رواية الطاغية والمغرور الفصل التاسع والعشرون بقلم يارا الياسري
واحدة من أجمل المُتع في حياتي،
هيَّ أن أغلِق عليّ باب حُجرتي ،
وأن أستغرِق في عُزلتي تمامًا
بعيدًا عن أي شخص أخر
__________
طلعوني وتخبلت اريد بس خبر ماكوو
حاولت اهدى ماكو بعد نص ساعة طلع
الدكتور ركضت وكل اعصابي تالفة
كول دكتور صحت.
الدكتور نزل راسه وعدل مناظره وتنهد
للاسف دخلت بغيبوبة ومامعروف يمته تصحى
الله يلهمكم الصبر .
شيراز حسيت بركان بروحي يريد ينفجر.
بلعت ريك وحجيت يعني شكد تنطي مدة.
الدكتور والله مااعرف اكو حالات اسبوع
اكو اسبوعين اكو شهر اكو أشهر حسب
استجابتها للعلاج النزف حاد كان
وتطلب منه عمليتين ب بأن واحد يلة
توقف ..
ترخص الدكتور وراح أبهر مد كفه طبطب
على كتفي تركت وطلعت أمشي
ضايع اتمايل بمشيتي وصافن
بهالقدر انتجيت وسندت
راسي للحايط بأحد الممرات وأبتدا الكلام
يدور براسي مثل كل شخص يمر بضرف
صعب يتسأئل ليش وشنو السبب عين
لو عدم انتباه لو حظ عاثر بلحضة سيئة
ننسى كل خير وحظ حلو طبع البشر نگار
حتى ويا الخالق مو الكل بس الاغلبية
بوقت الشدة نصيح ليش وبس اني مهموم
ووكت الرخاء نكول هذا لنستاهله .
بقيت أمشي وكعدت بالسيارة دخنت لحد
ماتعبت حركت وسقت بدون تفكير ولا
مكان بس بنص الطريق خطر أبالي منظرها
من طلعت تركض ليشش؟!!
ومنو دخل والباب مقفول وغير عائلته حجي
طاهر وأني محد يفوت منوو فات وفتحه؟!
حركت باتجاه المزرعة بكل سرعتي والغضب
مولع ناره بصدري أذ لبراسي صح لگلب
عاليها واطيها عليهم .
وصلت للمزرعة ونزلت بنيران مثل الطلقة
فتت للحجي سلمت على أعصابي وبعدني
بوقفتي وملامحي متفجرات جزع حجي
من الاخير منو فتح الباب منووو لطلعها؟!
واصلة لراسي مراح أفكر وليخطر بعقلي
اسوي فأحجوا وريحوني وأرتاحوا من شري
حجى أبنه بتعلثم وخوف أستاذ محد منه
فات بس .
شيراز:زجرت بية بعلو صوتي بس شنوووو؟؟
تنهد بخوف وكال أريد منك وعد وگلمة
تعاقبه بس ماتوصل تقتله هم عنده أطفال
بركبته صح سرسري .
هزيت راسي بمللل ونفاذ صبر رصيت بحروفي
أحجي خلصني منوووو؟!
رد يحجي والله كان سكران لو واعي مايفكر
يسويها بس تدري الشرب يعمي عيون البشر
ويقوي الشيطان .
ماتحملت أكثر خذيت الاستكان من ايد حجي
طاهر وضربته بالارضية بعصبية ولزمت من ياقته
للولد أحجي الك كافي تمرمط بيها من ساعة
متفرغلك أحجي .
بتعلثم رد زوج أختي هو لفات ومن شافها
مايعرف هاي حليلتك عباله بت ليل وووو.
شيراز بلحضتها صعد الدم لراسي احس
من الحرارة اوردتي أعضائي تريد تنفجر
وتهج من أعماقي حرت شسوي اريد شي
أفرغ كل هالغضب بي الك هالعركجي
يتعدى على حلالي ماتسمى شيراز اذ
مانزفته دم طلعت أصيح بنص المزرعة
وأدفر بالغرف أدور علي والحجي وأبنه
وراي والنسوان لازكات وحدة بوحدة
وينه طلعوووا لهالوسخ لا اطلع بروحكم .
حجى الحجي بهدوء ونبرة توسل
بوية منه جهال يخافون هالقذر طردت
من بعد ماوصلتكم ورجعت لكيت يم مرته
تضمد بي ومجروح ومن عرفت السالفة
طردت منه وولى .
رجع شيراز بعصبية وين راح وين أنطمر
هالكلب أبن سطعش گلب ووووين؟!!!
