رواية بديلة اختي الفصل الثاني 2 بقلم خاتون الكعبي

تذكير 

مرسلين : حطيت ايدي علة حلكهة قبل لتكمل كلامهة لأن اعرفهة اذا بدت غلط ما تسكت الحد ما تفضحنة وسحبتهة من ايدهة وكملنة طريقنة واول ما جاي نعبر اشارع شفت الحجية ام سلوان جيرانة عضيت شفتي الجوة وجريت تقى بسرعة واول ما درنة صاحت علينة تنهدت بنرفزة اعرفهم هاي اذا بدت تحجي ما تسكت وباوعت التقى واشرتلهة بصعبي بمعنة ما تحجي شي والتفتتلهة سلمت عليهة وهاي استلمتني دك بوس شكلهة صايبهة جفاف عاطفي وكفتنة بنص الشارع وبدت تحجي ساعة لا كلت ولا ملت وكل ما اترخص منهة اطلعلي سالفة صفح معافتنة الحد ما تقى جرتني  وترخصت منهة معرف اشون سيطرت علة نفسهة وما غلطت عليهة بس شنو عطبت من ورة الشمس وهية واكفة فوك راسي وتكر ولا تعبت وصلت تقى البيتهم وسلمت عليهة ودخلت واني كملت طريقي البيتنة وصلت ودكيت الباب وفتحتلي يا مرت اخوي زهراء دخلت وشفت امي ومرت اخوي الثانية وسن ديصبن بالغدة وكل عادة شافتني امي وبدت برزايلهة لأن اتأخرت ولأن تعرفني رجعت وية تقى ما سكتت الحد ما كلتلهة بنرفزة واني اشرب مي من البراد 

مرسلين بعصبية مكتومة : كاافي يوم ترة هاي مو حالة كتلج اكثر من مرة البنية بيهة مرض معرف حالة نفسي ودتعالج قابل بيدهة هل شي بعدين كلة من ورة الحجية ام سلوان اتأخرت هية شافتنة بالطريق ومثل العادة ضلت تكر وتحجي يعني مو من كيفي اتأخرت 

اباوعلهة سكتت ورجعت تصب بالمركة تنهدت بتعب وصعدت فوك بدلت ملابسي لتراك منزلي خفيف وغسلت ونزلت جوة شفت ابوي والولد جاين سلمت عليهم وكعدت اتغدة وياهم ومثل العادة ما تكمل كعدتنة اذا امي مجابت سيرت شاهين وشترة هيج وصار هيج وسوة هيج واني اكتفي بهز راسي الحد ما تمل وتسكت كملت غداي وكمت شلت المواعين وية نسوان اخوي وسويت جاي صبيتة وكعدت اشوية وياهم وراهة اترخصت وصعدت فوك لعبت اشوية بتليفوني وحضرت ادروسي ونمت منة للخمسة العصر يلة كعدت غسلت وجهي حتة اصحصح ونزلت جوة شفت امي تنزع ابعبايتهة وتكعد علة الكرويتة كعدت اكبالهة وسئلتهة واني اتثاوب من النعاس 

مرسلين بنعاس : جنتي طالعة 

ام مرسلين : اي رحت البيت جدج عماتج ونسوان عمامج كلهن ملتمات اهناك ويسلمن عليج 

مرسلين بهدؤ : الله يسلمهن 

ام مرسلين : وبيبيتج وجدج كامو يحجن صارلج اهواي مرايحتلهم ومسلمة عليهم

مرسلين برود : ان شألله باجر اول ما ارجع من المدرسة امر اسلم عليهم 

ام مرسلين : يعني اضلين هيج وعمامج وعماتج شكللهم كل ما اروح يسئلوني عليج وبنات عمامج وعماتج باقيات يشمتن بيج تضلي مالت عليج وعلة امج 

