رواية الإرهابي وذات النقاب الفصل الثلاثون بقلم ام غايب
حسين-ورود راحت
فلك-اي
حسين-انت الخسران الوحيد فلك .....توني صرت اوثق
بيج .....وحاولت انسى وابرر تضحيتج علمود ابوج
فلك-حسين اني ردت اتراجع والله
حسين-عن شنو تتراجعين بالضبط
فلك-ردت اكللهه مااروح واتصلت عليك وانت ماكو ....محصلتك مشغول ....والله جنت اخابرك
حسين- مااحس اله لزمني من زندي ....وجرني
فلك-اخ ...اخ حسين ايددددي ....انت مسمعت مرتك شكالتلي ....صعدني الدرج وولا كانما احجي ويا .....حسين ايددددي كامت تووووجعني
دخلني للغرفه ...وعاف ايدي....
حسين-حسابج من ارجع
فلك-على شنوووو تحاسبني ....انت كاعد تضحك عليه توعدني ومقرر تاخذ ابني وتسافر ...تخليني اتأمل واتعلق بيك ...وانت مقرر
حسين-لتحجين ولا حرف واحد
فلك-احجي ومااسكت وزوجتك هيه تقصددت تحجيني وسمعتهه من تكلك ...ليش يعني متحاسبهه هيه لو بمكاني هم هيج تختارررر ....تعبت وانتوووووو تستغلوووون فقري
حسين -منو مستغل فقرر رررج ....لج اني افكرررر بيج قبل كلشي .....اني الي غثني منج متصددددكيني شلون لعد تنامين بحضني فهميني شلوووون ....كتلج اني مااجذب بمشاعررري وكتلج مااريد ورود تعرررف علمود مااضطرر رر اختار بينكم .....دخلتينه بمعمعه مالهه اول من تالي
فلك-راد يطلع لزمت ايده ....وين راح تروح
حسين-ال ورود ....مستحيل اتحمل اخسرهه
فلك-راح تخيرك بيني وبينهه حتعرفني مو
حسين-وخري فلك هسه ...
فلك-اخذ المفتاح من جوه ... يريد يقفل الباب عليه
كتله ....حسين راح تقفل الباب عليه
حسين-ماأمن بعد اعوفج لحظه وحده وحدج .
فلك-لو جنت اريد اروح ...جااااان رحت قبل لتجي
سحب الباب بدون ميعير اهميه الكلامي وقفله ....كمت ادكه حيل ....لتقفل عليه اااااااالباب حسين ....ليش تقفله
كمت ادكه ولا يمه ...كمت ابجي ....ورحت للشباك فتحته وصحت من جان يطلع حسسسسسسن لتقفلللل الباب عليه
رجع متخبل عيونه كامن ينطن من العصبيه ....فتح الباب عصبي ..
حسين-بعدددددد اخذيلج سماااااعه وصيحي جان جاي باتجاهي كتله
فلك-ادخل للحمااااام هوووواي وانت تقفل الباب عليه شلون اذا ردت افووووت للحمام
حسين-وتصيحين هيج
فلك-كتلك وانت متسمعني ...حسين بس اسمع هيه كالتلي
حسين-سمعت كلشي بينكم لتعيدين ماكو داعي
فلك-يعني سمعت شكالتلي شتريدني شكللهه
حسين-تسكتين ومتجاوبين وتكولين بينه اتفاقيه اكملهه واطلع من حياتكم مووووووو تبيعين ....يعني شعبالج
