رواية ثأر الشيخ مهران الفصل الثامن والثلاثون بقلم حوراء
أمّا أنا، فسأدخل في شجر التوت حيث تحوّلني دودة القزّ خيط حرير، فأدخل في إبرة إمرأة من نساء الأساطير، ثمّ أطير كشال مع الريح.
____________________
ايليا:- مر اسبوع ع اخر موقف صار بيني وبين مهران بهذا الاسبوع زاد اهتمامه بيه اكثر بسبب حالتي النفسيه الي ادهورت كام كلما يطل ويطب يسأل عليه ويسألني شنو محتاجه هذا اخر اسبوع الي بالشهر الثالث كلما اشوف شكلي بالمرايا احس بشعور كلش حلو وخاصه من اتلمسها بودي تخلص هاي الشهور بسرعه حته أخذه لحضني بس بعدين اتذكر اني راح اعوفه واروح كلبي ينعصر عليه مااريد انطيه اله واروح ولا اريد اضل هنا شلون تنحل مااعرف بس الي اعرفه ان ابني مستحيل اتخلى عليه محد يستاهل اعوف ابني علموده
حطيت ايدي ع بطني واني احجي ويه جنيني :-لاتخاف ماما مستحيل اعوفك هنا راح اخذك ونروح اني وياك نعيش حياه بعيده عن ابوك وعن مشاكل الماضي الي ماراح تخلص ابد
مسحت دموعي ولبست حجابي ورحت لغرفه نارة اريد اشوفها دقيت الباب واجاني صوتها وهي تسمحلي ادخل
ايليا :- شلونها الحلوة اليوم
نارة:- زينه تعالي ادخلي ليش واكفه بالباب
دخلت وسديت الباب :- اكلتي شي لو بعدج
نارة:- اكلت بس عبالك ماماكله ابد كلساع اريد اكل ولا جاي اشبع مااعرف ليش
ايليا:- حبيبتي هذا جنينج جوعان ويريد ياكل يلا كومي وياي للمطبخ اسويلج كيكه طيبه تاكلينها شنو رأيج؟
نارة:-موافقه
نزلنه اني وياها ودخلنه للمطبخ هي كعدت ع الكرسي واني بديت اطلع بأغراض الكيكه وبديت احضر بيها وهي صافنه بالفراغ
ايليا:-تعالي نارة افتحي الفرن مال الطباخ خليه يحمه
نارة:- تمام
كامت شغلت الفرن ورجعت كعدت بمكانها ضليت كلساع انطيها شي تسوي حته تنشغل بيه وماتضل تفكر بوالدها
رياحين:-هاا ولكم شنو جاي تسون ؟
ايليا:- كيكه
رياحين:-اويلي شكد مشتهيتها اروح اخابر مرح حته تجي تاكل ويانه
ايليا:-تمام
راحت رياحين واني كعدت يم نارة كسرت الصمت الي عم بالمكان وكلت
ايليا:- ضهرج بعده يوجعج
نارة:- لا صار احسن بس اكلج اني خايفه لان البارحه نزل عليه شويه دم
ايليا:- لاتخافين ماطول شويه وانقطع معناها ماكو شي خطير انتي بس ديري بالج ع نفسج واكلي زين وان شاء الله ماكو شي واذا عندج شك خلي ادم يأخذج للدكتورة حته ترتاحين اكثر وماتضلين تفكرين وتوهوسين
نارة :- لا مايحتاج مااريد اخوفه
ايليا:- تمام حبيبتي براحتج ، اصعد اشرب الفيتامين مالتي واجي تمام
نارة:- تمام حبيبتي
ايليا:-ديري بالج ع الكيكه مو تحترك اكتلج والله
نارة:-ههههه لا ماتحترك لان اني هم اريد اكل منها
صعدت شربت الفيتامين مالتي ورحت ارجعه لمكانه لمحت شاشه موبايلي تشتغل باوعت شفتها انفال تتصل رديت عليها
