رواية دخيله الشيخ زين العابدين الفصل السابع والعشرون بقلم أوتار حزينه
هيله
سريت لبره مخنوكه واريد اشتم هو
عفت خواتي بالغرفه وطلعت للحديقه انا بنص
المطبخ انهبد شي بالارض وصارت دويه قويه هزت الدار هز
سمعت تكسر الجام وعياط امي وخواتي حسيت
شي ضربني برجلي عطت
اااخ يمه
وكعت واذني
وشت من قوه الدويه
زحفت ليوره من انهبدت اللخ جانت ابعد
ايدي انذبحت بالكزاز،،،،،، كمت وكعت
من رجلي ماشالتني ،،
انتبهت فخذي مضروب
بكزازه جبيرة والدم يفلت مديت ايدي اريد
اوخرها شفتها كلها دم ومجرحه
امي اجتي هي وخواتي شافني كامن يعيطن
خايفات ومايعرفن
شيسون لي
امي كعدت يمي تريد تسحب الكزازه
ماكدرت صاحت بخوف
وولجن صيحن ااحد ابوجن زين
ااختجن كاعده تنزف
ساريه وريهام رگضن
بلحظه زين طب من المطبخ شافني بالگاع فك عيونه صاح بخوف
ووج هاااي شصاير بيج
اجه بسرعه عليه اريد
احجي ماكوو
صوتي اختفى من الهبطه والالم الي خيط رجلي صاح بريمه
شالها ولج جيبي شي خل اخذها للمستشفى
امي تعيط وتملخ بوجهها خواتي يبجن
سمعت صوت ابويه
يااام هيله وينكم بيكم شي
طب ،،، شافني انصدم فك عيونه اجه بسرعه عليه وصاح
تصوبت هيله تاذت
ماابي شي اااخ
ملت ليجدام من لزمني وجع قوي
گلبي كام يدك بسرعه من الهبطه والالم
بده يزيد
ااسحبها يازين
لا ياعم خاف ضاربه شريان دم بس خل
الفها بشي خااولي يااخاله
امي راحت جابتلو الرادو لف رجلي
ريمه لبستني شال وصايه ردت اكوم ماخلاني
شالني بسرعه تكلمت گوة والوب
من الوجع
انا اسري
ااش ولا جلمه
رد بصوت مخنوك طلع بي يمشي بسرعه
وابويه ويا امي لحكتنا صرخ بالحرس
سياااره بسرعه
عمي الشيخ بره من شافني اجه بسرعه
شاف وضعي تخبل صاح
بسرررعه اطلعو بيها للمستشفى
زين خلاني بهدؤ ليجدام لزمت اليده مال السياره
كتمت صرخه الم مااعرف ايدي ولا رجلي
الي انترسن كزاز
صعد ابويه ويا هو وامي طلع بسرعه يسوق
ويردد
يارب سترك يارب الطف بينا
شصااار يارب وليش هالقصف
امي تكلمت وهي تبجي سالتني
ووج يمه رجليج بعدها تنزف
هزيت راسي باي ابويه كال بخوف
يارب سترك يارب باوع لحالنا
الدنيا مكلوبه بالشارع وازدحام من وره السيارات الظاهر اكو ناس تصوبت بهل القصف
لازمه رجلي بايدي تنگعت دم ونزل على ارض
السياره عيوني كامت تغوش افتح واسد بيها اريد
وعي يرجعلي،،،،زين يدحك لي ويعارك بالاودام الي سادين الشارع بسيارتهم وصلنا اني منتهيه دايخه وراسي يفتر
نزل بسرعه اجه عليه
هو وامي وابويه ردت انزل بس لزمني دخت ووكعت عليه سمعت عيطه
امي شالني واعيه نص ونص
اسمعو يصيح وهو فاقد
ومتخبل عليه وراها فقدت الوعي ومااعرف شصار بعد
🌿🌿🌿🌿🌿
زين العابدين
انا كاعد بالمضيف صار قصف علينا وحده
گريبه لجن اللخ بعيده الارض اهتزت بينا والجام تكسر وتطشر علينا فزيت من مچاني وطلعت بسرعه لبره امي طلعت تصرخ جدتي وراها صاحت بها
اااش يامفجوعه عش تصرخين ماكو شي
هيانو جدامج هوو وابوه
ابويه حدي وكف يدحك للدخان الي صعد بالسما عيوني راحت لدار هيله
سريت بسرعه لها
وصلت نص الدرب سمعت عياط امها وخواتها ركضت وگلبي نغزني دشيت لمچان الصوت وكفت مذهول من شفت هيله واكعه بالگاع والدم يفلت من رجلها بسرعه رحت لها شلتها وطلعت بيها للمستشفى اسوق وعيوني عليها وجهها غده اصفر والدم بعدو يفلت من رجلها
وصلنا كوة من الازدحام نزلت وويايه امها وابوها سريت لها فتحت الباب تكلمت
يله ياهيله
دارت روحها تريد تنزل
ومااشوفها غير مايله عليه وواكعه على صدري
حظنتها بسرعه جسمها باد بين ايدي شلتها ورگضت بيها صحت
ولكم االحكو عليه
امها تصرخ عم حميد مايعرف شيسوي المستشفى مگلوبه من وره الاصابات الصارت بهل القصف صحت بخبال
ووولكم كواااد يجي عليه تراه راح ااحرك المستشفى عليكم اذا صار بيها شي
حارس جاب سديه خليتها عليها شفت الدم تارس هدومي ماظل عقل براسي دكتوره اجتي بسرعه صاحت
