رواية ثأر الشيخ مهران الفصل السادس والثلاثون بقلم حوراء
إذا خسرنا الحرب لا غرابة .. لأننا ندخلها بكل ما يمتلك الشرقي من مواهب الخطابة.
نزار قباني
__________________
مرح:- من بعد ما عرفت شنو معنى العلاقه الزوجيه خفت منها نزلنه ناكل سوه إني وايليا خلصنه اكل وسوينه المطبخ ورجعنه كعدنه يم الحجيه نسولف وياها
الحجيه ترفه:- شلون حملج يمه تعبانه منه؟
ايليا:-ضهري مرات يضل يوجعني بس شويه ويروح يعني مو شي مهم
الحجيه ترفه:-الحمدلله يمه انتي صارلج شكد من دخلتي بالشهر الثالث؟
ايليا:-صارلي 15 يوم حجيه
الحجيه ترفه:-بالشهر الرابع نكدر نعرف الي ابطنج بنوته لو وليد
ايليا:-مااريد اروح للدكتورة ولا اريد اعرف جنسه اصلا
الحجيه ترفه:-منو كال اخذج للدكتورة هنا اني اكدر اعرف اذا انتي حامل بوليد لو بنوته
ايليا:-شلون حجيه؟
الحجيه ترفه:-من ادخلين بشهرج الرابع اكلج لاتستعجلين ع رزقج
ايليا:-تمام حجيه
رياحين:-بودي يصير عندج بنوته حلوة هيج تشبهج نفس عيونج وخشمج كلش حلوات
ايليا:- وين عيوني احسهن صغار وخشمي هم عادي
رياحين:-انجبي لج اصلا عيونج يخبلن بس لان انتي متعودة عليهن تحسينهن عاديات بس الي يشوفهن كلش ينعجب بيهن
مرح:-قصدج يوكعن اكبر راس ههههههه
رياحين:-ههههه عفيه عليج بس انتي تفهميني وبعدين ماشفتيهم شلون وكعو شيخ عشيرتنا وخلته مايندل دربه
مرح:- اكيدد اصلا من تباوعين عليه تشوفيه شلون ميت بيها
ايليا:-مرح الفاهية وين تسولفين شو اني مااشوف هيج شي
مرح:-حقج متشوفين غير شامرته بقائمه المحظورات وماتباوعين بوجهة
ايليا:-يستاهل اصلا قليل عليه
الحجيه ترفه:- من شفتج اول مره كلت هي هاي الي راح تضمد جروح الشيخ وشفت هذا الشي بأيام خطوبتكم رجع ابني يضحك ويسولف ويشاقه والابتسامه متروح من وجه ابدد لو جنت اعرف ولو بربع الي راد يسويه جان لكيتيني اني اول وحده واكفه ضده علمودج وعلموده لان اثنينكم ماتستاهلون الي صار وياكم اثنينكم جنتو ضحيه لمشاكل الماضي
ايليا:-الماضي الكل نساه وعاش حياته طبيعي الا ابنج ضل شايله براسه ماارتاح اله دمر حياتي وحطمني
الحجيه ترفه:-مااكول بس الله يصلح حالكم يمه
ايليا:-الله يصلح حال ابنج
الحجيه ترفه:-الله يسمع منج يمه
مرح:-اكول هو الشيخ وين طلع؟ وادم ماموجود ومهيمن هم
رياحين:-فهد هم مختفي ماكو
الحجيه ترفه:-شتردن منهم انتن
مرح:-نريد نطلع اختنكنا صارلنا فوك الشهرين ماطالعين
رياحين:-اي وعلي انريد واحد منهم يطلعنه اكلج خلي يرجع نزار ونطلع وياه لان بس هو الطلعه وياه تونس البقيه يكضوها اش واش سكتن
ايليا:-ترة نزار هم مثلهم
رياحين:-لاا ابدد نزار يختلف من تطلعين تنسين روحج شكد ماطلعه وياه تونس ركص واغاني وضحك اروح اخابر عليه حته اذا قبل اسأله هو وين حته نحضر نفسنه
