رواية خفايا القدر الفصل الثلاثون بقلم انين الروح
رضا ..لاترحن وبعياط 😡😡😡😡😡😡😡 توه الزلمه طالع من حلك الموت شني بويه انتن اتريدن تموتن الرجال
يله كل وحده تروح الغرفتها وما تشوفني جهرتها
لاوالعباس الزمجن اثنينجن وطخجن راس براس
اله اخلي دمجن طشار وما يرفلي جفن عليجن يله وبعيطه
رهف اخذت زينب ورحت الغرفتي
تعاي عفيه شوفي الطفل شلونه خاف بي شي
يله امشينه
دخلنه علكت الضوه
رحنه عليه نايم ومرتاح والمكان دافي وحلووو
زينب .وضعيته مستقره الحد الان
لتكعدي عوفي نايم واذا كعد هو
شربي حليب وي هذا الدوه ويه الحليب حسبي بس ثلاث قطرات مو ازيدين
اي صار بس زينب اذا حسيت بي تعب اجي عليج وكعدج
ميخالف عود تعاي
هسه انتي لو اتنامين يمي هاليله
لا رهوف اريد اسبح ونام نومت الكهوف وما احس بشي والله حدي تعبانه
حقج والله واني هم حيل اسفه لان مكدرت انام ويه ابني ابسبب عمليتي
لا احبيبه لتحجين هيج احنه اهل وهذا ابن الغالي افدي بعيوني وروحي
الله يسلم عينج ياورده
طلعت وعافتني يم ابني اباوع عليه وتلمس بشرته شكد ناعمه وطريه
مددت عالفراش وتخيلت جراح اشتاقيتله
وينك تغيب وتترك البال مشغول
ليتك تحس بلهفتي واشتياقي
اني بدونك روح والجسم مشلول
محد يحس بجمرتي واحتراقي
كل ما سئلت االناس عنك كالولي
لا حول
نيران اشتياقي تنطفي فقط بلتلاقي
كمت من الفراش بعد ما اتحمل صبر
لان صبري نفذ مني
شفت الساعه وحده بالليل طلعت ورحت لديوانيه امشي ع اطراف اصابيعي
حتى محد يحس بيه
امشي وتلفت
توني دافوت مديت راسي وجان افز فزه اله خله ايده ع حلكي
باوعتله
هذا رضا
وخر ايده ...وحجيت اني بهمس
هااا رضا جراح بي شي
لا انه جيت اشوفه خاف محتاج شي
اني هم جيت اشوفه اكدر ادخل عليه مو
والله هو نايم ما اعرف بس انتي دخلي وشوفي خاف محتاج مي شي اشياتين ههه😊😊😊
لان هو هم خطيه صار شهر صايم عالاقل يفطر بعلج مصاصه
رهف ..خرب ببليسك رضا شنو هالحجي وضربته بيدي ع زنده يله روح منا
ولج اخوي عطشان شربي مي لا اتجففيها وياه
رضا والله راح اجيلك
لحك انت بلل صحاريك لان خاف من جفافك الكاع تتفطر وبعد مايصلح بيها الزرع
وج صاير عندج السان 😂😂😂 خرب ببليسج
خل الحك صدك ازكي كاعي لاتجف
😘😘😘 يله تصبحين ع خير
تلاكي الخير
راح هو واني فتت ع جراح
اعاين عليه صدقه المحمد جنبده ونايم مثل الملاك
شنو هالشكل شنو هالجسم شنو هالخلقه سبحان من خلقه شكد احب رسم عيونه وهوصاحي وهو نايم عيونه اتموت بيها كبر وسحبه اله اجنن
تقربت يمه كعدت ع ركبي اتفرج عليه بس ابد ما حسسته بوجودي