:- هاا لج زين عرفتي عندج صديقه واتصلتي بيها
انفال:- اكلج لا تضلين تاكلين خ*** شكد ادك عليج وانتي ماتردين هاا وحته قبل لاتردين عليه هسه دكيت عليج فوك الخمس مرات وارجعي اتأكدي لاعبالج اكذب
ايليا:- بسم الله الرحمن الرحيم شبيج يابه اكلتيني وشربتيني شكلت هسة اني
انفال:- عوفج من هذا الحجي وكوليلي هذا حماج الحيوان وينه ؟
ايليا:-منو ادم لو نزار
انفال:-بربج هذا هم سؤال انتي اكو عقل براسج اني شصخم بأدم واسأل عليه هاا
ايليا:- انفال وسم لاتضلين تغلطين شدراني بعدين انتي ع منو تحجين اذا قصدج ع نزار فهو ويه مهران ماادري شعدهم اعتقد صايرة مشكله ويه واحد من العشيره وهم رايحين يحلوها سوالف عشاير وهيج وبعدين انتي شتردين منه تسألين عليه
انفال:- اذا كتلج مجرد فضول راح تصدكيني ؟
ايليا:-اكيد لاا
انفال:-يعني تكولين لاتكذبين عليه واطلعي بكل سوالفج مو ؟
ايليا:-اكيد اي
انفال:- باعي تذكرين من اتصلت بيج وكلتي ابو نارة توفه ؟
ايليا:-اي
انفال:-هو جان ناشر تعزيه واني رديت على القصه مالته وعزيته وحجينه شويه ونوب اختفه ونوب ببدايه هذا الأسبوع راسلني ورديت ولحد هسة ماراد عليه
ايليا:-وهسة انتي ضايجه لان مارد عليج
انفال:-اي لان هو خبصني احبج واحبج تالي حته ماكام يرد ع رسائلي
ايليا:-لج الولد كاضيها يداوم ويروح ويه مهران حته احنه قليل نشوفه بالبيت
انفال:- ومن شوكت كايم يفتر ويه الشيخ هاا
ايليا:-اكلج اشو انتي تصيحين عليه شنو اصغر جهالج اني هاا
انفال:- لا حبيبتي ايليا بس اني شويه معصبه منه وطلعت بوجهج وبعدين اذا انتي ماتتحمليني منو يتحملني هاا
ايليا:- نزوري ههههههه
انفال:- ههههه صايرة تبسمرين ام علي
ايليا:- والله الي يدك الباب يسمع الجواب
انفال:- اكلج هسة اروح وبعدين احجي وياج تمام
ايليا:- تمام
سديت الخط منها ونزلت للمطبخ شفت الكيكه بعدلها شويه وتستوي كعدت يم نارة
نارة:-اكلج شوكت تسوين سونار حته تعرفين جنس الطفل ؟
ايليا:-بعد مو هسة خليني اوصل لنص الشهر الرابع على الاقل حته يبين عدها
نارة:- اهاا تمام مااستوت الكيكه ؟
ايليا:- بعدلها شويه
مشه هذا اليوم طبيعي حاله حال بقيه الايام ومر اسبوع بس الي اتغير بهاي الفترة ان نزار كام يطلع ويحضر هواي كعدات وفصول ويه الشيخ وحته قليل تواجده ويانه عكس قبل
____________________
نزار:-هاي الفترة شديت حيلي بالدراسه وكمت اطلع ويه مهران هواي واحضر فصول وكعدات فد يوم جنه كاعدين اني ومهران وفهد وآدم ومهيمن وجان تدخل علينه مرة جبيرة بالعمر بس معتنيه بنفسها لابسه بنطلون وقميص طويل للركبه وحجاب هم
:-السلام عليكم
الكل:-وعليكم السلام ورحمة
:- مهيمن موجود؟
مهيمن:-تفضلي يمه اني مهيمن
