رواية بديلة اختي الفصل السادس والثلاثون بقلم خاتون الكعبي
تذكير
ام رهام : عاد كريبه غريبه المره
ابو مالك : اكيد كريبه ومنه وبينه
نسر بعصبية مكتومه : منيه
ابو مالك : بت عمك جمال
ام رقيه بصوت شبه عالي : بتتت الخددامه
طيف : اباوع ع جدي خزرهة وعمي زمخ بيها ضحكت وانه اكول ليش تصيح عليها ترة ما حجت شي غلط فعلاً بت الخدامه شكو بيهة لا هو عيب ولا حرام والشيخ نسر ابن عمي وبمقام اخوي ما اكدر اعتبره غير شي ان شألله الله ايوفقه ويا بت الحلال التسعده وتريحه كلت هيج واني اباوع بعيونهم اشلون كامت اطلع شرار من العصبيه خصوصن نسر اباوع ع وجهة صاير احمرر من العصبية وقابض ع سبحة بقوة البيدة كاتم عصبيتة بيهة حصلتلي خزره معدلة من ابوي واخواني اشكد ما جنت احجي بثقة وقوة كمت ابلعم من وراهم بس يلة رزالة وشكم كفخة تعدي ولا اربط حياتي ويا واحد مثله بس والله برد كلبي وانه اشوفة بهالنرفزة احسه جان مغرور بنفسه بس انكسر غروره بعد رفضي اله بين كل هالهوسة والأنظرات الحاده فاجئني جدي بردت فعلة البارده وكأنة متأكد انه حرفضه بدة يحجي وهوة يحرك بالسبحه البيدة ابرود مسفز
ابو مالك : اخوج مو اخوج الحجي ايفيدج احجايتي ما تنكسر لو شتكول ابو ايمن
ابو طيف : البت بتكم كبعو واخذو
طيف : هه كبعو واخذو همست بهالكلمه ببتسامة سخرية وانه اباوع بعيون نسر يباوعلي ورافع حاجبة برود وكأنة منتظرني احجي او ارفض اعرف الحجي والرفض بهالحظة مو بصالحي واي كلمه مني ممكن اتضرني ضليت ساكتة وانه اسمع هلاهل جدتي بخبر زواج حفيدهة احس النار بدت اتوجر بكلبي بس ولا كأنو كاعدة واباوعلهم برود ابتسم جدي وهوة يباوعلي مثل الي يعرف شنو ايدور برأسي
ابراهيم بهمس : شوفهة اشلون كويه
نسر برود : قصدك صلفه
ابراهيم بأستغراب : لا يابه وينهة وين الصلافة اشو من دخلت اليجاي ما فكت حلكهة
نسر بأستغراب: منيه
ابراهيم : رهام شبيك شكلك مو وياي
نسر : ضحكت وانه اباوعلهة من اول يوم وهيج دوهنتني بس صلفه ويرادلهة ترويض بنفس الوكت سكوتهة غريب اعرفها كلش زين مستحيل اضل ساكته او تتقبل الموضوع بسهولة بس وين وراهة وراهة بعد حطيتهة براسي ماكو مفر و......