ايليا:-تمام حبيبتي
راحت رياحين تخابر ع نزار واحنه ضلينه كاعدين منتظرينها رجعت تهز ركبه وتصفگ
رياحين:-قبلل قببل وعلي يلا ولجن كومن حضرن نفسجن راح يجي قريب علينه يلاا
ايليا:-تمام كايمه
مرح:-الله السالفه صارت صدك اكوم ابدل واجي بسرعه خوش
رياحين:-ترحين لبيتكم؟؟
مرح:-اي ابدل وارجع بسرعه
رياحين:-يمعوده وين ترحين والبيت فارغ تعاي اخذي مني لبسه ورهمي وياها شال وفضت راحت
مرح:-هم صدكك يلا كومي بسرعه
رياحين:-يلا تعاي
صعدت اني ومرح وانطيتها لبس مني بنطلون جينز وهودي نيلي وحجاب نيلي والحذاء مالتها سودة هي والجنطه اني لبست فستان بينصل تسعيني لونه بني وعليه بشت بيجي ورهمت وياه شال بيجي وحذاء وجنطه لون بني هم بالنسبه للمكياج خلينه خفيف مجرد مسكارا وحمر اني اختاريتها بنيه وهيه اختارت وحده ورديه اقرب للون الشفه الطبيعي وبس
مرح:-هااا شنو رأيج؟
رياحين:-تخبلين حياتي والله
مرح:-حبيبتي عيونج الحلوه وانتي هم ممقصرة طالعه كلش حلوة
رياحين بغرور:-اكيد حبيبتي اني ع طبيعتي اخبل شحال لو حطيت مكياج غير اصير شگاگيه
مرح:-ههههه يلا لج انزلينه خلينه نشوف ايلي خلصت لو لا
رياحين:-يلاا بس لحظه
مرح:-شكوو
رياحين:-نسينه العطر تعالي ارشلج منه هذا جديد
مرح:-يلا رشيلي بلا
رياحين:-هاا عجبج؟
مرح:-اي ريحته كلش حلوة
رياحين:-يلا اطلعي من غرفتي گشرتيني تگشر
مرح:-ههههه شنو يعني اني مااستاهل؟
رياحين:-شوف ام السان شلون تسكتني لا عمي تستاهلين
نزلنه اني وياها لكينه نزار كاعد بالمطبخ وهاجم ع الكب كيك الي سوته نارة قبل لانروح لبيت خالتي
رياحين:-غاب القط العب يافار والله لو تشوفك تموتك خلصيتهم كلهم شبيك ماشايف
نزار:-اولآ تسكتين لو الغي الطلعه؟
رياحين:-لاا لاا سكتت مااحجي بعد كمل اكلك حبيبي الف عافيه
نزار:-لاتصبغين الي وبعدين بعدني ممكمل حجي ثاني شي والي هو الاهم اني مااخاف من نارة وماكلت بس سته وهاي السابعه بيدي
رياحين:-عزززةةة بعيننك خلصتهم كلهم واني اريد منهم شكد خبيث وبعدين انته صح ماتخاف من نارة تخاف من زوج نارة لا يطيح حظك
نزار:- حته هو مموجود يعني اكل براحتي ومحد يكلي اكل بس اثنين وخلي الباقي لاخوانك
يحجي ويقلد ع ادم
رياحين:-هسة عوفك من هذا الحجي اصعد بدل حته نطلع يلا حباب
نزار:-بس اغير القميص وامشط شعري واجي
رياحين:-استعجل عليك الله
نزار:-تمام
ايليا:-صعدت بدلت لبست فستان كلوشه لونه ازرگ ورهمت وياه شال وحذاء وجنطه بالون الاسود ردت اطلع من الغرفه بس دك موبايلي شلته ولكيتها انفال
ايليا:-شعجب مذكرتني اليوم ها ولج
انفال:-انتي بالكلب حبيبتي بس مسحوله بالدراسه شلونج شخبارج حبيبتي
