رواية هل للقدر رأي اخر الفصل الثاني بقلم دارين أسامة
_مريم؟
_بصدمه..يونس؟
_انتي بتعملي ايه هنا؟ ....انتي مش المفروض في السعوديه و...و ايه اللي في وشك ده وريني
كان لسه هيمسك وشي بعدت بسرعه وانا ببص للبوديجارد اللي واقف بعيد باصص علينا
_ عن اذنك انا لازم امشي
_استني بس ...
_عن اذنك
جريت بسرعه وقفت قدام الكاشير ،كان هاين عليا اخرج بره السوبر ماركت خالص ولاكن حاولت ابقي هاديه عشان البوديجارد ده ميشكش في حاجه ويروح يقول ادهم ،حاسبت ومشيت بسرعه
______________
فضلت واقف مصدوم مش مصدق اني شوفتها مش قادر انسي عيونها ووشها اللي في علامات وكأنها .....وكأنها علامات ضرب ..تجاهلت العلامات دي وافتكرت وشها الباهت او لا شكلها كله بقي باهت وكأنها ورده متسقتش ف ماتت...
_____________________________
في العربيه
_اتأخرت كل ده ليه يابني
_....
_يونس..يا بني..يونسسس
_ايه في ايه
_بقالي ساعه بكلمك
_ها
_ها ايه؟ ..في ايه
_شوفتها
_بصلي باستغراب ..هي مين؟
_مريم
_لاااا انت شكلك اتجننت خالص
_والله العظيم شوفتها
_شوفت مين ..بقولك في السعوديه
_في الأول شكيت انها شبها لاكن خبطت فيها و...و
_و ايه ما تكمل
_كان شكلها باهت وتعبان اوي
_يونس انت متأكد من اللي بتقوله؟
_ايوه والله انا مش مجنون
_طب وهي قالت ايه
_مشيت بسرعه من غير ولا حرف
_طب هتعمل ايه
_هعمل ايه في ايه دي هربت وكأنها مش عايزه تشوفني
_طب هات علبه عصير الجو حر اوي
_رميت الحاجات في وشه ...امسك ده انت معندكش دم
_ايدا جايب تفاح انا بحب المانجا
_بصيتله
_خلاص خلاص التفاح حلو بردوا
_اتحركنا وطول الطريق وانا سرحان فيها ومش مصدق اني شوفتها ..مراحتش عن تفكيري اليوم كله
_________________________________________
مش مصدقه اني شوفت يونس بعد كل السنين دي ،كان اقرب حد ليا كان اعز الناس علي قلبي ،كان اخويا وصحبي وبير اسراري وجاري ،مكنتش عايزه يشوفني وانا في الحاله دي
كنت شايله هم اهلي لما يشوفوني اقوم اقابل يونس
سرحت في ذكرياتنا زمان مع جيراني وصحابي
والجامعه وأهلي
_فوقت من سرحاني علي صوت ادهم
_خلصتي الاكل؟
_هزيت راسي وقولتله اه
_هغير وانزل
رجع تاني
_واه عايزاك في موضوع
_خوفت ليكون عرف اني شوفت يونس
_هزيت راسي تاني وقولتله تمام وانا عايزه اعرف عايز ايه
=نزل وقعدنا ناكل في هدوء ..او الحقيقه هو لوحده اللي كان بياكل انا كنت بقلب في الأكل وباصه للأكل
بهدوء لقيته بصلي وقال
_عايزاك تيجي معايا حفله الشركه بمناسبه عقد صفقه من أكبر الصفقات اللي عملتها الشركه
_بصيتله بحزن وضيق ..انا بكره حفلات الشركه بيبقي في ناس مش شبهي ولا ببقي مرتاحه ليهم ولا اللبس والجزم اللي بتضطر البسهم بصيتله بترجي وانا بقول :