جان مخلي يده ع جرحه
حاولت ارفعتها حتى ميتوجع بعدين
وخرتها هو حس
باوعلي صفن بوجهي
اني اسفه اجيت اشوفك خاف محتاج شي او تعبان
بس اطمنيت عليك الحمدلله مابيك شي راح ارجع الغرفتي
داكوم ولزم ايدي وبحسه الهافت
لاظلي لاتكومين انتي حاسه بشي لو خايفه من شي
لا ابد بس كتلك جيت اشوفك ورجع
احجي رهف اكو شي خاف محتاجه شي
باوعت بعيونه ودموعي غرغرآ بعيني بشرط اله وكعت قطره من عيوني ع ايده
اسحبت ايده اليمنه وبستها
اني احبك حيل يانظرعيني
دخيلك ياترف ماظل عــقل عـــندي
حاير شحجي منين الك ابــــــــدي
بعيونك اوصف لو بالرمـــــــــــوش
هواي اوصاف عندي خاف متكفي
بحر هنة العيون ويغرك من شــــاف
وسر العشك بيهن ربك مـــخــــــلي
وي وجهك ينور ظلمة اللــــــــــــــيل
اظــــــــــــن حتى الكمر منك مضــوي
ومن تهمس الشفة وتلاعب الكلمات
شعر احــــــــــلى من العسل تنطي
دخيلك مرجحنا الهوى يجيب ويودي
تفاح الخدود ومرمر الوجــــــــــــنــات
ولون الشفة احمر ينطي على الوردي
مجــــــــــنون بجمـــالك اعترف والله
لان كل ما اشوفك ميظل عقل عندي
هذا الكلام الي ام السان
اي يانظرعين ام لسان
ع كيف رفع الغطه ...تعاي نامي بصفي
لاجراح بعده جرحك جديد ماملتحم
مالج دخل بجرحي تعاي خلي اشبع من ريحتج
صار اشكد ما مشتمهه الله هم مايرضه هيج انتي هاملتني
يااااا جراح اني وين هاملتك غير انت مصوب جنت..... ونايم مستشفى
جا ماجيتي شفتيني
والنبي اهلك ابوك واخوك مايرضون اجي
يله كافي حجي ما اكدر اتعب تعاي الحضني
هههه😘😘😘😘 من الحجي تتعب بس من الحضن متتعب
حضنج يريحني وينسيني اهمومي وتعبي
ان شالله دوم حبيبي
شنو شكلتي عيديها
☺️☺️☺️☺️☺️ حبيبي
احتركت عشيرتج وعشيره حبيبج تعاي
نمت يمه ع صفحته اليمنه ومديت يدي ع بطنه الاعب شعر صدره
اكلج وين بطنج
راحت بعد ماكو بطن صار شهر
راد يكوم يكعد وصاح ااااااااااااخ
اشبيك جراح شنو يوجعك اصيحلك رضا
لاولج حركتي صارت قويه لج احجي وين الطفل وين وديتي شنو مات
لاحبيبي اسم الله عليه موجود بالغرفه
لج شلون اني سئلتج قبل الحادث بساعات كلتي انتي بالسابع
اي عمري جبته اسبيعي ابسبب الحادث صار عندي ولاده مبكره وهسه هو الحمدلله صحته زينه وجاي يكبر يوميه
كومي جيبي خل اشوفه
لاحبي ما اكدر لان مسويله مكان مثل الحضانه بس بعده شهر وطلعه من هالمكان يله تكدر اشوفه
منو يداري زينب وعلمتني شلون اداري بتوصيات الدكتوره
والله دنعل ابوج لابو شلون هيج تعرضين حالج للخطر ابسبب شي تافهه