ايليا:-زينه الحمدلله وانتي
انفال:-زينه يلا اعترفي شسويتي من غبت عنج
ايليا:- كاضيتها سوالف وضحك ويه مرح ههه
انفال:-شنو هاي الخيانه طاح حظج حيوانه شلون تبيعيني هااا
ايليا:-وعلي مرح سوالفها يخبلن تخليج غصب عنج تحبيها واني گلبي رقيق بسرعه حبيتها وهسة احنه راح نطلع ويه نزارو
انفال:-ويه نزار كلتيلي
ايليا:-اي ويه الحب مالتج ترديني اصورة الج شنو لابس؟
انفال:-شنو حب شبيج انتي اصلا مابيناتنا شي واذا تردين تصورين عادي مو مشكله صوري ماراح يأثر
ايليا:-اوكك
طلعت من الغرفه واني احجي وياها شفته يريد ينزل صحت عليه يوكف
ايليا:-نزاررر اوكف
رفع اديه وكال بتبرير
:-وداعت مهيمن اني معليه هي رياحين كالت اكل من الكب كيك اني معليه
ايليا:-هههههه اثبت اريد اصورك
نزل اديه ويرتب بشعره وملابسه
نزار:-خويه اني انسان مرتبط لاتنشرين صوري حبيبتي تغار عليه
يحجي ومندفع واني بعدني فاتحه الخط ويه انفال الي بس سمعت هذا الكلام صاحت بأذني
انفال:-الجذابب الخاينن ابوو البناتت انطيني ياه اطيح حظه لهلحيوان
ايليا:-فطستت من الضحكك عليها انطيته الموبايل وكتله
:-تفضل عيني حبيبتك ع الخط هههههه
نزار:-جذابه انفال سمعتني شنو حجيت؟
هزيت راسي بأيجاب واني ميته من الضحك ع تعابير وجهة اخذ الموبايل مني وحجه وياها
نزار:-اهلاا وسهلاا بحبييتي الي مااحجي وياها منتظر اخطبها رسمي يلاا
انفال:-مطيه بنت مطي الي توافق عليك الجذاب ابو البنات الخاين منو هاي حبيبتك الي تغار عليكك هااا
نزار:-انتي
انفال:-شنو
نزار:-ههههههههه اخ يمه فحطتت يعني هسة انتي غرتي عليه عبالج احجي ويه البنات لا والله وداعت عيونج الي تيهني من شفتج لحد هسة ماحاجي ويه بنات غير نسوان اخوتي
انفال:- وليش اغار عليك اصلا اني عبالي صدك عندك حبيبه حته اخلص منك
نزار:-متخلصين مني وربج هسه حبيبتي اني لازم اسد الخط لان اريد اطلع نسوان اخوتي واختي هم اونسهن بايي
انفال:-الله وياك
سديته وانطيته لأيليا وحجيت بفرحه
نزار:-تغار عليه شنو معناتها؟
ايليا:-شنو؟
نزار:-يعني بدت تحبني يالله ماضل شي واخطبهاا بعلي انتي وجهج خير عليه لو ماانتي جان ماعرفتها لام عيون چتاله
ايليا:-ههههه اوكف هسة خليني اخذلك صورة وادزها لحبيبتك الي ع اساس مامهتمه بيك
نزار:-يلا يلا
وكف عدل وصورته صورتين ودزيتهن الها بسرعه شافتهن ونوب دزت صوتيه وهو بعده واكف باوع عليه وكال بتوسل
نزار:-عليج الله افتحيها اريد اشوفها بلا عجبتها لو لا؟
ايليا:-فتحت الصوتيه جان ننفضح من ورة صوتها
انفال:-شكووو هيجج لاابسس ومعدلل روحه هاا يعني تردين تقنعيني رايح يونسكم وهو لابس هيج بلا زحمه من يروح يخطب شنو يلبس هاا