ووخرو من يمها
فحصت رجلها ونبضها تكلمت
بسرعه ودوها لهاي الغرفه
ركضنا بيها للغرفه الي كالت عليها لحكتنا هي وممرضه طلعو امها تلوب يمها وتردد
وهي تبجي
بنتي ماكعدت ولكم هيله بس لا صار بيها شي نزفت جثير يااحميد البنيه راح دمها
مابها شي كولي يا الله يااامره
رد وظل يدعي
يارب لطفك الطف بينا بجاه حبيبك محمد
يارب يارب الطف بينا
رددت ويا ماقبلت اطلع ظليت يمها واهلها بره الدكتوره سحبت الكزازه وبسرعه بدت تخيط بالجرح وهو ينزف حجت ويه ممرضه
البنيه نازفه هوايه بسرعه ااخذي عينه دم وشوفي يافصيله لان راح تحتاج نخلي الها بطل دم
ادحك لها فاقده والوجه اصفر كركم سألت الدكتوره بخوف
حرمتي راح تكعد موو دكتورة
ااي لاتخاف هسه بس يمشي المغذي والدم
بجسمها تكعد
ضمدت جرحها ووعقمت ايدها المجروحه تكلمت
انقلها على هاي السديه النظيفه
رحت بسرعه شلتها وخليتها علي شالها زحف شعرها طلع سحبتو وغطيتو ادحك لها بخوف وگلبي يدك بسرعه خايف عليها كلش
واريدها بس تكعد حتى ارتاح ويفك جسمي المتشنج
الدكتورة طلعت ابوها طب وامها تبجي عليها تكلمت
يازين وش كالت الدكتوره حاجيتها ماردت علي
لا تخافين ياخاله خيطو الجرح هساع تكعد
اطمن بهم وانا اريد الي يطمني ابوها وكف يم راسها خله ايدو على راسها وكام يقره اسمعو يكول
يالله اذهب البأس يارب الناس اشفي لاشفاء الا شفاؤك شفاء لايغادر سقما اللهم اسالك من عظيم لطفك وسترك الجميل ان تشفي بنتي هيله وتمدها بالصحه والعافيه
يردد وانا اكول امين امها تمسح بوجهها وتردد
وج يمه ااكعدي تره گلبي خلصان من القهر
هيله فتحي عيونج دحكي عليه يبعد امج
الدكتورة طبت شايله بطل دم الممرضه وياها شدو الها وكامت تضرب على خدها بهداوه
اسم البنيه شنو
هيله دكتوره
هيله ااكعدي فتحي عيونج
ظلت تتكلم معها وره دقائق ونت فتحت
كعدت يااحميد
ياالله يارب
تگربت منها تفتح وتغمض وعيها رجعلها گلبي فك من خلت عيونها بعيوني
تكلمت بصوت مخنوگ
الحمد لله على سلامتج ياهيله
ماردت امها حظنتها باستها هي وابوها عفتهم يمها وطلعت بره جهازي اشتعل من وره الاتصالات انا بالممر شفت ابويه اجه ووراه حرس جثير
عكدت حواجبي گرب سال بسرعه
شخبار هيله يازين صوابها شلونو
مضروبه برجلها يابه بكزازه جبيرة خيطوها لها وخلو دم لان فقدت جثير
الحرس انتشرو بكل مچان واشوف القلق والتوتر
بعيونهم سالت
خير يابه شصاير
مانكدر نظل هينه ذوله جلاب النار گربو من
المدينه والكل يكول راح تسقط بأيدهم
شلون يااابه والبشمركه وينهم
مدري يول مدري شكاعد يصير اخابر الي اعرفهم
من المسؤولين كلها،،،، ادكول اطلعو من ديرتكم
لاتظلون بيها تره راح يصير قصف بهل جم يوم وهذا شفتو صار اليوم
دحكت للغرفه النايمه بها هيله ابويه اشر لواحد جاب مسدس انطاه لي تكلم
اخذ هذا وخلك جاهز لاي لحظه غدر انتبه ياولدي
تره كمنا مانعرف الصديق من العدو وبس نتطمن على هيله ناخذها ونطلع
من هينه
تمام يابه هساع اشوف الدكتوره شدكول
ردت اطب هي طلعت ووياها عم حميد سالتها
دكتوره اكدر اخذ هيله ونطلع
لاااوين تطلع لازم تظل لباجر لان نزفت هوايه
وخاف تدهور حالتها اذا طلعت
دحكت لابويه راحت تكلمت
معه
يااابه اخذ الاهل وخواتي واسرو من هينه لاربيل انا باجر بس اشوف هيله مابها شي الحكم
لاا ياولدي مااطلع الا
اشوف تاليها
جزيت على سنوني وجاوبتو
شيخ كتلي العرض غااالي وذوله مااعدهم لا ذمه ولا ضمير ولا شرف ااخذ خواتي وامي وجدتي
واطلع من هينه قبل لايصير المحضور
ابويه صاح بقهر
ااستغفر الله يااربي ولكم شجاي يصير شنوو انباعينا حنا محد لنا الكل عافنا لهذوله الذيابه
فزاع جابو
ياشيخ النا الله ومن بعد اذنك اسمع چلمه زين
وخل نسري وي اهلنا من هينه نفهم شجاي يصير ومنو النا ومنو علينا وذيج
الساع نعرف شلون ناخذ حگنا بايدنا
يازين مااكدر اعوفك الوضع ماهو زين
