رواية زوج اختي والماضي الفصل الثلاثون بقلم مجهول
اسمع بالكلام وابلع الكلام اللي ماينبلع من اصله كلام مثل الصواعق ينزل داخل مسمعي إذا اطلع اوجههم مراح
يصدكون بي وراح يتهموني بشي ابشع بعد
إذا زوجي هيج يحجي علية ويتهمني بشرفي بكل عين صلفة أهله اكيد راح يصدكون بي أني ابقى چنة والچنة تصير
منبوذة وأقل زلة عليها تروح بيها يم العيال
نزلت جوه.ودموع تهل عشرة على عشرة انتظرت عمتي نزلت رحت صعدت للغرفة دخلت لكيت مكسور الركبة
كاشخ واكف كبال المراية يرش عطر
همست بيني وبين نفسي ...
ان شاءالله يرشون مي ورد على قبرك يانذل ابن
الحرام مو ابن حلال أنت
التفت باوعلي بنظرة شمئزاز ...
خيرج تباعيلي بهالطريقة ؟
_ الله يلعنك يانذل و لك هم الله يوفقك بحياتك لك
ليش تطعن بشرفي كبال أهلك ليش ؟
شمر شيشة العطر بالكاع تكسرت بقيت بمكاني
صامدة كا الجبل بس دموع تهل زكح بي
_ ماطاعن بشرفج أنتِ وحدة قليلة شرف وأخلاق
_ قليلة شرف وأخلاق شايف علية ولك شايف
صرت حمزة يطعن بشرف الناس
جابني براشدي ...
كلمة ثانية اشيل راسج عن جسمج افتهمتي
تعصبت كلش .....رفعت راسي رخيت ايدي جبته براشدي بكل ما اتيت من قوة فريت وجه الجهة اليمين
_ ما اسمحلك ولا اسمح لاهلك يطعنوني بشرفي
لزم خدة بإيده باوعلي بحدة ...
هاي شسويتي ياقلية الشرف والأخلاق
هجم علية لومه ..... ايدي بكل قوته حسيت عظم ايدي
طك هنا أعلنت استسلامي عطت بكل ألم "اااااه
شمرني بالكاع بدون أي رحمة صار يغلط ويسب بفشر علية وعلى اهلي وأني بحلك مخيط صرت بس احس بألم ايدي من كثرة الألم صارت اذاني تدك مثل القلب
"...بنت الشوارع وصارت شريفة براسي تفوو
بية مابية كعدت لأزمة ..... ايدي بالم وابجي شفته قفل الباب راح على الميز جر المجر طلع المقص بقيت اراقب بي اجه ناحيتي عبالي راح يذبحني عطت
_ دا تسوووي !؟
كعد كبالي جرني من شالي شمرة بالكاع واني لاحولة ولاقوة ضعيفه كلش صرت سلاحي الواحيد هو البجي والصياح جنت مسوية شعري ظفيرة ولافتها طوبة
فل طوبة شعري جر الظفيرة بإيده كصها بالمقص هنا حسيت كص عمري كله موقص شعري اللي من نعومة طفولتي
مامخلية عليه المقص ولا لاعبة بي
شالها بإيده كام يبتسم شمرها علية وكال ...
هذا ردي الج بنت الكلب اكثر شي
تحبينه سلبته منج
_ الله لاينطيك ان شاءالله ماتشوف شي حلو بحياتك كلها ان شاءالله تطلع بعزيز قلبك حمزززة
_هه ابقي دعي منا الباجر مايفيد قليلة الشرف صارت شريفة براسي كلما اقترب تشرف وهي مثل باب
الكحاب ياهو الجاي داخل منه
_ ماكو غيرك أنت مثل باب الكحاب طلع وحدة تدخل وحدة
تفل بنص وجي تعصبت حيل شعري نزل على خدودي كله قطع اصغار صار جوه من أذاني ركبتي صارت مكشوفه بالكامل كعدت متربعة بالكاع لأزمة ايدي
ظفيرتي الطويلة بحضني باوعتله ...
الله يكسر ايديك الأثنين وناخية عليك أبو فاضل وان شاءالله يطلعها بشرفك مثل مانطنتني بشرفي
_ أبو فاضل مايسمع للكحاب
_ ابو فضل يسمع للمظلوم وياخذ بثارة من الظالم
وان شاءالله يأخذ بثاري منك
_ انجبي فيطي
طلع بره سد الباب بقيت ابجي واصرخ بكل صوتي نفتح الباب دخلت رشا من شافتني لطمت على خدودها
الآثنين بإيديها وعاطت
_عزززة زهراء شصاير وياج
_ رشا لحكيلي رشا
اجت لعندي متفاجأة كعدت بالكاع ...
