رواية الإرهابي وذات النقاب الفصل الثالث والثلاثون بقلم ام غايب
الدكتور -متزوجه
ميمونه-اي متزوجه
زوجج عنده هاي الاعراض او مريض بشي شوكت تزوجتو
ميمونه-بخوف ...زوجي سافر وقبل اكثر من شهر نسيت حتى المده من الخوف
الدكتور-لازم تخابري يسوي تحاليل
انت اعراضج كلهه تدل على وجود فايروس بجسمج منقول الج من مده قليله لان اعراضه قويه تدل على العدوه .. والاكثر من زوجج بما ان انت عن قريب متزوجه
ميمونه-بخوف يعني شنو فايروس وشراح يصير بيه
وبعدين -دكتور زوجي ممبين علي ماعنده اي اعراض
الدكتور-احتمال زوجج حامل للفايروس ...بصوره عامه الحامل للفايروس يختلف عن المصاب للفايروس
الحامل ميتأثر نهائي اله بعد سنين متبين اعراضه بس انت مصاب لذلك اعراضج قويه
وبعدين انت ليش وحدج ...ليش مجايبه احد وياج
ميمونه- بارتباك وخوف....دكتور امي مريضه متكدر تجي وياي
الدكتور-على العموم هسه راح اسويلج تحاليل للتأكد واريد اعرف نوع الفايروس لتخافين ان شاء الله ماكو شي
ميمونه-باوعت بصدمه وخوف ....كلامه وحديته خلتني أأيأس
الدكتور-لتخافين ان شاء الله مجرد شكوك يجوز مابيج شي
ميمونه-كمت من كباله بدون مااحجي ...احس نفسي اختنكت ....انطاني ورقه انطيتهه الابو المختبر
سحب مني دم بس جان ماخذ احتياطاته يمكن لابس اكثر من جف .....اني احس نفسي بغير عالم ...تايهه مااعرف شفكر وشسوي ...يعني مبين هذا الفايروس يخوف
بقيت كاعده بمكاني حتى بعد مسحب مني الدم خليت ايدي على عيني واني اتذكر من ضربت عمو بالسجينه ومن مسحت الدم بحلكي
من عمو اكيد ....اكيد منه ....من حذيفه من عمو نفس الشي النهايه وحده اني مصابه بفايروس وشنو هذا الفايروس وشيسوي مااعرف
الى ان دخل واحد راد يسوي تحليل انتبهت علي من يحجي ويه ابو المختبر كمت كعدت بالانتظار مختنكه حيل وخايفه الحد مصاحني ابو المختبر انطاني التحليل دخلت للدكتور ورجلي ترجف من الخوف
انطيته الورقه وبقيت واكفه
الدكتور-كعدي ليش واكفه
ميمونه-دكتور شنو بيه مو .....بقه يباوع عل تحليل وكال
الدكتور-مثل متوقعت
ميمونه-شتوقعت دكتور ورأساً نزلت دمعتي
الدكتور-شوفي بنتي اني بالمرض مو مجامل ويعز عليه اكلج هسه بس شسويلج انت جايه وحدج بس مع ذلك لتخافين
ميمونه-شنو دكتور شبيه
الدكتور-فايروس الكبد cوهذا من اخطر الفايروسات للكبد هو والbلكن نكدر نكول انت محظوظه لان الbمميت والcاله علاج بس شنو يحتاجله انسانه قويه
ميمونه-صارت رجفه بشفتي ...يعني شنو فايروس الكبد
شحيصير بيه
الدكتور-باجر ان شاء الله تجين للمستشفى ونشخص حالتج بالمضبوط وانتبهي خاف تنجرحين لتخلين احد يلزم جرحج الدم معدي
ميمونه-طلعت من يم الدكتور مخروعه ....توقفت عندي الحياة ....امشي وابجي ....واباوع على الشارع ....راح اموت يعني اني ....متوقعت اخاف من الموت وحده مثلي الموت رحمة بالنسبه الهه ...بس من اعرف راح اموت استصعبت هذا الشي كلش
اختنكت حيل واني امشي احس الخنكه كامت تزيد والدنيا تفتر بيه وعيوني من كد ما بجيت دموع وغواش ....ورجلي بيهه رجفه كعدت عل رصيف لان مااتحمل بعد والسيارات تمر من يمي دنكت بالكاع ماريد اباوع عل ناس جنت محتاجه استوعب الي سمعته من الدكتور ...ثكيل الكلام جان على مسمعي
الدنيا صارت ظلمه كمت ...أجرت تكسي ...وصلت مرحله مااحاف حتى من التكسي هذا هو حياتي انتهت
واني استذكر كلامه الدكتور
الدكتور-تقريباً ٣شهور او ٤يبين اذا خامل او نشط
اذا خامل تتعايشين ويا طبيعي بالادويه واذا نشط يتحول مسرطن
وصلت الشقتي ممريت حتى على عمو ابو منتظر كبل صعدت ونمت بفراشي وابجي
...................