لج من اول مشفتج كتلج لتفكرين تلعبين بذيلج لان مااعوفج ...لو تصيرين جوه الكاع هم الكااااااااج
وهسه يا فلك ....ماكو اي اتفاق بيناتنا غير الاتفاق الي بالبدايه
باوعت علي ....وكمت ابجي ...عافني وطلع ....ومبين قفل البيبان الجوه ....اختنكت حيل ....رجعت النقطة الصفررررررر.........واني ماعولت يصير عندي أمل ....الله يهدي عليه ....كمت اصيح بصوت عالي وابجي
كااااافي خرررب بيج ياااافلوس كله من ورررررراك يا فكررر كله من وره الفلووووس كله من وراهن كله من وره ذني
باوعت على البيت رحت على تحفياتهم
كلهن كمت افلش بتحفياتهم كلهن ...مبقيت وحده بيهن صاحيه .....واصرخ وابجي .....رجعت دخلت للاستقبال نفس الحاله ....يااااخذون اااابني وميريددددددني اصير انانيه ...وافكر بي ....ياخذون ابني وميريدوني انقهر اووووو احاووووول
درت وجهي لكيت هيفاء واكفه ورايه وبيدهه اللعابه وساكته
هيفاء-سويت مثلج ....وهم مرجعتلي غسق
بس اليفرق غسق اندفنت جوه التراب وانت عندج امل يتغير حسين
فلك-انت ليش موووو طبيعيين ....انت صاحيه وله مريضه وله شنوووو بالضبط حتخبل
حسين يحجي شي ورود تحجي شي انت تحجين شي
انتوووووى مو طبيعيين
انت صاحيه لو مريضه فهميني فددددوه موراح اتخبل
ساعه تكولين بنتي مميته ساعه تكولين ميته ساعه احلام شنوووو القصه
هيفاء-كتلج اني عايشه وين اني عليشه بمكان كلش حلو ....بي بنتي موجوده واي شخص اريده موجود
فلك-وين هذا
هيفاء-عالم الاحلام
فلك-ردت توخر منهه اني متورتره وطافره روحي وهيه مو طبيعيه ...
هيفاء-دخليله لهذا العالم يفيدج
فلك-ان شاء البه
هيفاء-اذا مراح تدخلي هسه يجيج يوم تدخلي الهذا العالم وصدكيني مراح تعوفي تلكين نفسج بي
فلك-ان شاء الله ردت اطلع صارت سد باليىباب
هيفاء-لتستهزئين بي ....
فلك-مكاعد افهم انت مريضه لو شنو بالضبط عوفيني فدوه كلبي محتررك
هيفاء-كل انسان يكدر يدخل الهذا العالم ....عالم حلو ....انتي ترسمي بيدج ....هذا كل ما بالموضوع
همه يعتبروني مخبله ....لان ادخله بس هو حلوووو
الزم بنتي واحضنهه وامشطلهه وابدللهه وكلشي اسوي
همه يجون ويشربوني دوه ...لان ميصدكوني
جربي دخلي ...عيشي الي تريدي ...غمضي عينج ورسمي الي تحبي ...صار ساعه تصيحين الفلوس ...غمضي عينج
وارسمي الفلوس راح تلزميهن وتعيشين الحياة الي تريديهه
فلك-اررريد واقع شسووي بالحلم من اصحه منه
من ياخذون ابني مني شسوي شيفيدني الحلم .....