منو سوه بيج هيج ؟
_حمزة كسر ايدي وقص شعري وطعني بشرفي
_ الله يكسر ايديه بحق الحسين كومي خل
اوديج للمستشفى كومي
_ مااريد فدوة اروحلج خابري على أهلي خل يجون
ياخذوني بعد ما ابقى هنا ثانية وحدة
_ والله هسه اخابرهم كومي خل اغسلج لتموا عليج
الذياب لتموا بعد الله لاينطيكم
_ والله كلشي مامسوية رشا
_والله ادري بيج شريفة بس هم قليلين الشرف ماعدهم أي رحمة لو ظمير هسه جنت جوه سمعت الصياح والعياط
وهم يسوون روحهم مايسمعون
_ حسبي الله ونعم الوكيل
_حسبي الله ونعم الوكيل بيهم كلهم كومي يمة كومي
كومتني غسلتلي بالحمام وأني كل ثانية اعيط جابت ملابس بدلتلي طلعتني كعدتني على طرف الجرباية جابت
الشال لفت أيدي علكتها بركبتي
_ راح تهدين شويه هسه انطي خبر لاهلج انتظري
راحت ورجعت جابت الموبايل قفلت الباب ....
أكيد مراح يقبلون اتصل بأهلج
هزيت رأسي لها بعنى " اي ..مبي ارد من شدة الألم
اتصلت على أبوي بسرعة رفع الخط
_الوو
_الوو السلام عليكم عمو ابو حسين
_وعليكم السلام منو وياي
_أني رشا زوجت سيف اخوه حمزة زوج زهراء بنتك
_هاا أهلا وسهلا بيج رشا زهراء شلونها ؟
_عمي زهراء موزينة أبد تعال لحكلها قبل لايموتونها
_شلوون
_والله مسودين عيشتها وهسه حمزة كتلها وكسر
ايدها وقص شعرها وحال الظيم حالها
_ انعل ابو يابو الخلفوهم هسه جاي شنو انطيت
بنتي فضلية لهم
_ اهدى عمي وتعال بسرعة خطيه البنية راح تموت
من الوجع قافلة باب الغرفة وكاعدة وياها
_ابقي يمها يابة مسافة الطريق وجايين
_ توصل بالسلامة
سدت الخط صارت تبجي وياي ..." ليش هيج
سووا وياج ؟ مايخافون من الله
_ ماكو اي رحمة بقلوبهم ولج كايل لاهله أني وحدة قليل الشرف واحجي وي زلم منورة ظهره
_ عززة العزاك حمزة على هذا الجذب هو اليحجي وي
بنات مو أنتِ ما اكو انظف منج والله
_رشا دمروني
_الله لاينطيهم
زهراء اجت عمتي .......دكت الباب كامت تغلط وتسب وتكول إلا اذبحج اذبحج بس تطلعي ماخلت كلمة ناقصة ماكالتها بحقي وكالت الرشا اصبريلي الكحبة الثانية
صاح بيها سيف "يمة لزمي حدج ما اسمحلج تغلطين على مرتي
_ قبر الفك يالأنثية تصيح على أمك منورة مرتك
_ مرتي خوش مره وما اسمح الكائن مايكون يغلط بحقها كلمة وهاي البنية شنو ذنبها كتلتوها وتريدون تذبحوها
_ولك اخوك كامشها وي رجال غيره
_ حمززة اكبر جذاااب لا تصدكي بي زهراء اعرفه ماكو أشرف منه هي الحجاب ماتشمرة كبالي انوب
تخون رجلها
_ تطلع اخوك الجذاب وهاي الكحبة الصادكة
_حمزة من يوم يومة واحد جذااب هو لو غيره يومية يروح يم طالبة من طالباتة بالليل وينه صيحيلة خل يجي
يكول جذب خل يجي
_ تتهم اخوك ؟
_ما اتهم ولاشي هاي حقيقة اسمها سدرا بنت تاجر وهي الوحيدة لاهلها عدها أربع إخوان وإذا تريدين أكدر انطيج دليل أكثر اتهم زهراء علمود يروح يتزوج هاي السافلة
_ شتكول ؟
_ ماراح تصدكي هذا حمزة حبيب القلب زهراء الشريفة العفيفة طلعتوها كحبة وهي عتبة الباب ماطالعتها شلون
