رواية ليتك قدري الأول الفصل الرابع والثلاثون بقلم رفل الكناني
فتحت المقطع وسمعته للاخير عبالك مواغنيه عبالك هوه ديحجي ضحكت اوووووووي وطلع يسمع اغاني ولامبين عليه طفيت الموبايل ولفيت راسي ونمت
للصبح كعدتني امي كالت بارق هنا يله مضل وكت دكطعون مهر كمت لحيلي تمطيت والمرايه كدامي شفت الاثر بركبتي اهووو هاي شلون سالفه لازم تعاي لتنزعين الشال لحد
ميروح منين اجني هذا البارحه مثل القضه المستعجل عاد كمت غسلت وهديل اجتي تستعجلني بدلت عل سريع ورتبت وجهي دالف الشال وكعدو الجهال يممه شيخلصني نور تغمض وتفتح بس يوسف بحلق عيونه ردته بس برجع ينام مرجع بس نور انوب كام عليه ويتنعوص ويجرجر بثوبي لوتي عرفني مبدله اخذته من ايده الهول كلت صباح الخير جان كاعد بارق وحذام جاوب وهوه مندك عود زعلان كتله
ليوسف روح عل بابا رفع راسه باوعلنه وخزرني عزه هذا شبي اني شمسويه عفت يوسف لراح يركض لحضنه ورجعت للغرفه داكمل اجاني اشعار :
ماكو روحه بهذا الثوب
شنووو
مثل مكتلج البسي جبه
باوعت عل روحي والله مبي شي جنت لابسه فستان مال محجبات بيجي حيل مرتب رجع دز رساله
وينج
شكو
ماكلتي صار
هوه شنو الصار الثوب كولشي مبي
ليش تطلعين فيوزاتي تره اخليج تلبسين عبايه والله
لا والله
راح احلف تره
سكتت ادري بي كلشي يسوي هذا مو البارحه نص الليل
كال اجي واجه من لا جاره نزعت الثوب ولبست الجبه وطلعت كالبه خلقتي وهوه يباوعلي صفح انوب يوسف كام يبجي وامي تقشمر بي وهديل شايلته ماكو قفل بيومهه تأكدت بارق شكد يحبه بحيث مطلع من البيت ال سكته شغله التاب وانطاه ألف ويشاور بي راح اخذك هيج وراح اجيبلك هيج والله اني ماطول وياه هلكد خلك وسكت وطلعنه اني وياه وحذام اول مصعدنه السياره فر المرايه
عليه واني صديت بصفحه والطريق كله نظره منطيته
لحد موصلنا المحكمه ودخلنا كلها تعرفه وتسلم عليه أستاذ واستاذ اشوف ليش ميتحاجه بدون مقدمات ولاروحه وجيه دخلنا عل قاضي تسالمو وبارق نطاه أوراق محضرهن دققهن واحنا واكفين وأصدقاء ثنين مبينين هم محامين صارو شهود واخذ القاضي موافقتنه وعقدنه وطلعنه لولتمو عليه كل جماعته وهوه اشر لحذام اسبقوني للسياره وضل يسلم عليهم كعدنه ننتضره وحذام باركلي وشويه صنف عليه
اكولج ليوم راح نبات بالمحكمه اذا راح يسلم عل ذوله
كلهم
اني ادري يمكن صدك
هههههه لو عصام هنا جان كال العصابجي هم عنده أصدقاء
هههه اسكت عزه هسه يجي اني ادري منين عصام طلعله
هذا اللقب
ترين الصدك والله فيت عليه حتى هديل من اريد اضوجهه اكوله روحي لاخوج العصابجي
اسكت اجه اجه
صعد وكال: خوما تأخرت عليكم
لايابه هسة حنه بطاريك
هااا حذام بالخير بلشر
ضحك حذام وكال : لايبه طبعا بالخير
من كال هيج حصرتني الضحكه وهوه عينه عليه بلمرايه من انتبهت كلبت الموجه لحد موصلنا لبيتنه ونزلنا اول مطبينه هديل فشختنه بالجكليت وامي تهلهل وجهالي جيتو بحضني لان عايفتهم وبوسط هاي الهوسه مادري شحسيت واني اباوع عل يوسف ونور ياترى السويته صحيح وإذا كبر و راح يحمدوني لو راح يذموني وعاني بارق وهوه يشمر الجكليته عل وجهي اجتي بخشمي لتفتله بخزره كال
