رواية الإرهابي وذات النقاب الفصل الرابع والثلاثون بقلم ام غايب
فتحت الباب ....ورحت للاسواق ...اشتريت منه ورجعت للشقه ....بعد ما عمو كعد ميت سؤال يسألني وكلي شاب سأل عنكم وعن اخلاقكم غريب .....حسيت نفسي اني واحجي ويا ...اتلعثم بالكلام جنت احجي فجأه صفنت مااعرف شجنت احجي .......صعدت فوك وصلت اخر بايه حسيت الدنيا فترت بيه لزمت الحايط لان مابي محجر
ونزلت شويه شويه كعدت عل بايه .....باوعت على الباب
الوحده صعبه ...كلش خاصه وانت تنازع وتعرف حياتك راح تنتهي عن قريب ....من وعينه عل دنيا علمنه بابا
ان رب العالمين بأي ساعه ياخذ روحنه ...بدون موعد ...بدون منعرف تنتهي حياتنا ...رغم هذا الشي منفكر بالموت .....بس من يكلولك راح تموت صح هم بدون موعد بس قريب هالشي يأذي هواي ....
تفكر بالقبر هواي ...ووحشة القبر ...وراح تنترك بمكان مهجور بين القبور وحدك ....تصيح محد يسمعك من اهلك ....والي يوجع بحالتي ...حتى ماكو احد من اهلي يدفني ...حتى واني تطلع روحي مو يكولون الميت تفتر روحه داير مداير احبابه يحجي وياهم يريدهم يسمعو
محد يسمعه وتبقه روحه تصيح عليهم الحدومن ميشوف احد يستدير اله روحه تنزل للقبر
بجيت .....بحياتي وحيده وحتى بوفاتي راح اكون وحيده ....هالشعور يدمر هواي ....برطمت مثل الطفل من واحد يصيح بي ...لو من امه تعوفه وتروح
بقيت اباوع عل باب ...مجرد احلام امرأه صغيره واميح دموعي بيدي الاثنين مااعرف اباوع عل باب ...اكول هسه ينفتح وتطلع خاله جايه ورايه لان شافت وضعي مو زين ....لو كالت ال فلك وفلك كلتلهه دليني بيهه وتجي عليه ...
كومت روحي واني اواسي وحدتي ....بميخالف ....واني استحق ..... فتحت الباب مال شقه
ودخلت جنت مخليه مرايه لايلون وبيهه ماال مشاطه ....صرت كبالهه باوعت على وجهي اصفر بهاللحظه انكسر خاطري على روحي ....معقوله ملاحظو مرضي الواضح ....لو الهاي الدرجه صرت ميته بالفعل بعيونهم
حتى خضر ...غصب عني تأملت يسألني لو يلحكني ....شكد وجعني بس جان مفروض هم يشوف مرضي لان واضح ينشاف بالعيون مو بالاحساس حتى الشخص ميفكر .....محد شافك يا مرضي وتريدهم يشوفون وجعي ....
رحت لفراشي بقيت بحجابي لان جنت بردانه حيل ....ولفيت روحي بالغطه ونمت .....اول ما غمضت عيوني .... شفت بابا واكف وروجه تاخذني بعيد وروجه تقربني يمه وهو واكف يتفرج عليه ....جانت عيونه تباوعلي بحزن بس صوت واحساس بالحلم يكول هو يتشمت ...بيه لان خذلته وكسرته وخليت اسمه ينحجي بي بالموزين بس من اباوعله ...واتعمق اشوف الحزن والحب بس صوت واضح بالحلم وهو صوت افكاري مو غيري يكول هو مو راضي فزيت من صوت افكاري ابجي
بمكاني مكمت ولا تحركت لا يمنا ولا يسره اباوع عل سكف وابجي ...اصرخ بس بداخلي كاتمه الصرخات ....واحس جسمي فقد كل طاقته كمت افتح عيني واغمضهه مثل الانحول مجنت اعرف صح الي كاعد احسه لو لان حسيت انتهت طاقتي
الى ان غفيت او اغمى عليه مااعرف .
