رواية الإرهابي وذات النقاب الفصل الواحد والثلاثون بقلم ام غايب
اجه عليه راد يهد ....قويت روحي راد يلزم ايدي تذكرت من عافني ومن ضربني ومن خلاني استعرض كدام حذيفه واخووووو دخلت السجينه ببطنه مااعرف شلون عاطت مرت عمي ودخلت وهيه تصرخ للغرفه وقفلت الباب عليهه
انت واحدددد عاااار والله ....انت بعتنه ...مرتك تخونك ...تستاهل ...الله لا يوفقك ....عفت السجينه وايدي ترجف باوع عليه يحاول يوخرهه ويتوجع
طلعت اركض ....فتحت الباب ايدي كلهه دم ....وجسمي يرجف توني ركضت .عثرت بالباب .....من كثر ما ايدي ترجف .....باوعت عل شارع فارغ ....طلعت اركض ....بدون وعي مااعرف وين .... كمت كل ماامر من واحد يباوع عليه ....بسبب ايدي .....دخلت للفرع الثاني حتى اخلص ....من شفت مابي ناس ونزعت ....شالي بسرعه
ايدي من كد ما ترجف مااسيطر حتى على الشال الزمه .... مسحت الدم بالشال بسرعه.....ووكفت
اكو دم شويه جلب نكعته بشفتي ومسحته بالشال
وكمت امشي طبيعي ولفيت الشال بقيت لازمته خاف يبين دم مشايفته من ايدي
....وكل شويه ادور وجهي
والرجفه متعوفني .....الحد ما وصلت للشارع العام أجرت تكسي بسرعه كتله للكراده
من صعدت بالتكسي اخذت نفس
كتلته ....كتلته وكمت اضحك ....بدون صوت ....كتلته
الحقيررررررر ......كمت ابجي درت وجهي على الجامه اباوع عل شارع اااااااه متحملت اكتم وجعي ...اكثر كمت ابجي بصوت عالي ومخليه ايدي على حلكي
السايق-خيرج اختي
ميمونه-من سألني زدت بالبجي ......وغطيت راسي
السايق-اختي خيرج خوما احد متوفيلج
ميمونه-اي ...اي ...عمي
السايق -انا لله وانا اليه راجعون الله يصبرج اختي
ميمونه-درت وجهي عل جامه ....اباوع على الشارع ....احس نفسي ضايعه ...بعد اكثر من ضياعي ...الي جنت بي .....فلك مااعرف وين ...ومااعرف مصيري بعد ما كتلته شنوو ..
وصلني ...كتله على عنوان الشقه نزلني كبال العماره ...همزين جنت خاله الفلوس بجيب البنطرون ....ماعندي خرده جان منطيني بس ورق حذيفه انطيته ورقه
السايق-ماعندي خرده اختي اذا ماعندج محالله توكلي على الله
ميمونه-رأساً دخلت بدون مااحجي ولا كلمه
بسرعه .....اركض .... وصعدت الدرج اركض ورجلي ترجف حتى عثرت بالدرج ....ورحت وكفت كبال الباب
كمت ادك بي سريع .....الى ان أيست هو راح واعرف راح ...بس جنت اكول بداخلي مراح والف فكر سويت بمخيلتي يرجعه .........وينك حذيفه .....محتاجتك ....وووينك ....كمت ادك بالباب ... وابجي .....
انت اول شخص فكرت الجألك مع العلم اعرف بيك سافرت ....مااعرف اللحظه كلت يجوز ممسافر يجوز تأخرت او فاتت طيارتك وينك ....محد غيرك يساعدني
محد غيرك يصدك بيه ......حذيفه ارجع ....ارجع عل اقل اليوم واحد محتاجه جرعة قوه منك
مسحت دموعي واحس قابليتي ...خلصت كعدت بصف الباب مال شقه واني ابجي
.....وغمضت عيني .
حذيفه--ميمونه ....احلى ٢٣يوم جانن وياج ...بس راح اروح وانت بنفسي
لان ولا مره سلمتيني نفسج وتجاوبتي وياي ... تقرب عليه سلميني نفسج ميمونه تلهفي عليه مثل ما اني اتلهف عليج
وكام يبوس بيه ....الاول مره حسيت نفسي اني هم راح اشتاقله
مااعرف ليش ...واللحظه تمنيت لو هو اول شخص اتعرف علي
بادلته نفس الشعور الاول مره ....فتح عينه وابتسم .....
سحبني حيل وكام يبوس بيه ...ويحضن وهو هم الاول مره ميكون هادئ وكانما احد يتسابق ويا
بعدهه نمنه بالكاع ......بقه يباوع عليه .....واني اباوع علي ...