تخون رجلها فهميني شلوون
_على الموبايل
_ ليش هو مو ماخذ الموبايل منها صارلة أيام
منين تتصل بي جاولي
_ هو يكول قابل يجذب ؟
_ حمزة جذاب جذااب جانت نيته من البداية يذل زهراء ويكسر خشمها وهاي نجح وأنتِ أمي الذكية صرتي غبية كبالة وصدكتي بي بهالسهولة
_ اصدك بأبني وأنت مو بني أنت واحد عاق عاق
_ الحمدالله أكون عاق ولا اطعن بشرف الناس هسه تشوفي شلون تطلع بناتج وهذا حمزة إذا ماطيح حظكم
فلا اطلع اسمي سيف
_رشا ابقي يمها لما اتصل على أهلها يجون ياخذونها
_ أتصلت على أبوها وهسه جاي بالطريق
عمتي _ ايياا كحبة على هاي السواية رشاوي
أني اعلمج بس تطلعي
سيف _ يمة لزمي حدج ولا تغلطي
جابتني براشدي تفلت بنص وجي ونزلت جوه أبوي مصدك كلها بالبيت مصدكين بحمزة حمزة ماكو بالبيت صارت
الساعة بال ١٠ وأهل زهراء اجوي
أخوها حسين واخوها حازم وابوها متعصبين حتى ماكعدوا بقوا بره واكفين طلعت زهراء ورشا شايلة اغراضها
وتبجي حضنها أبوها وكال
_الايد لمدت على بنتي تتكسر وتتعلك
بركبة صاحبها وين حمززة
عمتي _ عرف بعملت بنتك يلا تكسر ايدين
عمي _ شمسوية بنتي ؟
عمتي _لكينها وي واحد
حسين راد يتهجم عليها لزمة سيف وكال "
حسين
عمي _ شتكولين ؟
عمتي _مثل ماسمعت بنتك تخابر زلم منورة ظهر رجلها
زهراء _ والقرأن دا يكذبون يابة أصلا موبايل ماعندي
جذابة دا يغطي على عمايل ابنها النذل
بعدني أبوي وكال _ اصدك بنتي وماصدك بكلام الناس أني اعرف بنتي شنو وتربيتي شنو وجاية أنتِ تتهمين
بنتي اليوم اذبح ابنج على هاي التهمة
حسين _ أختي واعرفها شنو وجاية أنتِ
وابنج الكواد تتهمون بيها
حازم _ بالعباس أبو فاضل اليوم نكسر حمزة على هاي السواية شلون يتهمنه بعرضنا شلووون حمزززة حمزززة
سيف _ ماموجود
رشا _ ابو حسين والقرأن زهراء بريئة حمزة المذنب وهو واحد كذاب افترة عليها علمود يتخلص منها
ابو حسين _ أدري بيه ابن شوارع وتربية كحاب مو شريفات
عمتي _ قصدم أني كحبة
ابو حسين _ اليطعن بشرف بنات الناس هذا مو ابن شريفات هذا ابن حكاب وتربيته تربية شوارع امشوا يابة وباجر من
الصبح نغيم دعوة عليهم بالمحكمة
عمتي _شتغيم
ابو حسين _ باجر كلهم بالسجن من ابنج لالج لارجلج العار
كلمة وحدة مطلع يباوع على حلك مرته
العوج
عمتي _ بنتك وحدة كحبة ودا تشرفها براسنا
ابو حسين _ اشرف منج ومن الخلفوج ومن عشيرتج وكلمة كحبة ترد عليج وعلى بناتج باعي على بناتج يلا
تحجين على بنات الناس
عمتي _ شبيهن بناتي ولك اشرف منك ومن بناتك الكحاب
حسين _ أنت شبيك تباوعلها ماترد عليها مصخم قبر الفك
ولف كل رجال ساكت لمرتة ... امشوا يلا
صعدت بالسيارة صعد وياي حازم وحسين يسوق ابوي بالصدر حجيتله كلشي صار وياي من البداية حد النهاية أعصاب نار صاروا ابوي بالسيارة تندم لأن انطاني لحمزة
بقلبي كلت بعد وقت وتندم شيفيد الندم بعد
فوات الأوان الفاس وكع بالرأس
وصلنا للبيت فتح الباب لي أبوي وكال ...
