رواية دخيله الشيخ زين العابدين الفصل الثالث بقلم أوتار حزينه
الصبح كعدت على صوت هوسه
بره كمت عاكد الحواجب وراسي يوجعني
فرگت وجهي بقوه وكمت من الفراش
غسلت وجهي بالحمام طلعت
اخذت الجگاير وجهازي
فتحتو شفت ابويه متصل وامي
وكم واحد من ربعي ودلع
خابرت الشيخ جاوب بغضب
عش ماااتجاوب مااتفهمني
جنت نايم
نوم العافيه يبعد ابوك
جاوبني باستهزاء سكتت رد بغضب
ااسمعني زين عينك على الولد جابو المرشات
وراح ينصبوها بگاعنا عمك بحر وياهم
وانت اكف ويا تعلم منو شلون
يتصرف وشلون يدير
الشغل
ضاج خلگي من السمعتو سكتت
صاح بغضب
سمعت الكلام
اي شيخ سمعت
يله هير روحك بالعجل وروح يمو
سد الخط صحت بغضب
انا ليش رديت ليش عگبت لهل الديره المبيها غير بس الهم وشلعان الگلب
ورثت جگاره اخذت نفس طويل زتيتو بنفاذ صبر كملت بضوجه
كلو منج يافضه ظليتي تنوحين عليه
ارجع من غاد راح اموت من وره قهرك والقهر لفاني انا من رديت على رجلج واوامره
نزلت احجي بگلبي وگالب الخلقه دشيت للمطبخ
عينت صعب بي وولد يشتغل عدنا
اسمو مشعل الي صبح
هلا شيخ صباح الخير
مووو خير مادام صبحت بوجهك
صفن عليه وسكت كعدت وصحت بي
الگهوة ومرة اريدها
تامر شيخ
صعب دحك عليه سال
خير يازين وش نوحك من الصبح
بيه بله ازرك بيه طاعون انا شعگبني لهنا
مو جنت جالس باربيل والمزاج عالي
ههه الشيخ خابرك مو
سكتت اخذت الگهوه من مشعل سالتو
مافضو الشغل
مشعل جاوبني بخوف
لا ياشيخ الشغل راح يطول جم يوم
سود الله وجهك اكثر ماهو اسود يعني
انحصرت هنا مثل الجلب
ههههه وجلب اللخ وياك
صعب جاوبني سالتو
حمد وينو
حدر لاهلو وكال ارد العصر
هزيت راسي كمت طلعت لبره عينت الهوسه
بگاعنا الزلم تشتغل وعم بحر واكف على راسهم
شيخ الريوك جاهز
تريگت وانا عاكد الحواجب وضايج من هالحصره صعب تكلم
فگها عاد ولاتظل گالب الخلقه
ااسكت ياصعب اهوجس ابويه مو مثل
كل مرة واكو شي بالو وخال عگلو
وياي فد مرة
هههه انا هم احسو هيج
عفت الاكل رديت ليوره وجابتو بضوجه
يول لاتضحك تره گلبي موجر وضايج خلگي
من الكاعد يسوي بيه اجيت ارتاح هينه
وشوفو شسو لااا والنوب يطلع
النا ذيب وراااد
عكدت حواجبي من تذكرتها لام لسان
سكتت والضوجه صارت بعد اكثر
انا الي مخليني اندهش واصفن وي روحي
مو الذيب يازين
سكت جاوبتو
عجل شنو الصفنك
البنت
ركزت بعيوني علي كمل مبتسم
هالبنت گويه وماتهاب احد وماتعرف الخوف
شفتها شلون اجتي بلمح البصر
ضربتو لابو سرحان وراحت كملت علي بدون
مايرفلها جفن
ورثت جگاره كمت لحيله اخذت نفس
هو كمل وبنبره صوتو اعجاب
سبحان الله صغيره عمر لچن سبعه والياخذها
راح يربح مايخسر
مشعل تدخل وتكلم من جان يحوم يمنا
بنت مله حميد مخطوبه لابن عمها شهم
ابتسمت باستهزاء وجاوبتو
هي تلوك الو وهو يلوك الها وافق شن طبقه
صعب تكلم
بختو حلو هالزلمه هالبنت سلاح بظهرو
وزنادو وگت العوزه
انهديت بي بغضب
ااكلك سد السالفه شبلاك لزكت بيها اليكول
