رواية دخيله الشيخ زين العابدين الفصل التاسع والعشرون بقلم أوتار حزينه
هيله
انتبهت لحمد يدحك لي بنظرات خلتني اضوج
منها درت وجهي منو وانا احس به مو على بعضه
چن به شي مكدر حالو الهنوف اجتي صعدت،،،،، يم زين الجان يخابر واحد رفيجو حتى ماشاف حمد الي عگب للديوانيه سلمت وكالت
يله يازين اطلع
ذب جهازو وحرك سالتني
جرحج شلونو ياهيله خما نزف
لااا الحمد لله مانزف بعد
امي ردت اختو دارت روحها علينا كالت
الحمد لله حتى وجهها رد لوونه وصار احسن
زين دحك لي بالمرايه تكلم
اي الحمد لله احسن من الاول
هساع بس نوصل للدكتورة اكول الها تنطيج
مقويات حتى تعوضين الدم الي نزفتي
اي والله علواه تنطيها مشهي لان صارلها
فتره ماتاكل مثل الاول
امي ردت وصار حوار بينها وبين الهنوف ،،،،،
ساكته وزين هم ادحك من الجامه للشوارع والمحلات اول مرة اجي لاربيل وشفتها حلوه كلش
ذبيت حسره وكلت
ديرتنا هم حلوه لجن راح تخرب بس ياخذوها
غربان السود تحسرت بصوت عيوني غوركت هدينا كلشي ورانا وطلعنا باروحنا
مهره اجتي بالي دموعي نزلت زين سألني
بخوف
وش بلاج تبجين رجلج وجعتج
لااا
رديت بغصه امي سالتني خايفه
عجل عش تبجين
مهره يمه عفنها ورانا ومدري هساع شصار عليها
ودعيها يم االله ياهيله انا هم عفت هايل وصخر ورايه ومااعرف شحل بيهم
الدهر هساع
رد بصوت مخنوك وسكت انا هم ماتكلمت اسمع اختو تدعي عليهم هي وامي هجولنا من ديرتنا وخلونا نلچي بغير ديرة
مسحت دمعتي وظليت افكر بالصار بينا وصلنا وره نص ساعه نزلت على كيفي
هو اجه بسرعه ولزمني وي امي تكلمت بخجل واتجنب ادحك له
لاتشيلني يازين عيب منا الاوادم
اانا مايهمني الاوادم بكثر مايهمني وجعج
عيوني راحت للهنوف ابتسمت امي تكلمت
الله يحفظك يايمه ويسعد بختك انت وياها
امين خاله
لزمني من خصري وكال
ماراح اشيلج بس ذبي ثكلج علي واسري بهيده لا تستعجلين
الخجل هم تلبس بيه والتوتر خلاني مااعرف
شلون اسري او اتصرف هو حس بيه بس ماتكلم اي شي
كعدت بالانتظار الهنوف وزين حجو للسكرتيرة وضعي طلعت تعرف عربي والدكتورة هم ظلت ادحك عليه بعدين كالت
هسه بس تطلع الجوة ادخلها
اجه كعد بصفي سند ايدو الاثنين على رجلو وتقدم ليجدام يدحك بجهازه
صفنت على صورته من طلعت جدامي وهم
نفس بيت الشعر قريتو
🌿**احتاجلك دايم
والگلب بك هايم
يااجوي هالغايم
حي الله هالطاري**🌿
نزلت راسي من رفع عيونو عليه الهنوف تكلمت
يازين من نعكب نام شويه وريح جسمك
ياا ليش مانام وره الغده
امي سالتها ردت
لا والله مانام ادحك له كاعد ويتابع الاخبار هو وابويه والقهر تارس گلوبهم
اي منو مو مقهور ياخيه كلنا القهر لفه بگلوبنا وراح يچتلنا الصار بينا منو يصدك
بليله ويوم تسقط الغربيه
كلها بايد ذوله الجلاب
امي ردت بقهر كام من يمي
ادحك له متوتر وضايج كلش بس ماتكلم اي شي المرة طلعت من جوة
السكرتيرة تكلمت
يله عيني دخلو المريضه
اجه ساعد امي سريت وياهم دخلت لجوه الهنوف اخذتني من ايدو الدكتوره شافت وضعي سالت
خير شبيها البنيه
حجن لها الحاله وشلون تصوبت بكزازة جبيره ردت
خل تصعد حتى افحصها
صعدت على السديه اجتي عليه وخرت الضماد من فخذي عكدت حواجبها وكالت
هذا ملتهب ولازم اعصر الجرح واطلع الجراحه
دحكت لي وكملت
تحملي ماما خلي انظف الج حتى مايصير شي لاسامح الله
هزيت راسي باي بدت تعصر بي بگوة الالم عصر گلبي وخلاني اكزكز من الوجع
لزمت ايد امي بگوة كامت تبجي عليه وتتحسب على السوه بيه هيج
هاهيه كملنا خل اضمده الج
ضمدتو لي العرك يكت مني وصرت فد مرة بس دست على نفسي وتحاملت على الوجع
باعي عيني لازم يوميا تضمدون الها الجرح
مرتين ثلاث شكد ما تكدرون حتى مايلتهب
ولا يحمل جراحه راح اكتب الها المعقم والضماد وهم ابر حتى ما يلتهب بعد وتيبس الجراحه
