رواية خفايا القدر الفصل الثاني والثلاثون بقلم انين الروح
اطلعت فتحت باب الشارع وتصير اكبال وجهي سياره جراح
ارتاح كلبي يعني مماخذ ولدي ومسافر
ارجعت للبيت توني دخلت وصار عمي بوجهي
بويه شعدنج طالعه هيج وكت بالحوش
ظليت صافنه شكله
افكر ابحجه حتى يقنع
تذكرت ماطور البستان اني المغرب طفيته ولازم ساعه ١٢ بالليل اشغله حتى يملي البستان مي
عمو مو ماطور البستان طافي رحت فتحته وشغلته
بويه اكو زلم بالبيت هذا مو شغلج انتي تطلعين الفجريه وتشغلي شافوج الناس شيكلون اعلينه
بيت بي زلم ومطلعين مره نص الليل اكيد هاي عدها سالفه
صح كلامك عمو بعد ماعيدها
اي بويه انطي خبر الجراح او الرضا هم يكعدون ويشغلونه لا تطلعين انتي
ستري علينه ابنيتي
صار عمو واني اسفه وماعيدها بعد
يله بويه روحي كعدي زلمتج خل يكوم يصلي
اي عمو تدلل
عفته ودخلت جوه ودردم الحالي
هو اني ادري زلمتي هسه وين نايم
رحت الغرفتي القديمه ماكو
بعدين افتحت غرفت ازهار القديمه ع كيفي وبحذر
شفته نايم عالجربايه ويمه الجهال اتلاثتهم الولد ع يمناه والبنيه ع يسراه وهو بنصهم
في داخلي افرحت حيل وبتسمت 😊😊😊😊 والصراحه اتمنيت اروح ونام اني هم بنصهم بس رجعت اذكرت ضربته الي واهانته الي
اطلعت وغلقت الباب وصعدت ع غرفتي اتوضيت وكعدت صليت وقريت قران والحمدلله كلبي اشويه برد ورتاح
مددت ع فراشي ونمت
صحيت الصبح نفس الروتين اليومي جنت كاعده اتريك وسمعته يكحكح ويحن حن بصوته
يعني ينبهنا هو جاي هذا طبعه وين مايروح لازم يطلع صوت بحلكه ينبه الموجود راح هو يدخل
وكف يم باب المطبخ وصاح ع رباب
جيبلي ريوكي لديوانيه
منطاني مجال اشوفه بس اسمعت حسه
كامت اخته سوتله اليريده ودته
اني ما اهتميت كمت كملت شغلي طلع هوه
رحت للغرفه اشوف الجهال دخلت شفتهم نايمين
هم ردت انام يمهم وذكرت هاي غرفه ازهار
خليت وطلعت منها
بس عفت الباب مفتوح وصيت عليهم موج
رحت عندي ملابس اريد اغسلهم
غسلت نصهم وكعدو الجهال ريكتهم وكمت خليتهم بالهول يم عمتي والجده حتى اتكون عينهم عليهم
ورجعت كملت الملابس صحت موج تصعد ويايه حتى اشرهن لان مايقبولون وحده وحدها تصعد لان جارهم مطيرجي
صعدنه اثنينه نشر ونسولف
موج ..اتصالحتي ويه جراح...؟
لا والله ابد صار انكس ونكسين
النوب حتى حذرني ما يشوف وجهي بالبيت من هو موجود
موج ..شنو هاي هذا حكم يهودي شدعواه تره انتي ماسويتي شي غلط
كل الكلتي تعبانه وحقج تتعبين اني مو اشوف حالي تعبانه واني اصلا ماعندي جهال
كيف انتي بيت وعيال وجهال
الله يساعدج ع جراح صدك ميتفاهم شنو من كلب قاسي شايل والله يهودي هذا
يمعوده حتى اليهودي تلكين بي رحمه اله جراح ابد
من يحب يحب..... ومن يكره يكره بعد
لا لا رهف والله اصلا جراح يموت عليج والنبي اني رضا كلي اصلا ما يكدر يستغنه عنج صح هو اعصاب ونار بس والله يحبج
وعيونج ياموج استغنه عني ومن زمان مو من هسه
بس اني متحمله وصابره الخاطر ولدي
والصدك ماعندي مكان او اهل اروح الهم
هي بس اختي وانتي تعرفين مو زوجه اخوج هي