مرسلين : باوعتلهة صفح وسكتت لأن اعرف اذا احجي راح تستلمني منة الباجر وكمت دخلت وية مرت اخوي للمطبخ وسوينة عشة ومر اليوم بشكل روتيني وعادي بين دراستي ولعب بتليفون وكعدت اصبح من الستة لأن عندي امتحان مهم شهري راجعتة الحد ما صارت بالسبعة يلة بدلت ولبست قميص ابيض وصدرية سودة بسيطة ولبست وياهة شال اسود وحذاء باتة بيضة وشلت كتابي وجنطتي ونزلت جوة صبحت علة اهلي وتريكت علة السريع وخذت مصرفي وطلعت مريت علة تقى ورحنة للمدرسة وصلنة وبدينة اراجع بساحة الحد مدك الجرس والكل دخل الصفة امتحنة ثاني درس وكل عادة اسئلة ست سوسن اشك الحلك وطول الأمتحان وتقى ادفر برجلي حتة اغششهة شبعتني دفرات الحقيرة كملت امتحاني وكتبتلهة الحل بورقة الأسئلة وقبل لا اطلع من الصف شمرت عليهة الورقة وطلعت وضليت منتظرتهة 

بساحة الحد ما كملت وطلعت واول ما

وصلت يمي بدت بالمسبة والغلط لأن اتأخرت يلة غششتهة ما سكتت الحد ما دك الجرس وكملت الدوام بشكل اعتيادي بين الدروس وسوالف تقى الما تخلص الحد ما دك الجرس للبيت رجعنة للبيت وصلت تقى البيتهم سويتلهة بيدي بمعنة باي ورحت البيت جدو شفت سيارة عالية سودة مظللة واكفة ابابهم عقدت حاجبي بستغراب وجريت الواير المربوط بالباب فتحت الباب واول ما ردت ادخل للبيت شفتة اي شفتة شفتة بعد كل هل اسنين واكف بدلتة العسكرية ويخابر بتليفون ويباع علة الجهة الثانية فعلاً جان شكلة زايد هيبة وجبروت جدي الثاني واكف كدامي حسيت اشون شريط ذاكرتي مر من كدامي والأهم من هذة كلة اذكرت اخر نظرة باوع علية بيهة نظرات الكره والأنتقام  الي جانت بعيونة  تجاهي مستحيل تنمحي او تروح من بالي لو بعد الأف السنين ضليت واكفة بعتبت الباب لا اخذ ولا انطي وحسيت بشي حار نزل علة خدي تلمست خدي بطراف اصابعي جانن دموعي نازلات من غير ما احس معقول بعد كل هاي الفترة رجعن ادموي نزلاً بس لأن شفتة اباوعلة سد تليفونة وباوعلي اول ما اجت عيني بعينة عبالك مثل الصعقة الكهربائة بس الغريبة نظراتة جانت كولهة برود وحقد مكدريت بعد ابقة وباوعلة عفتة وطلعت من البيت بسرعة امشي وتعثر بمشيتي وادموعي ايزيدن وصلت البيتنة ودكيت الباب بقوة طلعتلي امي شافتني وشهكت وبدت تسئل شوك وشصاير كتلهة مجاوبت بمتحاني وصعدت الغرفتي بسرعة دخلت للغرفة وقفلت الباب وراي ودموعي رجعن ينزلاً احس مثل البركان جان هامد ورجع اشتعل بكلبي وكل مذكر اشون باوعلي بحقد وبرود اشتعل اكثر عبالك اني الخنتة واني الجبرتة علية لو اشكد ما احجي مستحيل واحد يحس بلي داحس بي احس حتة النفس ضاك بية كمت علة كيف وجريت شالي بقوة حسيت ادنبوس دخل ابلعومي وركبتي كامت تنزف مهتميت ودخلت للحمام وكفت جوة الدوش مبلابس المدرسة وفتحت الدوش بدة يجري المي ودموعي يرجن ويا النار البكلبي زادت مقلت ضليت فوك الساعة واكفة جوة الدوش الحد ما سمعت باب غرفتي اندك ومرت اخوي اصيح تعالي تغدي صحت بصوت عالي وكتلهة ماريد 

وسديت الدوش وبدلت ملابسي وشمرت روحي علة الجرباية دقايق قليلة وغفيت من التعب والبجي ورة فترة حسيت بأمي تهز بجتفي وتكعدني كعدت وباوعت علة الساعة بنعاس جانت بالربعة ونص لميت شعري وكمت غسلت ونزلت جوة شفت ابوي وخواني كاعدين بالصالة رحت كعدت بصف بابة وحطيت راسي علة جتفة وهوة قربني الة وحط ايدة علة كصتي وكال 