فلك-بعد مارحت للدكتوره كالت لازم تدخلني العمليات باجر الصبح بالسته لازم اني بالمستشفى .....لان مي الراس باقي كلش قليل طلعت خايفه كلش ورود جانت ويايه وحسين منتظر بالباب
حسين-ها بشرو
ورود-لازم تجيب اليوم
حسين-شلووون بعدهي بالسابع
ورود-مي الراس قليل مو زين عل طفل
حسين-هسه وين نروح
ورود-نبقه ننتظر سوتلهه تحاليل شامله علمود العمليه
فلك-طلعن التحاليل وكتبتلي الدكتوره على علاج بعد العمليه اخذهوانطتني علاج كالت لازم تاخذي هسه من ترجعين اول ما وصلت دخلت بالاستقبال تمددت عل قنفه
شويه واجاني حسين
حسين-شو بعدج ممبدله
فلك-باوعت علي بحزن
حسين-خايفه ...لتخافين اني متأمل ماكو شي وراح تكومين بالسلامه انت وعلوكي
فلك-حسين خاف تجذب عليه وتاخذه مني
حسين-ابتسم ....شوكت توثقين بيه
فلك-مااعرف تدري شجنت اكول بداخلي
حسين-شجنتي تكولين
فلك-اكول اذا تحرمني منه كون رب العالمين ياخذه لو ياخذني ....سحب ايدي
حسين- لتخافين فلك ...اطمئني وكومي اكلي
فلك-ميصير الدكتوره كالت مااكل
حسين-ليش يابه
فلك-غير عمليه
حسين-وانت جوعانه
فلك-لا ...حسين مجبنه كركوت للطفل
حسين-ورود هيه راح تجيب كالت
فلك-ورود حبابه كلش
حسين- ....فلك هاي ورود متعرفيهه انت شنو
منبعهه صافي وذهب .. لتشوفيهه مرات تعصب بس روحهه ماكو منهه ابد
فلك-وهو يحجي شفت بعيونه لمعه من يحجي بيهه وابتسامه ..مضمومه بين شفايفه
كام من يمي واني بقيت بعيوني اترقب مشيته
طلع بس بقه الباب مفتوح مال استقبال
كمت ورا ردت اروح للحمام هو وورود بغرفتهم بس الباب مفتوح بقيت واكفه يم القنفه متعديت الباب لان يشوفوني واني اسمعه يكلهه بس كليلي ليش تبجين
ورود-عوفني حسين
حسين-ليش هاي الدموع ورود
ورود-حتى اذا احجي مراح تفهمني
حسين-من شوكت ماافهمج اني
ورود-عوفني حسين ...عوفني فدوه
حسين-غير افتهم ...جاوبيني ضايجه مني
ورود-ضايجه من روحي ومن كلشي داير مدايري
تعبانه حيل ....ومكاعد اتحمل
حسين-لان مراح اسجل الطفل بأسمج