يااااا جراح شلون تافهه زوجي كدامي مصوب والدم مغركه وتكلي تافهه
هو اني من شفتك هيج ردت اموت بس الله لطف بيه في لحظه
والله انتي رعنه تعرفين انه ذيب وهاي مو طلقه هاي لعب مزعطه
انه ذيب ما موت اله اخذ حقي بيدي
ان شالله ياعمري تاخذ حقك منهم يله خلي اكوم اني هم تعبت وريد انام
محتاج شي بعد
اي محتاجج تعاي يمي
كافي جراح مو بستني وشميتني
بس بعدني جوعان
طيب وعود اشبع وحتى اني اوكلك بيدي
انتي كذابه بس تصرفين حجي حار كومه
بس بالحقيقه بارده ثلح مايطلع منج شي عبالك مزوج ثلاجه متحسين ابد
بعد طلع كل عيوبي كدام الناس ليش كاتمهن بكلبك احجي لتخلي شي بنفسك خل اكوم احسن
لابربج لتكومين اشاقه وياج
ماحب الشقه خلي اروح واشوف الطفل هم خطيه عايفته وحده بالغرفه
ليش ولج وحده غير تخلي يم امي
مو كتلك مسويتله مكان مثل الخدج حتى محد يدخل ولا يشوفه الحد ما يكمل شهره ويتحسن
ان شالله ياحبي الوحيد
يله تصبح ع خير
تعاي بس بوسيني وجع
اووف منك ولا تشبع
😘😘😘😘😘😘😘😘😘😘😘😘
يله باي راح يأذن الفجر
ومر اليوم عادي مثل باقي الايام خطار وطبخ ولغوه
من التعب نمت جفي ماحسيت اله الصبح ع حس عمي شالش البيت علينه منعرف اشبي
ع واحد من الدوله راح يجي يمنه والبيت كله مكلوب
الناس التشوفوهم ولا زياره كربله
وفد الاجانه سد الشارع لا المنطقه كلها
جان يوم جدا صعب ومتعب علينه كلنه مصورت هيج اهل زوجي وعمامهم مهمين بالدوله وناس واصله
عبالي بس اشيوخ ع كد عشيرتهم
هذاك الاكل والطبخ يوكل معسكر كامل
ومن التعب خلصت الماعين ساعه ثنتين بالليل
رحت لفراشي اجنازه غمضت عيوني وتخيلت جراح
ظليت الوب ابمكاني صارلي يومين مشايفته سوده عليه كمت ورحتله
اول ما فتت شفته مفتح عيونه
شلونك حبيبي خوما بيك شي او حاس بشي
لابالعكس مرتاح
لعد شمكعدك يانظرعيني
كلبي الكعدني كلي اليوم ام جبل تجيلك وتشوفك
ابتسمت وبسته من شفته 😘😘😘😘
تصدكين من اشوفج يارهف انسه كل الوجع والدنيا
وتمنى اخذج وشرد بيج ابمكان بس انه وانتي انكون بي
اريد ابعد وياج المكان الوحدنه يخصنه
اي حبيبي انت بس اتحسن واني اخذك المكان وحدنه نكون بي
وين تاخذيني بله كولي
اخذك البغداد البيتنه
ههههههه هذا الكدرتي عليه نروح برجلينه عالتفجيرات
عسبالي تاخذيني تركيا سوريه لبنان
هاي اني ما اكدر عليها هاي شغلتك انت واني اصلا ماعندي جواز حتى اسافر بي
ولايهمج من عين باجر اسويلج جواز ونطلع انه وياج والجهال
صدك جراح تحجي والله شكد جان بنفسي اسافر واشوف تركيا عالمسلسلات الدا اشوفها اله دوله اجنن انيالهم الساكنين بيها شلون جو شلون طبيعه عود مثلنه بس الحر والتفجرات محصلين
