ماجنت اتمنى اعوفك بلحظه
ها.. ها هاي مني جاي تحجي
وجرني بيده حوطني بذراعه ع خصري واني الزكت نفسي ع طوله لفيت يدي ع ركبته
صارت انفاسنه قريبه ونضراتنه بيها سوالف عشك
جريت نفس عميييييييق حيل
الله ياريحه الهيل شكد احب عطرج
فتحلي القراصه ونزل شعري ع طوله جان طوله الحد نهايه ظهري
نزل يبوس بركبتي ويشم عطري اخدرت بعد مكدرت اظل واكفه حصرني بقوه الصدره وشالني
مشه بيه للجربايه
رهف اني رايدج
انتي ترديني
مو بس اريدك اليوم اني اريدك كل يوم وبسته من شفايفي
نومني عالجربايه وصار بصفي صرنه طول بطول
يبوسني ويلزم خصل شعري ويلعب بيها
رفع ثوبي
لاجراح بداعت نبض كلبك لنسويها اهنا
خليها ابغرفتنه الجديده فدوه اريد ادخل وياك بغرفه تجمعنه سوه طول العمر اذا اتحبني نفذلي هذا طلبي
جراح .اباوع عليها وروحي تريد بس توصللها حتى ارتاح
وهي كل اشويه سالفه
اسحبت تلفوني جان عاصفحه الثانيه يعني من مديت ايدي صرت فوكاها وهي عاطت
لاجراح بشرفك خليها ابغرفتنه
يمعوده اشبيج بس اريد اخذ تلفوني
وتصلت ع فهد
الوووو ها ولك شو هم جنك نايم
شني ماتشبع نوم
فهد ...خرب ببليس ابليسك عمي انت الله دازك سخط علي خلني انام اشبع نوم البارحه صحيتني من نومتي اليوم صحيتني انت شني ما تتعب
بسك لاتظل تلغي جثير عسبالي اكلف ابشغله بسك طلعت مال نوم وبس
كول تحجه شرايد بعد
ماريد خلك نايم راح اتصل بطارق وطلب منه
اي يخوي اسوي فضل والله
اتصلت ع طارق وكتله يجيب غرفه نوم جديده لونها بيضه مو تردينها
اي اريدها بيضه عاجبني حيل هالون
انتي ترديني
مو بس اريدك اليوم اني اريدك كل يوم وبسته من شفايفي
نومني عالجربايه وصار بصفي صرنه طول بطول
يبوسني ويلزم خصل شعري ويلعب بيها
رفع ثوبي
لاجراح بداعت نبض كلبك لنسويها اهنا
خليها ابغرفتنه الجديده فدوه اريد ادخل وياك بغرفه تجمعنه سوه طول العمر اذا اتحبني نفذلي هذا طلبي
رهف .لميت غراضي وملابسي صعدتهن وغراض جراح ايضا رتبت الكنتور الحلو بهاي الغرفه حمامها داخلي
رتبت شغلاتي بالحمام
لساعه ١١ انتهيت تماما من الغرفه
جراح مرجع لحد الان
حسيت نفسي اتعبت حيل وختنكت كوه اجر الهوه
طلعت للحوش اكعدت بالمرجوحه اشويه وجني رباب وزينب كعدن يمي ضحك وتصنيف
زينب اجه عليها طارق ورجعت البيتها ورباب كامت دخلت جوه
ظليت وحدي كاعده عالمرجوحه بالحديقه
ماحسيت اله واحد صار ورايه وجفلني
لا مو هيج ياجراح تدري اسويت بيه والله جمد الدم بعروكي
شكندج كاعده وحدج
لامو وحدي جانن البنات ويايه كاعدات بس كامن زينب راحت ورباب دخلت
وانتي ليش ما دخلتي جوه
لان جنت افكر بيك
هااااا شلون تفكرين بيه بله احجيلي
ميخالف بس توعدني تكلي الصراحه
اي يله احجي وانه اكلج الصراحه
انت فعلا تحبني
اكعدت يمها وسحبت يدها
رهف اني شايل كلام بكلبي الج كومه محد سامع بي
وراح تسمعي انتي توج
رهف انتي حب حياتي كلها
حبيتج اول ماشفتج وانتي هالكدج
تذكرين اول الحرب من جيتي وانه شفتج
من هذك اليوم وانه عشكتج
عشكت بيج كل تفاصيلج
ضحكتج مشيتج شقاج كلامج
بنيت الج في كلبي قصر من حب ومشاعر
ماتغمضلي عين اذا ما اتخيلج يمي
رهف انه حبيتج حب ماصار ولا دار عد احد
حتى مجنون ليلى ماوصل حدي وعشكي الج
لج انه مو بس احبج انه ميت عليج
جنت اموت الف موته من اشوفج تدخلين الغرفتج وايوب موجود
اموت حصره عليج مم اشوفج تخدمينه
جنت افكر بسوالف شكثر تعبانه بيج ورجع استغفر ربي وتعوذ الشيطان
انه جنت اتعارك وياج وتحجج عليج حتى اطلعج من فكري وكلبي حتى اكرهج ونساج بس طلع حبج بلوه جنه داء ماله دواء
جنه سرطان ياكل بروحي اكل
كل مشكله اسويها حتى اكرهج
اتردين تدخلين الكلبي وتكعدين وتتربعين بي اكثر
جراح
عيون حراح كلب جراح احجي يانظر عيني
انت ليش ماجيتني بالاول قبل اخوك وخطبتني
انه جان هذا كل همي بس ظروف الحرب والشغل خلاني انساج مو انتي انساج بس انسه فكره الزواج
