رواية ثأر الشيخ مهران الفصل الرابع والثلاثون بقلم حوراء
أعرفُ الوجع التي تتركه الكلمات التي تُقال وأعرف الوجع الأشد وجعاً الذي تتركه الكلمات التي لا تُقال
نزار قباني
____________
ايليا:-ثكلت انفاسه وعرفت بيه غفه وخرته من حضني وكمت اخذت حجابي ونزلت جوة صارت بوجهي نارة ابتسمت الي وكالت
نارة:-الحجيه كالت تعبانه واجيت اشوفج شبيج
ايليا:-مااعرف بس يمكن لان طبخت وشلت جدوره ثكال ضهري ضل يوجعني
نارة:-عزة لج اني مو كتلج خليني اني اشيلهم بس شلون وياج متسمعين الكلام وراسج يابس
ايليا:- اتمددت وارتاحيت مابيه شي هسة لاتخافين
نارة:- الحمدلله طمنتيني
ايليا:-انتبهت عليها مغيرة ملابسها
:-اكلج انتي غيرتي ملابسج مو بسس لاا الي ابالي
نارة بخجل:- انجبي ايليا وخري مني
ايليا :-لج لو مخليته ياكل يلا لو مستعجله هههههه
نارة:- اني شعليهه لجج حيوانه
ايليا:- هههههه فقيرة عمت عيني عليج
نارة:-وعلي محد يكدر للسانج
ايليا:-ههههه
نارة:- ايي اكلج الشيخ وينه
ايليا:-هاا نايم فوك
نارة بمكر :-اهمم شسويتيله ولج ونام الزلمه
ايليا:- تعبان ونام ممسويه شي ترة
نارة:-اممم علينه يابه علينه الله يعلم شمسويتله وهيج نام على وجهة
ايليا:- هستوج تحجين عليه وعلى الساني طلعتي انتي مو هينه
نارة:-هههههه تعاي اكلي حبيبتي
ايليا:-اكلج شي احس نفسي مسدودة ومااكدر اكل
نارة:-بس انتي اليوم مااكلتي شي على الريوك
ايليا:- ادري والله بس مااعرف ليش احس روحي مسدودة
نارة:-اكلج انتي حالتج ابد ماعاجبتني يعني هسة انتي دخلتي بشهرج الثاني مو
ايليا:-اي دخلت
نارة:-زين تعاي خلينه نسأل الحجيه هي اكبر منه واكيد تعرف بهاي السوالف
ايليا:-يلا امشي بس مو هسة نحاجيها خليها ترتاح شويه ونوب نحاجيها خوش
نارة:-خوش
مشينه اني وياها ودخلنه للمطبخ لان هم خلصو اكل وصبو جاي كعدت على الكرسي وهي صبتلي ماعون تمن وحطت عليه دجاج
ايليا:-نارة شيليه مااشتهي والله عوفي بس تمن
قبل لاترد عليه اجاني صوت مهران وهو يكول
الشيخ مهران:- عوفيها بويه هسة تاكله غصبا ماعليها
ايليا:-مااريد وماتكدر تجبرني ع الاكل
طلعت نارة من المطبخ وهو تقدم على السنك اخذ خاشوكه واجه كعد يمي مد ايدة واكل من الماعون
الشيخ مهران:-اكلج طيب اول مرة اذوگه
ايليا:-واخر مرة هاي
الشيخ مهران:-ليش ياظالمه
ايليا:-عزة اذا اني ظالمه انته شنو
الشيخ مهران:-اني رجال فقير
ايليا:-الفقارة تلطم بالزاويه
غص بالاكل من كثر الضحك انطيته مي من يمي وشرب وكال
الشيخ مهران:- اشتعلت روحك مهيمن اي والله صايرة تنكتين انتي