رهف حبيبتي استغفري ربج وتحمدي وصدكي ساعه عن ساعه فرج
يجي يوم تضحكين وتنسين كلشي عشتي وعيونج
ياموج اشوكت يجي هاليوم مو اني اتعبت وصلت ويايه كمت افكر بالانتحار
لا ولج شنو هالحجي شنو انتحار والخرابيط
تردين الله عزه وجل يغضب عليج
تدرين الينتحر يموت كافر
يعني كل صلاتج وصومج وعبادتج ماتنحسب
انتي صبرتي وتحملتي وسكتي
متكدرين اضلين صابره
اقري قصص الانبياء وشوفي صبرهم
تره مو معقوله اني الصغيره اجي انصحج وكلج الصح من الغلط
شوفي صبر نبينا محمد ع المشركين شكد اذوه وعذبو الي تبعوا الرسول وصبر ايوب ويه المرض شوفي صبر النبي يونس ابطن الحوت
صبر يوسف مع زليخه والسجن
وهواي اهواي انبياء صبرو بس بالاخير نالوا اليردونه بالدعاء والاستغفار والتحمد
ظلي ليل ونهار استغفري
تره الاستغفار يكفر عن الذنوب ويريح النفس
انتي مجرد كلتي انتحار كفرتي
اكعدي وتهدي برحمانج رهف مو علمود شي تافهه كبل انفكر بالموت هذا كلام غلط ميصير
يله كافي خلي افرحج اشويه
اي فرحيني احجي شعندج صرتي حامل
لا والله بعد بس ان شالله
اذا الله كاتبلنه يصير
اكيد ونعمه بالله شعندج لعد اخبار حلوه
هههههه😊😊😊😊 اني ورضا واخيرا راح نسافر التركيا كلي راح اعوضج عرسج الخرب
رهف حضنتها وفرحت حيل لان صدك هي تستاهل ابنيه حبابه فقيره وصدك عرسها خرب ابسبب هذوله الانذال
ان شالله يوم الج وتسافرين انتي وجراح
اي اسافر ليش لا من البيت للكبور
كافي رهف تحجين بالموت والكبور تره اني اخاف
لا عمري والله اتمنالج سفره سعيده
اشوكت ان شالله تسافرون
كلي بس يسويلي جواز كبل نطلع
الله كريم ..والله فعلا فرحتلج من كل كلبي تستاهلين موجه
اشكرج ياورده
يله خلي ننزل خلصت
نزلنه واسمع صوت ضحك عالي استغربت
🙁🙁🙁🙁 منو هاي هيج صوتها يرن بالاذن
رحت عالصوت جان بالديوانيه دخلت شفت ايمان وهلها موجودين امها واختها وابوها كاعدين ويه عمتي يسولفون ويضحكون
اهوووو هاي اشعدها جايه هي واهلها
ظلت الافكار ادور براسي
والف تفكير وتفكير اجه براسي
ساعه اكول هاي جايه حتى تزوج جراح
وساعه اكول لا جايه تتونس وترجع ويه اهلها
اوووف فكري راح يتفجر
بس لا جراح ميتخله عني هو كلي يحبني
جراح لتكولها عفيه وتروح تزوج عليه
جراح ملكي اني حتى لو كان خشن وقاسي ومغرور
بس هو الي زوجي وحبيبي وابو جهالي ماريده يتزوج ويعوفني
بس
لا امه كالت راح ازوجه
واكيد هي اتصلت ع اهل ايمان حتى تعرض عليهم الزواج
اوووف ياربي خرب كل مخططات عمتي وعمي وبعد نظر جراح عن ايمان ياربي
ابد لتخليه يتعلق بيها او يفكر بالزواج منها
والله اتخبل
اسمعت صوت باب الكراج تنفتح ودخلت سياره جراح
شفته من الشباك نزل وشلون طالع وجهاله استقبلوه
شال صكر ابيد ويقين باليد الثانيه
وراد يدخل للبيت
مشيت حتى اروح للمطبخ لان اكيد هو حيفوت من باب الاستقبال
فتت وهو فات صرنه وجي بوجي اتقابلت عيونه
العيون بيها كلام حب وشغف واشتياق بس الافعال تمحي كل كلمه حب وشغف جانت مرسومه بالعيون
