رواية دخيله الشيخ زين العابدين الفصل الثامن الثلاثون بقلم أوتار حزينه
ليان
مالك راد عرسنا يصير هالاسبوع التهيت
ارتب اموري وانقل غراضي لبيته
الي بصفنا
بليل رحت اني ونوار وماما ووسيم الي تعب
وهو ينقل بالغراض خله اخر جنطه
وكال
ااوف لخاطر الله شكد عندج غراض مو غرفه
طلعت مخزن ملابس واحذيه وجنط
ابتسمت نوار ردت بضحك
هاي احنا البنات شسويلكم تريدونا نجيكم ايد
من ورة وايد من كدام
لا عيني شلون يصير انتن تقطون الاهل واحنا
وياهم بس تزوجن
ههه شتريد لعد تاخذونا بلاش غير تدفعون حق
الله النا
اسمع حوارهم واني مبتسمه واصفط بملابسي
بالكنتور مالك جاب كتلوك مال اثاث
واختاريت اخشاب بيضه
ونازكه
رتبت ملابسه بجهه وملابسي بجهه
ثانيه وماكفت الخانه باوعت لخانته وكلت خلي
اخلي ويا الباقيات
خليت اخر قطعه توته كعدت بصندوق كارتون
والتهت بي نظفنا كلشي ونوار بخرت
البيت بالعود
اني بالمطبخ داغسل حوض السمجه سمعت باب
انفتح كلت اجه وصدك طب شافني
ابتسم وصفن عليه نزلت راسي
كال
الله يساعدج
هلا مالك
راح خله العلاليك على الميز سال
كملتي ترتيب غراضج
اي كملنا وهسه نرجع للبيت
ها عجل وين وسيم ونوار
بالغرفه ديسووون البردات
هاا
حك راسه بالسويج تقرب عليه خله مسافه
بينا واكفه وشايله السمجه بالحوض
باوع عليها وعليه
ابتسم وكال
اول ماشفتها لهل السمجه كلت تشبهج
بلون الشعر
ابتسمت باوعت الها جاوبته
شعري جان مسويلي عقده بالمدرسه
ليش تره لونه حلو
اي اعرف بس الكفشه والسبرنكات الطايره
منا ومنا
ههههه هي مال كفشه صدك بس والله احلى
كفشه ولايكه الج كلش
خجلت من كلامه باوعت لغير جهه
كمل
جبت عشه تعشو يمي يله ترحون
لاا مااكدر والله بابا ينتظرنا هو وماما
صدك الحجيه وينها مااجتي
لااا اجتي ورجعت تسوي العشه
خابريها لاتسوي جبت خير من الله اذا ماتريدين
تظلين يمي ناخذ عشانا ونروح يمكم
شدكولين
هزيت راسي باي فرح وكال
عجل يله هيري روحج وفضي الشغل بالعجل
خلي نسري للبيت هلج لان انهفيت
من الجوع
صفنت عليه ورفعت حواجبها مبتسمه
ردت
احتاج مترجم لكلامك
مالك
ضحكت بصوت مسحت شواربي هي ادحك
لي وضامه ضحكتها رديت
يعني خلي نروح نتعشه لان متنا من الجوع
هاا اي افتهمت
وسيم اجه شافني كال
هلا والله بابو النسب
هلا بالنسيب المدلل
هااي شنو اشمو رائحه كباب
اي ولك كباب شوي وتكه ومعلاك مامتغدي
وانهفيت من الجوع
ها
خربت ضحك ليان ترجمت
يعني جوعان كلش
ههه هاي من شوكت تعرفين ترجمين كلام مالك
دحكت الها اضحك ردت مبتسمه
هسه ترجمها اليه قبل لاتجي
حلوو
اكلك جيب البطه مالتك وامشي نتعشه
گوه واكف
اي هسه نوااار
صاحها وراح الها توته اجتي بالحجله شافته
صاحت
بابا
يفدوه للي كامت ادكول بابا
شلتها وكمت ابوس بيها ضاجت مثل كل مرة
من وره لحيتي وشواربي كلت
شلون يعني ازينهن من وراج
شنو
ليان سالت رديت مبتسم
هذني
اشرت عليهن عكدت حواجبها وهزت
راسها بلاا هالحركه خلتني اصفن عليها حبيت
اتلاطف وياها
ليش تره مضوجات توته وخاف اضوجج
انتي هم بعدين
وجهها احمر بسرعه دارت روحها مني
ضحكت بصوت نوار اجتي
ووياها وسيم كال
يله خلي نرجع بعد مااتحمل جوعان كلش
يله امشو
ليان راحت للغرفه نوار اخذت توته مني غمزت
اليه دفعت وسيم كدامها وكالت
امشي هم يجون ورانا
هاا اي يله
راح وي اختي مشيت للصاله مبتسم
صفنت على بيتي طالع غير شكل
صح هي نفس الاثاث بس
ليان ضافت
لمسات تخبل وكلها ذوق دحكت
للدرج كل بايه شتله خضارها يزهي ونازله
العروك لجوه
طلعت من غرفتنا دحكت لي كلت
البيت طالع يخبل على ايدج
ابتسمت وخرت سبرنكه من وجهها ردت
هو حلو والاثاث بعدها جديده وجان محتاج
بس كم شغله ويطلع مثل ماانريد
ابتسمت من كالت مثل مانريد سكتت
هي هم ماحجت شي سالت
وين نوار ووسيم
راح قبلنا
انتبهت وجهها تغير وعكدت حواجبها گلبي
حس هي خافت من وجودها وياي
كلت
يله امشي وياي لبيت اهلج