شفت الابتسامه ع وجه نزار سديت الموبايل وحجيت بجديه
ايليا:-تحبها لو راح ادك بيها الناقصه وتخليها تتعلق بيك ونوب تعوفها مثل اخوك؟
نزار:-لاتخلطين بيني وبينه صح احنه اخوان بس ماعدنه نفس القوة الي سواه مهران بيج يحتاج قوة وگلب ميت وهذني اثنينهن ماموجودات عندي لو صدك اريد اسوي بيها هيج ماجان وعدتها بالخطوبه واهلي وكل ناسي وصحباني يعرفون خطبتي ورة التخرج وهاج شوفي هذا الكروب مال القسم مالتي بدو من هسة يحظرون للخطبه مالتي يردون يسونها هنا بالشارع وقسمو الشغل عليهم عايفين تحضير لحفله التخرج وحايرين بيه وبخطبتي
ايليا:-ماضل شي لتخرجك ونشوف شنو تاليتها وياكم ياولد الشيخ
نزل قبلي وهو يضحك
نزار:-كل خير خويه كل خير
نزلت وراه نص ساعه واحنه بس نقنع بخاله حته تجي ويانه قافله متقبل تطلع اخر شي طلعنه بدونها رياحين كعدت بالصدر واني ومرح ليورة مشه وطلع من الفرع مالتنا وشغل موبايله
نزار:- اي عيني شنو تسمعون؟
رياحين:- راح اسجل روحي بأسمك
نزار:-اول مرة تختارين اغنيه براسها خير
شغل الاغنيه وهو ورياحين بقو يغنون وياه اصواتهم كلش حلوه
نزار:-راح اسجل روحي بأسمك
رياحين:- حتى اضل كل عمري يمك
نزار:- انت بس خليك يمي
خلي انسى وياك همي
رياحين:-انا حاير وين اضمك!
راح اسجل روحي بإسمك
حتى اضل كل عمري يمك
ربطت وياهم مرح وانصدمت بصوتها فتحت موبايلي وصورتهم
مرح:-عيني انت وروحي انت ودمي دمك
اتمنى تدري انت عمري وحلمي حلمك!
خلصت الاغنيه وهم كل واحد يغني مقطع سديت التصوير وصفگت الهم
ايليا:-يابه شنو هاي الاصوات والله عدكم امكانيه حلوة
رياحين:-تدرين اذا مهران غنه راح يكسر علينه كلنا
ايليا:-ليش هو هم يغني
رياحين:-نزار عندك الفيديو الي يغني بيه لسعد الحلي سلامات
نزار:-اي موجود محتفظ بيه لان الاخ بالسنه حسنه يغني مرة
رياحين:-انطيني الموبايل مالتك خليني اطلعه الها
ايليا:- طلعت رياحين الفيديو واني اخذته وميته من الفضول اريد اسمع صوته فتحت الفيديو وريتني مافاتحته جان كاعد بالبر وصايرين دائرة هو ومهيمن ويمه ادم وفهد خلص الفيديو وعدته مرة ثانيه بس حته اتأكد اذا صدك هذا صوته لان مستحيل اكو هيج صوت صدگ كسر عليهم
رياحين:- هاا عجبج صوته
ايليا:-حلو مابيه شي، ظليت امطمط وياها حته لاتاخذ مني الموبايل لان اريد ارسله الي بس هي افتهمت بشنو اني افكر
رياحين:-انطيني الموبايل خليني ارسله الي كلش احبه لهذا الفيديو
ايليا:-انطيته الها ورسلته الها ورجعت الموبايل لمكانه
الطريق كله اغاني وضحك وسوالف نزار وتحشيشه غيرتلي جو ضلينه نفتر خمس ساعات ماخلينه مطعم ولا كوفي ولا مول اذا مادخلناه رجعنه الساعه 10 ضبط بس المفاجأة الكبرى النه لكينه فهد ومهيمن ومهران واكفين يم الباب ينتظرونه