ايليا:-اي لعد شعبالك، اخذت الخاشوكه واكلت من التمن سوالي لفه مال دجاج وانطاني ياها اخذتها من ايده واكلت منها عضه ضليت اباوع على مواعين اكو بس تمن وخضرة وزلاطه وماكو طرشي رفعت راسي شفته يباوع عليه عرف اني بشنو افكر كام راح للثلاجه وطلع ماعون الطرشي حطاه كدامي ورجع ياكل سويت هجوم على الطرشي مااكلت شي بس هو
الشيخ مهران:- لو ادري راح تعوفين الاكل وتخلصينها بس طرشي جان ماجبته
ايليا:-ترة كلش طيب
الشيخ مهران:-ادري بس لاتكثرين منه وجهج اصفر كلشي ماجاي تاكلين وضعفانه هم خدودج رايحات
ايليا:- هسة لاتسوي روحك خايف عليه ومهتم بيه
الشيخ مهران:-اذا عليج مااخاف على منو اخاف؟
ايليا:-ميحتاج تخاف عليه مابيه شي
الشيخ مهران:- چا اني ماافرح من اشوفج بخير
ايليا:-اشك بهذا شي تعرف احس بودك تعيشني بقهر لنهايه عمري احسك هيج ترتاح
الشيخ مهران:-تدرين شوكت ارتاح اني
ايليا:-شوكت
الشيخ مهران:-من انام بحضنج تخيلي خمس دقايق بحضنج كفيله تخليني مرتاح عمر كامل
ايليا:- ردت اتيه السالفه منه سألته
:-عود انته ليش كعدت بسرعه وانته ماصارلك هواي من نمت؟
الشيخ مهران:-نمت على ريحتج ومن اختفت ريحتج كعدت انتي ليش كمتي من يمي؟
ايليا:-لو ساكته احسلي ولا هذا الجواب
:-جعت ونزلت اكلي لكمه شنو ميصير؟
الشيخ مهران:-لايصير يابه صدك جذب
كمت وكلت
ايليا:-اني الحمدلله شبعت
الشيخ مهران:-اطفري اطفري وين ترحين مني تاليتج الي
ايليا:-رحت كعدت بالصاله يم الحجيه وهو شويه ودخل وراي تقدم على الحجيه ونام بحضنها كال نزار
نزار:-عبالي نمت
الشيخ مهران:- اي شربت مهدئ و نمت بس فزيت منها لان المهدئ مالتي خلص
نزار غمزله:- هذا المهدئ مالتك منتهي الصلاحيه جيبلك واحد جديد
الشيخ مهران:-لا بعد اخوك بعده جديد مامستعمله هواي بس هو عنده طخات مرات يشتغل ومرات لا حسب مزاجه
نزار:-الله يعينك عليه هذا مزاجي لدرجه كلش جبيرة
الشيخ مهران:-اموت على مزاجيته
نزار:-العببب شيخخ انته واصل مرحله ويه هذا المهدئ مالتك
الشيخ مهران:- واصل وياه لمرحله اذا مااشوفه بيومي عبالك مضيع امي
نزار:- بس بعده ماحان عليك مو
الشيخ مهران:-يجي يوم ويحن عليه لاتخاف
نزار:-كل قوي للزمان يلين مو
الشيخ مهران:-لاا كل قوي امام من يحب يلين
نزار:-اللههه عليككك شيخخ شنو هذا كام تنطي حكم انته
الشيخ مهران:-من زمان انطي بس انته ماتكعد يمي
نزار:-من اكعد يمك تكضيها عليه اقرة واقرة عوف اللعب وعوف صحبانك ميفيدوك
الشيخ مهران:-قابل مجذب اني دراستك اهم شي وصحبانك كلهم سرسريه
نزار:-شلك بيها اصلا صحباني افقر شباب المنطقه
الشيخ مهران:-ادم حبيبي ماتكلي افقر شباب المنطقه وين صار بيهم الوكت؟
ادم:-كلهم بالسجن مؤبد تجار مخ****
الشيخ مهران:-خطيه ليش بالسجن همة شمسوين والله فقيرين
ادم:-لاا ابد كلشي ممسوين بس يتع*** ويتاجرون بس عمت عيني عليهم ماعدهم شي