كلت اخليج من تهده اموري اسير عليج
بس صدمني ايوب من كلي حاجيلي الوالد اريد ازوج رهف
من صدمتي بكلامه لا صديت ولا رديت بس كتله تدلل ويجرلك
بس وانه جاي اموت احس وريدي انكص وبده الدم يسيل
وبده يوشل حد ما اموت
ومن جيتي عروسه البيتي ما كدرت اتحمل اكثر جان كل همي اتعارك وياج ازهكج بعيشتج حتى تطلبيت اطلاك منه مو انانيه مي لا والله اخوي واحبه
ويكول الرسول (ص)
حب لاخيك ماتحب لنفسك
جنت اتمناله السعاده وياج بس انه انسان مو نبي ولا ملاك وهم بيه اخطاء وعيوب
ماكدرت يارهف ماكدرت ابعدج عن كلبي ولو لحظه
لان
انه التمنيتج الي من شفتج اول يوم ابيتنه بالبستان وي زينب وكافات كدام اسطبل الحصونه
شفت بيج براءه طفله توه تتعلم تنطق وتمشي
رهف انه احبج ولاتصدكين بيوم اتركج وما قبلت اتقربلج لان ردت انتي تحبيني وماحبيج اغصبج عليه وتكونين زوجه الي بالغصب
ردت منج تجين وبكلبج حب الي
تنطيني نفسج وانتي راضيه
يارهف تمنيتج تحبيني
رهف ..شلت يدي وخليتها ع حلك جراح وكتله
اشششششششش لتحجي بعد اسمعني اني هم عندي كلام الك بكلبي محد سامعه ولا حاجيته لحد
انت اول واحد تسمعه مني
جراح اني اول ما شفتك حيل عجبتني شخصيتك حبيتها
حبيت خوفك عليه حبيت تمردك .اعصابك .حتى غرورك وكبرياءك
حبيتهم
انت شخص ماكو منك اثنين
اني حتى من رجعنه البغداد شكد جنت احلم تجي وتشوفني او تخطبني جنت اسئل حالي واكول
اهتمام جراح بيه مجان حب مجان شغف
ومن اجيت وشفتك انت واخوك
طرت من فرحتي ارسمت احلام ماكفت حدود الدنيا
بس ياصدمتي من اعرفت خطوبتي الاخوك مو الك
ماعرف شصار بيه
ويمكن اني رضيت باخوك بس حتى اغيظك او
ادمر نفسيتك لان انت دمرتني حاولت اردلك الصاع صاعين
جنت كل ما اشوفك اني اتلوك وتنعوص كدامك وحاول اغيضك
جنت استمتع من اشوفك تتعصب واعرف ابسببي تتعصب
ايا حقيره هههههههه لج هم ماطلعتي هينه انتي
عبالك بس اني اجوه غير تضوك نفس النار الضوكته الي
ع كوله ورده الجزائريه
جرب نار الغيره وكلي شنو رأيك كلي
بس انه تجويت حيل يارهف حيل
✌🏻اشتقت اليكِ كثيراً✌🏻
اشتاق اليكِ ياصغيرتي كما كنت اناديكِ بهذا الاسم...
كنت اشتاق اليكِ وانتي معي اشتاق اليكِ وانتي تحدثيني.
اشتاق اليكِ مثل شوق الام لابنها
حين اشتاق اليكِ اغلق عيناي بضع...الثواني
واتخيلكي بين احضاني
لاتتركيني وحدي
حضنك.بالنسبه الي وطن فلا تدعي الغرباء يستوطنون بوطني
انت حبي وحناني صمتي وغضبي
لا ينتابني شعور الاشتياق اليكي لان التفكير بحد ذاته...هو الاشتياق
يجعل في داخلي نار لم تنطفئ الا في النضره الى عيناك
وقبله صغيره من شفتيك انفاس عطركي الجميل يذوبني كقطعه سكر
اتمنى ان تكوني انتي ياصغيرتي مهجتي الابديه وعشقي الازلي
ولج انتي هم طلعتي تحبيني وساكته شلون انطاج كلبج تسكتين كل هذا الوقت وما تحجين
عادي حالي من حالك انت ساكت وما تحجي واني ساكته وما حجيت
جراح ..بس لا ماكو هيج شي يعني واحد يحب الثاني وصار اسنين ساكتين ومحد بينه حجه ولا فتح حلكه
رهف ..ابتسمت 😊😊😊😊😊😊😊 طلعت انت هم مو فقير ولا بيتك بالاخير
ولج اخذتنه السوالف كومي خل اندشن غرفتنه الجديده
اليوم اريد اطلع ضيم حب السنين الراحت كومي
جراح ..عندي خبر راح يفاجئك
خلي الخبر غير وكت
بس امشينه مو طفرت روحي
واخذني جراح الغرفتنه الجديده
دخلنه فارشيها فرشه ستن بيضه اليشوف شكلها مثل بدله العرس
حلوه
والنشره مشتغله
رحت عالشموع علكتهن
جراح غمض عيونك
ليش
غمض ومعليك
البست سيتي لونه سمائي فاتح مثل لون الشذر
وتمكيجت وتعطرت شي خفيف
وكعدت ع السرير
فتح هسه
هاااااا ششوف
جراح 😮😮😮😮😮 لا ولج ما اكدر بعد
مااتحمل اشتعلت عشيرتج شو دتعاي اليوم اكفر بيج
جراح ..لتتهور عفيه اني يمك مطايره ههههههههه😂😂😂
وخذني ورحنه بعالم ثاني عالمنه الخاص 😁😁😁😁😁
جراح اني عندي الك خبر
اي كولي ياروح جراح
اني .....؟
