رواية ليتك قدري الأول الفصل السادس والثلاثون بقلم رفل الكناني
اول ما كعد باوع عليه راسن دفعني اجيت اوكع من الجربايه صاح
انتي ششششجابج يممممي
ندار سحب ملابسه لبسهن والجهال صافنين وهوه ماسكت
حقيرررره عبالج بعد اكلبج نايمه يمي عبالج تغريني اليوم انعل سلفه سلفاج
طلع الجهال وسد الباب ورجع عليه لزمني من شعري اني وكاعده بمكاني ويهز بيه
اني بعد ماريدج لعبت نفسي منج شنو هاي الصلافه شلون هيج نايمه يمي هااااااا شلون
اهنا بعد ماكدرت وكل طاقه تحمل ماعندي دفعت ايده حيل وصحت
حسسسسبي الله ونعم الووووكيل عليك انت واحد مريض نفسي روح تعالج حررررام عليك صار ليلتين كرهتني حتى بنفسي وتسئل شجابني يمك جابني حضضضضضي المصخم الجابك عليه شارب بنص اليل ياحضرت المحامي المحترم يامجرم شوف ثوبي شلون شكيته انت ابد مو صاحي لو صاحي متشد ايدي شوف جسمي شسويت بي اااااااني
لو بنت ليل جان مسويت بيهه هيج
اششششش لادكولين هيج راح اجرم بيج
ليششش السويته شنو مو جرام شتسميه كولي غلطت صحيح وحقي شريفه ومحد لازمني غير اخوك ليش تريدني من اول مره اخذك بلاحضان انت نفسيتك صفر وشهوتك أقوى منك اني شنو ذنبي ردتك بس تعوفني وترجيتك وتوسلتك وكتلك ممستعده بس أنت وين اهم شي نفسك حراااااام عليك حرررام
جان واكف مندهش متخوصر بيد والايد الثانيه ساحب شعره ليوره وعيونه بلكاع
بجيت بقهر وكتله :
جبرتني وعقدت عليه بدون علم أحد وهددتني بجهالي وستسلمتلك ورضيت بيك غصبن ماعليه وكلت راح
يصير لهم اب شلون انطاك كلبك تشرب لو شايف يوسف منظرك البارحه جان شكتله موعلساس انت ابوه والابو قدوه ضربتني وسبيتني ونمت وياي بأبشع الطرق وكلبك مابرد وهسه جاي دكلي شجابج يمي وتريد تعيد اجرامك بيه
جنت احجي وابجي والجهال بره كلبو الدنيه وبارق من شكله عرفته ناسي ليلة البارحه والسواه بس ميقنعني لو يحلف
على مصحف يعني كل السواه ناسي وكلمه حجيته كلب عليه حياتي صار يومين لفيت نفسي وكمت توجهت للكنتور طلعت دشداشه لبسته وهوه كعد عل جربايه وايده عل راسه
فتحت الباب وطلعت لميت جهالي الحضني ورحت غسلتلهم وغسلت خطيه يباوعولي خايفين كعدتهم بلهول جبتلهم التاب ونطيتهما واسمع صوته دخل الحمام يسبح رحت لميت الغرفه ورجعت سويت جاي داريك الجهال واحمس بنفسي بس داكابر شويه وطلع من الحمام اجه للمطبخ واني كاعده وارسي عل ميز جنت مغمضه وأفكر بضيمي كال
هبه اني البارحه شارب ومادري بنفسي وله اني حالف بعد مالمسج
رفعت راسي باوعتله وصديت بصفحه ودموعي نزلن
لاتبحين خلص بعد مالي شغله بيج هاهيه من اليوم راح نعيش بهذا البيت علمود الجهال وانتي مالج علاقه بيه اني اشرب ماشرب عليج بجهالج وبس اني ماشرب بس من
اكون ضايج فنتي تجنبيني وكل الصار انسي اني غلطان يمكن بالغت بحبي الج بس اني مسيطرت عل نفسي وياج واتكدي انتي اول مره اني لازمها وحتى الشرب اني ماشرب بس من خطبتج اول مره ورفضتني كمت من يومها اشرب ومن اليوم بعد عرفت حدودي وياج
