رواية خفايا القدر الفصل التاسع والعشرون بقلم انين الروح
اسمع الكل يعيط
النوب اني المغص دمر بطني سجاجين صار تذبح بيه
ماعرف شجرالي
لازمه بطني بس ما اكدر اتقرب اخاف انضرب بأحد
واشوف بين الهوسه يرفعون شخص لابس قاط
المشكله جراح والعريس فهد طارق لابسين قوط وهم سوده
بس كمت اسمع اسم جراح ينذكر
كمز كلبي وبديت ادافع بالناس وعيط
شفتهم يشيلوه وجتي عيني عليه
وجان اعيط عيطه سكتت كل الموجودين
ولك جرررررررررررررررررررررررررررررراح
الزمته من راسه واشوفه غركان بالدم
قميصه الابيض نكلب احمر
ابجي وعيط
ولكم لتاخذووووه عوفوه يمي
ملخت روحي وجهي مينشاف من الخدوش الصارت
طارق ضاغط ع مكان الاصابه
بس يرفع يده
الدم يصير طشار
حاضنته وبجي
جراح فدوه اروحلك بس جاوبني
جراح انت تسمعني
لك جراح جاوب عليه
جراااااااح لتعوفني جراح
ولدي ماريدهم يتيتمون مرتين جرااااااح
اسمعني وكوم
كوه شالوني من حضنه
طارق والشباب شالوه بالسياره
اعاين ام جراح غمه عليها والناس هم كامت تركض بيها
الحجي ابوهم وضعيته تعبت
البنات ع فد عيطه وبجي
اني من كثر العياط والبجي حسيت بطني راح تنفجر
صرت اصرخ ابعالي صوتي
لج زيننننننننب لحكيلي راح اموت
زينب .هم مخبوصه وتبجي
رحتلها زحف ع اركبي ما اكدر اوكف من شده الالم
زينب لحكيني راح اموت سجاجين ابطني
جاي اتكطع بيه فدوه وبجي 😭😭😭😭😭
بيه مابيه ادحست روحي بسياره ويه زينب وماعرف منو ويانه جان صاعد
واصرخ ماعرف ع جراح ماعرف ع الوجع العندي
وصلنه للمستشفى ونكلبت كلاب الناس النزلت يايمه يسدون عين الشمس
لج زينب ما اكدر انزل ارحميني
كوه كمت واشوف الدم اخذني
كمت الطم ع روحي وعيط
ركضوا جابولي سديه ودخلوني قسم الولاده
زينب ورقيه ورضا كلهم ويانه
اقبال .بس اريد افهم هاي شجرالها رهف مشوف جراح ابيا حال وهي تتنعوص ع الم عندي ما الم
رقيه .انتي شجاي تحجين ولج يا الم هي غير اخذها النزيف
اقبال ..هي بيا شهر
يمكن بالسابع
اي عادي يجيبوها يعيش الطفل اذا الله كاتبله عمر
رقيه ..الله ليكولها اقبال هاي اشبيج انتي
المن نركض الرهف الجراح
هاج شوفي المستشفى شلون انملت والامن جاي تطرد بيهم
اي عادي احبيبه مو اكو ناس مالها داعي تجي
هاااا هيج رايج يعني جراح مايستاهل يركضوله ليش شكد ركض للعالم
لا احبيبه بس هاي مستشفى مو ديوان وسلف حتى هيج يتكومون
كافي اقبال تره حجيج هذا مو وكته
زينب .عيني دكتوره فدوه شلون وضع رهف والطفل
الدكتوره ..لازم عمليه جراحيه هسه لنقاذ واحد منهم
ليش دكتوره شنو السبب
عزيزتي الام صاير عدها تعكر ابمي الراس
شنو يعني تعكير ابمي الراس
عدها تسمم وهذا يخليها لو هي تفقد حياتها لو الطفل
والحل شنو دكتوره
لازم عمليه هسه لان منلحك ع انقاذهم بس اتوقعون ع مسؤليتكم
لان الوضع حرج تماما عليهم اثنينهم
اي دكتوره اني اوقع
عزيزتي ميصير انتي وين زوجها
زينب اني ابجي وحال الظيم حالي ما اعرف اخوي شجراله
