رواية بديلة اختي الفصل الثلاثون بقلم خاتون الكعبي
تذكير
طيف بتوتر مخفي: أسفة شيخ جانت ع فضل بس وكعت بيك مو قصدي
نسر : فركت كصتي واني اباوع ع شكلهة الشعر نصة طالع من كثر الركض والوجه مدمر طين والبشت مفتوح من جوة رصيت ع اسنوني واني اكول
نسر بحدة : استري نفسج زين وردي البيت اهلج العتب مو عليج العتب ع الچبير المطلعج بهيج وكت
طيف بنرفزة : مستورة زين ابن عمي بس وجب منك اتغض البصر وبستان جدي وكاع ابوي ما طالعة المكان غريب ولا بوكت غلط يلة اترخص شيخنا
كلت هيج وانه اشوف الشرار يطاير من اعيونه مريت من كدامه واني ابتسم بنتصار وبكلبي اتحلف لفضيل الحقير انه الة وصلت للبيت وذبيت البشت والشال وغسلت وجهي من الطين ودورت ع افضيل ماكو سئلت امي علي كالت صعد يقره صاير شاطر الكلب صعدت فوك ركض دفرت الباب علي وجريتة من شعفتة كتلتة كتلة معدلة يلة برد كلبي اباوع ع شعفتي كابة والخراميش بيدي واثار عض من وراه هالحقير هم لو خريجة اسجون مو هيج
رحت غسلت وجبت جنطتي وكعدت اقره ويا مع انه مزعج بس معرف اقره شي اذا مو ويا احس واهس ميصيرلي لليل سمعت صوت نسر جوه باوعت ع فضل بستغراب الي كبل باوعلي ونزل جوى مردت لا انزل ولا اشوف جهرتة لأن اعرفة اكيد جاي يشكيني الأبوي الحقير وفعلاً ورة مراح صاحني ابوي نزلت جوى وانه اشوفه عصبي وبدة يرزلني ويصيح علية
احس الدموع اجمعت بطرف عيني وانه اسمع رزالت ابوي بس رغم هيج ما بجيت الحد ما نهة كلامه وهوة يحذرني من روحت البستان باوعتلة بصدمة وانه احس بدمعة فلتت من عيني مسحتهة بسرعة وهزيت راسي برود وصعدت فوك واني اسب وانعل ع الحبه ودكلة كلبي بيوم جان بنسبة الي البستان منفذي الوحيد من كل مشاكل البيت وهمومي بس سهلة يهدة بابا ورد احاجي لأن اعرفه هسة اذا حجيت ويا واعترضت راح ايعاند اكثر وشكلة نسر خوش حاش براسة الحقير رجعت فركت وجهي بعصبية والليل كلة كضيتة وانه اتحلف بي الحد ما غفيت و.........
________________
مرسلين
مرسلين بعصبية : مبييية شيي بس اطللع
شاهين : لعد ليش كل هالدموع كال هيج وهوة يقرب منهة اكثر ويمرر ابهامة ع وجناتهة
مرسلين : باوعت بعيونه واني احس الدمعة جمدت بعيني همست بنفور واني ابعد براسي عن ادي اكررهكك اترركني
شاهين بسخرية : تكرهيني
مرسلين بحقد : واكثرر اباوعلة زاد من قربة الي ودنك همس بأذني بصوت خلة كل اوصالي ترتعش بمشاعر عمري وحياتي محاستهة غير بقربه مني
شاهين بمكر : كل هالدك والرجفة وتكرهيني لعد لو تحبيني اشلون نهة كلام وهوة ايحط ايده ع مكان كلبهة نترت ايدة منهة بخوف وهية اتكول
مرسلين بصوت مبحوح : اطلع
شاهين : زفر انفاسه بقلة حيلة ودخل للحمام
