رواية علي الهامش الفصل الثاني بقلم جمانه السعيدي
اسامه....صح بعد ما تعينت وبديت استلم راتب وضعنا المادي صار احسن
بس وضعي ابوي الصحي صار اسوء
كل يوم تدهور حالته الصحيه اكثر
اني جبير وعمري تقريبا ٢٦ سنه بس بعدني احس نفسي زغير كدام ابوي
درست وتخرجت وتعينت وصار عندي راتب
بس بعدني زغير كدام ابوي
لا احس نفسي كبرت ولا شفت نفسي علي بيوم من الايام
من اوكف كباله احس نفسي تايه ومحتاجه يوصلني البر الامان
المهم تحديدا سنة ٢٠٠٧ مات ابوي بعد صراع ويا المرض
لمدت ٣ سنوات
٣ سنوات واحنا بحاله صعبه لان وضع ابوي الصحيه ما مامستقر
مات بلمستشفى صرخت علي بصوت طالع من كلبي
اني احبه واحترمه
بعمره مازعلني لو غصبني على شي
هاي الفتره كلها هو مريض ولا حول ولا قوه
بس اني جنت احس بلامان بوجوده
اني وامي صرخنا وبجينا علي الحد ما تعبنا
اما احسان جان أكف يتفرج علينا من بعيد
حتى دمعه وحده مانزل على ابوي ولا شفته متأثر
معقوله هذا الحب والدلال كله ماااثر علي ولا حرك احساسه
معقوله وصلت بي الانانيه الهلدرجه ماعنده مشاعر
او حزن على ابوي
بعد موت ابوي اجتني مسؤليه جديد
كلشي يخص اهلي صرت مسؤل عنه
كلشي يعني كلشي
بلنسبه الراتب ابوي امي جانت تاخذه مصرف الاحسان
جان عمره ١٥ سنه من مات ابوي
يخلص النهار نايم وليل كله وياا جماعته
يدخن ويشتري ملابس ومخلصها عزومات ويا جماعته
راتب ابوي مخلصه لعب وونسه
اما اني راتبي شايل مصاريف البيت كلها
قررت ادور شغل ثاني ويا الوظيفه حتى اكدر اسيطر على المصاريف وهم اريد اجمع كم فلس للوكت
محد يعرف الضروف شني
وولد صديقي رشحني اشتغل على الحسابات بمحل اجهزه كهربائيه
ارجع من الدوام اتغده الكا احسان بعده نايم
ارجع اطلع للشغل ارجع بليل الكا طالع من البيت
جمانه السعيدي
قررت احاسبه كافي لعب لازم ينتبه النفسه
لامدرسه ولا شغل ولا مستقبل اي وشنو تاليتها
شلون راح يخلص حياته
رجعت من الدوام اتغديت هو نايم حاولت اكعده احجي ياا
ماقبل يكعد
وامي ادخلت على الخط كالت عوفه نايم
من رجعت بليل لكيته طالع انتظرته للوحده ماكووو
للثنتين ماكوووو
عندي دوام اريد انام حتى الصبح اطلع للمدرسه
نمت بلهول حتى بس يفتح الباب اسمعه
سمعت اذان الصبح اذن كعدت صليت باوعت بعده ماراجع من بره
صليت ودخلت سبحت خليت بيض بلجدر وطلعت خبز
خليت القوري على النار
صارت الساعه سبعه يله رجع
اتريكت وخلصت سمعت الباب انفتح
وكفتله باب المطبخ
اسامه...وين جنت
باوع عليه مستغرب من وكفتي اله وشكلي العصبي
احسان...وياا جماعتي
اسامه...اي جماعه الي ترجع منهم الصبح
بيوت عوائل الي تسهر عدهم
عدهم نسوان وعائله وانت كاعد بيتهم للصبح انت هم تستحي
احسان...مالك شغل اني جبير انت مامسؤل عن نفسي
وخر خل ادخل
اسامه...ماتدخل هذا البيت الي مسوي فندق يتعذرك
احسان...انت شنو تطردني هو بيتك اني اطلع وادخل بكيفي محد وصي عليه
اسامه...اني وصي عليك اذا تغلط تصير بوجهي
طلعت امي من غرفتها على صوت الحجي
امي...هااا خير ليش صوتكم واصل للشارع
اسامه...ابنج الشفيه توه رجع للبيت