نزار:-خربب يومك الي ابالي شوفي شكد داكين عليه
رياحين:-عزة وعلي اني هم داك عليه فهد 60 ومهران80 مرة
نزار:-اني حاطه صامت وعايفه بالسيارة انتن شمالجن
رياحين:-اني حاطته صامت وبالجنطه
ايليا:-اني هم
مرح:-واني هم
نزار:- لاهاهية ربحنه ونوب حته مااكدر افر السيارة واشرد بروحي العزيزة الله يهلكجن راح اموت حته قبل لااتزوج من هسة اكول الجن كتله سعيدة بنات
صف السيارة يم الباب مال البيت ومهران هو الي فتح الباب باوع على ساعته ونوب باوع علينه وكال
الشيخ مهران:-وين جنتو
نزار بتبرير:-باع خويه البنات جانن ضايجات واني اخذتهن اونسهن شويه ماصار شي
الشيخ مهران بغضب مكتوم:-نزار بعد اخوك الساعه شكد هسة
نزار:-ب 10:30 وتعال وبص هههه
حجه هيج نزار حته يخفف شويه من الصخونه الجو
الشيخ مهران:-اذا مااطيح حظك مايطلع اسمي مهران
نزار:- لا بداعت ابنك لا
الشيخ مهران:-شعدجن كاعدات انتن هاا ماتنزلنن
نزلنه كلنه فرد مرة وطبينه للبيت وعفنه نزار بوحده يواجهم كلهم
رياحين:-بعلي هسة يجي مهران يغسلنه غسل
مرح:-مامسوين شي احنه
رياحين:-انتي اسكتي وعلي احس مهيمن راح يخنگج اليوم ديري بالج ترحين وياه هاي كلتها الج بعد
مرح:-انجبي رياحين لاتخوفيني عفيه
رياحين:- مااخوفج بس اكلج الحقيقه يابعد كلبي بس ايليا مسيطرة ماخايفه شوفيها
ايليا تتصنع القوه:-يابه مايسون شي كافي لاتخوفيها للابنيه
جاي نسولف ودخل نزار
نزار:-زوج الي يطلعجن بعد هدو عليه عبالك مدري وين ماخذهن الحمدلله ناس عايشين بالعصر الحجري
عافنه وصعد وهو يدردم عليهم دخل فهد وكال
فهد:-خويه مرح تعال مهيمن يريدج يكول خلينه نرجع للبيت
مرح بخوف:-مااروح والله
فهد:-ليش خويه
مرح:-رياحين كالت مهيمن راح يخنگني
فهد:-خويه معليج برياحين هاي فاصله من الرئيسي يلا تعاي مايسويلج شي اني وياج
مرح:- تمام باي بنات
رياحين وايليا:-باي حبيبتي
راحت مرح واحنه ضلينه كاعدات وحده مكابله الثانيه
ايليا:-دزيلي الفيد مال سعد الحلي
رياحين:-دزيلي الفيديوهات والصور الي اخذناهم اريد انشر ستوريات
ايليا:-من استلم الفيديو مال سعد الحلي ادزلج الي ترديهم
رياحين:-هاي دزيته شبيج
ايليا:-وهسة اني ادزلج الي ترديهم
بعدني ارسللها بالصور ودخل علينه مهران وصاح بينه
الشيخ مهران:-شتسون هنا ماترحن اتنامن هاا
رياحين:-حبيبي بس اريد الصور من ايلي ترسلهم واصعد
الشيخ مهران:-واذا انتي بغرفتج مايوصللج الصور موو
رياحين:- هاا لاا مو شسمه يوصلن
الشيخ مهران:- رياحين اصعدي من كدامي وباجر حسابج ع الطلعه بدون ماتاخذين اذني
رياحين:-ماما تعرف ترة
الشيخ مهران:-واني شنو هنا حايط نصيص هاا
رياحين:-لا مو هيج بس