الله خلقها وگسر القالب وراها
صعب صفن علي هو ومشعل الى سرى،من يمنا
شبيك يازين ليش احسك تكره هالبنت
اخذت نفس طويل وجاوبتو بضوجه
طالع يم عم بحر
گفت ويا جوه شجرة اعين للشغل واسمعو يعلم
بيه وانا اهز براسي عفت كلشي وره
ساعه لان مالي خلك للحر
ولا للهوسه الي زادت مانقصت كرار صلاح قصص وروايات عراقية عگبت سبحت تغديت وي عم بحر هو والعمال
العصر هم رجعنا للگاع وگت المغرب
حدرت للمحصر خذيت هايل
وگلت خلي اطلع للبريه
انفه عن روحي شويه
تلثمت بيشماغي وطلعت به حدرت
على طول الشاخه عينت من بعيد
خياله تطرد على ذيج
الجهه
عكدت حواجبي من عرفتها منهي ردت اجزاها
اسبگها هيج اجه بالي صحت
ااسرع يااهايل
سرى بسرعه صرت گريب عليها عينت الها
عيونها اجتي بعيوني هونت وسبگتها
درت راسي دحگت الها وگفت
بمچانها
درت هايل وحدرت لها وكفت مگابيلها وخرت
اللثام وسندت ايدي على السرج
تكلمت
هيله
عرفتو برق الشر وهونت وگفت بمهره
واشوفو وكف وحدر علينا
صار مگابيلي
وخر لثامو وشفت نظرة الشاماته بعينو
تكلم
فرسج مااتسابگ الاصيل لانها مو اصيله
ابتسمت وعينت لمهره جاوبتو
بهدؤ
لااا اصيله يااشيخ لچن انا مااسابگ ياهو
الجان
وجهه تبدل ونظره الشماته
تبدلت وتحولت لغضب تكلم بحده
يولي انا مو ياهو الجان وتعرفيني انا منو
وشاكدر اسوي الج اذا ظليتي
تردين عليه بهل اللسان الطويل
لساني ماهو طويل ياااشيخ الا وي الي ماتعرف تتكلم زين
تقدم بهايل عليه حدتو الشاخه الجو توتر
الغضب ترس ملامحو خزرني مادرت بال اله
ولا هز شعره مني درت مهره
سريت من يمو صاح بيه
اااحاجيج يااابنت
درت راسي علي افتر بهايل وعيونو عليه
تكلم تقدم والعيون تخزر
اادعي لابوج الي قاضبني عنج ادعي لابويه
لان يعزج ولا جان من زمان گاضبج
وعادمج العافيه
هههه كلامك مو چتال ياشيخ مثل صوابك
جاوبتو باستهزاء وصحت
يله ياامهره سااابگي الريح
رگضت بيه سرت مسافه درت راسي عينت
واكف بمچانو ماتحرك ابتسمت
وتكلمت وي روحي
زلمه شطولو وشعرضو لجن عقلو بكد السمسه اذا
لزمت شيخه ابوك وكعدت بمضيفو
شلون راح ترد الزلم
اذا تكلمت وياك وانت حرمه ماگدرت تردها
گربت لگاع الي يشتغل به عمي
وولدو عينت شهم واكف يسگي شافني
ابتسم اشر لي هونت بمهره
ووكفت حد گاعهم
نزلت منها حدر يمي سلم
گواج الله يبنت العم
خليت بيني وبينو مسافه ورديت
هلاا شهم قصص وروايات عراقية
اشوفج متاخره هالمرة بردتج للبيت
لاا مثل كل مرة رديت
سكت صفن بعيوني كمل مبتسم
حدري نگابج خلي اشوف وجهج الحلو
اشتاگيت للحسنه
گلبي كام يدك بسرعه لچن ضجت
لان تغزل بي لزمت رسن مهره
سريت بيها تكلم بسرعه
هيله لاتزعلين مني لان حجيت هالكلام انتي
تعرفين انتي بنت عمي وبحسبه
مخطوبه لي
شهم انت تعرف انا مااحب هالكلام وگايله
الك عيب وحرام تتغزل بي وانا
مو حرمتك
سمعت صوت هايل عينت برق الشر
وگف يدحك علينا ابن عمي سلم
گوة الله عزمك شيخ زين
وعزمك ياشهم