نزار بهمس لفهد:- العبب ها شني ولك اخوك طلعت عنده سوالف نسوان كبار
فهد:-صم حلكك خلينه نفتهم السالفه شني
نزار :-سكتت يابه
:-اني ام مرح
مهيمن بأستغراب من جيتها :- اهلا وسهلا بيج تفضلي جوة يم البنات واني هسة اجيبلج مرح تشوفيها
ام مرح :- بس اني ماجايه حته اشوف مرح
مهيمن بصدمه من كلامها :-جا شعندج جايه ؟؟
ام مرح :-اني جايه أخذها وياي
مهيمن :-وين ؟
ام مرح :-لأمريكا هناك اخوي عايش وبنتي راح ترتاح هناك اكثر
مهيمن :-انتي شجاي تخربطين
الشيخ مهران :- مهيمن السانك
مهيمن:-ما جاي تسمعها شتكول ؟
الشيخ مهران:-اسمع وهذا حقها نزار دخل المره يم الحجيه خليها ترتاح وانته فهد روح جيب مرح خليها تشوف امها وهم امها تفتح وياها الموضوع ونشوف شنو رأيها بالموضوع
مهيمن:-مهران تحجي صدك انته ؟؟
الشيخ مهران:-اسكت شويه
اخذت المره ودخلتها يم الحجيه وحجيت كلشي لرياحين ورجعت يمهم وجان فهد هم موجود همست اله
نزار:-جبتها؟؟
فهد:- اي جبتها ودخلت قبل لاتجي انته
مهيمن بعصبيه وصياح :- مهراننن تحجي صدكك انته شنوو حقها هااا مالها اي حق يمي مفهوم ومرح مستحيل تطلع من هذا البيت مفهوم
الشيخ مهران:-ليش هيج اتسوي هاا
مهيمن :-شنو معنى كلامك هذا مهران غير مرتي شبيك انته
الشيخ مهران:- بس انته وافقت تتزوجها حته تنقذها من عمامها وهسة امها اجت تريد ترجعها لهنا وخلص دورك انطي الابنيه وخليها تروح ويه امها ع الاقل تحصل حياه طبيعيه هناك وتكدر تكمل دراستها وهي تختار شريك حياتها بأرادتها
مهيمن بصراخ :تحجيي صدكك انته لككك شبيكك انتهه
الشيخ مهران:-غير افتهم وين الغلط بكلامي ؟ انته مكبر الموضوع
مهيمن :-شلون مكبر لك هو اصلا الموضوع جبير
الشيخ مهران:-لا جبير ولا شي بس انته مدري شبيك لو مااعرفك جان كلت انته تحبها لمرح
مهيمن بصراخ :- اييي احبهاااا
مجرد حجه هيج عم الصمت بالديوان ومهيمن عافنه وطلع والي فاجأني اكثر مهران ضل يضحك
ادم:-حجيت هيج عمدا مو ؟
الشيخ مهران:-اي لك شلع كلبي والله اجه الوكت الي اضحك بيه عليك ياعضيدي
نزار :-اي اضحك عليه قابل بس هو يضحك عليك من عرف بيك تحبها لأم علي
الشيخ مهران:-انته انجب
نزار :-انجبيت
_______________________
مرح :-جنت كاعده بالبيت بوحدي مهيمن راح لبيت الشيخ ورياحين هسة اتصلت بيه علمود اجي بس مااكدر اطلع لان مهيمن مانعني من الطلعه بوحدي اتصلت بيه بس ميرد شويه واجه فهد وكال تعاي امج اجت ع السريع بدلت ورحت وياه والطريق شكد قصير بس مااعرف ليش هاي المرة صار حيل طويل وصلنه للبيت وهو عافني ودخل للديوان واني كملت طريقي دخلت للاستقبال وشفت ماما كاعده يم الحجيه ركضت الها وشمرت روحي بحضنها حيل مشتاقه الها
مرح بفرح :- اخخ يمه ماتدرين شكد مشتاقه الج