ابو مرسلين : اشبيج بنيتي خو ما مصخنة 

مرسلين : لا ممصخنة بس اشوية تعبانة 

ابو مرسلين : سلامتج بوية وكلتلي امج علة سالفت امتحانج ولا تشيلن هم وذا تردين باجر اخلي امج تروح المدرستج وتحجي وية المدرسة وتعيدين الأمتحان 

مرسلين ببتسامة : لا ماكو داعي ان شألله تطلعلي درجة نجاح بس بابة فدوة خل اروح انزور الأمام الكاظم (ع) صارلنة اهواي مرايحين 

محسن : لازم مخنوكة لو واحد مضوجج 

مرسلين : باوعتلة وسكتت شكلة مثلاً ودرت علة بابة الي تنهد وكال يلة كومن بدلاً البتسامة شكت حلكي وكمت بست خدة وصعدت ركض الغرفتي لبست تنورة كلوشة سودة وقميص وردي وشال اسود وخذت جنطة سودة ازغيرة وحطيت الجادر مال صلاة  بيهة وطلعنة اني ومامة وشلت علوش ابن اخوي لأن حناخذة  ويانة وركبنة بسيارة بابة ورحنة للأمام الكاظم (ع) طول الطريق واني صافنة علة الجامة واول ما وصلنة ودخلنة للضريح حسيت ادموعي بداً ينزلن من وحدهن تنفست براحة وبست باب الضريح ورحنة اني ومامة زرنة لزمت الشباك ودعيت من كل كلبي ربي طلعني من هاي الضيق والخنكة البكلبي وكعدت اقرة بدعاء الزيارة معرف ليش بكل مرة ادخل للأمام واني احس شايلة اهموم الدنية كلهة بكلبي اطلع منة واني مثل الريشة فعلاً زيارتة راحة مو طبيعية واجتني امي وكالتلي يلة نرجع ابوج منتظرنة كتلهة ماشي وكمت رجعت كتاب الزيارة بصف الكتب وطلعنة لأبوي جان واكف منتظرنة اباب الخروج هوة وعلوش شافني وابتسمت قربت علي وحط ايدة علة جتفي وكال ارتاحيتي هزيت راسي ببتسامة ورحنة اتعشينة ورجعنة بعد فرة طويلة بسوك اول ما وصلنة للبيت بدلت ملابسي وذبيت روحي مثل الميتة علة الجرباية ورحت بسابع نومة للصبح يلة كعدت علة صوت هوسة وعياط جوة كلت يا ستار اشصاير  ونزلت ركض جوة دخلت للصالة وشفت اختي هدى كاعدة بالكاع وتبجي وتضرب علة وجهة وامي بصفهة كاعدة وابوي واخواني فوكاهة باوعتلهة بصدمة وشلت بتهة نور الي ناطة من البجي وكمت اهز بيهة حتة تسكت وباوعت لأمي بمعنة شكو اشرتلي اسكت هزيت راسي ورحت سويت ممة النونة واسمع ابوي واخواني يتصايحون ويسبون برجل اختي حيدر ورة خمس دقايق شفت ابوي واخواني طلعو من البيت رجعت للصالة وكعدت كدام اختي وامي وكلت 

مرسلين : ضربج الحقير مو

هدى بجي وعياط : ولج ياريت ضربني ولا سوة السوا لج والله حبيتة ورب العز عشكتة تعرفين شنو يعني عشكتة وضحيت بعز شي عندي علة مودة تالي يخوني ويامن وية بت عمة لج كاعدة بنص بيتي ويخوني وياهة ويرجعلي بنص الليل ركبتة مطكعة هذة غير الأهانة والضرب مالتة هوة امة لجج ااااه يمة حمووت بس كلليلي بشنوو قصرت ويا بشنووو حتة يجازيني هل مجازات ويخوني 

