رواية بديلة اختي الفصل الثالث بقلم خاتون الكعبي
تذكير
محمد : اي عمي اني طالع وراح اوصلهة بطريقي
الجد : لا بوية انته روح الشغلك وبوية شاهين وصل امريتك للبيت
مرسلين برود : لا جدو تسلم ماكو داعي هسة محمد يوصلني بطريقة مو حمودي
محمد ببتسامة : اكيد من عيوني
مرسلين : ابتسمتلة وكمت باوعت بنظرة خاطفة علة شاهين ولا مهتم مدنك راسة علة تليفونة ويكلب بي ابتسمت تك خد وطلعت ورة محمد وصلني البيتنة وراح فتحت الباب ودخلت للصالة حطيت علوشي علة الكرويتة ونزعت شالي اخذت نفس قوي ونزعت صايتي ونومت علوش وحطيتة بكاروكة وصعدت الغرفتي اخذت تليفوني من الشحن وشفت تلث مكالمات فائتة من تقى تنهدت بتعب وخابرتهة واول ما فتحت خط اجاني صوتهة يرعد استلمتني مسبة وغلط مسكتت الحد معطت بيهة وكلت
مرسلين : كااافي اسسس اشبيج انهديتي فرد هدة
تقى بعصبية : طبجج مرررض نعلل من انعل ابو التخابرج وتسئل عليج مو صوجج صوج ال**** التخاف عليج لج ادبسززز متكولين وحدة قندرة تخاف علية وتضل بقلق اصخم وينج مختفية منعولة ال****وحتة للمدرسة ما تنعلتي واجيتي
مرسلين برود : وسمم كافي غلط وصار عندي ظروف ومكدريت اجي
تقى : بسبب اختج الك**هدى موو
مرسلين بستغراب : اشون عرفتي
تقى : لج هوة يا كو** بقة معرف بسالفة المنطقة كلهة درت لج بس شنوو ال*** ابن عمج شنهي مو زلمة غنبلة حيوانة سا** وين جنتي ضامتة عني
مرسلين بحدة : تتتتتقى الطمي وفهميني ادتحجين وعلة يا ابن عم قصدج
تقى : شبيج يول شاربة *** غير ابن عمج الك*** الجبير هذة النقيب مدري ضابط لج يمووت هل ا*** شفتة اليوم لمن رجعت من المدرسة جان يتعارك هوة وال*** رجل اختج بس شنو دما دمي الرجل اختج معافة الحد مال الك** اخوانج وخرو منة وسمعت من جيرانة انو كاسر خشمة ههههه بس وربي يستاهل لهل عار او هوة رجل الك** اختج وما ترضين بس طبة مرض
مرسلين : هية تحجي واني باقية مثل الطرش بالزفة معرف اضحك علة حالي لو ابجي بس جان سؤال واحد يدور بالي معقول شاهين بعدة يحب هدى مثل قبل اي اكيد يحبهة لو ميحبهة مجان راح كتل رجلهة وباوعلهة اليوم طردت هاي الفكار من راسي واخذت الواجبات من تقى وسديت التليفون طلعت كتبي وبديت ادرس للمغرب يلة اندك الباب كلت شي اكيد رجعو جريت شالي لبستة ونزلت جوة فتحتلهم الباب دخلن امي ونسوان اخوتي واختي هدى سئلت علة بابة ولولد كالت امي ضلو ابيت جدج ودخلن جوة واني وراهن وحصلتلي رزالة معدلة من امي لأن رجعت وضليت كاعدة يمهن الحد مأذن كمت صليت وسويت عشة وية مرت اخوي تعشينة وصعدت الغرفتي طلعت ملابس المدرسة غسلتهن وحضرت الجدول وكعدت اكلب بتليفوني الحد مندك الباب صحت ادخل ودخلت اختي هدى هية وشايلة بتهة نور ابتسمت وطفيت التليفون وحطيتة علة الميز وكعدت هدى كدامي علة الجرباية اخذت منهة نونة وبست خدودهة وحطيتهة بحظني وباوعت علة هدى مثل الي عدهة احجاية ومتكدر تكولهة ابتسمتلهة وكتلة
مرسلين : احجي
هدى : شنو
مرسلين : اي شي المهم لضلين ساكتة
هدى : ماكو شي ينحجي بس اختنكت بغرفتي واجيت اكعد يمج خو ما ضوجتج
مرسلين : ههه لا وربي نورتيني اصلاً اني هم ضايجة ومنعسانة
هدى بهدؤ : مرسلين
مرسلين : عيونهة
هدى : حكولج شغلة بس اريدج توعديني انو اتضل بيناتنة
مرسلين : وعد وهسة كولي شنو
هدى : تدرين اليوم لمن شفت شاهين حسيت بندم جبيرر لأن عفتة وختاريت واحد علة كولت امي ميسوة اضفرة معرف هيج احساس جديد تولد بداخلي تجاهة احس كلبي كام يدك بقووة عجيبة لمن شفتة وصارت عيوني بعيونة اعرف هل شي الداحجي حرام وميصير وانو انتي بحسبت مرتة بس اني وياج نعرف انو شا..