حجاهه وطلع كلت بعد احسن طلعت منك مو مني لان اني لعبت نفسي منك لا ويعترف هوه يشرب اوووف عل حظج يهبه منين ماصدين سوده مضحكة
عاد كمت ريكت الجهال وسبحتهم بس ماعندي ملابس الهم هنه رجعت نفس ملابسهم وخابرت عل امي سلمت عليه وطمنته عليه خطيه اكيد بالها يمي بس ماحجتله غير زينه والحمدالله وصيته تدزلي ملابس الجهال كالت حذام مموجود من يجي ادزهن
كعدت الجهال عل التلفزيون ودخلت سبحت وطلعت لكيت مسواك كامل بلمطبخ رتبت كولشي بمكانه ورحت للغرفه لكيت بارق مدد والفون بيده من شافني ذبه ونام عل صفحه الثانيه اني هم مشطت ورطبت وجهي واديه وطلعت كعدت يم الجهال شويه لعبتهم صار كم يوم مبتعده عنهم وراها كمت سويت الغداء بس متغدينه لان متريكن متأخر ومن الضوجه والملل الجهال غفو بالهول شلتهم كلمن بسريه واني رحت لغرفه بارق عل نومته مددت عل طارف السرير وبسرعه نمت وهيه نومه لل4 العصر ال كعدت رحت حميت الاكل وكعدت الجهال لان ليوم شينيمهم بليل داصب كعد بارق حسبت حسابه ويانه وسويت الصينه وجبته هوه جان ديغسل واني كعدت اوكل بس نور يوسف عنادي لازم هو يخيط ويخربط بلخاشوكه كعد بارق ويوسف خبصه ويتنعوص
بابا عم
اي بابا حبيبي اكل بس ليش هيج نطيني اني اوكلك
يتوسل بي ويوسف معاند عاد عافه واكل وكام كعد عل تخم كال
جيبي باكيتي والجداحه بلغرفه وسوي جاي
كلت بكلبي بدت رحمه الله موكال ماعليج بيه عليج بجهالج بس وين يكدر هذا العكره قابل يخدم نفسه كمت جبتهم خليتهن كباله عل طبله ورث الجكاره واشرلي عل طبله الثانيه مفتهماله
شنووو
شبيج مزومله جيبي الطبله
موهاي كدامك وحده
اي جيبي الثانيه دامد رجلي عليها
اخذت نفس واستغفرت ربي بكلبي يعني ممدد عل تخم الطبله شنو موقعها من العراب جبته خليته صعد رجله عليه
والكوشه خلاها وره ضهره داشيل الصينه صاح
جيبي منفاضه
رحت وديته ورجعت عل صينيه شلته ومن كد ماثولني نسيت اغسل للجهال ال صاح
وووينج
مد يت راسي من المطبخ لكيته لازم اديهم من شافني كال
تعاي غسليلهم
سحبتهم غسلتلهم ورحت نكعت الوصله ومسحت الهول وهوه كل شويه والكه عينه عليه ومن اباوع عليه يصد عل جهه رحت جبت الجاي خليته كدامه ورجعت نضفت المطبخ اشو بسرعه الوكت ركض الدنيه غوربت جان تندك الباب حذام اني الشال عل راسي بس لفيته عل ركبتي وهوه استقبله خطيه جايب ملابس الجهال كعد شويه ومن ديطلع كله بارق هسه ابدل ونطلع سوه توني داكعد يم حذام وهوه راح للغرفه صاح عليه رحت لكيته لازم باب الكنتور واكف
هااا
اكلج كتلج مالج شغله بيه موتغلسين فدنوب
ليش شسويت
بدون مسوين اني ماعرف اخدم نفسي من اتوجهه عل شغله بدون ماكلج تجين ورايه تعلمي هذا الشي يحتاج أعيد
لو لا
لا
يله طلعي سلاباتي
نفذت واني ساكته لازمه التشيرت وهوه يلبس بلبنطرون طلعت الجواريب كعد عل جربايه اشرلي لبسيني صفنت
عليه كال
شكو هيج تباعيلي اي بعد يوميه تلبسيني وتنزعيني لعد اني شكو متزوجج