هااا سالمين وين صافنه
وانت شعليك
هااا بدينه تره تونه عقدنه
هميت داكوم كال: تعالي يمي
داروح ابدل
اي هسه دتعاي موداروح
اجيت كعدت كال : مبروك
اشكرك
مواكولج مورمانسيه ومابيج ذره إحساس
تذكرت المقطع الدزه هيج يكول دنكت
هااا عليج تنطبق لو لا
خزرته
ضحك
اكولج اريدج هسه تجين وياي
وين
امي خطيه مو تدرين مريضه لاأيد ولارجل كلت نأخذ
الجهال ونروح تسلمين عليه ونرجع
مستحيل
كلب وجهه وكال: شنو المستحيل
بارق ليكدام اكولك بيتكم مااطبه واني مرتك لو تنطبك
السمه عل كاع وامك بذات ماسامحها للموت
ليش تلوصين
شتريد تحسبها أحسبه امك اني شايفه منها المر ماعندي استعداد اشوف اكثر
وشكو ترجفين كولي ماروح وخلص
صدك اني تنرفزت وحتى دمعت كتله :
لان ماريد الي شفته ويه سلام ينعاد وياك
يأبه اني كتله هيج راسن جرني من شالي حيل جانت بينه مسافه ومن قوه الجره وصلني ل يمه كال :
انعل والديج واحرك اهلج اذا تقارنيني بسلام سمعتي لولا دفعني حيل وكام ديطلع يوسف جلب بنطرونه ويكله
بابا اياك بابا
كله : وخرر انعل ابوي لأبو حتى ابوك
حجاهه وطلع وهف باب الشقه حيل عل الصوت طلعت امي وهديل من المطبخ كالن وينه وليش راح مجاوبت بس العبره خانكتني ويوسف يصرخ عليه دخل حذام من بره جايب غده كال شبي بارق وليش راح مو دنتغده سوه بعد متحملت لان راح انفجر عفتهم ورحت للغرفه اول مطببت نزلن دموعي لحكتني هديل تريد تعرف شصار كتله شغله بينه عافتني وراحت واني طكيت بجي اني مراح اخلص هذا انكس من اخوه اول معقدنه خلى امه بالنص وجماله كل حجايه والثانيه ويغلط وأكثر شي قهرني يوسف من غلط عليه أي هبه هاي بدايتهه وبعد شراح تشوفين كمت بدلت وطلعت سكتت يوسف وغديتهم واني الدنيه طالعه من عيني حتى ام رقيه وايناس بيومهه خابرتني باركولي واني بغير عالم كل مافي بالي انو راح ارجع لنفس العيشه ونفس الطاسه ونفس الحمام لليل واني متزوهره مدري شلون نمت والقهر يكرض بكلبي كعدت عل صوت الموبايل باوعت بارق جنت غاطه بنوم مو بس نايمه باوعت الساعه 2ونص صحصحت نفسي وجاوبت
الوووو
نايمه موو
ممم
طبعا تنامين ولايهمج قابل مشعول الصفحه طلع زعلان وحتى لو زعلان انتي وين تهتمين
اكولك الدنيه نص اليل مخابرني دتعاركني
واكسر راسج هم
هسه شتريد
يوسف نايم
اي طبعا لعد كاعد
ضايج عليه اليوم قهرته
صدك انت ليش تسب أبوه بكبره
بنت القندرررره بنت النعاااااااااال اني على ابووووه ذاك لو
على نفسي يووووووسف محد ابووووووووه غيرررري فتهمتي لووووو لا
يمممممه صوته طرش اذاني وهوه يصيح وبدون شعور
سديته وغلقه عزه بعينه يصركع من طاري سلام هذا شلون بي بس اني أعلمه شنو اهلي مينزلون من حلكه شنو هل تعلوم هذا لازم اوكفه عد حده موكل احجايه والثنيه وسبني اريد ارجع انام ماكدرت طير حتى النومه من عيني
شدعليك عل هل مخباره الكشره شكد مكروه بيومها
للفجر ال غفيت ومرت يومين وتلاثه وهوه لا حس ولا نفس عرفته من النوع اليزعل بس عباله اراضي لو يموت