يابه ماعليه شي بس تكعد هيله وتصحى الحگم مااظل هينه
عم حميد يسمع الكلام افتهم الوضع ماهو بخير
تكلم
يااخوي اخذ الزين معك انا اظل حد بنتي بس اخذ البنات لاتخليهن وحدهن بالدار
تكلمت
يااعم مااتحرك من هينه الا وهيله معي
كملت وي رفيچي
ياافزاع
سم ياشيخ
سم الله عدوك اهل عم حميد امانه بركبتك تاخذ البنوات هن وامهن وابوهن وتطلع وي الشيخ واهلي
انا ابقى يازين
ياعم ماايصير تعوف البنوات هن وامهن وحدهن اسري وياهن وانا باجر الحگم وي هيله
ياولدي خايف عليك انت وياها
رد وجاوبتو
ماايصير شي ياعم
عوض راح يظل معك هو وجم حارس بس تشوف هيله كعدت وصحت تاخذها وتلحگنا
اي شيخ
رديت على ابويه صافن عليه ووجهه مطعون من القهر لاول مرة اشوفو دايخ ومايعرف يتصرف عرفتو مايهون علي يترك الديره
ولا يهون علي يكولون تخاذل وانهزم بروحو هو واهلو
تكلمت بحزم
ياااشيخ
دحك لي كملت
ااسري يبو زين العابدين ويجي يوم نعكب وناخذ حگنا بايدينا ولاتخلي احد بديرتنا كلها خل تطلع
مااظل لنا غير هالحل حتى تسلم الاوادم من الموت
رد عليه كملت
اسري هساع يابه خل الكل يتجهز مانعرف ذوله شوكت يدشون علينا هير امي وجدتي وخواتي واسري بيهم وي اهلنا
ااي يازين لجن ديربالك على روحك وخل جهاز الثريا عندك خاف ما نلكي شبكه نتصل عليك به
تمام يابه
ابويه تقدم حظني لصدرو حبيتو من جتفو
تكلم
ودعتك بأيد الله انت وهيله
وانتو هم يابه مودعين بأيد الله
عم حميد دش للغرفه وطلع وره دقائق وويا مرتو مخطوف لونها بعد اكثر وخايفه تسال
شلون اعوف هيله ياحميد وهي بهل الحاله
انا يمها ياخاله لاتخافين عليها اسري وي عم حميد واطلعو من الديره قبل لايگع الفاس بالراس
ياارب وين جانتلنا هااي وشلون اعوف بنتي وهي هيج شلون فهموني مااكدر حميد انت روح وي البنوات انا اظل هينه
يااخيه ولدي معها انا هم راح اتركو هينه
ودعيهم بأيد الله وخلنا نطلع قبل لااا تگع المدينه
بايدهم للذوله الجلاب
ابويه تكلم بحزم سكتت تبجي وادحك لغرفه هيله تكلمت
اودع بنتي واروح
دشت تشهك بالبجي رحت وراها هيله كاعده وواعيه صفنت عليها وعليه سالت
بتعب
شصاير
ماردت اخوفها تعبانه ونازفه جثير رديت
ماكو شي امج انقهرت عليج وخافت من شافتج ماكعدتي
ماردت ظلت ادحك لها نزلت حدها حبتها
تكلمت
اروح اشوف خواتج واعكب
عم حميد طب صفنت عليهم اثنينهم اخذت نفس واشوفها تعبانه كلش وگوة تحجي عرفت من كالت
يابه لاتظل هينه اخذ امي وخواتي واطلعو
امها شهكت بالبجي ابوها وكف يم راسها حبها منو وورد
ماايهون عليه اعوفج وانا ابوج
شلون نعوفج ياهيله
امها كملت غمضت فتحت دحكت لي ووجاوبت
ماانا وحدي يايمه زين معي
گلبي مااعرف شصار بي بذيج اللحظه رف من الفرح صفنت بعيونها وهناك ضيعت حتى اسمي
ابويه دش گرب ليمها باسها من راسها وكال
الحمد لله على السلامه يالغاليه
الله يسلمك ياعم
شلونج هساع مو احسن
هزت راسها وغمضت الممرضه طبت حجت
المريضه تحتاج راحه ياريت الكل يطلع حتى ترتاح شويه
هيله غفت مافتحت بعد ابوها وامها حبوها وطلعو من يمها هم وابويه سريت معهم للساحه البره المستشفى
الوضع ماايبشر بخير اكثر الناس طلعت المتصوبين من المستشفى وعكبو بهم
يازين اوصيك لاتتهور العقل ياولدي تصرف صح من تشوف شي صار هد كلشي واطلع من هينه انت وهيله
اي يااشيخ
هساع انا راح اطلع الي ظلو بديرتنا ووياهم االاهل تفرغ يله اسري وي الحرس
تمام يابه بس لاتظل تنتظرني انا مااعرف شنو
وضع هيله مااجازف بها وهي ماتگدر
ياولدي بس تشد حيلها اسري بها بسرعه لاتظل
هينه تره دمنا مهدور عدهم
اعرف يابه اعرف بس اشوفها شويه شدت حيلها اسري بها
سكت ادحك لها مخنوك ومقهور يدحك للاودام
خايفه وتريد بس تهج من المدينه ردد
استغفر الله ياربي لا حول ولا قوه الا
بالله حسبي الله ونعم الوكيل على الي سوه بينا هيج
🌿🌿🌿🌿🌿
مالك
امي ظلت يمي شايل هم بيت خالتي بليل كاعده وادحك للاخبار الي يوم عن يوم ماتبشر بالخير
