رواية ثأر الشيخ مهران الفصل الخامس والثلاثون بقلم حوراء
لكن شيئاً فيكِ أقنعني , وعلمني القراءة والكتابة , والحروف الأبجدية , فإذا بسنبلة تمشط شعرها في راحتيه , وإذا بعصفور صغير جاء يشرب من مياهي الداخلية , الله .. كم هو رائع أن تصبح امرأة قضية.
نزار قباني
___________________
ادم:-اليوم انزل مجاز اني وفهد بس اني طلعتي صارت قبل فهد وقبل لااوصل للبيت دك تلفوني رفعته شفتها نور تتصل عليه مااهتميت الها حطيته صامت وشمرته على الكرسي اليمي ظلت هواي تتصل فوك الاربع مرات اخر شي اخذته ورديت عليها بدون نفس
:-هاا نور خيرج شكو داكه عليه؟
نور تتصنع البجي:- الحكلي ادم اني وكعت بمشكله جبيرة وبس يعرف بيها جمال يذبحني
ادم:-ممكن تهدين شويه وتكولين شنو صاير وياج؟
نور:-قبل فترة تعرفت على بنيه على النت وصارت صديقتي وكامت ادزلي صورها وفد يوم طلبت مني صور حته تشوفني امنت بيها ودزيتهن الها بس طلعت تجذب عليه وهو ولد ودخل الي بحساب بنيه وهسة هو يهدد بيه
ادم:-تحجين صدك انتن الى متى تضلن بهذا الغباء هااا
نور:-ادمم فدوه ساعدني
ادم:-اففف تعال للبيت واني اشوف شلون احلها
نور:-انته تعال جمال ميقبل اجي الكم شاد حرابه وياي
ادم:-بعد وكت سدي هسة جايكم
نور:-هلا بيك
سديته منها وغيرت اتجاهي ورحت لبيت خالتي وصلت الهم ونزلت دكيت الباب طلعتلي نور كالت
:-تفضل فوت
دخلت وسألتها على خالتي
ادم:-جا خالتي وين
نور:-هاا بغرفتها جاي ترتاح هستوها رجعت من يم الجيران
ادم:-تمام روحي جيبي موبايلج خل اشوفه هذا شيريد
نور:-تمام
راحت جابت الموبايل فتحته الي وخرت من يمي وطلعت من الصاله ونوب رجعت شايله بيدها صينيه مال عصير حطته كدامي
نور:-تفضل اشرب عصير برد على كلبك
هزيت راسي واخذت كلاص العصير وشربته فرد مرة من كد ما عطشان بس حسيت بيه طعم مرورة اتجاهلت الموضوع وضليت احجي وياه بس هو مايرد اتصلت بيه وهم ماشاله شوي شوي حسيت بروحي دخت ونوب صارت غواش على عيوني مكدرت اشوف شي بعدها داهمني الضلام وماحسيت اله على صوت تكسر مواعين كعدت شفتها نارة واكفه والمواعين المكسرة يم رجليها وجانت واكفه يمها رياحين ومرح وايليا وحته فردوس ونرجس موجودات عاطت نرجس
نرجس:-صخاممم اليي يصخمم وجوهكمم هاي شنو جاي يصير هناا هاا
درت وجهي على الصفحه الثانيه من سمعت صوت بجي مؤلوف الي شفتها نور تبجي وترفع بالغطه كمت من الجربايه على السريع
فردوس:-ادم شنو هذا شجاي يصير هنا هاا
ادم:-ماادري
طلعت نارة من الغرفه ودموعها على خدها ولحكها ادم لزمها من ايدها وحجه
ادم:-اشش تعاي اوكفي هنا اسمعيني مو احجي وياج
دفعته نارة بقوة وصاحت بوجهة
نارة:-وخرر ادمم دير بالكك تلمسني مفهوم ليش هيج سويت وياي هاا بشنو غلطت وياك حته تعاقبني بهاي الطريقه البشعه هاا
ادم:-نارة حبيبتي لاتصدكينهم ماصار اي شي من الي ابالج
نرجس:-شلون ماصار شي بعيونه شفناكم وانتو نايمين سوة على نفس الفراشش صخام بوجهك صخمت وجه اختي وياكك