زوجها اصوب هسه وهم ناقلي للمستشفى وما اعرف شنو وضعه
اي عزيزتي ام الزوج اخو البنيه وينهم
دكتوره ..احنه جنه بعرس ورجلها اصوب ام العريس خربانه والبنيه ماعدها اخ شلون بهيج حاله
د.......روحي للاستعلامات وفهمي شنو المطلوب
واركض اني وعلياء مريت بالممر وشفت النسوان
اقبال ..ها شصار ويه هاي ارهيف
زينب .عوفينه من رهف شلون جراح
دخلوه صاله عمليات
وطلع مساعد الدكتور ..محتاجين دم زمره A+
المريض فاقد دمي هواي
وتراكضوا الزلم عالمختبر حتى يتبرعون
عفيه بس طمني اخوي اشلونه
بعده جوه ايد الدكاتره
رحت صحت طارق ورضا
رضا رهف لازم تسوي عمليه قيصريه هسه لان وضعهم اثنينهم مو زين تكول صاير عدهم تسمم
ولازم انجيبها عمليه وتوقعون ع احسابكم
ف كالتلي امر ع الحسابات استعلم شيدرون ولازم انت ويايه
رضا .ماتكليلي هاي شجاها الثانيه هي هسه وكتها خلي اتصبر ع حالها
رضا قابل هي بيدها اكلك المره متسممه
يله يله امشينه
اي انه ع مسوليتي جاي اوقع
لان رجلها مصوب وهم يمكم جاي يسوله عمليه
وقع رضا ودخلت رهف العمليات
وانه الوب رجل يم رهف ورجل يم جراح اثنينهم داخلين عمليات
ساعتين وماكو شي عنهم اثنينهم
جنت واكفه انتظر
طلعت السستر وبيدها الطفل ودته عالخدج جابته اسبيعي كله ابكد جف يدي
شنو ناوين اتسمون الطفل
جبل جراح عيوني
بس طمنيني شلونه
هسه تجي الدكتوره وسئليها
زين امه لطفل شومطلعت
اي بس يخلصون يطلعوها
عافتني والطفل بالخدج وراحت
عيني ع الطفل سبحان الله
تحمله وهنا وتضعه وهنا
كله مشقه في مشقه
ويكلك انتي شمسويه شمقدمه النه ناقصات عقل مايدرون عقلنه صار بيهم وبكالسيوهم
اطمئنيت ع جبل وامه عفتهم وكتلها العلياء عينج ع جبل
رحت واشوف خبصه بالممر
ها اقبال شكو
هاي جاي تبجي وتولول ..يمعوده ليش هالبجي
لج اخوج ابن عمتي سوده عليه راح يروح من ايدنه
شهالحجي فال الله ولا فالج
اكلج اخوج مااااات
يمه كمت اعيط وملخ رووووحي ولطم وي حسي النسوان تلطم وتعيط
يمه نظر عيني مااااات ولج يمه وعيط
فهد ..هاي اشمالج زينب
ولك اخوووي مات يفهد
لا بويه ما. مات بسجن بجي
اكلج وضعه خطر طلع توه الدكتور يكول دخل غيبوبه اشمالج انتي
ظليت ابجي 😭😭😭😭 وحجي ودعي من الله يكومه بالسلامه
اشوفهن يبجن لو يسولفن
عطت بيهن بدل ما اتسولفن ادعن يكومه
بالسلامه
اروح ورد عليهم شلون مصيبه ياربي اثنينهم عمليات وثنينهم حالتهم صعبه
هاي وين جانت مظمومه النه
طلعت رهف اخذناها للغرفه تهذي وي حالها وتصيح
جراح بيتي
جراح حبيبي
جراح لتعوفني
النوب ع هذيانها كمنه نبجي
اني طكت روحي بعد متحملت خليت وطلعت رحت اشوف جراح
هاااا فهد شنو الاخبار
والله يازينب يكلون حالته خطره
الطلقه قريبه ع كلبه حيل
والنزف مجاي يوكف
واحنه نحجي طلع الدكتور
رجاءا اسمعوني
مريضكم حالته جدا صعبه الطلقه داخله في مكان جدا حرج
اسعفنه المريض قدر الامكان
بس بقت يم الله
راح انطلعه للعنايه المركزه لان اثناء العمليه دخل بحاله غيبوبه صعبه