__________________
مرسلين
محسن : بسبب هدى مو
مرسلين: لا اصلاً مدخلهة
محسن : ماشي لعد انتظريني بالليل اجي واتفاهم وياج ع هالخريط
مرسلين ؛ ماشي منتظرتك كلت هيج وسديت التليفون منه واول مردت اطلع شفت شاهين بوجهي واكف بالباب ونظراته تبخ شرار قبض ع سويج البيده بعصبية وهوة ايكول
شاهين بنبره حاده: طلاكيش
مرسلين برود : اتفاقنه من البدايه جان مبني ع الطلاك بس اتأخر بسبب الضروف واتوقع اخر اسبوعين عشت بيهن وياك جانن كفيلات ايخلني اتخذ قرار الطلاك واسرع بي اباوعلة اتبدلت ملامحه للجمود وعافني وطلع
مفهمت شي من سكوتة غير انو هوة ايضاً حاب يستعجل بموضوع الطلاك ابتسمت بسخرية ع انكسار واني اسمع الباب يركع وراه احس وجع غريب صار بصدري حتى ادموعي مرضت تنزل يمكن لو باجيه بلحظتهة جان اهون بنسبة اليه من الشعور الحسيت بي
اخذت نفسي بقوة مثل المخنوكة ورجعت للصالة ابتسمت واني اشوف نونه مدمرة وجهة بالككو شلتهة غسلتلهة ونزلت جوه شفت شاهين واكف يم سيارته هوة وسام مبين صاير اعصاب وهدى وسارة واكفات يسلمن ع عمه عقدت حاجبي بأستغراب اشعجب اليوم حيروحن من وكت
انوب يلة وضحت عندي الصورة لمن شفت شاهين هوة الي وصلهن وكفت اباب الصاله واني اشوف هدى تركب بصف شاهين باوعتلي ببتسامة وهية تأشرلي بيد نونة بمعنى باي بادلتهة البتسامة كاتمة اي مشاعر بداخلي واني اشرلهة بيدي
ودخلت جوا بسرعة لليل اجه محسن وشاهين بعدة مجاي كعد اول شي ويا عمو والولد وبعدين دخلي وسام كال محسن ايريدج رحت حجيت ويا بالأستقبال الوحدنه وفهمتة سبب انفصالي مع ذالك مقتنع سئلني اكثر من مره اذا هدي هية اسبب او بسبب جياتهة بس نفيتلة هالشي وقبل لا اكمل كلامي دخل شاهين سلم علي وكعد اكبالنة اني ومحسن بدو يحجون بأمور الشغل والمحلات الحد ما محسن فتح ويا الموضوع وشنو سبب المشكلة باوعلي شاهين بخزره وهوة ايكول بضحك ماكو اي مشكلة مجرد غيرة بنات وانتهى الموضوع باوعلي محسن بحيرة والتفت الشاهين وكلة اريد اخذهة وياي للبيت اشوية ترتاح وتريح راسهة بين ما تصافون رفض شاهين هالشي بنبره حازمه لزمت ايدي محسن وباوعت بعيونة بخوف خاف يبدل رئيه ورجعت باوعت ع شاهين الي صارن اعيونه بركان وهوة ايباوع ع ايدي ملتفه ع ايد محسن الي مخيب ضني واصر علي حتى اروح وياه الحد مدخل عمو وكلة اريد اخذ مرسلين وياي وعمي وافق ابتسمت بفرح
صرت احس فعلاً بخنكة قوية من هالبيت طرت الغرفتي بس لبست صايتي ونزلت حتى تليفوني عفتة اي شي منه ما اريد كام محسن ترخص منهم اول مشافني واني ضليت ملزمه بتشيرته وهوة يحجي ويا عمو ويترخص منه متحاشية نظرات شاهين الحاده وطلع محسن واني وراه ركبت بسرعة بسيارة حتى بدون ما التفت او اسلم ع احد معرف شنو الصارلي بهذيج الحظة كول الأعرفة اريد اطلع منهم ما اريد اشوف اي واحد وفعلاً دقايق وصرنة بالبيت شافوني امي وابوي بس محجو شي اظاهر محسن محاجيهم قبل لا يجيني