ضحكت وكملت
احلى شي هم بصفنا حتى اخلص من الروحه
والجيه
وجهها فك وردت مبتسمه
تره عندي سياره يعني مو محتاجه توديني
وتجيبني
مشيت وهي وياي كلت
انتي مسؤوليتي ليونه يعني وين ماتريدين
تروحين اوديج وعلى هذا الخشم
امرج
صفنت عليه من سويت هيج
ضحكت وكملت
راح تتصفنين جثير يولي لان اخذتي واحد بي
عرج بدوي تصرفاتو ولهجتو
عجيبه بالنسبه لج
اتعلم منك
طبينا سوه للبيتهم هي مبتسمه واني هم
تعشينا وكعدت اشرب جاي
جرس الباب اندك
وسيم طلع سمعنا صوتو يصيح
الكل فز طلعت بسرعه علي واكف وي زلم
ويصيح
اابنكم بس يجي ااقتله والله مااخلي يطلع
منا سالم
وووسيم
عم مصطفى صاح وخرو من دربو وحجه
بغضب
خيرر ابو زياد ليش جااين علينا
بابااا يكولون ذاك العار سمع بليان انخطبت
وجاي علينا
هلا بي خلي يجي حتى اشوفو الزلم الحگ
شراح تسوي بي
مااالك ماعليك بي خلي يولي
ليان حجت بخوف خزرتها هي واختي وصحت
بيهن
طبن جووة بسرررعه
عم مصطفى صاح
ااابنكم تالي وياااا فهموني شيريد ذاك
اليوم انضرب هالولد من وراه وراد يموت وبنتي
تاذت من وراه وانفضحنا من وره
عملته الشينه هوو وو
سكت وبلعها عيوني راحت للشارع عرفتو
هو اجه سريع لميت قبضه ايدي وكف
نزل يصيح
اااسمعني وللك
اخوتو راح علي بسرعه لزمو ينفض
روحو من ايدهم ويصيح
مااتااخذها ووولك ااقتلك بالقران اذبحك
اذااا اخذتها
هديت علي اني ووسيم ابوه وعم ومصطفى
ومرتو وكفو بوجهنا اسمع اخوتو
يرزلون بي ويگفخون
وهي يهد
عليه صحت بي
اااذا انت رجال سويها بالقران طلقه بربع
زايده عليك اخليها بنص راسك
واسلمك للگبور وافصلك
بجم فلس
فلت من اخوتو وهد عليه ردتها من الله
هديت علي وتلازمنا قبل لايضربني ضربتو
بوكس خليت گل قوتي
وحقدي بيها
وكع بالگاع بسرعه رحت علي من كام
ضربتو گله وتلازمنا اني وي جرونا بالگوه واحد
من اللخ هو يجسر عليه واني
اجسر
تخبلت انفض بروحي اريد اجتلو وابرد نار
گلبي بي وسيم هد وياي ولزموه ولد المنطقه اخوته اخذوه من يمنا يهدد بقتلي
بسيييبطه ولك هددت موو بالقران الي نزل على
صدر محمد اذا مااكعدك كعده شيوخ واجوزك
من هالبيت اااني مو مالك
ولا اتسمى رجال
اذا مااسويها
اخذو من يمنا وولى هو وياهم واكف
بنص الشارع انهد من الغضب واريد الحگو
اعدمو العافيه
شنو السالفه ابو وسيم وهذا شعنده كل فتره
مسويلكم مشكله
ابو عامر حجه وي عم مصطفى
شفتو مالو خالك وگوة واكف والعالم بس تريد تتفرج اخذتو وصحت
بوسيم
طب وسددد الباب
طبيت لازمو نوار من جهه واني من جهه
ليان صارت بوجهي تبجي بالكراج والوجهه مخطوف دارت روحها ومشت بسرعه
من يمنا
اخذت الحجي للاستقبال كعد وسيم
طب يرعد ويغلط ويجسر علي عم مصطفى
اشر لمرتو وكال
شوفي ليان خاف صار بيها شي
مشت من يمنا اشرت لنوار تروح وراها واكف متوتر
وغادي نار من وره هذا العار كلت باعصاب
ووووالله الا اتوبك من عدنا واني مالك
كول وفعل
طلعت جهازي خابرت عم شعلان رد
هلا مالك هلا يابه
حي الله من كال شلونك شيخ وشلون الاهل
حس بيه سال
بخير بس وش بك صاير شي
ياشيخ تذكر هذا العار الي كتلك علي
وانت تصرفت معه وجوزتو من عند بيت الحجي
اي اعرفو خير هم تعدى عليهم
اي تعدى عليهم وعليه لان انت تعرف انا خطبت بنتهم وعقدت عليها وهساع هو اجه
وهدد بقتلي
باطل يهددك وانا موجود يخسى ويعگب
وانا عمك والله ماااعوفو وانا شيخ
شعلان
يااشيخ انا هساع
ماراح اتصرف اي تصرف واريدك
انت تاخذلي حگي وحك بيت اهل حرمتي
منو هالزلمه فضحهم بالمنطقه
كل فتره جاي
ومسويلهم فضيحه ،،،،اريدك تگطع رجلو
من عدهم لان انا والله اذا عادها
جتالو اصير
بهيده مالك لاتوصخ ايدك بدم واحد عار هذا
الجتل الو راحه عگب السواه خل
اني اتصرف واعلمو شلون
يندك بواحد من ولدنا
ذبيت حسره العيون عليه عم مصطفى يدحك
لي هو ووسيم واامه الي اجتي
من يم ليان رديت
هاهيه شيخ راح اخليك انت تصرف وبأقرب
وقت لان والله واكف على اعصابي