ورود.لا ...تخيل بيدي اودي ضرتي الي اخذت حبي مني ....واركض منا ومنا واشوف بعيونك الخوف احس نفسي الغريب البيناتكم
حسين-صدك تحجين ورود ...تحسين روحج غريبه...يمي
ورود-غريبه ومو بس هيج بطلت تحبني حسين ...اني اعرفك اكثر من روحك
حسين-بطلت احبج ....ليش هو الحب لعبه تدرين لو تعرفيني اكثر من روحي ....جان عرفتي روحي شكد تحبج ....ورود لو الدنيا كلهه تغيرت اله حبج بكلبي مستحيل يتغير واذا على قلقي شي طبيعي اقلق ابني وهيه هم صغيره
رجعت المكاني مردتهم ينقطع حديثهم ...قهرتني ورود ...واني خايفه ...اكتشفت محد مرتاح بحياته لا الغني ولا الفقير
من شفتهم طلعو من الغرفه رحت للحمام ....بدلت ملابسي لان الدكتوره جانت مانعه عليه الصعده ورود جابتلي مجرات خليت ملابسي بيهن بالهول وانام بالاستقبال امثر الوقت
مكدرت عيوني تغفه .....قلق العمليه لان بشهر السابع وهم الخوف لا يحرموني من ابني بقيت مفتحه عيني وساعات اغمضهه حسيت على خيال فوك راسي باوعت حسين
حسين-بعدج كاعده
فلك-مكاعد اكدر انام
حسين-ليش
فلك-مااعرف ....سحبني من ايدي وكعدني وكعد ورايه
درت وجهي علي باسني بعيني ابتسمت
حسين-ليش تبتسمين
فلك-اكلك بشغله بس متزعل مني رفع حاجبه
حسين-شنو الشغله بلله
فلك-هيج
حسين-هيج شنو حجيتي بعد مااعوفج
فلك-لا والله هيج ....ردت اكله انت خوش ممثل كل شويه تروح يم وحده تجذب عليهه لو مسامعته يحجي ويه ورود اصدكه بسرعه ....كام يتلمس ببطني بهدوء
وهمس بأذني
حسين-متحرك اليوم
فلك-لا
حسين-ليش
فلك-لان اكيد تعبان الدكتوره كالت
حسيت بي بده يتلمس بجسمي لزمت ايده
ميصير
حسين-مااسويلج شي شبيج
فلك-درت وجهي علي ....سحب ايده من ايدي ولزم راسي بيهه وقرب وجهي على وجهه وبده يلتهم بشفتي بعدت نفسي منه ...بس هو ولا يمه
فلك-ميصيرررر كتلك
حسين-كتلج مااسويلج شي شبيج حسيت نفسي اشتاقيتلج بس
عافني درت وجهي بسرعه منه ... نزلت دمعتي
هو رجع خله ايده على بطني
فلك-انت تحبني لو شنو فهمني ....رجعت درت وجهي علي ...