اللحظه حسيت بانكسار ....حسيته قوي ....حسيت نفسي محتاجه هاي القوه ...كم يوم عودني علي ...مااعرف حب او لا ....بس من صدكني ...حسسني هو الامان الي جنت اريد اكله ابقه ....بس مااكدر اكولهه
دار عليه ....وخله اصبعه على شفتي
تعرفين قبل لحضات جانت عيونج بيهه قوه ...مااعرف ليش هسه انمحت منهن القوه ....دير بالج تضعفين بهاي الحياة لان تنوكلين
باوعت علي ....بكلبي ...شنو انت تقره الي بكلبي لو شنو
حذيفه-الي خلاني ادفع كل هاي الفلوس ...هيه حدية عيونج والقوه الي شفتهه بيهن ...صيري قويه حتى اذا حسيتي بضعف بداخلج كولي اني قويه وحاولي تصدكين وتوثقين بنفسج وتؤمنين بقوتج ...صدكيني راح تصيرين قويه
رددت اااااني قويه ....يستاهل.. هو يستاهل .....بقيت كاعده شويه وأيست ...حذيفه ماكو ....اني وحدي ...ماكو احد وياي......السخص الوحيد الي اوثق بي هو ....ومتأكده ميخذلني ...راح
كمت مسحت دمعتي وطلعت من العماره ...جان اكو بوري جانبي ....فتحته وغسلت ايدي ووجهي ....شعري جان مشدود ...من منقبه ....المحجبه ....السافره علمود امحي اثار جريمتي
الدنيا لطشت بيه تلطش ....كمت امشي مااعرف وين اروح ....والشوارع مزدحمه بالسيارات والناس .... واني امشي واباوع عليهم ....الي رايح للمدرسه والي رايح الدوامه والي ينزل من السياره والي يعبر الشارع ....واباوع شفت بنيه لابسه صدريه وحجاب وجنطه جان بكدي مبينه ...تريد تعبر الشارع
بجيت ..بحركه .......الاول مره احسد بنيه .....واكول مفروض اني هم هيج.ووكفت وكمت اباوع عليهه عيني تترقبهه وامسح دمعتي باوعت عليهه من عبرت ذكرتني بفلك
ميمونه-اووووكفي وين رايحه جان عمرهه ٩سنين واني عشره رحنه نجيب دوه من الصيدليه ....فلك كبل عبرت لزمتهه وجريتهه وين
فلك-هههههه جبانه انتِ
ميمونه-متشوفين الشارع
فلك-واذا ....ماانسحك لتخافين غصباً ماعليهم يوكفون
سحبتني من ايدي وركضت عبرت الشارع ....كل شويه اتخيل سياره تركعنه من الصفح تطلع
ميمونه-اااانت مخبله والله ليش تعبرين هيج
اله شويه ننسحك
فلك-عادي ننسحك ونكوم كلشي مابينه ....بس بطلي تخافين انت ...كلشي ميصير بيج
ميمونه-راح نكووووم اني وياج ....راح نكوم فلك
مراح نخلي احد يسحكنه .....راح ادور عليج والكاج
دخلت اسواق ....صرفت ورقه ..... وماادري وين اروح ....الاي مكان اتجه ....اكيد راح يبلغون عليه ....وبيت خالتي يروحوله لان ماعندي غيرهه وشاهين وثقت بي وحجيتله ...وكال ال خضر
صح مكتله لتكول بس خضر جان يتحجج عليه
وخضر ابتسمت ويه ابتسامتي نزلت دمعتي
اكثر شخص خذلني بهاي الدنيا ..تذكرت من طردني اول مره .. وتذكرت حذيفه شلون بسرعه صدكني
أجرت تكسي ....رحت للمنطقه للبيت الي اجره خضر قبل ردت اشوفه مااعرف ليش رحتله .....يمكن بداخلي جزء يتمنى يشوفه .......وصوتي يكول لا ...لا وارجع واكول كون اشوفه واضربه مثل ماصربت عموووووو هو هم باعني ...وتخلى عني مو بس عموو
اخذت تكسي جنت اندلهه المنطقه ....وصلت بس خربطت بين الفرعين ....كمت اروح وارجع ....دخلت واحد منهن لمحت من بعيد اكو درج
وصلت للبيت الي طفرتله وكفت كباله ...تذكرت من طفرت ....ووكعت على الكزازه ورجعت درت وجهي على البيت الي جان مأجره خضر .....وكفت كباله ....جانت الدنيا حاره تقريباً ب١٢عرفتهه من بده الجامع يقره وشمس عاليه .......بقيت واكفه كباله ......اباوع تذكرت من شمرني ....بالباب ....واني ادك بالباب ...وهو ولا يسمعني ....حسيت كلبي كام يوجعني حيل ....اختنكت
مااعرف وين اروح ....وشسوي
توني ردت امشي انفتح الباب الجوه البيت طلعت مره منه لابسه عبايه .....رأساً وكفت ... اباوع عليهه وهيه هم لان اباوع عليهه بقت تباوع عليه
المره- رايده شي خاله
ميمونه-البيت هذا متأجر الفوك
المره-اي من زمان
ميمونه-شكراً خاله
المره-اذا تريدين روحي للدلال بسرعه يطلعلج عنده كومه بيوت بس لو تجيبين احد جبير وياج احسن ...لان الوادم وحوش مشايفين وانوب انت مفرعه بدون حجاب ياكلوج هنا
بقيت اباوع عليهه ....عافتني ومشت ....درت بقيت اباوع على البيت .....ومن اباوع علي لا ارادياً ترجع الصوره ...للي سوا بيه خضر
طلعت من المنطقه .....ماادري وين اروح ....لو شسوي ....مااريد ادخل السجن بقيت افتر ....اروح منا واجي منا أجرت تكسي ....رحت للسوك ....الي بي محل شاهين ...رغم ما متردده ....بس مااعرف ليش كاعد اروح .....اشتريت شال لبسته رأساً وكملت طريقي
جنت لابسه بنطرون جنز وتشيرت طويل اسود ساده وترانشوز كمت امشي باتجاه المحل .....واليوك جان مو كلش هوسه
.......