الشيخ مهران:-رياحينن فوككك بسرعهه
رياحين:-حاظر
صعدت رياحين وضلينه بس اني وياه واني من الخوف لزكت ع القنفه وماكدرت اكوم بعد صاح بيه
الشيخ مهران:-وانتي مدام شوكت تصعدين ههاا
كمت وحجيت بتوتر
ايليا:-كمتت ميحتاج تصيح اربع وعشرين ساعه صوت يلعلع عفيه زلمه لاتتمرض لايصير بيك ضغط كلشي ماكو اصحى من ابوي
الشيخ مهران:- ايلياااااا
هو صرخ واني سويت الدرج شبختين مدري شلون صعدت بس من الخوف صارت عندي قوة خارقه ههه دخلت للغرفه واخذت ملابس مريحه ابدل بيها قبل لاادخل للحمام هو صار بالغرفه
الشيخ مهران:-تعايي احجيي وياجج
جتفت اديه لصدري وكلت
ايليا:-خير شتريدد
الشيخ مهران:- شلون اطلعين بدون لاتنطيني خبر هاا يعني حلو منج ارجع للبيت واسأل امي وين مرتي تكلي طالعه ويه اخوك تتونس هي والبنات واني ماالي علم هاا
ايليا بتبرير:-لاا اكيد مو حلوة بس والله راحت من بالي وبعدين ماصار شي ترة اني طالعه ويه اخوك واختك مو غربه
الشيخ مهران:- بس هذا الي بعدج ممسويته
ايليا:-لا لاتخاف مااسوي هيج اصلا اني اخاف اصعد ويه ناس غربه
الشيخ مهران بتعب:- تعالي هنا
اشر ع الجربايه رحت كعدت يمه ع الجربايه سحبني من ايدي وكعدني ع رجله وحضني
الشيخ مهران:-تدعين عليه بالمرض ايلي
ايليا:-مادعيت عليك بس حجيت الي اشوفه ماشاءالله عليك مايوم تمرضت او شكيت من شي
الشيخ مهران:-ليش انتي تعرفين شنو بكلبي حته هيج تحجين؟
ايليا:-مااعرف ولا اريد اعرف
الشيخ مهران:-من جنت اخطط اخذ انتقامي جنت اكول كلها ايام ويتضمدن جروحي ماجنت ادري ورة الي راح اسويه راح اسبب لروحي جروح جديدة واقوى من الي قبلهن
ايليا:-وخر مهران اريد ابدل تعبت اريد انام
كلت هيج شالني ونومني ع الجربايه ونام يمي ووطوق اديه ع خصري
ايليا:- مهران وخر حباب
الشيخ مهران:-اشش خلينه ننام اكيد تعبتي من الفرة مو
هزيت راسي بأيجاب مسح ع شعري بحنيه وكال
الشيخ مهران:-يلاا بويه نامي وارتاحي باجر ورانه طريق
ايليا:-وين نروح
الشيخ مهران:-لبيت اهل نارة
ايليا:-ليش هم بغير محافظه؟
الشيخ مهران:- لاا موجودين بنفس المحافظه بس الطريق طويل لان المنطقه بعيدة
ايليا:-تمام يلا وخر باع اذا متوخر اعضك
الشيخ مهران:-عضيني اصلا مفتقد عضاتج هاي الايام
ايليا:-هففف شلون سالفه هاي
غفيت بحضنه وكعدت ثاني يوم ب 9 بدلت ورحنه لبيت نارة وراضيناهة هي وادم ورجعنه للبيت وهي ضلت يم ابوها
________________
مهيمن:-سديت الخط من مرح وضليت كاعد يم كبرها للغاليه 3 ساعات وصار كدامي مهران
الشيخ مهران:- هاا اليوم مشتاگ للعزيزة
مهيمن:- ليش اني يايوم مامشتاگ الها
الشيخ مهران:-حقك خويه بس ربك اليوم اخذ بحوبتها وحوبتك انته واخوك