جاوبه وعيونو عليه سرت بمهره لگاعنا زين
طلع بهايل بسرعه لگاعهم
وصلت ليم بيت الماطور غسلت من يم
الحوض وشربت مهرة وكفت
يمها امسح على
بدنها وصافنه على گاع الشيخ
شعلان ضوه اضويه عاليه والزلم بعدها تشتغل
بالگاع
درت روحي ووعگبت مهرة للمحصر مالتها
مالك
بعد الحاح من ابويه وامي حتى
اراضي لميس المغرب طلعت من المكتب لبيت
عمي مريت من يم البيت الي
اشتريته لان جان بنفس
المنطقه الساكنين بيها بيت عمي نزلت
سندت ظهري على سيارتي ورثت جگاره
اخذت نفس صفنت علي مساحته جبيره ويطلع
منه اربع مشتملات
باب الجيران الي بصفهم انفتح طلعت
بنيه خلتني اصفن عليها حلوه كلش دحكت عليه
وبعدين على سيارتي ابتسمت
يله لارا امشي
مره جبير طلعت وراها حجت شافتني واكف
قريب عليهم سلمت
الله يساعدج خاله
هلا عيني
ردت عليه وكملت وي البنيه
يله ماما خلي نروح للسوگ
وكفتها وعيوني على بنتها
خاله احب اعتذر من الي راح يصير
يعني تعرفين راح افلش وابني وانتو راح تتاذون
من الدوخه والهوسه مال البناء
هاا ليش اانت الي اشتريت بيت ابو خليل
اي خاله
بالعافيه عليك يعني راح تفلشه وتبني مشتملات
مثل ماسمعنا
ابتسمت وعيوني على البنيه الوياها الي
اكلتني بعيونها اني وسيارتي
اي خاله راح اسوي مشتملات واعرضهن للبيع
هاا بالخير عليك ،،،ومال دوخه اي والله راح ندوخ
بس شنسوي نتحمل الما تكمل
سكتت من شفت بنتها ابتسمت اليه جانت عدها
غمازات ضايفه جمال اللخ الها امها انتبهت
الها خزرتها وكالت
من رخصتك
دفعتها بهداوه وهي حجت بنعوصه
ااوي هاي شبيج ماما
ضحكت وي روحي ورحت صعدت للسياره
حرگت ومشيت من يم البيت دحكت
بالمرايه حجيت باعجاب
بنت الخره شلون حلوه شايله جسم يخبل بس خفيفه والعيون تلعب حالها حال الربع الي اعرفهن
حركت وطلعت لبيت عمي وصلت وره دقائق نزلت رحت يم الباب دگيت الجرس سمعت صوت مرة عمي
منوو
اني مالك
سكتت اجتي فتحت الباب دحكت عليه
بغضب حجت
خيرر شجابك
منوو ام خالد
ابن اخوك
الله مطولج يااروح
حجيت وي روحي عمي اجه دحك عليه
بخزرة وكال
هاا ولك بيا عين جاي علينا بعد السويته
عم راح نوكف بالباب ونحجي
سكت للحظه بعدين جاوب بضوجه
فووت
مشيت وراه للاستقبال طبينا كعد وكعدت
وراه حجه مباشره وبغضب
ااحجي ابن اخويه تكلم كول بنتي شسوت
الك حتى تمد ايدك عليها وهي حامل
جسرت علي ومااحترمتني
من ايدك انت لو لو صاينها وماجايب
لبيتك كحااا
ااام خالد
عمي صاح بمرته سكتت كمل وياي بغضب
انت جايب نسوان لبيتك
لاا عم ماجايب اي نسوان لبيتي
خالد طب شافني وخزرني صاح بيه
شجااابك ولك
ابن عمي من زمان يكرهني ومايحب شوفتي
جان رافض زواجي من اخته وتعارك وي عمي
من صمم ينطيها اليه
كمت لحيلي عمي صاح بي
خالد ااكعد وخلينا نفتهم منها شصاير
يااابه شتتفتهم منه وانت واني نعرفه كلش
زين شنو هو ومن يا طينه الله صبه
حجه هيج تقدم عليه كمل من
مد ايده ودفعني من صدري
باي عين جاااي ولك باي عين لفيت علينا