من وراه
بعد جم يوم نازل لبغداد خلي عمك ابو مرتك
يرهم الكعده وي اهلو وانا حاضر اكعد معه شيخهم واعرف شلون اطلع حگكم من عيونو هو واهلو
تمام عم وتسلم وبارك الله بيك
ادلل ابو انس بيك خير وتدلل
الله يخليك لنا ويطول بعمرك
تسلم ياولدي اترخص منك
مرخوص عم الله وياك
سد الخط الحجي سالني بقلق
ها مالك شراح يسوي شيخكم
كلشي راح ي حسوي انت ماتعرف عم شعلان
اذا يكول جلمه هاهيه سيف تصير
على الرگبه وهذا عار
الزلم هدد واحد من ربعو وعباالو حنا
خرطيه وماعدنا احد لا يابه جايين الربع بعد
جم يوم وبيهم خير هو وشيخهم
خل يفكون رواحهم منو
سكت سالت عمه
ليان شلونها
كاعده تبجي
ردت بقهر ودموع حجيت وي ابوها
عم من رخصتك اريد اروح اشوفها
روح ابني البيت بيتك
مشيت وي وسيم رحت لغرفتها باب مفتوح
كاعده على الجربايه خاله وجهها
بين رجليها وتبجي
نوار يمها تحاول تهديها حجت
ليان مالك اجه
مارفعت راسها ولا سكتت وسيم اشر لاختي
كامت وطلعت ويا ذبيت حسره
ورحت كعدت يمها كلت
كاافي بجي
ماكو رد وزادت
لياااان كافي
صحت بصوت مكتوم وكملت
عش تبجين فهميني من وره منو من ورة واحد
عاار ماايسوه تفله
رفعت راسها وصاحت بيه بغضب
مووو من وراااه ابجي
صفنت عليها الوجه غادي دم والعيون
حمر رددت بشهكه
مو من وراه مالك من ورة نفسي من وره
روحي هااي الي حبت هيج انسان ،،تافه
وعار
ضربت روحها لزمت ايدها
ليان
ماااهتميت من
شفت ايهم شسوه وشلون تخبل من عرف
بيه عقدت وراح ازوج جنت خايفه على مالك
واخويه
اعرفهم اثنينهم مخابيل وشايل گلبهم على
ايهم وخصوصا وسيم خفت لا هم
تصير مثل ذيج المره
ويوكع واحد منهم
طول العرگه عيوني عليهم مالك
هد وگتل ايهم ووسيم يهد ويلزمو بصعوبه
صارت هوسه والتمو علينا الجوارين
هالفضيحه صارت اكثر من مرة
من وره ايهم الي مااعرف شيريد اخذ
اختي وصار عند طفلين وهو
بعده خالني براسه
كرهت روحي لان حبيت هيج انسان اناني
مايحب غير نفسه هو اثبت اكثر
من مرة هو واحد
ضعيف وماعنده شخصيه انسان
كل همه روحه وبس
مالك اجه لغرفتي اسمعه يحجي وياي
ويحاولي يهديني ماكدرت اسكت ابجي بشهكه
وانعل اليوم الي شفت ايهم بي
حجيت ويا وانهاريت كمت
اضرب بروحي لزم
ايدي كال بصوت مخنوك
لاتضربين روحج وتأذيني
صفنت بعيونه دموعي تنزل ماامسحها من
خجلي من نفسي والكاعد يصير
كدامه انتبهت قميصه مشكوك ودم يم
حلكه نزلت راسي انهاريت بعد اكثر وشهكت
بصوت قوي
مثل ذيج المره هم اخذني لحظنه ماااعترضت
ختلت بي مثل الطفله اسمعه يرد
ااش كافي يولي الكاعد اشوفو منج يأذيني
ويوجعلي گلبي
زدت بالبجي من سمعته شحجه كمل
ليان اسكتي تره والله واكف على شعره حتى
مااروح اذبحه لهذا العار
وخرت منه بسرعه هزيت راسي بلااا
وكلت
لااااا مالك عوفه الله يخليك ماعندي استعداد
اخسرك ولا اتحمل يصير شي بيك
من ورايه
سكت وصفن عليه كملت بدموع
ااانت شنوو ذنبك تتاذه من ورايه شنو ذنبك
بالكاعد يصير
نزلت راسي اشهك رد
ذنبي اني احبج
رفعت عيوني اله مبتسم لزم ايدي باوع
للحلقه وكمل
انتي صرتي حرمتي واليمسج يمسني اني وياج
صرنا واحد مو اثنين ليان
كلامه وجع گلبي اكثر ماهو موجوع
جاوبته بقهر
تاذيت مالك وهاي ثاني مره يطلع
دمك من ورايه
فدوه الج دمي كلو يرخص لج هو والروح
ماكدرت ارد ابتسم ومد ايده مسح دموعي
بايده كمل بخنگه
هذني مااريدهن ينزلن تأذيني عيونج من تبجي
ليان
يحجي واني صافنه علي شعور الامان
حسيت بي بگلبي وقربه مني
خلاني احس بحضوره
الطاغي
ارتبكت من هذا الشعور الي سيطر علي وخله
كلبي يدك بجنون درت وجهي منه
نص الكلام ماافتهمته
سال
ليش ايدج ترجف
سحبتها منه بسرعه اتجنب اباوع اله رد
سال بقلق
ليان بيج شي
لا مالك مابيه شي
رديت بصعوبه صوتي طلع يرجف نزلت راسي
رد سال
يولي بيج شي كولي حتى اخذج للمستشفى
رفعت عيوني اله يباوع عليه بقلق وخوف
تننهدت ورديت
مابيه شي لاتخاف