ورابع يوم العصر خابر عل هديل كلها بدلي ليوسف ونزلي داطلعه وياي من سمعت هيج باوعت من شباك الشقه شفته واكف يم سيارته بدلت اليوسف وامي نزلتا واني رجعت اباوع شفته لااكه وأخذه من امي حضنه وصعده بحضنه وطلع
راحو وماجابه لليل جنه كلنا كاعدين واجوي دخل يوسف وماقبل يطب حذام توسل بي ماقبل ولا شفته
واكف بالباب ويوسف مكيف ويشوفنه شمشتريله جايبلهم مسابح ثنين يوسف سمائي ونور وردي ونجادات وحصروني ال مليتهن مي وكعدو بيهن والمكان ضيك طرفس مي واني لازمه الماسحه وانشف وهمه يسبحون وهديل اصور بيهم
لحد ماتعبو وفرغت المي واخذتهم بدلتلهم ونومتهم وبدلت اني هم لان تنكعت اني وابدل والاشعارات واحد وره الاخ
من كملت رحت على الموبايل لكيتهن من بارق
حيواااانه شنو هيج رافعه ثوبج وهدومج لازكات وكلهن
مي هاي هيج كدام حذام اني اعلمج
يالله هذا ابد موصاحي عل شنو ديحجي وراسلني النوب دازلي صور الجهال من همه بالمسبح واني مبينه بيهن ياااا هاي هديل دازتهن اكيد انعل بليسهه بس شكد مخبل عاف كولشي وركز عليه مسحت الصور وطنشته ولفيت راسي ونمت لثاني يوم الصبح واني داغسل مواعين الريوك ومادري الكلاص مفطور دخلت السفنجه بنصه وفريته وماحس غير ينفتح بنص ويصير نص نابت بيدي ونص وكع بسنك اوووويلي روحي شاغت كمت ا صيح يمممه يمممه خطيه من جتني وشافتني خترعت وبيدهه سحبت الكزازه من ايدي وفاض الدم لاوصله وكفته ولاكطنه ايدي مذبوحه واللحم الأبيض طالع واني كوه متماسكه نفسي لان جهالي خافو
من منضر الدم وعرفت ايدي لازم اخياط مابيه مجال بدلت وهديل دكت عل حذام خطيه هوه بالشغل كتله عوفي شيجيبه اني وامي نروح بس عينج عل جهال كالت لادكيت عل بارق هم ماحجيته حايره بروحي الي دتلوب طلعنا اني وامي واول ماعبرنه الشارع دنصعد تكسي طبكت سياره بارق نزل واشر لبو التكسي توكل وتوجهه عليه سلم ويباوع لايدي الي الخاولي تارسه دم لزمهه وفتح الخاولي شافها راسن
رجع سده كال اصعدو بسرعه صعدنه وكبل للمستشفى وامي تسولفه شلون صار وهوه يباوع عليه بلمرايه ويهز برأسه من وصلنا المستشفى راسن للطوارئ جابو أدوات الاخياط لو تخبلت
طلعوني ماخيطهه عفيه
لاتخافين اني يمج
بارق شوف الأدوات والله اخاف افضحكم والله
بس تعاي داكولج متحسين هسه يبنجوج لاتصيرين جبانا
سحبني عل صدره غطه وجهي بيده ومدلهم ايدي الثانيه ماحسيت بس بجكه البره بعدين صدك اتخدر المكان اريد اوخر ويرجع يسحبني حتى ماشوف لحد مكملو ولفوهه وطلعنا وصلني للبيت والجهال لكيتهم مفرفحين ممتعلمين عل هديل أكثر شي على امي وهيه وياي يعني ثنينه ماكو فمن دخلنا واحد جيت عليه واحد على بارق كعدت شويه وفليت الشال ونور بحضني سوده عليه تناشغ من كد مباجيه عاد كلها بارق
تعاي يمي بابا ماما اديه متعوره
كتله : عوفهه شوف شلون مفرفحين
رجع على يوسف يكوله:
ليش هيج تبجي بابا انت مورجال بعد ماحبك اذا تسوي
هيج ويحجي وياه عبالك واحد جببر وديعلمه بعدين
صد عليه كال : الحمدالله عل سلامه
الله يسلمك
غير ديرين بالج