كل الي نطلبه منك الهدوء
طارق اتخبلت من سمعت كلام الدكتور
اكلك خلي انطلعه نسفره
د....مايرهم لاسفر ولاشي
لان وضعه ميسمح
احنه عدنه قسم اهلي وبي عنايه جدا مركزه
تردون نقلوه للقسم الاهلي
بس كون هسه اتقررون قبل لا يطلع من العمليات
اي دكتور سوي التشوفه أأمن اله وافضل
طلعنه جراح للعنايه المركزه فاقد مايعرف عن الدنيا شي
امي ضغطها مايرضه ينزل وابوي نفس الحاله
العمام مخبوصه
زينب .شفت فهد اجه وياه زلم تلاثه وضابط
وكفوا يحجون وي طارق
اكلك الزمته وطلع يعكوب دازه ومختار هاليوم حتى عودن تضيع سالفه الرمي ومحد يكول فاضل ابن قحطان هو الرامي
زينب .عطت ولكم شتكولون انتم
شني فاضل ابن خالي قحطان هو رامي اخوي
فهد .نصي حسج يامره
شني ماتعرفين فاضل عدونه وكابك وي يعكوب ع جراح لو غشيمه عن الحال انتي
بس هو جان شارد من الديره
اشرده
هاي بعد رد وختار يوم عرس رضا حتى يكتل جراح وتيه سالفته عودن بصوت وكثره الرمي
جا والعباس بس جراح يسمع اله يكتله ويقره عليه السلام
هو هسه وينه
مو اكلج لزمناه.... جماعتنه ماقصرو هو هسه بالمركز محجوز
حيل وبو زايد شني عسباله يكتل اخوي ويشرد ما تخيل وره اخوي ارجال ماتهزهم الكاع
طارق .. فاضل ولزمناه باقي بس يعكوب خل نلزمه وشوفه الرجال شني دورها
ازهار ..فض العرس والبيت فرغ بس احنه النساوين وهاي مره رضا الجديده كاعده ابغرفتها وبدلتها
فتت عليها اشلونج احبيبه
هلو خاله
يمه شني خاله هازه كاروكج
لعد شكلج
كولي ام يقين
اوك ام يقين
اي هسه احلى من كلمه خاله
بالعكس كلمه خاله كلمه احترام وتقدير
اعرف احبيبه تره انه هم دارسه وعرف بس لاتكوليها ليه انه هم صغيره بالعمر
اي ام يقين اتفضلي
اكلج راح ندخل ساعه ١٢ بليل كومي نزعي بدلتج لاتظلين مجودره بيها
ميخالف انتظر رضا من يجي
ماتخيله اليوم يردلج اخوه جراح بالمستشفى وتردينه يجي ويعرس انتي بعدج جديده ماتعرفين خوتهم شلون خوه
ميخالف ابقه لصبح بيها ماعندي اشكال
خايبه اشمالج مامصدكه لابستها وتظلين بيها لصبح
لا بس من عوايدنه احنه مننزع البدله اله زوجنه يفتح بيده زنجيلها (السحاب) وما اصور بدلتي مضايقتج بشي
لااحبيبه بالعكس انه علمودج اريدج ترتاحين
شكرا الج
رهف ..صحيت من البنج وحالتي تعبانه حيل
اول سؤال
وين جراح
وين نظرعيني
ليش كلمن ولفه يمه
وأني ولفي بغير ديرة
ألوڱت أحقر مسلسل
وقصته جدآ حقيرة
أنطاني أصعب دور أمثله
وما رضى ألمخرج أغيره
أحنه من أول حلقه متنه
شلون بالحلقه اﻷخيرة
يآعآزف آلناي هذآ آلعزف يشجيني
آيقظت جرحآ بألآمس گاد ينهيني
يآعآزف آلناي هل تعزف لتطربني
آم طآب عزفك بتقطيع شراييني
لج زينب وينه جراح زينب
حبيبتي لتبجين جراح زين بس اسكتي جرحج توه
لج زينب جرحي لو دوه الجراح
لجرح عمري كله
خيتي بس اسكتي فدوه رحتلج
ثاني يوم جتي الدكتوره كتبتلنه ع خروج
وكالت طلع التحليل