حجي طاهر:صفك بايده بحيف والله مادري
شيراز يحط يحط لو يطير بالسمة هم الكفه
والعب بحالة لعب عنوان أهله عنوان أهله بسرعة.
دز ابن الحجي لجهازي ركبت بالسيارة
وخابرني راغب يطمئن .
اي تمام لا وضعها بعده حرج .
راغب :محتاجة سفر اي شي تحتاج بخدمتك.
شيراز : تسلم ماتقصر ذخر عساك .
راغب : اعذرني هالكم يوم مامريت رنس
تعبانة وحالي مو احسن منك من مستشفى
لمستشفى .
شيراز سلامتها ماتشوف شر أي شي تحتاج
لاتترددد ..
غلقته منه واتصلت بشخصية بالاستخبارات
علاقتي قوية بي هلا أبو الاكبر .
شلونك اريدك سالم لا ان شاء الله صاعد
صاعد والك ترقية تستاهل ابو الاكبر
خوية رايد خدمة منك شخص ضرني بقضية
عائلي تخص شرف وامور خاصة وفلت
رايد هالگلب أعاقبه راح أدزلك عنوان الممكن
يكون بي مواصفاته وگلشي .
ابو الاكبر عد عيناك اربع وعشرين ساعة
وتشوف حي يرزق گدامك .
وماعليكم شر .
شيراز مع السلامة .
أبو الاكبر مع السلامة .
________
گملت شغلي وبيها عندي مؤتمر منه خلصت
وماكدرت هالليلة أروحلها وراها مؤتمر
ثاني ومن شغل لشغل بعد مامر اسبوع
وأني ملتهي عنها بس متواصل ويا الدكتور
ويا أبهر أتصل أبو الاكبر وكال لگيت .
خبرته مجموعة عندي مال حماية وراحوا
جابوا للمزرعة أول مادخلوا طلعتهم
رفعت اردأني ونزعت سترتي وأستلمته
دك ضرب لحد مانشف غليلي منه بقى
يتوسل ويبجي وأني فاقد عفت فاقد
الوعي وطلعت انفر غضب شغلت جكارة
وأدخن وأجت بنية شابة بقت تتوسل
وياها جهالها عرفتها مرته غمضت
عيوني بقوة وعفتها وطلعت حركت بسرعة
مجنونة وحتى لو أذي شيغير بوضع رحيق
أبقي لحين ماشوف وضع رحيق أذ صارله
شي ساعتها أطلع بروحه خذتني روحي
للمستشفى دخلت عليها شفتها ولاكانها
هذيج الطاغية لتوكف بوجهي مثل
لبوة شرسة الاجهزة بيها عيونها الحلوات
مغمضات
نفس صورة جلبهار لكانت بالطب العدلي
جثة باردة مابيها روح وبرودتها جمدت
مشاعري ودموعي تنهدت وحجيت وياها
كانها تسمعني
ضربوني عين لو هو قدر مكتوب
ياهي لتهواها روحي يهواها وياي عزريل
أنطي گل ما أملك بس كون الموت يترگج.
اااخ يامستقري وماي عيوني
بغرامج موقعي رديلي وهدي حيلي بحبج .
بستها من أيدها ومن راسها بلعت ريك
وهمست باذنها كوني قوية يالبوتي المجنونة .
طلعت منها وبداخلي حسرة عليها العشك
من يسطر الواحد يخلي ليله من نهاره مايعرف
_______
لارا .
بعدها رجعت من المستشفى للغرفة ارتاحيت
وغسلت رحت للمطبخ أشوف شنو أكل
وأتصلت فاطمة بية هلا فطومة
شلخبار شكو ماكو شصار ؟!
فاطمة :ماكو بعدها أمي احتمال اليوم تروح.
انتي وين ماوين؟!!
لارا :بارض الله الواسعة اووف شردت وعفت
كلشي وتالي ماحصلت لازم اتعب بشغل بشي
حتى أكدر أعيش هنا .
فاطمة: الله كريم دوري وتلكين أني اذ
راحت أمي ورجعت وعرف منها شي
أتصل بيج .
لارا :اي حبابة باي حب.
غلقته منها وصفنت أوفف شوية وأجه
أبهر باوعتله طالع .
ابهر :غيريملابسج خلي نتغدة براا.
لارا :شكراً أخاف مو كد المقام.
أبهر :أكيد أقل من مقامي بس يلة .
لارا: تخصرت وعصبت من كلامه لا بله لعد
روح لوحدك ماروح .