الهنوف ردت
اي دكتورة اكتبي هساع ناخذو من الصيدليه ونجيبو الج
اي جيبي خل اشوف الابر الاصليه لو لاا
سريت گوة وي امي والهنوف طلعنا زين كاعد
من شافنا كام بسرعه وسأل
هاا شكالت الدكتورة
اختو حجت له السمعتو من الدكتوره انتبهت نسوان كاعدات وبنات مفرعات والشعر اصفر وخالات كومه مكياج يدحكن له ومدري شيحجن بينهن هو ماجان منتبه لهن كل انتباهه يم اختو
اكعدن هينه هساع اروح اجيب الدوه واعگب
كعدت اكبالهن سرى من يمنا عيونهن علي الهنوف
انتبهت عليهن بس ما تكلمت شي وره دقائق عكب شايل الدوه وكف يمي سال وهو عاكد الحواجب
يولي اشو كاتبه لج جثير شغلات شبيج تره هوجست انتي بيج شي
وماحجيتو لي
ماكو شي ياخويه هو التهاب قوي بالجرح ولازم ابر ودوره ادويه حتى تيبس
الجراحه
من فان حظج هذني كلهن راح تضربيهن بااا
سكت من حس على روحو خدودي اشتعل نار سمعت ذني ضحكن بصوت عالي دار روحو عليهن ميلت راسي دحكت لهن وانا عاكد حواجبي من شافني دارن وجههن
عدلت حالي عيوني صارت بعيون زين مبتسم
ارتبكت من نظراته ونزلت راسي الهنوف سالت السكرتيرة
اكلج عيني هذني لازم ينضربن بكانوله موو
اجتي اخذت العلاكه من ايدها دورت بيها وردت
اي هذني لازم ينضربن بالوريد لان قويات
كلش
هاا يعني ادز على كانوله
لاا هينها موجوده هسه اني اخليها الها بس خلي اشوفهن للدكتورة
ردت على الهنوف وكملت وي ذني امهات عطب اصفر
يله ادخلن
مشن يطكن بالكعب تتبعتهن بعيوني انا وامي السكرتيرة دخلت وراهن زين وكف بره عگبت من الدكتورة اجتي ليمي امي تكلمت بضوجه من شافت وحده طلعت واخذت ورقه ناسيتها على الكرسي دحكت لزين من جان
واكف بالباب ومنطينا ظهره
استغفر الله ياربي اشو هذني مدري شلونهن لا خجل ولا مستحى شايلتو فد مرة اكلن الولد بنظراتهن المايستحن
السكرتيرة ردت
خاله،،،،موزين بس باوعن علي وما شمرن رقم اله لو تحارشن بي بالكلام
ها يمه مافتهمت
الهنوف ردت
تقصد تنطي رقم جهازها للزلمه حتى تخابرو
ويخابرها
يااع صدك تحجي واهلها مايدرون
خااله انتي من وين
السكرتيره سالتها مبتسمه امي ردت
من ارض الله الواسعه يايمه
والله ياخاله انتي من اهل الله وماتعرفين شجاي يصير بهل الدنيا
اعرف يمه الحال انگلب لجن الشريفه وبنت
الاصول ماتغرها هالسوالف وماتحني هامه ابوها لو اخوها من وره نزوة لو سوالف تالي الليل الزلمه الحك والصدك يجيج من الباب مو من الشباج يبعد امج
السكرتيره صفنت على امي وهزت راسها وردت
والله ياخاله ياريت كل الامهات مثلج هسه هي تدري بيها تصادق ولد وساكته خايفه لا تكسر بخاطرها
اي يمه ماتكسر خاطرها لجن تكسر بختها ورگبه ابوها
ااي والله لاعاب حلكج خاله
ردت وكملت وياي مبتسمه
كملت ياام شامه حلوه
تسلمين
رديت ادحك لايدي خلت كانوله وضربت الابره
وانا مدري زين طب انطاها حكها واجه عليه من وكفت السكرتيرة تكلمت
اكو عربانه بالممر جيبها وخليها تكعد بيها
تمام
رد طلع من يمنا جابها كعدت بيها هو دفعني
للسياره ردت اصعد عاليه ورجلي توجعني بلحظه ايد
حاوطت خصري ورفعني بسهوله وكعدني
ليوره عدلت حالي وتجنبت ادحك له الهنوف تكلمت بسرعه
يبوو نسيت المقويات ماكتلها عليها
سرت من يمنا امي كالت
هسه اجي بس اجيب شغله من هذا المحل
زين ظل واكف يمي سألني
محتاجه شي
لا تسلم
سمعت طكه الگعب ذني طلعن يدحكن له من شافهن سد الباب اندار وصعد ليكدام دار وجهو عليه سال مبتسم
هيج احسن موو
عكدت حواجبي رديت
ماافتهمت
شعجب مو انتي تلگطيها وهي طايرة
سويت نفسي مامفتهمه درت وجهي منو ادحك لهن عبرن الشارع ووراحن
امي عگبت الهنوف راحت للصيدليه جابت علاكه اللخ وصعدت تكلم معها
هاي شنو علاكه اللخ دوه
اي مقويات وجم شغله اليه
ها تمام
شغل طلع للشارع ادحك من الجامه الدنيا ليل