عافني من غير حتى سلام ودخل جوه هو واطفاله
اول ما دخل لديوانيه اسمعتهم كامو يسلمون عليه
ماعرف منو بيهم كله ابو يقين
رجع هو كال اني ابو صكر ما احب احد يناديلي بغير هالاسم
صح هم جهالي يقين وجبل بس انه احبن الكل تكلي ابو صكر
وما يتغير هالقب حتى من اموت
ايمان ..اسم الله عليك ابوصكر ان شالله اليكرهك
جراح ..لاتخافين ماكو احد يكرهني لان اعرف اتصرف وياهم وخليهم يحبوني
ايمان ..دووووم ابن عمي الغالي
صاح جراح ..نصبوا الغده
رحت صبيت ونكلنه موج ورباب وبنات فطم
كعد الجميع بس اني مكعدت وياهم لان جراح محذرني مايلتقي بيه ابمكان هو موجود بي
واني مليت من المشاكل كلت بيني وبين نفسي
ابعد عن الشر وغنيله
والباب التجيلي منها ريح اسدها وستريح
هذا افضل قرار
لان وين اروح لا اهل ولا احد عندي
بيتنه ابغداد ما اكدر اعيش بي وحدي لان لامال ولا شغله والعيشه يرادلها وارد
والناس كله صايره ذيابه ميصدكون يسمعون وحده عايشه الوحدها الكل يصير بس يفترسها
خلي اتحمل وصبر الحد ما ولدي يكبرون واكدر اتعمد ع حالي وعليهم عالاقل اكول عندي زلم بالبيت عايشين ويايه
ولابد الله يوم يفرجها ويايه
...........
ايمان ...شو رهف ماكو جراح شنو ميعجبها تتغده ويانه
جراح ..لا مو هيج الحجي بس انه موصيها ع شغله تسويها الي هسه لان وراي طلعه
ايمان ..هاخوش عسبالي ماتريد تكعد ويانه
جراح ..اكلي ايمان ولا تشيلين هم احد عالاكل هي تاكل بعدين
اني اسمع وابجي 😭😭😭 عيني بالكذب صيحني كدامها وكعدني خل اتغده وياكم حتى هي متعرف احنه متعاركين وضل ترسم لبعيد
ويمكن تخطفك مني
ان كيدهن عظيم مو اني كلتها الله عزه وجل كالها بقرأن الكريم
صح مو كيد خبث بس كيد عشك وحب
وللعصر وهو كاعد وياهم
اني اخذت الجهال وصعدنه انومهم وانام
كعدت ونزلت اشتميت ريحه كيك مسوين بالبيت
حيل حبيت الريحه والصراحه جعت حيل لان اصلا ما اتغديت
دخلت شفت موج جاي اشنك بالعجين
دخلت شفتها عالميز محطوطه وماخذين منها شكلها كلش حلو اني احب الكيك بالكاكاو
كصيت قطعه وضكتها طعمها يموت حيل طيبه
رحت صبيت جاي وكعدت
اكلج هاي انتي سويتي الكيكه
موج ..لا هاي ايمان سوتها
رهف ..انصدمت هاي اشوكت كامت سوتها وشنو هالجرائى اتكوم بالبيت وتدخل مطبخ وتسوي كيك
بس احنه ماعدنه غراض الكيكه منين جابت الباودر والفانيلا والكريمه
طلبت من جراح يجيبهن هو طلع جابهن وهي كعدت سوتها
صدك تحجين جراح ابشحمه ولحمه يطلع الظهريه يجيب اسوالف الكيك والمن
الايمان
لا مستحيل
ليش يعني مستحيل اشو انتي هاملته صارلكم هذا الاسبوع الثاني ولا واحد منكم طخ راسه وراح اعتذر وبادر بالمحبه
انتي امير وهو امير منو بيكم يسوك الحمير
موج اني مسويتله شي شو هو مصدك رادها من الله جتله من عبدلله
اي ظلي انتي كولي هيج الحد ما تخسرين زوجج وكدام عيونج
خلي ايمان عود تربح بي
انتي طبختي عدل وخليتي يتهده
وراح تجي الجايفه كبل تتغده
بالعافيه عليج
شنو تردين اسوي موج
شنو شسوين روحي اكعدي وياهم شاركيهم الحجي شوفيهم كاعدين بالحديقه ياكلون ويتمضحكون ولا ع باله هو