عش مااجتي عش ظلو هناك والله بس يگضبون شعلان وولدو الا يذبحوهم اول الناس
كلت يايمه كلت وحجيت مافاد بهم عبالهم الشغله هينه وهي حاميه ومشتعله بارود
نوار اجتي جايبه صينيه التعلوله خلتها جدامنا
وراحت صحتها
وين يولي تعالي اكلي ويانا
مااشتهي
ردت ومشت لغرفتها
صفنت عليها امي حجت
يمه اريد اكلك شي بس لاتضوج ولا تصير عصبي
كولي حجيه
دحكت لغرفه اختي بعدين عليه ترددت
سالت بغضب
خير يمه صاير شي اني مااعرفه اختي عدها
شي وي ابن حجي مصطفى واني ماادري
لاااا يمه على بختك اشو هيج الحجي انت مو تعرف ترباتي وتعرف اخلاق اختك
ااي اعرف بس داشوفها من رفضته وهي مو على بعضها
امي ردت بسرعه وخوف
مااالك اختك مااعدها شي ويا بس
بس شنو يمه احجي خليني افهم شجاي يصير حتى اعرف اتصرف
يمه اختك ماعدهاا شي ويا بس احس بها تميل له وتريدنا نوافق علي
امي ردت بقهر نزلت راسي واني عاكد الحواجب رديت
يمه اعرف الولد كلش زين وصدكي ماراح الكي مثله لاختي لجن اختو يايمه شوهت سمعتهم وصاروا على كل لسان
ااي هي هاي مضروبه الافاد صخمتهم وعزتهم ولو هم شكو بيهم الاب خوش رجال وحرمتو ورده مال الله وبنتهم خلقه واخلاق اليشوفها يفك گلبو من حسنها الشاليتو
رجعت ليوره سندت ظهري ليوره حجيت وي روحي
اي وشايله لسان عبالك منشار تثرم الواحد ثرم بس تهدو
امي كامت من يمي سالت
ها حجيه وين رايحه
اشوفها يايمه ظل بالي عليها
راحت عليها لغرفتها
انا صافن على الاخبار ودايخ بالزين واهلو كلت خل اخابرو دكيت علي فصل
ماجاوب
دحكت للساعه 11 كلت ماانايم اتصلت مره
اللخ رد حجيت بسرعه
شلوونك يول وشخبارك ظل بالي عليكم من وره الاخبار الجاي نسمعها
هلا مالك والله شاحجي الوضع مايبشر بخير والدنيا مگلوبه يمنا الكل هج وما ظل احد بالديره
اااي ماتطلع عاد انت والاهل
راح يطلعون لجن انا راح اظل
فكيت عيوني كمت لحيلي صحت به
ليييش تظل مخبل انت شتريد يجتلوك تعرف
انت مهدور دمك يمهم انت وابوك ااطلع لاتظل مو وكت عناد ولا مرجله
مااكدر يول هيله تصوبت اليوم بالقصف
شنووو
صحت بذهول امي اجتي بسرعه هي ونوار صاحت
ماالك شكو شصاير
ولك شلون تصوبت تاااذت احجي تكلم
ووولك منووو
امي صاحت وخرمشت وجهها رديت
مرتو للزين متصوبه بالقصف مال اليوم
عزه العزاني وولك متاذيه ااحجي تكلم
يمه رحمه لاهلج خل افتهم من الولد شصاير
حجيت هو رد
ماكو شي مالك طمن خالتي هيله بخير بس اريدها
شويه تشد حيلها حتى اطلع بيها قبل لايصلون ذوله چلاب النار قصص وروايات عراقية كرار صلاح
ولك راح ااجيك واجيبكم يمنا
ووين تجي اكعد واسكت عالكه الطرق والطايح
رايح بها اصلا انا راح اطلع على الچوله مااروح للشارع العام
ياازين تاخرتو جثير ياخويه
ماعلى بالنا هيج تصير بس الظاهر حنا انباعينا برخص ياخويه
سكتت هو كمل
اترخص يامالك اروح اشوف هيله خاف كعدت
روح الله وياك بس من اتصل عليك رد لاتخليني بقلق
مااظمن تظل الشبكه راح تنگطع باي لحظه خابر على الثريا
تمام تمام
يله اروح ياخويه
الله وياك ياازين
سد الخط امي تلوب يمي من اهلها بس خاله فضه ظلت هناك صاحت بنوار
ووولج امشي خابريها لخالتج تااشوف شصار
بيها هي وعيلتها
اختي راحت تركض لغرفتها ورجعت متصله ردت عليها امي حجت بسرعه
وينج يااااخيه وعش ماطلعتو لحد هساع
كعدت تحجي وياها خالتي جانت مستعجله وافتهمت راح يطلعون بهل الليل لاربيل دخلنا انذار من وراهم لان الوضع مو زين
وناس جثير انجتلت بالدرب
طلعت بالكراج ادخن وبالي يمهم عكدت حواجبي من سمعت صياح بيت حجي
مصطفى وعياط طلعت بسرعه لبيتهم دكيت الجرس
🌿🌿🌿🌿🌿
ليان
كاعدين على العشه بالمطبخ محد يشتهي
ياكل اي شي من ورة وسيم الي مانزل ولا اكل اي شي امي حجت
ليان احجي ويا اخوج راح يصير بي شي من قله الاكل
حجيت ماما ولحيت علي هوايه وهو لا عبالك يسمع صافن والوجه مطعون من القهر