مادري بي مفطور لو ادري جان ذبيته
يله الحمد الله اني راح اروح
الله وياك رحمه الله والديك ماقصرت
باوع عليه بستفهام وكال: ليش هيج تحاجيني رسمي تحسسيني اني غريب تره اني رجلج وكلتها الج قبل وهسه أعيده بعد لو كافي
دنكت
كام وكف سحب الجهال ديطلع
كتله: وين ماخذهم
راح اشتريلهم حتى ميبجون من اطلع وانتي مريضه
حجاهه وطلع بدون ميباوعلي واني كمت بدلت ومددت والدوخه لازمتني من كد مانزفت وره اشويه اجوي يوسف ونور مشتريلهم كومه حلويات كعدو كدامي واني من
التعب غفيت ما كعدت للعصر بس كعدت ايدي توجعني فدنوب كمت غسلت وتغديت ورجعت لفراشي لليل دك بارق جاوبته : الووووو
هااا شلونج
هلو زينه الحمد الله
ايدج شلونهه
زينه الحمدالله
هبه
مم
اني اسف
عل شنو
عل كولشي
لاهنه هواي عل شنو منهن
هبه اني اعصاب وانتي لسانج فدمره
بارق اعصاب شنو يعني من تعصب يحقلك تسب ابويه
الميت وانت لاتعرفه ولاشايفه يعني رباني وكبرني حتى
تجي أنت على حاضر تسبه
عمي بعد اسب ابويه ولااسب ابوج بس فكيهه
ولاحتى ابوك شنو ذنبهم ناس موته ومخلصانين حتى سلا
اشششش لاتجيبين طاريه
انت شبيك تره ميت والله
شوفي خل اكولج ليكدام المرحوم لاتجيبين طاريه نهائي
حتى متضل حسره بكلبج ويوميه متعاركين عل هذا الموضوع اني اغار ومن تجيبين طاريه أتذكره اتخبل
انت موتذكره انت تذكر اني مرته مو هذا الصح ؟
اسسسسستغفرالله ودكلي ليش تسبني يعني كدامج اني كوا. ....... وتجيببن سيرت رجال غيري عل لسانج
واسكت
لعد محد كلك تاخذني خليها بالك اني في يوم من الايام جنت مرت اخوك وجهالي ابوهم سلام من دكلهم انعل ابوكم لابو انت دتسب سلام لان انت مو ابوهم
ابوهم وغصبن ماعليج اسمعي هبه لو تجرين عدل لو
اطيح حضج بالقران
سكتت
وينج
موجوده
ليش متعرفين تحجين يعني اول ماعقدنه سممتيني وعفتج لادكيتي ولاسلتي وهسه دكيت هم سممتيني شلون وياج
من عقدنه انت البديت دكولي امشي عل امي وامك اني ماطيقهه ولا راح اطيقه بارق ليش تغشم نفسك نسيت شجانت مسويه بيه مونتو شاهدين وموجودين بلبيت
أولا
هذا الشي قبل هسه انتي بذمتي وليرشج بمي ارشه بدم
لو يصير ابن مدري منو مو عاد امي هذاك هوه جان خيخه اني شسويله
الحاصل اني بيتكم ماعيش بي اخاف مخلي هاي الفكره بالك
لعد وين نعيش هوه منو بلبيت اني وامي وخلدون
والله هاي مشكلتك اني كتلك
احجي عدل احنا دنتاقش لاتتأمرين عليه
ممتأمره بس داكولك
اي خلص موفد مشكله ناجر ونكعد وحده
يعني عادي
اي لعد شكو فد معضله قابل
من كال هيج رتاحيت جنت خايفه اخاف انجبر عل عيشه بيتهم بس هسه مي بارد ونزل عل كلبي
اكولج وين دتغطين
وياك موجوده
لعد شنو خرسه من نحجي بالمشاكل لسانج شطوله بس
من تفض تسكتين
هههههه
يمعوده صدك ضحكتي منين طلعت الشمس
منو كلك وياك الجهال سوو لقطه وضحكت
شكد بارده لخاطر الكعبه تدرين من تصيرين بين ايدي واشوف هذا البرود والحمزه اجرم بيج
خجلت عرفت شنو قصده كتله
يله راح اسده ايدي كامت توجعني
راح اجي اشوفج
لا عفيه هم تجي ومن تروح الجهال يضلون يبجون وراك
واني مالي خلكهم