نزار:- طاح حظك ادم هي سالفه هاي فضحتني كدام العالم
الكل:- هههههههه
نزار:-احم احم عندي موضوع مهم وياكم
مهيمن:-تفضل نسمعك
نزار:-بعد اسبوع حفله التخرج ووراها بااسبوعين امتحاناتي واخلص هاي السنه على خير
الشيخ مهران:-والمطلوب؟
نزار:-تخطبلي بنت الحجي ابو كرار
ايليا:-قصدك عمو ابو باقر
نزار:-ليش انتي هم حاسبته على الزلم هذا باقر
ايليا:-اي لعد شبيه انته ماشايف بنت عمتي كتلت روحها عليه تحبه
نزار:-وين صار بيها الوكت بنت عمتج هاي
ايليا:-تزوجت واحد من كرايبنه وراحت
نزار:-احسللها يجوز زوجها احسن من باقر العار
ايليا:- هو صح عار بس حلو
نزار:-هوببب هوبب يمعودة راح ننكتل اني وياج
ايليا:- ليش؟ درت وجهي وشفت مهران يخزر بيه بلعت ريكي وسكتت لان وجهة جان احمر مبين حيل عصب من ورة جفصتي عفيه ايليا ماتعرفين اتجفصين اله كدامه
فهد ادارك الموضوع وكال
:-انته ماتسكت كلما كلت اريد اخطب تصيرلنه مصيبه
نزار:-فالك ماقبلنا شبيك انته متعرف تحجيلك سالفه بيها خير
فهد:-ماعرفتك انته ابو السوالف الخيرة
نزار:-احسن منك
مهيمن:-كافي انتم شبيكم متحترمونه مو كداعين وياكم
فهد:-خويه ماشفته شلون يحجي
نزار:-احسن من حجيك والله
مهيمن:-استغفر الله كومي مرح خلينه نروح يلا حجيه محتاجه شي؟
الحجيه ترفه:-سلامتك يمه ماريد شي روح ارتاح تعبناك ويانه
مهيمن:-اهل احنه مابيناتنه هذا الحجي يلا انته تجي لو تضل هنا
فهد:-روح انته عندي شغله ويه ادم نخلصها واجي
مهيمن:- خوش حجي يلا مهران اني رايح علكيفك ويه الجماعه خوش
الشيخ مهران:-روح يابه لاتخاف
طلع مهيمن هو ومرح وطلعو وراه ادم وفهد ونارة اخذت استكاين مال الجاي وراحت ونزار تمدد يلعب بموبايله تسحبت وطلعت صعدت فوك درت وجهي ماشفته وراي امنت دخلت للغرفه هستوني كعدت على الجربايه ونزعت الحجاب مااحس اله الباب نفتح بقوة كمزت من مكاني خايفه من الصوت
ايليا:-شبيك وكفت كلبي تحجي صدك
سد الباب وتقدم عليه بهدوء وكال بصوت هادئ بس متروس عصبيه
الشيخ مهران:-منو الحلو؟
ايليا:-حيل خفت منه ومن شكله حجيت بتوتر
:-هاا شسمه هو هذا باقر يعني مو كلش حل زين مقبول شكله
الشيخ مهران:-وانتيييي شعليججج بشكلههه هااا
رفعت ايدي بتهديد والدمعه بطرف عيني احجي والخوف تارس روحي
ايليا:-لاتصيح عليه خوش ترة وعلي اعضك
تقدم عليه ورفع ايده
ايليا:-يلاا اضربني بقت بس هاي ممسويها يلا شمنتظر
من حجيت هيج بهت وجهه نزل ايدة وتوجه ع ميز التواليت شكو شيشه عطر شالها وكسرها بالكاع ورجع عليه صرخ بوجهي