دنكت لبسته واني اغلي اعرفه ديستفزني بس خل اشوفه ليون يوصل مسحت الحذاء وهوه مشط وتعطر وطلع وين مادري ليم الباب وحذام ديسلم عليه خزرني من بوسته
لحذام كال بنتر
ضمي يوسف داطلع راح يكوم يبجي
شلته ودخلت للغرفه بس وين أكبر لوتي فرفح وراه ال سكت وخلص اليوم وهم نص اليل ال اجه سويت نفسي نايمه واني اسمعه يبدل وشمر نفسه حيل عل جربايه ونام الا نمت
لان من وحدي بلبيت ماامن لثاني يوم الصبح كعدنه عل منبهه عرفت عنده دوام كعد الوجهه مكلوب والحواجب معكوده واني مغص بطني فضيع كمت حضرت ملابسه وهوه سبح بلحمام وصاح
جيبي ملابسي
اخذت بس الداخليات نطيتها من وراه الباب ورحت سويت الريوك من سمعته طلع رحت وراه للغرفه بدل واني واكفه حسب أوامره والله ال شويه فكرت نفسي بنكاليه عنده خصوصا من شفته كعد عل جربايه واني بدون كلام كعدت لبسته الجواريب بس شسوي ماكدر احجي بس وجهه الميتفسر ثكيل بن سكتت
بيومهه للضهر وبطني ذبحتني لحد مااجه من الدوام وتلكوه الجهال وصبيت الغداء وكعدو بعد ماتحملت رحت للغرفه ابجي من الألم والجهال كل شويه جايني واحد يريدني اتغدا آخر شي جابو من ايده يسحبون بي من شافني كال
هاي شكو عل شنو البجي
ماكو شي بس بطني دتوجعني
وشنو جاهله هيج تبجين
مجاوبته لامه نفسي لبطني ونايمه
كومي داوديج
ماريد اروح
لاتعاندين وكومي
هيه كوه
اي كوه يله تره طافره روحي
كمت غسلت وجهي وبدلت وطلعنا وصلنا الدكتوره بس
بعدها مكاعده ورحت عل نفس الدكتوره لاشتغلت عدها
الجهال بقو يمه بالسياره واول مجتي الدكتوره اني اول وحده دخلت عليه خطيه من شافتي رحبت بيه جانت انسانه حيل متواضعة سلتني وين وشصار وياج سولفتلها صفنت كالت
ثنينكم مظلومين انتي نظلمتي لن هوه حماج ومددكدرين تتقبلي وهوه نظلم لان حب وحده كلبه مويمه وصعب تتقبله لان مواي اي شخص عادي هذا إنسان في يوم من الايام كان عايش وياها بمثابة اخ شلون يصير اله زواج ومن اول يوم يمارس وياهه هيج عنف بس اصبري انتي قويه وهوه يحبج انطي فرصه لنفسج تتقبله و انطي مجال يبينلج حبه من جانبه الإيجابي
حيل ارتاحيت من حجبت وياهه حسيتها دكتوره نفسيه وانطلقت وهيه خلتني براحتي رغم هواي راح من وقتها ومن وصلنا مرحلت الفحص وشافتني كالت حيل ماذيج وهذي مو بطنج التوجعج مثانيتج الملتهبه بسب الضغط عليها
سجلتلي علاج واني يمها مادري شلون خطرت عل بالي الأطفال ولان بارق شفت أسلوبه هيج خفت يصير طفل منه صحيح كلي بعد مالي علاقه بيج بس ماضمنه كتلها تسجلي مانع ورفضت بس اني اصريت وسجلت ونطتني رقمها الخاص كالت اتمنى تتواصلين وياي مادري ليش راح يضل بالي لان من خلال كلامج عل تصرفات رجلج اني متأكده يحبج واريد اعرف شلون راح تنصلحون وأي مساعده اني حاضره تشكرت منها وطلعت
لكيته منتضرني ومشتري للجهال وكاعدين يمه لاسلني شبيج ولاشكو بس اخذ الورقه مني ونزل جاب العلاج ورجعنه للبيت ذبنه وطلع واني أخذت العلاج لو نسطرت يمكن بي منوم بس ماكدر انام والجهال كاعدين اخاف عليهم ومن كد النعاس وكل شويه غافيه واصبر عل روحي متحملت دكيت عليه بسرعه جاوب