أبهر :بكيفج ابقي على الجبن والكيمر
وعافني وطلع بقيت ادردم بغضب وتذمر
يا ذوق سزز اروح أگل ولا ابقى بجوعتي
أكلت بقيت أكلب بالtv ماحسيت الا نمت
وكعدت وين أباوع دنيا ليل ظلمة والساعة
ب٨ كمت غسلت وجهي وگعدت مكتئبة
صافنه وايدي على خدي شوية وأنفتح
الباب دخل أبهر كال سلام وراح لغرفة
بقيت بكعدتي متنرفزة نومة المغرب والكعدة
بالليل تلعب الروح .
شوية وأجه گعد مقابيلي
وكال بنبرة أسف
أبهر: مو حرام لبعمرج وبجمالج تتخذ هالطرق
لارا بعقدة حاجب : أي طرق ؟!!
الهروب التشرد ترك عائلة خلفج والمجيء
على هدف ياريت هدف يسوة .
أنت شدراك ؟!!
أبهر: احم تحممم سمعتج من تحاجين صديقتج
لارا بعصبية ونرفزة گامت ورفعت اصبعها
بوجه وبنتر وقهر حجت ترى اذ كاعدة ببيتك
مايعني حقك بالتسنط والتجاوز على خصوصيتي
عيب بحقك خلي رزانة أدب شلك دخل بية
وتتسنط وتسمع حديثي.
أبهر: رجع رد بذات الوتيرة الي دخل وحدة
عايشة بشقتي يعني تحت مسؤليتي
وياريت بالغ عاقله مراهقة مجنونة لاطشة
لارا تخصرت: أياااابة شكد مؤدب لعد خاف
عبالك مافهم دروبكم تبين روحك خلوق
المحترم وتحاول تستغلني لاتشوفني قبلت
ابقى هنا بس لان خالتي قبل لا تصخم بهالغيبوبة
كالت روحي ويا ونلتقي لاعبالك واثقة بواحد
مثلك ولو أنجبرت أكتلك أقتلك الا شرفي
صح شارده من اهلي بس مابايعة روحي
والي اسبابي وحق ومالك حق تسالني حرف
عايشة وياك اعتبرني مستأجرة اول مأشتغل
أدفعلك لاتخاف ماكل حقك .
أبهر بخزر : أنتمتصورة لهالسبب أكول
هالكلام .
لارا بتحدي لعد لبوية .
أبهر : اي لابوج تركتي وراج أب اخوان
عائلة بأكملها مافكرتي بيهم شلون
تكدرين تصيرين أنانية .
لارا: شلك دخل بعصبية شلك دخل؟!
أبهر : خزرها بحقد طبج طوب بس خلي
كلامي حلقة باذنج ليطلع من داره يقل مقداره
ولتنطي باهلها محد يحترمها ولا يكلها عاشت
ايدج.
وعافني وطلع تعصبت هواي بقيت افتر بقهر
هذا بس لا يروح باله بعيد اووف ياربي
يعني خالتي وقتها وقتها يصير هيج بيج
من على حظ لارا تصخمتي خرب بوعدي
المصخم دك الجهاز رديت هلاو فطوم ها
بشري؟!
فاطمة : اليوم دزيت العصر أمي وراحت
لارا : بساعج الزبدة شنو مسوين ؟!
فاطمة: لج خرب عفية زلم لو رادوا يسترون
على سالفه يستروها ولو رادوا فضيحة
يفضحون حتى لبطن امه امده هالمجتمع
لمخلين بيدهم وبكيفهم.
لارا : خاب احجي صارلج ساعة تمضغين بيها
احجي.
فاطمة: باعي أمج كايلة مسافرة عد عمتج
بالعمارة لان مريضة وحامل .
لارا :يا شوف الجذبة وعمتي هاي حتى مانحجي
وياها .
فاطمة: المهم بس الي اتوقعه ابوج وعمج
هذا الاكبر من غسان
لارا عزيز ؟!
فلطمة :اي هم ببغداد لان كايلين عساس عدهم
شغل بس اكص أيدي أذ مايدرون عليج.
لارا :يطيرون مايلكفوني كاعدة ويا الجني
الاحمر أهم شي بالناصرية محد يدري.
فاطمة : يعني ماانفضحت السالفة ستروها
بسكتة وها نسيت امج همات شيعت هي
ونسوان عمج عساس أنخطبتي بالعمارة
اول ماتتعالج عمتج تتزوجين هناك يمها
مو كلتلج ضموها للسالفة .
لارا : يلة همزين تعالي دبريلي رقم أمي
الجديد أذ مشترية .
فاطمة: اي اروح واكلها لارا تريد رقمج .
لارا :مو هيج يالثولة حمارة انتي حمارة
بغير طرق ورسلي هنا يله باي.