الحمدلله رهف لابد يجي وكت يتغير العراق ويكون افضل قبل بزمن السبعينات ياهو اليدخل للعراق من دول الجوار يكول هم نصير فديوم مثلكم ع النظافه والعمار والطرق جانت بغداد زهره ومحوطه ابساتين
بس هسه خربت
قدرها ونترجه من الله ترد مثل الاول واحسن
جراح انت بكلشي مميز
شنو المميز الشفتي بيه
شخصيتك عقلك فكرك اخلاقك حتى كلامك احس نفسي من اكعد وسولف وياك عبالك جاي اسولف ويه دكتور يشيل ويفهم كل عله بيه ويحاول قدر الامكان يطيبها وباسرع وقت حتى ماحس بالالم ولا اتوجع
كلامج حلو جرني من يدي ونومني ع صدره وضل يمسد ع راسي ويلعب بشعري
جراح
عيون جراح
بعدك تحبني
هههههههه انه مو احبك انه اموت عليج اموت ع التراب اليطخ جدمج
انتي كلشي صار بحياتي حلو
افرحت من سمعته هيج كال بسته من شفايفه وخشمه وعيونه وخدوده حتى ع ركبته نزلت بسته وشميته
ارفعت راسي من صدره
اوووووف ياريحه حبيبي جنها ورد جوري اموت عليها
مر اسبوع جراح بده يتحسن وكام ع حيله يمشي ويفتر بالبيت وحسه مالي المكان
فديت طلته بالبيت
واني داحضر الغده الاكل اله هو كاعد بالمطبخ كل اشويه فايته وحده من كرايبهم وتعال شوف السلام والترحب بقه بس يبوسنه حتى يرتاحن
واكو وحده اول مره اشوفها بنت عمه جانت عايشه بالكويت وجايه خطار للعراق صارلها فتره
يمه كعدت يمه لزكت لزك والنوب متستحي تتمضحك وتبسمر وكل اشويه ضاربته ع كتفه لو لازمه ايده هو يتوجع بس يكابر ابن الذينه اني الك جراح بسيطه
خليت الاكل اكباله وباوع عليه فاتح حلكه ويضحك ولا مهتم الوجود
باوعت عليها
شوهاي ابلا مستحه لزمت ايده وجرتها
ايمان ..شو بله جراح ايدك
الله شنو حالمحبس الحلو
الله عليك اريده
جراح ..ههههههههههههه خايبه هذا يماني رجالي شلج بي مايفيدج
اعرف بس اني عجبني شكله حيل حلو عبالك محبس نسائي
اريده جراح بداعتي انطينياه
ميخالف اخذج لسوك واختاري اليعجبج لان هذا غالي
مو سعر وفلوس غالي عليه لان هديه اجالي
لا ماريد من السوك اريد هذا الي بيدك عجبني اتعزه عليه
هاي اول مره اطلب شي منك لزمت ايده وتريد اتنزعه المحبس
شو هذا مصدك كام ويريد ينزعه للمحبس
جان اتقرب عليهم واشوفها هي فرحانه وشاركه الحلك بضحكتها
وجان امد يدي ع ايده ولزمت جفه
وكفتها هاي شجاي اسوي
انتي شنو متفهمين مو يكلج هذا المحبس هديه وعزيز عليه لو ما حله محبس بعينج غير الي بيد رجلي صدك نسوان متستحي
وجان يكوم جراح ع حيله وجرني كدامها اخذني جر للاستقبال