ابني يردون ياخذوو
هيفاء-وانت ليش مستسلمه
فلك-شسوووي
هيفاء-لتنطين ابنج
فلك-بعته الهم ابني واخذت الثمن
هيفاء-وينه الثمن
فلك-ببطن عمي الناقص
هيفاء-اانت انسانه ضعيفه
فلك-ابويه ضعفي
هيفاء-عذر اقبح من الذنب
فلك-لا مو عذر ........ابويه هذا انت متعرفين افدي بروحي ولو يرجع بيه الوكت هم اختار ابويه محروك كلبي على ابني
بس هم مااذب ابويه بالشارع لو اخلي عمي النذل يكتله لان يعتبر عاله ...بس ردت احاول ...ومكدرت ....ردت ابقي بحضني وويايه ومكاعد اكدر اخوج وعدني وطلع يضحك عليه
هيفاء-حسين
فلك-اي
هيفاء-اذا وعدج مستحيل يخلف .وحسين اخويه احن واحد بيهم ...ويخاف الله مستحيل يسويهه
فلك-انتو راح تخبلوني
هيفاء-بشنو
فلك-انت مو تكرهين سيرة حسين شلون تدافعيله
هيفاء-ماكو انسان يكره بس اكو انسان يشيل بكلبه
واني من كتلج كاعد اطمن كلب ام محترك كلبهه على ابنهه ....لان احس بيج ...واحس بنار كلبج ...الي محد يعرفهه غير بس العايشهه
فلك-مااعرف والله مااعرف وبجيت .....تعبت ...تعبت من الحياة ....تعبت حيل ...جبت عمري من اني وطفله لليوم ممرتاحه ....جنه حسره علينه اللكمه ....وانظف للنسوان وبيهن الي ترزلني ...وبيهن الي تستهزء بيه ....وبيهن الي تهين بيه
شايفه من انتي كملتي شغلج ...وتريدين تطلعين وتكلج اوووكفي بلله وترجع مبتسمه شايله علاكه مال ملابس وعود هيه مسويه انجاز كاعد تطي الهاي الحيووووانه الفقيررره ...توجع حيل ....حيل توجع
وراضيه وقابله بنصيبي ....واعترض وارجع واكول الحمدلله والشكر وبعدين اوصل مرحله لازم ابيع عزيز على كلبي• وتنكلب حياتي واخسر الاثنين
هيفاء-وحتى الفلوس ...خسرتيهن مو اكلج انت انسانه ضعيفه بعتي ومقبضتي ومن تطلعين منا نفترض مأخذتي ابنج وانت بنيه صغيره اذا ترجعين العمج الباعج هم راح يرجع يبيعج واذا باعج هالمره بزواج المره الثانيه بدون زواج ...
زين ليش اضطريتي تسوين هيج ليش مبقيتي بشغلج
فلك-خسرت سمعتي
هيفاء-ليش
فلك-من وره اختي انهزمت ويه واحد وخربت كل سمعتنا
هيفاء-لا حول الله ...ووين هيه هسه
فلك-عايشه حياتهه مرتاحه واني الي دفعت الثمن
....................
ميمونه-ميمونه-بدل وطلع للمغرب اجه .....جنت نايمه حسيت علي .....فتحت عيني لكيته نايم بصفي ويباوع عليه
بقيت مفتحه
حذيفه-تعرفين اول مره بنيه انت مترغبني
ميمونه-بقيت ساكته
حذيفه-واول مره ادفع فلوس علمود وحده هو انتِ
ميمونه-بقيت اباوع علي
حذيفه-واول مره حتى واني طالع افكر بيهه
ميمونه-ليش
حذيفه-اني أسأل هذا سؤالي الج
ميمونه-ابتسمت .....صراحه مااعرف شحجي
تقرب عليه اكثر ....ودنك راسه بحيث صارت شفته قريبه على شفتي وهمس
حذيفه-ليش متعرفين اذا انت متعرفين لعد منو يعرف
ميمونه-حاولت ابعد نفسي يقرب اكثر
٤ملايين تخسر شي ميدخل العقل نهائي
حذيفه-ومستعد اكثر ...فلوس وعندي ليش اخلي شي بنفسي
ميمونه-اي بنيه تعجبك ومتكدر تحصلهه هيج تسوي
حذيفه-جنت اول وحده ادفع عليهه فلوس ....الباقيات هنه يتمنن
ميمونه-ليش يمه ....ابتسم
حذيفه-مو علمودي لتخافين علمود الفلوس ...بس مكلتيلي شنو رأيج بيه كشكل
ميمونه-مااعرف شكلك
حذيفه-الحقيقه .... دوم الي ينامن ويايه يكولن انت وسيم ....صدك لو جذب مااعرف
ميمونه-وانت شتشوف نفسك
حذيفه-خاف اجاوب وتكولين مغرور
ميمونه-مااكول