غلقته وعفت على الميز كعدت متكتفه
واعضعض بشفتي بتوتر عفية ابوي حتى
لو أريد أموت وراي خرب بحضي اني
لازم أفكر بحل والحل لازم أوكع ابهر
بحبي أي فرصتي عد مال وفلوس أذ
تزوجني وصرت بذمته محد يكدر يوصلني
قابل أضل متشردة وأشتغل وأحقق نفسي
عود بعدين أنطي كارت طرد من حياتي
لازم أخطط لهالموضوع زين وألفت أنتباه
وأحسس شكد كيوت وبرئية أني مبين
واحد مو صعب وسهل يوكع بالحب وعلية
مايصعب شي لازم أشتغل صح حتى
أوصل بسرعة لكلشي أحلم بي وأحقق
من هروبي شي .
من بعد هاليلة أبهر يجي حد السلام ويجيب
الاكل وخالتي بحالتها مارحتلها بعد لحد
مامر تقريبا اسبوعين ونص ورحيق ماصاحية وبهالفترة أبهر تحاشيته مو علمود شي بس
ماريد أنطرد وأديح بالشوراع وأريد ألف
علي وأذ صار بينه هواي مشاكل بدل مايحبني
يكرهني كاعدة وافكر اول نقطة لازم أثير
شفقته حتى لو كذبت لازم اخابر فاطمة بحجة
مادري موجود وابجي واخلي يسمع كلامي
وبالفعل صادف يوم خميس بالليل اجه
ودخل لغرفته وأفضل حل هو هالوقت .
لان يطلع للصالة يباوع تلفزيون لزمت الفون
وسويت طكطكه واتصلت بفطومة .
هذيج ابجي واحجي بصوت عالي وهي
تكلي شكو شبيج مامفتهمة شي .
سويت روحي كولش راح اموت باوعت
لخيالهبالصالة زدت أناشغ بصوت عالي مسموع
وابجي بحركة كله من وراهم وين كانوا
من يتحرش أبن عمي بيه من كلت محد صدك
كلكم جذبوني وطلعوني مااستحي خفت على
روحي شسوي ماشفتيهم يردون يزوجوني
لواحد بالخمسين عمره مشيب ويشرب عرك ولده
اكبر مني خلي يموتني بس مو يخلوني اتعذب
ويا شايب وزدت بجي ومناشغة .
يله روحي لاترزلج امج باي سديته وبقيت ابجي
عود وبقلبي ادعي يارب سمعني سمعني .
هو فضولي مامعقولة سمع صوت البجي وماتسنط.
شوية وصاح لارا .
رحت وعيوني حمر من الفرك كال
بيج شي صاير شي .
لا لا احجي وبخة بصوتي .
أبهر عاف الريموت من ايده وكال تعالي
كعدي ارتاحي شبيج عليمن البجي على
خالتج ترى تتحسن وغيبوبة ولا ميتة .
لارا لا هذا قضاء الله وقدره ماعترض علي
ان شاؤ الله تكوم وترجعلي .
أبهر لعد شنو عليمن هالعيون حمر ؟!!
لارا : بقهر على روحي وبجيت تذكرت شكو
شي حزين شكو دمغة ماخذتها حتى تنزل كم
دمعة تذكرت موت الابطال بالمسلسلات ونزلن
دموعي حتى لحنت لحن حزين براسي حتى
ابجي ماكو شي بس المشاكل وراي وراي .
محد يكول ليش تصرفت هيج شنو صار
اني تعبت نفسيتي تعبانة كلشي بية
شردت واعرف خطأ بس هم دمروني دمروني
وهسه لاحكيني يردون قتلي مثل لمسوية
عيبة والله اني ماطلعت منك علمود احد
ولا علمود اتنازل عن شرفي ردت أعيش
بس اعيش مثل البشر مو مثل العصر الحجري
اطلع امشي ادرس اشتغل افرح بروحي
مو انحبس للذلة والمهانة .
تنهد أبهر وبينت ملامحه متعاطفة وياية
شبك أصابعه وكال
أبهر : انتي بعدج صغيرة
ومن قدمتي بهيج فعلة مافكرتي بجوانبها
فكرتي بجانب واحد هو الخلاص هسه
تصرفج غلط غلط وطايح حضه بس اهلج
بعد مادامج وعفواً على الكلمة بعدج عذراء
وماصاير شي وياج المفروض يرجعونج
ويصححون اخطاهم .
لارا بعصبية ودموع: أنتَ شتحجي هالكلام
عندك عند غيرك هناك ايدهم والذبح شنو
شارده وصارلي ايام وأسابيع وتريدهم
يتفهمون هم عمر وياية مافهموا.
