رواية الضابط فهد ومريم الفصل السابع والعشرون بقلم مجهول
مريم: بهاي اللحضة اجة ابالي ملك الموت وكلت خلص اني متت ضلت دموعي تنزل واباوع ع السكف ضليت هيج ربع ساعة حسيت راح تطلع روحي تمنيت بهلحضة يكعد فهد بس ماحسيت راح اخسر نفسي حسيت خسرتة هوة فجئة شهكت وكمزت من مكاني وفهد كمز وياي حاوط وجهي ب ادينة ويحاول يهديني
فهد: اسم الله الرحمان شبيج يروحي
مريم: ف فهد متت اني متت
فهد: كابوس يبعد عيون فهد اهدي يمج اني مابيج شي
مريم: داكلك متت ولله ماكدر احرك حتة رمش عيني
فهد: يبعد طوايف هلي مابيج شي صدكيني ماخلي شي يصيرلج اموت وراج ماعوفج
مريم: من كال هيج حسيت نفسي هدئت شوية وخرت ايدة عن وجهي وحضنتة وصرت اشهك من جديد
فهد: لتبجين هيج زرفتي كلبي زرف
مريم: ماريد عوفني اريد ابجي
فهد: زين تعاي نامي بحضني واحد يهدي الثاني ونام ع المراضة
مريم: تمام، مدد ورحت حطيت راسي ع جتفة
بعد من يصيرلي شيي اكعد لضل نايم واني اريد اموت مراح يطير النوم ترا
فهد: شبيج بوية اني شمدريني بيج شيي واذا انتي تكولين حتة رمش عيني ماتحرك شلون احس عليج
مريم: مشكلتك شغل احساسك
فهد: نشالله تئمرين شرايين كلبي
مريم: اني مو شرايين شنو هااي هوة هذا الغزل مالتك
فهد: هذاا الغزل التحجين علي الموعاجبج خليني اكلج شنو معناه
مريم: ايي اتفضلل اسمعك
فهد: اكو شريان ب الكلب اصغر وارفع من النملة راح تكولين اكيد مو مهم شنو هذاا بس هذاا الشريان اذا تضرر ضرر صغير كللش يموت الانسان وهلشريان بس بكلبي انتي هذاا الشريان احسج هيج بكلبي ماتحملل تنضرين لوو تتوجعين اموت الف موتة
مريم: فهد هذا اعتراف لو مدح
فهد: اني بنفسي ماعرف صدكي بس الي اعرفة تعلقت بيج مريمي مستحيل اكدر اعيش بدونج
مريم: واني عمري مراح اعوفك ولاا اخليك تعيش بدوني
فهد: الله يهديج بوية
مريم :انتة شاد وياي متحبني
فهد: شعندي وياج ماحبج بوية لتتخبلين ناميي
مريم: مراح تشكيلي
فهد: راح انطيج خبر بس بعدنة ماا متاكدين منة
مريم: ايي كول
فهد: لكينة شخص مشتبه بي ب الحادث الصار وياج انتي وزينب
مريم: ياا الله بس يعني شنو ماا متاكدين هوة او لاا
فهد: مكاعد يعترف ابن الكلب
مريم: لتغلط كدامي هيي
فهد: بوية لوو تشوفيني شلون اغلط ب التحقيق تشردين بليلة ضلمة
مريم: تضربهم
فهد لاا ادغدغهم
مريم: اوي فهد مكاعد اشاقة تراا
فهد: شتريدين اسوي وين لاكيتلج ضابط ميضرب غصباا عني وغصباا عن الكلل هذاا شغلنة يكلج اذا انتة كلبك طيب ومتضرب شجابك للضباط واكوو بيهم الاعدام قليل عليهم
مريم: ماعرف اني ماحب البشر يحاسب وحتة لو عدمو الشخص الي موتني مارتاح بكبري اريد الله يحاسبة مو البشرر
فهد: الحياة هيج مريم القانون فوك الكل موبيدنة والمجرم يتحاسب مثل ماكتل ينكتل
مريم: اذا اني صرت مجرمة هم تصرف وياي نفسهم
فهد: اكتلج واكتل نفسي وراج
مريم: خوب اكتلني ورجع للبيت
فهد: نامي مريم
مريم: غير انت دوختني، نمت بدون مافكر حسيت ب امان موطبيعي مادري هوة شوكت نام كعدت الساعة 10 الصبح مالكيت فهد كمت غسلت وعدلت نفسي ونزلت جانو كاعدين ب الصالة
صباح الخير
الكل / صباح النور
فهد / الجاي حار تعاي تريكي