ام مرح:-واني أكثر ياحبيبتي بس لا تخافين ماضل شي وراح ينتهي هذا الفراق
مرح بعدم فهم:- شنو تقصدين ماما
ام مرح :-تعالي اكعدي هنا يمي واني افهمج
رحت كعدت يمها وهي بدت تشرحلي مقصدها
ام مرح:-باعي ماما قبل فترة خالج كمال خابر عليه وكال ان احنه لازم نروح يمه نعيش واني وافقت وهو سوة كل الإجراءات وبقه علينا بس نسافر اله وهو يستقبلنا بالمطار وراح تتغير كل حياتنا شنو تكولين ماما موافقه مو
باوعت عليها بصدمه واني لسى مامستوعبه الي كالته
مرح :-يعني تكولين انعوف كلشي ونروح يم خالو ؟
ام مرح:-اي حبيبتي
مرح :-ومهيمن ؟
ام مرح:-شبيه مهيمن ؟
مرح :-ماما شلون اعوف مهيمن واروح نسيتي هو يصير زوجي ؟
ام مرح:-زوج شنو شبيج ماما ليش انتي حاسبه هاي المهزله الي صارت زواج ومهيمن الي بكد ابوج زوج؟؟
مرح:-ماما الله يخليج لا تحجين ع مهيمن وهذا مهيمن الي مو عاجبج اهتم بيه وحافظ عليه كل هاي الفترة وما سمح لأحد يأذيني بكلمه يعني هو سوة اشياء انتي ماكدرتي تسوينها الي تحمل مسؤليتي بالوقت الي جان لازم انتي تتحملينها
ام مرح :- مرح وين اخلاقج شلون تحجين وياي بهاي الطريقه هاا
مرح :- اسفه ماما بس كلامي مابيه شي غلط واني مستحيل اعوف مهيمن واروح وياج اذا اسوي هيج معناته اني ضحيت بيه
ام مرح:- شبيج ماما ترة هو هم معتبرج بنته ومو زوجته وحسب الي فهمته من الحجيه ان انتم ماعايشين حياه زوجيه طبيعيه بعد ع شنو متعلقه بيه لهاي الدرجه واني متأكده هسة هو راح يكلج روحي ويه امج
مرح هزيت رأسي بنفي وكلت بصوت خايف :- لا مستحيل مهيمن مايعوفني
عفتها وطلعت للبيت امشي ودموعي عشرة عشرة دخلت للبيت وصعدت فوك اول مافتحت الباب صار بوجهي مهيمن بس شفته انفجرت بالبجي بصوت عالي وهو خطيه انخبص بيه تقدم عليه ولزم وجهي بين اديه وكال بحنيه
مهيمن :-شبيج بويه ليش تبجين هاا
مرح بشهكه :- ص صدك ر راح تعوفني اروح ويه ماما ؟
مهيمن :- شنو هذا الكلام
مرح وهي تضرب ع صدرة :- ادري بيك راح تعوفني اروح راح تتخلى عليه مو مليت مني ومن مسؤوليتي ادري بيك
مهيمن بهدوء:- اهدي بابا منو كال راح اتخلى عنج هاا مستحيل اسوي هيج اتخلى عن روحي وانتي لا وبعدين اني امل منج امداني اذا صدك
مرح :- يعني ماراح تعوفني اروح ويه ماما
مهيمن:- انتي تردين ترحين وياها ؟
مرح :- لا مااريد بس
مهيمن:- بس شنو؟
مرح:- باع اني اريدك انته وماما يعني أني مااريد اروح وياها بس اني هم مااريدها تروح وتعوفني أريدها تبقى يمي
مهيمن :- خوش حجي واني عندي حل اكو هنا بيت قريب نص قطعه نشتريه ونخلي امج تعيش بيه وهيج راح تصير قريبه عليج وتكدرين كل يوم تشوفينها
مرح:- اي والله خوش حل
ضليت اباوع عليه وهو عيونه ع شفايفي فرقت بينهن وكلت