شبية ماراح تفهمني
وبقيت ابجي بانهيار شو هاي
دموعي نزلن عشرة عشرة فلك صابهن
كلت نزلن مو فيضني ونزلن ووجهي انكلب
أحمر .
أبهر : البجي مو حل .
لارا : والحل شنو ؟! من وحدة تشرد تكولوها
اكو حلول ثانية هسه بالله اسالك وحدة
معنفه ومطيحين حظ حظها ودراستها
مبطلينها شغل ماكو حياة ماكو طلعة
ماكو بس عنف بالبيت وضرب الحل شنو
غيؤ الهروب انطيني حل .
أبهر : الصبر ربما الله يفرجها عليها
لارا : الصبر ضحكت بابا الصبر مل مني
ابقى صابرة لحد مانحرك لو انذبح على
ايد زوجي لو على أيديهم وببساطة
كالوا جريمة شرف حتى قانون مايعاقبهم
اليد بالمي مو مثل ايده بالنار
العنف الجسدي والنفسي واللفظي مايخلي
بالانسان عقل ولا تفكير يريد يخلص وبس لا تلومني .
هناك علمود لكمة وهوه شابعة طن ذل
واهانة من قررت أشرد مو حتى اديح
لو اصير مو خوش علمود اعيش ماتبقى من
عمري باحترام أشتغل واعيش نفسي لا ضرب
لا ذل واخلص من المهانة
أبهر :ليش واثقة هالكثر العيشة سهلة .
اقل ايجار٢٥٠ وشغل ماكو شتردين تشتغلين.
لارا :حتى لو خدامة ولا انذل ببيت اهلي .
لو يزوجوني لواحد بعمر جدي.
تنهد وگال خصمي الكلام. وكومي خلي
نطلع تغيرين جو شوية ووجهج ينعدل
أنخبط لونه.
لارا طكني الكبرياء صفح لا مشكور
ماريد أكلفك .
ضحك بخفوت وكال
أبهر تكلفة اي مو راح اوديج للمالديف هو
يم ابو الفلافل وأرجعج .
ضحكت ورفعت اصبعي ببراءة طفلة
وصغرت عيوني بستوكلني فلافل حباب
مشتهيتهن .
ضحك وكال
ابهر بس فلافل يابة حاضر كومي يلة.
خليتها تكوم وصفنت متعاطف وياها
وبنفس الوقت تنرفزني تصرفاتها واعصب
منها واحس تصرفها اناني بس جانب
بداخلي يحن ويكول هاي مراهقة وغلطت.
المرح الخبال بشخصيتها ضاف لحياتي
هواي تغيرات تغير جو عن الروتين الممل
الي أمر بي شوية وأجت .
لارا لبست جينز وقميص سيلفي بلون
الاسود وشال وردي فاتح وكفت بحماس
طفولي جاهزة ورفعت كتفي .
اخذ السويچ وكام طلعن وصدوك فرني بالمنطقة
وأشرله ويجاوب
ابهر هاي اغلبهن عمارات شقق
لارا :شكد ايجارهن
أبهر :يعني ٢٥٠ أو ٣٠٠ وحتى توصل بيهن٤٠٠ .
لارا شدعوة هي خلك شقة قابل بيت
بالمنصور .
ابهر :ضحك ترى هالمنطقة راقية .
لارا :اي وأذ مابيها فلافل
ابهر :ههههه عقلج ببطنج هسه أركن على
محل
لارا :لا فدوة اريد من ذوله لبشارع.
أبهر :باوع لبرائتها وجفصاتها ولحد ماوصل
لبو الفلافل نزل أشتر أربعه قبل لاينزل
كلتله من الجامة كثرلي عنبة وحار .
وياك ببسي. أشراهن واجه
باوعتله أي عاشت أيدك يوم عرسك
وتوكلني مفطح .
أبهر :امين .
لارا: بمكر داخلي وبراءة بشكلها شعجب
مامتزوج وشنو سبب هالاثر بنص
وجهك ؟ وين اهلك ليش لوحدك؟!
أبهر : وهو يسوق اول شي خلي نصف
بحديقة بشي حتى ناكل وأسولفج
بس ليش هالاسئلة.
لارا : أنتَ تعرف كلشي عني من حقي
اعرف أعتبرني صديق .
أبهر :ركنت السيارة فتحي الجامة وبلشي
أكل عوفي السوالف .
لارا : لا الاكل مايحلى أذ ماكو سوالف .