الشيخ مهران:-ليشش انيي اكدررر اضربجج لجج لهاي الساعه اني افكر باليوم الي عفتج بيه واسب بروحي لحد هسة ماكلني الندم ع الي سويته وياج لاتباوعين هيج اي اني ندمان ع الانتقام الي اخذته منج وانتي مالج دخل شايفه من اذكر ايامنا باالاسبوع بتركيا اكول اني شكد غبي ليش مالغيت فكرة الانتقام واني هناك ليش ماتارجعت بس اني غبي وضعيف لان ماكدرت اشيل هاي الفكرة من راسي غلطت اي ومستعد اسوي كلشي حته اصحح غلطي وياج وترجعيلي ايليا نفسها الي عشت وياها احلى اسبوع بحياتي مو مستعد اسوي غلطه ثانيه وياج ابدد
ايليا:-كلشي جان بيدك جنت تكدر تنسى الانتقام وتخلينا نعيش حياه هادئه وسعيدة بس لاا شلون تكدر لازم تخرب حياتنا علمود موضوع صارله فوك ل20 سنه والي يذبحني اكثر ان اني مالي اي ذنب بالي صار ويه ابوك
الشيخ مهران:- اعرف مالج ذنب بس نار الانتقام جانت عاميه عيوني
نزل على رجليه وكال بصوت مبحوح
الشيخ مهران:-مرة ثانيه اعتذر منج واتمنى تكدرين تسامحيني ونرجع مثل قبل اوعدج ماراح اخيب ثقتج بيه وراح اعيشج ملكه بس سامحيني
مسحت دموعي الي خانوني ونزلن وكلت بقوة
:-تحلم اسامحك مهران ومستحيل نكدر نرجع مثل قبل لاتضحك على روحك بهذا الحجي
عفته وطلعت من الغرفه وكلعادة بعد كل حديث يصير بيني وبينه لازم يصب غضبه على اغراض الغرفه نزلت وصادفني على الدرج نزار
نزار:-ها خويه علگتي الجو
ايليا:-ممسويه شي اخوك يكبر المواضيع زياده على اللزوم
نزار:-وخطيه انتي قليله شر
ايليا:-اصلا اني فقيرة اخوك مدري شبيه
صعد وهو يحجي بحسرة
نزار:-اخخخ منجن ياجنس حواء تخبلن ادم وتجن تكولن احنه فقيرات وكل المشاكل من ورة راسجن المصفح
ايليا:-ههههههه
نزلت كعدت يم الحجيه ونارة طلعت حاجيتلها عليه وعلى اكل وشكلي
الحجيه ترفه:-انتي نسواتج قويه تشبهيني من جنت حامل بالولد جنت كلشي مااكل بس اكرط بالطرشي ليل و نهار بس من حبلت برياحين لا والله جنت اكل الاخضر واليابس
نارة:-يعني قصدج هسة ايليا حامل بولد؟
الحجيه ترفه:-هيج نسواتها تكول والعلم عند الله
نارة:-اويلي شكد حلو راح يصير عندة طفل صغير بالبيت اهم شي يطلع يشبهج وعنده خدود حلوه مثلج
ايليا:- هههه وينهن خدودي اصلا راحن
الحجيه ترفه:- بسبب قله الاكل باجر إن شاء الله روحي انتي ومهران للدكتورة خليها تكتبلج فيتامينات تشربيهم حته يرجع الدم لوجهج
ايليا:- إن شاءلله حجيه
نارة:-شلون صرتي هسة ريحانه
رياحين:- احسن شويه بس راسي يوجعني
نارة:-شربتي دواج
رياحين:- اي شربتهم
نارة:-تمام لعد شويه وترتاحين
رياحين:- إن شاءلله حبيبتي، اكلج مرح وين؟
نارة:- راحت ويه مهيمن لبيتهم
رياحين:-خوش عبالي بعدها هنا كلت تصيحينها تكعد ويانه
نارة:- لا مااعوفها اذا هنا دائما اكعدها يمي اخاف عليها من فردوس واكللها تعاي يمي وهي خطيه تكيف تجي نضل نسولف ونسوي اكل سوة روحها حلوة وطفوليه
رياحين:-اي والله اصلا سوالفها تخبل وتموت ضحك