بعد السويته باختي
دفعته بقوه من ظل يدفع بيه عمي صار بينا
وصاح بي
كاافي ولك وخليني اني ااحجي واتصرف
حجيت يااابه وكسرت ظهر اختي من انطيتها لهذا العار ابو العرك والكحاب
صحت باعصاب
ااحترم نفسك ولك ولا تظل تغلط
هد عليه وهو يصيح
ااااكل خرة ولك ووواطلع منا لااا اجي اگبرك
اااذا انت رجال تعال ومد ايدك عليه وشوف شراح اسوي بيك قصص وروايات عراقية
فلت من عمي وهجم عليه تلگيته بوكس
تلازمت اني ويا وصارت هوسه
بيتهم فقدت اعصابي ولزمته عدمته العافيه
الجيران گوة فگونا طلعوني اعد علي واغلط
لميس طلعت ورايه تبجي مادرت
بال الها رگبت سيارتي شحطتها من يمهم
واني مااشوف دربي من وره الغضب
الصار بيه
ليان
ورة ايام اتفقت وي صديقاتي نطلع نتغده
بمطعم بس انلغت الطلعه من ورة
روان لان اجوها خطار ظليت بالمشتل
التهيت بالشغل وترتيب الشتلات العصر جعت
كلش كلت خلي اطلب ريزو لان اشتهيته
طلبت من يم مطعم قريب وخابرت ابو
المشتل حتى انطي فلوس
الايجار
كملت ويا تمارة دگت فتحت الخط
حجيت
الوو حب
هلا قلب،، شفتيها لهاي العوبه شلون
ضربتنا بوري
هههه تره هي هم انضربت بوري من اجوها الخطارر
هههه هم صدك ااكلج انتي وين
وين عيني اكوون غير في مزرعتي الصغيره
ههه احسج بقره من تحجين هيج
اانجبي ولج اني بقره لو انتي ام كرش
عااااا وج اسكتي راح اموت راح انتحر سجلت
جم وگتلت روحي بالتمارين وبعده رافع
خشمه عليه ولا نقص منه ربع
سانتيم
هههه حالف يقهرج
ووج ليونه راح انجلط ساده حلكي ومااكل
ومجاي اضعف
روحي حللي خاف عندج الهرمون ضارب
حجيت وياها وشلت نبته مطاط
وين اخليج انتي
ااني وين تخليني
موو انتي المطاطه
ههه لازم اجاج الزرع
اي نعم
رااح اهجم اني وماما وعمتو ابتسام
هلا بيكم شوكت مااجيتو
تخفيضات ياااولد
هههه اخفض ربع
عااابت المفروض تنزلين نص السعر لان اني
جايبه الج نص گرايبنا حتى يشترون منج
اكلج لادوخيني تعالي والج هديه بلاش
عاااشو عذا الحجي الحلو بليل اجيج
اني وياهن واجيبلج بيتزااا
ااكلج تذكرت هذا ابو الريزو اشو مااجه
عبالك انضربت بوري اللخ ههههه
هههه هم ماتغديتي من ورة بناتج
ابتسمت لان اسمي زرعي بناتي جاوبت
تروووحي هسه خلي اخابر واشوف
الطلي الطلبته وين صار
يله باي اروح اقط باسل
ههه اي قطي اله وخليهن بجيبي اني
ههههه ادللي يله باااي
سدت الخط خابرت المطعم كالو اجاج
الطلب طلعت بره رشيت الورد ماي وعصا موسى
اني مندمجه بالشغل سمعت
صوت
مساء الخير
رفعت راسي جان هو نفسه الشاب الي
اجه قبل كم يوم واخذ كاردينا وروز جاي بالزي العسكري سويت نفسي
ماعرفته جاوبت
اهلا وسهلا تفضل رايد شي
لازم ماعرفتني ست ليان
كال اسمي منا وابو الدلفري خابرني
من رخصتك
طبيت للمشتل ححيت ويا واخذت فلوس
من الجراره رجعت للشارع بعده
واكف ويقلب بعصا موسى
هاي شكد سعرها
ثلاث الف
حلوه كلش شنو اسمها
عصى موسى او البامبو
ابو الدلفري وصل ااخذت الطلب وانطيته
الفلوس