موج هو كالي اذا شفتج اكبالي متلومين غير حالج
وانتي مصدكتي هو هيج حجه بهاي سمعا وطاعه
وبغير امور ظلي معانده وراكبه راسج
اووووي اني شعليه نصحتج والباقي عليج تعبتي حتى كلبي
رهف .مديت راسي شفتهم صدك كاعدين ياكلون كيك ويتمضحكون
اسمعت كلام موج وطلعت بحجه اريد اوديلهم مي لان ماكلين كيك
اول ما وصلت الهم
كام جراح ع حيله ونطاني ظهره وحجه
ايمان انه طالع عود بالليل انكمل حجينه
وانتي روحي سدي مي الماطور وطفي كافي مي يدير
ايمان ...ان شالله جراح راح انتظرك
خله ومشه
تعاي اكعدي رهف
اكعدت ع كرسي جراح وبديت اسئلها بس اني شنو نار كابه بداخلي اتمنى اشيل وكطعها وصل وشمرها وخليها ترجع للكويت وما اشوف خلقتها بعد
رهف ..اكلج شنو بعد مترجعون للكويت
اهلي يرجعون بس اني راح ابقه لان قدمت ع جامعه العراق بالبصره
ليش بالكويت مو عدهم جامعات ليش اهنا وشلون اتعوفين اهلج وين راح اتسكنين لعد
اكو اكيد بس معدلاتهم عاليه شو قدمت اهنا طلعتلي كليه الحقوق
عالاقل افضل اهناك طلعلي معهد
والحقوق اني احبها من الاول جنت دائما اسئل زوجج الله يرحمه عليها
يكلي اجنن حيل حلوه وبيها فرص تعيين ابكل مكان
واني الصراحه اريد ادافع عن حقوق المراءه بالاخص العراقيه لان حقوقها ضايعه ومحد يسمعلها
رهف ..خوش تفكير بس عاد كون صدك ادافعين عن المراءة العراقيه وتعرفين حقوقها عدل
ومحد يتجاوز ع حقوقها واملاكها
اي اكيد المفروض هذا يصير من زمان بس الوضع حيل تعبان صاير بالعراق وحقوق الانسان كلها ضايعه محد مهتم بيها
بلكي ولعله الجيل الجديد يرفع من معنويات البلد الهابطه ويقدمه نحو الامام
اكلج رهف انتي شمخلصه دراسه
من سئلتني غرغرت الدمعه بعيني شكد جان بنفسي اكمل دراسه وحصل ع شهاده
جان بنفسي اكول دكتوره مختبرات
بس ياحلم منو هدمك
اني رابع عام وصارت الحرب وبعد امي مخلتني اكمل لان خافت عليه
ابويه جان مسؤول بالجيش وخافت ليروح احد يخطفني
كعدت بالبيت تقريب سنتين وبعدها ازوجت ايوب الله يرحمه
وهسه اني زوجه جراح نظرعيني وحبيبي
يعني انتي كدرتي اتحبين وتتقبلين حماج يكون زوجج
بالاول اكيد لا
جانت صعبه عليه لان عشت وياه وهو حمايه واني زوجه اخوه
بس من ازوجنه علمود صكر
يا يعني هو ازوجج علمود ابن ايوب صكر
لا مو بس علمود الطفل هو كال اني حبيتج وماردنه نخسرج
هااااا مو اكول جراح طبعه صعب ويه النسوان من زمان ادري بي هيج
وجنت ادري بي محب وحده
لا حبيبتي حب وياه ابنيه بالجامعه بس هي عافته وراحت ازوجت غيره ومن هاي صارت عنده عقده من النسوان
ايمان ...ياااا صدك تحجين زين شلون يكلج هيج كلام
غير اني زوجته وحبيبته وام جهاله وفتحلي كلبه وحجه
وان شالله بطل بعد ميحب غيري وراح نظل طول العمر واحد يحب الثاني وماكو واحد يدخل عذور ابينه
ايمان ..اي ان شالله يدوم حبكم وزواجكم انتوا ثنائي حلو
يحلي ايامج اني اترخص لان لازم اكوم اساعد البنات
مرخوصه حبيبتي
كملنه خبز فتنه عالمطبخ نحضر العشه