نارة:-كلشش الله يحفظها
_____________________
مهيمن:-اخذت مرح ورجعنه للبيت مشي طول الطريق تمشي وهي لازمه ايدي وايدها ضايعه بيدي من كد ماصغيره وناعمه دخلنه للبيت ولكيت ابوي واكف بالباب ومبين عصبي
مهيمن:- السلام عليكم بويه
مرح:-هلو عمو
عماد:- وعليكم السلام الحمدلله من عرفت طريق البيت وشفناك
مهيمن:-خير بويه صاير شي
عماد:- هسة تذكرت عندك اب وتسأل عليه
مهيمن:- ليش صاير وياك شي؟
عماد:- لا ماصاير
مهيمن:- بعد شكو مسوي هاي السالفه هاا
عماد:- انته لاهي ويه بيت عمك وحته ماتسأل عليه وتكول اجي اشوف ابوي شبيه مابيه محتاج شي لو لا عشتو لازك هناك يم ابن عمك
مهيمن:- اول شي اني ممقصر لا عليك ولا على البيت جاي يوصلك مصروف من ارباح الشركه وثاني شي ليش مااوكف ويه ابن عمي ممسويلي شي وكلما طلبته كال عد عيناك ولا يوم نخيته بشي وتأخر عليه او تعطل بدال لا تفرح لان واكف ويه ابن اخوك تجي تحجي عليه؟
عماد:- ليش هو مهران محتاجلك هاا شو عنده اثنين اخوان يسدون عين الشمس بس انته حاطك جوة ايدة مثل الصبي عنده شمو شي ذابه براسك وانته بلا كرامه تمشي وراه
مهيمن:- انته اخر واحد يحجي ع الكرامه وبعدين مهران عنده اربع اخوان مو اثنين نسيتنه اني وفهد ليش نسيت منو جان يشتغل ويجيب الاكل للبيت وانته نايم بحضن الكح**** مالتك
رفع عماد ايده وراد يضرب مهيمن بس مهيمن كض ايده ومنعه من ضربه
مهيمن:- مااسمحلك تمد ايدك عليه بعد خوش ترة مهيمن الصغير الي جان ياكل الضرب منك بس علمود لا تضرب امه واخوه كبر وامه ماتت وهو ربه اخوه وماكام يخاف من شي بس من ربه خلي هذا الحجي ترجيه بيد
نتر مهيمن ايد ابوه وسحبني ودخلني وراه للبيت ومن دخلنا شفنه فردوس واكفه وره الباب تتصنط على الحجي باوع عليه وكال
مهيمن:- تف عليج يا نكسه شوكت اخلص من شوفتج القذرة يالبومه
عافها قبل لاتجاوب عليه ويسحل بيه وراه دخلني للغرفه يلا عال ايدي لزمت ايدي بوجع واباوع عليه يروح ويرجع بالغرفه ويتمتم بكلام مامفهوم
مرح:- مهيمن بيك شي؟
مهيمن:- اششش مرحح اسكتي مااريد اسمع ولا صوت
مرح:- هزيت راسي بأيجاب ضل ع نفس حركاته يروح ويرجع ونوب كام يضرب براسه ويكول
مهيمن:- اششش كافييي اسكتتت اسكتتت مااريددد اسمعع صوتككك كافييي
تقدمت عليه ولزمت اديه حط راسه على كتفي وضل يبجي بصوت عالي حط اديه على خصري وسحبني لحضنه طوقت اديه على ركبته وحاولت اهدي بيه كال بصوت متجرح من البجي
مهيمن:-اخذ امي مني وعافني بوحدي اعاني ربيت اخوي الصغير بوحدي وهو يتونس وياها هي السبب هي الي خربت حياتنا جنه عايشين ومرتاحين هي الي دمرتنا اخذت ابوي مني ونوب اخذت امي كم مرة حاولت تأذي فهد بس جنت اني اوكف بوجها ومن جنت اسوي هيج وادافع عن اخوي جنت اتعاقب منه جان يضربني بالاحزام واني مصلخ بدون رحمه كله من وراها هية