خضر-اخر ايام شتهين شد وياي كام من الصبح يكعدني اروح ويا للمحل وصدك مدري شكو النسوان بس يشترن ....حتى اتعب من كد ما كل شويه رافع ايدي ويدوخن الواحد انطيني هذا لا هذا ولو تعبتك بس هذا مو زين ....واني مالي خلك وطافره روحي
فتحت المحل مثل كل يوم الصبح ....اني وشاهين وكعدنه نتريك شاهين جاب ريوك وجاي من ولد بالسوك يبيع كيمر عرب وجاي
تريكنا وبقينه نسولف شويه الصبح ارحم من العصر
العصر تكول زنابير من يهجمن
شاهين-منرتاحلك هالايام خضر
خضر-ليش منكول اني الي ممرتاحلك ....احس ضام شي
شاهين-ماكو اي شي جديد
خضر-لعد شبي وضعك مو تمام
شاهين-صار عندي شك بشغله
خضر-شنيه
شاهين-مااكدر احجيهه هسه
خضر-تخص شنو
شاهين-لتلح من اتأكد رأساا اكلك
وكوم يلله اكو كم شغله نقص نطلعهه من المخزن
بقيت تقريباً ارتب لان اكو اغراض طلع بيهن اكسباير منتهي ....صفيناهن وكل شويه جايه مره ابيعلهه وتطلع الحد ما أذن دخلت للمخزن صليت .. وطلعت لكيت شاهين هم جاي متوصي يريد يصلي
طلعت بره دخنتلي جكاره واباوع عل ناس ....الرايح والجاي والف حسبه ببالي
اسأل شدتسوي هسه ميمونه ...ومرتاحه لو متعذبه لو كاعد تصلي يجوز يم فلك اختهه مو تزوجت ....معقوله سافرت الف فكر ....بعقلي يجي شمرت الكطف وطلعتلي جكاره ثانيه وطلعت اغنية اسماعيل جنت حافظهه بجهازي باليوم يمكن ١٠مرات اسمعهه هيه واغنية سعد الحلي وحده وره الثانيه
وين انت وينك.... تسأل عليه.... ماعندي غيرك ...مو تدري بيه .....اخذوني منك....بعدوني عنك لا انت بأديك ولا اني بأديه
وين انت وينك وينك وينك مشتاكه عيني عيني العينك
لاتنسه العهد البيني وبينك كلبي الك وكلبك اليه
دخلت للمحل كعدت وره الجام خانه واكمل سماعي للاغنيه
شاهين-اعوذ بالله من الشيطان الرجيم ....توك صليت يا اخي
خضر-اي وشنو يعني
شاهين- حرام عل اقل احتراماً لرب العالمين مو اني اصلي وانت مشغل اغنيه
وبعدين تدري خضر اني متشمت بيك عل حركة كلبك هاي
بس مقهور لان مااعرف مصير هاي الابنيه الي بسببي هيج صار بيهه والله لو ادري بيك هيج اعوج ولا اورط روحي الله اعلم هسه شنو حالهه
خضر-شايف كلبي شكد مورم ومهموم ونارا مشتعله من احجي وياك تذب بانزين على النار وتشغىعل كلبي بالزايد
زين واذا اكلك اني شاك بيك انت تعرف شي
شاهين-والله شفتيتلي اعرف شي عن ميمونه ...واطمئن عليهه ...عل اقل ضميري يرتاح ...تجاه هاي البنيه
خضر-الموبايل وين وله لعد اني عايفه بالمحل
شاهين-والله يا استاذ اني مكايلك تصير اثول وتضيع الموبايل وبعدين شنو شتتوقع اني اعرف شي عن ميمونه ومااكول
وهم بالفعل من الكه مستحيل اكلك ...اشوف البنيه مرتاحه بحياتهه اذا مرتاحه اسلم عليهه وارجع واذا متأذيه اشعل صفحة جدك شعل
............
ميمونه-جنت واكفه غاد من المحل اباوع عليهم جان موجود خضر كاعد ....وشاهين واكف كباله ويسولفون
كلبي وجعني من شفت خضر .....شكد تمنيت رجلي توديني ....للمحل بس ثكلث ....جنت اتمنى اصرخ اضرب اكسر محله على راسه
ومستحيل الجأ اله ....اخر شخص بحياتي كلهه افكر الجأ اله
درت وجهي ورحت ....وهم رجعت النفس النقطه وين اروح مااعرف .....اسلم روحي لو شسوي لو شسوي مااعرف ....
تذكرت وحده من صديقات فلك جانت دوم تدبرلهه شغل كاعده بشقه بالكريعات هيه وامهه ابوهه متوفي تمكيج بنات بالبيوت وفتره شتغلت وياهه فلك ...تسوي رجلين العرايس تنظيف وتقشير ومن هالسوالف ...صح مكانهه يختلف بس مدري منين تعرفت عليهه تذكرت مره من عزمتنه على كورنيش الكريعات واخر شي فلك كالت بطلت تطلع بالبيوت ...وفتحت صالون بأسمهه
حتى اللافته اسمهه سوزان
ادور على صالونهه حلاقة سوزان النسائيه ....اخذت تكسي ورحت للكريعات وصلت للكورنيش نزلت يمه بعد مااندل بعد بس الهوا يخبل رغم ما ظهر كلش بس احس اكو نفس حلو. وجانو اغلبهم صيادين واكفين
مشيت خطوات وكمت امشي بالشارع الى ان شفت مره
كتلهه خاله اكو صالون وانطيتهه الاسم
مااعرف شلون خطرت ببالي هاي البنيه ..تعرفت عليهه فتره قصيره فلك بس واجتي بعقلي فجأه
دلتني بالصالون ....جانت مفتحه لان اكثر العرايس الصبح يجون دكيت باب الصالون ...فتحو رأسا.
لكيت الصالون ازدحام ...دخلت باوعت مااعرف منو منهن مشفتهه
بلا زحمه سوزان ام الصالون هنا
باوعت عليه كالت وووووين يمعوووووده مو شاااالوووو من زماااااان وعافت المكان
ميمونه-جانت الكلمه تمط بيهه ومو بس هيه حتى سوزان من شفتهه مره ....اليأس سيطر عليه ...كل مااكول خلصت ولكيت حل ارجع النقطة الصفر
بلا زحمه متعرفين عنوانهه
ام الصالون-لااا والله بس رقمهه عندي كووومي عذراء انطيالج تريددددي
ميمونه-انطينيا بلا زحمه ...اخذته وطلعت واني اصلاً ماعندي موبايل ...