مرسلين قاطعتهة وكلت : اعرف انو ميريدني وحيطلكني عن قريب واني هم لا اريدة ولا اطيقة بس موضوعج شغلة ثانية انتي مرة مزوجة بلة عوفج مني طبني مرض بس الشي الحجيتي والحسيتي بي حرام عليج انتي باجر عكبة اكيد حترجعين ارجلج مو حرام انتي علة ذمتة وتحجين عن واحد غيرة
هدى : بس اني ما اريدة وحنفصل عنة وجهال اذبهم علي هوة يحير بعيشتهم مستحيل بعد ارضة اعيش وية واحد مثلة سكير وابو نسوان وهم كتلج اعرف هل شي حرام بس شسوي هوة شعور وصار بكلبي قابل بيدي ياخيتي
مرسلين : لحضة لحضة مفهمت شنو اذبين الجهال
هدى : اي قابل اني ابتلي بيهم وبعيشتهم ودفن نفسي بالحياه واني بعز شبابي اريد اشوف حياتي ومستقبلي الضاع واني مزوجة واحد خاين وحقير مثلة
مرسلين بصدمة : عود صدوك تحجين لو تشاقين شنو اذبيهم غير جهالج وانتي امهم واجبج عليج هذة اصدكين حتة متستاهلين كلمة مامة بعد الكلتي من واحد منهم
هدى برود: بعدج ازغيرة ومتفتهمين الداكولة بس اتكبرين وايصير عقلج واعي حتعذريني
مرسلين : باوعتلهة صفح وسكتت بالة شكللهة هاي فعلاً نزلت من عيني بعد هذة كلامهة وما تستحق نعمت الأمومة بعد الكالتة كامت ورادت تأخذ نور من حظني كتلهة خليهة نايمة يمي اليوم هزتلي راسهة وطلعت من الغرفة دنكت علة نونة وبست خدهة خطية جانت تغفي وكمت اهز بيهة الحد منامت نومتهة علة الجرباية ونمت ابصفهة للصبح يلة كعدتني امي حتة اروح للمدرسة كمت بتكاسل غسلت وصليت ولبست قميص ابيض وصدرية نيلية ومن الجانت بيهة خطين بيض ومن كدام فيونكة اصغيرة ولبست شال نيلي وحذاء باتة بيضة وبست نونة بخدهة واخذت جنطتي ونزلت جوة جان الكل بعدة نايم يمكن تعبانين من هوسة البارحة شربت جاي واخذت مصرف من مامة وطلعت من البيت ومريت علة تقى وتمشينة اني وياهة للمدرسة اخذت الطريق كولة وهية تسئلني علة شاهين الحد ما مليت وعطت بيهة يلة سكتت وصلنة للمدرسة دخلنة ودك الجرس والكل راح الصفة وبدت الدروس تتناوب علينة الحد مدك جرس الفرصة اثانية وراحت تقى تشتريلنة واني كعدت بصف اراجع احياء عدنة امتحان يومي ورة اشوية رجعت تقة بس مبين علية العصبية وجهة احمرر نار وملابسهة متربة سئلتهة اشبيج مردت ضليت اسئل بية الحد ما صاحت بعصبية وكالت
تقى بعصبية : بتل الكلب كتلج مبية شي وداعت ابوية الك*** مبية شي بعدد كلة من ورة خوات ال**** اذا ما موتهن يصير علة ايدي فلا اسمة تقى
مرسلين بستفهام : شبيج يول منو هنة
تقى : مننة يعني غير الب*** نرجس ودق لج حرركن دمي بنات ال***
مرسلين : قصدج خوات حيدر
تقى : اي الكلبات واكفات بساحة ويحجن شروي غروي ال***
مرسلين : شيكولن
تقى : لا تهتمين الهل سا*** خل يولن
مرسلين : بس كليلي اشكالن حتة هيج عصبتي
تقى : السافلات كالن علة اختج كح** وهية مصادقة هذة ابن عمج الضرب اخوهن والبنات واكفات ويسمعلهن وهم دخلنج بنص وكالن اصداق ولد ومن هل كلام متحملت اسكتلهن الهل اك** فهجمت عليهن وضربتهن و. قبل لا اكمل كلامي عافتني وطلعت من الصف ركضت وراهة وشفتهة راحتلهن وبداً يتعاركن وحدة ادفع بثانية الحد ما مرسلين جرت شعر نرجس وكامت تضرب بيهة ودق ال** ادفع بمرسلين هجمت عليهة ومطلتهة بالكاع وين اليوجعك والبنات فوك روسنة وياحولن ايفاككنة بس ماكو صرنة امالخ الحد ما اجت المديرة والمعاونة و.....