امي...اي ويا جماعته شباب ويتونسون
اسامه...انتي مقتنعه بهذا الكلام انتي تعرفين وين جان
احسان...وخر خل ادخل لا اطلع مراجلك عليه
مات ابوي وانت تريد تتصرف بكيفك
اسامه...اصرف بكيفي واكسر راسك اذا تبقى هيج
من اليوم تطلع ادور شغل تشتغل وتصرف على البيت
انت مو تكول اني جبير الجبير ماينام كل النهار وبليل
دايح
لو تحترم هذا البيت وتشتغل وتعيش حالك حالنا
لو مالك مكان هنا
امي...يااا تطرد اخوك صدك جذب انت شنو منيت علينا
لان تصرف على البيت
بعد لا اجيب اي شي لا خلفله عليك
اسامه...انتي الي ضيعتي انتي الي جاي تشجعينه
يكون بلا مسؤليه
امي...تعال يمه احسان ادخل
اسامه مل من عدنا هنا صار كم شهر يصرف علينا
شبسرعه مليت منا
ابوك جان شايل البيت ويصرف ولا حجا ولا كال
وانت هسه واكف تحاسبنا على اللكمه
اسامه امي دخلته للبيت وما خلته يصير ادمي ويسمع كلامي هيه الي ضيعته
جمانه السعيدي
تكررت هاي العركه اكثر من مره بيني وبينه
بس هو ولا عبالك
امي تستلم راتب ابوي وتنطي اله
ومحملتني المسؤليه كلها
كلما احجي علي امي تحقد عليه اكثر واكثر
تكول انت ما تحبه
وصل بي الحال يغلط عليه
وامي واكفه تسمع وتشوف ومادافع عني ابد
بس اني اذا حجيت علي تبقى يومين واكثر ما تحجي وياي
قررت مالي شغل بي مادام امي واكفه ويا ودافع عنه
مستحيل تخليني اساعده يصير انسان مسؤل
بعد سنه من وفاة ابوي المؤجر اجانا يطالب بلبيت
هو هم صار قديم وتعبان
وهنا اجت الخطوه الأصعب لازم ندور بيت وننتقل
أخذنا منا وقت ٣ اشهر الحد ما نلكه بيت وننتقل
بديت ادور ليل نهار ماخليت واحد ما سئلته
جنت افكر ليل نهار واعصابي محاركه
اما احسان ماجان على باله اي شي ياكل وينام ويطلع ويا جماعته
الحد مالكيت مشتمل زغير
٥٠ متر بي بس غرفه وحده وهول ومطبخ
انتقلنا المشتمل ما كفه الغراضنا من شفت الوضع هيج
كلش ضجت
إلى متى راح نطلع من ايجار ندخل بايجار
لازم يكون عدنا بيت ملك
٣ اشهر بعد ما انتقلنا واني فكرة البيت ما تطلع من راسي
لازم يكون عدنا بيت ملك
قررت اسحب قرض على راتبي واشتري قطعة ارض
حتلو زغيره وابنيها
بعد اني المسؤل عن عائلتي قابل شمنتظر
سحبت سلفه واشتريت قطعة ارض ١٢٥ متر
بعدين دخلت سلفه ويا جماعتي اجمع وارد الشغل العصر انطي للسلفه اريد ابني البيت
بديت ابني شويه شويه
تعبت حيل تعبت بين الدوام وشغل العصر وبين الإشراف على البناء
مرات اكلف الجوارين يرشون البناء
واخوي نايم مايدري بلدنيا وين ماوين
بدت امي تشكي مصرف البيت قل مو مثل قبل
اسامه....يمه اني جاي ادفع سلفه للدوله وسلفه ابني بيها
وكلشي جاي احصله انطيج
منيين اجيب حتى ما شبعان نوم
قليلي المصرف شويه لو اخذي جزء من راتب ابوي
المصرف البيت
لو خلي ابنج يشتغل ويساعدني بمكان مااركض منا وارجع منا
امي.. هم رجعت على احسان دعوفه يايمه زغير
خلي يدلل يدلل بجالك انت اخو جاي ادلله
باجر يكعد ويكول اخوي ما نقص عليه شي
اسامه.... يعني هو نايم واني اركض يمه اني حتى ما نايم ومرتاح
الله كريم تخلص انشاء الله