ماكو غييير اروح الخاله ام قاسم وهناك يقبضون عليه يقبضون يطردوني براحتهم
اخذت تكسي ...مااعرف لو الفلوس مو بجيبي ولو مماخذتهن مااعرف جان شصار بيه ....اخذت تكسي العصريه تقريباً ...وماادري شيصير ابو التكسي خير لا ...شسوي لعد ماعندي غير هذا الحل
وهو يمشي ...شفت مكتوب شقق للايجار معزوله عل شارع عام بس بابهه جانبي كتله نازل
جانت باتجاه بمنطقة القديمه الي يم خاله تقريباً
نزلت انطيته الابو التكسي باوعت من الجهه الثانيه اسواق وشايب كاعد بيهه كلش جبير شلون بابا ...ذكرني بي دشداشته ولحيته البيضه
رحت علي رأساً
ميمونه-السلام عليكم
ابو المحل جان اسم الاسواق الغيث -وعليكم السلام بنتي
ميمونه-عمو هاي الشقق للايجار
ابو المحل-اي عمو هنه اثنين بس كل وحده بابهه وحده جبيره ووحده صغيره كلش انتو كم نفر لان الباقيه بس الصغيره
ميمونه-اي اي هو اني اريد الصغيره اني واختي ....وتنهدت وامي
ابو المحل-مااعرف شوفيهه يجوز متفيدج ...لان كلش صغيره وبيهه بس غرفه
ميمونه-عندك المحل
ابو المحل-هنه تابعات الاخويه
ميمونه-اي الحمدلله بكلبي كلت دخلت الشقه بيهه بس سنك بالمطبخ وكاونتر بالسنك نفسه
كيفت بيهه ...كتله عمو هذا هو أأجرهه ..
ابو المحل-بس امج متكدر تصعد الدرج وها عندج الباب محكم محد يكدر يدخللكم بس السطح للاسف مو الكم للشقه الجبيره هاي اخويه الشقه لزكهه تلزك ...لذلك متتأجر مو بسهوله
ميمونه-شكد ايجارهه عمو
ابو المحل-٢٥٠
ميمونه-ماشي عمو أأجرهه وطلعت الفلوس انطيته ورقتين
ابو المحل-هل يشوفوهه اهلج خاف متعجبهم
ميمونه-لا تعجبهم واصلاً مو اليوم عمو يجون اهلي ...مسافرين للعلاج واني ببيت عمي كاعده تعاركت وياي مرت عمي وطردتي وعمي بالشغل بالجيش
نزلت ويا للمحل ....فرحانه طايره من الفرح ....ممصدكه الله باوعلي ولكيت شقه
من دخلوله عرفت اسمه ابو منتظر كمت اصيحله ابو منتظر .....اشتريت منه ادرات تنظيف وانطاني نسخة المفتاح وصعدت انظف بيهه ...جانت عباره عن كعده اول ماواحد يدخل وكبل باب صغير غرفه كلش صغيره وكبال الهول مفتوح هم مطبخ بس بدون ستيج وحمام صغير وتواليت ....كلش صغيره جنهه صندوق بس فرحانه بيهه
نظفتهه وهمزين جان الجو كاسر فتحت الشبابيك على الشارع من جهة المطبخ وخليت الهوا يدخل للشقه
حسيت نفسي جعت ....نزلت مشيت كم خطوه لكيت محل يبيع دجاج شوي اخذتلي نص وصمون وببسي وصعدت اكلت
تذكرت حذيفه ودلاله ...كال ٢٤يوم مميزه بالفعل خلاهن مميزات ...بس طلعن من خشمي ....وتندمت على كل يوم معشته بفرحته وخليت الحزن يسيطر واني اكل تذكرت عمي السافل من يكلي مطلوب
لو من شفت هذا الدخل بيته ...اتمنى من كلبي مات من هاي الضربه .....
لو انت يا خضر ....خربت كل حياتي وعايش حياتك ....مرتاح .....اخ يا كلبي
...........
فلك-بعد مانممه بالاستقبال .....لليل كلش كمنه هو دخل للحمام واني صعدت سبحت هم ....شويه وصعد يمي بقه نايم يمي ويشبك ويحضن ويتلمس ببطني ويحجيلي عن مشاعره تجاه علي
فلك-حسين
حسين-ها حبيبتي
فلك-ليش محد يجيكم
حسين-هو منو موجود اخويه وسافر واختي هيفاء شوفت عينج
فلك-ماعندك بعد اخوان
حسين-لا
فلك-ورود شوكت ترجع
حسين-مالج دخل بهاي الامور
فلك-اذا رجعت هم تبقه هيج وياي
حسين-مو كتلج لتحجين بهاي الامور
فلك-اريد اعرف ...حسين بس افهمني ورود متريد الطفل أجرلي شقه وخليني اني وابني بيهه عسى ما تجي نص ساعه باليوم
حسين-اريد ابني يمي بكل وقت وهذا الموضوع بعد وكت اله سدي كتلج لتضوجيني
فلك-ماشي ...ماشي راح اسكت .....درت وجهي عنه حضني من وره وكام يتلمس ببطني الى ان غفه واني ابجي وامسح بدموعي واضم صوت بجيتي مااريده يسمع
يومين ثانيه مرت ....مااعرف جنت متمدده سمعت صوت الباب انفتح باوعت من الشباك ورود راجعه
انكرب كلبي ....