سندت راسي عليها صافنه اسمع اني والهنوف يحجن بالصار بينا حسيت عيونه عليه درت وجهي اكثر من مرة واشوفو يدحك لي بالمرايه بنص الدرب وكف وراح لمحل مال تليفونات عكب وره مشوار شايل علاكه
🌿🌿🌿🌿🌿
ليان
دست على روحي وضميت قهر گلبي من وره ايهم والسواه بالمشتل تماسكت بصعوبه حتى افرح اخويه بهل الخبر الحلو
طبيت للمطبخ شفت ماما بي سالتها بلهفه
وين وسيم
ذبيت الجنطه على الميز ورحت للصاله ماما ورايه سالت
خير ليان صاير شي
جان هناك متمدد وابويه يمه يباوع للاخبار وكفت يمه حجيت
ووسيم جاايبتلك شلون خبر يخبل
باوع عليه بدون واهس كملت
ااكعد واسمع الخبر الحلو
خير ليان شصاير
ابويه سالني رديت وعيوني على اخويه
بابا حضر روحك انت وماما حتى تروحون تخطبون نوار لوسيم
اخويه عكد حواجبه كعد يباوع عليه ورد
ليان سدي هاي السالفه ما اريدكم بعد تنزلون راسكم لمالك
زين اذا اگلك هو مالك بنفسه كلي هسه بالباب
من اجيت هو موافق عليك وخلي يجي هو والحجي حتى يخطبون نوار
صدددك ليونه
امي صاحت بفرح اخويه صفن عليه كملت
ااي والله ،،، حجه وياي وكلي اني موافق على اخوج
كام لحيله سالني بصوت مخنوك
ليان صدك تحجين
هزيت راسي وعيوني غوركت رديت
اي وسيم مالك قبل ينطي نوار الك
امي اجتي بسرعه بوسته وابويه كال بفرح
الحمد لله ياارب وج هذا شلون خبر حلو رد الروح النا كلنا
اباوع لاخويه صافن عليه مذهول ابتسمت ودموعي نزلت رحت حظنته وكلت
مبروك يااعريس
وخرت منه سال مو مصدك
ليان هو يعني كلج بلسانه هو موافق
ااي والله شبيك مو مصدك تريد اخابره واساله كدامك حتى تصدك هو وافق عليك
اريد اسمعها منه حتى يتطمن گلبي
حجه هيج وكمل
وين جهازي
افتر يدور علي امي حجت
ذاك على الطبله
اخذه بسرعه اباوع علي يدور رقم مالك طلعه دك وفصله بسرعه وكال
مااكدر احجي ويا خاايف
لااا غير رأيه
بابا جاوبه
انطيني رقمه خلي اني اخابره
دزله الرقم على الواتس
شلون نسيت رقمه عندي من تصوب من وره
سكت وبلع اسم ايهم غمضت عيوني بتعب
ما حجيت شي لان ماردت اخرب فرحه اخويه فزيت وكلت بابا راح يخابر وهسه يكله وتصير سالفه تخرب فرحه وسيم حجيت بسرعه
بابا اني اخابره
اخويه رد بخوف
ليش ليان
ماكو شي بس يعني هو حجه وياي خلوني اني اساله
ااتصلي وخلي اخوج يطمن
امي حجت بسرعه
وسيم دز الرقم اليه حفظته ودكيت علي رن مرة ماافتح الخط مرة اللخ هم مارد
اخويه توتر وظل يباوع عليه
بخوف كلت
يجوز لان رقم غريب ماايرد
دكيت مرة ثالثه فتح الخط يحجي
اي بابا هسه اجيج الوو
هلو مالك اني ليان
وسيم اشر وخليته على السماعه
هلا ليان خير صاير شي هذاا
قاطعته بسرعه
ماالك انت مو وافقت على وسيم
سكت باوعت لاخويه تغير وجهه رد وره لحظه
اي وافقت وهلا بيكم شوكت مااجيتو
امي من فرحتها راحت حظنت اخويه الي وجهه
تغير بلحظه وابتسم
الو
ها هياني وياك
رديت وكملت
تسلم مالك اني خابرتك حتى اعرف شوكت نجي عليكم
نتفق اني والحجي على موعد
تمام تسلم مرة اللخ
سمعت صوت تاليا تصيح وتبجي
ابا ابا
گلبي رف الها رد
اي بابا هساع اشيلج
حجيت
روح عليها لاتخليها تبجي
سكت بعدين كال
من رخصتج
الله وياك
سد الخط باوعت لاخويه فرحان والوجه رد لونه ابويه كعد مرتاح هو وامي وسيم اجه وحظني ابتسم وكلت
اختك وجهها خير عليك موو
جاوبني بفرح
انت كلج خير ليونه الله يخليج اليه انتي وبابا وماما
رديت بغصه
ويخليك اليه يااغلى اخ بالدنيا
خلي اروح اسوي العشه اكيد هسه نفسك انفتحت
وراح تاكل مثل الاول
امي حجت بفرح رد
سوي ماما لان جوعان كلش
ابويه كام واجه ليمه حجه
الف مبروك ابني ان شاء الله باجر اتفق وي مالك واشوف شوكت نمشي الك على نوار
وسيم ابتسم وهاي الابتسامه عندي اغلى شي
بالدنيا
يله ليونه امشي بدلي حتى تتعشين ويانا