وفاتت ايمان
بنات اساعدكم
رباب ..لا احبيبه كعدي انتي هسه انكمل
رباب اريد اسوي لازانيا
رباب ..وهاي شني الكلتي عليها
هاي اكله ايطاليه مثل المعكرونه
رهف ..كولي معكرونيه من الاول عليمن تعوجين حلكج وتكولين لزانيا هي كلها مكرونه
لا هي تشبها خلي اسويها وكولولي شنو رايكم بيها
بس اريد واحد ياخذني لسوبر ماركت هسه
رباب ..والله ماكو احد بالبيت حتى ياخذج
ايمان ..حخابر ع جراح ياخذني
رهف ...وليش ع جراح خابري ع رضا فهد طارق
والله ماعندي ارقامهم بس رقم جراح عندي اخابره وهو عود يدزلي فد واحد من الشباب ياخذني لسوبر
الوووو هلو جراح
عفيه محتاجه شغله من السوبر ماركت واريد واحد يجي ياخذني اله
اي اشكرك راح احضر حالي
باي
رباب ..ها شكلج
اي راح اروح خلي افوت ابدل
رهف ..متت بس اريد اعرف منو راح يجي
اشويه وسمعنه صوت هورن السياره
😮😮😮😮😮😮 يا هذا صوت هورن سياره جراح بس لا هو اجه عليها
طلعت هي كاشخه ولابسه بنطرون وعليه قميص طويل لركبه وشامره الحجاب شمر والحمره لونها يعيط بالوجي
يله بنات رايحه تردون اجيب الكم شي ويايه
اركضت وراها هي طلعت واني وكفت يم حافه الباب اشوف مو جاي عليها
وفتت للبيت هدوء جانت رباب موجوده بالمطبخ ماحجيت شي
موج ..احجي رهف اشبيج شو وجهج غادي دم بس يريد ينفجر
اشرتلها بعيوني يعني اسكتي لان رباب موجوده
كملنه الطبخ وتحضير العشه
ودا ننتظر ست الحسن حتى اسوينه الزقنبوت مالتها الكالت عليه جايه يمنه اتفيك علينه بكلاتها مدري شنو تاكل
مدري اسمتها زلابيه مدري زباليا سمتها
وجع والله وجع بهالمعده التاكل هيج اكل مينعرف اصله من فصله
طلعت رحت للهول كعدت شغلت التلفزيون ظليت اكلب بالقنوات ماكو شي بي خير
اخر شي ثبته ع قناه العراقيه جانت مطلعه برنامج اسمه
اغاني من الذاكره
وطلعت اغنيه متت عليه شكد حلوه وشكد حبيتها
اسم المطرب ناظم الغزالي
اغنيه كلي ياحلو
كلي ياحلو منين الله جابك
خزن جرح كلبي من عذابك
كلي وشفت مني اذيه كلبك من صخر ماحن عليه
لوجان الهجر منك سجيه تعال ونسطلح وهاي هيه
كلي ياحلو شجابك عليه جملت الالم والهم اذيه
واني الي اجرحت ايدي بديه
هويتك وانت مهتم الشبابك
كلي ياحلو منين الله جابك 😭😭😭😭😭😭
ها رهف احجي شكو اشبيج
وجع هو هيج ياموج تدرين فززتيني
ليش ياعمري تبجين والله كلبي يتكطع عليج كل ما اشوفج هيج
موج والله تعبت وصلت حد الانهيار اني واكفه ع حافه الهاويه
حيل مختنكه ياموج ومحد حاس بيه
احجي ياعمري والله اني حاسه بيج
موج اني قبل لا ازوج اخوه جنت احس بي هو يحبني صح مكلي بالسانه بس جنت اشوف حبه الي من عيونه من حركاته من خوفه عليه
جنت احس ابكلشي يوحيلي منه بالحب
حتى من ازوجت ورجعت الهم
كل ما اشوفه وشوف عيونه الكه بيها كلام يذوب من الخجل
واخر شي من ازوجني اجه وكعد يمي وحجالي عن حبه الي ولهفته وعشقه
جنت اتخيل نفسي ملكه زماني
اذكر كل كلمه حب كالها الي
وكل لزمه ايد ورعشه جسم اتذكرها
موج اني دا اموت