شويه وصعدت هيه ....كالتلي طلعي من الغرفه
باوعت عليهه ...مفهمت
ورود-الغرفه الي خليتهه الابوج بعد تبقين بيهه
فلك-ليش
ورود _اتوقع هذا بيتي واني الي اقرر ....ونزله ممنوع تنزلين حمام ويمج فقط وقت الوجبات بعدم وجود حسين. باوعت وراحت باتجاه الجربايه جانت تدور على شي بعدين شالت المخده وطلعت موبايلي
وموبايل ممنوع الج هم الى ان تجيبين وتطلعين من هذا البيت
فلك-انت منوووو حتى تقررين بمكاني وتاخذين موبايلي
ورود-بيتي هذا ....وانت مو مال احترام ...ادري بيج فرحتي وعبالج رحت وعفتلج البيت حبيبتي هاي باحلامج مو تجي وحده بكدج تهجم بيتي
فلك-ااانطيني موبايلي
ورود-ماانطي الموبايل هذا الموجود يعجبج او ميعجبج ويلله وسحبتني من ايدي طلعي من هاي الغرفه
بنتره وخرررتهه ....ااايدج ...شنو معنى تصرفج اااني مو خدامه عندج حتى هيج تسوين
راحت للكنتور ...طلعت الملابس وشمرتهن ...بالصاله الفوك بالكاع
فلك-وجرتني وطلعتني من ادغرفه وقفلت الباب
اني مااكول غير بس حسبي الله ونعم الوكيل
بدون متجاوب ...نزلت ....شلت ملابسي ورحت للغرفه الي جان نايم بيهه بابا معدلين الجربايه خليت ملابسي بيهه وكعدت ...كآبه ....جنت اعرف منو يطب ويطلع من الشباك واتفرج على الحديقه .......جنت اكدر اهد عليهه واحجي بأسلوبهه بس مااريد نقاط ضدي
.................
خضر-جنه كاعدين بالحل صارت بالاربعه تقريباً تعبت وهلكت ...وكل شويه اخابر حمصه ..جان توه مصارله كم يوم مفتحله محل انشائيات .... هو وراشد مشاركين بي ....جان بالجيش هو وبطل ....وتندم جان مجمعله جم فلس من تعين مع العلم اهله طاكين اخو الجبير صاحب شركات بس الكل يعرف مصدرهن حرام ....وهو من دون اخوانه ممتقرب للحرام ...وميخلي واحد يفرض علي شي
عايش على مزاجه لا عنده عائله ولا متزوج واكثر شي متشرد وياي ....لو بالمزرعه صح مال اخو بس ينام بيهه
خابرته ...ها شنو الوضع
حمصه-لك انت عار ثم عار ثم عار ...خلفله على ام تك وتك خلتك كل خمس دقايق تتصل
خضر-هسه غير يحجي
حمصه-بابا يعني لو اكو جديد اسكت ومااخابرك ...وبعدين اني رجال على باب الله مكالمتك كاعد تعطلني
خضر-دك عليه خضر لان مفعل الانتظار كتله ابقه وياي عل خط خل اشوف علاوي
جاوبت علاوي كتله الو ها علاوي
علاوي-خضرررر سمعت خالد وسلمان يحجون ...ام تك وتك كاتله عمهه ومهزومه
خضر-اني كلي هيج احس الدنيا سواد بعيوني صارت ...انت شدتحجي ووين ميموووونه هسه وليش كتلته ....وين ميمووونه علاوي
شاهين بهاللحظه دخل
شاهين-شكوووو
خضر-احجي يمعووود
علي-مااعرف ممفتهم بس خالد سمعته كال ال سلمان هذا الخبر لان مرت عمهه مبلغه
خضر-خالد راح للمكافحه يعني
علاوي-اي اتوقع
سديت الخط ونهيت مكالمة حمصه المعلقهه
شاهين-غير افتهم شكو
خضر-ميمونه كاتله عمهه
شاهين-كاتلته يعني كاتلته خلاااص
خضر-ماااعررررف ماااعرف ابددد
شاهين-وين راح تروح اوكف خل اسد المحل واجي وياك
خضر-استعجل شاهين استعل رايح للسياره قبلك
صعدت وصدك شاهين بسرعه اجه ...وبقه يتصل حمصه جاوبته كتله عل سريع
حمصه-تعالو مرواي اخذوني وياكم
خضر-ماعندي وقت .....سقت بكل سرعه بس اريد اوصل ...شلون يعني ميمونه راح تدخل السجن ...
اميد سوالهه شي شاهين وكتلته اكيد ميمونه متعرف تلزم سجينه اكيد عذبهه وخلاهه تنفجر هذا الانفجار شلون هسه فهمني
شاهين-يعني مااعرف والله شكول خل اخابر خالد افتهم منه
شال تلفونه وجاوبه خالد ....جريته منه وخليته يفتح سبيكر
شاهين-شنو هذا الخبر خالد
خالد-منو كلك انت شبسرعه وصلك ...اسمع مااريد خضر يعرف خل اشوف شكو وعود الله كريم
شاهين-غير افتهم
خالد-هو اني مفتهم حتى افهمك هسه متوجه للمكافحه خابرني صديق الي من اختفه هذا عمهه العار وصيته
شاهين-ديلله اني هم جاي هسه
خالد-شتسوي جاي رحمه الدينكم اكعدو ...وبعدين محد اله علاقه اني اتصرف اريد اعرف الي صار وافتهم الموضوع
شاهين-بس كلي يعني مات
خالد -وصلت اني افتهم وافهمك
خضر-بكلشي مستبعدددددني حتى بالاشياء الي تخصني
سقت اسوع الى ان وصلنه ردته ندخل ممنوع ....اتصل شاهين كله خالد هاي اني كبالك جايبلي خضر وجاي عاشت ايدك
خضر-شفت خالد رحت باتجاهه ....شمسووويلهه وكتلته
الحيووان
شاهين-ميت لو اكو امل تطلع منهه
خالد-مميت ومرت عمهه مشتكيه وميمونه مهزومه
خضر-من كال مهزومه ارتاحيت ....يعني الحمدلله مو هنا
خالد-اي مو هنا ...منو ملك انت
خضر-وين ميمونه لعد وين الكاهه هسه وراح تنسجن لو شنوووو خالد
خالد-بعدني بسم الله مااعرف شصار وليش خل افتهم واعرف
خضررررر انبهت ابد ابد متتصرف بشي بدون علمي انتيه
خليني افتهم واني اتصرف اسمع كلامي بس خل افتهم ليش سوت هيج
شاهين-اي اصلا ماعنده اختيار وين نلكاهه للبنيه
خالد-رجعو يلله اني ابقه وياكم على اتصال رايح للمستشفى هسه اني
خضر-عفته ورحت للسياره وكفت وكمت اضررب بيهه لزمني شاهين
شاهين-خبال الخبلك ان شاء الله انت عقل عندك بطل هالحركات وامشي اصعد
خضر-ووووخر عني شاهين ....خرررب راح اتخبل ليش سوتهه ميمونه شلون شصار وخلاهه تضربه الهذا السافل
خابرت على حمصه الووووو ها حمصه انتيه على الكامرا باي لحظه ميمونه تجي الخالتهه ماعدهه احد غير خالتهه
حمصه-يعني مهزومه والله هاي ام تك وتك داهيه
خضر-سديته بوجهه بان ابد مو وكت تفاهته ...صعدت بالسياره رحت البيتهم اول واحد ورجعت البيت خالتهه مريت من يمهم ووكفت السياره اتصل عليه حمصه
حمصه--منور اخووووو باشا بالكامرا
خضر-حمص وحق ربك اذا الزمك ماارحمك اني بحال هاي السوالف
حمصه-ردت اكلك شكوووو جاي هنا وجه الجفجير
مو كامرات عليمن هالوقت تضيعه خوب دور بغير مكان
خضر-سديته بوجهه ...هذاااا خبل رسمي
شاهين-توك عرفت ليش متدري بي
خضر -مرن يومين
يحققون لان مرت عمهه كل شويه تكول شي ومنعرف ميمونه جانت بالبيت لو اجتي من بره لو شنو الفلم
اني كابلت المكافحه ....وشاهين وحمصه والشباب وياي
بس راشد باقي كبال الكامرا
خالد-هاي كلكم هنا
حمصه-غير ويه خضر
خالد-هو معم على خضر غيرك انت .