مريم: رحت كعدت يمة صبيت جااي اكلت شوية ماجنت اشتهي
فهد: يمة نشالله امور البيت خلصت
سعاد : لحمدلله يمة الله كريم
مريم: كمت رحت للمطبخ لكيت البنات ديركبن
لييش هلكد طابخين وهيج مخبوصين
شهد: راح يجي اخو افراح امير
مريم: اها تمام تحتاجون مساعدة
شهد: حضري الزلايط وحبشكلات تعرفين بعد
مريم: تمام كلبي
زينب: سويلة سم الهاري افضلل
مريم: زنوبة عييب ليسمعوج
زينب: مخايفة منهم تريدين اروح احجي كدامهم هلحجي
شهد: كافي زينب مالنة شغلل بي
زينب: اووي شكد فطيرات صوجي اني ادري مابيجن خير
مريم: اليوم اربعاء السبت الحنة مال علي فكرت انو لازم اعيش فرحتهم وياهم بعد هذولة صارو اهلي او اني اعتبرهم اهلي هلشي ينطيني شعور حلو،
كملنة الغدة وكلشي ورة دقايق صارت ضجة شوية برة كلت اكيد اجة عدلت شالي وطلعت وكفت يم فهد الكل سلم علي الة زينب سلمت من بعيد وكفت ع صفحة لييش هيج تكرهة مادري باوع ع الكلل وصل الية وضل يباوع مستغرب بس اكو نضرات ماا عجبتني وخوفتني الصراحة انتبهو الة راد يحجي وسبقتة خالة سعاد
سعاد: يمة هاي مرت فهد مريم
امير: اهاا تشرفت بيج اختي
مريم: ابتسمت مجاملة وحركت راسي ماحجيت باوعت لفهد لكيتة يباوعلي مبتسم نضراتة متتفسر بس حبيتهة نزل راسة يم اذني وحجة
روحي ب المطبخ وية البنات حبيبي ولولد صبولهم اكلل وحد مو وياكم
مريم: مافهمت لييش حجة هيج وشنو غايتة همة دائماا يكعدون سوة بس يمكن السبب امير وفهد ميحب اختلط وية احد وهلشي احسن اني ماا متعودة ع هييج اجواء اكعد اكلل وية شخص غريب رحت ساعدت البنات اجة علي اخذ السفرة راح فرشهة الهم ب الدوانية وزينب حطت سفرة النة ب الصالة اخذو الولد الاكلل وصبينة النة همم اكلنة عادي بدون حجي بس ام افراح مبينة اليوم فرحانة لائن اجة ابنهة كملنة وهمام وسيف وعلي جابو المواعين ماشالله ماا مبقين شي شهد وزينب غسلو المواعين واني خدرت الجاي وجه الطاوة افراح ولاا تحركت ولاا طبت المطبخ اكلت وكامت حطت تلفونهة وكعدت حتة الخطار تكوم تساعد وهية ولاا يمهة صبيت الجاي وصحت لهمام يجي ياخذ الجاي اجوي كعدو ب الصالة وزع الجاي وسمعت فهد يصيحني رحت شفتة يئشرلي اكعد يمة رحت كعدت بصفة امير جان كاعد يم امة افراح من صاحني فهد ذبت التلفون وركزت ويانة
الحجية: ايي امير السربت بعدك دايح وابو نسوان
امير: لاا بيبي مسربت شنو
ام افراح: يمة قابل شايفة علي ترا امير فقير ماعندة هيج سوالف
الحجية: يمة انتة اكبر ساقط انتي خابزتك وعاجنتك وانتي سدي بوزج لاا تخليني اطلع سوالفة جدام الوادم
امير: لاا بيبي لوو تشوفيني شلون صاير متكلم وشخصية هسة
زينب: الزلم مو ب الحجي ب المواقف
ام افراح: زينب هاذة امير مو افراح
زينب: ايي ادري بي هلاا بجيتة
مريم: كامت زينب كعدت يم همام مادري شحجت وكامت تتلوك اكيد تريد شي منة ورة ربع ساعة كمزت زينب من الفرحة
سميرة: شبيج يمة كمزتيني
زينب: اسفة يلغالية وهسة كومي شهد وكومي مريم وراي
مريم + شهد : وين
زينب: للنجف كومن بدون حجي زايد
مريم: كمنة اني وشهد لغرفة زينب وسدينة الباب
زينب: هسة كل وحدة تروح لرجلهة وتقنعة تروح وياي للسوك