حجه هيج ودخل بنوبه بجي حاولت اهدي بيه بس جنت مصدومه معقوله هيج سوة بيه ابوه علمود مرته زين ليش ليش حاقده عليه لهاي الدرجه شنو سوالها هو ابتعد مني وراح كبل دخل للحمام ضل فوك الساعتين بيه طلع اخذ ملابسه ورجع دخل بدل وطلع كعد كدامي وكال
مهيمن:-باجر عمامج يجون وراح انطيهم ورقه الفحص مال الدكتورة وراح اثبت برائتج كدامهم
مرح:-واذا طلبو منك ترجعني وياهم راح تقبل
من حجيت هيج رفع راسه يباوع عليه بعيون حمر
مهيمن:-انتي تردين ترجعين وياهم
كال هيج وانتبهت على ايده جانت ترجف بشكل مو طبيعي
مرح:-هزيت راسي بنفي
مهيمن:-جاوبيني اريد اسمع صوتج
مرح:-لااا مااريد ارجع وياهم اريد ابقى يمك
مهيمن:-خوش حجي ماطول انتي رايده تضلين وياي محد يكدر ياخذج مني
مرح:-تكدر توعدني بهذا الشي؟
مهيمن:-اوعدج لو شنو يصير مستحيل احد يكدر ياخذج مني بدون موافقتج
مرح:- واثقه بيك وادري بيك ماراح تخيب ثقتي
مهيمن:- إن شاءلله اكو موضوع ثاني
مرح:-شنو هو؟
مهيمن:-الحجاب مالتج
مرح:-شبيه انته مو كلتلي البسيه وهاي اني لبسته بعد شكو
مهيمن:-ههه باعي بابا انتي من تلبسين الحجاب لازم تلتزمين بيه وتلبسيه بشكل كامل مو مغطيه نص شعرج والباقي لا وتكولين اني محجبه انتي هيج جاي تهينين الحجاب وتنزلين مت قيمته يا اما تلبسينه بشكل صحيح يا اما ماتلبسيه ابدد مفهوم كلامي
مرح:-مفهوم وراح اخلي نارة تعلمني شلون البسه بالشكل الصحيح
مهيمن:-عاشت ايدج هسة شنو ماتنامين
مرح:-لاا راح اباوع ع سبونج بوب هسة يطلع
مهيمن:-بكيفج بويه
كام تمدد على الجربايه واني كمت طفيت الاضويه وشعلت التلفزيون وكلبته ع ام بي سي ثري وضليت اتابع سبونج بوب خلص سبونج ونعست شويه كمت نمت على الجربايه يمه وتغطيت وياه ورحت بسابع نومه
اليوم التالي الساعه 12 بديوان الشيخ مهران
مهيمن:-ليش هيج تأخرو لازم يجون من زمان
الشيخ مهران:-كول يالله يابه اصلا زين اذا وصلو الساعه 12:30 ترة الطريق طويل شنو نسيت انته
مهيمن:-افففف مانسيت يابه مانسيت
نزار:-اعذره شيخ باله مشغول بالعزاز خاف يرحون من ايده
الشيخ مهران:-هههههه ها هيج تكول انته
نزار:-اي والله هيج اكول ماتشوفه شلون وجهة صاير اصفر عبالك ميت ابوه
الشيخ مهران:-وعلي لو يموت ابوه ميصير بيه هيج هههه
نزار:-هم صح ههههه
مهيمن:-بس خلي تخلص هاي السالفه ع خير واني اعلمكم هاا مهران اتحدت ويه نزار وصرت ضدي مو بسيطه يصير خير
نزار:-ههه خلي روحك رياضيه ابو الشباب يوم الك يوم عليك قابل كل الايام الشيخ راح يضل وياك
الشيخ مهران:-انجب عزيزي مااسمحلك هذا اخوي ومااعوفه
مهيمن:-هو انته عفت بيها اخوي اشو لعبت لعب