مرسلين : حطيت ايدي ع كلبي احسى اشوية ويوكف من شدتد التوتر وركضت للكنتور طلعتلي دشدشة بسرعة ولبستهة وجريت الشال ونزلت حتى من دون محضرلة ملابسة خل ايحير بروحه بعد كملت نقل امواعين الغدة ويا سمر وشفت شاهين نزل بسرعة من الدرج اباوعلة مبدل ملابسة الملابس طلعه عقدت حاجبي بستغراب بالعادة يلبس اتراك بالبيت معقول هسة حيطلع وفعلاً اول ما كملنة غدة طلع بسرعة سئله عمو وين كله شغل وطلع تنرفز عمو من تصرفة وراح للأستقبال هوة والولد وعمتي وراهم سئلتني سمر اذا متعاركين كتلهة لا وغسلت المواعين وصعدت كبل فوك طفيت كل ضويات الغرفة والصالة ودحست روحي جوى الحاف احس روحي مشوشه وما اريد افكر ابأي شي صار وياي سواء اليوم او البارحة لأن اعرف نفسي اذا ارجع واذكر يلي صار حتجيني مشاعر غريبه معرف بشنو او صفهة غير انو مشاعر غبيه لأن اجت بالوقت الغلط وللشخص الغلط مو شاهين اليستاهل هيج مشاعر او هيج حب ومستحيل يقدرة بحياتة ومتأكدة حيكسرني فبلة هالهم وبلة كسران
خليني بعيدة عنه احسلي واحسله كلت هيج واول مأجيت انام دك تليفوني كمت اخذت التليفون من ع الميز شفت الرقم رقم شاهين استغربت واني افتح خط وجاوبه اجاني صوته الحاد وكأنمى ديأمرني او بألصح هوة ديأمرني وايكول
شاهين : حضري نفسج بالستة اجي اخذج معزومين ع العشة ابيت صديقي
مرسلين بنرفزة : ومنو كلك اروح
شاهين : سوالف المعاند مشيهن ع غيري وما اريد اي تأخير بستة ضبط اجي الكاج جاهزة
مرسلين : ردت احجي وانرفزة مثل مسوة بس ملحكت الحقير سدا بوجهي حطيت التليفون ع الميز ورجعت للجرباية ضليت اتكلب بمكاني الحد منعست ونمت للخمسة يلة فزيت ع صوت دكت الباب رحت فتحتة ودخلت سمر ويا يوسف كعدتهة بصالة وقدمتلهة المي واخذت يويو بوسته وشربتة عصير وسولفت اشوية ويا سمر الحد مدكت امهة اترخصت وطلعت اتخابرهة واني دخلت سبحت ع السريع لأ مبقة شي ويجي شاهين
كملت سبح ولبستلي تيشيرت قصير جوزي وبنطرون اسود وفوكا بشت اسود مطرز بجوزي حطيت مسكارة وحمرة خفيفة واول مبديت الف بشالي شفت شاهين دخل مباوعلي ولا عبرني كبل دخل يسبح مهتميتله وكملت لف الشال واخذت جنطة ازغيرة وتليفوني وكعدت بصالة انتظرة اقل من عشر دقايق وطلع اباوعلة لابس بنطرون اسود وقميص نيلي ادري ميمل من هاللوان باوعلي وهوة يلبس بساعتة واشرلي اجي وراه اتأففت وكمت مشيت وراه اول موصلنة للدرج وكف باوعلي وهوة عاقد حاجبة احسى ديتفحصني بنظراتة وكال
شاهين بحدة : وين العبا
مرسلين ؛ لبسي طويل ومستور محاجة العبا رجع باوعلي برود وتفحص بنفس الوقت وعافني ونزل جوى حركت راسي بيأس منه ونزلت وراه ودعت عمه وسمر الجانن كاعدات بصالة وطلعت وراه ركبت السيارة وبدة ايسوق سندت راسي ع الجامه بملل واني احس بي كول ساع يلتفتلي يستغفر ويرجع يلتف ع الطريق كملنة الطريق ع هالحالة الحد مصف السيارة كدام بيت حلو مرتب جان واكف ابابة ولد ع ما اتوقع صديقه لأن اكثر من مره شايفتة ويا نزل من السياره واني وراه سلم ع صديقة الي مدري شهمس ابأذن شاهين خلا يبتسم بسخرية ويضربة ع جتفة من وره باوعلي صديقة وكال