حذيفه-اشوف نفسي كلش وسيم لذلك مااتزوج
ميمونه-ابتسمت ...صدك انت مغرور بس الوسامه شعليهه بالزواج
حذيفه- اهاااااا كلتيلي شعليهه ...لان اظلم الي اتزوجهه
مااتوقع اكو مره تتحمل خيانة زوجهه يعني اني عن نفسي اكره الخيانه ومستحيل اتقبلهه فأكيد مراح تتقبلهه
وبالتالي النسوان بيهن الشيطانه الي تحاول تتقرب للرجال واني مو الرجال الي اكدر اقاوم هاي الشياطين
ميمونه-تعترف يعني
حذيفه-الاعتراف بالحق فضيله ...اني احب النسوان ...بس انتبهي يعني ابد ما بيوم من الايام زاحف الوحده غيرج .....كل مره هنه يزحفن ويباوعن عليه
تقرب عليه وخله شفته بشفتي
...وباسني ....ووخر شفته بسرعه ...يلله كومي كافي كسل ....وسحبني من ايدي
جبتلج فستان ....اريدج تلبسي ومكياج بين مااروح اجيب اكل واجي
ميمونه-ماشي
كمت شفت الفستان اسود كلش حلو جان ....شكد عنده فلوس حذيفه يصرف بدون وجع كلب . واحنه جانت حسره علينه اللكمه ...منين البشر يحصل على ذني الفلوس ....بسببهن فلك واني بمكان مو مكانه
دخلت للحمام سبحت ولبسته جان طويل والظهر كله دانتيل ....شعري بس مشطته مبلل وخليت حمره بس
باوعت على نفسي خليت ايدي على عيني الملونه وضميتهن تذكرت خضر من يكلي ام تك وتك
بهاللحظه دخل حذيفه رأساً كام يصوفر
حذيفه-مثل متوقعته عليج .....خله العلاليك على الميز وتقرب.......
ارجع اكرر بس احفظي هاي الجمله ......الاسود يليق بكِ
مستحيل لون ثاني غيره يبرز جمالج .. الي خلاني اللوب عليج وينكلب كياني هو اللون الاسود الي جنتي لابسته
ميمونه-تقرب عليه ....وسحبني علي ....
حذيفه-تسمحيلي اتعشه بيج اول ..
ميمونه-كأن اذا كتلك لا ....راح تعوفني
حذيفه-اعوفج
ميمونه-عوفني لعد
حذيفه-مو مشكله ....تعالي خلينه نجهز العشه سوه لعد
ميمونه-اغرب انسانه شفته بحياتي ....مستحيل اكو شخص يشبه ....بتفهمه ....رغم ما هو يعتبر مشتريني يعني حسب البيئه الي عشنه بيهه ....ايده والضرب والمعايره تركيبه غريبه ....يومين ويا ....تعلمت اني لازم الي رأي ....ولازم يحترمه
تعشينه ....وشغل الاغنيه نفسهه ونركص هم جنت مااعرف بس افضل ...من اول مره وكام يردد وياهه
وانت معايا وانت فى حضني بنسى العالم بنسى زمانى
اقرب اكتر اقرب خدنى يا وحشني وانت فى احضانى
نظره عينك صافيه بريئه
حذيفه-يا ترى عيونج مثل مااشوفهه لو خداعه ...اكو عيون تصير خداعه ....بس اني اكول صافيه وبريئه
ميمونه-انت بحياتك العاديه هيج
حذيفه-شلون
ميمونه-مااعرف هادئ من شفتك الحد هاي اللحظه
حذيفه-هادئ بس اذا ثرت اصير بركان مستحيل ينطفي
ميمونه-بقيت اباوع علي
حذيفه-شكلج خفتي
ميمونه-من شنوو اخاف بطلت اخاف
حذيفه-حلووو
وصلت الاغنيه هنا
قرب تعالى ادوب فى هواك واتهنى بيك باوعلي بنظرة شيطنه وسحبني علي
ثاني يوم كلي أجلت رجعتنه ال بغداد .....للظهر وكعدنه من الساعه بال٦اخذنه مصايف ...اماكن مشايفتهه بحياتي كلهه ....اخذلنه هواي صور ....رغم كل هالاشياء الي اي بنيه تتمناهن واني هم اتمناهن ....بس اكو وجع بالكلب مسيطر على كل حواسي مااكدر امحي كلشي ومااكدر انسى اني مثل السلعه حالياً بيده
اخذلي صور هواي ومن جنت مااضحك يحجيلي كلمه عن وسامته وشكد هو وسيم واضحك من اشوفه معجب بنفسه ...هو جان بالفعل وسيم ....مرتاح بحياته ومهتم بحياته واضح من كمية الفلوس العنده .