ام جمال:-تعقد عليها افتهمت لو لاا لا وحق علي اخلي جمال يذبحكم اثنيناتكم
على صوت ام جمال دخل مهران ونزار وجمال
الشيخ مهران:-شكو شصاير ليش اصواتكم هيج طالعه؟
ام جمال:-تعال يالشيخ تعال شوف اخوك شلون صخم وجه بنت خالته وياه
الشيخ مهران:-شنو هذا الحجي ادم هااا
ادم:-معليك بخالتك تاكل نع*** ماصار شي من الي يقصدونه
ام جمال:-اسأله شيسوي هنا بالبيت ومحد موجود بيه بس بنيتي هاا
ادم:-اجيت هنا لان بنتج الكح*** اتصلت عليه تريدني اساعدها لان دازه صورها لولد وكاعد يهدد بيها
نور:-ادم كلشي انكشف لاتضل تنكر انته مو وعدتني تزوجني هاا مو كلت مااريد نارة لان ميصير عدها جهال اريدج انتي ام لجهالي؟؟
ادم:-طيططط عليج وعلى جهالج لج انتي شجاي تحجين شمالني خبل لو ماعندي عقل
نارة:-نزار اخذني لاهلي حباب مااريد اضل هنا اكثر كافي الي شفته وسمعته
ادم:-نارة لاتضلين تخربطين بالحجي وين رايحه ترة كل الي شفتيه جذب هاج شوفي حته بعدني بالبنطلون مالتي شلون يصير انام وياها واني لابس ملابسي لاتصيرون مطايه
نور:-هاا مو انته قبل شويه لبست ملابسك
ادم:-يابه ايليا من دخلتو عليه جنت كاعد لو نايم؟
ايليا:-جنت نايم
ادم:-رحم الله والديج جنت نايم شلون واحد ينام وهو لابس بنطلونه ولابس النطاق هم
الشيخ مهران:-نزار اخذت مرت اخوك وديها لبيت اهلها ورجع بسرعه
ادم:-شيخخ شنو هذا الحجي
الشيخ مهران:-كافي اسكت محلوله شبيك لاتخلي ابالك
راح نزار اخذ نارة لبيت اهلها وكف الشيخ كدام نور وضربها راجدي ضلت واكفه ومصدومه
الشيخ مهران:-شلون سحبتي اخوي وخليتيه يجي يمج وشلون نومتيه اعترفي احسلج ترة وعلي اخليه يحط طلقه براسج واخلص منج ومن شرج
نور بخوف:-ءءءء هو اجه ودائما جان يجي وياخذ مني الي يريده ويروح
رجع ضربها راجدي اقوة من الاول وكال بصوت عالي رج البيت رج
الشيخ مهران:-شلونننن نومتيي اخويي وشلوننن خليتيه بالغرفهه منو ساعدجح
نور:-محد هو نام بالغرفه
رجع ضربها اقوى من قبل مسح بيها الكاع من الضرب اخر شي صاحت
نور:-راحح احجيي والله احجيي بسس عوفنيي عليكك الله
الشيخ مهران بصياح :- اسمعج يلااا
نور:- قبل كم يوم اجتني فردوس وكالت شلون تقبلين نارة تاخذ ادم الي هو حب حياتج كتلها شسوي لعد ماخليت شي ماسويته وماكدرت افرقهم ولا اخليه يكرهها كالت لاتخافين اني عندي الحل الي راح اساعدج حته ترجعين ادم وبمقابل اريد تساعديني
قاطتعها فردوس وهي تصيح
فردوس:-انجبي لج ليش تجذبين اني شعليه ليش ادخلوني بمشاكلكم
رادت تطلع بس ادم جرها من ايدها وشمرها على نور كعدت يمها
الشيخ مهران:-بعدنه ممكمليه وين رايحه؟
فردوس:-ارجع البيتي واخلص منكم ومن مشاكلكم
الشيخ مهران:-مايطلع اسمي مهران اذا ماخليت عمي الشفيه يطردج من بيتج اصبري، وانتي هيي كملي يلاا
نور:- اي كالتي انتي تساعديني اريد منج تخلين جمال يسوي علاقه ويه مرح واني اكشفهم حته مهيمن يطردها من البيت ويصفالي الجو