اكيد ليان
هزيت راسي باي صفن عليه كملت
والله مابيه شي
ذب حسره جهازه دك باوع اله كام فتح الخط
كال
هلا زين
ظل واكف ويباوع عليه بقلق
اشر لبره هزيت راسي باي طلع من يمي
هاجر
جنت بيت اختي الهنوف سيرت عليها
لان جنت ضايجه كلش
كاعده بالحديقه مال دارهم عبد العزيز
دش زلمتها وكال
تعال ياصعب تفضل
بسرعه خليت شالي على وجهي انتبه اليه
كاعده كمت عيوني صارت
بعيون رفيج اخويه
وكف دحك لي
بعدين دار وجهو سريت بسرعه ودشيت
للمطبخ الهنوف به كاعد تسوي
جاي سالت
من اجانا
صعب رفيج زين
هاا هلا به هو صارلو فتره يروح ويجي علينا
ليش خير وش صاير
ماكو شي تعرفين عبد العزيز حول شغله
بالصيرفه هينه وهو عندو خير جثير وراد
يشغلهن معه
هاا خابرتو مايشتغل منين له هالخير الجثير
اختي ابتسمت وردت
شبيج يولي مطفيه ماتعرفين ابوه الله يرحمو
عافلو خير من الله فلوس واراضي وكلهن
مسجله باسمو
هاا مدري والله اعرفو بس رفيج اخويه
ومانودو من وره دربو الشين
واخوج معه وهم جان دربو شين لجن الله
دز له هيله وخلتو يجوز منو
عبد العزيز دش سلم وكال
جايج يالغاليه
من عيوني الثنتين
اختي اشرت لعيونها ابتسم ورد
تسلم عيونج يبنت گلبي
ضحكت هو غمز اليه وكال
سدي اذنج ولج عيب تتعلمين هالسوالف
هههه بعد وكت ابو زين
ههه امون عليج خيتي الصغيره
تمون وتاخذ العين يااخويه
كفو والله يبنت الشيخ
رد وسو بايدو جاي لاختي وراح
سالت
اكلج هو يجي جثير عليكم
من صعب
عجل من غيرو
اي يجي يتعشه مرات ويتغده هالولد صح
عندو سوالف مكسره بس شفتو مؤدب جثير ومايرفع عيونه عليه من اسلم علي
اي هو دش شافني نزل راسو بسرعه
اي تعرفين انقهر علي لا ام ولا اب ولا عندو
خوات اخ بطرگ روحو لا انيس
ولا جليس
گلبج رهيف ياخيه هالولد فرحان بهل الوضعيه
حتى ياخذ راحتو وي الحبايب الي
يعرفهن ولا حساب ولا كتاب من اي احد
اكلج على سالفه رهيفه اجتي هي وامنه بهل الاسبوع
اي جني بس اريد اكلج بس لاتحجين شي
وادكولين انا حجيت لج الكاعد يصير لهيله منهن
اختي شالت الصينيه ووكفت بيها
من سمعت الكلام كالت
اوكفي لحظه
راحت للصاله وعكبت وره مشوار
كملت
دزيت الجاي بايد عبد الله كولي احجي ذني
شبيهن وي هيله
سالت وهي عاكده الحواجب رديت بضوجه
ياخيه خواتج مدري وش بلاهن وي هالبنيه نفس
طبع امج متلعمات يحجن معها بخشم
ويتأمرن عليها
ياا صدك هالحجي
اي ياالهنوف والمسكينه اشوفها تنقهر لجن
ماترد احد تسكت وتعبر سوالفهن
وابويه وينو وجدتي عش ماتحجي ترزلهن
من جدتي كاعده ما يفصن حلگهن بجلمه لجن
من هي ماكو يلعبن لعب بهيله
طاح حظهن اذا صدك هن خطار والخطار يحترم
روحو
كلت لهن تخبلن هن وامي وسمعني كلام يوجع
وجدامها لهيله وهذا بيت ابونا ومحد
الو خص بينا نجي ناكل ونشرب
ومحد يتكلم جلمه
اي بيت ابونا صدك بس من نروح له مانقل ادبنا
على مرت اخونا ولا نقل من قدرها
اي فهميهم الهن كولي لهن هالكلام وشوفي ردهن
هن وامج والله لاينهدن بيج ذيج
الهده
ابتسمت وردت بثقه
باطل ولج انا ينهدن بي عجل ماتعرفين
خيتج زين انا من اتكلم اوجع واسكت
شوارب مو عاد حريم
بس امانه الله لادكولين انا حجيت وتكلمت
والله مااخلص منهن
لا تطمني مااحجي شي انا اعرف شلون
الگفهن واعلمهن شلون يغثن مرتو للزين وهو
غايب
بذيج الليله صعب تعشه يمنا وتعلل وي عبد العزيز
وولدو لان جلب به طلع وره ساعه الهنوف
التهت تغسل بمواعين التعلوله
وكلت خلي اغسل
الكراج
غسلتو ووطلعت الوصخ بالحاويه اندرايت
اريد ادش للدار شهكت من شفتو
واكف ورايه صاح
الله يابه شفتي جني
ااسم الله منين طلعت انت
سكت مارد صفن بوجهي انتبهت لروحي غطيتو
بالشال دشيت كال
نسيت الجهاز على الشحن
ماارديت رحت بسرعه للمطبخ كلت لاختي
هذا نسه جهازو على الشحن
من
صعب
هاا هساع اخلي عبد العزير يودي له
سرت من يمي وراحت لجوه
هيله
اربعه ايام مرت عليه بسرعه ومااعرف شبسرعه
گضت عبالك البارحه اجه واليوم