رديت بخنگه
شلون ويا يااربي اذا صار بي شي اني شأحصل
حجت ابويه كام لحيله كمت سالته
وين رايح بابا
مارد طلع من المطبخ وراح للصاله امي كامت
لحكته بديت الم بالمواعين اني داشتغل سمعت صياحهم عفت كلشي
ورحت بسرعه للدرج
امي صعدت وسيم نزل يصيح
لووو قاتلها وغااسل عااري جان محد ظل يحجي
بسمعتنا جان الكل سكت وبلع لسانه
اامي لزمته جر ايده وكمل بصياح وجنون
لاراااا لازم تموت حتى الكل يسكت وبعد مااايحجي بعرضي
لزمته بقوه اني وامي ابويه نزل يصيح
ووين رايح ولك بالقران اذا طلعت من البيت وسويت الي براسك اتبره منك الى
يوم الدين
اااتبره بابا مني الي براسي راااح اسوي
ووولك عوفها ماااريد ااخسرك من وراها لهاااي
صحت بي بتوسل فلت من عدنا ركضت قبله لباب المطبخ قفلته ووكفت كدامه صاح بيه
وووخري ليان
مااووخر وسيم ووواعقل وكافي تسوي بروحك هيج
صحت هد على باب الاستقبال لحگته بابا واكف بوجهه وصاح بي
ووولك كاافي واعقل تره راح اموت من وره القهر
تخبل وشال كرسي وضربه بالحايط وشگ قميصه وهو يصيح بخبال
ووولكم خلووني اطلع منااا راح اتخبل راح اموووت من قهري والصار بينا رااااح اقتلها لروحي حتى اخلص
من عااار لااار
ظل يصرخ ويضرب بروحه الزمه اني وبابا وماما
يدفع بينا فاقد مو بوعيه
بلحظه مال ليكدام ولزم راسه وكع على رگبته
وفقد الوعي امي كامت تعيط ابويه ركض علي
يصيح وجهه صار اصفر كركم رحت ركض جبت مي غسلت وجهه ماكو ماكعد امي كامت تلطم ابويه
كام من يمه
ووولج وين السويج اااخوج راح يروح من ايدينا
سمعت جرس الباب اندك طلعت ارگض علي فتحته مالك سال
خيرر شبيكم
عفيه الحك وسيم ماادري شبي
طب يركض لجوة واني وراه شافه بالصاله فاقد وبحظن امي وابويه يحاول يكعد بي
صاح
ووخرو
شاله على ظهره ورگض بي كلنا وراه ابويه يريد يفتح سيارته مااكدر اخذت سويجه فتحتها خلاه ليوره ردت اصعد اني واامي صاح
بينا
ووين استرن روحجن بشي
انتبهت طالعه بالتراك وبدون حجاب اني وامي رجعنا بسرعه لبست شال شلون مجان وبشت مال امي وهي هم رجعت اركض وياها
كعدت يم اخويه
خليت راسه بحظني ابجي
بشهكه علي وامي ملخت روحها عامر اجه هو وسامر شافو الوضع فتحو الباب بسرعه مالك ساق وطلع بالسياره
ووسيم فتح عيونك ولك ااكعد
اضرب على وجهه ماكعد ولا فتح وامي تعيط
ااابني راح مني وولج ماكعد ليان ااخوج ماادري
شصار بي
يارب يارب الطف بينا يارب ابني مايروح من ايدي
ابويه يردد بدموع داير روحه علينا ويباوع لاخويه
حظنت راسه ابجي واشهك علي مالك يردد
مابي شي ان شاء الله هذا هبوط هسه بس يخلون اله مغذي يصير زين
ااخويه اذا صار بي شي ااني اموت
صحت بخبال ودموع واتوسل برب العالمين
اخويه يكعد ويفتح عيونه
وصلنا للمستشفى مالك نزل بسرعه شاله وركض بي للطوارئ كلنا وراها ابويه وامي يتعثرون من الخوف والزمهم
شفته ممدد على سديه دكتور يمه ومالك واكف يمه الدكتور قاس ضغطه وصاح
اارفع رجله بسرعه
مالك رفعها ليفوك سالته بخوف ودموع
شبي اخويه دكتور
ضغطه مصفر
رد ممرض شدله كانوله وخلو مغذي امي انهد
حيلها كعدت يمه تبجي وابويه سند روحه على الحايط وصفن علي وجهه اصفر بس شويه مشى المغذي بدمه كعد وفتح
كعد وسيم
امي حجت بفرح كلنا صرنا يمه باوع علينا وعيه نص ونص مالك طلع بسرعه صاح الدكتور رجع فحص ضغطه وكال
هسه شويه صعد بس خلو للصبح لان راح اخلي اله بعد مغذي
تمام دكتور
مالك رد
ظلينا بس احنا وهو يم وسيم اباوع لابويه واكف بصعوبه واحس راح يتخربط دورت كرسي اللخ ماالكيت
سالني
شتريدين
باوعت علي صافن عليه رديت
كرسي لبابا
طلع من يمنا ورجع جايب كرسي خلاه يم ابويه شكره وكعد يم اخويه صافن علي
انتبهت علي صافن على وسيم ووجهه مطعون
وصاير احمر دم رفع عيونه شافني اباوع علي درت وجهي وطلعت بره سندت
روحي على الحايط وكمت ابجي بشهكه