اباوع ع ابوي يباوعلي بنظرات اعتذار معرف خيبه مهتميت الي واحد بيهم او الأسئلة نسوان اخواني وهدى كبل شمرت روحي بحظن امي مثل الطفلة الضايعة عن امها دفنت راسي بصدرهة وانفجرت بالبجي واني اذكر كل كلمه وحدث مريت بي بهالفترة ويا شاهين
صحيح الفترة الجنت ويا بيهة قليلة ومتجاوز الشهرين لاكن فعلاً شفت الأمرين منه مو شرط بالضرب لأن كلامه وتجاهلة الي جان بنسبة الي اقوه من كل هذة
او بالأحرى اكبر من قدرة تحملي مهما كان اضل فعلاً مثل مكال مراهقة وطفلة وبهالعمر بتحديد الأهتمام والحب شي مهم بنسبة الي
ومع ذالك مجنت طالبة منه غير انو يحترمني ويحترم وجودي بحياته تره صعبة اشوفين زوجج يحجي ويشاقة ويا اختج وانتي اتعرفين جان اكو شي بينهم حتى لو كلتي مهتم او ما اعبر مهما كانت نسبة برودج وهدؤج هالشي فعلاً حيخلي لهيب نارر يشتعل بصدرج سواء غيره او هوس
كعدت امي ع كرويته واني بصفهة مع ذالك مرضيت اوخر راسي عن حظنهة استمرية بالبجي الحد محسيت اعيوني كامن ايبززني من الوجع طلع بابا هوة واخواني بالأستقبال وصعدن نسوان اخواني فوك بعد مملن وهنة ايسئلني عن الي صار لفت نظري هدى الي كعدت اكبالي وهية لازمه نونة تباوعلي بخوف وتفرك بيدهة
وخرت من حظن امي مسحت ادموعي وباوعتلهة ببتسامة اطمئنان بعد مشفت الحزن مرسوم ع وجهة سئلتني شكو كتلهة ماكو شي بس اختنكت وشتاقيتلكم ابتسمت وهية ترجع تحظني بالليلتهة اذكر حتى مكدريت اصعد الغرفتي او بالأصح خفت ابقه وحدي والأفكار ترجع تحاوطني نمت بغرفة امي وابوي واثنيناتهم نامو يمي فعلاً حسيت روحي مثل الجنين الي بعازة حنان اهلة وعطفهم و........
______________
اوتار
محمد : هاي من بوسة هيج صار بيج لعد بالليلة العرس شسوين
أوتار : معرف اشلون اجتني الجرئة ورفعت ايدي وضربتة كف اباوع لعيونهة صارن دم بلعت ريكي بخوف واول مردت افلت لزم ايدي بقوه وعصرهة شاطت اعيوني من الوجع نترني بسرعة لمن شاف ماما دخلت للغرفه باوعتلي بأستغراب واشرتلي بمعنى شكو هزيت راسي بعيون مدمعة وطلعت من المطبخ بسرعة الثاني يوم كعدت ولكيتة رايح وعايفني وصلني اخوي عادل وضلينة اكثر من اسبوع ع هالحالة واحد مبتعد عن الثاني حجيت الفجر الصار وكلتلي انتي الغلطلانه ومع اني مشوف نفسي غلطانه ويستاهل ع الي سواه رحت واعتذرت منه بس الحقير ولا عبرني من يومها اني الكمت اجاهلة مو هوة وكل ما اكول اكرها وبعد محجي ويا نار وتشتعل بكلبي لمن اشوفة وكاف ويا هذيج الصفرة صررت امووت منها مع انو البنيه