مرسلين : دمعت عيوني عليهة وامي كل عادة زادت الجرح ملح وبدت تلوم بيهة وتحجي انتي الفضلتي علة شاهين وانتي اردتي وانتي وانتي ما سكتت الحد ما اختي هدى انهارت وكامت تضرب بروحهة جانت حالتهة تكسر الخاطر كمتلهة بسرعة وحطيت نونة عد امي وسندتهة اني ومرت اخوي للمغسلة غسلنة وجهة وديناهة الغرفت امي وابوي مددتهة علة الجرباية وكمت امسد علة شعرهة الحد ما نامت باوعتلهة بقهر وتنهدت وطلعت من الغرفة شفت الساعة بثمانية وربع يعني فاتني الدوام يلة خلينة اليوم نضرب عن الأدوام ورحت غسلت وجهي ولميت شعري وحميت الجاي وكعدت نتريك اني وسامر ابن هدى خصلت ريوكي وشلت المواعين غسلتهن وشفت ابوي دخل هوة وعمو ابو شاهين رحت سلمت علي وصبيتلهم مي وباوعت علة ابوي عروك ايدة ناطة من العصبية سودة علية اعرفة بس ايعصب يرتفع ضغطة رحت للمطبخ بسرعة وسويتلة عصير ليمون وامي ضلت كاعدة وياهم هية ومرت اخوي كملت وانطيت اكلاص العصير البابة وكعدت ابصف امي وبدة بابة ايسولف الأمي اشون راحو اخواني اتعاركو وية حيدر وضربو وصارت عركة عويصة وابو حيدر هم متعارك وية ابوي لهيج صاير اعصاب وعمو ابو شاهين كعد ايهدي بابة وباوعلي وكال صيحيلي اختج كتلة حاضر وكمت كعدت هدى وكتلهة عمو ابو شاهين ايريدج عقدت حاجبهة وكلتلي ليش كتلهة مادري ورجعت للصالة وهية دخلت وراي سلمت علة عمو وعمو سئلهة اصاير حجتلهة علة السوا زوجهة ورجعت تبجي عمو هداهة ودك صدرة وكلهة تاخذين حكج مربع من هل شارب حسيتهة اشوية ارتاحت من كلام عمو وكام عمو اترخص وطلع هوة وابوي وامي وهدى ضلن كاعدات يحجن بالتستقبال واني ونسوان اخوتي كمنة نضفنة البيت وغسلنى وحضرنة الغدة لثنعش يلة دخلو اخواني بس ميبن عليهم صايرين اعصاب محجينة وياهم اي كلمة بس امي سئلتهم علة ابوي كلولهة حيتغدة بيت عمامي سئلتهم ليش مردو عليهة وصاحو علة الأغدة كمنة حضرنة الغدة والتمينة علة السفرة اباوع علة اخواني خطية بس ايكلبون بالكل وهدى اصلاً مرضت تاكل كملنة الغدة اشون ما كان وصبيت جاي الأخواني ورحت اغسل المواعين وية مرت اخوي ورة فترة صاحت علينة امي وكالت 

ام مرسلين : يلة حضراً نفسجن بسرعة راح الروح البيت جدجن 

مرسلين بستغراب : ليش 

ام مرسلين : ما ادري بس ابوج خابر محسن وكلة يودينة البيت جدجن 

مرسلين برود : بس اني ما اريد اروح 

ام مرسلين : هذوليج اخوانج وكليلهم ما اريد اروح لا ادخليني اني

مرسلين : اباوعلهة عافتني وراحت تبلس ضربت رجلي بالأرض بغيض ودخلت للصالة اباوع علة اخواني كل واحد مطنكر وربي لو اكلهم ما اريد اروح يمكن ايكتلوني كتل حلال اتأففت وصعدت فوك لبست صاية سودة وشال وردي فاتح وحمرة خفيفة ولبست حذاء باتة ونزلت جوة شفت اختي هدى واكفة بالباب وشايلة نور بيدهة وامي تقفل بالبيبان لزمت ايد سامر وطلعو اخواني واحنة وراهم امشي وادعي من كل كلبي انو ميكون موجود ابيت جدي لأن اعرف نفسي مستحيل اتحمل وجودة بس فكرت انو هوة موجود تخنكني فشون اذا اشوفة وصلنة البيت جدي واخذت نفس قوي حتة اهدة ودخلت ورة. امي وهدى اباوعلهن اول ما دخلن للستقبال اضطريت ادخل وراهن هنة ونسوان اخواني وفعلاً دخلت وعساني لا داخلة اول مدخلت شفتة مترئس الكعدة هوة وجدي ردت ارجع اطلع بس صارو اخواني وراي باوعولي واشرولي ادخل هزيت راسي ودخلت واني امدنكة راسي سلمت علة جدو وبست ايدة وعلة بيبيتي وعمامي وعماتي الي معرف اشوكت وليش منجمعين كلهم اليوم وترخصت منهم ابسرعة واول ما ردت اطلع صاح علية عمي الزغير وكال 