مريم: لوو كايلتلي موتي احسن
شهد: ايي وربي شيقنعهم
زينب: ولله عاد مشكلتكم وحتة اذا ماقبلو تنهزمون وياي شنو ماستاهل تضحون علمودي وبعدين وذاا انكلتي علمودي ماستاهلل هية كتلة وطايرة ب الهوة
مريم: انتي هوااي عندج طموحات ب الحياة
زينب :هوااي هوااي
مريم: المهم نجرب حضنة ونشوف
شهد: بس بدون امل
مريم: اكيد
زينب:اووي ماعدكم طموح عجايز
مريم: طلعت من الغرفة صعدت فوك اخذت علاجي ونزلت للمطبخ لائن مجان اكوو مي فوك ردت اطب للمطبخ صار بوجهي امير بس الغريب ماتحرك ولاا كال اسف ولاا خجل مانزل عينة رجعت ورة وطبيت للصالة بس احس وجهي نملل ورجلية ماحس بيهن كعدت يم فهد حسيتة انتبه علية ادنة يمي وكال
بيج شيي ليش وجهج اصفر هيج
مريم: هاا لاا بس جفلت وكلبي اتشنج شوية
فهد: اكييد مريم
مريم: اكيد ليش حتة اجذب عليك
فهد: ولو ماا مقتنع شلون صار كلبج بعدة
مريم: قبلل ماا اجفلل جنت متوجهة للمطبخ اخذ علاج بس ماا اخذت اجيت كبل هناا
فهد: كومي وياي دتاخذين علاج
مريم: لاا وين فهد اني اخذ ارتاح بس ادور حجة حتة تسوي شيي
فهد: كومي ياا عيني
مريم: تمام، كمت بس بعدني خايفة منة ياربي هاذة مبين ملعب لاا يخاف ولاا يستحي ميكول عييب هاي مرت ابن خالتي وعرضة شلون يكدر يباوع هيج نضراتة مقرفة لدرجة من اجيت لحد هاي اللحضة 4 ولد هناا ولاا واحد منهم باوعلي بغير نضرة كلهم ع نياتهم ومن طبيت لهلبيت اعتبروني اختهم ولو هاذة اخو افراح شتوقع يطلع يعني متاكدة لهاذة السبب زينب تكرهة طبيت للمطبخ جان هوة موجود خفت من شفتة كبل لزمت ايد فهد هوة استغرب بس ماا منعني مشينة اخذ كلاص مي انطانياا وبلعت العلاج
امير: نشالله يكون شفاء
مريم: ماحجيت حجة فهد، تسلم طلعنة من المطبخ راد يرجع للصالة وكفتة وكلت
عندي موضوع وياك عادي نصعد شوية
فهد: ايي بوية امشي
مريم: صعدنة فوك طبينة للغرفة وسديت الباب وكفت كدامة توترت اباوع للكاع ولفهد
فهد: شوو ماا مرتاحلج اليوم
مريم: انج عززاااا حطيت ايدي ع حلكي ورجعت ورة كلت هسة راح يجنزني ولجج مريم هذاا رجلج مو اخوج لصغير ردت اكلة انجب يمةة عزاا بعينج يمصكوعة
فهد: شبيج ابوية تخبلتي شفتي جني كدامج مريم احجي وفضيني اريد اطلع وية الولد
مريم: من حجة هيج تنفست براحة يعني ماا افتهم علية الحمدلله الله نقذني هلمرة حاولت اصير طبيعية وتحمست رجعت وكفت بوجهة وحجيت، ايي عيني يريد يطلع ويتونس وية الولد هم واني محبوسة هناا اذا تطلع اني اطلع وية زينب
فهد: يعني اني اريد افهم شمسوي ذنب بحياتي والله بلاني بخبالج هاذ ولجج بوية شبيج فهميني اذاا تحتاجين طبيب اخذج هسة
مريم: هااا شتقصد اني مخبلة موو مخبلة ايي متقصر رحم الله والديك
فهد: والديج اغاتي
مريم: تستهزئ فهدد
فهد: مريم شرايدة فضيني
مريم: اريد اطلع
فهد: اطلعي منو لازمج
مريم: يااااي صدك رايحة ابشر زينب
فهد: وليش تبشرين زينب شعليهة
مريم: ايي غير تنتضر جواب مني حتة نطلع سوة
فهد: مريم وين شبيج
مريم: اوووي فهد لدوخني للسوك شبيك
فهد: ماكو طلعة مريم سوك شنو تدرين ب الوضع بعدة خطير خلي تفض السالفة ب ايدي اخذج وين متريدين موبس للسوك