انتي ماخذه جرعه من عشبه مسممه ادت الى تسمم وتعكر مي الراس هاي العشبه تقتل الجنين خلال شهور اثناء الحمل
والحمدلله حاولنه قدر الامكان انقاذ الطفل وامه هاي معجزه من الله عزه وجل
زينب .انصدمت من سمعت
منو الي يحاول يسمم الطفل ويقتله
اخذنه رهف بالتواسيل طلعناها
ابنها جبل بقه بالخدج وبقيت اني وياه
حددت الدكتوره بقاء الطفل شهر بالخدج
لان وضعه وحجمه صغير جدا
رهف .رجعت للبيت ما اطيق احد كوه امشي العمليه توجعني ما متحملتها اني كوه احجي وكل اشويه وحده جايه تسلم وتسئلني ع روح عمري جراح
واني اطكها ابجي لان ما اعرف عنه شي ولا شايفته من يوم العرس
موج . شلونج رهف الحمدلله ع سلامتج
الله يسلمج ورده
انتي شلونج وشلون رضا
رضا من يوم الحادث لليوم ما شايفته حتى البدله الصبح اني انزعتها الحالي
والله مقهوره عليج ولد الحرام خربوا عرسج واذوني واذوا نظر عيوني
الله يشفي ان شالله ويرجعلج بسرع وقت
اشكرج ياروحي
رهف جيت اكلج شغله اني شفتها ابعيني بس امانه الله لاتكولين لحد اني شفتها
لان هسه يكلج عروسه جديده وسوت مشكله بالبيت واني لان احبج راح اكلج
اي كولي سرج ابير
هاي المره الاسمها ازهار
اي اشبيها
البارحه بطريق الصدفه كمت اريد اروح للحمام شفتها تحقن ابطاله المي بسرنجه ماعرف شتخلي
ظليت واكفه
اباوع هي مشافتني
اكو ابطاله واكو اكلاصات
هي تسحب من البطل اليمها فد ماده لونها صفره وتحقن الكلاص والله اني شفتها بعيوني هذني الي راح ياكلهن الدود
اني حيل اشكرج موج
لان هسه عرفت منو جان اله يد بذيتي
ويحاول يقتل ابني
موج .لا عفيه شنو هالحجي منو يكتل ابنج
خاف يكتلوني اني هم
هههههههههههههههههه منو يكتلج موج اني عندي عدو بالبيت ويحاول يضرني دوم وانتي شفتيها ابعينج
موج .معقوله عدوتج هاي البنيه ازهار
اي هي
بس اني شفتها وحجيت وياها فقيره وحبابه
وجتي تكلي انزع البدله حتى ارتاح
اي لشوفيها هيج تره هاي بالوجي امرايه وبالكفه سلايه هي هاي رادت تكتلنه اني وبني بسحورها
والله يارهف كمت اخاف منها
اي حبيبتي خافي وحذري
للظهر اجه رضا شايط واعصاب روحه بخشمه
اول ما دخل اعياط وصياح
وينج نكسه حيه عكرب صفره دنعل ابوج لابو اخوج الكواد
موج .جنت يم رهف وطلعت ع حس الصوت شفت زوجي يعيط ويصرخ ويغلط بس ما اعرف ع منو
وعمو ابوهم هم فات وهم يغلط
وينها الهاي الصفر حاطين عكرب ابيتنه
تلدغ وضم راسها وينج حقيره جلبه
ازهار ..جنت توني اريد انام لان تغدينه
واسمع غلط وشتايم من رضا وعمي الحجي
ماعسبالي علي
اطلعت اركض
ها بويه شكو رضا شكو عمي عليمن تسبون منو معصبكم
الحجي .شفتها صارت اكبالي الزمتها من شعرها وخذتها سحل للباب وغلط
حقيره جلبه كله ابسبب اخوج النذل جراح راح يروح من يدنه
رضا .اركضت ع والدي يابه عوفها هالجلبه ماتستاهل واحد ينكس حلكه وياها
عوفها الخاطر جراح
خليته يعوفها بس شني اني النار كابه بروحي
بس عفتها حتى جراح من يرد النه يعرف شلون يطردها طرده معدله هالنكسه
.............