أنزلي يابة
نزلت هو يمشي بصفي حازم نزل الأغراض حسين ورانه يمشي فرحت لأن ابوي صدك بي وماصدك بيهم ابوي متغير هواي
هواي عن قبل هيج جانت السحورة متأثرة بي
وتتحكم بي أعوذ بالله
دخلت البيت تلكتني امي تبجي حضنتها كمت ابجي وياها انوب دخلنا للبيت بيبي ريتاج حالتي مو حالة ابوي كعد وكال باجر من الصبح نغيم دعوة على حمزة
بالمركز الشرطة ونرفع قضية طلاق بعد هذاك البيت مالج دوسة رجل بي تتطلقين وتكعدين بيت أخوج لو بيت ابوج معززة مكرمة احنا معدنا بنات نزوجها وتنذل
كلامه ريحني كلش " وانطاني الاطمئنان رحت للغرفة فرشت لي الفراش بس خليت رأسي نمت بسرعة ماكدعت إلا ثاني يوم ودوني للمستشفى اخذولي اشاعة لايدي
طلع بيها .كسر جبروها شوي خف الألم ورتاحيت كتبلي علاج وسجل تقرير عن الكسر على حمزة أخذنا ورحناا للدكتورة شافت جسمي مزورك كله أثر ضرب قديم وحديث
جان يضربني بقسوة وخلة أثار وكدمات
هماات سجلت تقرير اخذنهن ورحناا رفعنا قضية على حمزة قضية إلغاء القبض عليه ولزمنة محامي انطيته وكالة خاصة ورفع عليه قضية ثانية مالت طلاق رجعنا على
البيت بوجي للغرفة أمي
اجت لعندي ريتاج كعدت كبالي مقورة على حالتي ...
شلون صرتي
_الحمدالله زوينة
_ رفعتوا قضية طلاق وقضية إلغاء القبض على حمزة
_اي
_ تردين الطلاق
_ لعد هيج انسان ينكدر ينعاش ويا
_ حقج والله تطلبي الطلاق منه ان شاءالله
تاخذين الطلاق وترتاحين يعمري
_ ان شاءالله
مرت الأيام.وحمزة ما تم إلغاء القبض عليه لأن ماموجود بغداد أكيد شرد للعمارة بيت أهله القديم آخر جلسة وحمزة محظر لذالك طلقته غيابي تنازلت عن كل حقوقي
بس الذهب مخليته رشا بغراضي الحمدالله بعد ماحصلت على الطلاق وعلى حريتي بالكامل ارتاحيت كلش كلش ونفسيتي شوي اتحسنت وأبوي صاير زين وياي
مايحجي وياي ويكولي مظلومة أنتِ من يوم يومج هواي ظلمتج بحياتج عذريني جبرتج على رجل أختج
الخايس قليل الأدب والأخلاق
بقى يغلط عليه وأني بقلبي طايرة من الفرحة وأخيرا رجعت للنجف رجعت للحياة اللي جنت احبها واريدها صح فقدت هواي أشياء حلوة بحياتي بس الحمدالله على كل حال
والله سبحانه وتعالى ان شاءالله يعوضني بالأحسن
اجه العيد الاضحى المبارك وأبوي ذبح ضحية ثور كبير باللون الأسود رحت للبيت ابوي مرت ابوي شويه متغيرة عن قبل مو مثل قبل هسه تخاف من فاطمة أختي
لأن كاعدتلها بالمرصاد مامخليتها تتنفس أم السحورة دمرت أبوي ودمرتنة زوج أختي والماضي بنسبة لي أنتهى
وأنسيته من أصل ولا مخليته بالي
ولا أسأل عن أبن أختي صوفي برغم مشتاقتله عفت الاشتياق على جهة أهم شي راحتي كلما ادخل الأمام أهز شباكة
على كل واحد من بيت عيالي
هزيت شباك أبو فاضل (ع) على حمزة وان شاءالله ياخذلي حقي منعندة " هزيت شباك كفيل الأيتام أبو الحسنين على عمتي وعمي وسارة واخلاص
سبحت واجيت امشط كبال المراية بالحمام امشط بشعري صاير لكتوفي وين قبل يوصل لركبي راح بعد الشعر الطويل والحلو وكلشي حلو جان بحياتي راح ويا
وانكتب بالجنسية مرأة مطلقة وين جانت مكتوبة عزباء ماعشت وي حمزة غير ثلاث أشهر وشوفني الويل والنجوم الظهر صراحة لا توثقون بالناس إللي تبين
كبالكم ناس حلوة وطيبة لزمت عدة من يوم لتطلقت بي صارلي نصف شهر من تطلقت والعدة ثلاث أشهر وعشرة أيام راح ألزم عدة تخلص بسرعة وراح أرجع الحياتي السابقة