لج انتي شلون هيج تحجين هاي بنت عمي وصار اسنين مشايفها
اي وشنو يعني صار اسنين مشايفها لازم يعني تتماده وياك وتلزم يدك وتريد تاخذ محبسك تره مصايره هاي شنو بس انت الرجال الموجود عند عشيرتك خلي يستحن اشويه جايات بس يتلزكن
جراح ..هههههه لج خبله شنو يتلزكن هي عجبها ورادت بس تشوفه
لا اتريد تاخذه والله اعلم شسوي بي يمكن اسويلك محبه وتسحبك الها واني تكوم تكرهني وما تطيقني
والله لو الف وحده تدور حولي
عيوني ما تشوف غيرك ياكمر انت
امشي خل نصعد فوك
مشتاكلج والله
ما مااصعد اريد اكمل شغلي
ولج ليش اكو اهم من شغلي اني بالاول اشتغلي يمي وبيه وبعدين نزلي ع شغلج
جراااااح عوفني بتنعوص
والحمزه ما اعوفج يله امشي تره وصلت حدها
صعدنه ورحنه بعالمنه الخاص عالم الحب والهيام
والحمدلله اتحسن جراح وابني كبر وعده مرحله الخطر وصار سبع مالي اهدومه
صكر يغار حيل من اخوه من يشوفه بحضني يجي يملخه
ومجلب بالمميه مال جبل مينطيها
اي وحده اجيبها جديده ياخذها صكر
دخلنه بشهر ذو الحجه وهاي السنه عمي وعمتي راحو للحج
ومن رجعوا للعراق و للبيت ماينشاف من الناس الاجونه
ابد ما فضت من الخطاطير تعبنه والله بالاخص اني ما ارتاحيت ثلاث اشهور شفت وضكت بيهن المر
دخلنه محرم من اول يوم للعاشر ليله الطبك بيت اعيالي بس يطبخون قيمه يوم وفاصوليه يوم
والبيت كله يشتغل بالثرم والهرس والتلكط
وبيوم ليله الطبك واني واكفه يم عمتي والبنات زينب ورقيه وجاي اهرس بالقيمه وخوط بالجدر
واسمع ازهار من يمها حجت كلام طايح حظه
ع انتي سنيه وتخوطين بجدر الحسين ومن اشوكت صايره تطبخين وتلزمين ماعونه
اني اهنا وكافي بعد صدك طفره روحي
هلهلت كل هلهوله خليت الكل تخرس وتنجب ابمكانها
ورديتها بكلام معدل حتى ع حسي اجه ودخل علينه جراح
هاي شكو شو هم كابه عيطتكم شلون وتاليها وياجن انتن الثنين 😡😡😡😡
رهف كافي بعد طفرتوا روحي
اسمع والكل يسمعها
اني سنيه ابن عن جد وفتخر اني سنيه ومافديوم افتحت حلكي وشهرت وحجيت او اتمردد حالي من حالكم اطبخ ولبس الاسود واني احب اهل البيت حتى اكثر منكم كلكم
فلا كل ماتشوفني وحده وكالت انتي سنيه
اهل البيت مو بس لشيعه ...همه للعالم كله
اني احبهم وقدر مكانتهم عد الله
وحق للحق الي اتكول بعد كلمه زايده عني اله اسويها جدر ابمكان هذا القدر وصخمها اصخم
ﺍﻧﺖ ﺷﻴﻌﻲ… .ﻳﻌﻨﻲ ﻣﺎﺗﺼﻠﺢ ﺍﺧﻮﻱ
ﻭﺍﻧﺖ ﺳﻨﻲ…. ﻳﻌﻨﻲ ﻣﺎﺗﺮﻫﻢ ﺍﻟﻲ
ﺯﻳﻦ ﻭﺍﻟﻨﺴﻮﺍﻥ!! ﺍﻃﻠﮕﻬﻦ ﺗﺮﻳﺪ؟!
ﺍﻟﻌﻨﺪﻩ ﺯﻭﺟﻪ ﺑﻐﻴﺮ ﻣﺬﻫﺐ ﻳﺒﺘﻠﻲ
ﻭﺍﻣﻲ ﺍﺫﺍ ﺳﻨﻴﻪ ﻣﺎﺭﻳﺪ ﺍﻟﺨﻮﺍﻝ؟!
ﻭﺻﺎﺣﺒﻲ ﺍﻟﺸﻴﻌﻲ ﺍﺑﺪ ﻣﻴﻄﺐ ﻫﻠﻲ
ﻧﻔﻠﺶ ﺍﻻﺳﻼﻡ ﻭﻧﻌﻮﻑ ﺍﻟﺮﺳﻮﻝ!