ااريد من هاي فد اربعه
صار ادللل هسه اجهزهن الك بس اذب
الي بايدي
براحتج
خليت العلاكه على الميز هو طب شايل اربعه
حجه وياي من اخذتهن منه
وهو مبتسم مثل ذيج المرة
رفعت حواجبي صفن بعيوني وكال بهمس
سبحان الله عيونج لونهن عجيب
عكدت حواجبي وردت اارزله تدارك كلامه
وحجه بسرعه وهو مبتسم
اسف جدا بس الصراحه اني اول مرة اشوف هيج لون عيون
لزمت روحي گوة وجاوبته بهدؤ
هم للوالده
اي
تريد كارت
اي واكتبي اسف جدا لان زعلتج مني
كتبت الي راده جهزته اله انطاني الفلوس حجه وهو يضحك
كلت راح تطرديني من المشتل لان تغزلت
بعيونج
مااعرف ليش ماسويت هيج يجوز لان سامعه هوايه يعبرون عن اعجابهم بلون عيوني
انتبه وجان ذكي كمل
لازم هوايه جانو يكولون عليهن حلوات
رفعت راسي اله صفن عليه وكمل
انتي تشبهين وحده شايفها بلوحه قديمه كلش نفس
الملامح الهادئه والعيون والشعر والصمت
جاوبته بضوجه
يمكن هسه راح اطردك لان اخذت راحتك كلش بالكلام
ههههه حتى لو تطرديني ارجع و اجيب امي وياي حتى تشوف
سكت وعيونه تفتر على المشتل كمل مبتسم وعيونه بعيوني
هالجمال الحلو
ماجاوبته التزمت الصمت شال الزرع وطلع مبتسم كلت اذا رجع وعاد نفس الكلام اطرده لان ابد مو راحه
كعدت اتغده جهازي دك جانت لارا جاوبت
هلو لارا
هلا ليان ااكلج اريد فلوس اريد اشتري سيت جنطه وحذاء شفتهن بيج وعجبني من ينطيني بابا راتبي ارجعهن الج
ااكلج انتي مو طلعتي وي ماما قبل كم يوم
واشتريتي ملابس واحذيه شسوين باللخ
اهوو هم راح تسمعني نفس كلام امي كولي مااريد انطيج وفضيني
ااي ماريد انطي لان اصلا اني ماعندي اي فلوس
كلها انطيتها للزرع وللايجار
وربح بابا وينه لاتنسين تره هاي فلوسه الجاي
تشتغلين بيها
وخرت الاكل من حلگي رديت بضوجه
وانتي شعليج بفلوس بابا شنو وكلج محامي اله حتى تحجين بداله وبعدين اني جاي انطي ربحه شهر بشهر وانتي تعرفين هذا الشي
ااي هو بس يعرف ينطيج. الج بس شايفج انتي اني ابدا ماايفكر بيه واذا انطاني
الفلس اسمع منه الف سالفه وسالفه تغث وها صيري مثل اختج وتصرفي مثلها وتبدي المقارنه الي اضوج منها واكرهها
صحت بغضب
لارااا تااالي وياج فهميني انتي شبيج وياي وليش دائما تحجين هيج وليش ماتصدگين اني ماعندي ،،،
ولا بابا ليش ماجاي تقدرين وضعنا وتقتنعين بالي عندج
اااني شطلبت حتى اسمع منج هذا الحجي هووو حذاء وجنطه
ماكووو افهمي مااعدنا مو يوميا الواحد يشتري انتي مو بنت وزير ولا تاجر ابوج رجال متقاعد وكبر وهو بعده يشتغل حتى يوفر الج وللبيت الي تحتاجو
بس اااني مو انتي وووسيم هم موجودين بالبيت
صاحت بيه رديت بغضب
ااحنا شايلن روحنا وكاعد نساعده بالعيشه
ااني الله ليش ذبني بعائله فگر حظي ليش هيج وحده مثل جمالي لازم الله ينطيها عائله تلعب بالفلوس لعب
سديت الخط من سمعت مثل كل مرة نفس الكلام