نزلت للكاع وضميت وجهي بين ايدي مادرت بال لاي احد من الرايحين والجايين
بجيت على روحي واخويه الي بده يدفع ثمن غلطه اختنا شنو ذنبه ياربي حتى ينكسر هالكسره
ليان
سمعت صوت رفعت راسي مالك واكف قريب مني يباوع عليه القهر بين بملامحه كمت امسح دموعي مشيت من يمه اجه ورايه
حجيت بصوت مخنوك
ااريد اظل وحدي
طالع ادخن مو لاحكج
رد ومشى لبره قبلي مشيت بصعوبه واحس رجلي بعد ماتشيلني لزمت الحايط
اخذت نفس طويل وذبيته
طلعت للحديقه كعدت هناك ابجي وهبطه بگلبي بعدها من وره وسيم
والصار بي انتبهت وره لحظه شباب ممرضين مااعرف دكاتره كاعدين مسافه عني يتعشون ووما شالو عينهم من عندي تجاهلتم ومادرت بال الهم واحد كام واجه باتجاهي
ياابنيه محتاجه شي كولي اني بالخدمه
ردت اجاوب بس صوت رد
لااا تسلم ماامحتاجين شي
درت روحي مالك ورايه واكف جكاره بايده عاكد حواجبه ويباوع بضوجه اله
ها لازم انت وياها
اي نعم اكو شي
لا اخويه ماكو شي
رد وانسحب من يمنا حجه
طبي جوه ولا تظلين هينه وحدج
كمت ماحجيت شي مالي خلك ارده مشيت وهو ورايه شايل علاكه سوده يم الطوارئ حجه
هاج هاي مي وعصاير خل الحجي وامج يشربون شويه وااا
عيوني صارت بعيونه دار وجهه وكمل
اني هنا اذا احتاجيتو شي صيحوني
تسلم
رديت مختصر وطبيت لاهلي
🌿🌿🌿🌿🌿
زين العابدين
امي ماقبلت تطلع من الديره الا وانا وياهم
بالغصب ابويه طلعها هي وخواتي وكل اهلنا ديرتنا فرغت وماظل بها احد
انا كاعد يم هيله وعوض
بره هو وجم حارس واكف بره معهم واعكب لهيله الي نزفت مره اللخ وضربوها ابره مال نزف ومهدئ
العصر انتبهت صارت حركه مو طبيعيه الكل دخل انذار من الدكاتره للممرضين
حارس اجانا من بعيد
عكدت حواجبي من شفتو يسري بسرعه ومبين علي التوتر گرب تكلم
ياشيخ ذوله لفوه بالمستشفى وجايبين
المتصوبين من ربعهم
عوض تكلم
لازم نسري يااشيخ
دخت هيله منا بعدها ماتكدر شلون اطلعها وهي
نازفه جثير دشيت لغرفه كاعده وساحبه روحها ليفوك شافتني عرفت وقرت وجهي سالت
ذوله لفو موو
اي ياهيله لفوه
خل نطلع يازين
شلون اطلعج وانتي نازفه دما جثير
مابي شي خل نسري ونلحك اهلنا
مااتكدرين يااهيله
اكدر يازين بسرعه خل نسري خاف يسولك
شي
صفنت عليها من تكلمت هالكلام نزلت رجلها
للارض رحت بسرعه عليها كالت
اكدر ااسري وحدي
ياهيله مو وكت هالسوالف خل اشيلج ونطلع من
هينه قبل لا يكع الفاس بالراس
ماردت شلتها وطلعت بيها الولد لحكوني متحزمين
بالسلاح عوض تكلم
يااشيخ من باب الورة ترسو الساحه مااعاد
نكدر نطلع مناك
حارس كال رديت بغضب
خررب بصفحه اهلهم شنووو ذوله ومنين
اجونا وليييش هالشي صار
الولد جايبين سيارتنا بشارع وره المستشفى
خليت هيله ليوره تكلمت
مددي رجليج ولاتخافين من اي شي
تمام اطلع بسرعه
تحركت صعدت ليكدام حركت والولد ورايه طلعت للشارع وكفت من شفت رتل لهم واعلامهم السوده ترفرف من شفته جن وااحد ضربني بخنجر بگلبي
لزمت سلاحي ايدها لزمت جتفي كالت
ااسري يازين مو هساع وكتهم يجيهم يوم وتاخذون ثاركم وثار الجتلوهم ظلم
ااخ ياهيله ضاعت الديره وتهجولنا
نعكب يجي يوم ونرد لها الحگ مايضيع
يم صاحب الحك حشه يردو ولو بعد حين
مردت الستيرن بايدي عوض صار بصفي اشر ااطلع
حركت غادي نار وعيوني عليهم انتشرو
حوالين المستشفى وبكل مچان سرينا من ديرتنا
خنكه بصدرنا وغصه حنا اهلها ويجي واحد غريب يلفه بها ويطلعنا منها
هيله
ادحك لزين غادي نار وجهه انطعن والقهر ترس ملامحه وانا هم مثله عفنا ديرتنا وكلشي من وره ناس يحجون بالدين وهم جهله بابسط ايه بالقران رددت قصص وروايات عراقية
كرار صلاح
بسم الله الرحمن الرحيم
(( من قتل نفسا بغير نفسا او فساد في الارض فكأنما قتل الناس جميعا ومن احياها فكأنما احيا الناس جميعا ))
صدق الله العظيم
سمعني دحك لي بالمرايه لجأت للقران ارتل بهمس اريد اهدي روحي واهدي اله لان اعرفو غادي نار واعصاب