عمار ببتسامة : السلام عليكم خوية
مرسلين : وعليكم السلام كلت هيج واني افكرك ايدي بتوتر مدري ليش حاسة بخوف عجيب منهم يمكن لأن اول مرة اختلط بناس غربة باوعلي شاهين مثل الحس بية متوترة لزم ايدي وابتسم بهدؤ وهوة يهمس بكلمة أهدي وجرني ودخلنة وراه الولد صديقه استقبلتنه مرة جبيرة بالعمر بس وجهة حلو وبشوش وبصفهة بنوتة ازغيرة رحبت بينة وحظنتني وحظنت شاهين وهية تباركنة ع الزواج
استغربت من علاقتهم القوية بعض وشون هوة يبتسملهة ودنك باس راسهة واديهة ضلو كاعدين يمنه اشوية بصالة تالي راح شاهين وصديقة للأستقبال واني ضليت يم المره بصالة دقايق وطلعت بنية من الغرفة وهية شايلة طفل بيدهة عرفتني المرة عليهة طلعت بتهة سلمت عليهة ورجعت المكاني صحيح اول بداية حسيت بألتوتر والستغراب منهم بعدين لا اتعودت عليهن واخذت ع الوضع سوالفهن وحجيهن حلو خصوصن المره كعدت تحجيلي عن صداقة ابنهة وشاهين ومن اشوكت بدت حسيت الدموع صارت بعيونهة وهية تحجيلي عن زوجهة الأستشهد من ايام السقوط وشون عانت بلا ابتسمت بحزن واني اكولهة البقية بحياتج ابتسمتلي ومسحت اعيونهة بشيلتهة وتعشينة عدهم من للعشرة يلة ودعناهم وطلعنة من بيتهم ركبت السيارة وشاهين بقة اشوية بالباب يحجي ويا الولد وبعدين شفتة سلم علي واجه ركب بدة ايسوق السيارة وهوة ايكول
شاهين : ها اشلون لكيتيهم
مرسلين ببتسامة: ايجننون خصوصن المرة الچبيرة حباابة وطيبة ومبينة تعزك اهواي وتحبك
شاهين : ههه اشلون عرفتي
مرسلين : اذا طول الكعدة وهية تحجي بيك وتحمد والله لو معرفك جان صدكت..عضيت ع شفتي الجوه واني استوعب الجفصة الجفصتهة اباوع ع ملامحة اتغيرت من بعد مجان مبتسم خزرني ورجع التفت ع الطريق خررب حظي لازم اخربهة وصلنة للبيت اباوعلة صف السيارة بالباب وكال
شاهين برود : انزلي
مرسلين : وانت مت..
شاهين بحدة : فضيني اريد اولي
مرسلين : نزلت من سيارتة بسرعة دكيت الباب طلعلي وسام دخلت واني اسمع صوت السيارة مالتة وهوة يشخطهة ويسوق بسرعة اشصار يعني هية جفصة وياريت لو جذب
اتنهدت واني ادخل جوى سلمت ع عمو وعمه وصعدت فوك ذبيت شالي والبشت ع الجرباية اختنكت منهن ومنا الدنيا حارة ورحت طلعتلي برمودة خفيفة لأن متأكدة هوة والوحدة يلة يجي ودخلت سبحت وفتحت شعري ع طوله ولملت الغرفة الأفندي مبدل وهاجمهة هجم وطلعت جنطتي مال مدرسة من وراه كولشي ملحكت اقره طشرت كتبي بصالة وكعدت احضر بواجباتي للثنعش ونص يلة كملت لميت كتبي وحضرت ملابسي ورجعت باوعت ع الساعة حصير بالوحدة وهوة بعدة مجاي حركت اجتافي بستغراب وعليت السبلت وطفيت الأضوية وجبتلي غطة وتمددت ع الكرويتة كدام البلازمة باوعت ع فلم الحد مغفيت بنصة و....