مهيمن:- تدري ميهمني كل الي جان يهمني صار جوة الگاع ليش الي سواه اليوم ابوي رجعلي امي لاا چا مايهمني
الشيخ مهران:-صح بس ع الاقل طلعت الحقيقه بعد سنين ورجعلكم ابوكم
مهيمن:-هههههه صدك ضحكتني لك شبيك هذا لو مدري ياهو يجي مايكدر يصير النه ابوي اهم شي عنده حياته وشوف باجر عكبه يلكاله وحده ويجيبها هم
الشيخ مهران:-والله هذا ابوك ماينعرف شنو براسه كله مفاجأت
مهيمن:-هههه عماد سبرايز
الشيخ مهران:-ههههههههه اي بعلي
مهيمن:-كوم ندخل للامير نرتاح يمه شويه
الشيخ مهران:-يلاا كوم
مهيمن:-دخلنه للامير علي زرنه وصلينه ودعيت الله يحفظلي اخوي وولد عمي عزوتي بهاي الدنيه صفنت وهي اجت ابالي اجت ضحتها وعيونها الحلوة دعيتلها هم وطلعنه مهران ماجاي بسيارته رجعنه بسيارتي وهو يسوق واني ضاربلي صفنه وافكر بيها مااعرف ليش هاي الايام كل تفكيري بيها
الشيخ مهران:- وين صافن الحلو؟
مهيمن:-وياك خويه ماصافن
الشيخ مهران:-مبين كلشش ماصافن البارحه واحد من الولد الي وياك خابر عليه لان مامحصلك
مهيمن:-منو
الشيخ مهران:-خالدد
مهيمن:-اهوو ع نفس السالفه مو؟
الشيخ مهران:-ايي نفسها يكول خليه يرجع ويصير شريك وياي بنسبه 50 بالميه
مهيمن:-يحلم احط ايدي بيده وبعد من يخابرك ارفضه وخليه يولي
الشيخ مهران:-شايف لو انته قابل تصير وياه اله اطيح حظك
مهيمن:-لا يابه شنو شايفني خبل اتعامل ويه واحد يشتغل بالربا غير يطيح حظي
الشيخ مهران:-عفيه عليك حبيبي
وصلنه للبيت ودخلنه البيت جان فارغ محد بيه بس الحجيه كاعدة بالصاله
مهيمن:-السلام عليكم حجيه
الحجيه ترفه:-وعليكم السلام يمه هلا بيكم
الشيخ مهران:-وبيج اكثر يمه شنو وين الجماعه
الحجيه ترفه:-كلهن طلعن ويه نزار يفترون ويتونسون
الشيخ مهران:-خوش حجي
مهيمن:-ومرح وياهم هم؟
الحجيه ترفه:-اي يمه هي هم راحت وياهم
مهيمن:-خوش، كمت اتصلت عليها مرة ماردت ضليت ادك فوك الساعه وهي مترد تحلفت بيها بس تجي اطيح حظها واعلمها شلون تتجاهل اتصالاتي ضليت واكف برة واجاني فهد
فهد:-شلونكك ابو الهمم
مهيمن:- ماكل خ****
فهد:-حشاك حبيبي خير شصاير؟
مهيمن:-ماصاير شي
فهد:-ليش واكف هنا
مهيمن:- منتظرهم
فهد:-منتظر منو؟
مهيمن:-الكل طالعين وصارلي ساعه ادك ع نزار ميرد ومرح هم مترد
فهد:- اهاا اتصل ع رياحين يجوز ترد
مهيمن:-اتصل يابه اتصل
فهد:-اتصلت عليها وهي هم مترد حاولت اكثر من مرة وماكو مترد
مهيمن:-مترد موو
فهد:-اي مترد
مهيمن:-اكييدد ماتردد اذا طالعه ويه نزار الي يعلي الصوت ع مليون وين الواحد يسمع دكه موبايله
فهد:- صحيح بس خليني احاول مرة ثانيه يجوز ترد
ضليت احاول ساعتين كاملات وماكو مترد للساعه 10 صفت سيارة نزار واستلمه الشيخ ومرح ومهيمن راحو للبيت واني خابرت ادم ورحت اله للگهوة لان الاخ مدري شبيه