ممسويتلي شي حتى محاضراتهة مكمت احضرهن الحد مبيوم تطلبتني المكتبهة رحتلهة وشفت محمد موجود بمكتبهة ومبين علي العصبية مهتميتلة وسئلتهة ليش طلبتني كالت ع سبب غياباتي عن محاضراتهة واهنا فعلاً جان بدي اخنكهة واني اشوفهة تباوع ع محمد كأني مموجودة وتشكيلة مني وهوة ساكت وبهز براسه احسة اشوية ويهجم علية ايشبعني اتكفخ رجعت التفتت علية وانطنتني تحذير انو ميصير اتأخر بعد وألة تتخذ بية غير اجراء كولتلهة ان شألله وعفتهم وطلعت بسرعة انهاية الدوام وشفت اختهة واكفتلي اباب القاعة وهية تبتسملي كلتلي اليوم نرجع وياكم محجيت شي بس هزيت راسي ومشيت كدامها للكراج ابتسمت بسخرية واني اشوف الأخت ما لحكت تكعد بمكاني والأخ مخذ راحتة بالججي والضحك وياهة فتحت باب السيارة الوره وركعتة بنرفزة باوعتلي هية بأستغراب ومحمد خزرني من المرايه الكدامه وبدة ايسوق لمن صعدت اختهة وكل عادة الطريق كولة كاعدة ع اعصابي واني اسمع حجيهم وشقاهم عبالك هية خطيبتة باوعت بأستغراب ع سالي الي لزمت ايدي وهية تكول بأستغراب
سالي : شو لابسة حلقة شنو مخطوبة
اوتار : اي
سالي بصدمه : لا بربج صدك عود مخطوبة لعدد مكلتينة حقيرة ومنو سعيد الحظ نهة كلامهة وهية تغمزلهة بمكر
اوتار : كلت ببتسامه واني اباوع بعيون محمد من المرايه..للدكتور محمد اباوعلهة سكتت وتبدلت ملامحه للتوتر وهية تباوع بعيون اختهة الي جانت شبه مصدومه بالخبر بس لفت نظري محمد الي ابتسملي بس خفه ابتسامتة بسرعة ورجع عينة ع طريق وباركتلي سالي وصار هدؤ غريب بالسيارة وايقنت انو الدكتورة نجود تحبة لمحمد او معجبة بسكوتهة حتى مبروك مكالتهة بعتبارهة صديقتة وصلنة البيتهم ونزلت بسرعة من السيارة ودخلت البيتهم باوعتلنة سالي بأحراج كالت مع السلامه ودخلت بسرعة للبيت رفعت عيني ع مرايه الكدام بثقة واني اباوع بعيون محمد الي ابتسم وهوة ايكول
محمد بمكر : مو ع اساس متردين واحد يعرف بخطوبتنه
اوتار : عادي سالي صديقتي اكيد مراح اتكول وايضاً الدكتورة نجود زميلتك يعني مو غريبات كلت هيج واني متأكدة بكلبي من سالي حطش الخبر بكروب القسم وفعلاً رجعت للبيت وشفتهة ممقصرة حتى احساب الجامعة ناشرين تهنئة لمحمد والدكاترة مباركيلة بيومهة مطلعت من الغرفة خاف اشوف محمد واتفشل و...
______________
طيف
واكفة يم باب المدرسة والحر كاتلني كتل ولا واحد من اخواني حتى قلقت عليهم خاف صاير شي اباوع ع شارع صوفر حتى الخطوط راحو باوعت ع ساعة البيدي وحدة الة خمسه عود هاي انه طالعة من اثنعش ونص للوحدة ايست من جيتهم رجعت للبيت مشي صارت مثل الخوفة بكلبي وانه اقرب ع محلات النجاره امشي وادعي اوصل بخير وسلامه بس وين معقول يخلص اليوم بدون مصيبه مريت من