راح يروح
حضرت هدومو وسوينا له اشكال والوان
جان بالمجلس مع عمي وتاخرو كعدت انتظرو
وعيوني على الجنط مقهوره وروحي ممروده
لان راح يسري من يمي ويخليني
وحدي
تعلقت به جثير ومااعرف شلون راح اتحمل
غيبتو عني ذبيت حسره الباب
انفتح دش ابتسم من
شافني كمت له
فتح ايدو رحت لحظنو لمني
به وغطاني بالبشت راسي صار يم
گلبو اسمعو يدك بقوه كال
كلت نمتي هساع
شلون انام وانت ماكو يمي
مارد لمني لصدرو حظنتو اريد اتزود من دفو
جسمو وريحتو قبل لا يسري من يمي
حس بيه وتكلم بضحك
راح تمرديني يبنت العرب
ماانا گويه مثلك يازين
مارد شالني لفوك وكفت على رجلي مبتسم
ويتفرس بملامحي بشوك ماحجينا شي العيون
حجت وفسرت حبنا واحد للخ
دحكت لرگبته شفت الحجاب
لزمتو بايدي وكلت
لاتنزعو ابد
عهدا عليه ماانزعو ابد بس ليش هيله
من وره الرقيه خايفه عليه وتريدها تحفظني
الحافظ الله يازين وهذا كلامو مكتوب بورقه
رقيه نرقي بها الي نحبهم ونخاف عليهم
ابتسم ايدو لمتني بشوك همس
يم اذني
والخصله اثر منج وياغلاتو بگلبي هالاثر
غمضت عيوني من حبني من رگبتي وايدو
تغلغلت بشعري فلو وشمو بنفس
طويل
بادلتو اللهفه والشوك نسيت نفسي وخجلي
بذيج الليله ردتو يظل حدي ماردت
يروح من يمي
هو حس بيه وبادلني نفس اللهفه واكثر نمت
بحظنو يگضب خصله شعري
يشمها بنفس طويل
ويردد
اعشكج واعشك عطرج جن ريحه العافيه
بيج والراحه هينه من المج بحظني
لمني لصدرو عيوني غوركت ماردت
ابجي حتى مايضوج ويظل يفكر بيه حظنتو
اسمع دكات گلبو واحسها تساوت
وي دكات گلبي
نمتي
لااا مااريد انام هاليله اريد املي عيوني
بشوفتك
نزل لجوه خله وجهو بوجهي مبتسم هالابتسامه
مااعرف شسوي بگلبي من هوجست
بحبه وحسيتو بگلبي
بدت تعمل بيه عمايل
خليت اصابعي على شفتو حبها وكال
جن حس بيه
اروح لجن ظال يمج
صفنت علي گرب وجه مني وكمل
گلبي يمج يبنت العرب حدج هينه بصدرج
مثل ماگلبج بصدري ينبض
غمضت عيوني دمعتي حدرت حبها
وهالتصرف خلاني اروح لحظنه واحظنو بقوه
ردد
اش ماريد بجي لاتعليني ياهيله اكثر ماا انا
معلول
من سمعتو تكلم بخنگه سكتت گوه ظليت
خاتله بحظنو مسد على شعري
وكمل
نامي مااريدج تسهرين وتعبين حالج انا
راح اسري بالعشره مو من وكت
هزيت راسي باي ظليت بحظنو حسيت به
غفى وره دقائق وخرت منه ودحكت
له اتفرس بملامحو تعبانه من التفكير وروحي ممروده
زين العابدين
حسيت بهيله كعدت الفجر سمعت صوتها
تفتر بالغرفه والحمام نهضت من
طلعت منو سالت من
شافتني
كعدتك
اانتظريني اسبح ونصلي سوه
الفرح ترس ملامحها بس ماحجت شي
كملت مبتسم
اريدج وياي بالجنه من بعد عمرا طويل ومااريد
اقصر بشي مع ربي حتى يرضى،عليه
ويخليني وياج بدار وحده
ردت بغصه
خاف تدور حور عين
هههه لا مااريد غيرج انتي خلي الحور
العين لغيري
رديت هيج ومااشوفها غير جايه لحظني
فتحت ايدي وحظنتها دفنت وجهها
برگبتي وكالت بصوت مخنوك
ااحبك واموت عليك يازين
تنهدت بصوت ورديت
وانا بعد احبج يبعد حيلي
وخرت مني ادحك لوجهها مطعون وغادي دم
والعيون مغوركه ابتسمت تكلمت
گوة
راح اصبر على فراكك يازين لجن مااريدك
تاذي روحك خلك سالم لي ولاهلك
اوعدج ماازت روحي جدام مفخخ
ياازين
ههههه ها يبعد حي وميتي
اتكلم جد
وانا بعد جد الجد اتكلم مخبل ازت روحي
للموت وانا ورايه هالجمال
لميتها بحظني بقوه وكملت عيوني
على الشفه
هينه يولي اني اضيع وادوخ اضيع اسمي
وعقلي بس اضوگها
حدرت وحبيتها تنهدت بحظني وخرت گوة
منها كامت من حظني لزمت
ايدها كالت
كوم اسبح خلي نصلي وادعي الك
ااي
سبحت وهي توضت ورايه طلعت
فرشت لي والها سجاده ولبست الازار
جابت لي گبع ابتسمت
وكلت
ها راح تسويني مله من صدك
احب اشوفك به
ردت مبتسمه وهي ماده ايدها بي اخذتو
منها لبستو سالت بخجل
انت يعني تعرر
اي اعرف ياهيله جنت اصلي وي جدي من
انا صغير لجن الغرور والطيش ولهو الدنيا
خلوني ابطلها