أبهر :وهو ياكل تنهد اثر وجهي سالفة طويلة
مو مال هالوقت أهلي والدي توفى وعندي
عمي كنت عايش ويا وابن وبنت عمي .
وخالي شيراز وعندي لعد خوال بس
كلمن حاير بروحه وجدتي ام أمي عايشة
وحالياً امي ببيت خالي شيراز وأني بين
هنا وهناك وأكثر شي هنا أرتاح بشقتي
لوحدي .
بعد شتردين تعرفين؟!!
لارا : الاثر؟!
أبهر : مو كلتلج مو وقتها .
لارا : لا قصدي ورا سالفة بنية حجيتها بطريقة
سريعة بدون تفكير أنجفل وسرح
وبين الضيق بوجه وكال
أبهر : أكلي اكلي ام العنبة .
لارا لو مو ليل حنى بصل أكل وياها وثوم
مطيبات الاكل ذني.
ضحك وكال
شلون فنانة مستقبل مليانة روائح خميلة.
لارا :لعقت شفتي بعد مارشفت الببسي ترى
صح فنانة وكذا بس ماحب سوالف التنغوص
أكل ليعجبك .
كملها أبهر. بضحك
ابهر: والبس ليعجب الناس .
ضحكن أثنينه أكلنا بهدوء بس حبيت
أتعرف أكثر علي وماعندي غير أتصرف
هالبراءة صدك أبهر شتحب تسمع شعر
أبهر: شهالسؤال ؟!
لارا: شبيك كاعدين بعزاا خلي نسولف اي
ذي ماعرف أسكت أتوتر بالسكوت .
أبهر: هواي أسمع مهند العزواي ايهاب المالكي
وفصحى مرات أسمع يعني الشي الحلو
والمؤثر ينسمع .
لارا : مهند كولش حلوات اشعاره احساس
وانتقاء مفردات فد شي تحس رهيب شعره
يوكع على الجرح.
أبهر : صح الشاعر والكاتب فنانين بطرق
مبدعة يوصلون لاعماق الانسان وبنص
سطورهم لابد ما تشوفين جزء بسيط
من حزنج المج لان دائماً يكونون واقعين
.
لارا :اي صح دناكل ودك جهازه رد .
اي يووم لا طالع صاير شي؟
سمر :لا بس لا انت ولا خالك تجون عبالك
خطار وترحون ابني شصاير؟!
أبهر : ماكو شي مو كلتلج رحيق ضربتها
سيارة وبالمستشفى.
سمر :عساها بالموت شلكم دخل مدوخين
راسكم وخالك ذاب كومة فلوس عليها
أبهر: يووم هالكلام ماحلو بحقها لصارلها
بسب خالي طبعاً يعالجها هسه عموماً .
مسافة الطريق يمج .
لارا : شفته أنقلبت ملامحه. سكتت
كال بتعب خلصتي .
لارا :هزيت راسي لملم البقايا بالعلاگة وكال
بالبيت نزليهم بالحاوية وحرك وصلني للشقة
وطلع بسرعة .
شكلها أمه مسمومة يلة عمتي المستقبلية
بشكل حية رحت غسلت اسناني
وبدلت ونمت تعبانة ..
مر اسبوع ثاني ورحت لخالتي هناك
شفت شيراز ويا بنوات صغيرة بس
شنو تخبل بس مو احلى مني
أبهر: هاي منو ؟!
_ بت خالي .
لارا: خالك متزوج؟! شكد عمره ؟
ابهر خزرني أطلعلي جنسية أرمل وعمره
ثلاثيني .
لارا: بضحك يا ثلاثيني جاد مستعد للزواج
هههههه .
أبهر محاول يكتم ضحكته انتي ماتجوزين
لارا :اغير جو النكد يقصر العمر.
أبهر : والتفاهةة.
لارا: أخت البرتقالة
ابهر :ههه خرب شكد تافهه .
لارا: منية .
خزرني وكال
أمشي امشي .
رحت سلمت وشفت هالحلوة كاعدة
وصافنة رحتله هلووووو.
خود :هلاوات .
لارا :ايش أسمج ؟!!
خودان ودلعي خود .
لارا : لعد اني اسمي لارا ودلعي ليرة.
باوعتلي بنظرة وضحكت .
خود :ماحلو دلعج .
لارا :أكولج شو اسمج غريب ؟
خود : لا اسمي خودان .
شوية واجه أبهر
خودمشتاقلج .
خودان : واني بعد شونك .
ابهر : كرص خدودها زين وانتي ؟!
خود : زينة صرت أكل حتى ماما من تكعد
ماتزعل مني.