خضر-احجي خالد شنو الموضوع حجت هاي لو ادخل اني احجيهه
خالد-يابه خضر راح اضربك طلقه براسك واخلص منك ...اولاً ميمونه تشيل ايدك منهه بعد .......مره متزوجه ....مالك دخل بيهه ..
...يتبع
وراهه مشفت حسين ...ابد ...يوم يومين اسبوع دخلت بالسادس واكلت نصه وهو ماكو ....حتى سؤال ميسأل عليه باعني بكل سهوله ...صرت متأكده ياخذ الطفل مني
الارهابي وذات النقاب
ام غايب
تكملة البارت ٣١
خالد-هاي كلكم هنا
حمصه-غير ويه خضر
خالد-هو معم على خضر غيرك انت .
خضر-احجي خالد شنو الموضوع حجت هاي لو ادخل اني احجيهه
خالد-يابه خضر راح اضربك طلقه براسك واخلص منك ...اولاً ميمونه تشيل ايدك منهه بعد .......مره متزوجه ....مالك دخل بيهه ..
خضر-شنوووووووو ....منو متزوجه
خالد-شنوووو مسمعت ميمونه متزوجه
خضر-هههههه ....قويه هاي ....ميمونه
خالد-اتوقع سمعت الحجيته ....شاهين اخذه وتوكلو منا
وراح وعافنه
خضر-خالدد بعد ميمشن عليه ...هاي السوالف ...صارن قديمات .....رجع بخطواته ..ورفع تك حاجب
خالد-شنوووو القديمات ....انت ويه منو كاعد تحجي بهذا الاسلوب
خضر-خالد ....انت دتتشاقه تريدني ابعد نفسي عن سالفة ميمونه ...اعرف هاي السوالف
خالد-وحق الله يا خضر .... هاي اخر مر اسمحلك هيج تحجي وووياي ...صار اشهر اتحمل سوالفك واعيرهن بمزاجي
متززززوجه البنيه .....وهيه هسه على ذمة رجال
خضر-تووووهه مصارلهه هًواي مفروض كملت عدتهه
تقرب عليه ....وهمس
خالد-خلي اللساني مسدود احسن مااحجي على عرض العالم ...تروح هسه تولي ترجع للبيت ...اليوم من ارجع اذا ماالكاك بالبيت ....اشوفك شي مشايفه بحياتك كلهه
خضر-وووفني اريد اشوف شتسووووي
وسحبني شاهين ....وخزرني
شاهين-اااانجب اللصم
خضر-ووووخر ايدك شاهين
شاهين-تنجب وتسكت
خالد-شو بلله عوفه ...اريد اشوفه شلون يحجي
شاهين-خالد شنوووو قصتك عوفه
سخبني حمصه ....هم من يمهم
حمصه-شبيك غبي ....اااانت مخبل ...شلون تجاوبه هيج
خضر-ااااااسكت ...اسكت عني
...يكوووول متزوجه
اجه عليه شاهين-بسرعه ....
شاهين-اااانت كلش صاير ماعندك اااخلاق ...لك شلون تجاوبه هيج
خضر-لتسووووولي روحكم مدري شنوووووو. سمعته شيحجي وياي ....سمعته
شاهين-اي تزوجت شنو الغريب بالموضوع بنيه مطلقه شي طبيعي تدور ستر وتتزوج
خضر-العددده توهه مكمله شاااااهين
شاهين-اي مبين وره العده تزوجت شنو المشكله ...الله يسترهه وتتهنه وصفك ..خلصت السالفه
خضر-لاااااااا مخلصت ...مخلصت السالفه
وعفته ورحت شمرت السويج عل سياره
شاهين-ووووين
خضر-الجهنننننم
شاهين-تعال ااااخذ سيارتك اني ارجع تكسي
خضر-عفته ورحت ...امشي بدون وعي ....مكاعد استوعب معقوله تزوجتي ميونه...هيج بسررررعه
حمصه-اوكف يمعود
خضر-وكفت ...حمصه بداعة امك عوفني
حمصه-شبيك يمعود
خضر-مكاعد اصدددك تزوجت ميمونه ...حمصه توهه مفروض خلصت عدتهه .