مرح:-اريد منك وعد مستحيل تعوفني بيوم من الايام مفهوم
مهيمن وهو يقرب وجهه اكثر لوجهها:- مفهوم
غمضت عيوني من حسيت شفايفه صارت ع شفايفي وبده يبوس بيهن بوقتها عقلي جان رافض هذا الشي بس كلبي جان موافق عليه وبعد صراع دام لثواني كدر كلبي يتغلب ع عقلي حاوطت ركبته بأيديه وسلمت نفسي اله ابتعد عني وفتحت عيوني ببطئ وشفت نفسي ع الجربايه همس بصوت خفيف وكال
مهيمن:- جاهزة ؟
باوعت عليه وعيوني مليانه خوف حس بيه وحجه بهدوء يحاول يهديني
مهيمن:- انتي سلميني نفسج ولا تخافين ماأذيج
مرح:- هزيت رأسي بأيجاب وسويت مثل ماكال البيت هدوء ماينسمع بس اصوات تصادم أجسادنا سوة ابتعد عني وطبع بوسه طويله ع جبيني وكال
مهيمن :-مبروك شعلتي
مرح بخجل :- الله يبارك بيك
مهيمن :-تعالي نسبح سوة
مرح ووجها صاير احمر من الخجل :-مهيمن روح انته اسبح واني اسبح وراك
مهيمن :- لا الا نسبح سوة
عاند وماقبل اله نسبح سوة خلصنه سبح وطلعنا لف شعري بالمنشفه وكعدني ع الجربايه وراح للكنتور يطلع ملابس الي واله ورجع الي اخذ ملابسه وراح يبدل واني بدلت ع السريع فتحت المنشفه وسحبت المشط وبديت امشط بشعري بس شنو احس ايدي طاحت كمت ادور ع المقص اله اكصه اليوم واخلص منه لكيت المقص وعدلت شعري بس حطيت المقص ع شعري رجف كلبي وماكدرت اكصه ذبيت المقص وحجيت بغضب ويه شعري
:-ليش اتعبني بالتمشيط هاا وعود اني مسويه روحي قويه واني شعري مااكدر اكصه
اجاني صوته وهو يكول
مهيمن :-ليش كل وحده تكص شعرها معناها قويه ؟
درت وجهي عليه وكلت :-اي لان يعتبر الشعر اهم شغله عند الابنيه واذا ضحت بيه معناها هي قويه
هز راسه وكال :- مااعتقد اهم شي عند الابنيه شعرها الي اعرفها اهم شي عدها شرفها واذا مثل ماتكولين الي تضحي بأهم شغله عدها معناها قويه يعني الكح*** قويه صح ؟
فتحت عيني بصدمه من جرأته وكلت :- شنو هذا الكلام مهيمن
مهيمن :- باعي مثل ما النقطه الدم ماتقيس الشرف هم الشعر مايقيس قوه المره هذا الي اريد اوصله الج هسة انتي ماكدرتي تكصين شعرج هذا الشي مو معناته انتي مو قويه هسة اني وواكف هنا اشوفج انتي أقوى مرة شفتها بحياتي
مرح:-صدك ؟
مهيمن:- اكيد حبيبتي وهسة يلا خلينه نروح ونحجي ويه امج ونشوفها شنو تكول
مرح :- تمام يلا لفيت شعري ولبست الحجاب ونزلنه سوة ورحنه لبيت الشيخ هو راح كعد يم الزلم واني دخلت جوة شفت امي كاعده تسولف هي والحجيه ومندمجات عفتهن ورحت للمطبخ بس دخلت سحبتني رياحين وسدت الباب ايليا
رياحين:لزمتج وين جنتي ولج
مرح:- كمزتيني شبيج رياحين
رياحين:-اعترفي بسرعه وين طفرتي هاا ومهيمن هم ماجان موجود احجي بسرعه
ايليا بمكر:- بس لا الي جاي افكر بيه صحيح هاا تحجي هيج وتغمز
رياحين:- شنو شنو شوف الثانيه يالله شلون صار وجها احمر