شمرت جهازي بغضب على الميز واني ضايجه كلش من كلامها قصص وروايات عراقية كرار صلاح اي ذره ااحساس ماعدها شيريد يصير ابويه الي راتبه يروح لشركه مقاوله لان بنينا بيتنا بالتقسيط والي يطلع من المشتل ومن شغله بالشركه الاهليه يخلي بالبيت ونص راتب وسيم ويا
بابا جان يسمعها شلون تحجي وينقهر وكام يضغط على نفسه هوايه حتى يوفر الها شتريد وكل الكاعد يسويه مو راضيه بي
لازم الجنط ماركه هي والحذاء تريد كلشي غالي ومميز ماعده روحاتها للصالون كل فتره وطلعاتها وي صديقاتها للمطاعم
واكثرها بالبوكه وتستر من امي الي هي طلعت عينها بدلالها الزايد
هيله
الاخبار وصلت للشيخ صگبان وعرف الشيخ
شعلان نصب مرشات بكاعو لفه يمنا العصر واشوفو حدر صوب الشاخه وظل يدحك الها
جنت واكفه يم المحصر اعلف بالحلال وعيني علي هو وابويه وعم عزم ردو من يم الشاخه وتگربو ليم بيتنا وكفو بظل سدره گريبه على المحصر كلامهم سمعتو
هذا متى جابهن وخلاهن بگاعو
قبل ثلاث ايام يااشيخ
ابويه جاوبو
راح يضرنا يبو هيله والمي راح ينگص عدنا
لا شيخ مايضر احد المي خير من الله
وانت تعرف هو عندو بيرين بگاعو ويدير مي منهن
لاااااتفزعلو مثل كل مره ياحميد
ابويه سكت من انهد بي كمل بنفس لهجه الغضب
ااعرفو صاحبك بس
انا شيخك وصاحب فضل عليك ولازم تحجيلك چلمه تبرد خاطري بيها
عكدت حواجبي من سمعتو تفضل علينا واحنا بتعبنا كاعدين نطلع لگمتنا لو ما ابويه وجدي جان كاعو صارت بور من زمان
كمل بنفس اللهجه
انت مااجريت خاطر اليه وگطعت صلتك به وظليت تحدر علي كلما لفه لگاعو
تكعد ويا وتتسامر ولا حاسب حساب اليه
شيخ الشيخ شعلان ماضرني
ابويه جاوبو بهدؤ وذاك صاح به
لچننن ضرني ااانا من باك گاعي
غديت نار من سمعت علا صوتو على ابويه سريت والغضب تارس گلبي لان هاي مو اول مرة الشيخ صگبان يتكلم مو ابويه هيج
كلما يحدر يمنا يغثو ويسمعو كلام يوجع
جنت اشوفو يكعد يم امي والهم چاتلو وهي تهون علي
ابويه شافني ميل راسو
افتهمت يريدني اسري لبيتنا وكفت بنص الدرب درت روحي سمعت صوت الشيخ صاح
تعااالي جاي يبنت حميد
وكفت بمچاني درت روحي عينت الو يدحك عليه تگربت ليمو عين اليه بتركيز سال
انتي ياهو منهن
عم عزم جابو
هاي هيله يااشيخ
هاا الي خذت المهره
اي
ابويه جابو
ظل يعين اليه بتركيز دحكت لابويه ردت اتكلم بس خزرني واشر الي روحي
سريت من يمهم ورحت لدارنا طبيت امي واكفه بالشباج ادحك الهم وهي
ضايجه
مااايجي منو خير اكيد سمع بالجابو شيخ شعلان لگاعو ولفه تايشوفو شسوو
وكفت يمها الي كملت
صارلو سنتين مالفه علينا لا هو ولا ولدو ماكلف روحو يجي يشوف گاعو او حلالو ليش من سمع بالسواه الشيخ شعلان لفه بسرعه
غيره يمه ماتعرفي وتعرفين البينو وبين الشيخ شعلان
اي يمه اعرفو واعرف زين الغيره شعامله به وشوفي شراح يسوي ويعمل بابوج من وره هاي السالفه اذا ماجاب مرشات وخلهن بگاعو انا كلشي ماافتهم
هو هم هيج يمه من حدر للشاخه وصفن على ذيج الگاع كلت هذا ماراح يطيب الا يسوي نفس الي سواه الشيخ شعلان