حمصه-والله ماادري شكلك
خضر-كلي ...كلي انجبرت ...يجوز عمهه الحيوووان جبرهه ....وهسه كتلته .
حمصه-احتمال
خضر-اكتله بيددددي والله اذا جابرهه
حمصه-ميفيد بعد البنيه على ذمة رجال
خضر-لزمته من ياخته .....لتكووووول على ذمة رجال
حمصه-يابه اسف على ذمة مره
خضر-حممممممصه
حمصه_شكو شكو شكلك لعد كلي واكول ميصير تهجم كبل اكلك على ذمة رجال متقبل على ذمة مره متقبل شكول اني بهاي الحاله
خضر-دوووووووخر ...وعفته ورحت وهو ورايه
حمصه-بلا سوالف تافهه خضر
خضر-حمصه طااافره روحي وعقل ماكو براسي عوووفني الله يخليك والله مالي خلك لسوالفك
حمصه-لا احجي صدك اوووكف خليني اكلك بشغله
خضر-عوفني وووحدي حمصه محترررك كلبي مكاعد اصدك والله بس اريد ابقه وحدي شويه استوعب
حمصه-بعيداً عن الشقه والضحك وكلشي ....خضر اول مره احجي وياك هيج ....بجديه....
صح هيه انهزمت وياك ...وهالشي معناهه يمنه وبعادتنا وتقاليدنا مو زين ويمكن لو وحده من خواتنا سوتهه مراح نسكتلهه
بس اني وياك واي رجال نعرف ان اكو بنات يتقشمرن واحتمال وحده من خواتنا يتقشمر عليهه ...تعرف اساليب اقناع الرجال ....بس اكووو الحووووك الي ميعبرن عليهه واكو الي تتقشمر وميمونه من النوع الي تتقشمر
وانت قشمرت على هاي البنيه ....
خضر-انتتت شدتحجي حمصه.....ووخر عني احسن الك
حمصه-انت كلتهه بلسانك كلت بعد مااخذت الاريده شمرتهه ...... من التقينه بيك بالمستشفى لان طبيعي تبرر عدم وجودهه
رجعت كلت دورولي عليهه وكعدنه ندور .....وراهه خالد جابهه ....احنه منعرف تفاصيل والله يشهد لليوم محاجي وناطق وكايل مرت خضر انهزمت ويا ...لان انت اخويه ...والكلمه التنحجي عليك تمسني قبل لا تمسك
اني مااعرف ميمونه ...ومشايفهن غير بس من انت عقدت سيد ....ولحظات بس ....بس هيه اجتي عاشت بيت حبوبتك ...بوسط ولد عمك ...علاوي ..حبوبه من اشوفهه تحمد بيهه ...رسل من شافت بناتنا هم حامدتهه
وخالد تتوقعه يخليهه على ذمتك لو ما سائل ومتطقس على البنيه وكلنه نعرف بمنطقتهم الجديده انت جنت تتطفر عليهه من السطوح وحتى اذا متلتقي بيهه تنام بسطحهم
خضر-حمصه ...كل الكلام اعرفه ....واني هسه تعبان ....توفني
حمصه-رجعت طلكتهه خضر ...علمود يدلوك بعنوان ...ومااعرف شلون صدكت سلمان
خضر-اني حيووووان وغبي ...ارتاحيت تعرررف من اكلك روحي طافررره بهالوكت شنوووو
حمصه-لذلك كاعد احجي هذا الحجي
طلردتهه ورجعت طلكتهه ..شترررريد خضر شتريد ...عوووف البنيه يا اخي بحالهه
خضر-فركت وجهي بعصبيه ...واحس اعصابي انشدت وماعندي اي كلام احجي
عفته ورحت ....واني امشي كتله لتجي وراااي حمصه اريد ابقه وحدي ....عفته ومشيت سريع
احس كلبي يريد ينفجر....مااكدر كلشي اسوي احس كلشي بيه تربط وعقلي ميستوعب ...واني اتخايلهه صارت بحضن غيري ...شلوووون عفتج يا ميمونه ....شلووووووووووووووووون صحت متحملت ...جانو يمشون ناس كبالي دارو عليه ....
...................
فلك-بعد اوامر ورود ومن طلعتني من الغرفه ....بيومهه انتظرت حسين يصعد ابد مصعد ولا ثاني يوم
وكل ماانزل مموجود ...تعبت حيل ...
نزلت بيومهه من سمعت صوته ....بالهول ....نزلت من الدرج ....جان هو وورود كاعدين ...بقيت اباوع علي ....بس نظراتي عتب اله ...جنت بدلخلي اكله للأسف تخاف منهه ....
وكفت كبالهم ....حسين اريد احجي وياك
ورود-وحسين وهزت براسهه
حسين-خيرج فلك
فلك-خيري ...خير ان شاء الله ...