وان شاء الله ارجع للحوزة ما أطلع من البيت بالسنة حسنه لأن لأزمة عده ورة عيد الاضحى اجه شهر محرم الحرام أجواء محزنة عمت على كربلاء والنجف الأشرف
كلش احب أجواء محرم '
كمت اطلع للطميات وي أختي فاطمة وأمي وأختي الصغيرة مطلع هواي اخاف من حجي العالم فديوم من الأيام شفنه
وحدة من أقارب عباس زوج فاطمة
بمجلس من أقارب عباس جانت المره بعمر أمي تقريبة بس كوية وشكلها أصغر يدل أمي تعبانه بقت بس تباوعلي وتسأل النسوان بلأخر اجت كعدت يمنه
_ أهلا فطوم شلونج شخبارج
فاطمة _الحمدالله بخير خاله ام مقتدى
المره _ دوم ان شاءالله بخير الجهال عبوسي شخبارهم
فاطمة _ زينين الحمدالله عباس بالدوام والجهال
يم أمي عفتهم بيتي
المره _ هاي الحلوة منو
فاطمة _ أختي زهراء
المره _ ماشاءالله حلوة متزوجة
فاطمة _ مطلقة صارلها شهر ونص
المره_ياا خطيه بنية بعمر الورد هيج يصير وياها
فاطمة _هواي بنات بعمر الورد تطلقوا الحمدالله على كل حال
المره _الحمدالله .. ليش تطلقت
فاطمة حجت ...وياها القصة كلها وشنو سبب الطلاق حجت على حمزة ودعت عليه بالمجلس انقهرت كلش على روحي صاروا الناس تشفق علية منورة كلمة ( مطلقة )
ماتوقعت هاي الكلمة هلكد ثقيلة وصعبه على المرأة .. ورة نهاية المجلس رجعنا لبيت فاطمة اجخ حازم بقى يمها لأن زوجها مراح يرجع إلا بعد اربع ايام
أخواني من ابوي مايتيهونها أبد يخافون عليها " رجعت على البيت رحت على موبايلي جابة الية أبوي بعد ماسمع حمزة ماخذ موبايلي وصار كل أسبوع يدزلي مصروف ١٠
تالأف ومرات ٥ تألاف حسب الشغل
الحمدالله الله خلصني من حمزة ورتحم بحالي وغيرلي والدي للأحسن والأفضل والله العظيم الأب نعمة عظيمة إذا كان طيب القلب ويحب اولادة قبل ما أحس وماعرف شنو كلمة أب من تطلقت عرفت معنى كلمة أب
كعدت أقلب بالموبايل كلت خل افتح فيس بوك ولفتح الانستغرام تيلي كرام اسوي حسابات مدام حسين راح
يسوي الإنترنت بالبيت اليوم بالليل
والله بالليل جاب الولد سوه الإنترنت صار عدنا نت بالبيت راح الولد سجل حسين الرقم السري بالموبايل كنكت
_وهسه شبعوا الإنترنت
بيبي _ ولك حسين اريد موبايل حالي من حالهن هم اريد اكنك
حسين _ هههه من عيوني باجر الصبح جايبلج واحد
بيبي _ بعد بيبيتك انطيني موبايلك خل اقلب الانستغرام
زهراء _ وتعرفين الانستغرام ؟
حسين _ والله وتلفضين اسمه صح
بيبي _ شعبالكم لعد انطيني
طلع الموبايل انطاه لها " تعرفين تستخدمين الموبايل ؟
_اعرف لعد شبي مو اراقبك كل يوم
_ ههه صدك
_اي
يمحلاهم بيبي وحسين كاعدين فوك الجرباية ويكنكون صدك حياة حلوة وي أهل وين جنت اتحسر عليهم وهسه بنصهم عايشة وفرحانة صح عندي شوي خدوش بداخلي
الله سبحانه وتعالى راح يشفي الخدوش والجروح وقت ما يشاء فعلت كول البرامج طلعلي بجهة الاتصال رشا رشا ما أنساها أبد دافعتلي هي وسيف ومن وراي
طردوهم من البيت
ماعرف وين ماوين صفة بيهم الدهر خل أتواصل وياها من يطلع حسين أخاف ميقبل باوعلي وكال
_ صدك شخبار رشا وسيف
_والله علمي علمك مدري بيهم ما سألت ريتاج عليهم
_ ماسألتها والله خل اصيحها .. ريتاج
_ هاا
_تعالي
اجت ريتاج "هاا حسين
حسين _ شخبار رشا وسيف تدرين بخبارهم
ريتاج_ اي ادري سيف ورشا بعد مادافعوا الزهراء طردوهم من البيت كم يوم وتداينوا فلوس من أهلي وأهل مرتة ويه العدهم واشتروا شقة بفلان عمارة والحمدالله هسه مرتاحين ولا يوصلون البيت ابو سيف نهائيا
حسين _ الحمدالله خلصوا من الخنازير
ريتاج _ اي والله خلصوا ورتاحوا