.................
فلك-جنت نايمه الي ثامن يوم .....فزيت على صوت بجية علي فتحت عيني ...بس من فتحتهه جنت احلم ب ميمونه .... حبيته للحلم ضجت لان فتحت عيني وضجت لان علي بجه ونه هذا الحلم ....جانت ميمونه شايله طفل بيدهه ....ولد ....اكلهه منيلج
تكلي ابني هذا .. بس جانت كلش ضايجه منه
اكلهه يخبل ....تكلي لا مأذيني حيل
شفته كلش حلو ....للطفل بس هيه تكول مأذيني ليش مااعرف ...مردت اكعد منه لان جنت كلش مشتاقه الوجودنه سوه
درت وجهي ...شفت ورود بحضنهه علي ...وتشربه ممه
فلك-لو منطتنيا ارضعه
ورود-شفتج نايمه سويتله ممه ....يمكن هاي الحبايه بيهه نسبة منوم الج هواي نمتي
فلك-حسيت بوقتهه عمليتي توجعني ....وحسين كال الورود تتصل على دكتورتي وكتبتلي حبوب وصدك حسيت فرق ونومني
بعد ما رضعته حسيت روحي محتاجه اشوفه ....من اشيله احسه ميمونه من اباوع علي ....عيونه جانت مثل عيون خالته لونين اتذكر من فتح عينه حسين كلب الدنيا ابني بي خلل واني اكله خالته هيج
كلش فرحت بعيونه ....مااعرف خلل صدك مثل ميكولون ...او لا ...بس فرحت هو مثل عيون ميمونه ...
شلته وجنت اباوع علي واخلي ايدي سد على عيونه حتى تصير ظلمه ويفتح ...وهو يفتح بس اوخر ايدي يفز ويغمض عيونه وابتسم .....جان حسين طالع اندك الجرس مال باب ...راحت ورود فتحته سمعتهه تسلم وتكلهم نورتونا مجنت اعرف منو من دخلت انصدمت زينه وام زوجهه وكالت زوجهه بس دخلو للاستقبال
باوعت عليهه مثل الخزرتهه مااصدك مو هيه وره دفعتي ...خاصه من عرفت هيه موجوده ....بس الي خبلني من جبت لليوم هيفاء ابد منزلت سلمت وكعدت عادي ولا يمهه وبتهه كابلتني وكعدت جانت كبرانه وتفتهم اكثر من قبل وكل شويه تكلي ددا وتأشر على عينه ....تريد تلزمهه لو راسه
ورود-انطيني خل اخلي ....بمكانه
فلك-لا مااريد ...بقي هنا يمي ....جنت خايفه علي من زينه
بقو يسولفون منتبهت الورود ضاجت او لا لان عادي مكلت فد شي جبير الى ان كامت عمة زينه للحمام راحت وورود راحت تدليهه وياهه مااعرف ....كبل حجت وياي زينه
زينه-مااسمحلج تحجين ويه ماما هيج ...شنو فوك مخلوج تبقين
فلك-باوعت عليهه كتلهه محجيت شي
زينه-بس من رادت تخلي بمكانه جاوبتي بحديه...نسيتي انت بعتيلهم ابنج واخذتي الفلوس مقدماً
بهالاثناء اجتي ورود كالت .....شكوو.....وتباوع على زينه
زينه-ماما اظاهر هالفلك شافت حالهه
ورود-اش سكتي زينه وعيب من عمتج هم اللصمي لتحجين
زينه-ماما دتشوووفين عود هيه جابت الولد و
ورود-زززززينه اللصمي
فلك-ضحكت باستهزاء باوعتلي كبل زينه
زينه-ضحكي على روحج بت الفكور
ورود-ززززينه ولج كااافي ودفعتهه كعدتهه ...ولان طلعت عمتهه من الحمام وخزرتهه ورود سكتت ...بقت تباوع عليه وتخزر ...انفتحت الباب البره عرفت حسين اجه راحتله كبل ورود يمكن كلتله على رجل زينه بالاستقبال ...مدخل للهول ....بقيت كل شويه ادور وجهي وابتسم ال زينه ....وهيه تتخبل بالنص ساعه ودخل حسين سلم عل مره وكامتله زينه باوعت باسهه من وره خشمه وشال بتهه لان تصيحله جدو
بقو على عشه بيومهه وحسين كال الورود داز من بره وكامت هيه وزينه جهزت تعشو وراح زوجهه وامه وهيه بقت طلعو يوصلوهم للباب حسين وورود وهيه ...توني طلعت صدري اريد ارضعه كبل هيه اجتي
زينه-مو عبالج بالسحر تربحين ....وتاخذين مكان امي
فلك-منين اجتي امج ...وبعدين ادري بيج ميته قهر لان خلفت لحسين ...اختصرلج الطريق ...انت تضوجين لان اظاهر تفكرين بالفلوس هواي
ينه-ااااني شكد متستحين انت ....لج اني افكرررر بالفلوس ااااني ....انت مريضه انت تفكرين بالفلوس ...