_______________
اوتار
محمد بستفزاز وهوة يقرب منهة اكثر : تؤ تؤ شقتنى مو شقتي وما اتوقع الريد احجي وياج بي ينحجي بالكلية
اوتار : مح.. محمد وخر ..اشبيك ادسوي كلت هيج واني اشوفة يتقرب علية اكثر واكثر واني ارجع ليوره الحد منضرب ظهري بالحايط وهوة كدامي رفع ايدة تحسس خدي بخفة نترت ايدة بعصبية واني اكول
اوتار : وخرر ادسووي اشهالتصرف مو عيب عليكك وعود هاي اهلي امأمنين بيك ااافتحليي الباب اريدد اطللع لاو..قاطعها وهوة ايكول
محمد : هدي ما اسويلج شي بس احجي وياج بموضوع واخذج للكلية
اوتار : شنو
محمد : وخرت عنهة واني اشوف وجهة صار اصفر من الخوف والعيون اجمع ادمع بيهن اتندمت ع السويتة واشرتلهة تكعد ع الكرسي واني اكول
محمد : بس اكعدي اهنا حتى نتفاهم
اوتار : حاولت اشكد ما اكدر اسيطر ع نفسي واتماسك بس مكدرت واني اشوف قربة الي بهالطريقة للحظة اجيت ابجي رحت كعدت ع الكرسي الأشرلي علي بتوتر واني اشوفة دخل الغرفة معرف مطبخ دقايق وطلع منهة وهوة شايل اكلاص مي انطاني يا وكعد اكبالي شربتة ورجعت باوعتلة ابتسم وكال وهوة ايحرك بياختة وملامح وجهة اتغيرت مية وثمانين درجة بشكل مختلف
محمد بهدؤ طاغي علي الحد والعصبية بنفس الوقت : وهسة نتفاهم
اوتار : بء...شنو
محمد : كالو اجوج خطابة وحضرتج موافقة
اوتار بسخرية : ليش شنو جنت منتظر مني ارفض واضل بانية مستقبلي واحلامي عليك
محمد : يعني فعلاً موافقة علي
اوتار بثقة : اي موافقة
محمد برود : حلو لعد اقري هذة واني نازل للسيارة كملي ولحكيني ماشي يحلوه كلت هيج وشمرت عليهة الملف وطلعت من الشقة لو ضال يمهة دقيقة ازيادة جنت نفيتهة هية وهذاك العار بس سهلة اذا مترجعلي وهية الممنونة ما اطلع محمد كلت هيج واني ادخل بالمصعد
نزلت للطابق الجوى وطلعت من العمارة ورجعت ركبت سيارتي وعيني ع باب العمارة مرت ربع ساعة وهية ماكو الحد ما مليت من الأنتظار واجيت انزل من السيارة حتى اشوفهة وين صارت بس لمحتهة طلعت من باب العمارة واجت بتجاه السيارة اباوع ع اعيونهة حمر مبينة جانت تبجي والخدود مخرمشة قبضت ع يدت الستيرن بقوة واني التفت ليكدام صعدت بصفي وكالت
اوتار بصوت مبحوح : عادل يعرف بهذة الشي
محمد بسخرية: طبعاً يعرف لعد منو جان يمشي الأمور
اوتار بجمود : والمطلوب مني شنو
محمد بمكر : شغلتين ماكو اسهل منهن سويهن واعتبري هذة الملف ونسخة صارن يمج
اوتار : باوعتلة بحقد واني امسح بدموعي معقول وصلت بي الحقارة الهالدرجة هزيتلة راسي بمعنى اي ابتسم وكال
محمد : خوش لعد شوفي .................
اوتار : يحجي ويحجي واني مثل الصنم اكبالة لا اخذ ولا انطي الحد مخلص كلامة وباوعلي بمعنى شنو همست بكلمة موافقة ورجعت درت ع الجامة بدة ايسوق السيارة و......