ﻫﻴﺞ ﻳﺮﺩﻭﻥ ﺍﻻﺭﻫﺎﺏ ﻭﻋﺎﺫﻟﻲ
ﺍﺑﺪ ﻣﻴﮕﺪﺭﻭﻥ ﻟﻮ ﺍﻟﻔﻴﻦ ﻋﺎﻡ
ﺍﻟﺸﻴﻌﻲ ﻏﺼﺒﺎ ﻳﻌﺸﮓ ﺍﺻﺤﺎﺏ ﺍﻟﺮﺳﻮﻝ
ﻭﻣﺎﻛﻮ ﺳﻨﻲ ﻣﺎﻳﺤﺐ ﺣﻴﺪﺭ ﻋﻠﻲ
صح اني ماروح مشايه ولا اخطو خطوه بس اعرف اصولي وعرف شلون اخدم الحسين بحجتي وصلاتي ودعائي
مو مثل ازهار لازم تروح مشايه وبهالزلم المكومه يتمشن خوش والله ذريعه
من حجه مايصير المره تختلط وي الرجال
ومن حجه ثانيه عادي تروح مشايه والف واحد يشوفها ويطخها
والله ما عرفنه صحكم من غلطكم وين
ترا العباس يكره طلعت النسوان
.لا تحطن عذرجن عود مشايه
زينب بنت علي
ماشاف ضلها الباب
الرجلها وتستحي تسولف حجايه
يمر اسبوع واكثر وانتي برا البيت
وبين المدافع الزوار تجايه
.مو كل المشه بدرب الحسين انصار
ترا اصحاب الرياء بدينه هوايه
ومو كل الكصص بيهن ضوه
الكصص ماتنحزر لو مو مجوايه
احب التحترم عفتها وسط البيت
واحب الزلمه اذا بالبيت اله احجايه
لا خير بوكت بي تأمر النسوان
ولا خير برجل ما ينوخذ رأئيه
اكعدي ابيتج الشارع وكيح اعيون
يركز عليج مثل المرايه
. ترا ينزار من كل الجهات حسين
ويعرف ابن ادم شعنده من غايه
المواكب للزلم مو فرة النسوان
واسي الزهره ام حسين وحطي بيتج قرايه
حسين على النهر من ايده ذب الماي
لان غالي الستر وماساومه بمايه.
منقول
اسمعت يجراح شقصد وفهمتي ازهار خاتون الزينب شرايده منج ياريت تحترمين حالج وكافي تره ملينه لاتخليني كلهن اطكهن
ازهار ..حقيره شتقصدين انه اتلزك بالزلم جلبه نكسه اصفيره من دخلتي البيتنه هجمتي كتلتي ايوب واخذتي رجلي مرضتي عمتي اشتردين بعد اسوين بينه
رهف ..احترمي حالج لااكسف احوالج
جراح .😡😡😡😡😡😡😡😡 بنات الكلب شو انتن ماتستحن اتراددن وحده الثانيه وانه واكف ابنصجن
رضا ..الحك جراح يعكوب بالديره ابيت هله
لك اركض جيب اسلاحي
رهف ..جراح ابوس يدك لتروح
ازهار .خله يروح اشتردين الجلب يكتله وجراح ماياخذ حكه
انتي لتفتحين حلكج بس اتريدين مشكله حتى تشبعبن بيها لطم بس لتستعجلين لان جايلج الدور انتي واخوج
وانه شكو واخوي شكو شعندج بلوه تلبسينه بروسنه يبنت بغداد
اكلج كافي تره قذارتكم طافت والكل عرف بيها
جراح .ماصدكت يعكوب ابيته اخذت زلمي ورحتله للبيت طوقنه المكان ودخلت ابنص الحوش جريته من ياخته مثل الطلي وسحلته كدام هله
ماخليت زلمه يفك حلكه ويحجي بيهم
ظليت اضرب بي
نسيته العافيه وشتعلت معركه بين زلمي وزلمهم
ومانشوف اله سيارات الامن ومطوقتنه
وكرفت شكو زلمه كدامها
رحت وياهم انه وزلمي
ارفعت دعوه عليهم بس انه شلون مايهدالي بال اله اسكطهم بيدي
طلعونه احنه
رديت للبيت فاير النار مشتعله ابراسي
فتت وهم شفت العركه عالكه بين ازهار ورهف
اجيت جريت ازهار من شعرها مارحمتها
ضرب ع غلط ع مسبه
رهف ..من شفت جراح داخل علينه والنار مشتعله بي
اخذت زاويه وسكتت حلكي ما فتحته ابد لان الصدك خفت منه