_ممكن مجيش المرادي
_وليه بقي ان شاء الله ؟وراكي ايه شغل مهم ولا عيال ممرمطينك طول اليوم
_بصيتله بحزن انه بيلومني هو وأهله طول الوقت علي حاجه مش بإيدي
_سكت ومردتش عليه
_الحفله بكره بليل ،الساعه 7 بالظبط تبقي جاهزه ،هتلاقي الفستان علي السرير، وتبقي حطي اي حاجه في وشك
_بصيتله بحزن وسكت وبعدين قولت:
_طب وأهلي انا عايزه اشوفهم اوي
_انا مواعيدي كلها مشغوله مش فاضي
_بس انا عايزه اشوفهم اوي انت عارف اني جايه عشان اشوفهم
_اتنهد بضيق ..طيب بكره الساعه ٣ هنشوفهم ساعتين ياريت تبقي جاهزه لان مش فاضي استني حد
_اتنهد براحه اني اخيرا هشوف ماما واخواتي
~~~~~~~~~~~~~~~~~~~~~~~~~~~~
مكنتش عارف انام اليوم من ساعه ماشوفتها وانا عايز اشوفها تاني واسألها عن أخبارها وحياتها ماشيه ازاي من ساعه اخر مره شوفتها ب فستان الفرح وانا مشوفتهاش تاني ...او الحقيقه حاولت مشوفهاش تاني لاني مكنتش قادر اتقبل فكره انها اتجوزت حد تاني ..فوقت من تفكيري علي رنه تليفوني وكان يوسف
_الو
_فينك مختفي ليه
_هو انا مش ليه سايبك من ساعتين ولا انا بيتهيألي
_ايوه بس يونس اللي اعرفه مكنش بيروح البيت الا علي النوم
_لا انا مش قادر الف ولا اخرج انا راجع من السفر علي الشغل علي طول مفيش احساس
_يعم هو انا خطيبتك ...خلاص انا عندي ليك حته حفله بكره تبع الواد حسين انت عارفه شركه ابوه عامله حفله بمناسبه نجاح صفقه تقريبا وقالي هات يونس وتعالي
_لا انا مش فاضي بكره مش هعرف
_وراك ايه؟ اوعي تكوني مرتبط من ورايا يا واد يا يونس
_يعم اسكت هو انا فاضي ..وبعدين متاخد خطيبتك معاك
_لا طبعا اخد مين وبعدين ريم مبتحبش الحفلات
_طيب خلاص هشوف واقولك
_يبقي اقول لحسين اننا جايين
~~~~~~~~~~~~~~~~~~~~~~~~~~~~
تاني يوم;-)
صحيت الصبح حضرت الفطار وادهم راح الشغل كنت قاعده مستنيه الساعه تيجي ٣ الوقت كان بيمر ببطئ اوي ،الساعه جت كانت ٢ونص لقيت ادهم بيرن
_قدامي عشر دقايق وابقي تحت البيت ياريت تبقي جاهزه عشان معنديش وقت
_حاضر انا جاهزه اهو نزلت بسرعه قبل ما يغير رأيه
~~~~~~~~~~~~~~~~~~~~~~~~~~~
في بيت تاني
كانت واقفه ست كبيره في المطبخ بتجهز الأكل
_يا ماياا ..يا مايا
_ايوه يا ماما جايه اهو
_قطفتي الملوخيه ؟
_ايوه يا ماما اهو خلصت
_عمر اخوكي جه من تحت ولا لسه
_لسه
_هو اتأخر ليه ده هو كيلو بصل الي بيجيبه
_ما انتي عارفه عمر يا ماما
=الجرس رن
_اه جه اهو
_فتحت الباب وفضلت واقفه مصدومه ..عيني دمعت تلقائي وانا بقول بدموع
_مريم ؟مريم اختي
_هزيت راسي بنفس الدموع اخدتها بالحضن
_كان وشها باين عليه التعب ببص لها وانا مش مصدقه ان مريم جت اخيرا
_مين يا مايا علي الباب
_...