_________________
طيف
اتلفت بعيوني ادور ع الخط واني حاطة ايدي ع كصتي من هالشمس باوعت ع صديقتي فرح بنرفزة ودمغتهة وانه اكول
طيف : ماا تكليلي عليمن صافنة تدوري ع الخط وياي لا ايروح ويعوفنة
فرح بوجع : ااخخ خرب بيج اشعرفني بي هنة غير بنات خالج بي ليش ما كلتيلهن ينتظرنة بالباب
طيف بتعب: اندري بعد راحت عن بالي
فرح ندستهة بعكسي وانه اكول : لج دشوفي الفلك الوراج
طيف : عكدت حاجبي بستغراب وانه ادور ع المكان التأشر بعيونهة علي اباوع واكف ولد مسلعم وشكلة استغفرلله مزولغ ازولغ اشك بنفسي بية شعر اكثر منه رجعت درت ع فرح بعصبية وانه اكول
طيف : فلك الفلكج وخلصني منج كولي امين اشفتي منه جنة ديج مهلس بي أنوثة اكثر مني ومنج
فرح : هههه احجي عن نفسج حياتي انه كوولللي انوثه
طيف : اي مبين كلت هيج وانه احرك بيدي وضليت اتلفت بين الخطوط الحد ماشفت بنات خالتي اثنين اشرلي من السيارة ابتسمت وجريت فريحة بسرعة ورحت للخط حجيت ويا ابو الخط وركبنه سلمت ع البنات وكعدت بصف بت خالي وصل اول شي بنات خالي انوب بنات عم اثنين الحد مضلينة احنه واتلث بنات بنفس المنطقة وصل فريحة نوب انه والبنات عضيت طرف شفتي بخوف وانه اشوف ولد عمي كلهم واكفين بالباب همة واسلاحهم من بينهم اخواني وعمامي صف الخط بعيد اشوية عن البيت لأن خاف ع البنات الويانه نزلت بسرعة من الخط وصار بوجهي نسر وهوة يطلع من بيت جدي وراه عمي جواد اباوع ع اعيونه دمم صاير بركان باوعلي وباوع ع ابو الخط خزرني وهوة ايأشر الأخوي علية قرب اخوي ايمن بسرعة وجرني للبيت وانه احس رجلية شبه بادن من الخوف شفت امي واكفة بالحوش وملامح القلق والخوف مرسوم ع وجهة شافتني وكالت
ام طيف : همززين اجيتي روحي بساع البسي خل اروح البيت جدج
طيف بخوف : ليش شكو اشصاير
ام طيف :..........
_____________
شاهين
شمس بهمس : اكولج منو هذة شو اول مرة اشوفة اهنا
عبير بنفس الهمس : زبون خاص ملج علاقة بي ولا تقربين يمة مفهوم
شمس بسخرية : عشتو ليش خية لا ايكون ابن الوزير وما ندري اشو حالة حال البقية
عبير : هههههااي وداعتج اقوا من ابن الوزير اعرفج النقيب شاهين والويا صديقة هم ضابط هذولي اثنيناتهم داهية فديربالج تقربين ناحيتهم وخصوصن النقيب شاهين
شمس بخبث : ليش عيني لعد جاي اهنا شيسوي يكعد يصفن اكيد هم يريدلة وحدة ا.. قاطعتها عبير وهية اتكول
عبير : لا عيني مجاي ع هالسوالف كتلة احضرلك غرفة مراد فشوفيلج زبون وعدي هاليلة ع خير ما ناقصني مشاكل
شمس : عوجت حلكي واني اهزلهة براسي اباوعلهة حركتلي اعيونهة بشك وراحت استقبلت الزباين ابتسمت بمكر واني ارجع عيني علي ورحت للغرفة بسرعة قويت لون الحمره وضبيت النفنوف علية وطلعت برة باوعتلة بعدة بمكانة بس صديقة ماكو ابتسمت بدلع واني اكعد يمه واكول
شمس : واكول الشقة ليش منورة اليوم طلع ال..