ورود-اتوقع ماكو كلام بينكم ...واذا شي يخص الطفل ...اسأليني الي
حسين-وروددد
فلك-اتوقع من صار الاتفاق ومن وقعت ....ويه حسين مو وياج
حسين-فلك ورود كاااافي ...اني موجود هنا ...فلك ...صعدي الغرفتج اني هسه اجي وراج
فلك-باوعت ورود ابتسمت باستهزاء وهزت راسهه
صعدت ....وبقيت واكفه على الدرج اسمعهم
ورود-هااا حسين
حسين-ورود ....اني مااسمحلج تتحكمين بيه ....الي فوك حامل بطفل الي
ورود-هيج صارت ....لعد كلامك انمحى
حسين-اني مكتلج رجعي ورود ولا كتلج راح اتخلى عن ابني
ورود-هيج صارت
حسين-كتلج مااتقرب منهه واني على وعدي الج
بس اني الي اتفقت ويه فلك واني الي احجي وياهه من تحتاج شي
ورود-حسين
فلك-حسيت علي ....يريد يصعد ركضت دخلت للغرفه ....وصدك شويه وفتح الباب باوعت علي
يباوع عليه وساكت كتله
اريد اعرف مصيري النهائي حسين وياك
حسين-هو هذا الي ردتيني بي
فلك-راح اموت ....تعرف حالي حال المحكوم اعدام ....ومحددين يوم اعدامه ....ويباوع عل ساعه
ويخاف من تمشي ...عكس كل الحوامل ...هنه يباوعن
على ساعه يريدنهه تمشي سريع واني اريدهه تتبطىء
انت مو وعدتني .....كتلي مااخاف ...وكتلي من اوعد مااخلف ....كلي ...مو راح اموت والله وتقربت علي
ليش متجاوبني
حسين-كلشي بوقته حلو فلك ....وعدتج اني كافي لتلحين بالموضوع
فلك-....اقشمر على روحي واضم وجعي بحضن منك ....رغم ماانت سبب اوجاعي
ليش ىبس من تنام وياي احس بحبك الي ...معناهه انت بس جسمي تريد
حسين-تعرفين شنو المشكله ....انت متعرفيني وشحجي متقتنعين بي وتبقين خايفه لذلك اكلج كلشي بوقته حلو
بعدين راح تفهمين نامي مطمئنه
وعافني وفتح الباب ...لزمت ايده
حسين اني تعبت من الغموض .....مااتحمل بعد
حسين-تصبحين على خير
وراهه مشفت حسين ميجي للبيت قليل ....واذا اجه او اسمع صوته كبل يدخل غرفته ... ...يوم يومين اسبوع دخلت بالسادس واكلت نصه وهو ماكو ....حتى سؤال ميسأل عليه باعني بكل سهوله ...صرت متأكده ياخذ الطفل مني
مجرد الي كلشي بوقته حلو جرعة مهدء الي .....او يلعب باعصابي
فتحت الباب .... جان باب غرفة هيفاء مفتوح فجأه نسد بسرعه باوعت علي باستغراب .. بس كلت سوالفهه هاي المو طبيعيه مااستغربهه
حسيت بجوعه ......ردت انزل سمعت صوت حسين وورد بالهول بس صوتهم مو كلش واضح
نزلت بايتين ردت افهم ولزمت المحجر شويه صار بي وضوح بس اله اركز
مااعرف شلون انفتح الموضوع بس بعدين من كال اسمي عرفت عليه
حسين-صار الي صار ولو يرجع الوكت مستحيل اسوي الي سويته ...نهائي ولو فلك مو حامل ....جان طلكتهه وخليتهه تروح بحال سبيلهه النقاش انتهى بخصوص هاي المسإله
ورود-مو بس انت متندم اني هم متندمه دخلت بنيه بيتي ....تعرف جان مفروض من البدايه نتطلك ...وتشوف حياتك ....وانت تعود واني اتعود .
مااعرف حسين وين راح تخلص مااعرف ...ليش احسك جاي تضيع مني ....لو مطلكني من زمان افضل ...عل اقل ابقه احبك
حسين-محد يضيع من احد ...البنيه الفوك الخاسر الوحيد ورود
ورود-اعرف ...اعرف ....والمشكله ان بسبب هاي البنيه لا انت ولا اني راح نرتاح .....ساعات اكول وبجت ..واضح من صوتهه
هيه ام ابنك ...حتى اذا صغيره وووو..واختنك صوتهه
وووهيه الي مفروض تبقه .....بس مااكدر ....والله مااكدر .....ليش اني انجبر اتحمل تنام يم غيري
وانت السبب بلي عشته
حسين-تعرفين ورود ....كلش زين مو اني السبب ....وتعرفين مجنت سكران وجنت تعبان لذلك انت بقيتي وياي ...وتعرفين اني من النوع الي مااشرب ولا حتى شام ريحته ورود تعبت سنين واني اكلج مجنت شارب .....
فلك-كعدت وكمت ابجي ...مااعرف على نفسي على ورود الي صوتهه مخنوك ....وعلى حسين الي احسه محتار
ورود-تعبت اني ..
حسين-انت جبتي هذا التعب الج ورود كتلج مقتنع بقسمة رب العالمين .....خليتي اختج الدكتوره المحترمه تلعب بعقلج وتقنعج واجيتي اكلتي راسي تقنعج بسالفة استغلال وحده فقيره تاخذين ابنهه ....
انتصار كالتلي البنيه وضعهه تعبان وتحتاج وكالتلي تفيديهه وتستفازين ومبينه كلبهه قوي .......واكو هواي غيرهه اذا متقبلين بس البنيه احسن متتجه الغير طريق واني علمودك هم
حسين-ورود انت مو بس علمودي ...كافي ...كافي كلشي تذبي براسي ....ومخليتني واجهه الاغلاطج من كلتيلي على هااااي البنيه تتذكرين شكتلج لو متتذكرين كتلج تريديني استغل بنيه فقيرررره ...
ورود-لااان جنت تريد تتزوج اني سمعتك انت واخوك تخططون للزواجك الثاني ....تخليت حتى عن مبادئي علمودك
حسين-راح اختصرلج ورود .اني فلك ممقرر اطلكهه
ولا اسجل الطفل باسمج وهيه تريد تبقه اهلاً وسهلاً واذا تريد تتطلك حتى اذا طلكتهه يبقه بأسمهه الطفل بس اخليهه توقع قبل لا اطلكهه ....تنازل عن الطفل
مااكدر اراعي مشاعرج على حساب خسارة ضميري ....واذا على الحب ...انت الحب الوحيد الي مااكدر اطلعه من كلبي
فلك-احس ايدي كامت ترجف من الفرحه ممصدكه ودموعي تنزل ....الحمدلله يا ربي ...الحمدلله ....توني رفعت ايدي ادعي جنت كاعده وابجي وورود ....تكله جنت اعرف والله
فجأه حسيت شي دفعني .....مااعرف احساس او فقدت توازني . .......