گلبي انعصر من شفت سيارات الجيش والشرطه بايدهم وصاعدين بيها ومو علمنا فوكاهن دمعتي حدرت بقهر اسمعه
يرددد
باطل ولكم والله ماااتظلون هينه لااا والله نعكب ونشوفكم من حنا بس تكعد الرحى بمجانها ونعرف من النا ومن علينا
سمعتو يتكلم بقهر وبصوت مخنوك
جزينا جم شارع وشفناهم من بعيد سادين الطريق
ومنزلين االاوادم
زين بسرعه طلع على الترابي ولحكو الولد
تكلم معي
هيله الزمي رجلج خاف تتاذه
دحكت له بالمرايه القلق تارس عيونو رديت
مابي شي لاتشيل همي
الطريق جان وعر وكلو طسات جنا نريد نطلع
لاربيل لجن مو من الشارع العام لان صار بايدهم
زين العابدين
القلق جتلني خايف على هيله منا تصوبت ومنا ذوله لفو بشرهم علينا كلت بس يگضبونا ننذبح منهم وهي تنسبي دحكت لها عيوني صارت بعيونها تكلمت بخنكه
ادعي ياهيله نصل بر الامان ونخلص من ذوله الجلاب خايف عليج منهم وكاعد اهوجس بالشر
عز الله ماااسلم روحي لهم الا وانا جثه مابها نفس
سمعت ردها شبت نار بصدري ونيت بخنگه
وكلت
ااخ ياابه انظلمنا وحنا الما نرضى بالظلم هججونا من ديارنا من حسبي الله عليهم
وعلى كل واحد خله ايدو بايدهم
هيله
سمعتو شلون تكلم بقهر صافن علي مقهور ويلوب من الصار بينا تكلمت
يازين الرسول ماسلم من الاذى لا هو ولا اهلو وهاجر من وره هالاذيه وسكن ديره غير ديرته الله سبحان وتعالى اختبر ايمانه وصبره خله قدوه لك وتعلم من صبرو وايمانه
دحك لي بالمرايه كملت
سبحانه وتعالى نزل ايه من هاجر هو وسيدنا ابو بكر الصديق وكال في كتابه
بسم الله الرحمن الرحيم
(( ان لاتنصروه فقد نصره الله اذا اخرجه الذين كفروا ثاني اثنين اذ هما في الغار اذ يقول لصاحبه لا تحزن ان الله معنا فانزل الله سكينته عليهم وايده بجنود لم تروها وجعل كلمه الذين كفروا السفلى وكلمه الله هي العليا والله عزيز
حكيم ))
صدق الله العظيم
صفن عليه بنظرات ما عرفت افسرها رد بصوت مخنوك
وينو الرسول خل يجي ويشوف شكاعد يصير بينا
الله سبحانه وتعالى كاعد يشوف وربك ابدا مايرضى بالظلم يجي يوم وكل ظالم ياخذ حگو من الظلمه وذوله يازين مثل وغف السيل الجارف يحدر بسرعه ووبلحظه يختفي
سكت من سياره الجدامنا وكفت نزل بسرعه ادحك لهم واكفين يحجون زين حدر ونزل من التله ردت سبحه اريد اسبح بها حتى هالتوتر والخوف يرحون مني
خايفه عليه لاينفجع ابوه به وخايفه على روحي من ذوله لا يطلعون لنا غفل وتعلك بينهم وبين زين والولد
شفتهم مسلحين سلاح ثگيل يعني معركه خاسره
اذا صار الخايفه منو عگب من جوه التله اشر على غير طريق تكلم مع عوض وعكب عليه
صعد وكال
مانكدر نسري منا واكفين على الطريق وموكفين
الاوادم
عجل منين راح نطلع
مناك
اشر لدرب وعر كلش كمل
راح امشي بهيده حتى ما تتاذه رجلج
لاتشيل همي انا بخير كول يالله وتوكل
يالله
شغل وطلع
تكلمت وره لحظه
عندك سبحه
ااي
مد ايدو لجكمجه طلع سبحه خرزها اصفر انطاها لي وكال
هاي مالتي سبحي بها
اخذتها منو بديت اسبح واذكر الله حتى اهدأ شويه
🌿🌿🌿🌿🌿
ليان
كاعده بالمستشفى وصافنه على اخويه گلبي ممرود علي وما اعرف شأسويله اعرف يحب نوار حب جبير واعرف هذا اول حب اله
ومستحيل راح يتخطاه او يتخطى رفض مالك اله من وره لارا والسوته بينا
دمعتي نزلت اشوف اهلي يباعون عليه بقلق وخوف امي تحاول ماتبجي بس
دمعتها تخون وتنزل بقهر
كمت رحت للشباج وكفت اباوع لبره عيوني راحت لمالك كاعد بالحديقه يدخن حاجيت روحي بغصه وقهر
شلون اخليك توافق على وسيم شلون مالك راح ترضى بي وانت تعرف الصاير بينا
درت راسي لاخويه غافي والتعب مبين بملامحه
ووجهه اصفر ذبيت حسرة سندت راسي على الجامه صفنت علي بعده كاعد بمكانه رددت
اخويه راح يصير بي شي من القهر شنو ذنبه ياربي بالصار شنو ذنبي اني اعيش بهل العذاب المستمر الى متى ياربي نظل شايلين اثم غيرنا واحنا الضحيه
سكتت رددت بدموع