ادم:-ماشاءالله عليجن شله مال كح****
شلون نمت اني وشلون اخذتني للغرفه يلاا احجي
نور:- هي كالتلي راح اجيبلج منوم وحطي اله بالمي او عصير وخليه يشربه واني اساعدج ناخذه للغرفه ونوب ادزلج نارة حته تشوفكم بهذا المنظر اكيد راح تعوفه والشيخ راح يجبرة يعقد عليج حته لاتصير الهم فضيحه بس كتلها هو مايجي للبيت مالتنه خاصه اذا البيت فارغ بس هي انطتني هاي الفكرة مال الولد الي يهدد بيه بصوري حته اكدر اجيبك للبيت
ادم:- مو عقل عندج وعلي تفكيرج داعشي
الشيخ مهران:- كملي شصار بعدين
نور:-من انغمى عليه بسبب العصير الي
شربه جان بيه منوم ساعدتني هي ونرجس حته ناخذه للغرفه ونومناه ع الجربايه
الشيخ مهران:-ماشاءالله الاخوات كلهن متشاركات بهاي الخطه شنو رأيج بخطط بناتج خالتي المحترمه وابن خالتي المحترم شنو موقعك من الاعراب انته هااا ماكول غير طاح حظك يالاغم
جمال:-واني شعليه تغلط عليه
الشيخ مهران:- اسكت لكك اله عين ويحجي
طلع مهران موبايله واتصل مدري ع منو شويه وعرفناه يحجي ويه عمه عماد
الشيخ مهران:-هاي عمي وينك، هاا خوش يعني قريب بلا زحمه عليك تعال لبيت خالتي ام جمال اريد احجي وياك بموضوع مهم يلا الله وياك منتظرك لاتتأخر عليه
سد الخط منه وهو يهز براسه بوعيد للفردوس ركضت عليه ولزمت ايده تتوسله ميكول شي لزوجها
فردوس:-الله يخليك لاتكوله شي وعلي يطلكني مايخليني يمه فدوه رحتلك لاتسوي بيه هيج حباب
الشيخ مهران:- الله لايخليني اذا ماحجيت اليوم نهايه لافعالج ابتداء من اليوم الي خربتي بيه بيت عمي لليوم الي حاولت بيه تخربين بيه بيت اخوي كلها علمود شهواتج وحقدج على مهيمن
فردوس:-لاا والله كل الي سويته حته يرجعلي مهيمن اني مااحقد عليه لاا اني احبه واريد بس هو ماينطيني مجال وخاصه من اجت هاي الحيه الحمرة مايشوف احد غيرها كل هذا سويته لان اريد ارجعه الي
الشيخ مهران:-لججج اسكتتتييي غضببب الله عليججج لجج بعدج تحجين وادافعين ع روحجج وتنطين اعذار للي سويتيه لجج شنوو من بشررر انتيي
فردوس:-احبهه واريددهه والي سويتهه كله علموددههه وماانكرر هذااا شييي ابدد
:-فردوسسسس
انتبهنه لمصدر الصوت جان عمو عماد واكف يم الباب وعيونه حمر مبين سمع كلشي كالته فردوس وهاي هية خطه مهران خلاها تحجي كلشي بعضمه لسانها حته يسمعها عماد ويصدك لان جان من يحجون عليها هو يعصب ومايرضى عليها
فردوس بخوف من هيئه عماد:- عماددد
تقدم عليها بسرعه وراد يضربها بس وكف بوجهة ادم
ادم:-اهدئ عمي لاتسوي شي تتندم عليه بعدين ولاتنكس ايدك بيها عوفها تولي
عماد:-اسمعي لجج راحح اطلعع منا وماامد ايدي عليج بس ثقي بالله اذا رجعت للبيت ولكيتج بعدج موجودة بيه احرگج وانتي عايشه مفهوممم
فردوس:-لاتسوي هيج عماد وين اروح ابوي غاضب عليه وميقبل ادخل لبيته من اخر عركه بيناتنا ماعندي احد اروحله فدوة استر عليه وخليني اعيش وياك حته لو خدامه الك عادي قابله
عماد:-ابدد حته خدامه مااتشرف احطج الي وبعدين اني شعليه بيج وين ماترحين روحي اهم شي مااشوفج كدامي