المحلات ويا طلعتة منها باوعلي وهوة يرحك بالشماغ العلى ركبته وضل واكف مثل المتفاجئ دنكت راسي اول مصارت عيني بعينه واول مرريت من يمه فتحتت اعيوني بصدمه ع خوف وانه اسمعة ايصيح بأسمي سرعت مشيتي واني احس بخطواته وراية صابتني رجفة واني احس بيدة ع جتفي من وره نترتهة بسرعة وانه اباوعلة بخزرة رفعلي ايدة بعلامة الأعتذار وهوة ياخذ انفاسه من الركض ويكول
صلاح : اسف اسف بس ردت احجي وياج
طيف : يحجي واني اتلفت بعيوني بالشارع بلعت ريكي بخوف وانه اشوفة فارغ بعدت عنه بشكم خطوه ومشوفلك غير سيارة نسر صارت اكبالي ضليت مثل الصنم لا اخذ ولا انطي بس ابلعم بريكي نزل نسر من السياره والشمس طخت بعيونة ولهبتهة اكثر غمضت اعيوني وانه احس بزندي ينطحن بيده عتني بالسيارة بقوة واجه ركبت اباوع ع شارع بس التراب ضحكت بكلبي ع الي اسمه صلاح اشكد جبان عبالك فص ملح وذاب وانه وحدي الراح اكلهة اتنفست بقوة وانه اعدل كعدتة الضعف محيفيدني بشي بالعكس حثبت ع نفسي التهمة باوعت النسر الي يسوق وشرايين ايدي وركبتة موضحات الي مرحلة واصلة مراحل الغضب عندة غمضت اعيوني وانه اكول بتعب واضح
طيف : معرفة ولا مواعدته رجعت من المدرسة مشي لأن محد اجاني واتأخر الوقت والمدرسه فرغت وطلع بطريقي واول مأجه يحجي وياي انت وصلت
نسر برود : ما طلبت تبرريلي وهال*** انه اتفاهم وياه
طيف ؛ باوعتلة صفح وكلت بكلبي حتى متعرف اجذب اشو وجهة رجعلة لونة اول محجيت حتى عصبيتك طارت بس مو صوجك صوج الثولة الدتوضحلك ردت اكلة مجاي ابررلك وميهني رئيك بس سترت ع نفسي من الطراك وسكتت خصوصن عندي تجربه بطراكات نسر اذكر اول مره ضربني بيها الحقير لمن جان عمري تلطعش سنه لمن شافني حاطة حمرة بعرس ابن عمو صكد حقير بس العتب مو علي العتب ع الثولة الحبتة بعد كل هالتكفخ ضحكت ع نفسي وانه اذكر جنت اراضي نفسي بنفسي وانه اكول ضرب الحبيب زبيب بس اذا ترجعين ع واقع مستحيل واحد يحب وحدة يأذيهة ولو حتى بكلمه مو انوب ضرب
نسر : وصلنة البيتهم وهية صافنة كدام وتضحك ضحكت ع ضحكتهة فعلاً خبلة انتبهت ع اخذودهة صايرات طماطه من الشمس واعيونهة عسليات معرف شهل لونهن غريب عقدت حاجبي ببتسامة وانه صافن بأدق تفاصيل وجهة استغربت من نفسي اول مره احط عيني ع مره واصفن هيج عالية صحتني من صفنتي وهية تنزل من السيارة وتكول
طيف : شكراً ع توصيلة باي كلت هيج ودخلت بدون ما اسمع رده شفت امي بوجهي سئلتهة ع ابوي واخواني كالت اليوم جايتهم طلبية ويتأخرون هسة ع اساس رايحلج ايمن هزيت راسي وهية راحت تخابر ايمن تكولة اجيت شمرت روحي بتعب ع كرويتة وغفيت بسرعة ع برودة اسمع امي اتصيح علية حتى ابدل بس وين احس جسمي صابة خمول مو طبيعي و.....