الووو
هاا بارق وين انت
ليش
مادري عيوني ماكدر افتحن من العلاج يمكن واريد انام واخاف عل جهال
إي وتالي
مادري
سدي هسه جاي
صدك شويه واجه أخذهم وطلع واني روحي ساحت ونمت لنص الليل كعدت الغرفه ظلمه شغلت التبلام ماكواحد بس اني بلغرفه فكدت جهالي يمه وينهم ركضت لغرفتهم نايمين كلمن بسريره طلعت للهول بارق ماكو رجعت مددت وجان يجي بقيت عل نومتي لحد مانطرح بلفراش وكفختني ريحة الشرب اووووويلي شنو من بشر انت شلون الصبح تروح للمحكمه مادري راح اتخبل
اريد ارجع انام بس ماكدر الريحه ذبحتني كمت للهول مددت واني افكر معقوله بارق هيج اني ابد مشايفته بيتهم يشرب قبل معقوله حجيه صحيح وهسه كام يشرب زين ليش ديدمر نفسه وتكررت هاي الحاله اول اسبوع يوميه يجي شارب طينه بحيث ميكدر يحجي راسن ينام بملابسه ومرات بالحذاء
جنت حيل اخاف منه بس هوه متجاهلني بلنهار بدوام ومن يجي ميحجي وياي عل كد الصخره وبليل شارب وينام راسن حتى من يكعد الصبح حيل طبيعي عبالك مجان شارب
لاجنت اكوله ولاالي شغله ملابسه اغسلهن وحتى الفرشه يوميه اغيرها
اليوم اهلي عزمونه ورحت عل عشه تعشينه وتعلنا والجهال يفترون بينه لحد متعبو ونامو واني كمت بدلت ورجعنا للبيت نزلنا داشيلهم ماقبل هوه شال واحد ورجع عل ثاني واني بدلت بدشداشه قصيره نص ردان وداعلك ملابسي دخل هوه شافني ودنك بعدين نزع ملابسه بقى بشورت وفانيله ودخن جكاره واني رحت لمكلني دانام اشو بسرعه ذب الجكاره
ولبس ملابسه وطلع كمت وراه مالكيته باوعت من الشباك صعد سيارته وطلع اوووف عود اليوم كلت همزين مطلع
حتى ليشرب هسه اكيد راح يشرب
ضليت انتضره وانتضره لحد ماتعبت ونمت وهوه ماكو والصبح كل عاده لكيته نايم حرت شلون امنعه وهوه كلي معليج بيه صحيح هو بعيد وممذيني بس اكيد ماذي نفسه وبيومها هم عزمونه بيت مهند ورحنا من العصر حيل تونست رغم كل لبينه بس مابينت هوه كعد بلحديقه قتيبه سواله نركيله وكعد يشرب والجهال يلعبون كدامهم واني ويه ايناس أساعدها بلمطبخ واباوعلهم من الشباك لحد مكملت كولشي ونصت على ألاكل طلعنا كعدنه يمهم وقتيبه اول مكعدنه
كال :
يمه يله هاي كدام عمي بارق اليوم تحجين وياه ابويه
إبني اسكت موكتك سد هاي السالفه
لاماسدهه عمي اذا اني عايل كلي اني احب وحده وهيه تعرفها بنت اخوها واريدها ليش متخطبهه مادري هسه
نطيني سبب
اشرله بارق بلقمجي وكله
انعل والديك اذا تحب لان ذني النسوان مو مال محبه من تحبهه تشيخ عليك خلي امك تخطبك عل مزاجهه اذا أتريد تتزوج
اي والله بارق حاجي البنيه ماتريده وبعدها زغيره وهوه مجلب يريد يأخذها كوه دتهج منه ويخربني ويه اخويه
هلا هلا انوب متريدك اسمع لك ركبتك افصفهمه اذا ركضت وراها لك هاي تشلع كلبك اسل عمك عل هاي السالفه
من كال هيج عرفته يقصدني بقيت مدنكه وهوه نزل دوسه ونص عل نسوان وعل حب آخر شي كمت وايناس ورايه