ابو محمد : وين بوية ابقي صارلنة اهواي مشايفينج 

مرسلين : باوعتلة بقلة حيلة وتوتر بنفس الوقت وباوعت علة بيبيتي الي اشرتلي اكعد بصفهة هزيت راسي ورحت كعدت يمهة وبدو عمامي يسولفون ويحجون علة الشغل واثناء الحديث ذكرو سالفت هدى وكل عمامي وكفو بصف هدى واردو يرحون البيت ابو حيدر ويتفاهمون ويا بس جدي مخلاهم وكال هية اختارتة وهية الي تتحمل نتيجت اختيارهة اباوع علة عمامي كلهم خنسو من بعد كلام جدي ورجعو ايسولفون وعماتي ما شألله كل ساعة وحدة ذابتلي كلمة مثل السم هاي ما عدة نظرات بناتهن وربي مرات يضحكني اليشوفهن يكول بايكة رجلهن ورة نص ساعة من الكر والحجي مدري ليش راحت عيني علة مكان جدي وشاهين ابوعلهم كاعدين بصف بعض نفس الكعدة ونفس الملامح حتة نفس عكت الحاجب وجدو يهمس بذنة وهوة بس ايهز براسة ويدخن يالله اشكد اكرهم بحياتي ما كرهت بشر مثل ما كرهتهم اصلاً همة الي خلوني اعرف شنو الكره وشنو الحقد والخبث الجد والحفيد نفس البرود والظلم ونفس الهيبة والطغيان جان جدي مخلي عمامي كلهم يتراجفون منة وهسة اجة حفيدة واسلتم القيادة بمكانة وخلة الكل يحسبلة الف احساب اشكد جنت اكره الضعف الأشوفة بعيون عمامي وابوي وحتة اخواني وجنت دائماً اسمع الكلمة اليرددهة جدي بكل كعدة وهي الشاهين هوة الأمر الناهي من بعدي واخر شي عرفتة من امي ونسوان عمامي انو جدي مسجل كل الأملاك والعقارات بأسم شاهين وعمامي كلهم شايطين همة ولدهم بس طبعاً محد فك حلكة بأي كلمة لأن البيوت الساكنين بيهة والمحلات الفاتحيهة هذة كلة ابأسم جدي ويكدر بي لحضة يطردهم اذا اعترضو او حجو شي والدي للأسف جان من ظمنهم شلت اعيوني عنهم وزفرت انفاسي بكره وباوعت علة بيبيتي الي ابتسمت بوجهي وحطت ايدهة علة ظهري ابتسمتلهة والتفتت علة عمتي الي كالت 

ام سارة : مكلتنة عمة شاهين اشوكت نفرح بيك ونشوف جهالك 

شاهين : نفخت دخان الجكارة وكلت برود بعد وكت علة هل حجي 

ام سارة : يا عمة شبعد وكت البكدك جهالهم بطولهم وانتة بس اشر بصبعك وتجيك المرة اشو ما شألله كامل مكمل والناس تتمنة تناسبك وهاي بنات عمامك وعماتك يا مكثرههن وحدة احلة من الثانية انتة بس اختار 

ام اخلاص : اي والله يا عمة يوم المنة ونشوف عرسك ونفرح بيك وهاي بناتي من اخلاص المنال جوة ايديك طب وتخير   

مرسلين : ابتسمت بسخرية علة حجيهن اعرفهن يردن يضوجني بحجيهن بس ميعرفن اني اول الفرحانين اذا ازوج وخلصت منة وباوعت علة خالتي ام شاهين جانت تباوعلي بمعنة لا ازعلين هزيت راسي ببتسامة بمعنة ماكو شي ومعرف ليش راحت اعيوني علة اختي هدى الي جانت اعيونهة مرتكزة علة شاهين ورفعت راسي علة شاهين الي جان بين فترة والثانية ايباوع علة هدى ويرجع اعيونة بالتليفون ابتسمت اكبر ابتسامة سخرية وقهر بالعالم كلة وشلت علوشي ابن اخوي وكلت 

مرسلين برود : يلة اترخص بابة حرجع للبيت خطية علوش نعس 

ابو مرسلين بتفهم : اي بوية بس خلي واحد من الولد ايوصلج للبيت 

محمد : اي عمي اني  طالع وراح اوصلهة بطريقي 

الجد :.......................