_______________
مرسلين
عقدت حاجبي بأنزعاج واني اسمع صوت هوسة وعياط فزيت من مكاني اباوع ع جرباية لا امي ولا ابوي باوعت ع ساعة اثمانيه ونص كمت طلعت برة شفت الكل مجموعين بصالة اول مشافوني سكتو اباوع ع هدى اعيونهة حمر مبينة باجية سئلتهم شكو كلتلي امي ماكو شي ديحجون ع شغل هزيتلهة راسي بعدم تصديق ورحت ع مغسلة غسلت وجهي ورفعت شعري كعكة اباوع ع اعيوني منفخات والبياض مالتهن صاير دم من كثر البجي سديت الحنفية واول مدرت وجهي ع باب الصالة صارت هدى بوجهي مهتميت ودخلت كبل للمطبخ صبيتلي جاي وكعدت ع طاوله وهية اكبالي اتهز بنونه اباوعلهة وجهة كلة منفخ وخدودهة مثل المخرمشة سئلتهة شبيج كالت تعبانه عفتهة براحتهة واول مردت اكوم فتحت موضوع شاهين تحجي واحس بصوتهة يرجف مفهمت من كلامهة شي غير انو هية متريدني اطلك ومتريد اتكون سبب طلاكي وانو نست شاهين ومن هالكلام معرف ليش بس شكيت شاهين الة ايد بيهة لأن اعرف هدى مستحيل تتنازل عن شي بهالسهولة وتحجي مثل هالكلام وللظهر ابوي فتح موضوع رجعت هدى شفت الكل محجو شي او عارضو رجعتهة ومن ضمنهم هدى الي فاجئتني برد فعلهة وقبولهة ارجوع بهالبساطة
وفعلاً العصر اجو عمهة وعمتهة ورجعت وياهم ماكو اقل من ساعة وتركع الباب بقوة لزمت كلبي بيدي من الخوف لحظات وصار صوت اعياط هدى وبجي جهالهة ايرج بالبيت شهكت بصدمة واني اشوف وجه هدى صاير قطعة دم كعدت بنص الصالة ادك ع وجهج وتعيط بصوت يفطر الكلب من المستحيل انسى منظرهة الحد هالحظة مدة ايروح من بالي حظنت علوش الي انخلس من منظرهم واخواني كامو ايهاددون ويصيحون لمن عرفو حيدر هوة الي ضاربهة بهالطريقة وامي كعدت كدام هدى تهدي بيها وتحاول تفهم شكو اشصاير بس ماكو جانت شبه مهسترة وهية تضرب بوجهة واصيح اززوج علللية يمممه طللع مززوججج اباوع ع امي صوفر وجهة هية وبابا بعد مسمعو كلام هدى واخواني طارو البيت حيدر دكت امي ع صدرهة وهية تكول البابا بخوووف اللحكك الوولد لا ايسوووولة شي
سودة علية بابا طلع خطف وره الولد بثانية وحدة اتهدم كولشي وصار مينسمع بالمنطقة غير صوت صريخ النسوان واصياح الزلم كامت امي ادك ع راسهة وهية تسمع اشكال الكلام والسب والغلط الصار ع هدى حتى طعن بالشرف دقايق ونسوان عمامي كولهن صارن بيتنه هنة وبيبيتي وبنات عمي حتى سمر اجتي وبيبي خطيه ساعة اتعيط وتغلط واسب ع حيدر وساعة ترجع ع هدى وتذب الووم بيهة
والفتهمتة منهم هسة الزلم كلهم بيت جدي وحيدر قبل اسبوعين مزوج بت عمه سكتاوي بعيدن عن كل هالهوسة والمصايح لفت نظري تناقض هدى الغريب قبل يومين هية اتكول علي ابو نسوان وتريد تطلك منه وع اساس كرهتة ومتكدرت تكمل حياتهة ويا ليش هسة كل هالدموع علي اباوعلهة وبالي الف سؤال وسؤال رفعت عينهة علية باوعتلي بنظرات غريبة حقد ع تأنيب لليل كالو فضت السالفة وحيسوون كعدة باجر معرف شنو ويلكون حل يرضي الطرفين والفتهمتة من بيبيتي جدي ناوي ايشيلهم من المنطقة
وفعلاً ثاني يوم الكل اجتمع بيت جدي معداي رادت امي تأخذني بس تحججتلهة مريضة ومبية حيل هوسة وصياح ومرت اخوي وسن حامل فبقينة بس اني وياهة بالبيت والجهال خلوهم يمنه