_______________
شاهين
كاعد اشتغل علة ملفات مهمة ودخل رائد صديقي وياي بالدوام باوعتلة برود وكلت
شاهين برود : اشوكت تتعلم ادك الباب
رائد : بس اشيل بوز المطلكة الحاطة
شاهين برود : مخصوم منك اسبوع
رائد : لا والله شبيك متتحمل شقة عمي وربي جنت اشاقة وياك وانتة ذاك الأسبوع خاصم مني تلث تيام لأن تأخرت اشبقيت من الراتب بعد
شاهين برود : تستاهل وهسة عندك شي كولة ما عندك برة
رائد : اعتبرهة طردة هاي
شاهين بهدؤ : ماكو داعي تعتبرهة هية فعلاً طردة
رائد ببتسامة : حبيبي تمون
شاهين : غصبن عليك وهسة فضني عندي شغل كول شتريد
رائد بمكر : اليوم مسوين سهرة حلوة اني والشباب وصارلك اهواي ممشرفنة واشرف لح علية اخليك تجي
شاهين : ما اجي مالي مزاج وصل الهل كواد وكلة يكول شاهين احسلك تختفي هل فترة من كدامي لأن اذا الزمك ما ارحمك علة دكتك الناقصة
رئد : هههه ليش شمسوي
شاهين برود: برة
رائدة : ههه حاضر حاضر بس هدي ولا تنسة منتظرينك
شاهين : باوعتلة صفح وكملت شغلي وطلعت من المكتب ركبت سيارتي ورجعت للبيت وقبل لا اصول دك تليفوني طلعتة من جيبي وباوعت برقم وزفرت انفاسي بعصبية وفتحت خط وكلت
شاهين بعصبية مكتومة : خيرج
: مشتاقتلك وصارلك اهواي ممارلي شنو مشتاقيتلي
شاهين برود: حضري نفسج الساعة بثماني امر عليج وسديتة قبل لا اسمع ردهة وصلت للبيت ودخلت سلمت علة امي وصعدت كبل الغرفتي ارتاحيت اشوية وسبحت ولبست بنطرون اسود وتشيرت اسود وخذت مفاتيحي وتليفوني والهوية حطيتهن بجيبي ونزلت جوة ركبت سيارتي وخذتلي فرة علة المعامل والحمد لله الشغل زين والوارد حلوو رحت البيت جدي وشفت عمامي كلهم مجتمعين دخلت سلمت عليهم وانطيت الوارد مال هل شهر الجدي وكعدت اسولف وياهم اشوية ودك مبايل عمي اباوعلة تغيرت ملامح وجهة وطلع جاوب ورجع ترخص وقبل لا يطلع جدي سئلة
الجد : شبيك شو صوفر وجهك شصاير
ابو مرسلين : لا بوية ماكو شي بس المديرة مال مدرسة مرسلين خابرتني وطلبتني للمدرسة وريد اروحلهة لا صاير شي بيهة لا سمح الله
الجد : لا تخاف كلشي ميصير بيهة اكيد مسويتلهة مكسورة مثل كل مرة كتلك بطلهة لا اجيبنة المصايب بس ما ترد اخخخ منك اخخخ بوية شاهين روح وية عمك وشوف هاي البلوة شلاعبة
شاهين : اباوع علة جدي كام يضرب عوجيتة بالكاع بعصبية ويصيح علة عمي هزيتلة راسي برود وطلعت ركبت سيارتي وعمي بصفي رحت للمدرسة وصلت صفيت السيارة يم باب المدرسة ونزل عمي ودخل للمدرسة قبلي قفلت السيارة ونزلت ورا شوفت هويتي للحارس مال مدرسة ودخلت سئلت علة غرفة المديرة ودلوني عليهة دخلت وشفت مرسلين واكفة كدام مكتب المديرة وحاضنة عمي وتبجي واول مشافتني فتحت عيونهة علة وسعهن رفعت حاجبي برود وكلت
شاهين :.................