ضحكت ايليا وكالت:- عوفيها يابه جانت يم زوجها
رياحين :- يعني حجيتي وياه بالموضوع شنو كال راح ترحين ويه امج هاا احجي عاد مو راح يوكف كلبي
مرح بفرح :- لا ماراح اروح وماما هم ماتروح كال اشتريلها نص قطعه قريبه منا وتعيش يمنا
رياحين:- اوفف ريحتيني الله يريحج
حجيت هيج وايلي جانت تشرب مي ومن سمعتني ضحكت وكام المي يطلع من خشمها اختنكت وكامت تكح من هدت شويه كالت
ايليا:- الله يطيح حظج رياحين ردت اموت من وراج
رياحين :- ليش اني شعليه
ايليا:- شنو تكولين ريحتيني الله يريحج هاا
افتهمت قصد ايليا شنو :- طيح الله حظج انتي اني شعليه اني انتي تفكيرج منحرف هاا
ايليا:- هههههه اخ يمه فحطت
نارة:- بنات تتوقعن ام مرح تقبل تعيش هنا
مرح :- وليش ماتقبل ؟
رياحين:- اي صح حته اني هيج فكرت مااعتقد توافق وتعيش هنا وهي عدها فرصه تعيش بأمريكا
نارة:-هذا الي اقصده اني يعني من وجهة نظري مااعتقد توافق لان مو اي واحد تجيه هيج فرصه
مرح:- بس ماما مراح تعوفني وتروح اكيد تبقى يمي صح
نارة:-مااعرف حبيبتي بس ان شاء الله يصير مثل ماتكولين
مرح:-شبيج نارة هي اجت علمودي وسوت كلشي ويه خالو علمودي اني ممعقوله تعوفني وتروح
ايليا :- اي اكيد حبيبتي وحجي نارة جان مجرد رأي بس لااكثر
مرح :-اوك لعد اني اروح يم ماما تحتاجني اساعدجن بشي
ايليا:- لا حبيبتي روحي يم امج
طلعت مرح واني درت وجهي ع نارة ورياحين وكلت
ايليا:- حجيجن ابد مو وكته
نارة:- عليج الله ايليا انتي مو هم تفكرين مثلنا هاا
هزيت رأسي بأيجاب :- لج اي بس ان شاء الله يطلع تفكيرنا غلط وتبقى هنا يم بنتها لان اذا عافتها مرح تنتهي
نارة ورياحين :- ان شاء الله
خلصنه الاكل ونقلناه اني والبنات وكعدنه ناكل شويه وتحممت مرح وكالت
:-ماما عندي موضوع مهم اريد احجي بيه وياج
ام مرح :- كولي ماما اسمعج
مرح:- باعي ماما اني ماراح اروح وياج ومهيمن هم ماراح يقبل اروح وهذا الشي اتفقنا عليه اني وياه
ام مرح بغضب :- تفضلين مهيمن عليه هاا تفضلين زوجج عن امج
مرح:- ماما حبيبتي خليني اكمل ليش تقاطعيني باعي اني مااكدر لا اتخلى عن مهيمن ولا عنج وعندي حل راح يرضي الطرفين مهيمن يشتريلج بيت نص قطعه قريب منا وتعيشين يمي وهيج تكدرين تجيني واني اجيج هم ومانفترق عن بعض
وكفت ام مرح وكالت بعصبيه :- انتي شجاي تحجين اكلج نروح نعيش بأمريكا وانتي تجين تكولين لا نبقى هنا واعيش بنص قطعه لج انتي خبله لو انتي شعليج هذا اكيد الشايب مالتج ضحك عليج ولعب بعقلج
مرح:- ماما شنو هذا الكلام شبيج وبعدين انتي ماتردين نبقى سوة ومانفترق وافقي ع مودي الله يخليج