يمه فدوه روحي للبيت سبحي ورتاحي مو ميصير تبقين هيج مو حتى عيونج راحت من كثر البجي
مالج دخل بيه اوليدي ينازع وي الموت وارديني اروحن للبيت وسبحي وتعطر
يمه انه ماكتلج اتعطري بس عالاقل روحي ارتاحي انتي هم مريضه وهالتشوفين
جراخ صار اسبوع ماحاس بالدنيا شكو
اووووف يمه عمت عيني عليك يمه
لاتعوفني لضيم يمه اجريح يمه كمت ماشوف الدنيه
ردلتي ياشمعتي خلني اشوفك وسمع صوتك يمه
ترد روحي وفراكهم يذبح بلعيون
ونه بنوحي ايست لا مايردون
ابجي بيهم ابلا صوت
وريد احضنهم قبل لا موت
بقيت اتحصر الوحدي يغثني الهوه من يفوت
بعد ليل الحبايب تموتني المصايب وتاليها الصبر يبجي اعله حالي
يبني ارجع فدوه رحتلك ارجع لاتهد امك بنص الليل تتوجع
رقيه ورباب واني وموج التمينه يم عمتي نبجي وياها وندعي يكوم جراح بالسلامه
رقيه يمه كافي فدوه رحتلج انتي ابيش طالبه الزلمه ليش تنعيله ولج يمه ادعيله يكوم بالسلامه وبسج تبجين ياعين
بسج يمه تبجي
رهف بعد عشر تيام رحت ويه فطم افتح السيم وتوسلت بعمي الححي ياخذني للمستشفى اشوف ابني وجراح
قبل اشوف ابني بس جراح ما قبل اروحله
وصلت للخدج سوده عليه شكد ناعم وصغير اباوع عليه وبجي وتحمدربي لان مصار بي شي
احجي وياه
يله حبيبي قوي حالك وتمسك بالدنيا الخاطر بابا من يصحه يشوفك رجال مالي اهدومك
ضليت يمه ربع ساعه
وطلعنه شكد حاولت ويه عمي بس ابد مقبل اروح وشوف جراح
اني كلبي مثل النار الملتهبه عليه مشتعله وما ارضه تتطفه
اوووف لو اكدر اعوف اهلك وجي اشوفك يانبضي
طلعت من المستشفى وعيوني تصب شلال 😭😭😭بس رايده اشوفه وشم ريحته وحضن اطيوفه
رجعنه للبيت وره عشر دقايق اجه رضا وفهد
اني رحت الرضا احجي وياه
دكيت الباب
ادخل
دخلت ..السلام عليكم ...