شاهين برود : روحي لعبي بغير مكان مالي مزاجج
شمس بمكر: انسويلك مزاج شكو بيهة نهت كلامهة وهية تحط ايدهة ع رجلة وتحركهة بشكل دائري نتر ايدهة بسرعة وهوة يطلع محفظتة طلع منهة افلوس شمرهن عليهة وهوة ايكول
شاهين بحدة : وهسة وخري
شمس : فتحت اعيوني بستغراب ع فرح واني اشوف كمية الفلوس بس اشعجب مراد شي مقابلهن معقول عاجز قلصت اعيوني واني اكول حرامات كل هالعضلات والجسم وتاليتة يطلع عاجز اخذت الفلوس واول مأجيت اقرب ع خدة عطت بوجع واني احس بشعري راح ينشال بيدة دفرني بالكاع وكام علية اجة بتجاهي واني ازحف برجلي بخوف ليورة شكلة يرعب والعيون نار ما ادري اذا من الشرب او العصبية بس الحمد لله وكفت عبير اكبالة وضلت تهدي بي وهية تكول
عبير بخوف : عوفك منها بعدهي جديدة اهنا وماتعرفك زين اني حصرف وياهة كلشي ولا زعل الباشا
شاهين : باوعتلهة بطرف عين واخذت سويجي وتليفوني وطلعت من الشقة زفرت انفاسي بتعب ورفعت عيني ع السما ابتسمت بسخرية واني اكول
شاهين : وين وصل بيك ازمن معقول كل هذة بسبب مرة فركت وجهي بتعب وركبت سيارتي ورجعت للبيت كل عادة جان الكل نايم والهدؤ سيد المكان صعدت فوك ودخلت للصالة ابتسمت واني اشوفهة اشلون نايمه ورجل ع الكرويتة ورجل الثانية بالكاع والخدود صايرات حمر من برودت اسبلت نصيتة واول مردت اقرب منهة وكفت بمكاني صفنت ع شكلهة الطاغي علي البرائة والطفولية فعلاً حسيت نفسي قذر وراح الوثهة بقذارتي قبضت ع ايدي كاتم كل غضب الدنيا بداخلي ودخلت سبحت ورجعت للصالة شلتهة من مكانهة ورفعتهة ع صدري ودخلت للغرفة اباوعلهة دفنت راسهة بركبتي مثل البزونة من برودت الغرفة حطيتهة ع الجرباية غطيتهة وتمددت بصفهة
تلمست خدهة بطراف اصابعي نزولن الركبتهة اشكد ترفة لعد كلت هيج واني اشوف اثاري بعدهن مطبوعات ع ركبتهة نزلت براسي ع ركبتهة بستهة ع كيف وقربتهة علية اكثر دفنت راسي بركبتهة مانع اي فكرة بعقلي تمنعني عنها ع الأقل بس اليوم للصبح حسيت بشي يتحرك جواي عرفتهة هية ضليت ع نفس وضعيتي اسمعهة تتأفف واديهة تحرك بصدري مثل الطفلة وهية اتكول
مرسلين : شااهين وخرر شاهين خنكتني وخرر
شاهين :...........
________________
محمد
من العصر واني منتظرهة تنزل تحجي ويا جدي وامهة بس ماكو الحد ما دزيتلهة رسالة * وينج *
كتبتلهة هيج ودقايق وشفتهة طلعت من غرفتهة وراحت بتجاه المطبخ غسلت ودخلت للصالة كعدت بصف امهة الي سئلتهة شبيج مريضة هزتلهة راسهة بمعنى لا وباوعت ع جدي بتردد وهية تكول
اوتار بتوتر : جدو اريد احجي وياك بموضوع
الجد : باوعت ع محمد بشك والتفتتلهة وانه اكول احجي بويه شكو شصاير
اوتار :...........