اي هسه
رحت اخذت جهازي وجنطتي من المطبخ
ورجعت لغرفتي طبيت سديت الباب صرت وحدي سندت ظهري علي نزلت للگاع خليت الجهاز بحظني صفنت بجمود على الحايط
دموعي نزلت بهدوء وبعدين زادت بجيت بخنگه وطلعت قهر گلبي الضميته
وكتمته بصدري حجيت
بصوت مخنوك
بأي عين اجيت ايهم وشلون كدرت توكف كدامي شلووون وانت خنتني وي ااختي ورحت نمت وياها بيتي وبغرفتي وعلى فراشي
بجيت بشهكه وخليت راسي
على رجلي اردد
يااربي والله راح اتخبل عقلي لحد هاي اللحظه
ماجااي يصدك السمعته والشفته رجلي الي عرسي اني ويا بعد كم يوم يخوني ووي منوو وي اختي بنت امي وابويه زين ليييش شبيه اني شناقصني هو
ليش هيج سوه بيه ووين الحب وين كلامه ووعده الي ماايبجي عيوني ابدا
شهگت شهكه قويه وبجيت بصوت قوي جهازي دك مادرت بال دك مرة اللخ باوعت اله جان مالك فزيت من خوفي وكمت بسرعه كلت غير رأيه
مسحت دموعي ورديت علي بخوف
الو مالك
رد بصوت مخنوك
كاافي تبجين
صفنت رديت
هاا
ليان كاافي بجي كافي تنزلين دموعج لواحد
مايسوه تفله صيري قويه ودوسي علي
بجي دم مو دموع وخلي مرة اللخ يشوفج تضحكين ماتبجين
باوعت لجهازي فكيت عيوني وعضيت شفتي بقهر من شفت متصله علي بالغلط وسامع بجي وكلامي
تسمعيني ليان
مارديت هو كمل
ياابنت الناس الي مااايغليج ومايعرف قدرج ماابجي علي ولاا انزل دمعه لخاطرو
ولاا افكر بي
سكتت رد
تسمعيني ليان
تنهدت بصوت رديت
اي مالك
ديربالج على روحج وفكري بصحتج ونفسج هن بس الي يفيدوج اذا راحت منج انتي الخسرانه الوحيده محد راح يخسر غيرج انتي وبس
سكتت هو هم ماحجه شي سمعت تاليا تحجي يمه رد
كاافي ولج مو مصاصه صارت صرت كلي دبك من وره روالتج
بنص دموعي ابتسمت كمل وياي
اترخص صارت كارثه يمي
تذكرت الصار صحت بسرعه
ماالك
ها ليان خير شبيج
رديت
الصار والشفته مااريده يوصل لأهلي ما اريد اكسر فرحه اخويه بهاليوم
مارد كملت
سمعتني مالك
اي سمعتج بس هذا لازم تخلون اله حد اجه هالمرة راح يجي مره اللخ
مو هسه مالك الما افض خطبه اخويه ومهره اني اكله لبابا وهو يعرف يتصرف
ليان هذا ماراح يعوفج حتى لو اخذو علي تعهد راح يجي عليج ويجوز يسويلج
شي لا سامح الله
سكتت هو كمل
يولي تسمعيني
اي اسمعك
اذا تريدين اني عندي رجل خالتي شيخ جبير بربيعه يعرف ناس واصله بالداخليه
كرصه اذن وحده من الوزير
تخلي يجوز منج وبعد
مايشوفج خلقتو
صفنت وكلت هو ليش كاعد هيج يسوي ليش شايل همي وخايف عليه باب غرفتي انفتح ماما درت روحي منها حتى ماتشوف
دموعي حجت
ياا هاي لحد هسه مو مبدله بدلي على السريع سويت العشه وخليته
اي هسه اجي
مالك كال
اترخص اخذي راحتج
سد الخط صفنت على رقمه وظليت افكر هو ليش تدخل بيني وبين ايهم وگله
اني خطيبها ،،،،ليش هالخوف عليه رغم اني
ويا مو صلح ومبين اله اني مااطيقه ولا احب شوفته
🌿🌿🌿🌿🌿
زين العابدين
كاعد بالمجلس مال بيتنا الكل يمنا عمام ابويه
وولدهم نزحوا ويانا وكعدو بيوتهم بأربيل وگرايب
جثيرين من عشيرتنا هم لفو بها
عم حميد معنا جالس حدي اسمعهم يحجون بالصار ادحك لابويه ساكت ومنزل راسو ويسبح بالسبحه رفعو من سمع عم مهنا تكلم
نكعد هينه الما تفض ما نعكب الا نشوف الجيش
حرر المنطقه
ياعم لازم الكل تتحزم وي الجيش وتحرر المناطق الي خذوها ذوله المايخافون الله مو بس هم الي يقاتلون حنا معهم
الكل دحك لابويه من تكلم عم مهنا رد
ياولد اخويه حنا ماعدنا الاسلحه الي نكدر نواجه بها ذوله شلون تريد تكف بوجههم وهم مانعرف من وراهم ومن يجهزهم
بهالاسلحه الثكيله
وحنا بعد راح نتجهز بالاسلحه حالنا حالهم
والزلمه الحك الشجاع خله يسري معي انا وزين وولدنا بس افتهم من الحكومه
متى يتحرك الجيش والحشد ويحررون الديره
من طب داعش واحتل الغربيه المرجعيه انطت