حسين- ..مااعرف شلون اشرحلج وشلون راح تفهمين فافضل السكوت ....كام من يمي وكلي نامي عدل
فلك-باوعت علي باستغراب ....سحب الغطه .... وتمدد بصفي كتله وورود
حسين-اريد اوخر قلقج ...وخوفج نامي
فلك-صدك جنت بوقتهه محتاجه حضن يطمني ....خله ايده واني نزلت جسمي ونمت على صدره شبكني وغطاني جان الجو شويه بادي يكسر حتى طفيت البنكه بوقتهه وجنت بردانه يمكن من الخوف بس من نمت على صدره حسيت بدفو وكل الخوف انمحى دار وجهه عليه ضميت روحي اكثر بجسمه وهو هم حضني وكام يتلمس بشعري
فتحت عيني ورود تكعدني ...باوعت مموجود حسين
ورود-يلله كومي هم يالله بدلي بين مااكعد حسين
فلك-حسين جان نايم يمي اخر شي شودا هناك ...بقيت صافنه معقوله جنت احلم والله متأكده جان يمي ....كمت بدلت وهو دخل للحمام ...يسبح
تريكو هو وورود واني جنت كاعده بالهول انتظر
الى ان كملو لبست نقابي وطلعنه وصلت للمستشفى كعدت على صفحه وورود هم يمي بس متحجي ولا كلمه
بقه واكف طلعلهم اوراقنه جان ماعدنه بس عقد سيد بس كالو مو مشكله بس الطفل متصيرله جنسيه اله زواج محكمه
اخذونه للغرفه شويه بالنص ساعه واجتي الممرضه انطتني صدريه مال عمليه لبستهه بالحمام جنت خايفه حيل ومحتاجه احد من اهلي يلزم ايدي تذكرت ماما وتذكرت خالتي وميمونه نزلت دمعتي ....محتاجتهم هواي
طلعت ويه الممرضه باوعت على حسين ...بخوف ومشيت حسيت روحي رايحه للاعدام خايفه كلش
دخلت نمت على السديه كمت اباوع بخوف صار واحد فوك راسي يضحك
-شبيج خايفه .مبين عليج راح تنجلطين شكد عمرج
فلك-١٨
-كم طفل عندج
-باوعت علي بيده كانونه دخلهه بيدي صرخت
-لتخافين صيري سباعيه وكام يحجي وياي مكتيلي
شكد عمرج من تزوجتي
فلك-شراح تسويلي اخر شي اتذكر ضحك وكلي مكلتيلي كم اخت عندج
وحده ...هذا اخر شي حسيت علي ...بعدهه فتحت عيني بطني موتتني من الوجع ومابيه حيل احجي وريجي يابس موجوعه بس مااكدر اكول موجوعه بس اجيب راسي منا واودي منا حسيت بيهم من رفعوني ....
كمت احجي بصوت كوه يطلع بطني ...الى ان فتحت عيني وبديت اوعى واتذكر ابني وين ...خليت ايدي على بطني بس تحركت نوجعت صحت ....
الممرضه-الحمدلله على سلامتج
فلك-ابني وين ....اااابني ...عافوني مو ...اخذو وراحو بقيت اباوع بالغرفه ماكو حسين ولا ورود ولا ابني
اااابني ...ابني اخذذذو
الممرضه-موجود ابنج بالخدج
فلك-لا اخذو اخذه حسين هو وورود وراحو موووو ودموعي نزلت وبس اتحرك اتأذه الى ان مااحس اله شفت حسين كال ها كعدتي
فلك-بجيت وكتله ...حسييييت عبالي عفتني
الممرضه-موتتني عفتهه وما عفتهه وحتى بالبنج تصيح راح تعوفني حسين اني احبك خبلتنه
حسين-الحمدلله على سلامتج
فلك-ابني وين
حسين-بالخدج لان صغير
فلك-كول والله
حسين-والله وطلع موبايله ....ماخذله صوره
هذا هو شوفي ......باوعت علي وكمت ابجي
فلك-كول والله
حسين-ههههه كم مره كتلج وصحته زينه نعمه بس شويه اكو مضاعفات لان بشهر السابع
فلك-كول والله
حسين-شنو هاي اليوم جديده ال كول والله
فلك-مراح تعوفني
حسين-والله قبل لتكوليلي كول والله
فلك-باوعت علي حسين ثاني مبتسم عيونه تلمع من الفرح ....بقيت يوم بالمستشفى والثاني طلعوني ...حتى علي طلعنا على مسؤليتنا ...حسين خاف علي لان مستشفى كال امراض هواي وعلمونه شلون نسويله كانما خدج ورود بوقتهه من اباوع عليهه فرحانه بي ...رغم كتبه بأسمي بس جانت فرحانه بحيث مكابلته وكاعده ....واهتمت بيه وبأكلي ...شفت غير ورود صح مأذتني بس الطفل ضاف الهه هواي طلع جانبهه الطيب الي جانت تحاول تضمه
وحسين اسبوع كامل معايف البيت ومكابل علي وكاعد ....اطمئنيت مراح يعوفوني حاولت مااخذ الطفل من ورود ردتهه تطمئن من ناحيتي مع العلم اشتاق اشوفه بس اخاف يحرموني منه ....