الشيخ مهران:- وعلي شكلك تحفه غصبا ماعليه اضحك من اشوفك هيج وهذا انته الي تنطي نصايح وتوصي بينا لاتخافو ولا تخلون ابالكم تالي انته هيج يصير بيك والله الدنيه دوارة
مهيمن:-كافي مهران لعبت روحي
نزار:-اكعد حبيبي مو زين عليك تضل واكف هواي مو زين على الطفل
شال مهيمن النفاضه الي يمه وشمرها على نزار بس ماوكعت بيه
نزار:- تدري بيك بخت واجو نسابتك جان طيحت حظك
مهيمن:-تعال شمنتظر
نزار:-عيب اهينك كدام نسابتك
ركض نزار من مهيمن الي راح يضربه وكضاه مهران
الشيخ مهران:-كافي اكعد هادي اجو نسابتك
مهيمن:-اطلع اكبر كو**** اذا ضليت يمك اصبرلي بس خليني اخلص هاي السالفه وشوف منو يضل يمك حيوان
الشيخ مهران:-اهلااا وسهلاااا كلل الهلاا بيكم
عم مرح:-وبيك اكثر شيخ
الشيخ مهران:-تفضلو تفضلو نزار كوم صب الكهوة لنسابه اخوك
نزار:-تأمر خويه
كام نزار صب الكهوة للخطار ورجع كعد حجه عم مرح
:-خير بويه مهيمن ع مود شنو داز علينه
مهيمن:-اني بطبيعتي مااحب احجي بهاي الامور كدام الكل بس الوضع هيج يتطلب واني اليوم دزيت عليكم ع مود مرح
:-شبيها مرح شمسويه وياك بنت المسيحيه
مهيمن:-مامسويه شي والابنيه مابيها عيب بعدها بنت بيوت
كام عمها وولد ع رجليهم وصاح عمها بالديوان
:-شنو انته تضحك علينه چا والبياض الي شوفته النه قبل شهر هاا
مهيمن:- يجوز انتو متعرفوني بس اني مااعترف بهاي القطعه البيضه مادخلت عليها وثاني يوم اخذتها للدكتورة فحصتها واكدت الي ان مرح بعدها بنت بيوت ومامخدوشه ومابيها عيب
ابن عمها:- انته شنو تجذب علينه شنو شايفنه مضحكه هااا لو مو بعينك
نزار بهمس :-اكبر مضحكه انتم وعلي
جان واكف قريب من يم الشيخ مهران وسمعه من كال هيج نتر بيه بصوت ناصي
الشيخ مهران:-نزاررر
نزار بهمس:-سكتت يابه
مهيمن:-مااقصد هيج بس انتو جنتو معصبين وماجنتو راح تسمعون مني من اطرح عليكم هاي الفكرة علمود هيج اني سويت كل هذا بس علمود اثبت الكم ان مرح بنيه شريفه وماعدها اي سوالف من هذني الي اتهمتوها بيهن
كام الشيخ مالتهم وكال
:-ونعم منك ومن اصلك هاي الزلم الزينه
عم مرح:-انته شجاي تحجي يعني قابل ع الي سواه وشلون ضحك علينه
:-طبعا لا بس هو سوة هيج علمود يحمي الابنيه منكم
ابن عمها:-ماطول بنت عمي مابيها شي مثل ماتكول طلكها خليها ترجع ويانه
مهيمن:-لا والله مو اني امشي بكيفك الابنيه مرتي واني سويت هيج حته ابين الكم وللكل مرتي مابيها شي وحالها حال كل البنات راح يصير الها عرس وتلبس بدله اذا تردون تجون اهلا وسهلا ماتردون مو لازم
من كال هيج الكل ضاج بس شيخ عشيرتهم بارك اله وطلعو صاح نزار
نزار:-عود شنو هاي
الشيخ مهران:-شكو شبيك