اخذتني حاصل فاصل ...دخلو ورود وحسين ...وهيه مدنكه عليه وتحجي بحركه وتدك بوجهه كامت ...ضحكت لا ارادياً على تمثيلهه
حسين-شكووووووو
فلك-دارت بكل مظلوميه ....تبجي تكله هيج بابا صاررررت مرتك تكلي تخافين عل ورث لان صار الابني ...هيج اني واحول متغير عليه بسلامك
فلك-باوعت هليهه وابتسم باستهزاء مااحس اله خزرني حسين ....خفت وسكتت باوعت علي ...مستحيل صدكهه ...بس خزرته خوفتني
حسين-تعالي زينه ...دخلي للاستقبال
زينه-ماشي بابا
فلك-هزيت راسي واستغفرت ....
ورود-ممسموحلج تحجين وياهه هيج ...فلك ...اذا كتبنه الطفل بأسمج ...لتتوقعين انت سيطرتي
فلك-باوعت عليهه بارتباك ....اني مكتلهه هيج ...هيه هجمت عليه ...وبعدين اني مو لان انت ردتي علي كتلج بقي يمي لان اخاف منهه على ابني
ورود-اكبر دليل ببالج الفلوس والورث وفرحانه انتي بيدج اثبتي تفكيرج ...لان دتكولين زينه علمود الفلوس تأذي ابني ....فلك زينه بتنه اني وحسين وكنالج وهو هم فهمج اول مدخلتي هنا ....وهافتني ودخلت وراهم بالاستقبال ...صوتهم جان هادئ ماكو اشكال بي
بقيت افكر معقوله ...حسين راح ياخذ موقف مني ...ويحرمني يجوز من ابني علمودهه بقيت كاعده بتوتر الحد ماطلعو حسين اول واحد وهنه بقن بالاستقبال وطول ميتقرب مني يباوع عليه نظراته خوفتني وربكتني
فلك-هيه وكعدتني من الدرج لتنسه لذلك خفت على ابني
حسين-دعيديهه بعد يا فلك ...عيديهه وشوفي شراح تشوفين
فلك-باوعت علي ...كتله اني ميويت شي هيه تبلت عليه
حسين-ماريد اي حجايه منج
فلك-حسين
حسين-فلـــــكـ لتحجين كتلج
فلك-ليش مااحجي
حسين-لتخليني اهينج كدام احد فسكتي احسن الج ومن اكلج لتحجين ومتسمعين بعدين اتفاهم وياج عليهه مو هسه
عافني ودخل للغرفه ...توترت حيل ...وكمت اغلط بداخلي على زينه ...ساعة السوده الاجتي بيهه ....بقر هيه وورود وين يالله طلعو من الاستقبال ....واخذت بتهه وصعدت فوك وعيونهه حمر هيه وخشمهه . ورود محجت وياي ابد ولا اخذت علي من حضني ...ابد دخلت للغرفه ....وكل ما يبجي انطي صدري مشبع ...كام من اخلي صدري بحلكه مثل التلعب نفسه ويوخره لو يرضع شوه ويبجي ....وورود ولا يمهه لا هيه ولا حسين خليته عل جربايه وكمت جنت زينه مو مثل اول ايام كمت بس هو بجه حيل ....طلع حسين من الغرفه
حسين-شنو شبي .