موت بطيىء جدا وهو هاملني صارله اسبوعين ما طالب مني شي كله كدامج يصخر رباب نومته حولها الغرفه ازهار
شوفتي ونظراتي اله مالها وجود يمكن حتى ميدير عينه ويشوفني
شكد حاولت اصبر واسكت بس بعد فاض بيه الصبر جاي اتملخ بداخلي كلبي صار ينزف بس بسكوت
موج ..اسمعها وعيوني نزلت عليها كمت حضنتها
وكمنه نبجي سوه 😭😭😭😭
موج ..هسه هو الي اجه اخذ ايمان
اي ياموج ااااااي
وجرت حصره اشكبرها خطيه
والله هاي لو اني كايلتله تعال محتاجه شي
جان معبرني ولا اجه عليه
الله كريم كلشي يهون اني دا انتظر الوكت المناسب حتى اشوفه وجي ثاني الرهف
اله اخلي هو يجي يتوسل بيه الايام طويله موج ولابد تنتهي هالقصه التعبانه
الله كريم حبيبتي يله كومي يمكن اجوي لان سمعت صوت هورن
لا اني صاعده ماريد اشوفهم اثنينهم عفيه ماريد حتى اتعشه لحد يصعد عليه زين موج لتنسين ماريد اتعشه وعينج ع الجهال فدوه
خليت وصعدت فوك واسمع صوت ضحكهم جوه شكد عايقه صوتها شكد عالي من تضحك وجع كون ابكلبج ياحقيره
بالنص ساعه همه يتمضحكون بعدها صارت هدوء
يمكن راحوا يتعشون
خليت راسي جوه بالمخده حتى ما افكر بشي اريد راسي يفرغ من كلشي
حسيت واحد يهز بيه من كتفي ويكلي كومي
ارفعت المخده باوعت هاي ايمان
هاااا ايمان محتاجه شي
اي يله كومي خلي نتعشه سوه
لا روحي اكلي انتي اني مالي نفس اكل
والله ما اكل اله تجين وتاكلين ويايه
اني سويت لازانيا واريدج تاكليها وتنطيني رأيج بيها
اي عود غير مره اضوكها ميخالف عوفيني اريد انام
والله والحسين ما اكوم ولا اطلع من الغرفه ولا اتعشه اله تجين ويايه نتعشه سوه
وهاي كعده بعد
رهف ..بيني وبين نفسي اهوووو هاي غير لزكه هسه هي شلها بيه خلي تاكل ويه حبيب الكلب الواكعه عليه كوه اني شكو
يله رهف كومي والله راح ازعل عليج
اتمتم وزعلت الجلاب السود عاد اني اشكد مهتمه الامرج يعني
كومي رهف مو دا اتوسل بيج
ارفعت الغطه يله كومي
نزلنه ودخلت الديوانيه الكل كاعد وستغربت محد بادي بالاكل معقوله جانوا ينتظروني
لا مستحيل
كعدت يم البنات باوعت عليه هو ولا رفع راسه ولا باوعلي ابد
ايمان ..شو مماكل جراح معجبتك الزانيا
جراح ..لا جنت انتظرج تجين حتى اسئلج شنو هاي الاكله انه ما اكل شي ما اعرفه
هاي مثل المكرونه بالحم والخضار والجبنه الفرنسيه
جراح .هاااا وانتي منين ماكلتها
هووووو بالكويت كلها تطلبها من المطاعم اكله عالميه وصحيه مفيده مضر الجسم ابد
ضوكها وكلي شنو رائيك بيها
ان شالله شو بويه رباب فد خاشوكه (ملعقه)
رهف اباوع عليه بس هاي الاكله اكلها كلها
واني السويت لحم حمس ما ضاكه ولا اخذ لكمه منه ماعونه بعد ما ملعوب بي ابد
خلص الماعون وطلب بعد
ايمان اكو منها عجبتني حيل عاشت يدج
هذا الاكل الطيب
خوما يوميه حمس وكلي وشوي
غيرو اشويه
شوفوا هاي البنيه شكد اكلتها بسيطه وشكد طيبه
هي كلها معكرونيه والله بحلكي اطيب من الحم
هاي منو مسوي هالحمس
رباب ..هاي رهف سوته
جراح ..هاج اخذي ماريده انه
عجبتني بس هاي شسمها كلتي امونه
هههههه الف عافيه ابن عمي هاي اسمها لزانيا