ام مرح :- ترديني اعوف اخزي والعيشة المريحه برة واجي اعيش هنا واخنك روحي علمود شنو علمودج انتي باعي ماطول انتي اختاريتي زوجج وعفتيني واني هم راح اختار حياتي واعوفج هنا وهو هم مو صوجج صوجي اني الي حبيت انفعج واسويلج حياه تحلم بيها كل البنات بس انتي ثوله ع منو طالعه ع ابوج الاثول
حجت هيج ودنكت اخذت جنطتها وراحت ومرح فحطت من البجي تقدمت عليها وحظنتها
ايليا:-كافي حبيبتي اهدي لاتسوين بروحج هيج
مرح:-عافتني وراحت شفتي شلون تخلت عني وراحت ليش هيج سوت اني ايام وليالي ماانام من اشتياقي الها هيج هنت عليها وراح تروح وتعوفني
ايليا:-اهدي حبيبتي انتي، بعدني جاي اهدي بيها وسمعت صوت مهيمن وراي وهو يكول
مهيمن :- من رخصتج خويه شويه
وخرتها من حضني ورحت وكفت يم نارة كعد كدامها ويمسح بدموعها
مهيمن :- ليش تبجين بابا
مرح :- عافتني وراحت وغلطت ع بابا هم ليش هيج حجت والله اني ماضايجه منها لان عافتني ضجت من كلامها ع بابا انته مهيمن لو شايف بابا شلون جان يعاملها من جان عايش شنو الي تريده يصير وشنو الي تطلبه يحضر عدها هيج تجازيه بعد موته تغلط عليها
مهيمن :- كل واحد يعمل بأصله حبيبتي وامج راح تتحاسب ع الي حجته اذا مو اليوم باجر واكيد راح يجي يوم الي تتلقي بيه ويه ابوج يم رب حكيم وهو راح يحكم بيناتهم ويأخذ حق ابوج منها وانتي كافي تبجين محد يستاهل ترخصين دمعتج علمودة خوش
مرح:- مااكدر والله الي صار وياي كلش صعب
مهيمن:- بس انتي قويه وراح تكدرين تتخطينه واني موجود وياج وراح نتخطى هذا الشي سوة تمام حبيبتي
مرح :- تمام
مهيمن:- كومي غسلي وجهج وتعالي بسرعه يلا
كمت غسلت وجهي واحاول اهدي بنفسي شويه بس مااكدر كلما امسح دمعه توكع ابدلها اثنين اخر شي جريت نفس وكلت
:- اني قويه راح اتخطى الي صار مثل مااتخطيت وفاه بابا مسحت دموعي ونشفت وجهي وطلعت
بعد مرور اسبوع
ايليا :- اليوم مهران سوة غده وعزم مهيمن ومرح وفهد وانجمعنا كلنا ناكل سوة بالاستقبال سوالف نزار وضحكنا والحجيه كلساع مرزله واحد بيهم واكثر واحد حصل رزايل هو نزار بسبب تحشيشه تكله انته ماعندك احترام لنعمه جاي تضحك عليها وهو يكول اعذريني نعمه مااقصد اجرح مشاعرج واحنه نضحك ع الصامت نخاف ناكل رزاله منها
نزار :- اكلك خويه فهد
فهد:- كول نزوري
نزار:- اكو اغنيه لازكه براسي هذا الأسبوع
فهد:- مال منو
نزار:- تعال اشاورك
قدم فهد اذنه يم نزار وكاله عليها ومانسمع بس صوت ضحكهم
نزار:- نغنيها اني وياك هاا
فهد:- واذا انعلسنا ؟
نزار:- يمعود حتى لو بس خلينه نتونس شويه
فهد:- هذا هو ابدي انته واني أكملها
نزار :- تمام احم احم
اخيرا كالها
نزار بس حجه هيج مهران وآدم جانو ياكلون طله الاكل من خشمهم
فهد:- كال احبك كالها
نزار:- واني قلبي ،قلبي ، قلبي، قلبي
نبضه توكف بعدها