فلك-جوعان يريد ممه ...وبجيت ...هو شاله ...سويتله ممه ....وكعدت عل جربايه يم حسين كتله انطيني
خلا ...بحضني ...رضعته بقه حسين كاعد واني اختنكت كلش ....البجيه كوه وخرتهه من جنت اسوي ممه وحاصرتهه هسه
حسين-عوفج من كلامج ويه زينه هاي بعدين نحجي بي مو وقته ....بس ليش هيج تسوين ويه ورود فلك ...ابد ...ابد مااسمحلج تسوين هيج وتجريهه
فلك-باوعت علي ...والله مكلت شي حسين بس كتلهه بقي يمي لان خفت من زينه
حسين-شنووووو خفتي من زينه ...شنو هاي انووووب من كل عقلج تحجين فللك زينه بنتي
فلك-هيه وكعتني من الدرج
حسين-كتلج مووووو هيه
فلك-لعد هيفاء مووووو
حسين-لاااااااا وباوع عليه بحديه
فلك-باوعت علي وكمت ابجي ....حسين انت حتى على الموقف دخلت ومشفت ابنك
حسين-لتسوين هيج فلك ....لان اخذ نظره عليج بعقلي ....اولاً جنت ضايج منج كلش ...وتعبان ....ودخلت للغرفه لان مااريد احجي عليج واذا ابقه كاعد يمج ...مااكدر اسكت فلختصرت الطريق ودخلت للغرفه
فلك باعي ...اني ماعولت ورود تتأقلم بدون مشاكل ....مااحب المشاكل ابد ....لتسوين هيج ....ورود
متستحق منج تسويلهه هيج
فلك-مراح احجي ....لان اذا حجيت هم ميعجبك بس وروح ابويه مو قصدي اضوج ورود
بقه يباوع عليه .... وخرت عيني من عينه وكمت اباوع على علي من يرضع ....طلع الحليب من حلك علي ....رأساً مسحه بكلنس ...
حسين-بدلتيله
فلك-لا بعدني .... الزم علي خل اطلعله ملابس
مجنت اعرف ابدله ....جبتله حفاظه وملابس وخليته عل جربايه فتحت كماطه وحسين كبالي يبتسم ويباوعله ويفتح جف ايده ويخلي اصبعه
اول مفتحت الحفاظه مثل الفز هو كبل كال اسم الله ....على كيفج ويا ..
بدلتله حفاظه ونزعتله دشداشته وحسين ويايه ...على كيف .. بس احس نفسي مرتبكه الاول مره اغير الطفل ....احسه لعابه بيدي
حسين-تعرفين تكمطي
فلك-اي وابتسم ....جانت ميمونه تحب ...اللعابات وتكمطهن كدامي
حسين-على طاري ميمونه ...عمج عايش مابي شي والي فهمته منه مزوجهه الواحد اعرف اخو تاجر وصاحب شركات اهايه ملتقي بي اكثر من مره ....اتوقع هم بايعهه .
فلك-كسرت كلبي هالكلمه من كالهه
طبعاً بايعهه اعرف ....ميمونه متسوي هيج اذا مو بايعهه ..