كال هيج وطلع وهي وكعت بالكاع تبجي وتغلط وتدعي على مهران لان هو السبب بلي صار وياها ثنى رجله وكعد كدامها وكال بصوت واضح
الشيخ مهران:-شنو عبالج حوبه المرة الفقيرة الي ماتت من وراج وحوبه الايتام ماتطلع لا غلطانه واني هم غلطت بس يجوز غلطتي اهون من غلطتج بس تعاقبت عليها وطلعت بأختي المغزى من كلمي كلشي سويتيه واذيتي بيه غيرج راح يرجع عليج مهما طال الزمن مفهوم يحلوة
كام من يمها وكال
الشيخ مهران:-يلا يمه جيبي البنات وخلينه نطلع ومن اليوم تنسين بعد عندج اخت
الحجيه ترفه:-يمه هيج اخت وبنات اخت مايرادن امشي يمه
طلعنه كلنه وتقسمنه على السيارات وهسة انتبهت على سيارة ادم الي مصفوفه بالركن مال البيت
وصلنه للبيت وادم ضل يصيج ع مهران
ادم:-ليش خليتت نزارر ياخذهاا هااا
الشيخ مهران:-عوفكك منها هسة تعال حاجيني انته شلون تروح لنور برجليك هاا
ادم:-لكك خابرت عليه وتبجي تعال الحكلي ولد يهددني بصوري شسوي تريدني اعوفها وهي تنحسب عليه هاا
الشيخ مهران:-غبي والله لك هاي نور شيطلن بحد ذاتها ليش صدكتها هاا
ادم:- صارت وصدكتها هسة ليش خليتها تروح هاا
الشيخ مهران:-خليها تروح فترة ترتاح يم اهلها وترجع لاتخاف
ادم:-خرب روحج نور الله ياخذج وياخذني وياج ع الواهس
عافنا وصعد فوك
الحجيه ترفه:- ليش هيج سويت يمه وانته تعرف بأخوك مايدخل للبيت اذا متزاعل وياها مو انوب رايحه زعلانه
الشيخ مهران:-يمه ابوها تعبان واصل للموت واخوها البارحه خابرني حته تجي تشوفه لان لو تلحك عليه لو لا واني سويت هيج حته تروح تشوفه وهم كرصه اذن لابنج حته لايندفع ويدخل روحه بكلشي
الحجيه ترفه:-بس يمه هي نخته وانته تعرف اخوك كلشي ولا واحد ينخاه حته هدومه الي عليه ينطيهن
الشيخ مهران:-اعرف يمه بس مو لوحده مثل نور
الحجيه ترفه:-صارت بعده يمه وراحت خليه درس يتعلم منه
الشيخ مهران:-صح كلامج بويه مرح لاتحجين شي لمهيمن اني احاجيه خوش
مرح:-تمام عمو
طلع مهران واحنه انجمعنا بغرفه رياحين كلنا كالت مرح
:-يعني هي جانت تحبه قبل لااتزوجه اني
رياحين:-حب الطفوله مالتها هو مهيمن
مرح:-زين هو هم يحبها؟
ايليا:-جني اشتم ريحه غيرة بالجو مو رياحين لو اني غلطانه
رياحين:- ههههه اني هم هيج جاي اشتم
مرح:-اهوو كافيي لااتسون هيج ترة اني جاي اسأل بس
ايليا:-تسألين بس وهيج صار وجهج لو تشكين وتغارين شنو يصير بيج؟
مرح:- اففف هسة شنو من ارجع للبيت ماراح الكه فردوس بيه؟
ايليا:- اي ضل البيت بس الج
رياحين:-وضل البيت لام طيره وطارت بيها فرد طيرة
ايليا:-ههههههه لكك عاشش
رياحين:-ههههه
مرح:-تدرن كلش مقهورة على نارة ابدد ماتستاهل الي صار وياها خاصه وهي جانت حيل فرحانه بخبر حملها
انصدمنا كلنه من انفتح الباب بقوة بعد ماختمت حجيها مرح والصدمه الاكبر ادم جان واكف ورة الباب
ادم:-عيدي شنو كلتي نارة حامل؟؟
مرح ضلت صافنه وتأتأ بالحجي اني حجيت ابدالها