هله خيتي وعليكم السلام تفضلي
رضا اني جايتك ابموضوع واريد منك تاخذلي حقي
كولي رهف ركبتي الج سداده
موج احلفج بالله وبرضا تحجين الشفتي
رضا ...خير شو الموضوع يخص موج
لا يخصني وعندي عدو بالبيت ديحاول يقتلني ويتخلص مني
اني ليش صار عندي تسمم وجبت جبل اسبيعي ....؟ احجي موج الشفتي بداعت رضا
موج ..والله وكلام الله اني شفت ازهار تسحب بسرنجه ماده صفره وتحقن اكلاصات المي هنه وحدهن دون عن كل الابطاله الموجوده
رهف ..اسمعت رضا منو بالبيت اليشرب مي الكلاص غيري
الكل يستخدم ابطاله واني الكلاص
وقبل لا اجيب من حالتي سائت حيل سويت تحليل
وطلع اكو تسمم بالمي
حتى جراح اصور المي مغشوش مصورنه ازهار تحقني بالسموم وماعرف شنو غايتها اتريد تخلص مني لو من ابني
تدري اني هسه عايشه بالخوفه لان عايشه ويانه القاتله تريد بس تتخلص مني
والله ما يغمضلي جفن ونام حتى واني غالقه الباب عليه افكر بيها كمت اخاف اكل شي او اشرب شي
كل فكري صار يمها
شلون رضا دبرني
لاتخافين رهف كلنه وياج وانه صابر وساكت لجل جراح اريده يتحسن ويرد لينه وهو يكسر راسها ويطردها طرده الجلب بس اصبري اشويفه ولا تخافين ابد
ولا تاكلين ولا تشربين شي تردين لكل سوي بيدج اكلج
حتى انتي موج من اديها لاتاكلن شي
والمي انه اليوم راح اجيبلكم سيتات مي خلوهن ابغرفجن وبس فاهمات
اي خويه ..فدوه رضا شلونه جراح
والله يارهف مجاي احد يعرف شنو هاي حاله الغيبوبه الدكاتره ما مقصرين وياه وهاي جاي ندعي الله يكومه بالسلامه ويرد لينه
زين رضا ...ماعرفتوا منو صوبه
رضا ماجاوبتها لان بس اكول اعرف راح تكب القيامه عدنه بالبيت ف اسكتت
ان شالله نعرفه ونلزمه هو وين طاير اول وتالي ينصاد لو يروح للمريخ
ان شالله يله عذروني طولت وياكم اني اترخص
لا وين تعاي تغدي ويانه جايب اكل من بره
لا تسلم ياطيب ما اشتهي اكل جبل من شفته مرد كلبي وعصر معدتي
بس مايصير هيج رهف لازم تاكلين ياخوي
ان شالله من اجوع عود اكل
طلعت وصارت ازهار ابوجهي
باوعت عليها من فوك التحت اتمنيت اضربها وشرب من دمها بس استغفرت ربي ومشيت
ماريد اكسر كلام رضا كال عوفوها بس خلو عيونكم عليها الحد ما توكع الوكعه الزينه
نشوفها تحوم بالبيت مثل الجلب السعران بس تريد تلكالها فريسه
عمتي مطايقه وجودها بالبيت كل ماتشوفها ازفها زفه معدله وتضربها واحنه نحاول نبرد اعصاب عمتي لان هي هم مريضه وتعبانه
سكر وضغط
صار ع ضربه جراح عشرين يوم وهو غايب عن الوعي
يكولون الطلقه جانت حيل قريبه عالكلب
جايه في مكان حساس لذلك دخل غيبوبه
وندعي من الله يكوم بالسلامه
الدكاتره ماخلونه نطلعه من المستشفى لان وضعه ابد ميسمح
واذا اتحرك احتمال الطلقه تتحرك من مكانها ونفقد جراح
اني لا ليلي ليل ولا نهاري نهار بس ابجي عليهم اثنينهم
هم ابني وهم رجلي الماشفتهم
ومكابله بس البومه ازهار
اتحسون البيت من غاب عنه جراح غابت الناس والعمام والاهل كلها غابت وياه
صرت ما احب الليل حتى ما انفرد ابحالي وظل مكابله دمعتي
وهاي جدتهم كل ماتشوفني اتكلي بسج بجي راح تعمين لانج نفسه مو زين البجي عليج