رباب اتعلمي من امونه اشلون تطبخها وسوينه منها كل يوم
تدلل اخوي الغالي
رهف ..خليت وكمت
ايمان ..شنو رهف معجبتج
طيبه
بس انتي مماكله منها شي
اني شبعانه ماريد اكل شكرا
خليت وطلعت منهم كلهم ورحت للحديقه اكعدت عالمرجوحه فكره تاخذني وفكره اتجيبني
اهواي فكرت اعوفهم بعد وروح الاختي اعيش يمها وحاول اشوفلي شغله وغير من حياتي
اهواي فكرت بهذا الموضوع وفعلا قررت بعد اروح الاختي واليصير يصير
ظليت بالحديقه كاعده فتره طويله وردد ابكلبي اغنيه
روح ونساني وحبلك محب ثاني
دخلت الغرفتي انتظر جراح حتى اكله اني قررت اروح الاختي واريد واحد يوصلني الها
انتظرته للوحده
طلعت ماكو هو ابغرفته بس الجهال نايمين
افتحت الجانت غرفتي قبل
المقابيله ومددت عالفراش انتظره
للفجر هو ماكو النوب ظل بالي عالجهال خاف يكعدون نص الليل ويخافون
فرشت قريب الباب حتى اسمعهم من يكعدون
لصبح جراح ما رجع للبيت واني صحيت متكسره نومتي جانت حيل متعبه ظهري وعظمي يوجعني حيل
كمت لميت الفراش وطلعت شفت الجهال نايمين مثل الملاك
رحت للمطبخ ماكو احد كاعد غيري خليت الجاي عالنار وسلكت بيضات حضرت صينيه حلوه جان عاجبني اكل وافطر هيج فطور حلو
طلعت عسل وزيتون اسود باكيت حليب كيري وقشطه وبيضات سلك حميت صمونات بالفرن
كملت الصينيه اخذتها وطلعت للطرمه كدام المطبخ ميز خليت الاكل وكعدت وبديت اكل ونفسيتي مفتوحه واكو فد فرحه بداخلي يمكن هاي الفرحه لان راح اروح الاختي ماعرف شنو سر هالفرحه
ودا اكل ونفتح باب الكراج ودخلت سيارته طبكها صارت اكبالي ونزل
اجه يمي يدك بيده عالميز ويحجي
انت اشعندج كاعده اهنا وحدج وبيهيج وكت
ليش اكو مانع يعني شكو بيها عجبني اكل بالحديقه
لج مالي مزاج اسمعج كومي شيلي اكلج وفوتي جوه اكلي
بس اني عاجبني اكل اهنا
وجان يضرب الميز قوي بيده
ماريد اعيد عليج الحجي كومي هسه وكدامي
كمت شلتها هو مشه واني وراه
جراح اريد احجي وياك ابموضوع
مو وكتج راجع تعبان
انت طول عمرك ويايه تكلي تعبان
عافني وما اهتم الكلامي وراح الغرفته
واني خليت الصينيه عالكاونتر وبعد ما اكلت شي نفسي انسدت
وكالمعتاد اليوم حاله حال بقيه الايام
تجاهل واهمال منه واني هم بعد معاد يهمتي وجوده
وايمان انقبلت بالجامعه العراقيه وجانت متحيره لو تدخل قسم داخلي لو تبقه ابيت عمها ابو جراح
موج سافرت البارحه التركيا هي ورضا
اتراسلني عالفايبر وتحجي ويايه
عمتي ..كل اشويه الها هوسه طفرت روحي منها
اجه جراح وطلب من رباب اتحضره جنطه سفر عنده روحه البغداد
وصه علينه فهد
راح وبعد اسبوع رجع ورجعت موج ورضا متوتسين وعايشين احلى ايام شوفتني الصور والفديوات للاماكن الرايحيلها
عمتي تعبت صحته اهواي نقلوه مستشفى ظل بيها يومين بعدها طلعوه ع احسابهم
لان خدمات مو كلشي زينه وعمي هو اصلا يموت من المشافي
وناس رايحه وناس جايه
البنات صايرات كتل ع جراح
وجراح دك سوالف وياهن ما اعرف يسوي عالقسطني بعنادي او يفكر بس يغثني او يقهرني