ايليا:-اي البارحه راحت هي والحجيه وسوت تحليل دم وطلعت حامل وحبت تسويها الك مفاجأة بس انته مفاجأتك جانت اكبر منها
ادم:-الله ياخذج نور واخلص منج ومن قذارتج
نزل ع السريع وطلع برة ضلينه وحده تباوع على الاخ
رياحين:-وين راح هسة هذا؟
مرح:- يجوز راح لنور يكتلها
ايليا:-لجج شيسوي يم نور يجوز راح لنارة
مرح:-مااعرف والله بس اتمنى مايصير شي لا بنارة او ابنها
رياحين:-إن شاءلله
__________________
الشيخ مهران:-خابرت اكثر من مرة ع مهيمن بس مايرد بس اخر شي رد صحت بوجهة
:- طيح الله حظك يامطي وينك صارلي شكد اتصل بيك وانته ماكو
مهيمن:- خابرني يكلي سامحني بويه غلطت بحقك وبحق امك
الشيخ مهران:-وين انته هسة؟
مهيمن:-يم كبرها
الشيخ مهران:-شوكت لحكت تروح؟
مهيمن:-واني ع الطريق وهو اتصل بيه مهران اني كاعد يمها هسة وكتلها شنو كال اباوع ع صخرة كبرها واكول اسامحه لو لا
الشيخ مهران:- اجي يمك هسة انتظرني لاتتحرك من مكانك
مهيمن:- منتظرك انطي الموبايل لمرح احجي وياها شويه
الشيخ مهران:- ها ابو الشباب شنو صرنه احنه منعجب هاا
مهيمن:-هههه انته ضلعي الي انتجي عليه من اضعف
الشيخ مهران:-وهي؟
مهيمن:-هية الراحه الي ماشفتها من يوم مادفنت العزيزة
الشيخ مهران:-اممم حلو اروح اصيحها الك، بويه ايليا
ايليا:-كاعده ويه البنات وسمعت مهران يصيح عليه كمت فتحت الباب وسألته
:- هاا شيخ
الشيخ مهران بصوت اقرب للهمس:-يروحلج فدوة الشيخ
على صوته وكال:- هاج بويه هذا مهيمن يريد يحجي ويه مريته
ايليا:-اوك انطيني، اخذته منه وانطيته لمرح جاوبته بصوت ناصي وهي بطبيعتها صوتها متنعوص وتخلي الواحد يكزكز ع حجيها
مرح:-الو هلوو مهيمن
مهيمن:-هلاا يراحته شلونج بويه
مرح:-زينه الحمدلله انته شلونك وشوكت ترجع
مهيمن:-زين اني ارجع بالليل ان شاءلله تغديتي لو بعدج مماكله شي
مرح:- لا مااكلت شي شويه ونسوي اكل اني والبنات سويه لاتخاف انته اكلت شي لو بعدك
مهيمن:- لاتتأخرين بالأكل حبيبتي
مرح:-لا مااتأخر وانته هم لااتأخر ارجع بسرعه ولاترجع بالليل لان الطريق بعيد واخاف عليك خاف يصير بيك شي لاسامح الله
مهيمن:- لاتخافين عليه اعرف شلون ارجع انتي اليوم ظلي يم البنات واني من ارجع اخذج للبيت تمام
مرح:- تمام منتظرتك
مهيمن:- يلا بويه روحي انطي الموبايل للشيخ عيب منه لايتعطل من ورانه
مرح:- تمام
سديته منه وانطيته لايليا ودته اله ورجعت تتغامز هية ورياحين
رياحين تقلد مرح :- شوكت ترجع للبيت
ايليا تقلد مرح هم :- اكلت شي لو بعدك
كالن هيج ووكعن بالكاع يضحكن
مرح:-موصوجن صوجي اني احجي وياه كدامجن
ايليا:- اوييي لجج كزكزت عليكم شلون تحجين وطريقه كلامج اني من يمي معت الله يعين مهيمن شصاير بيه الزلمه ههههه
مرح ببراءة :-مصاير بيه شي كاعد وساكت حته يصيحلي بويه
رياحين:-زلم الجنوبين يعبرون عن حبهم لحبيباتهم بمثل هاي الكلمه لانها تحمل حنيه لان يكولون ماكو احن من الاب على بنته
مرح:-يعني هسة هو يعتبرني بنته مو