فتوه وولد الجنوب تحزمو وفزعوا باروحهم حتى تتحرر المناطق الي احتلها داعش
حنا معك ياشيخ انا وولد عمي وكل هلي
فزاع تكلم وكمل
كلنا وياك انت والزين متى ماسريت حنا وياك نحرر ارضنا ومانخليها بيد ذوله الجلاب
كفو منك يافزاع كفو يالنشمي هذا ظني بيكم انت وباقي الشباب
ابويه رد عبد العزيز رجل اختي الهنوف تكلم
ياعم باقي الشيوخ لازم يتحزمون معنا حتى ننجمع كلنا بفيلق واحد انا سمعت راح يحشدون من كل عشيره جم واحد حتى يرحون وي الجيش والحشد من يبدون يحررون المناطق الي خذوها ذوله غربان الليل
ابويه هز راسو ورد
اي انا هم سمعت لجن بعد اريد افتهم السالفه زين يله اتحرك
ظليت اسمع كلامهم وحوارهم وره ساعه عمام
ابويه وولدهم عگبو لدراهم جالس وحدي انا وابويه وعبد العزيز وحمد
ولد الهنوف زين العابدين مال عليه وتكلم
اسري معكم ياخال
دحكت له رديت
مايصير يول حنا من نسري لديرتنا راح اخليك هينه يم
الحريم حتى ادير بالك عليهم
عكد حواجبو وضاج رد
ياخال خل مصعب وعبد الله وغيث هم يظلون هينه انا اريد اسري معكم واقاتل ذوله الجلاب
ابتسمت وصفنت علي عمرو 16سنه وشجاع وما يهاب الموت رديت
مايقبلون العمرو صغير
رد بضوجه
ماانا صغير ياااخال جبير عمر ورجال لو انت ما تشوفني هيج
اي اشوفك جبير واريدك تظل هينه حتى امن انا عايف رجال يم حريمنا
سكت وظل يدحك لي وهو زعلان ابتسمت وكملت
انا اريد اشد ظهري بك انت واخوتك وولد خالاتك حتى من نسري انا وجدك ما اشيل هم شي اكول عفت زلم ورايه وراح يديرون بالهم عليهن ومايخلوهن محتاجات شي
اخوته دحكو لي هم وولد خواتي الصغار ردو
حنا عند عيناك ياخال
كفو منكم وهذا ظني بولد الشيوخ
عم حميد جان يسمع الحوار صافن ويسبح
بالسبحه
انا جالس تذكرت جهاز هيله الي اشتريتو ملت وتكلمت مع مصعب
يول هاك السويج ،،، وجيب علاكه بها جهاز ايفون من سيارتي
فز بسرعه اخذو وسرى
عكب وره مشوار شايل العلاكه انطاها لي فتحت الجهاز شغلتو زين سالني
لمن هالجهاز ياخال
ملت علي ورديت بهمس
لحرمتي
ها اسوي لك الحساب اعرف تره
سوي
انطيتو الجهاز حمد سال
شبي جهازك عطل
دحكت له ورديت
لاا هذا هديه
سكت وكام لحيلو ترخص وطلع من من يمنا وره
مشوار ابن اختي كمل لي الجهاز وكال
هذا كملتو لك ونزلت كلشي بس بقى تنزل الارقام الي تريدها
تسلم وكفو من شاربك
ابتسم ونفخ روحو عم حميد كام ترخص وسرى كمت لحيلي ترخصت من
ابويه وزلمه اختي وطلعت
وراه
صحت
ياعم
وكف ودار روحو عليه سريت له تكلمت
من رخصتك اسري معك تاشوف هيله
هلا بيك ياولدي
رد وسرينا سوه لدارهم انتبهت حمد واكف بالحديقه الي تفصل دارنا عن دار هيله جوه شجره ويدخن
انتبه لنا طفى الجكاره سلم بايدو وسرى للسيارتو
وصلنا لدارهم طب للديوانيه وكال
تفضل يازين
كلت
يالله
دشيت كعدت هو ترخص وراح لجوة دقيقه وساريه اجتي تركض مبتسمه وفرحانه تكلمت
هلا يازين
ابتسمت لها رديت
هلااا يبعد عيناي ورمشاي هلا بالغاليه سويره
الضحكه ترست وجهها كعدت حدي وريهام اجتي هم فرحانه سلمت
هلا زين
هلا بالغلا كلو
يازين من تحب اكثر انا لو ريهام
ساريه سالتني ومبين عليها ضايجه وزعلانه رديت مبتسم
احبجن انت الاثنين
لاااا اختار وحده بس لو انا لو هي
عم حميد عگب وتكلم
تفضل يااولدي
كمت لحيلي وسريت لغرفه هيله امها جانت يمها سلمت عليها
شلونج ياخاله
هلا يمه كل الهلا
دحكت لهيله ملتهيه تعدل باللحافه ابتسمت وكلت
شلونج هساع ياهيله
مارفعت راسها لي ردت
الحمد لله
يازين وش هذا
ساريه سالت دحكت لها ورديت
هديه للهيله
ام هيله جيبي البنوات وتعالي معي
عم حميد تكلم
يله يابنات اطلعن وخل نرتب تعلوله حلوه للزين
امهن تكلمت معهن وطلعو من يمنا خلو الباب مفتوح ادحك لهيله صفنت عليهم تريد تحجي شي بس عيونها صارت بعيوني بلعت الكلام