أبهر :عفية بالشاطرة لتسمع الكلام.
لارا :بخبال منو امج حبيبتي امج ميتة
الله يرحمها .
خزرني أبهر وهاي نطت بوجهي
خود: ماما هنا ماميتة تحجي بعصبية .
وابهر : يغمز بعيونه .
واني مسطورة شنو ماما شنو صخام خالتي
ماصارلها ست اشهر من شردت وهاي
عمرها سنين.
ابهر :هو يهدي خود تشاقة دمها خفيف هاي
تصير بت خالتج .
خودان : شلون يعني؟
ابهر: يعني مثل نور ومعصومة.
خودان : اي بس هاي اول مرة اشوفها.
أبهر :اي حبيبتي كانت دايحة اقصد مسافرة .
شوية واجه شيراز اخذها لجوه تشوف رحيق
اني. بوجه ابهر شكو ؟!خالتي منيلها بنية؟!
أبهر :تنهد صعد صدره ونزل ابو عضلات
سالفة طويلة.
لارا :بتذمر ترى موتتني والحمزة كلساعة
سالفة طويلة دحجيها وريحني شعدنه
ابهر: مختصرالقضية ام خود تشبه رحيق
لدرجة مو معقولة .
تم التسليم في 10:09 م
شوهدت ٥١ مرّة
لارا :بتعجب يا سبحان الله يخلق من الشبه
اربعين بس هاي وين بالعراق
أبهر لا بامريكا.
لارا :شبيك اخذني بكد عقلي تريد اصدك
الصدفة جمعت رحيق بواحد زوجته المرحومة
تشبها مسلسل هو مسلسل.
ابهر :هز كتفه أسالي القدر والصدف لا تسأليني
من قبلج تعجبت بس بالنهاية ماننكر أكو
ناس تتشابه لحد كبير .
لارا : اعرف هالشي مو غريب الغريب ان
تلتقي بناس مايفرقونا بينها وبين شبيهتها
ابهر : على كيفج مو لهدرجة شيراز
واحنه من ركزنا نعرف تشبها بس خود
طفلة ومجروحة على امها عقلها بعده..
لارا : هلبت اني شبيها صخام مرت وزير
ضابط حتى لو فنان .
أبهر بيج شي ؟!
لارا لا داكول ياررب يكوم خالتي بالسلامة.
أبهر امين .
بعد ماطلعت خود فتت شفتها اجهزة مربطة
جهاز تنفس وشگلها كعدت يمها وحجيت
خالة بروح ابوج مو تموتين فدوة اروحلج
أضيع من دونج اتحسني ورجعلي
بسرعة ها مو تنسيني انسي العشيرة
كلها بس اني لا فدوة لقلبج .
يعني شكول بقلبي كلام هواي مو مال
احجي لانسان مو واعي خليت وطلعت
بعدها اخذني للبيت أبهر ومر هاليوم مثل
غيره ومر اسبوع تالي بعد وبهالاسبوع
مااجه أبهر ومسوك هو أسوي بالبيت .
لحد ماجه يوم أثنين الضهر للعصر
نايم اني كاعدة ضايجة من النوم
صافنة على القنفة
ضايجة وابربر شافني ابهر بدل
ويريد يطلع اجه قرب يباوع بشكلي
خزرته كال
أبهر بسخرية :شبيج ؟.
باوعتله وعيوني طافرات عوفني عندي عمل
مهم .
أبهر :ضحك وكال وهو ؟!
باوعتله بنظرات حادة ومخيفات فتحت
عيوني
كاعدة اسولف ويا أبليس وكلساعه أهفه باية الكرسي
أخلي مايندل شماله من يمينه شلوني ؟!!
ابهر: طكها ضحكة من كل گلبه ههههههههه
خرب أبليسج ههههههههه شلونج
عوزج تشكين هدومج ونوديج للشماعية.
الله يكملج بعقلج هههههه طالع رايده
شي يامحاربة أبليس .
لارا :خزرته لا شكراً .
ثاني يوم اجه ولكاني كالعادة مصفنة
كال بتساؤل راح أقترلحج شي اذ وفقتي
زين واذ ماوافقتي بكيفج .
باوعتله بترقب وهو ؟!
أبهر : تعالي كعدي
لارا : گعدت وهو مقابيلي
أبهر : شوفي راح ادربج على لاب توب
وشلون ادخلين ملفات بي لان بشغلي
نحتاج هيج امور وشغلات ثانية يعلموجياها
اذ عجبني شغلج أشغلج بصورة مبدئية
زراتب بسيط وتشتغلين هاي همات تعتبر
خبرة اذ ردت تشتغلين بغير مكان .