ايليا:-تؤؤ يعتبرج حبيبته
مرح:-زين شلون عرفتي انتي؟
ايليا:-مبين من طريقه كلامه وياج واهتمامه بيج وهم خوفه عليج واضح كلش
مرح:- زين شلون اصير زوجته؟
ايليا:- من تصير بيناتكم علاقه زوجيه
مرح:-وشنو هية العلاقه الزوجيه؟
رياحين:-اني هنا اسحب نفسي وسولفو ع راحتكم حبايب
ايليا:-عفيه عليج اطلعي قبل لا اطردج
رياحين:-طلعت يابه هههههه
طلعت رياحين وكعدت اشرح لمرح شلون تصير العلاقه الزوجيه
مرح:-لازم يصير هيج يعني
ايليا:-اكيد لازم بس اذا انتي ماقابله بهذا الشي فهميه لمهيمن واني متأكدة راح يسمع منج ويتفهمج
مرح:-خوش لعد راح اكله اني مااقبل
ايليا:- مااعرف بعد بكيفكم العليه سويته والباقي عليكم حبي
مرح:-اوك حبيبي هسة خلينه ننزل ناكل اريدد اكل ميته من الجوع
ايليا:-يلاا حبيبتي
________________________
نارة:- من بعد مااخذني نزار لبيتنه الطريق كله ابجي ودموعي عشرة عشرة معقوله ادم يسوي بيه هيج راح اتخبل
نزار:- خويه وعلي مردتي كلبي كافي تبجين اصلا هو اخوي كلشي ماكو يخاف من الله ومنج وميسوي شي من وراج والي شفتيه اكيد لعبه هسة انتي ارتاحي اليوم وباجر اني وادم والشيخ يمكم ونشرحلج كلشي حته نجيب ويانه ايليا ام السان شاهدة ع كلامنا خوب انتي توثقين بأيليا اكثر من رجلج مدري شمسويتلكم هاي الابنيه وكلكم تحبوها
نارة:-اصلاا تخبل ايلي وين اكو منها كلش حبابه وحنونه علينه
نزار:-حنونه عليكم كلكم بس اخوي المگرود ماخذته حاصل فاصل وشالعه كلبه
نارة:-لان يستاهل
نزار:-ماشاءالله عليجن صايرات حزب ومحد تقبل ع الثانيه والله عمي خوش
وصلني للبيت ونزل وياي دك الباب وطلع اخوي محمود خطيه بس شافني اخذني لحضنه ويبوس براسي وخرني من حضنه وسلم ع نزار
محمود:- تفضل خويه فوت
نزار:-لا حبيبي مستعجل بس اجيت اوصل نارة وارجع عندي شغل يلا ثيمالا
محمود:- الله وياك حبيبي سلم ع الشيخ وياك
نزار:- يوصل حبيبي
راح نزار واني دخلت ركضن عليه اخواتي يسلمن ويبوسن بيه اويي شكدد مشتاقه الهن
نارة:-وين بابا؟
محمود وعلامات الحزن انرسمن ع وجهة
:-ابونه مو زين نارة
نارة:-شجاي تكول ليش شبيه هو هاا
محمود:- حيل مريض ماخليت دكتور ماوديته اله يكولون عنده الخبيث ومرحله الاخيرة بعد مايفيده العلاج ولا اي شي
نارة:-يعني شنو؟
محمود:-يعني ع ساعه ابونه يعوفنا ويروح مثل امنه
نارة:-تشاقه اكيد بابا مابيه شي وينه هو هسة هااا
غفران:-احنه بيا حال وانتي تجين تحجين هيجج هاا لج ابوجج راح يموتت هاي هيةة ارضي بلي جاي نكوله الج
نارة:-وانتي عادي عندج يعني تكوليها هيج ببساطه ابوج راح يموت وخري من طريقي خليني اشوفه
غفران:-فوتي شوفيه شنو لازمه الطريق عليج اني والله يالله
عافتني وصعدت فوك وهي تهز بيدها دخلت للاستقبال وشفته متوسط الاستقبال ونايم بالكاع صاير كلش ضعيف عيوني نترست بالدمع معقوله هذا ابوي لااا وينه الزلمه الطويل الي ياخذ الفراش كله من يكعد عليه معقوله هذا الي بقى منه تقدمت عليه وجسمي كله يرجف حجيت بصعوبه