مريم: فهود حباب بس هلمرة وهمام ويانة حيروح منتاخرر صدك ماكوو شيي
فهد: مريم شمدريج ماكوو شيي انتي
مريم: مادري احساسي هيج يكولل حباب وافق
َفهد: مريم اني اوديج باجر اتركي هلسالفة هسة
مريم: فهد شسوي اروح وياك اني اريد اروح وية البنات
فهد: ماشي مريم روحي اطلعي برة
مريم: لطرد ب الحالتين طالعة
فهد: مريم البس غير العباية ماكوو
مريم: اكيد بدون متكول اصلا هذاا ستايلي
فهد: چاا خووش بوية
مريم: محتاج شي اجيبلك وياي
فهد: لاا روحي لكنتوري اخذي الفلوس التحتاجيهة
مريم: ميحتاج التنطينياهن ماصرفهن عندي
فهد: مريم كلت روحي اخذي لضوجيني اكثر
مريم: تمام رايحة لضل نفسية صير فرفوش
فهد: مريم روحي مالي خلك جفصاتج تراا رحمة لدينج
مريم: اوف اوف منك ، راح سبح انتضرتة يطلع حتة ابدل طلع وطبيت كبلل ماحجيت لائن صدك ينرفز بدلت وطلعت جان يرش عطر مادري شهلعطر اليسطر ب الراس رحت للكنتور قبل متفضحني نضراتي مال وحدة مشايفة ليش صدك اني شوكت شايفة طلعت شالي ورحت وكفت ادري بي يعاند تنرفزت كللش وحجيت
فهد ممكن توخر مو وكت عنادك ترا روحي طافرة
فهد: افاا منو مطفر روحج
مريم: اكو غيرك يعني انتة لييش تتعمد تنرفزني وربي اضوج يعني شنو ضرتك لو مرتك اني
فهد: تاخرتي وئخرتيني تراا
مريم: ماحجيت صديت ع المراية رشيت عطر وهوة ماا اتحرك من مكانة اخذت جنطتي وحطيت التلفون بيهة رحت لكنتورة اخذت فلوس شي بسيط حتة ميزعلل ردت اطلع وصاح
تعاي ماعندي مرة تطلع زعلانة
مريم: صديت علي مستغربة وسويت نفسي زعلانة اكثر جتفت ادية بمعنى مراح اجي ضحك وتقدم وكف كبالي بدون اي كلمة حضني من الصدمة ماتحركت حتة ايدي فهد المغرور الميحبني حاضني ماردت يوخر بس للاسف بعد خمس دقايق وخر بس صدمني اكثر وباس راسي اني هناا صرت اباوع لكل جزئ ب الغرفة الة فهد لاا
فهد: شبيج بوية وجهج صار نومية اكلج هسة
مريم: مو شسمة فهد تاخرت اووي شبيك وخر عزاا حارة، فتحت الباب وطلعت اركض نزلت جان سيف واكف كدام المراية الي ب الكندور وامير كاعد وشايل تلفونة رفع راسة من شافني ابتسم ابتسامة خلتني اقرف منة ومن نضراتة بهلحضة كلت اكيد هسة وجهي صار بطيخة مو نومية يعني هيج بشر وهيج صلافة مشايفة مقرف وحقير مشيت لغرفت زينب بدون ماحجي طبيت لكيتهة مكملة واكفة كدام المراية تاخذ صور
زينب: ولجج اني ليش اطلع علمود الستوريات الله وكيلج شوفي شراح اسوي بيكم هناك ب السوك وب الطريق كل ماا اشوف جسر اطلع الفلاتر واضل اصور ولازم اصور حذائي وشوية من عيوني
مريم: يمههه عفية ع واهسج للستوريات
زينب: هاي سنة الحياة عزيزتي
مريم: ايي عيوني انجبي ويلاا كملي حتة نرجع نحضر العشة
زينب: خلي افراح وامهة يحضرن شنو خدامين لابنهة احنة
مريم: تراا جديتج وامج واخوانج هم يجوعون ويردون عشة
زينب: شبيج وجهج عبالك طابة ب الطحين من البياض شسوالج فهد
مريم: اوي عوفيني راح يصير بية سكر هذاكة الفوك يكلي وجهج نومية نزلت تكليلي وجهج طحين العالم من اطلع شراح يكولون
زينب: تعاي شوفي نفسج
مريم: رحت وكفت كدام المراية يمهه عزاا شبح حلكي صاير ابيض وازرك وجهي مينوصف بحيث كلت خلص ماروح
زينب: دادة شبيج مصدومة