والله بركان وثاير علينه بحيث شكو كدامه واكف يحركه
هي الثوله ابد متسكت من يضربها جراح
اظل اترادد وتغلط
والحجايه تردها بعشره
جراح ..لج هذا اخوج الحرامي عسباله يفلت مني
ازهار ..والله ماكو غيرك الحرامي
لج بنت النعل شطول اللسانج فوك ما مطلكه وملفيج ابيتي اترادديني بالكلام اليوم موتج ع ايدي
ازهار ..انت واحد نكس انه مزوجتك محبتن بيك
ازوجتك حتى ارجع حق ابوبه البكته منه ياحرامي تذكر اسويت ببوي وشلون اخذت منه كلشي حكنه بالبيت والكاع
تذكر امي من وكعت دخيل عندك وانت ما رفلك جفن بيها وخليتها طريحه افراش لليوم
وابوي المات ابسببك
هذا قليل الشفته مني
والله اخوي قليل السواه بيك وبأخوتك تمنيت كلكم تحتركون بالعلوه مو بس رضا يا اجلاب
حتى ابنك اني سممته ردته يموت حتى مايصير عندك ولد ويشيل اسمك شربت مرتك سموم حتى بعد متخلفلك لان انت متستاهل يصير عندك ضنه او اصلا متستاهل تعيش
رهف ..اني اسمع الحجي وعيوني ميه ميه تنزل اني انقهرت ع حالها وخفت احجي
واكول جانت اتسممني وهي ياكواه عينها واكفه اكبال جراح وتححي وتعترف بالسوته كله
ازهار انتي انتقامج من بيت عمتج اني شكو تاخذني
لان انتي مثلهم اخذتي زوجي وحرمتي بنتي من ابوها
اني اصلا مارضيت ازوج احد بعد ايوب والكل يشهد بهذا الشي
ومن تزوجت جراح هو جان مطلكج اني مالي ذنب بطلاكج
كل الذنب بيج ليش عبالج انه جنت ثوله ما اعرف جراح يحبج من قبل لا يزوجني
لو من تزوجتي ايوب ليش هو بطل يحبج
كل الناس جانت تعرف حاط عينه عليج وانتي مره اخوه وهو لا استحه ولا احترم اخوه لا بحياته ولا ابمماته
جراح من سمع الحجي هذا النوب خلص ع ازهار اتخلص بنت الجلاب تردين تكتلين ابني وطلعتي حاقده وجايه اديرين بانزين عالنار وتردين تكببيها
اليوم احرك اهلج كلهم واحد واحد الميتين والعايشين
دماها ادمي مانعرف منين يطلع الدم الكل واكف يفاكك
وامه اتعيط وخواته يعيطن
ما اعرف منين دخلنه طارق وفهد ورضا جرو جراح وطلعوه من البيت
بيومها البيت ما هدء لحظه وحده
جتي اخت ازهار البيتنه وهم انهدت بعمتي والبنات
وام ازهار وكرايبها طلعت كلها طابكه وياها وتريد حق ازهار من جراح
لساعه اربعه الفجر والنار مشتعله ابيتنه كل اشويه تطفه وترد تعتلك
اخذو ازهار للمستشفى طلع عدها شك بحلكها بكثر الراشديات الاكلتها من جراح
وبنص الليل سمعنه صوت الرمي بحوشنه
التمينه كلنه النسوان دخلونه الزلم بالمخزن مابي لا شباك ولا شي يخوف
والزلم طالعه مانعرف وين وبس نسمع صوت الرمي الرشاش والتفك والبرنو
عبالك حرب العالميه الثالثه
ونسمع صوت الرمي والمصارخ وانسوان تلطم وتعيط والجهال تتصارخ وتبجي
اني حاضنه جهالي وكاعده يم الجده نقره ايات وندعي الله يحفظ الجميع
للصبح وما نعرف منو مات منو بعده عايش