نارة:-شلونك يابه؟
رد عليه وهو يجر بنفسه
:-هلاا ب بيج بنيتي
من كال هيج شمرت روحي عليه ابجي واشهك بحضنه وهو يمسد بيده ع راسي انتهيت من البجي واني بحضنه وخرني منه محمود سحبني لحضنه
نارة بشهكه:-محمودد سويي ايي شيي رجعليي ابوي خليه يرجع بكامل صحته مااريد اشوفه هيجج حباب
طلعني من الاستقبال وهو يجر بيه جر مااقبل اطلع
محمود:-نارة حبيبتي جبتج هنا حته تكعدين ويه ابوي بساعاته الاخيرة وتهونين عليه مو تزيديها عليه بعد اخوج ترة البجي مالتج ماراح يفيده بشي
نارة:-شنو تقصد بحجيك شنو جبتج
محمود:-اني خابرت الشيخ حته يدزج لان ابوي راد يشوفج اكعدي يمه خليه يشبع منج
نارة:-صدكك تحجي
محمود:-اي والله حبيبتي
رجعت للاستقبال ونمت يمه وحطيت راسي ع صدرة اول مرة احس بحنانه اول مرة بعد 12 سنه حسيت بنفسي عندي اب وسند غفيت واني ع صدره كعدت ع صوت محمود وهو يكعد بيه
نارة:-هاا محمود
محمود:- كومي حبيبتي تعاي اكلي وخليني اوكل ابوي هم
نارة:-ناكل هنا يمه كلنه
محمود:-اي ليش لا
جبنه الاكل اني ومرت ابوي وكعدنه ناكل يم ابوي وهم يشرب شوربه خلصنه الاكل وغسلت المواعين وصعدت نزلت فراش الي صفيته يم ابوي ونمت يمه كعدت ثاني يوم من الصبح وسويت الريوك وكعدنه نتريك اندك الباب وطلع محمود يشوف منو رجع كال
محمود:-هذا رجلج واخوته بالباب ووياهم مرة هم
نارة:- دخلتهم؟
محمود:-المرة متقبل تفوت تريدج
نارة:-تمام
طلعت شفتها ايليا رحت عليها بسرعه وكلت
نارة:-ليش واكفه برة فوتي
ايليا:-شلون افوت وانتي مامستقبلتني واني اول مرة اجي لبيت اهلج؟
نارة:-هههه اهلا وسهلا بيج حبيبتي فوتي
ايليا:-اي هيج واحد اله واهس يفوت للبيت
دخلتها وهم دخلو للاستقبال واحنه رحنه للصاله
ايليا:-لجج لو تدرين شصار من رحتي
نارة:- شنو صارر
ايليا:-لج غير مهران لزملج نور وطيح حضها وخلاها تعترف بالخطه الي مسويتها هي وفردوس
نارة:-شنو خطه شنو
ايليا:-لج اسمعي غير هنة متفقات على ادم ومرح..............
نارة:-جذابه
ايليا:-واعتج هيج السالفه وانتي شكيتي بالزلمه المسكين
نارة:-ولد الشيخ چاسب مابيهم واحد مسكين
ايليا:-اي وعلي صحيح كلامج
جنه نسولف واجه محمود صاح عليه طلعت اله
نارة:-ها حبيبي
محمود:-تعالي يردوج
نارة:-اجيت
دخلت وبده بالحجي الشيخ مهران وجان مهيمن كاعد يمه من اليمنى وادم من اليسرى ونزار كاعد كدامهم من الجهة الثانيه مال الاستقبال
الشيخ مهران:-اكيد عرفتي بالصار بعد ما رحتي
هزيت راسي بأيجاب
الشيخ مهران:-مازعلانه من ابنه مو
نارة:-لا شيخ
الشيخ مهران:-خوش حجي چا حضري روحج خلينه نتوكل
نارة:-من رخصت شيخ اريد اضل يم ابوي اباريه بمرضه
الشيخ مهران:-ماطلبتي اله حقج بس الكلمه الاولى والاخيرة لزلمتج ها ادم شنو تكول
ادم:- ضلي اليوم واني باجر اجي عليج اخذج
نارة:-إن شاءلله
عفتهم وطلعت ضليت كاعده يم ايليا شويه وصاح عليها الشيخ حته يرجعون طلعت ايليا ورجعت كعدت يم ابوي