الاول مره يجون ضيوف ل حسين يباركوله علمود الطفل
اصدقائه ونسوانهم وورود عرفتني عليهم زوجه لحسين
ماعرف جنت ممستوعبه عبالك بحلم اني
جنت بالهول كاعده منزليلي جربايه من فوك وبليل ورود تنام يمنه اني وعلي
.........
مر اسبوع على روحتي للدكتور ....كعدت مطلعت من يومهه من البيت ...ولا رحت للمستشفى ثاني يوم
أيست من نفسي وحالتي بدت تتدهور ....كمت كل مااكوم كوه اوصل للحمام وارجع للفراش ....جلدي كامت تظهر علي تقرحات مااعرفهه اشياء غزيبه وحكه تزيد وبروده بالعظم كمت اجبر روحي اكل اي شي من ادوخ كلش
اندكت الباب ...كوه كمت لبست شالي وصحت منووو
ابو منتظر-اني عمو ابو منتظر
ميمونه-فتحت الباب باوعت علي
ابو منتظر-شنو قصتج عمي شو ماكو لا انتي ولا اختج
ميمونه-اختي ....بقيت اباوع علي اختي ....اختي ببيت عمي
ابو منتظر-رحتي للدكتور
ميمونه-رحت عمو
او منتظر-اي وشكالج
ميمونه-باوعت علي تذكرت الكبه البعتهه الهم خفت اكله كتله فقر دم
مشت علي بساعتهه تشكرت منه لان سأل وهو هم مقصر خطيه شويه ورجع دك الباب عليه جايبلي مسواك كامل مكدرت انام وحسبت الفلوس مباقيلي هواي يادوب يكفني ايجار..... الحد مااموت مااكدر حتى اعالج روحي ولا اكدر اشتغل بعد ....
باوعت الساعه ب٣الظهر احس اخر ايامي لان كل قابليتي خلصت ومن اتذكر ردة فعل الدكتور مبين خطير كمت كوه بدلت بس احس الدنيا تفتر بيه دنكت كاعد اسحب بنطروني الدنيا افترت بيه حسيت على روحي وكعت فتحت عيني بالكاع كمت اباوع عل باب
كوه كمت شفت نفسي لابسه بنطروني عل نص
باوعت الساعه بال٤اتذكر اخر شي ب٣جانت مااعرف كمت اخربط كمت الدنيا تفتر بيه
كوه غسلت وجهي واكلتلي خبزه جبرت روحي بيهه بلكت الدوخه تروح
الى ان لفيت الشال وطلعت كوه نزلت الدرج احس رجلي طايره بالهوا مااحس بيهه
وكفت شفت كيهكلت مو مال تكسي خاف افقد الوعي وياخذني واصلاً فلوسي متكفي صعدت كيه ب٥٠٠دينار
مزلت براس الفرع بس مابيه حيل امشي هاي المسافه كمت انود بروحي نود .....
اكيد راح تطردني خاله ...كلشي ماريد منهم ماريد يعالجوني ولا فلوس منهم مااعرف بس حسيت نفسي اريد اشوف خاله عل اقل
.................