رحت للمطبخ ارجف اعرفه كل كلمه قصدني بيها وحتى ايناس فتهمت بس ضلت ساكته واجه مهند ولتهينه بلعشه بس اني مغثوثه حيل منه اتخبل من التبسمر عندي الواحد يسبني ولا يبسمر اقلها اجاوبه أبرد كلبي مو يشمر واني اضل اتكرضم حتى العشه طلع عليه سم وذبيت حركتي بلجهال
لان موصخين نفسهم من جانو يلعبون من داغسللهم اجه ديغسل روحه بخشمه ونافخ نفسه وماد اديه ليكدام وجسمه ليوره ويمشي شقاوه عبالك مرايح للمغسله رايح ديجاهد عود مثكل بلاكل واني ارزل بجهال كال
خلصي عاد يله داغسل وليش تصيحين عليهم
موصخين نفسهم
وانتي شنو شغلج غسليلهم واسكتي
واني مكايله شي داعلمهم انت شعليك
عليه ونص يله تعاي فكي لحزام ايدي مدمره
لا والله
وووجعه من الله فكي واسكتي
صرت كدامه فتحته واني ادردم عليه
شدعوه هلكد اكلت حتى الحزام ممتحمله
راح الطمج عل حلكج سوي ووخري
فتحته وابتعد وكلت همس : اي وبعد بليل وراك شرب
هاي شكلتي لج
سلامتك مكلت شي نشفت الجهال واخذتهم للهول مبوزين
لان رزلتهم بس كللهم مهند شبيهم الحلوين بجو هو دخل
كال شبيهم ركضو بحضنه خزرني وصك عل سنونه كال
اني شكتلج ليش تعاندين مو كتلج عوفيهم
واني شسويتلهم
مجاوبني كعد وكعدهم بحضنه سكتو جابت ايناس الجاي
كام يشرب بيهم بلخاشوكه وتلهسو يردون يشربون بلكوب اجيت بصفه حتى أخذ واحد منهم واشربه ومن يمنه شالت نور الكوب وجان ينجفي عليه نصلخت رجلي بسرعه لزم ثوبي مكان الحرك وكمومني ليم الدرج رفع الثوب الحرك بركبة رجلي صارت حمره بس مو هلكد تاذيني ايناس اجتي شكو شكو من شافها نزل الثوب كتله ماكو شي شويه جاي نجفه عليه هو يباوعلي رحت للمغسله غسلت مكانه لحكني
هااا خوما تاذيتي
لاهيج شويه
يله امشي دانروح همه تنحسووو
اي يمكن نعسو
دمشي راح اطلع كدامكم
تمام رحت جبتهم لبستهم احذيتهم ايناس تخبلت وكعدو وماتعللنه كتله طلابه من العصر اهنا عاد سلمنه وطلعنا بطريق نزل يم الصيدليه ورجع وصلنا للبيت بدلت باوعت عل حرك صدك متذيه صاير احمر حيل مكانه
الجهال نامو وهستوني دانام اجه شايل عصاره
اشووو وينه الحرك
رفعت ثوني فتح العصاره عرفته هاي من نزل بالطريق
جابها خلالي ودارجع الثوب كال
شبيج شلون ترجعين الثوب عل دهن اصبري خل ينشف
خلي هيج عل هوه
فشلني صدك شلون انزله مددت وهوه طلع بس ضل بالي اخاف هم يطلع يشرب ليون وسمعته ديتقى طلعت لكيته فدمره
بارق شبيك
معليج بيه.. البيه وجع من قهرج
ليش هيج تحجي كول ثكلت بلاكل وهيج صار بيك
ولي مني شنو عينج عليه لو ليهسه مستنكفه شلون
فتحتيلي لحزام
لاهاي ولاهاي بس انت تدور مشكله
جان راسه جوه المي يغسله لتفتلي وجهه كله مي وشعره ينكط مي ولحيته باوعلي وكال
لو ادور مشاكل جان ممخليج ليهسه هنا وره سوايتج
عافني وطلع واني رحت نمت وتكررت هاي الحاله يوميه شارب مشارب بليل معدته تكلب ويكوم يتقيى
المشكله مرات يجي شارب ويتقى يتخربط فدنوب كوه اطلعه من الحمام واليوم راد يطلع وطكن فيوزاتي
وكفتله بالباب