حسين-اذا عندج صوره الهه عندي ولد ضابط بس المشكله ....هيه مطلوبه للدوله ...تعرفين اذا انسجنت شيسوون بيهه لو متعرفين
فلك-اهون من الشارع اذا مصاير بيهه شي
حسين-انت شتحجين بابا ماكو شي اهون من شي ....كولي شي اسوء من شي ....تعرفين هذا عمج مال واحد يحركه
فلك-انطيته باقي الفلوس
حسين-انطي سم ...تخبلتي انت
فلك-حسين لتعوفني ابد ....اعرف بيك متحبني ...بس مااريد اروح منا ...اريد ابقه يم ابني
حسين-استغفر الله واتوب اليك ...كل مااحجي تحجين بهذا الموضوع الي هو منتهي ...تريدين تروحين انت كايلهه قبل وسامعتهه اطلكج والله ومحمد وعلي وياج بدون ابني تبقين ....براحتج تعيشين معززه مكرمه
باوعت علي نام شاله راد يخلي بمكانه
فلك-حسين خلي يمكم بالغرفه ....اخاف علي هنا
حسين-ماشي. ....يلله نامي انت عيونج حمر صايرات
فلك-منعسانه
حسين -ليش
فلك-نمت هواي اليوم ... انطاني علي وهو راح يدخل الكركوت مالته كمت ابوس بي بين ميجي ....وهو هم طلع بسرعه اخذه مني وهم باسه من شاله ....حسيت اختنكت بس هيج اريح الي مااظل بقلق
كمت وهو طلع هم ...من الغرفه
حسين-وين رايحه
فلك-للحمام اغسل
حسين-خوما موجوعه
فلك-لا
دخلت للحمام ....غسلت ...وطلعت ....لكيته كاعد عل قنفه باوعت علي ....كلي راح ابقي الباب مفتوح شويه ....خاف تحتاجين شي صيحيني
فلك-ماشي
حسبن-حاولي تنامين
فلك-ماشي
دخل وعافني بقيت مكدرت تغفالي عين احس نفسي قلقه مااعرف ليش والنوم طاير من عيني
توني غمضت سمعت الباب مثل النركعت فتحت عيني ماكو احد كلبي راح بقيت اباوع احس نفسي سمعت طبه بس ماكو شي كمت اتفقد طلعت من كثر ماافكر يمكن احلم لو اتخايل لان هدوء البيت
رجعت المكاني كمت اتكلب الى ان غفيت ....فزيت ورود كاعده وبحضنهه علوكي ....وتشربه مي ودبس بالخاشوكه
فلك-صباح الخير
ورود-صباح النور
فلك-خوما بعدج زعلانه مني والله مو قصدي اني اصلاً انت الشخص الوحيد الي اغمض عيني ومطمئنه علي يممهه واعرف انتو متفضلين عليه لان بقيتيني يم ابني
و
ورود-ماكو داعي الهلكلام فلك ....سدي الموضوع واليوم حاولي تصعدين للغرفه افضل الج وعلي لتزعلين مني بس ينام يمي سجلته باسمج وبقيتج بس اني هم اريد اشعر بالامومه ومااحرمج منه انت هم يمه بس هم اريده يتعود عليه وعليج
فلك-باوعت عليهه غرغرت عيني .....المشكله مااكدر اكول لا ....كتلهه زين ليش مو بالنهار كله يمج وبليل يمي
ورود-نومج ثكيل انت ....هسه شكد طكطكت وتحركت يمج ومحسيتي ...اني بسرعه افز ...خاف يغص يصير بي شي ...وبعدين لان توه طفل انفاس واجه قبل موعده يرادله مدارة خاصه
فلك-اي ماشي براحتج ....كلت اهم شي باقيه اني
.................
ميمونه-فزيت واني فتحت عيني الدنيا تفتر بيه ......ووجع ببطني ...ومفاصلي وحكه وغثيان وكلشي بيه منين ماالتفت ....كمت اشعر بالنهايه القريبه ....بقيت متحركت من مكاني ....وصافنه ...من عمو ....يعني هسه هو بي ....يلله خل يعاني تاليته يموت ...خل يموت بالوجع اكيد راح يتوجع مثلي واكثر لان هو الي بي ....هالشي جان يواسيني كلش ....