شو ما صدكن كل ما يشوفونه كاعد بالبيت يروحن ودك حجي وسوالف وضحك
عبالك زعلي منه راده من الله اجاله من عبدالله
ايمان مجلبتله علمود سالفه الكليه
صارلي ثلاث شهور لا احجايه منه ولا كلمه ولا حتى نظره عبالك قاتله امه وهيج هاجرني
هاي كله علمود كلمه وحده كلتها الك
من عمت عينه للوكت الشمرني ابطريقك
انت وين واني وين
اخر شي جزعت حتى من روحي وصار الموت يحوم ابفكري
اهواي فكرت بالموت لان اريد فعلا اخلص من هالعيشه المره
رحت للمطبخ اخذت الجداحه وطلعت
موج ..وين رايحه رهف ليش اخذتي الجداحه
شو هاي كبل طلعت وركضت
موج... كلبي لعب حسيت اكو شي راح اسوي رهف ابحالها لان هي بالفتره الاخير بالذات حيل نفسيتها تعبت وصارت اتردد عبارات الموت ع لسانها اهواي
اركضت وراها حتى اشوف شسوي
وكمت اعيط
مخبله انتي مخبله جيبي هاي من يدج وعت بيها وجر بيدها حتى اخذ الجداحه منها
الحيوانه راحت عالترك دارت النفط وتريد تحرك حالها وجان الحك عليها
وع حس العيلط طلع رضا وجراح من البيت وجوي يركضون علينه
موج شكو
الحكولي هاي المخبله تريد تحرك حالها
اجه جراح طاير حضنها وشالها وهي ترفس بي وتضرب
نزلني نزلني داكولك نزلني انت شنو متفهم
اخذناها للبيت والكل فات وراه رضا واني ايمان البنات عمتي الكل
يركض نزلها بالهول
هي كامت اتعيط وتملخ شعرها وتغلط وتسب
........
كمت اعيط الله ينتقم منكم وينتقم منك اخذت كل عمري وشبابي مني خليتني عجوز العشرين
اليشوفني يصورني مره عمرها ٧٠ سنه من كثره الهموم والحزن والالم
ما ارحمتني لا انت ولا اهلك اتهينون وتعذبون بيه لان اني وحيده بهالدنيا الطايح حظها
لو عندي اهل اب وام مجان سويت السويته هاجرني ثلاث اشهور ما اعرف ليش
شنو ذنبي الي اقترفته وياك شنو سويتلك هيج تهجرني وذلني ليش فهمني هذا كله علمود كتلك جزعت
زين ماكتلك اكرهك او ماريدك او انت متعجبني او احب غيرك او او او
جان اسويت بيه يمكن جان كتلتني ووشمرتني بالزبل
لج انتي حيوانه شلون اتفكرين تحركين حالج ومنو كلج اتموتين يمكن بس تشوهين
بعدين منو يتحملج
كافي جراح مليت ملييييت تفهم شنو معنى مليت انت مو بشر ولا اتحس باحد كل همك نفسك وبس
بنات عمك يجن تكعد اكبالهن ضحك وسوالف ولا هامك الامر ولا عبالك عندك زوجه
ست ايمان شامره روحها عليك وانت عاجبك هالوضع حيل موكيف عليه حيل مستانس لان الحبيبات يمك
واني راكني ع صفحه
متكول هاي مره وعدها احساس وتنقهر وتتالم وحقوق عليك مثل ما انت الك حق عندي
رحت لشمال ويه الك.........حاب وكلت ميخالف
اجيت اهنا مخليت كلهن لميتهن يمك وحواليك
امك بس تريد ازوجك
وهاي جتي الكم للحلك ست ايمان
اعيط وملخ بشعري وجان الزم زيجي وشكيت الدشاشه من الطول لطول وكدام الجميع ومستحيت من احد الزمتها من هالصفحه وهالصفحه وكشفت جسمي اله
هاك اتريد جسمي اخذه خلصني اعتقني منك جرااااااح طلكني اذا انت رجال وبعياط
جان يجيلي يركض لان اخوه واكف اكبالنه والبنات والكل موجود وسد يدي وشالني للغرفه
فتنه وغلق الباب علينه