ماردت رحت وكفت على سجادتي وهي
ورايه هالوكفه مدري شعملت بحالي جن واكف
بين ايد رب العالمين وهو يدحك لي
خجلت منو
گلبي رجف وعيوني
غوركت من خشيه ربي اخذت نفس
طويل وزتيتو نويت للصلاه رفعت ايدي لفوك وكلت
الله اكبر
ااقره ايات ربي بصوت مخنوك
ومااعرف شصار بي بكل جلمه عبالك احجي
وي ربي ويسمعني اركع اهمس له
واردد بگلبي
غفرانك ربي اني كنت من الظالمين
ماكملت الا وانا صاير فد مره كعدت
بمچاني ماكمت نزلت وسجدت وكهدت بالبجي
هيله
حسيت زين يقره القران بصوت مخنوك
عرفت به تذكر الجان يسوي بروحو عرفتو
تندم والحال اخذو يم رب العالمين
وكام يتكلم معه بگلبو
كملنا شفتو سجد وكهد بالبجي رحت
لزمتو من جتفو رفع راسو وخلاه
بحظني
يبجي بصوت دموعي حدرت ويا
بس ماحجيت شي كلت خله يطلع الي بگلبو
حتى يرتاح هدأ وره لحظه سحب
روحو مني دحك لي
بوجه مطعون
كال بصوت مخنوك
خجلت من ربي ياهيله
ابتسمت بوجهه ورديت
يازين الله رحيم غفور يغفر للعبد اذ وكف
بابه وطلب المغفره
شربت منكر وزنيت ياهيله شلون راح يغفر
لي شلون وانا جنت عاصي
جابتو
الله سبحانه وتعالى قال في
القران
( قل ياعبادي الذين اسرفو عن انفسهم لاتقنطوا من رحمة الله ان الله يغفر الذنوب جميعا)
سمع الايه ونزل راسو ردد بخنگه
غفرانك يارب اغفري لي والله جنت ضايع
بهل الدنيا والغرور راكبني هو والاثم
استغفر جثير يازين ربك يحب العبد الاواب
الي يذنب ويعرف ان له رب من
يطلب منو المغفره ويستغفر
يغفر له
سكت منزل راسو گضبت خده بهداوه غمض
وذب حسره دعيت له
ربي يثبتك ويغفر لك ويبعد عنك طريق
الحرام ويجعلك من عبادو الصالحين
دحك لي بعيون مغورك ورد
شعملتي بي يابنت المله
ابتسمت له وجاوبتو
كل خير يبن الشيخ
گرب وحظني لصدرو تنهدت بحظنو وكلت
ارتاحيت مو
اي جن حمل ثگيل جان بصدري وراح بهل اللحظه
الي وكفت بيها بين ايد ربنا
الحمد لله
وخرت منو كمت انطيتو ايدي وكلت
يله كوم خلي ننام بعد وكت
مد ايدو الي ونهض رد
امشي
تمدد واخذني لحظنه ساكت اعرفو يفكر
بالصار قبل شويه عفتو ماتكلمت
اي شي
وره دقائق ثكلت ايدو غفى ونام لجن انا
ماغفت عيوني ظليت لازم ايدو واسمع دكات
گلبو اريد اصبر گلبي بهل جم ساعه
قبل لا يلتحق
اصعب لحظه عليه هي من يروح
مااعرف اتحكم بمشاعري ولا اكدر امنع عيوني
من البجي بس تجهز حتى يسري
انهاريت بجيت وختلت
بحظنه
يصبر بيه ويسكت وانا لازمتو بقوه ومااريد
اهدو من الخوف الي صار بيه من وره
الجاي نسمعو الموت كام
يحصد بولدنا
من وره المعارك الي زادت حده وي الوگت
وكلما يتقدم الجيش شباب جثيره راحت وسكنت
الگبور
خفت علي وهالخوف شفتو بعيون امو وخواتو
من اجني يودعنه واكفه حدو سلمن
علي وامو تبجي
بس جده مادمعت ودعتو ودعت له يحفظو
الرحمن سريت وراه وكفت يم
باب المطبخ دحك
لي مبتسم وكال
ادعيلي يبنت المله
رديت بصوت مخنوك
اامنتك بايد الله واستودعتك عندو امانه
لاتبجين ياابعد حيلي
نزلت راسي وكتمت دموعي
اخابرج بس اصل تمام
هزيت راسي باي سرى من يمنا امو وراه
طشت مي تبجي ومو راضيه يروح عگبت تلوم
بعمي وجده
من وصل خابرني وطمني على روحو الايام
الي اجتي جانت صعبه عليه كلش مخنوكه من
غيابو واحس بالغربه وامو ماقصرت هي
وخواتو رهيفه وامنه
بالطالعه والنازله ينغزن بيه بالكلام وجده
ترد وترزل بيهن
العصر اخذت الاذن منها وسريت لاهلي عيوني
راحت للمجلس حمد واكف ويدحك
لي
عكدت حواجبي ونزلت راسي انتبهت هذا
طول فتره تواجد زين مالفه ولا اجه للمجلس
لجن من راح بده يجي
دشيت من المطبخ ريمه به شافتني
وحبتني وسالت
ها وينج صارلج جم يوم مابينتي
مالي خلك
خير وش بيج يابنيتي
ابويه سمعني من اجه حبيت ايدو ورديت
مابيه شي يابه بس هيج تعب بسيط
افتهم من ورة فراك زين ورد
الله يرد لج سالم ويحفظو من كل شر
امين يارب
فوتي يابه انا رايح يم عمج
الله وياك
رديت سالت ريمه
امي وينها