وسكتت
تگربت اخذت كرسي وخليتو جدامها كريب عليها خليت العلاكه يمها وكلت
اخذتلج هديه على سلامتج
🌿🌿🌿🌿🌿
هيله
سمعت به شحجه مارفعت راسي رديت
تسلم بس انا مااريد شي منك السويتو لي ولاهلي كافي
مارد رفعت راسي له صافن عليه بنظرات خلتني ارتبك كلش نزلته هو مد ايدو
للعلاكه طلع باكيت فتحو
وشفت جهاز ايفون حديث تكلم
انا مااريد كل فتره اسمع هالكلام لان من اسمعو احس روحي غريب عنج انتي
واهلج
سكت شغل الجهاز وكمل
انا زلمتج صرت وبين الحرمه وزلمتها ماكو
هالتكلفه او التردد باخذ الهديه
مد ايدو بي من اشتغل ترددت رفعت عيوني له يدحك لي مبتسم كمل
هذا قليل بحقج يبنت العرب لان انتي انطيتني اغلى هديه بحياتي
عكدت حواجبي سالتو
انا انطيتك هديه
هز راسو باي ورد
اي انتي ياهيله اغلى هديه بحياتي
صفنت علي وما اعرف شصار بگلبي كام يدك
بجنون نزلت راسي من حسيت خدودي اشتعلت نار
حس بيه وتكلم بصوت مخنوك
ااحبج يولي واموت بكل تفاصيلج احبج يبعد حي وميتي ويبعد الاجدادي
مااعرف شصار بيه هبطه صارت بگلبي وارتبكت كلش تنهد بصوت قوي رفعت عيوني له صافن عليه مرتاح ومبتسم كمل
اخذي الجهاز ايدي تعبت
دحكت للجهاز ماد ايدو به ليمي اخذتو منو تكلمت گوة
تسلم يازين
ادللي ياهيله عيوني ترخص لج
ساريه طبت بزوبعه وهي زعلانه وكالت
ياازين ريهام ادكلي انت تحبها الها اكثر صدك هالكلام
دحكت لها ابتسم ورد
انا احبج الج والها بنفس المقدار ماافرق بينجن ولو شويه
ماايصير يازين انت لازم تحبني لي اكثر حتى اكثر من هيله
سكت رفع حواجبو دحك لي بنظرات خلتني مااعرف بشنو احس لهيت روحي اعدل باللحاف
ياازين رد
اختي جرتو من ايدو تكلمت معها
بسج عاد ياساريه وعيب تحجين هالحجي
اشر لي بايدو ورد
اي احبج اكثر من هيله
اااي وريهام هم
لاا تزعل اذا سمعت احبجن نفس المقدار
دحكت لي وردت
عجل وهيله ماتزعل منك اذا سمعت هالكلام الكلتو قبل شويه
دحك لي سال مبتسم
زعلتي ياهيله
هزيت راسي بلااا صفن عليه ورد
بس انا اريدج تزعلين
امي صاحت ساريه طلعت تركض من يمنا گرب بجسمو ومال وسند ايدو
على رجلي كمل وعيونو
بعيوني
اريدج تزعلين اذا شفتي مني قصور بحبج ياهيله جافيني اذا سمعتي مني هالكلام
غاري عليه وصيري انانيه بحبج لي
الگلب لو تنسمع دكاتو جان فضح صاحبو گلبي مااعرف شصار بي يدك بجنون
وجسمي غده حار
رفعت عيوني له يدحك لي بنظرات فاضحه عشگو وحبو لي ابتسم رجع ليوره وسند ظهرو على الكرسي كمل بضحك
عش جابولج مقويات اشوف الخدود غدت حمر يعني دمج فول ومابه شي
نزلت راسي بسرعه ريمه دشت شايله صينيه وهاله اصغر ابويه وامي دشو
وراهن تكلم
يله يازين تعلل معنا خالتك مسويه بسبوسه طيبه كلش
تسلم ياعم
ادحك لها راح كعد وتربع يم الصينيه يتكلم مع ابويه وامي ويضحك معهم وويا
خواتي ساريه حدو تريدو بس الها هو يداري خاطرها ويتكلم معها بحنيه
اشوف اهلي فرحانين بي كلش ومااعرف ليش ما ضجت منو مثل كل مرة
صفنت على جهازي حلو كلش ومبين علي غالي فتحتو صفنت بذهول جانت صورتي مسويها بشكل كلش حلو هالصوره ما اعرف من اخذها جانت
بيوم مهري علي واكفه يم برده وصافنه ومقهوره
من هاليوم ومخنوكه من وراه قريت الكلام المكتوب
🌿**إهجري كل الأماكن وإسكنيني... **🌿
رفعت عيوني صارت بعينو نزل راسو من امي تكلمت
اصبلك بعد جاي يازين
اي صبي ياخاله جاي طيب وويعدل المزاج
اشوفو مرتاح بالكعده ويانا وحاس روحو واحد من عدنا رافع التكلفه ويتكلم براحه وياهم ياكل ويشرب الجاي ويمدح بالسوتو امي هي وريمه
وره ساعه كام وترخص كرب لي وكال
اروح ياهيله محتاجه شي
لاا تسلم
رديت علي سلم وطلع وي ابويه من كام معه
خواتي اجني يدحكن لجهازي فرحانات بي ومن شافن صورتي تفاجأن وظلن صافنات عليها ريمه تكلمت