حسبي الله عليج لارا خطيتي برگبتج اني ووسيم وبابا وماما الى يوم الدين
مالك كام من مكانه تمشى وهو يخابر بجهازه صفنت علي كلت من ارجع للبيت اروح احجي ويا حتى لو اتوسل اله يقبل باخويه
🌿🌿🌿🌿🌿
مالك
رجعت وسيم واهلو لبيتهم ادحك علي مغمض ووجهو اصفر وماله خلك وصلنا نزلتو ساند روحو عليه
امي طلعت حجت وي امه
الحمد لله على سلامتو لوسيم
الله يسلمج ام مالك
ردت بتعب عيوني راحت للباب لمحت نوار ادحك
عليه مبين عليها القهر شافتني رجعت ليوره
عكدت حواجبي درت وجهي
شفت ليان ادحك عليها
عيونها اجتي بعيوني من دارت راسها عليه نزلت راسي ضايج من الجاي احس بي اخوها وكع من قهره اني قهرته من ما انطيته اختي امشي ويا ودايخ بهالسالفه ومااعرف شلون اتصرف وصلتو للاستقبال تمدد هناك ما يكدر وبعده دايخ ترخصت طلعت من يمهم رحت لبيتنا طبيت للمطبخ امي
كاعده والريوك كدامها وتاليا بحظنها نوار يم الطباخ سلمت
الله يساعدهم
هلا يمه تعال اتريك
بس جاي اريد راسي يريد يطك من الوجع
هسه اختك تصبلك الجاي
كعدت يم امي ادحك لنوار من اجتي وجهها اصفر ومبين عليها باجيه غمضت عيوني بتعب وذبيت حسرة
شلونو الولد هساع
مارديت على امي عيوني على اختي شافت نظراتي مشت من يمنا وطلعت عكدت حواجبي ضايج من وراها مااعرف شلون اتصرف
مااكلت شي بدلت ورحت للمكتب كملت كم شغله
رجعت الظهر راسي فد مرة يوجعني وتعبان كلش اكلت شويه اختي ماهيه ولا تغدت ويانا اخذت مسكن وكلت لامي
يمه اروح انام لاحد يكعدني اني اكعد
براحتك يمه
رحت لغرفتي طبيت بدلت كلابيه تمددت ونمت نومه اهل الكهف مااعرف شكد نمت كعدت على صوتها تكعد بيه
مالك يمه فهد اجه راح ارجع لبيتي ووياي نوار وتاليا
من ترجع من المكتب تعال علينا ورجعهن وياك
ااي يمه
رديت،، ورجعت نمت وره وين سمعت جرس الباب يدك كعدت افرك بوجهي بقوه جريت جهازي اشوف
الساعه جانت ب8 بليل كمت من دك الجرس مرة اللخ
فرگت ركبتي اريد اصحى من النومه الي كبست عليه فد مرة دك مرة اللخ صحت من مديت ايدي للباب
ااي يمعود ااجيت شبيك خبصت الدنيا
فتحته ليان صارت بوجهي
سلمت
شلونك مالك
هلاا
رديت وسألت بخوف
خير وسيم بي شي
دحكت عليه بوجه مطعون ردت
لاا بس راح يصير بي شي
اذا ظليت رافضه
عكدت حواجبي درت وجهي منها كملت
اكدر افوت جوة
هاا لا محد هنا
احسن
ردت وطبت بسرعه وخرت من جدامها
ادحك الها بذهول ومتفاجأ من تصرفها وكفت بالكراج گلت
ليان الاهل مو هنا ومايصير نظل اني وياج وحدنا بيتي
مادارت بال تقدمت خطوه وكالت
مالك انت تعرف اخويه ما اله ذنب بالصار تعرف كلش زين هو ضحيه ومايستاهل
يتعاقب من ورة شي هو بريء منه
مارديت تقدمت بعد اكثر صارت قريبه عليه كملت بتوسل
انسى التعرفه عنا حتى العالم تكدر تنسى السويته لمرتك
يوولي لاتجيبين هااي السيره
وجعتك موو گلبك وجعك مالك حسيت بالالم موو شوفه حس بي هذا هو نفسه بگلبي وگلب اخويه بس الفرق احنا ضحايا
لياان ااطلعي منا
مشيت وطبيت للمطبخ لحكتني وصاحت بيه
الله يخليك وافق اخويه راح يروح من ايدنا وسيم مكسور مالك وجرحه جبير
ورفضك اله خلاه ينزف بعد
اكثر
درت روحي عليها تبجي رددت من تقدمت عليه
ماالك اخويه راد يروح يقتلها لذيج الي ماخافت الله بينا راح يسويها والله يقتلها لان گلبه اشتعل بالنار من وره رفضك اله
لياان افهمي اني مااكدر انطي اختي الكم خلي نفسج بمچاني تسويها انتي تقبلين بواحد اا
سكتت وبلعت السالفه صاحت بيه
هووو ماله ذنب لاتحمله وزر غيره
قربت عليه كلش ادحك الها منهاره وتبجي بشهكه درت وجهي منها كلت
اطلعي يابنت الناس لاتجيبلي سالفه مو زينه
شترريد مالك كلي شتريد حتى تقبل باخويه
مارديت كملت بدموع وتوسل
كلي شتريد ااطلب اي شي تريده والله نسوي الك بس ترضى بي
ابتسمت باستهزاء رديت جواب كلت راح يسكتها ويخليها تطلع من يمي
اقبل بي اذا قبلتي بيه
صفنت عليه وردت بسرعه
اقبل مالك