فرحت الرشا والسيف من كل قلبي جانت منيتهم يعزلون ويستقرون بيت الواحدهم لأن ملوا من المشاكل والمصايب
بس كلت بقلبي لأزم تسأل عليها
خليت حسين وريتاج طلعوا دزيتلها مسج " السلام عليكم " شلونج رشا شخباج وياج زهراء
بيقت أنتظر ردها ردت علية وره نصف ساعة وأني بايدي الموبايل جانت " وعليكم السلام
_الحمدالله بخير يعمري أنتِ شلونج شخبارج
مشتاقتلج ونبي
_ دوم ان شاء الله "الحمدالله بخير واني الأكثر والله
_ تشتاقلج الجنة "شلونج مرتاحة بعد مااخذتي حريتج
_الحمدالله مرتاحة حيل بين أهلي وناسي ورجعت
البهجة الحياتي والسعادة
_ ان شاءالله يارب دوم السعادة مرافقتج شخبار
ريتاج أهلج ابوج شلونه وياج
_ كلها بخير " الحمدالله أبوي نعمة فضيلة من الله صاير وياي كلشي موفرلي وحتاا موبايل جابلي وصار
يصرف علية
_ألف _الحمدالله والشكر الله هداء عليج يروحي
صدك تدرين بخبار بيت عمي
_ لا والله مدري ولا أريد أعرف
_مامشتاقه الصوفي
_ مشتاقة ليش مامشتاقة بس مريد اسمع اخباره وانقهر
_هو راح تنقهري أكيد
_خير ان شاء الله شصاير ويا؟
_مصاير شي يعمري بس حابة اكولج حمزة
خطب بنية قبل محرم بيومين
_بيها الخير
_ تعرفين منو ؟
_وشدراني منو
_طالبة عنده واسمها سدرا بنت تاجر جبير بغداد وحيدة اهلها نفسها البنية لكال عليها سيف وطلع كلشي صدك وهسه
صايرين شرفاء براسج وبراسي
_ الله كريم اليوم علينا وباجر عليهم واحد نذل
واطي هذا يلعب على بنات الناس
_ ميت عليها أخذاها علمود ميراث ابوها خلصت
من السادس طلعت معدل ٨٠
_ طلع كلشي صدك افتره علية وتهمني بالخيانة علمود أهله يطردوني من البيت ومايرفضون زواجة منها
_ هي هاي جانت الخطة مالته من البداية الله مراح
ينسى وان شاءالله يأخذ حقج منه
_ان شاء الله
_مرخصتج حياتي حمودي دا يبجي خلينا
على تواصل مو تكطعي
_لاا راح نبقى على تواصل
_اي
_الله وياج حبيبتي
_الله وياج
نزلت الموبايل ... نزلت دمعتي شوه سمعتي كبال الناس وأهله كله علمود هاي البنية أقسم بالله اكو سبب ثاني
خلاه هيج يسوي ولأزم اعرفه
بيوم الاربعينية الأمام الحسين (ع) رحت ويه أمي وحسين بيبي مراحت بقت يم ريتاج راحوا بيت فاطمة زرت ودعيت من كل قلبي يأخذ حوبتي من حمزة وأهله
خليت العباس أبو فاضل وره حمزة وان شاء الله أخذ
مرادي منه ومايردني خايبة لوخجلانه
وره فرحة الزهرة نزعت السود لبست تراك باللون الوردي بجامة سودة برمودة شعري شوي صار يلامس كتوفي
الحمدالله شعري بسرعة يطول
خليت قراصة صغيرة على شكل قلب ولميت كذلتي الموبايل بإيدي ومخلية السمعات وأسمع ردة حسينية
(قلبي يدك على قلبه حماسية )
كمت شوي شوي ارجع زهراء القديمة كلت بس اخلص العدة أقدم للحوزة مرة له واكمل الدراسة واحصل على شهادة حوزوية وأحقق أحلامي وطموحاتي
مباقالي على إنتهاء العدة غير أربع أيام واكون حرة بالكامل كل يوم سوالف وي هنودي الخبلة وي بيت عمي إنتهت العدة العصر البست العباية ورحت للامام مثل أيام زمان
ردت روحي زرت ودعيت وصليت قريت قرأن اذن صليت هناك ودا امشي بالصحن شفت كبالي الولد نفسه الشفته هذيج المرة ويه قائد بالحشد كاعد بالصحن ويقرأ قرأن
بقيت اباوعله ماعرف ليش ..... شي بي يلفت انتباهي كلما اشوفه كبالي كأني اعرفه من قبل لو شايفته اجه ولد لابس ملابس عسكرية تابعة للحشد الشعبي
وكف يمه وكال " سيدي حظرة الضابط عماد رايدك
طبق المصحف باسه وخلاه على كصته انطاه له وكال ..