مهيمن:-تعالي فوتي
دخلت للبيت وهي تمشي وراي ومدنگه راسها صعدت فوك وهي تأخرت يلا صعدت
مهيمن:-شلون تطلعين بدون لا تنطيني خبرر هاا
مرح:- مو شسمه والله مااعرف
حجيت هيج وبجيت وهو من شافني ابجي مسح ع وجه بعصبيه وحجه بصوت شويه انصى من قبل شويه
مهيمن:-ليشش تتجاهلين اتصالاتي هاا
مرح:-مامتجاهلتهن والله بس جان الموبايل صامت وحاطته بالجنطه والله
مهيمن:-مرة ثانيه يا مرح اذا طلعتي بدون علمي حظج اطيحه مفهوم والتلفون لاتخليه صامتت يحتاجح اعيدد كلامي
مرح:-هزيت راسي بلاا
عافني وراح للحمام يسبح رحت للكنتور وطلعتله ملابسه واخذتلي تراك احمر بدلت بسرعه قبل لايطلع ويشوفني اخذت ملابس الطلعه وحطيتهم بالغساله ونزلن للمطبخ سويت بيض وطماطه وخدرت الچاي وفتحت الثلاجه لكيت بيها اجبان وزيتون وزعتهم بمواعين ورتبت بالصينيه وصعدتهم اله شفت ينشف بشعره حطيت الصينيه كدامه وكلت
مرح:-اكل هسة راح اجيبلك الجاي واجي مااتأخر ونزلت اركض حطيت الجاي بصينيه صغيرة وحطيت وياها استكانات وصعدتهم لكيته كاعد ياكل بالبيض صبيتله الجاي وانطيته اله
مهيمن:-تعاي اكلي وياي
مرح:-باع اني والله اسفه مو قصدي اتجاهلك بس ماجنت منتبه والله
مهيمن:-عادي ماصار شي بس هاي اخر مرة يصير هذا الموضوع وبعد مااريد يتكرر مفهوم
مرح:-هزيت راسي بأيجاب و كمت بحماس وبسته من خده
:-شكرا الك لان متعاملني بقسوة ولا تضربني
عاف الصمونه من ايده وبلع ريكه وكال
مهيمن:-ليش اعاملج بقسوة انتي صغيرة وشي اكيد الصغير يغلط ولازم احنه الاكبر منه نصححله الغلط ونعلمه ع الصح واني اعتذر منج لان عليت صوتي عليج بس صدكي من دون قصدي صار هذا الشي وان شاءلله ميتكرر متفقين
مرح بحماس:-متفقين
_______________
نارة:- كملت الغده مال بابا وصبيته بمواعين ورتبيتهم بالصينيه واخذته اله للاستقبال حطيته يم راسه ورحت من الجهة الثانيه اكعد بيه
نارة:-بابا حبيبي كوم كملت الغده مالتك يلاا
اكعد بيه مايكعد احرك بيده وبراسه ميرد عليه لزمته من منطقه النبض مالكيت عنده نبض صحت باعلى صوت عندي
نارة:-باباااااااا حبيبيييي لاتترررروححح وتتعوفنييي حباببببب محمودددد تعالللل شوف ابوييي مايكعدد وياي تعال انته كعده يجوز زعلانن مني
دخل محمود ع صياحي هو ومرت ابوي حاول وياه وهم مايكعد كعد محمود يم راسه يبجي ومرت ابوي تلطم وتزلغ بروحهاا اني كمت اصيح بيهم
نارة:-كوممم محمود لاتبجي ابونه مابيه شيي انتيي كافيي لاتلطمين
سحبني محمود لحظنه ونطق ابشع كلمتين سمعتهم بحياتي
محمود:-ماتت ابونهه نارةة
انهاريت من البجي ماصدكتت اليي سمعته لحد ماغيت عن الوعي وماكمت احس بلي يمي