واني ما اكدر ابطل بجي
صبحنه الصبح واني
مكابله المطبخ وهوسته شفت رضا دخل يركض
كلبي فز عمت اعيط من حالي
وركضت ع رضا
هاااااا رضا جراح مات
ولك رضا احجيلي ع تضم عليه
جراح مات مو
ملخت روحي
والبنات كامن يعيطن ويبجن
طلعت عمتي شو اتهلهل وتكول اريدكم خمس طليان اليوم تذبحون وللفقره توزعون
الكل نصدم شو رهف تبجي وتولول
وام جراح طلعت اتهلهل
رقيه .اركضت ع امي
يمه خير شنو سالفتكم
يمه اخوج صحه وردتله روحه مارد يهدني يمه
ماراد يهدنه كلنه يمه
رهف سمعت عمتي اتكول رجعتله روحه
اني اكمزت من مكاني وضحكت رحت عليها احضنتها ابقوه
صدك عمه جراح صحه من غيبوبته
رضا فدوه رحتلك اخذني اله هسه فدوه رحتلك راح اموت ع شوفته
كوه قنع رضا وخذني اني وعمتي انشوف جراح
دخلت بالاول عمتي عليه وطلعت وعيونها وارمه من البجي
دخلتي اني
يمه شفته محوط بالاجهزه من راسه النص صدره
وخالين ع حلكه هذا مال اوكسجين
اتقربت يمه نزلت ع كصته بستها دمعتي وكعت ع خده
هو حس باوعلي بعيونه الشهل الحلوات
وبتسم ابتسامه خفيفه
كوه صوته يطلع قربت اذني عليه
جراح ..بوسيني
ابتسمت بوجهه يعني بهاي حالته ويدور بوس 🥰🥰🥰 بسته
راد يرفع بخاخ الاوكسجين
مخليته عوفه احنه ما صدكنه افتحت عينك وانت تريد اتوخره
ودخل الدكتور
حجيه ويه جراح
انت لازم تسوي عمليتك اليوم لان مكان الطلقه جدا خطر واي حركه احتمال اضرك لو تكتلك لو تشلك
جراح وافق عالعمليه ودخلوه الصاله
والمستشفى انكلبت بالناس والعمام
مجنوعه تروح مجموعه تجي
واني وعمتي نصلي وندعي الله ينجي
والله اصدكون من كثر خوفي ع جراح وتوتري نسيت ابني نايم بنفس المستشفى بس هو بقسم الاطفال
شفت زينب جتي علينه بوستنه وتسئلنه ع وضع جراح
رهف ..منو جابج لعد زينب
شنو منو جابني هو اني اصلا ما طلعت من المستشفى باقيه الدكتوره كالت اله يقبط شهر وطلعين الطفل
رهف ..ياااااا سوده عليه اني ناسيه ابني بالخدج ولا شفته
فدوه خلي انروح عليه هسه
الحجيه ..امش يمه اخذينه خل نشوف جبل
رحنه وشفته الحمدلله اشويه كبران ومتحسن ويتحرك بس ميخلون احد يوصله
خالي بالخدج وبغرفه نشوفه بس من الجامه
هم وكفت ادعيله الله يشافي ويكبره ويتحسن حتى اطلعه واخذه بحضني وشبع منه
بعدها رجعنه يم جراح طلعوه من العمليات والحمدلله نجحت عمليته بفضل الله ثم الدكاتره
خلوه بالغرفه حجزناله غرفه خاصه وظلينه نروح ونرجع عليه
تقريب خمس تيام اتحسنت حالته بس الدكتور كال خلوه بعد كم يوم اضمن سلامته اكثر
وفعلا بقه بس جراح جانت روحه لعبانه من المستشفى ويوميه يريد يطلع بس عمامه ميرضون يطلعوه
وبعد ما قبط هو وابنه شهر بالمستشفى سبحان الله اثنينهم يطلعون بنفس اليوم
جراح اني مره وحده فقط شفته بالمستشفى وهو ولا انتبه ع بطني ابد
لان جان وضعه حيل تعبان وكوه يفتح عيونه واهله مجانوا يقبلون اروح اشوفه بحجه اني نفسه ومسويه عمليه
طلعناهم اثنينهم من المستشفى
جراح وابنه جبل
الدكتوره وصت زينب ونطتها تعليمات اتخص حضانه الطفل بالبيت وكتبتلها ع حليب خاص الهيج حاله حتى المي اكو خاص وقطرات ويعني سوالف هواي