شنو راح نرجع للمعسكر ؟
_ ماعرف سيدي
كام من كام عبالك الهيبة كلها كامت ويا جسمه معضل طويل هيبة شعره أسود كثيف ورموشة اطوال شفايفة وردية تكتل كتل ملامح وجه حادة للحية شوي عالية مخليها
اجه ولد بعمر ١٥ سنة كاله ...
سيد علي ابوي يريدك
أبتسم وكال "جا لمن اروح لابوك لو لضابط عماد
الولد _ الآثنين سوه يردوك
_ هاا يلا امشوا
بقيت اباوعله راح لبس الحذاء الرياضي اسود وكام ماعرف ليش قلبي صار دمام يدك بسرعة من صار قريب من يمي باوعلي ملامح وجة هادئة
الثولة بقيت اباوعله ابتسم بوجي رأسن دنكت "ورة مراح رجعت للبيت الدنيا الليل جانت دخلت جوه
شافني حسين وكال
_ طالعة بره وبالليل يلا راجعة
نزعت العباية _ والله اليوم أخر يوم بالعدة وكلت خل اطلع ازور وأرجع أيام قبل بس ماحسبت احساب هالكد
تأخرت بعد ماعيدها أبد والله
_ عادي مصار شي بس اخاف عليج من حجي الناس
_هم حقك بعد ما اطلع الوحدي
_ماشي
رحت للمطبخ ساعدت أمي بالعشا صبينة كعدنا ناكل سويه احنا الربعة كملنا كمت غسلت الماعين رحت كعدت يم بيبي حسين طلع وي احمد بره ريتاج كامت للغرفة تستراح تكول
صار عدها شوي ألم
بيبي تمددت على ظهرها جبت بطانية غطيتها شويه الجو بي برودة بالهول رحت للغرقة أقلب بالموبايل فيس
بوك كتلني الفضول اشوف صوفي
بقيت مترددة ادخل اسم حمزة بقائمة البحث لو لا ؟
بلأخر اقتنعت لا ما أدخل طلعت من برنامج الفيس دخلت الانستغرام تابعت جم كاتبة روايات وبيجات صار عندي
واهس اقرأ روايات الطويلة
لأن من عشاق الروايات الطويلة احس بيها هواي أحداث واحداثها موجودة بالكامل مو مختصرة '
مرت الأيام وصرنا بالشهر الثامن اجوني خطاب واحد عنده مرة وجهال عمره ٤٠ سنة رفضته شنو يريدني للونسة هذا
وشنو أني اخرب بيوت يريدني
من المستحيل ازوج واحد عنده مره لأن ضقت العذاب مره تأخذ رجل مره أخرى العصر أخذت أختي وأبن جوارينة
عمره ١٣ سنة رحناا للمقبرة زرنا انفال
ورجعنا للأمام زرنا ورجعنا بالطريق صادفتنه سيارة من نوع لكزز بيضة عالية وكفنه مرتعبين اختي راسن حضنتني
"اششش مصار شي حبيبتي
وكفت السيارة نزل رجال طويل لأبس بنطرون عسكري وتيشيرت نصردان اسود نظارات سودة للحية سودة خفيفة شعرة عالي عضلات عاف الباب مفتوح اجه علينا
_ خوما تأذيتوا
الولد _ لا مصار شي
الرجال _ الحمدالله على سلامتكم اعذروني ماجنت منتبه والله
الولد _ عادي
الرجال _ أعتذر مرة ثانية منكم وأتمنى تسامحوني
خوفتكم وردت ادعمكم بدون قصد
زهراء _ عتذارك مقبول بس أنتبه مرة ثانية من
تسوق لأن عالم هم تمشي بالشارع
نزع النظارات هنا صارت صدمتي نفس الرجال قلبي طفر من صدري صار بالكاع يدك مو بصدري
ابتسم وكال
الرجال _ من عيوني الأثنين راح انتبه
زهراء _ امشوا