الزين يحبج جثير ياهيله
مارديت كامت مع امي تلم الصواني وهاله معهن ساريه كالت
راح تخليني الزمو موو ياهيله
اي ياساريه
وانا ياهيله
ريهام هم سالت رديت
اي انتي هم
يله يابنات عوفن اختجن ترتاح شويه وتنام
امي تكلمت معهن من دشت كامن من يمي ريمه طفت الضوه راحن كلهن للصاله سمعت صوت التلفزيون كعدن يدحكن لشي
تمددت ادحك لصورتي واقره الكاتبو عليها
اهجري كل الاماكن واسكنيني
هالكلام جان يقصد به شهم غمضت عيوني بتعب بداخلي انقهرت وروحي انمردت لان حسيت بشعور غريب تجاه زين
گلبي حس بمشاعر جنت احسها وي شهم
هذا الاحساس دمرني وخله دموعي تنزل ما عرفت
شجاي يصير بي وليش كمت مااشوف زين مثل الاول
يجوز لان سوه لنا الجثير ووكف ويانا وكفات حلوه كلامو وياي وحنيتو وحبو الي ماتردد يبوح به اكثر من مرة هو الي خله گلبي يلين من يمو واحس بهالمشاعر الي سيطرت عليه وخلت گلبي يدك له بدكه ماجنت اظن انها تدك الا لشهم
جهازي دك دحكت له هو كاتب اسمو زين العابدين مارديت رجع دك اخذت نفس وذبيتو كعدت فتحت الخط تكلم
كلت نمتي
لا بعدني مانمت
سكت وانا هم تكلم وره لحظه
اريد احجي معج بموضوع
تفضل اسمعك
سمعتو ذب حسرة وكمل
انتي تعرفين شصار بينا يعني تهجولنا من ديرتنا ولجينا هينه باربيل والي راح يصير بعدين ماينحزر ياهيله
عكدت حواجبي رديت
خير يازين وش راح يصير بعد
ياهيله حنا ماراح نترك ارضنا للغريب بس تكعد
الرحى نتحزم كلنا ونعكب للديره نكف وي الجيش والحشد ونحرر الديره من ذوله الانجاس
گلبي ليش هبط وهالاحساس ذبحني هو كمل
الي اريد افهم لج هو انا راح اسري معهم وي ولدنا وزلم عشيرتنا يعني اانا ما اعرف
شااحجي او اتكلم
مارديت لان الخوف سيطر عليه وخلاني اتوتر كمل
الي اريد اكوله يبنت الناس انا اريد اسري وانتي حرمتي وكاعده بداري هالاحساس راح يمدني بالقوه والراحه حتى اروح مرتاح ومأمن عليج يم ابويه واهلي
غمضت عيوني كمل بسرعه
انا على عهدي معج ياهيله وحگ الله مااخلفو معج الا يطيب گلبج من يمي لجن اريد هالشي منج اريدج بدار
اهلي اسري واعكب الكيج جدام عيوني وبدارنا
سكتت هو هم سكت سمعت طگه جداحه
السواه لنا جثير ويكسر عين اي احد وانا رضيت
به وعقدنا يعني اول وتالي رايحه لدار اهلو وكاعده به
تكلمت
الي تريدو سوي يازين
🌿🌿🌿🌿🌿
مالك
ثاني يوم طلعت من الصبح لاهلي حتى ابلغهم بالصار وصلت نزلت وطبيت لجوه
رحت للمطبخ اعرف هيج وقت ابويه كاعد يتريك وي امي طبيت شفتهم هم واخوتي نسيت اليوم
جمعه وكاعدين من الدوام سلمت
الله يساعدهم
هلا مالك تعال تريك بعدنا باولها
فهد رد رحت بوست امي وابويه هم كامو حجيت
اكعدو الزاد ماعلي سلام
كعدت يم امي مرة فهد طبت سلمت وكالت
لعد وين نوار وتاليا
ماجبتهم وياي اجيت وحدي لان عندي موضوع وياكم اريد احجي بي
خير يمه صاير شي
امي سالت ورديت
ان شاء الله خير حجيه
اخذت الجاي من مرتو لفهد سالت على مرة محمود كالو بيت اهلها امها مسويه عمليه وراحت تداريها كلت
اجر وعافيه
الله يسلمك مالك
محمود رد وكمل
خير اخويه شنو الموضوع الي تريد تحجي بي
انت تعرفون قبل فتره وسيم ابن الحجي مصطفى راد نوار الو واني رفضت
اي رفضته وحنا هم لان كلت اختو كسرت رگبتهم
هزيت راسي وورديت على محمود
الولد مو زين وجاي يتخربط جثير من هالسالفه حزت بنفسو رفضي الو وانكسر كسرة جبيره والصراحه اني خايف علي لايصير بي شي واشيل ذنبو طول العمر
ياا بعده يتخربط يايمه
اي يمه اكثر من مرة تخربط ووصل للموت واني دخت بي الولد مابي شي ورده مال الله شاغول ومؤدب ومحترم روحو هو واهلو
وناس طيبه كلش
اابني الولد مابي شي لجن سمعتهم صارت بالوحل
من وره اختو
ابويه حجه دحكت علي رديت