كمت كلت خل اكلي شي ....مكاعد اكل ابد ...ملكيت خبز ولا صمون ....تعاجزت وكفت كبال الشباك مال مطبخ اباوع عل شارع .....والسيارات ....اندكت الباب ....رحت خليت شال على راسي ...خطيه ابو منتظر دوم يفتقدني بس خايفه لا حس ماكو فلك اختي لان صار هواي متنزل وحتى اذا اريد اجذب فأذين لان عيني البياض الداير مدايرهه بي صفار
صحت منووو
-تهيألي صاح او لا ماادري
مميزت ولا جنت بحال اميز حجه لو لا اكيد حجه ومسمعت ...لان تعبانه ودايخه واكيد عمو واني لابسه حجابي واصلاً باقيه بقميصي ردن ومستور فتحت الباب
انصدمت ....ومن كد الصدمه لكيت نفسي نشيطه بحيث كبل ردت اسد الباب بوجهه ...متوقعته يجي ابد
دفع الباب بيده واني ماعندي قوه ودخل ردت اصرخ كبل حط ايده على حلكي ....وسيطر عليه لان جنت تعبانه وراخيه ايدي وكل جسمي ....نفس المشهد دوم يعيده
باوعت علي .....شكد ماجنت تعبانه ومريضه ..وحيلي مهدود ...بس من اتذكر وره كل الي صار اليه هو ...اصير قويه ومااعرف منين تطلع القوه الي عندي وهو يباوع عليه وساد حلكي بيده
............
خضر-من شفت ميمونه انصدمت من النقاب بس من تقربت يمهه اباوع عليهه موطبيعيه عيونهه وجهه ....بس كلت اني متوهم يمكن ...استمريت بالحجي وياهه متجاوب نظراتهه نرفزتني حيل وخاصه كدام حمصه حسيتهه من تباوع عليه تهين بيه
دخلت للبيت ....حمصه جان لازمني
حمصه-خضر تخبلت انت
خضر-لتحجي وياي حمصه
حمصه-اي ميخالف يلله خل نروح
خضر-روح انت
حمصه-خضرررر امشي كتلك
خضر-روح شبيك حمصه ماريد اروح
حمصه-تريدني اعوفك انت مخبل خوش حتى تحصر البنيه ...شعليك بيهه فهمني
خضر-لتخاف اكيد ماادك الباب ومراح تطلع راح اذخل للبيت مالي خلك اروح الاي مكان
حمصه-خضر ...بشرفك ماارتاح تبقه ولازم اروح تعرف راح اتأخر على الحجيه شيخلصني
خضر-اي روح قابل اروح اشوف المره اني ...انت تتزوج لو اني
حمصه-مو ماارتاح تبقه هنا لتخليني اخابر اكلهه أجليهه
خضر -روح توكل حمصه مااسوي شي والله شبيك
حمصه-اي واضح من هجومك عليهه شعليك نزعت النقاب لو منزعته وبعدين حتى لو نزعته البنيه لبسهه مستور .