زهراء بعد ماتحمل كلما اشوفه ينتابني شعور غريب بقيت أستغفر ربي الشيطان دا يوسوس براسي على الولد
وصلنا البيت بدون مالتفت حتى رحت
كبل للمطبخ شربت مي بارد
_زهراء هاي شبيج تخبلتي كلما تشوفين ابن الناس يوكع قلبج بالكاع وتصيرين ضعيفه ترى هيج واحد ماميت على شكولاتج وفوك كلشي وحدة مطلقة
وره العشة خابرت على التلي كرام كاميرا فاطمة
جنت كاعدة بالمطبخ الوحدي
_اي كملتي غسل الماعين
_اي كملتهم
_وخطارج راح
_راح قبل ساعة جان خفيف كلش ونفسه طيبة
_منو هذا
_ سيد علي صديق عباس
_سيد لأزم رجال جبير بالعمر
_لايابة كتكوت ينكرط كرط وضابط بالحشد
الشعبي اعتقد عمرة ٣٢ سنة هيج
_هاا ربي يحفظه
_ ويحفظج مرته ميته صارلها ثلاث سنوات ولحد الأن متزوج
_ الله يرحمها شلون ماتت ؟
_بحادث سيارة جان موديها البيت اهلها بكربلاء وصاير الحادث هي ماتت وهو الله انطاه العمر الطويل
_الله يرحمها ويصبره على افراكها
_ شكد حبيته برغم صارلها فترة طويلة ميته مفكر يتزوج يكول بعد وكت مراح انساها بهالسهولة واحناا عدنا قليل التربية بس أخذ اوراق الطلاق خطب وتزوج وماتت أختي
مصدك تزوج هيج نماذج اكرهها
_ تفوو لا تذكريني بيهم نفسي تكوم تلعب لعب
_ حتى أني نفسي تلعب الله يلعنهم واحد واحد
_اللهم أمين يارب العالمين
_ ولك اكعد راحة علاووي علاوووي مو دا احجي
_ هههه روحي شوفي علاوي لا يسوي بلاوي سودة
_ رايحة باي
_ بايات عيوني
فصلت الخط كمت خليت الموبايل على الشحن كعدت بفراشي شغلت التلفزيون خليته على قناة الفرقدين اجت بألي صور الرجال لشفناه اليوم العصر بالشارع جان دعمنه
محجينه ولا كلنا اليوم ردنا نندعم ' خليناها سكته تذكرت حمزة يكولون متزوج صارلة شهر كامل ولا انطيته أي همية بس كاتلني القهر علمود يتزوج وحدة غيري
هيج يطلع إشاعة علية ويكول وحدة قليلة شرف وتخابر ولد منورة ظهره؟ مادا تدخل بالعقل لأزم أكو سبب ثاني ورة هاي السالفة ماتدخل بعقلي ابد
أدري بي يكرهني ' مايحبني ومايحب الخير لالي 'بس مالت هيج يطعن بشرفي هاي واكفة جان يكدر يطلع هواي أسباب بي ويتركني ويطلب الطلاق هو حتى مقبل يطلق
أني طلقته غيابي وتنازلت عن كلشي في سبيل الخلاص وره اربع أيام كال حسين شفت صور ومقاطع فيديو لسارة
واخلاص ومرت حمزة الجديدة يرقصون
على الفيس بوك منشورات ملابسهن يلعبن النفس ابوي فرحان واخواتي كذالك كلهم فرحانين لان نشروهم وسوووه عرضهم مفرجة لامه محمد الله واهل البيت
طلعوها بيهم ماردوني
بنفس الوقت فرحت وحزنت لان ماقبل لصار بي يصير وياهن وحسب ماعرفت من ريتاج كالت واحد من عمام حمزة ناشرهن وطالب افلوس وره ماماخذ الفلوس
ناشر كلشي وكايل سارة واخلاص عدهن علاقة غرامية وي ولد ومنزل منشورات سكرينات للمحادثات بعد مادري صدك عدهن لو كذب كله علمود ينتقمون منهن .