اخر شي رجعنه للفندق حتى ناخذ اغراضنا تونه صعدنه بالمصعد اجا اتصال جان يحجي بغير لغه بحيث كلشي مفهمت بس اباوع على تعابير وجهه .... فرح
وصلنه الباب الغرفه وهو يحجي فتحلي الباب دخلت وعفته وهو ورايه اول مسد الخط
حذيفه-ميمووووونه تعالي بسرعه ....او اوكفي اني اجيج
ميمونه-باوعت علي باستغراب اجه عليه لزم ايدي ااااانت شنووووو فهميني
ميمونه-شنوووو
حذيفه-صار سنتين اشتغل على شغله بالخارج ....مبقيت شغله مسوويتهه
ميمونه-واني شعليه
حذيفه-ااانت ....انتوجه خير عليه والله ....وشبكني ...متتخيلين فرحتي اريد اطير هسه مااعرف وشبكني حيل
ميمونه-استغربت ....وصحكت فطست ضحك مدري ليش ممتعوده اشوف هيج انسان بحياتي
حذيفه-ميمونه....شنو الشي الي تريدي اسوي الج اطلبي ...شي تتمنين يصير ...احققه الج بس ها طلعي منهه اطلكج ...مااعرف ليش حسيتج حتكوليهه
ميمونه-باوعت علي ابتسمت
حذيفه-احجي صدك ليش تبتسمين شنو تريدي اسوي الج
ميمونه-يعني شنو كلشي مااريد ...شريد بس اذا تنطيني المليونين انطيهن ال عمو قبل لتطلكني بعد احسن اريد ارجع الكه اختي ....موجوده وراهه اخذهه واروح
حذيفه-المليونين حقج من البدايه غير شي
ميمونه-ماريد شي ....بس هذا الشي انطي ال عمو الفلوس
حذيفه-اول منوصل ادزهن اله بعد شتريدين
ميمونه-شكراً
حذيفه-ااااخ متتخيلين شكد فرحان ميمونه راح يغير حالي
ميمونه-دوم ان شاء الله هاي الفرحه ...بس ماشاء الله عليك عندك فلوس شيغير بعد مااشوفك محتاج
حذيفه-منو كلج مشروع يمكن شي يخص الدراسه ..
ميمونه-مبروك
حذيفه-الفلوس اخر همي بالحياة
ميمونه-عكسك احنه الفلوس سبب همومنا ...شلون صار عندك فلوس
حذيفه-عينك عينك تحسدين
ميمونه-هههه لا والله الله يرزقك بس انتو الاغنياء شلون تصير عدكم فلوس
حذيفه-بالتعب والجهد
ميمونه-واحنه هم نتعب ويادوب تكفينه لكمه
حذيفه-الشهاده والزواج الصحيح للرجل والمرأه
اختيار ابويه وامي صحيح وجدي وبيبيتي هم ...تقريباً نكدر نكول الاتحاد قوه ...صاحب شهاده عاليه يتزوج صاحب شهاده عاليه واثنينهم يكونون نفسهم ....وكذلك الاجيال البعدهم وهمه اساساً مأمنين المستقبل نكدر نكول التعبان الاكثر بحياتهه جد جدي ....دكتور ومعروف هم جان بامريكا ورجع ...الوحيد الي تزوج اميه ...اخذهه على حب ....بس رغم هذا جانت قويه كلش وتسوه الف وحده مكمله شهاده ...كلامهم عنهه هذا جدي وابويه
ميمونه-يعني قصدك
حذيفه-اختصرلج واقربهه الج الحاافي شكوووو تزوج ويخلف .. خمسه وسته وعشره وبعدين يكول العيشه صعبه ...الزواج لازم يكون مدروس مو يكون اناني ويتزوج ويشمر بالشارع لا دراسه ولا تربيه صحيحه
شوفي بالخارج اقصى حد طفلين ماعدهم كثره مثلنه احنه العرب ...هم يفكرون بكل الجوانب واكيد هم اكو كم متخلف هناك
ميمونه-انت تحجي لان ممحروم من شي
حذيفه-هم احتمال وارد ...المهم يلله راح نتأخر ...هم يالله نكوم
جهزنه نفسنه وصلنه البغداد بالفعل نفذ وعده ودز على عمي انطا باقي الفلوس ...جنت فرحانه وكمت اعد الايام
.................