مريم: عزاا زينب شنو هااي ماطلع هيج يمهه تريدين تفضحيني
زينب: مشكلتج اني مادري شلون قنعتي فهد وصل وجهج هيج ف امشي يلاا وين الثانية هسة تجي مزوركة
مريم: حطيت حمرة خفيفة حييل من زينب حتة يروح البياض الي بحلكي اكيد من ورة كلبي صار هيج كملت وطبت شهد متحضرة يعني مهيمن قبلل الحمدلله طلعنة لكينة الولد كلهم واكفين برة #ڪــڔٰا̍ڕ
همام: رتاحيتي جان هسة اني رايح وياهم ديضحكون علية
زينب: غصباعنك حبيبي تريد نروح وحدنة يعني تقبل غيرتك
امير: عزيزي متروح اني اوصلل يدللون
فهد: لاا تسلم حبيبي همام يوديهم يلاا همام زحمة موكفهن هناا لضل فطير روح
مريم: الحمدلله فهد نقذني جان متت لوو اسوي مصيبة اذاا باوعلي انوب بذيج النضرات باوعت الفهد بنضرة تعبر عن شكري وطلعت هوة عاكد حواجبة ويباوع بس عادي يبقة حلو رحنة للسوك هوة موبعيد حييل طبينة بمحلات كللش راقية ومبينة ماركاتهم تركية واكو فساتين فصالاتهة والوانهة ثقافة كورية كلش حلوة اني جنت متعمقة ب الخليجي بس هسة حبيت اجرب فستان هيج موديل اشتريت فستان لحد الركبة مخصر قماشة كللش ححلو بس مو تول قماش كللش عادي تصميمة من فوك لاستيك وردانة نص وهم بيهن لاستيك حسيتة دشداشة قصيرة مال غرفة واخذت كم قطعة هم زينب اخذت نفس فستاني بس غير لون عجبني اخذ شي لفهد كلت الزينب وهمام جان يندل محل رجالي طبينة للمحلل جان يجنن كللش فخم ماجذبني غير الدشاديش الخليجية بحيت عيوني صارن يطلعن قلوب عجبتني دشداشة لون اسود مشايفتة لابس هيج لون بعدني ب المحل وصرت اتخيلة لابسهة اخذتلة ساعة وياهاا سبحة لون بيجي شهد اشترت لمهيمن هم وزينب تباوع صفح تريد تطلع من المحلل ملت بس اني وشهد منريد نطلع طلعنة من المحل كملنة شغلنة رجعنة للبيت لكينة الولد راجعين وجايبين عشة همزين نقذونة جنة ميتين تعب خاصتاا اني ردت امدد ب الصالة صعدت كبلل فوك نمت ب العباية مادري بنفسي
.................................
زينب: رجعت مكسرة بس الملابس ولمكياج يشيلن كل هلتعب طبيت للغرفة رحت لتلفوني شتاكيتلة نشرت كم صورة وخرجت اكلب ب الستوريات صرت اعرف احمد شناشر قبل مادخلل للستوري حتة طبيت جان ناشر،
لاچـن گـعدنا سوه
ولاچـن حچـيت وياك
عليتني للسما وهديتني من هنـاك
مادري ليش مكاعد يروح هلشعور من اشوفة ناشر هيج النغزات البكلبي لافراح ماا اتمناهاا وربي شكد محضوضة هلكد يحبهة يارب ترجعلة ويروح هذا الهم من كلبة ماريدة يحس نفسي هلشعور يدمرر وادري كاعد ادمر نفسي من اتابع ستورياتة بس ماتحمل اذاا ماا اراقبة احس اكو نقص بيومي اذا مينشر سديت التلفون ورحت عزلت الملابس ولمكياج ولو ادري راح يهجمون عليهن حتة يشوفوهن ولازم البسهن ويضلون يعيبون بس ميخالف اريد التهي ب ايشي كملت وطلعت لكيت خالة سعاد وماماا كاعد يصبن اجتي شهد وساعدناهم بس فهد كال ماريد ومريم نايمة من تكعد ناكلل سوة ضلل كاعد يمنة كملنة عشة وخدرت جاي طفيت الجاي كاعد احضر ب الكلاصات واسمع صوت بجي وصارت ضجة برة طلعت اركض اشوف شكو لكيتهم كلهم نفس حالتي مستغربين وفهد لازم ايدة ويصعد بايتين بايتين صعدو ورا ومافتهمت شكو يتبعع