كاعده بالصاله تحجي وي خالتي زينب
خير صاير شي
لا بس تسال عليهم مو تعرفين كعدو بكركوك
وحالهم حال تبهذولو خطيه
هزيت راسي سريت للصاله امي جالسه
تحجي مع خالتي سلمت عليها
وحبيتها كالت
هيله تسلم عليج ياام شهم يوصل خيه
سلامي للكل مع السلامه
سدت الخط وذبت حسرة سالت
ها يمه اشوفج مكدرة
اي والله يايمه بيت عمج حالهم حال خطيه
تبهذولو بهل الطلعه وهم ماعدهم لا فوكاهم
ولا جواهم گطو فلوسهم كلها بالگاع
وتالي عافوها وهجو
بارواحهم
محد ظل يمه كلها هجت مناك
اي يمه لجن العندو مو مثل الماعندو وبيت خالتج
امر من حالنا ماعدهم غير القليل وهم
راح بهل الحرب
سكتت ريمه اجتي خلت صينيه الجاي
دورت بعيوني على خواتي سالت
وين ساريه وريهام
طلعن يلعبن بالحديقه
ماشفتهن
اكيد راحن وره البيت هناك اكو مرجوحه يكعدن
بيها ويلعبن
هاا وهاله وينها
بالغرفه غسلت وكعدت تمشط
بالعافيه
الله يعافيج يمه مدي ايدج سوينا كيك
اعرفج تحبي
ظليت يم اهلي للمغرب وقبل الصلاه عگبت
دشيت من المطبخ ام زين به
سلمت
شلونج عمه
اجيتي خاتون من تطلعين ليش مااتاخذين الاذن
مني
اخذتو من جدة
اانا ام البيت هينه انا عمتج مو هي
صرخت بيه تفاجأت من عصبيتها المالها داعي
هاجر اجتي دحكت لها ولي
رديت
اسفه مرة اللخ اخذ اذنج يله اروح لاهلي
سريت صاحت بي
بدلي وتعالي سوي العشه
العشه من بره مانسوي اليوم
هاجر ردت بضوجه كملت معي
روحي ارتاحي لاتسوين شي
ااي مو على اساس محمله البعران اشو مخدرة
بغرفتها وعايشه بعز ماجانت تحلم
به بنت اا
سكتت ماكملت رديت بقهر
كمليها ياعمه بنت فكر موو
ماردت هاجر اجتي ليمي تكلمت وهي
فشلانه
ماتقصد هالكلام ياهيله
لا تقصد يااهاجر بس احب اكلج ياعمه صح
حنا فقره حال لجن عدنا عزه نفس
مااموجوده عند البعض
شتقصدين ولج
يمممه
وصمه وحمه ااسكتي اانتي
انهدت بهاجر وكملت معي بغضب
حقج هيله تردين وتجاوبين وتكفين بوجهي
لان شاده ظهرج بعمج
وزين والجبيره
محد طلع عينج غيرهم بس موو عليه
ولج انا فضه مااتعرفيني من اخلي واحد
بعقلي شاسوي به
يمه كاافي
هاجر صاحت بها مادارت بال كملت بحقد
مااتمنيتج لولدي ولا ردتج انتي وين وهو وين
هو زينه الشباب وشيخ ابن شيوخ
لجن انتي من تراب الگاع
اجيتي ولفيت علي
تراب الگاع التحجين به كلنا منو وراح
نعكب بطرك الجفن ونندفن به
اانجبي ولج
فضضضضه
درت وجهي جده اجتي ادحك لها بغضب
ووجهه مطعون اشرت بعصاتها
عليها وتكلمت بغضب
والله ادكج بهل العصا اذا بعد جسرتي
على مرتو للزين
المن اادكين يااعمه
ااانتي
صرخت بها وهاي اول مره يطلع حسها
تقدمت عليها وانهدت بغضب
شبلاااج تخبلتي طك الشيب بالراس
لجن العقل بعدو عقل عصفور
ياعمه مااخصج باا
ااااسكتي ولج اسكتي مااخصني عجل من
خص انتي يااااالعرمه يالگويه
بالفليته وج انتي لو بيج
خير جان تكلمتي معها
جدام زين لو ابوه بالقران يسمعوج
كلام يوجع ويخلوج بنص
هدومج
جده لاا
ااش اانتي ماعليج
انهدت بي كملت وي عمه
ااسمعيني زين انتي وبناتج الي يلفن
وجايبات وياهن البله والمشاكل الي تغث هيله
بعد بالقران انا مزنه الزمو الباب
وانعل صفحه الشاد
ظهرو بي
تطرديني من داري ياعمه
داااري هذاا
صاحت بها وكملت بغضب
هذا الخير كلو خير ولدي مااجبتي من بيت
ابوج الفلاح نسيتي اصلج يافضه
نسيتي انا جبتج من دار
هلج فلاحه وجانو
اهلج يگربون براسج شغل ورعي بالحلال
انا ماااجنت فلاحه بدار اهلي واخدمهم حالي
حال هيله
وجه ام زين انطعن وهاي اول مرة اعرف
هي جانت فلاحه حالها من حالي
ردت بعصبيه
حنا ملاااجين وجنت ارعى بخير هلي
جده تقدمت وصارت گريبه منها خزرتها وردت
عشتي بخير لجن طباعج ماهي طباع ولد خير
ياافضه ولا يلوك لج اسم شيخه
الي تكلمتي به شي ردي
وماهو كلام شيوخ
ولا يرضي ربج
ماردت سكتت ودارت وجهها من جده
شاريد احجي ماعندي كلام السمعتو منها كدر حالي
بعد اكثر سريت من يمهن جدة
تكلمت