خضر-اعوذ بلله شلون هسه اركعك بالحذاء روح بابا لتلطش شبيك شلزكت
حمصه-خضر اولاً بعد لتكول حمصه لا اني اركعك ميت نعال على راسك ...كم مره كتلك لتكلي حمصه راح اتزوج وانو تصيحولي حمصه وجه السطل
خضر-يابه يلله توكل احمد روح والله مالي خلكك
بعد تعب اللسان راح حمصه ....اخذ السياره ...لان تأخر ...بقيت مكابل الشاشه وكاعد الحد مطلعت ....رحت وراهه .. ....اندليت مكانهه سألت ردت اعرف هيه وزوجهه كاعدين هنا لو شنو بالضبط سألت ابو الاسواق وكتله ابن عمي شايف هاي البنيه ام عيون تك وتك ويريدهه بالحلال ....ردت اعرف شيكول
كلي بنيه فقيره هيه وامهه واختهه حتى اختهه الثانيه محد شايف وجهه وبنيه محترمه ...حمدلي هواي بيهه وأكدتله كتله متزوجه كلي لا البنيه ممتزوجه
يعني ماكو بس هيه هنا ....لان حمصه من اجتي فلك ...راقبهه كال خاف تحتاج عنوان اختهه ...واندل مكانهه ....وين بالضبط عايشه ومتزوجه
بقيت اراقبهه من بعيد بدون متحس ....تحس بيهه شي ...بس مااكدر ادخللهه وره متدخل مباشر ....والعيون هواي صح الباب خلفي مال شقه مو عل شارع بس ابو الاسواق والصمون هواي شباب اكثرهم طالعين
من شفت الوقت مناسب صعدت فوك دكيت الباب صاحت منو مجاوبتهه ...لان متأكد تعرف صوتي ومتجاوب ....وكلت اذا رجعت اكدت احاول اغيره
فتحت الباب ...ورأساً دفعته رادت تسده ...بس بسرعه دخلت للشقه وسديت حلكهه ويديت الباب برجلي ...من تقربت عليهه كلش ....تأكدت بيهه شي ...وجهه اصفر كلش الصفار واضح وعيونهه هم ....مجنت اعرف هيه الهاي الدرجه جنت اريد اشوفهه واكلهه ليش تزوجتي حتى اذا مو من حقي بس اريد جواب ....منهه بس من شفت عيونهه ووجهه التعبان انهد حيلي ...وكلبي انعصر
اضعف كدام هاي المخلوقه عيونهه نقطة ضعفي بس
خضر-ميمونه انت مريضه
ميمونه-كمت اهز براسي خليت ايدي على ايده اوخرهه من حلكي ....كرصته بس ماعندي قوه بحيث كبل رخت اعصابي ...وقابليتي خلصت حسيت نفسي مكدرت اتنفس ....جان شاد قوي على حلكي ....ومن كثر ما ماعندي قابليه انسحنت روحي ووكعت ...هو حس بجسمي كله رخه وخر ايده ونزلني بالكاع وخله ايده جوه راسي
خضر-ميمونه ....ام تك وتك شبيج فهميني ماريد اعرف اي شي بس كليلي ليش هيج وجهج وعيونج
ميمونه-مجنت بحال افكر حرام يلزمني ...لان جنت بوقتهه صدك دايخه وروحي مسحونه ..
راد يشيلني ياخذني للمستشفى ...كتله عووفني
خضر-شعوفج باعي وضعج مخبله انت ....شبيج فهميني
ميمونه-لتلزمني ...شيل ايدك مني خضر ....عوفني مالك علاقه بيه
خضر-لازم اوديج للمستشفى وضعج مو طبيعي ..
ميمونه-ديرررر بالك ....ديررر بالك تتدخل بيه مالك علاقه ورفعت روحي كمت كعدت ....وغطيت وجهي بيدي جان القميص شويه لان مفتوحه الدكمه مال ردن صاعده كبل لمس ايدي كمزت وعطت
خضر-ميموووووونه شكاعد يصير بيج....الاحجي راح اتخبل لازم اخذج للمستشفى جسمج وجهج مو طبيعي
ميمونه-مالك علاقه بيه اااااانت مالك علاقه
جر اي ورفع الردن الردن ....هاي شنوووو ايدج ....ووجهج ....كلج مو طبيعيه وتكليلي مالك علاقه غير افتهم شبيج ....وانت وحدج مو علساس تزوجتي وين راح زوجج
سحبت ايدي منه وكمت ....احس جسمي كله يرجف هم تعب وهم اعصاب صرت
....اااااطلع بره ....روووووح ....شعليك بيه فهمني ....عيوني صفر لو وجهي لو شكو بين انت شعليك
بيه ...تزوجت لو تطلكت انت شعليك فهمممممممني ....عوفني وروح ....اكرهك واكره اليوم الي حبيتك بي ....واكره اليوم الي صدكتك بي ....وام ه كلشي .....الحياة بالنسبه الي ماتت من يوم الي دخلت بكلبي وطعنته بيدك ....بيدك مووووووووووته ....احجي واعصر بروحي ولشتي ترجف
شال الشال من الكاع ......وخلا على راسي ....وخرته بنتره
خضر-بس اخذج للمستشفى لو للدكتور واروح ....واعوفج والله ...ماادك بابج ولا اطلع كبالج .