جابوا جراح بسياره وجبل بسياره ثانيه
وما احجيلكم الناس والخبصه والمه
والذبايح كل العشيره ياهو اليجي النه يجيب طلي لو اثنين وياه والي يذبحوه ولي يودوه للحضيره
دخلنه جراح لديوان اهناك كعدوه حتى اليجي يكدر يشوفه
دخلت الجده وعمتي والنسوان كومه بالاول
دخل فهد ورضا صاحوا يابه كافي طلعوا عمامه يردون يدخلون يسلمون عالزلمه
طلعن النسوان والعمام دخلوا
صارت لمه مو طبيعيه
طارق نصب الجداري ودز ع خمس طباخين حتى يطبخون للناس الجايه
واني اخذت زينب ودخلنه الغرفه يمه اخذت ابني ابين اديه وضميته الصدري شميت ريحته وبسته شكد صغير متصورون شكد
يعني اليلزمه وميعرف كبل يطكه ظليت حاضنته
سوينه مكان مثل ماكالتنه الدكتوره بالضبط
اكلج اذا متحسن شلون
كالت الدكتوره راقبوه يومين متحمل رجعوه للمستشفى
اي زين لان بالي يمه والله
نومت الطفل وغطيته طفيت الضوه سويتله مثل ضلام بطن الام دفو وظلام وهدوء
خليت كطن داير مدايره ولازم ميتكمط يبقي بس عالحفاظه
صدك وضعيه السبيعي خطره وصعبه ما اصور راح اكدر ادبرها وحدي
طلعت رحت للمطبخ واسمع العياره المسمومه ازهار عود تبجي وتحجي والنسوان حواليها
عمت عيني عليك يازلمه السلف انت
كون الرماك ينكتل وتنشهر امه
خطيه مسويه حالها متعرف اخوها هو الرمه جراح ونهزم
ولوما زلمنه اسباع ولحكو عليه بس بقه هذك الجلب يعكوب بس وين يطير لازم يلزموه
فتت من يمها وحجيت
عجبي ع ناس تكتل القتيل وتمشي بجنازته
ازهار ..شنو قصدج عيوني رهف منو ليش رمه جراح
حددي مقصدج
رهف باوعتلها بطرف عيني وهزيت يدي وعفتها ودخلت للمطبخ
لليل واني مداخله ع جراح ولا شايفته ولا اعرف شخباره
عشينه الناس ونريدهم يفضون وماكو ولا عدهم احساس والله هلكت من التعب والنوب بس اختفي الكل يسئل وين زوجه جراح شو ماشفناها
وتعال لازم اظل واكفه مثل الحارس استقبل
الضيوف الرايحه والجايه
صرت مثل منخل رجل فوك ع ابني ورجل جوه ع رجلي
واني وحدي بالمطبخ احضر الجاي دخل رضا
الله يساعدج هاي شو وحدج واكفه
اي شسوي راحن يتعشن
وانتي زين وين موج ليش ما ساعدتج
اني كتلها تروح تتعشه هي هم مافاركتني اله هسه خطيه هم تعبت
عروس ماشافت شي من عرسها
الله كريم عود اعوضها بغير شي
اي والله خطيه رضا لازم تعوضها لان عرسها انصب دم ورمي
اي ان شالله بس خل يطيب جراح
يله خويه وين جايج
صبيت ونطيتله
ودخلتلي ازهار ..والله صاير معزمه يبنت بغداد
اكلج اسدين حلكج لا والنبي هسه افطر بيج الكاع
لان من شده تعبي عندي استداد اليكلي شلونج اكله بضروسي
ف ولي عن خلقتي وجنبي شري يبنت قحطان
ازهار ..لج انتي الصفره ليش اجيبين طاري ابوي
لعد شتريدني اكلج اصيحلج بغير اسم اب يعني نغله انتي
وكبت عركه لستار بيني وبينها
الكل اجه علينه يفكنه من بعض
لان صارت بالنعل
اجه علينه رضا وطارق يفاككون
بس شنو واني مجلبه بشعرها ما هديتها اله شعرها اجه ويه اصابعي
طلعت قهر كلبي كله بيها
وكمت اعيط بنص المطبخ
وسمع حسي جراح
ودز عليه وعليها