_مبترديش ليه مين يا بنتي
جت الام
_مين يا ماي.......وقفت مصدومه
_مريم ..انتي مريم بجد
_هزيت راسي وانا باخدها بالحضن ماما وحشتيني اوي اوي
_وانتي كمان اوي اوي يا بنتي ايه الغيبه دي وعامله ايه وفين.. جوزك
_ردت مايا خلينا ندخل الأول يا ماما
_دخلوا وقعدوا
_ادهم عنده شغل وصلني ومشي
_هو لسه بيعاملك وحش؟
_مردتش
_حاولت مايا تغير الموضوع ...وحشتيني اوي وماما دايما بتدعيلك حتي عمر اللي كنتوا علي طول في خناق بعض وحشتيه اوي
_كانت بصلها الام بحزن
_رديت انتو كمان وحشتوني اوي اوي هو فين عمر
_بيجيب حاجه وطالع
الجرس رن
_اهو جه هروح افتح
_عامله ايه يبنتي
_الحمدلله يا ماما انتي وحشتيني اوي اوي
_وانتي اوي عمري مانسيتك في دعائي ..منه لله عمك المفتري حقك عليا يبنتي
_ملهوش داعي يا ماما انا كويسه
دخل عمر في نفس اللحظه
_مريم؟؟
_عمر انت كبرت اوي تعالي وحشتني اوي
_قرب منها عمر ...فضل باصصلها وبعدين خدها بالحضن
فضلت دقايق في حضنه وهي بتدمع
_خرجها من حضنه .. ومسك ايدي هو اللي عامل فيكي كده؟؟
_اءء...بلعت ريقي ..لا ده ..ده اتخبطت في المطبخ
_واللي في وشك ده كمان في المطبخ
_يا حبيبي عادي وا.........
_انتي سكتاله ليه؟خدك مننا خمس سنين ..وكمان بيمد ايده عليكي
_عمر خلاص خلي اختك ترتاح دلوقتي..اقعدي يا حبيبتي ده عامله النهارده محشي وملوخيه وفراخ قلبي كان حاسس ان في حاجه هتحصل النهارده بس مكنتش اعرف انها حاجه حلوه كده
_تسلم ايدك يا ماما بس ده هما ساعتين ولازم امشي
_رددت مايا ...ساعتين ايه لا انتي لازم تباتي
_مش هينفع والله ادهم عنده شغل وانا لازم امشي هجيلكوا تاني
_اتنهد عمر بضيق..
عمر عنده 19سنه ومايا عندها 21سنه ،عيالي قبل ما يبقوا اخواتي ،اما انا عندي 24 سنه ،اتجوزت وانا عيله عندها 19سنه كانت بإرادتي كانت أول سنه ليا في الجامعه لما شوفت ادهم ،الواد اللي كل البنات هتموت عليه ،جنتل ،غني ،شيك ،ذوق،والأهم انه جه اختارني واتقدملي وانا زي العبيطه صدقته
صدقت كل كلمه قالها وكل وعد قاله ،بابا مكنش موافق ولكني عندت ومع كلام ادهم اللي كان يطمني انه عمره ما يسيبني وقفت قدام الناس كلها وخصوصا عمي اللي وقف معايا واقنع بابا مكنتش اعرف ان ادهم وعمي متفقين واني مجرد سلعه للبيع
اتجوزت صغيره ،ادهم وعدني اننا بعد اول سنه جواز هنسافر السعوديه واكمل تعليمي هناك
لكن بعد الجواز شوفت حقيقته هو وأهله ،ومامته قالت ملهوش لزوم التعليم الست ملهاش الا بيت جوزها وعيالها ،خلاني اقطع مع صحابي وأهلي وجيراني واسيب الجامعه خد مني كل حاجه وانا عشان هبله صدقته وصدقت كل كلمه قالها.
~~~~~~~~~~~~~~~~~~~~~~~~~~
فوقت من سرحاني وانا في العربيه علي صوت ادهم وهو بيقول:
_روحي البيت اجهزي وانا عندي شغل ساعتين وهاجي اخدك عشان نروح الحفله
_تمام....قولتها بهدوء
ورجعت اسرح في افكاري من تاني ..