خضر-بعد ما عرفت بزواج ميمونه كلشي تخربط عندي .....احس نفسي كمت ماطيق الدنيا كلهه
بس مكدرت اعوف هذا البيت احس اريد اشوووفهه
جنت قبل اريد اخذهه بحضني واعوضهه واخليهه تسامحني حتى اذا ممتأكد هيه بريئه بس هسه اريد اشوفهه حتى اكلهه هيه شنوووو
تحولت بالبيت ونقلتلي كم غرض بي الحد الان خالتهه مشايفتني وقاسم ابن خالتهه ميعرفني بالشكل جنت واكف بالباب اني وحمصه لان حمصه جان جايني وسيارتي ماادري شبيهه ردنه نروح وحمت كلش
حمصه-اكلك تره ماله داعي تبقه هنا بالمنطقه صدك كلام شاهين
خضر-صار كم مره تعيد هذا الكلام واني اكلك مالكم علاقه بيه دروح شعل السياره
حمصه-ابن الاوادم منو دفع الايجار
خضر-كتلك انطيهن الك بس اسكت وفضني
جنت ملتهي بالسياره نزل حمصه كال صعدت الحماوه
خضر-خل اغسل واجيك
حمصه-اني هم احس صرت بنزركي من الدخانه هو اني شمحصل من وراك غير بس الاذيه
خضر-عفته ودخلت غسلت وجهي ونكتت ملابسي وهو دخل ورايه طفيت الماطور وصحتله اقفل الباب وراك توني طلعت صارت عيني للجهه الثانيه مااعرف شلون باوعت بنيه تمشي كبل درت وجهي عنهه ورحت صعدت بالسياره انتظر حمصه
جنت رافع ايدي العب بشعري من افكر دائماً تصير عندي هاي الحاله ....كلشي استوعبه بس مال توهه تطلع العده وتتزوج هاي مكاعد استوعبهه شلون ووين عرفته شوكت عرفتي يا ميمونه لو من اتخايل هيه هسه ويا سمعت الباب انطبك درت صفح شفته يقفل بالباب
درت وجهيعل جامه الجانبيه باوعت عل بنيه تمشي بطيء تفاجئت بعدهي تمشي من شوكت لمحتهه صارت عيني عليهه واني اباوع ميمونه شلون مااعرفهه هيه من بعيد والموايه صغيره بس اكدر اميزهه
بس الي غدرني من باوعت صفح ابد متوقعت بيوم اشوفهه بدون نقاب صعد حمصه طبك الباب كبل نزلت اني
حمصه-شكو يمعود .....وهم نزل
خضر-نزلت بقيت واكف بمكاني والباب مفتوح مال سياره اباوع عليهه هيه لو اني غلطان هيه .....هيه ميمونه بشحمهه ولحمهه بدون نقابهه انصدمت بقيت اباوع عليهه
ميمونه-جنت امشي واني افكر ...شلون راح يصير لقائي بخاله خايفه وقاسم هم شراح يكول فجأه لمحت واحد نزل من السياره ووكف عيني صارت علي لان حسين نظراته عليه بس بسرعه باوعت ونزلت عيني عبالي غريب بس رجعت رفعت عيني باوعت بصدمه خضر كبل وكفت خطواتي بقيت اباوع علي الحد ما احمد اتذكرته وكف بصفه
حمصه-هاي ميمونه موووو
خضر-بالي مو يم حمصه من يحجي مكاعد استوعب ميمونه وبدون نقاب ولابسه بنطرون وشالهه مبين منه من المقدمه شعرهه شويه ردت اروح لزمني حمصه
حمصه-خضررررررر البنيه متزوجه
خضر-دوووووخر شبيك
حمصه-خضررررررر صدك تحجي
ميمونه-بقيت واكفه بمكاني شفته عت ايد احمد واجه باتجاهي
خضر-اهلاً.... اهلاً ست ميمونه
ميمونه-بدون كلام كمت اباوع علي واني اشوفه يباوع بغضب عليه
خضر-نازعه النقاب حلو .....حلو ....بالخير
وتزوجتي كالو وره يوم من موعد العده وين جنت ضامته هذا ..