نزار:-كلما اكول اريد اخطب يجي واحد ثاني يوم يحدد يوم زواجه ويتزوج قبلي ماصايرة هاي بالقرآن الكريم
الشيخ مهران:- هههه يلا انته وراه نزوجك ونخلص منك
نزار:-فقدت الامل والله
الشيخ مهران:- لاتفقد الامل حبيبي يجي يوم ونزوجك
نزار:-شوكتت
الشيخ مهران:- الله كريم حبيبي
________________
بعد مرور شهر
نارة:-اليوم معزومين عد بيت خاله ادم ام جمال مااعرف علمود شنو هاي العزيمه بس جهزت نفسي علمود اروح وياهم ادم اليوم ينزل بس مااعرف ليش اليوم من الصبح كلبي يوجعني احس اكو شي راح يصير بس مااعرف شنو نزلت جوة بعد ماخلصت لبس لكيت مرح هي ورياحين كاعدات يختارن فستان العرس مال مرح
رياحين:- هذا كلش حلو ومناسب لجسمج ماشاء الله عليج عندج تفاصيل حلوة
مرح:-اي كلش عجبني
جانن يحجن على فستان يجي بينصل ع الجسم والمسرح مالته حيل طويل ومن يم الصدر مطرز بكريستال ناعم
نارة:-كلش حلوة شلون راح تسوين التسريحه
مرح:-راح اعوفه مفلول مااشيله بتسريحه
عاليه
نارة:- يصير فد شي ويه الفستان مالتج
مرح:-اويي كلشش تحمستت للحفله اكلج انتي ماكلتي لادم على حملج؟؟
نارة:- ولج اشش فضحتينا لا بعدني ماكايله اله اليوم من يرجع اسويله مفاجأة واكله
مرح:-اوي شكد حلو راح يصير عدنه اثنين جهال بالبيت شكد متحمسه حته اشوفهم
حطيت ايدي على بطني اتلمسها وملت بفرح
نارة:-مو بكدي وعلي
ضلينه كاعدين نسولف شويه ونزلت ايليا ونوى وراها مهران كلعادة متعاركين قبل كل عركه ايليا صاير عدها بطن بارزة وهو متخبل عليها يركض وراها منا لهنا حته تاكل وتهتم بنفسها وهي تدلل عليه وشالعه كلبه
الشيخ مهران:-من ترحين هناك اكلي نو تضلين بدون اكل تمام
ايليا:-مااكل شي طبخهن مو طيب
الشيخ مهران:-جا تعاي اكلي منا قبل لاترحين حته لاتتخربطين
ايليا:- اكلت قبل شويه ومو جوعانه من اجوع احاجيك لاتخاف
الشيخ مهران:-صدك؟
ايليا:-اي صدك شبيك
عافنه وطلع يم الولد شويه وصاحو علينه حته نروح تقسمنه ع سيارتين وحده مهران يسوقها والثانيه نزار يم مهران صعدت ايليا والحجيه ورياحين واني ومرح صعدنه ويه نزار وصلنه للبيت والولد نزلو يم جمال بالاستقبال واحنه بالصاله اتفاجأت من دخلت ولكيت فردوس موجودة سلمت عليهن وكعدنه شويه ونوب بدن يصبن بالغدة انتبهت ع نور ماموجودة سألت رياحين وهي سألت نرجس ردت عليها
:-نور بالغرفه نايمه مريضه اليوم
اجت عليه فردوس شايله صينيه بيها شوربه وكلاص عصير
فردوس:-اخذي هاي الصينيه لنور خطيه متكدر تجي تاكل تخاف عليكم لاتنعدون منها
نارة:-اخذتها منها وهي دلتني ع الغرفه الي موجودة بيها نور جانت جوة الغرفه رحت للغرفه وصلت يم الباب فتحته ودخلت اتفاجأت من المنظر الي كدامي ووكعت صينيه الاكل مني وطلع منها صوت عالي اجو ع الصوت كلهم وهم مثلي اتفاجأو