احسن منج غير يحبوني
يله بأي
انهزمي انهزمي يله جايج
سديته وصدك اجه كمت لبست الشال وطلعت كلهم كاعدين سلمت وكعدت وضلينه نتعلل وأول وحده نسحبت امي راحت نامت بعدين حذام وهديل وهنا خلاله الجو كام كعد بصفي نطاني شريط حبوب
هذا شنو
كبسله بلكت تحسين بيه شويه
صدك ضحكني وصديت عل جهه الثانيه
موكلتي ايدي توجعني هذا مسكن
شكرا
ماريد شكرج اريد غير شي
شنو
تقرب حيل لزك بيه سحبني من خصري راسن كلبت وجهي
وخررر الجهال ديباوعون
عوفيهم ميفتهمون
حتى لو ميفتهمون واخرر ليطلع أحد
ماهتم ايده تعصر بخصري باس ركبتي وصعد يم حنجي واني ادفع بي ومدري شصار بيه وبيد وحده ماكدرله حتى نفسي لعبت مدري ليش من يسوي هيج الله يجيب سلام ويخلي كبالي رجله صعدت فوك بطني اني وكاعده صار شبهه فوكايه كمت ارفس وهوه مامهتم خفت ليصير أثر بحنجي كتله
بارق وخررر راح يصير أثر واخرر
بس اسكتي وكافي دفعي بيه ماسوي أثر
الجهال شوف شلون صافنين
بس اصبري مو ابويه شعلتي انعل حضج هيج راحه هم ماريده
حجاه وارح بسرعه للحمام واني كعدت اعدل بنفسي شويه ورجع مغسل
شبيج خبصتيني اشو ماكو احد والجهال ديباعون بلتاب يعني ماتهنه شويه اني صوجي اجيت عبالي ادميه
محاجيته شفته معصب شال السويج والفون وطلع شسويله اوووي لو تخليني اتمادى لو ازعل راح اتخبل شنو هاي نفسك وشكد جريء والله خايفه بكد الدنيه هذا شراح يسوي بيه من نكون وحيدنه بالبيت.. كومت الجهال ونومتهم ونمت
ومرت الايام ايدي صارت زينه وشلت الخياط بس بقى الاثر وبارق هاي الفتره ابتعد حتى من الجهال يمكن سوايتي آخر مره اثرت بي حيل يخابر بس عل جهال اني ابد مدك وجنت مرتاحه احس حتى اصفي بالي وأحاول اتقبله وفعلن بديت افكر بي بس من تجي ذيج الشغله بالي ماكدر اكطع حتى التفكير واهز راسي حيل حتى انسى السالفه
ام رقيه جتني شافتني وعرفت منهه بارق ماجرلي ومثث البيت وبجيتهه الثانيه جابتلي فلوس كالت هاي من بارق جهزي نفسج بيهن وفعلن جهزت من الألف ال الياء وبعد مكملت كولشي خابرني كلي حضري نفسج هذا الاسبوع اجي اخذكم وسمعت من هديل هوه راح يسوي بس حنه اله بلقاعه وهذا الشي من حقه لان هوه ممزوج واكيد بنفسه هيج شي ويعزم جماعته امي حست اني كل هذا الديصير غصبن
ماعليه مارضت عليه كالت هاهيه بعد هاي قسمتج واحسن قسمه والولد ممزوج وشاريج تجهزيله نفسج شنو ذنبه وإذا كنتي ارمله اخوه الفات مات علينه بالجديد تخافين ربج وتنطي حقه لن تتحاسبين
امي علمتي وكنمه اني ممتزوجه قبل هيه تحجي واني مجرد الفكره تخنكني وساكته ومر الاسبوع بلمح البصر واني خلصته نفسيتي صفر امي تنصح ايناس واحلام واني اسمع منا واطلع منا اصلن احسن شي سواه بارق عافني هل فتره يمكن لو متواصل وياي جان خربتهه واجه اليوم الاروح بيه لبيتي الثاني والحياتي الثانيه المادري شضامتلي والكل موجودين اهلي وأهله واني مرتبه نفسي بضغط من البنات بشي بسيط فستان كريمي وشال واجه بارق بلقاط الكحلي لكاعد قالب عليه اخذني وطلعنا جهالي نضمو حتى ميبجون واني طلعت من البيت واحس روحي طلعت.