خضر-المطلوب دم فادتنه جنت متوقع تخيب بس صابت ...الرجال اخذ عائلته وهج ....وره اسبوع رحنه للمنطقه وكنالهم نريد نأجر البيت كالو صاحب البيت لخذ عائلته وشرد بروحه العزيزه ... حاولنه ردنه الحد ما جابولنه رقمه اتصلت علي ورحتله ...أحرت البيت منه ...
رحنه اني وحمصه والشباب للبيت نظفنه جان فارغ كلش بقينا فارغ ونصبت كامرات بالباب ....ووجهتهن على بيتهم طبعاً الشباب همه الي تولو هاي المهمه لان اني ام قاسم تعرفني ...مردتهه تعرف اني كبالهم
راشد-اخ يمه كرررشي موتني تعبت اخ شنو هاي
عزوز-شوكت تضعف روحك متكلي
راشد-من باجر قررت اضعف روحي
حمصه-خاب دطير انت شنك الحكومه بس حجي بدون تنفيذ
راشد-والله اله اضعف روحي وتشوفون
حمصه-اي والله ياريت لان وجهك بي طشت مال لحم هاي ماعدا كرشك
راشد-امشي مسلوع
حمصه-اني مسلوع ولك هو اني ...بدون حديد ولا كلشي معضل ...من الله
عزوز-تباوع عليمن
خضر-كاعد اشوف الكامرات يمكن لو مخلين عل سطح وحده نوجهه عليهم للباب افضل
عزوز-لا كلش كافيات
خضر-دك موبايلي علي ...جاوبته ها علاوي
علي-وين انت
خضر-هسه راح ارجع ...شتريد
علي-كاعد اشوفك وين مختفي ..وشسويت مسويت هم وصلت الشي
خضر-لا
علي-اني راح اسبح وانام ومن اكعد امرلك يم راشد
خضر-ماشي
سديته منه ...وكلت للشباب يلله نروح
ربطت الكامره بالابتوب ....يعني اكدر اشوف بأي وقت ...
ورجعنه كل واحد طش بمكانه ....كابلت الحاسبه وكعدت ..ولازم موبايلي ..اكلب بالصور ومطلع سعد الحلي واشرب جكاير باكيت يجر باكيت
خذانا الواهس من بعيد
نزف شموعنا لشوفك
مشينا وأيد تشبك أيد
نـناغي الروح بطيوفك
العمر من غير حب شيفيد
لمني بعصرت أكفوفك
ياريحة مسك يا هيل
عذبني ونين الليل
عذبني ونين الليل
وينج يا ام تك وتك وينج ...متحنين ...تعالي وعاتبيني بس لتختفين ..تعالي وراضي كليلي
جنت اسمع هذا المقطع واكول حقج ..حقج اعتبره عتبهه الي
أجيتك من بعد غربه
أجيت بليله كمريه
هذاك أنه نبع صافي
يخايب دغش مابي
أجيت أنفض عتب بالعين
عتب عاشق بحنيه
واكلك هجرك اشسوه
لون ادري فلا اهوى
لو ادري فلا اهوى
راشد-انت مخبل ...معقوله الهاي الدرجه تحبه تره البنيه عادي جمالهه
خضر-ليش هو الحب بالجمال
راشد-اكيد لا بس انت مو طبيعي
خضر-مكاعد اكدر انام ب