اليوم خلص واحنة كاعدين ع اعصابنه والخوف والقلق ماكلنة اكل بعد كلام اخوي وانو جدي ناويلهم نية كشرة مرجعو لليل اباوع ع هدى دخلت ميتة بجي وامي ساندتهة هية وزهراء سئلت وسن اصاير امي اشرتلهة تسكت وصعدن هدى فوك وكعدو اخواني بتعب بصالة سئلتهم ع ابوي كالو بعدة ابيت جدي جابتلهم وسن المي وسئلتهم اشصار
كال اخوي حسين برود وهوة يأشرب المي انو هدى اطلكت وبيت ابو حيدر شيلوهم من المنطقة ضلينة اني وسن وحدة صافنة بوجه الوخ منعرف
شنحجي نزلت امي وكملتهة وهية تدعي ع حيدر واهلة واسب عليهم ما اكول غلط لأن حقهة بتهة ومحروك كلبهة عليها بس حسيتهة اجاهلت كل اغلاط هدى وطيشهة وهسة دتذب الوم كولة ع حيدر واهلة لأن ازوج
ضليت ساكتة لا اخذ ولا انطي بس انكسر كلبي واني اسمع بصوت اصريخ هدى ديعلة اكثر واكثر امي كالت عوفهة وحدهة الحد مترتاح بس مكدرت ابقة بمكاني واني اسمعها تصرخ بهالطريقة صعدتلهة بسرعة ودخلت الغرفتهة وياريتني مداخلة اباوع للغرفة صايرة دمارر بيدهة وجهة مخرمش والدم يتناثر منه وشعرها رايح بيدهة من كثر الجر قربت عليها واول مردت احجي زمخت بية بعلو صوتها وهية اتأشر ع باب
هدى بهستريا : اطللللعيي.. بررره اااطلعيي.. كللله بسبببج انتتتتييي اسببب هاااا ارررتاحيتتي.. مووو اررتاحيتيي... بعدد مااا طلللكنييي انشششفه غلليلجج مووو... اشكدد شفتتت ..مسمووماتت بس ابسمجج .. وبحقاارتججج... مشفتتتت
مرسلين :.......
________________
اوتار
بعد يومين من المشاكل والعرك من سالفة هدى ورجلهة واخيراً البيت هدة وفضت المشكلة احس ظهري مقسوم نصين من التعب والشغل هذة غير الدوام والأمتحانات التركع ركع وكلام الطلاب بعد ما طش موضوع الخطوبة هاي البدت تتلوك وهاي التبسمرلي الحد ما صرت اختنك من جو الكليه مرات اتهرب من الطلاب ونظراتهم بمكتب محمد اما الدكتورة نجود فموضوع اخر من يوم العرفت بموضوع الخطوبة
شدت وياي فرد شدة ع كولشي اتحاسبني وتعيط حتى تأخير مكمت اتأخر بمحاضراتهة تجنبن الكلامهة بس رغم هيج تحجي الحد ما بيوم طكت روحي منها واول مخلصت محاضرتهة بوجهي المكتب محمد باوعلي بخزرة واني اركع الباب بعصبية باعتلة وكلت
اوتار بنرفزة : شووفللك حلل ويا صديقتكك معررف حبيبتك ترره طكتت روحيي منهااا
محمد بحدة : عددلي اسللووبج وضحييي كلامجج لا تمسلتين بكيفج منيه حبيبتي
اوتار بعصبية وهية تقلد عليها : الدكتورة نجوود اكوو غيررهة حبيت الكللب الي من يوم العرفت بخبر خطوبتنة والي جاي هية واهكتني رزالي وانذارات كدام الطلاب
اوتار بعصبية وهية تقلد عليها : الدكتورة نجوود اكوو غيررهة حبيت الكللب الي من يوم العرفت بخبر خطوبتنة والي جاي هية واهكتني رزالي وانذارات كدام الطلاب
محمد برود: اكعدي بلة اهنا
اوتار : اجيت ارفض بس مو مال اعناد مبين من وجهة متنرفز كعدت اكباله وهوة رجع دنك ع الابتوب فوك العشر دقايق مرت واني ع هالحالة الحد ممليت وكلت.. اشوكت تخلص عندي محا..سكتت واني اسمع الباب يندك صاح محمد ادخل ودخلت الدكتوره سلوى وراه الدكتورة نجود كملت وحدة احقر من الثانيه كمت اتخرصت منهم واول مردت اطلع محمد كال
محمد :.......