يابنت العرب قدرج عالي عدنا اليمسج بجلمه
من وغاد انا له الزمو الباب لو جان غالي
وضي العين
درت روحي دمعتي حدرت امه سرت من
يمنا مگلوبه الخلقه رديت گوه
ماريد شي ياجده اا
قاطعتني بهدؤ
لجن انا اريد والكل يمشي بجلمتي انا وبس
شيخه هالبيت والي يعجبو يظل هلا
به يكعد محترم روحو واسم
شيخ شعلان ابن شيخ فيصل مايحترم
روحو الباب يفوت جمل
دحكت لهاجر وجهها مطعون وضايجه من تصرف
امها هزيت راسي وسريت
من يمهن
صعدت لغرفتي دموعي تحدر ومخنوكه من الصار
دشيت ذبيت الشال بسرعه اريد اتنفس
الهوه روحي لابت رحت كعدت
وكهدت بالبجي
عرفت من اول يوم من زين رادني امو راح يجيها يوم وتعيرنا بالفقر ومن سمعتو منها وجعني حيل
وكسر نفسي وخاطري تكدرت جثير من
الكلام السمعتو وحزت بنفسي
معارتها لي
شهكت بصوت هاجر دشت شافت وضعي صفنت
عليه بقهر اجتي ليمي كعدت وكالت
احسبيها عليه ياهيله امي مااعرف وش
بلاها
امج ماتحبني يااهاجر تشوفني مو من مستواكم
ولا من مستوه الزين
سكتت ماردت نزلت راسي دموعي تسف
بغزاره على وجهي رددت
بس كافي تبجين والله جده مارضت لها وشفتي
شسوت بها
مارديت لان مالي خلك احجي تمددت هي
كالت
لاتنامين مقهوره ياهيله مو زين عليج
مالي خلك ياهاجر خليني وحدي اريد انام
افتهمت اريد اظل وحدي انسحبت من يمي
طفت الضوه وطلعت من يمي
رغم الجو جان حار بس تغطيت ختلت جوة
الغطه ابجي بشهكه ومحتاج زين
يمي
زين العابدين
ايام مرت طويله وگربن من ديارنا ولاحت لنا ومابقى شي وتحرر نسر
حدي هو وولد من عشيرتنا سال
عش مانتقدم يازين
يكولون البيوت مفخخه كلها والطريق هم لازم
يمشطون كل الدرب يله نسري
ورثت جگاره ولد من اهل الجنوب اجوي
وكفو يمنا حجو بضحك
ياشيخ بس تحرر المنطقه مالتكم نريد منك
منسف وعلي قوزي
اشرت على عيوني ورديت مبتسم
عيوني الكم وابشرو بالخير ااجثير
عااشو كدها عاد يااشيخ زين العابدين
تعيش بعز ياخويه
اكلك شنو سالفه اسمك يعني نعرفك بدوي
بس الاسم يعني تعرفه اسم امام من اهل البيت
انطيت جكاره لعلي وعباس ورثتها لهم
رديت
ابويه الشيخ شعلان جان عندو رفيج من اهل النجف يحبو جثير ويعزو مثل الاخو كلو
من تزوج اذا جاك ولد سمي
زين العابدين وسماني
بهل الاسم بس اجيت لهل الدنيا وبعدين عش
متعجب تره حنا نسمي على اسم
اهل البيت لان نحبهم ونفديهم
بدمنا
علي ضحك ورد
تصدك اول مرة من سمعت اسمك كلت هذا شوشو من عدنا
خربت ضحك وكتله
وحنا شنو سوسو
ههههه
خربو ضحك كملت مبتسم
كلنا اخوانا ومايفرگنا غير الموت
ااي والله، ،، وهيانه كدامنا من خرب حظي بس
لا اموت وماخذ حبيبه الگلب
علي رد بحسره دحكت له وحسرتو جن
بگلبي انا هم اجيت عريس وعفت عروستي
ورايه
عباس سال
منو من اهل النجف اني من اهلها بلكي اعرفه
كتلو الاسم ابتسم وصاح
ولك عرفته عنده محلات مال قماش يم الامام
موو صديق ابويه هذا كلش مااعرفته
صديق ابوك
صديقو من زمان لجن يجوز مااصار حجي جدامك
حتى تعرف ابويه
اي هو هيج
شفت اليات خاصه بالالغام حدرت باتجاهنا
اشرت لنسر وكلت
اجوي الربع هساع ينظفون الدرب من وصخ
ذوله الغداره
اي هلا بيهم
ظلو يمشطون الدرب وكل مشوار طاك
لغم باليوم الرابع تقدمنا حنا وفيلق الحشد البشمركه تمركزت يم حدودها وبعد ماطلعت معنا لاي مچان علي اجه بالهمر صار
بصفي اشر على بيوت
دحكت له هوجست بالشر من شفت علمهم
مرفوع لميت قبضه ايدي وكفنا كلنا
نزلنا
المقدم الي ويانا هو والضباط اجوي
ليمنا وكفو يدحكون عليهن
سال
اهلها ماكو مو
اي ماظل احد هينه كلها هجت من احتلو
المنطقه
اخذو الحذر يجوز ذوله مفخخيها قبل لايطلعون
منها
تمام سيدي
الولد جابو سرينا بحذر وعيونه على تفتر
بكل گتر وزوايه هدؤ وهوجست
بالشر
لبدنا يم حايط دار انا ونسر وعلي الولد الباقيه
تقدمو لدار ثانيه انا لابد انتبهت
تراب وكع على وجهي
رفعت راسي بسرعه شفت واحد
ملثم باسود فوگ بالسطح وشايله رمانه صحت
ياااولد.....