عفته وردت اروح البيت خاله .... وكف كبالي منعني
خضر-مووووو احجي وياج لتمشين بدون مااكمل كلامي ...اااااحجي سحبني حمصه من كبالهه
حمصه-شنو قصتك خضرررر شبيك تخبلت
ميمونه-باوعت علي باحتقار وهو جان يخزرني بعيونه واعصابه مشدوده
خضر-وخررررر حمصه من كبالي لتتدخل
حمصه-الناس داير مدايرنه شبيك توكلي اختي شوفي طريقج
بقيت واكفه واباوع علي ....وهو يخزر بيه وحتى انفاسه سريعه مبينه ....عفته ورحت بدون مااباوع علي دكيت الباب على خاله .....ودرت وجهي علي واكف ويباوع عليه رجعت درت وجهي عل باب ودكيته حيل
احس كلبي دكاته سريعه جنت احظر للقائي بخاله انصدمت الشوفة خضر فتحت الباب خاله كبل شهكت
ام قاسم-ميمووووونه
ميمونه-باوعت عليهه كبل نزلت دموعي سحبتني من الباب وشبكتني مجنت اعرف راح تحضني ومن كثر ما ممستوعبه شمرت روحي بحضنهه وكمت ابجي بصوت عالي واشهك وهيه تسكت بيه الحد ماحسيت روحي رادت تطلع واوكع كعدت بالكاع وهيه كبالي
ام قاسم-وين جنتي يمه فهميني وصدك كتلتي عمج ليش فهميني
ميمونه-جنت اشهك والكلمه صعب تطلع من شفتي
وكاعده
ام قاسم-وليش هيج وجهج اصفر كلش وين جنتي ولج اااااحجي راح تخبلينه انت متحجين
ميمونه-كتلته ...بيدي ومطفه نار كلبي ولا راح يطفه
ام قاسم-احمدي ربج ممات والحكومه فوكاهه تدور عليج يمعزايه اذا ما هسه مراقبينه
ميمونه-ممات ....ممات ليش ممات كتلته بيدي ليشششش ممات
ام قاسم-انت مخبله مفروض تفرحين ...لو ميت تنعدمين
ميمونه-باوعت عليهه هو اني راح اموت بالحالتين
ام قاسم-وين جنتي
ميمونه-موجوده -عايشه
ام قاسم-الحكومه جانت تراقبنا اميد راح يقبضون عليج
ميمونه-خليهم ...خرمشت على وجهه
ام قاسم-ولج تدرين شيسوون بيج متدرين انت اذا لزموج ميرحموج والله
ميمونه-بقيت اباوع عليهه وتنزل دموعي
اختي فلك وين
ام قاسم-فلك زينه حيري بروحج جابت وخابرتهه مرتاحه بحياتهه
ميمونه-باوعت عليهه وابتسمت ودموعي تنزل .....مرتاحه
ام قاسم-والله خابرتني صوتهه مرتاح
ميمونه-مرتاحه ...متأكده
ام قاسم- اي مرتاحه وتباوع عليه بحزن
ليش يا يمه هيج سويتي بروحج .....ليش فهميني ....دمرتي روحج
غضبتي ابوج عليج ....وخسرتي كلشي
ميمونه-باوعت عليهه ...ماعندي جواب الهه
كمت وكفت على حيلي وهيه تباوعلي بانكسار ...من كالتلي خالتي مرتاحه فلك ....ارتاحيت مااريد اخرب حياتهه ....تذكرت من مره كالت روحي تزوجت اني لتفلشين حياتي حتى اذا اني ابقه بصمة عار ال اهلي لو شكد ما مشت الايام
ام قاسم-وين رايحه ولج
ميمونه-اجيت اشوفج خاله وبس ....ماريد أأذيكم ....ولا اريد احرجكم
واكيد قاسم مراح يسكت