ميمونه-باوعت علي بحديه ....شعليك انت ....شعليك بيه
خضر-عليه ونص ....مااعرف عفتج مو هيج ...بيدي سلمتج ال عمج ...كتلتي ليش ....اكيد سوالج شي ...يعني بسببي ..
ميمونه-باوعت علي واني فاتحه عيوني بكل وسعهن
اي ......بسببك ....ماكو داعي تاخذني ....لان اعرف البيه ...شنو ....اعرفه كلش زين ....وبسببك
عفتني ....بعت اختي وابويه علمودك ....وانت بعتني وعمي باعني ....وكتلته لان من باعني ....خله الفلوس بجيبه ....ومخلاني ارجع اختي الي بعتهه ...كتلته وصار دمه بيدي .....وخليت دمه بحلكي ....ولو بيددددي اكل وصله من لحمه ....وميشفي غليلي ....بس شنوووو
تمرضت قبل لا اكل هالحمه ....وصار بيه من دمه فايروس بالكبد وكال الدكتور خطير
ارتاحيت ....هسه ......ارتاحيت خضر لو لا
خضر-منو كلج فايروس وشلون باعج عمج
شكاعد تحجين انتِ ميمونه
ميمونه-بس تعرف شنو ....فنك من باعني ...باعني المن
خضر-بحيل مهدود ...المن
ميمونه-لحذيفه ....تعرف حذيفه شنو
خضر-كافي
ميمونه-حبيته حيل وتمنيته ميروح ويطلكني ....صدكني وكلي مرات الطفله من توكع وينخدش الغشاء ...ميلتأم ...كتله ممعقوله ...كلي انت مستحيل تسويهه
خضر-كاااااااافي
ميمونه-كلي لترجعين ال عمج لان راح يبيعج من جديد
خضر-بحديه .....كاااااافي ماريد اسمع
ميموون-٢٣يوم خلاني بيهه ملكه قواني وخلاني احب الحياة ....تعرف شلون جان
كبل سد حلكي بيده وعيونه فتحهن بكل وسعهن
خضر- ..لتحجيييييييييين اكلج وسد حلكي حيل بيده ردت احجي ضربني بحلكي .....
باوعت علي كمت ابجي ....انهاريت بس بسبب الفايروس الدكتور كلي بسرعه تتعورين لان جسمج مثل اليتيخ حسيت بالدم طلع من حلكي مدري من سني حسيت بزفرته باوعت علي ....كتله اطلع بره .....اطلععععععععععع بره اكلك حقيررررر انت حقير ...والله حقير ....على اي اساس تحاسبني
باوع عليه بغضب ....وطلع راد يطبك الباب ورجع فتحه ودخل ....وبسرعه سد الباب
رجع تقرب عليه
تأذيتي .....وراد يخلي ايده على حلكي ...راد يمسح الدم كبل بعدت روحي وغطيت ....وجهي وتبعدت عنه .....ديرررر بالك
خضر-لتحجين عليج الله هيج .....والله مااتحمل اموووووت ....متدرين شصار بيه وتقرب عليه راد يوخر ايدي
لتزم الدم ابدددددددد ....كتلك
صوتي جان مو واضح لان مغطيه ....حلكي راد يلزمهه
كااافي ....كااافي وخر
خضر-حلكج يجري دم بسببي
ميمونه-بقت على الدم الي بحلكي ...هو كلشي بيه بسببك
رجع خله ايده ...على حلكي لزمت ايده تنعدددددددي مني
خضر-خليني ياريت انعدي منج .....وبعد ايدي ....ورجعت لزمتهه الايده
ميمونه-عليك الله لتمسح الدم
يصير بيك خضر وتموت
........