فهد:-اخيرا كالها كال احبك كالها
نزار:- هههههههههههه عشتت وعاش صوتك حبيبي
مهيمن :- بعدين حسابكم
ايليا اباوع ع مهران وجهة صاير احمر من كد ماضحك ومهيمن وجهة احمر ومعصب واحنه هنا مثل الأطرش بالزفه كلشي مامفتهمين
مهيمن:- طلعها مهران راح تموتين وانته حاصرها للضحكه
الشيخ مهران:-ههههههههه استغفرالله
ادم:- ههههههه خرب يومك نزار شلون جبتها هاي
نزار:- اول ماكالها اجت ابالي شبيك انته وجنت منتظر الوكت يهدئ شويه وافجرها ههههههه
مهيمن:- وبعدين اني شلون راح افجرك واخلص منك
رياحين :- هسة غير نفتهم ع شنو تضحكون
نزار:- ماكو شي حبيبتي سوالف مال كبار لا اتعبين عقلج بيهن
من بعد ما يأسنه نعرف ع شنو يضحكون كمنه لملمنه المواعين واني ومرح غسلناهم ورياحين سوت جاي ونارة رتبتهم بالكاونتر شربو جاي والكل انسحب صعدت فوك غيرت دشداشتي لان تبللت هسة اني دخلت للشهر الرابع وبطني كبرت اكثر ضليت افتر بالغرفه وارتب بيهم شويه ودخل مهران واني تقدمت ارتب الميز مال المكياج لان صاير هوسة واني واكفه ارتب بيه حسيت برفسه ببطني اول مرة تصير وياي حطيت ايدي ع المكان اتحسسه اول شي عبالي اتخيل بس من انعادت مرة ثانيه تأكدت ضليت واكفه واضحك درت وجهي ع مهران وحجيت بفرح
:-مهران تعال بسرعه
الشيخ مهران:- شبيج بويه
ايليا :- بس تعال شبيك
تقدم عليه ويباوع بأستغراب لزمت ايده وحطيتها ع نفس المكان الي رفسني بيه انتظرت شويه ورجع رفس مرة لاخ هم رفعت راسي باوعت عليه والابتسامه شاكه حلكي وهو لحد هسة مامستوعب الي جاي يصير
الشيخ مهران:-اكلج هو صدك جاي يرفس لو اني اتخيل
ايليا :- لاصدك جاي يرفس انتظر شويه وهم راح يعيدها
ضل ينتظر صدك شويه وهم ضل يرفس واني ضليت مراقبه حركات وجهه من رفس مرة ثانيه وهو حس بيه كام يضحك بس عيونه بيهن دموع
الشيخ مهران:-هاا لكك شبيك ترفس
ايليا:- لاتكول ع ابني ولك مااسمحلك ترة
الشيخ مهران:-ههههه ياكلمه وردي لمكانج مااكول ولك
ايليا:-اي عبالي
اندك الباب وهو راح يفتحه طلع نزار
الشيخ مهران:-ها نزار
نزار :- زوجني لا احرك روحي
الشيخ مهران:- روح اشتري بانزين واحرك روحك
نزار :- ماعندي فلوس
الشيخ مهران :- اداين من ادم واني بعدين ارجعهم اله
نزار:-يعني ما تزوجني
الشيخ مهران:- توؤ
نزار:- خوش حجي بس اني مامسوؤل ع الي راح يصير
الشيخ مهران:-انته جرب تغلط بالله الكريم اطيح حظك
نزار :-جا زوجني
الشيخ مهران:-مو هسة
نزار:-جا شوكت
الشيخ مهران:-خلي تمر فترة ع وفاه ابو نارة والله كريم
نزار:-يعني هم راح انتظر
الشيخ مهران:-اي بعد روحي
نزار:-خوش ننتظر وامرنا لله
عافه ونزل ومهران سد الباب ورجع كعد
الشيخ مهران:- من افرغ اخذج للدكتورة حته تسوين سونار ونعرف جنس الطفل
ايليا :-تمام