لارا :بفرح كمت من مكاني صدوك اي موافقة
بدون تفكير وشروط يمت نبلش ؟!
أبهر هالكد متحمسة.
لارا: طبعاً لو تعرف شكد متمنية أشتغل
وأعتمد على روحي من صغري أحلم
اصير هيج مسؤلة موضفة فد شي بعني
يومية اتكشخ وانزل احس بروحي عايشة
مو يومية انضف واكل وانكتل ممحية
شخصيتي.
أبهر : لارا اذ ناوية تنجحين بمستقبلج وحاضرج
انسي ماضيج مدامج أتخذتي هالخطوة وتركتي
كلشي أتركي ىالتفكير بي .
عيشي قوية لا تسمحين لحد يستغلج
لاتضعفين ولا تنهارين قاومي للنهاية .
لارا : تنهدت واجتني جرعة حماس وقوة
اي نحن منتصرين رغم الصعاب بقوة
الله النصر حليفنا .
ضحك أبهر بصوت عالي. هههه لج موديج
تحاربين داعش .
لارا بذكاء لا أحارب الحياة وهاي دهاليزها
أرعب من داعش .
أبهر : فعلاً
وهنا أبتد يدربني مرات العصر ومرات بالليل
الصبح بالشغل. فمرة كاعدة يم ومحضرة
كابجينو عشتو نصحصح .
أبهر :يلة شعلمتج البارحة .
لارا : علمتني أفتح واسجل دخول للورد
وووو ونسيت كلشي
أبهر :بعصبية شنو هاي ترى مايصير اولها نسيت
ركزي راح أشتغل كدامج فتحن منه نسويله
ري فريش ندخل على الوردالورد للكتابة لتصميم
الجدوال وتحفظين هواي امور بداخله .
لارا : اي الورد سجل ملاحضات.
أبهر : هههه يلة .
لارا :داسوي بي وكلتله اكولك فد سؤال هسه
اني لو حصلت خبرة أكدر أشتغل بالفن.
أبهر :ضرب على رجله بغضب يافن انتِ
متصورة بالعراق اكو فن گل واسطات
ومحسوبايات وبعدين شتحصلين
هو يطتلونا روحهم عمل عملين بالسنة
ترى الاغلب عايشين على الاعلانات النشر
السوشال ميديا بس الاسم فنانة شلج
بهالدوخة ليش ماتفكرين تكملين دراسة
وتحصلين شهادةبيها حظ بعدج صغيرة
والحياة كدامج الشهرة كد حلاتها مشاكلها
تهد الروح.
لارا : شنو يعني الشهرة مو حل لا اني احب
اكون مشهورة حتى لو بالسوشال ميديا .
ابهر بمزح أي ركصي طلعي مفاتنج اشهر
وتطشين .
لارا :سدها سدها بعد بوجهي .
أبهر أشتغلي وسكتي .
_______
بعد مرور شهرين ونصف
شيراز :كنت كالعادة بالمستشفى بعد ماكال
الدكتور وضعها تمام ايدها تشافت والرضوض
تعالجت وحتى جرح العملية لبراسها مستمر
بالئتام بقت بس الله يمن عليها وتستفيق
بيومها خود أصرت تجي وياية وبقت تبجي.
فكان العصر ماعندي شغل جبتها وأجيت
بالاول دخلت اني وخليت خود مع. أبهر .
جاب هالمصرگعة لارا وبقوا يم خود .
فتت وكعدت يمها مثل كل مرة أحاجيها
واحاجيها بلكت تحن للكلمات وتكعد
بلكت تشوف حبي وتبطل نوم .
يامحبوبة گلبي وماي عيوني .
أحن لخبالج وعنادج ولسانج لطول
مترين .
تم التسليم في 10:09 م
شوهدت ٥٣ مرّة
أني من گل گلبي مشتاك لزراك عيونج
رحيق عدنا هواي امور نعوضها نعيش حب
رومانسية واعترفلج شكد الج بگلبي عشك.
رحيق بديت أفتح عيوني
و الغواش واضح صداع ريك يابس
كاني بعالم ثاني وجع خدر مااحس
باي جزء بجسمي
أكو شخص أسمر يمي أول مافتحت عيوني
حضني بقووة بلهفة وهو يكول الف الحمد الله.
رحيقي كعدت راح اصيح لدكتور كام بلهفة .شيراز من شفتها تفتح عيونها حسيت لقلبي جناحات ويطير رجفة فرح مشاعر لهفة مامصدك ولاعرف شسوي حضنتها وبوستها ورحت للدكتور اركض بلهفة