يابه مااريد اشيل ذنبو من وره اختو هي ولت بشرها وتزوجت والسالفه راح تنسي وي الايام اذا مو اليوم باجر العالم تنسى الصار
وتنسد السالفه
تره خطيه هو شنو ذنبه بالسوته اخته الولد حسب
كلامكم ورده مال الله وشفنا من تصوب مالك
شسو اله وشلون يحبه ويعزه يعني حرامات هيج ولد يتفوت
مرة فهد ردت امي ساكته وادحك لابويه عاكد حواجبو كال
ماراح نخلص من حلوك گرايبنا اذا عرفو الصاير
بيهم راح نصير سالفه بكل بيت
يابه منين يعرفون هم غرب عنا يعني الا واحد من عدنا يحجي يله تطلع هالسالفه
سكت دحك لاخوتي فهد حجه
يابه بالنسبه اليه اني ما عندي اي اعتراض علي
بهالوكت الاغبر وسيم يعتبر خوش ولد يعني راح نأمن على نوار يمو ومانشيل همها
والله مدري شااحجي
ابويه رد دحكت لمحمود مرتو دغتو بجتفو كال
نوار اذا موافقه علي اني موافق وظلت يمكم بعد
امي كالت
والله هو احسن من غيرو ولد مؤدب كلش شكثر جفصت بطنو من صوب مالك ماتكلم چلمه ولا رفع عيونو بوجهي هيج واحد انا امن على بنتي يمو
الكل دحك للحجي كال
هاهيه يابه على بركه الله انطيهم خبر حنا موافقين وهلا بيهم شوكت مااجوي
گلبي فك وارتاحيت كلش كلت راح يعارضون وتخرب فرحه ليان
صفنت على روحي من ذكرتها مرة فهد حجت بضحك
يله بلكي اخته الحلوه تصير هم من نصيب مالك
دحكت عليها فاصل واشوفها هي بين عيوني مره تبجي مره تضحك،،،
امي دغتني وكالت
اشرب جايك برد
هاا اي
تريكت هي بالي وسيطرت على تفكيري طلعت من يم اهلي وبعدني افكر بيها وصلت المكتب وهناك التهيت بالشغل ساعه
11 خابرني ابوها اتفقت
ويا على الموعد وانطيت خبر لاهلي رجعت ساعه وحده الظهر فتت من يم المشتل شفتها يم سيارتها واكفه ومبين عاطله وكفت
وراها دحكت عليه سلمت
الله يساعدج خير شبيها سيارتج
مااعرف اجيت بيها تشتغل هسه من ردت ارجع
وكفت ماتشتغل
فتحت البنيد فحصت المحرك شفت قايش
المحرك مگطوع كلت
هذا القايش مگطوع
ياا يعني شنو ماتمشي بعد
لاا تزحف
رديت مبتسم صفنت عليه حسيت بروحي شحجيت كملت
لا ماتمشي الا نبدل الها القايش
هاا هسه اخلي وسيم يسويها اليه
عوفيها هنا وامشي اوصلج لبيتكم
ردت بسرعه
لاا مايحتاج اروح مشي
دحكت للسما مغيمه وراح تمطر وبردت كلش رديت
تره راح تمطر
رفعت عيونها للسما صفنت على ملامح وجهها وخصله شعرها الطالعه من حجابها النص ونص نزلت راسها درت وجهي كالت
اي صدك راح تمطر
اي
رديت مختصر واني اتجنب ادحك عليها كملت
اخذ تكسي لاتكلف نفسك
لاا يابه شنو تكسي وهو بيتكم يم بيتنا
خاف زحمه
لاااا رحمه لاتنسين حنا راح نصير اهل ونسابه
رديت ودحكت عليها وجهها فرح كلش ماردت ابتسمت وكملت
خابرت الحجي وكتلو عكب باجر تعالو
ابتسمت ومااعرف شصار بگلبي جن گضبتو بايدها وبرد كالت بغصه
تسلم مالك ماراح انسى فضلك هذا طول العمر
مافضلت اخوج ورده مال الله ويستاهل كل خير
كملت مبتسم
بس هاا اني جيرانكم تره اي شي يصير على اختي مارح تسلمون مني ولا من
لساني
ردت
لاتخاف مالك اختك بعيونا راح نخليها واصلا اني وماما نحبها ونموت عليها هي
وتاليا
سكتت الدنيا مطرت حجيت
كامت تمطر خلي نروح
اعوفها سيارتي هنا
اي عجل نشيلها ويانا
هم رجعت احشش هي ابتسمت وماردت مشيت وهي وياي فتحت باب الجدام صفنت عليه وعلي انتبهت وكلت
براحتج وين ماتريدين تكعدين اكعدي
ماردت صعدت ليجدام سديت الباب مشيت ما اعرف ليش مبتسم واحس بشعور حلو وغريب
صعدت زختها حركت وطلعت حجيت
انتي تعرفين اني عندي حديقه ومازارع بيها شي يعني اذا تكدرين اريد ازرعها ورد بي ريحه حلوه وهيج يكون يورد طول السنه
اكو هوايه ورد بي ريحه حلوه مثل الكاردنيا
واالرزاقي ومسك الليل اذا تحب تشوفهن تعال للمشتل عندي هناك اشكال والوان
اي اجيب نوار واجيج للمشتل هساع مايرهم
نزرع البيشه موو لان الجو مگرمد وخاف
سكتت من شفتها