ريمه سالت
يمه هم وينهم ولدو وليش مالفو بالگاع بعد
سكنو دبي يبعدي وتزوجو هناك والفلوس تهل عليهم من خير هالگاع وتعب ابوج
وتروح الهم
هاا مايعكبون يعني
لاا يمه وين يعيگبون اصلا هم مثل زين ابن الشيخ شعلان مايحبون الديره
لجن هذا ابوه نايم براسو وماخلاه يطلع بره وذوله رگبو راسهم وضربو كلام ابوهم بالحايط سكنو هناك واستقرو وحتى تزوجو مناك
وخلفو واحدهم يردله جم يوم ويعگب
جاوبت امي
اظن حتى الشيخه راح تروح لواحد من ولد عمه للشيخ صگبان
اي انا هم اظن هيج لان ولا واحد بيهم براسو حظ وبخت حتى يلزمهها
ريمه جاوبت بضحك
ههههه يله عاد هو ابوهم شلونه مااعرف شلون صار شيخ واحنا نسمع علي جثير شغلات مو حلوه
سكتنا اني وامي لان ريمه حجت الصدك
تگرب علينا عين للدار وهو يتكلم مع ابويه اشوفو يسمعو ويعين للگاع البعيده
عگب هو والويا ووياهم الشر
ابويه اجه ليمنا وهو عاكد
الحواجب شافني بالهول تكلم بغضب
عش تگربتي علينا عش حدرتي جاي وانتي تعرفين ااانا مااقبل احد منكم يطلع
الو
يابه سمعتو يتكلم معك بصياح ويمن عليك بالكعده
بدارو واحنا الي اصحاب الفضل عليه لو ما انت وجدي جان كاعو صارت بور ومانبت بيها حتى العاگول
ابويه رد بضوجه
اعرف كلش زين هذا الكلام وگادر اردو لجن انا اعرف هو شبلاه وليش تگلم هيج
خير يبو هيله وش بلاه الشيخ صگبان
نفس الكلام القديم يازهيره مااتعرفي
امي سكتت ابويه جلس كمل بهداوه
بنتي انتي تعرفين كلش زين انا تارگج براحتج تطلعين وترحين لان اعرفج گويه وتعرفين شلون تدارين نفسج لچن اكو اودام مااحبهم يشوفج انتي ولا خواتج لان اعرفهم مو مثل طبعنا ولا اخلاقنا
مااعرف ليش اجه زين چدامي ابويه كمل بضوجه
بعد من يلفي شيخ صگبان مااريد ولا وحده منجن تطلع بره تكعدن وتسكتن بالدار الما يعكب
صار يابه تأمر
جاوبته بهدؤ امي جلست يمو سالتو
خيرو عش لفه وهو صارلو سنتين مو لافي يمنا حتى الوراد مال الحلال والزرع
انت تودي الو لدارو بالمدينه
سمع بالي جابو الشيخ شعلان ولفه
امي عينت اليه وكالت
ها ماكتلج نفس،الكلام
هزيت راسي باي
ريمه جابت مي انطته لابويه
وهاله وهيام كعدن يفرگن برجلي من مددها جدامو كمل
بعد جم يوم يدزلنا المرشات حتى نصبها بگاعو
راح تتعب يبعد حيلي
امي تكلمت بقهر وهي تعين لابويه جاوبت
لا يمه نتعب هساع بس بعدين راح نرتاح لان السگي راح يصير سهل علينا من وغاد
ابويه دحك اليه جاوبني بهم
لا يبعد ابوج ماراح ارتاح لان هذني راح يجن بفلوس جثيره وراح يتعلكن برگبتي ووياهن الزرع والحلال
سكتت امي ردت
عيل خير يبو هيله والحافظ الله هو يحفظ امانتو ويگويك على شيلتها
ابويه سكت وهز راسو
زين العابدين
شفت الشيخ صكبان لفه بگاعو من عينت الو حدر صوب الشاخه وظل يدحك على شغلنا حجيت وي عم بحر
شوف شيخ الفگر يعين النا صارلو ساعه
شفتو يازين واخبر راح يعمل نفس الي عملو ابوك
ههه اي من يومو تقليد مو اصلي كوبي ياعم
ابتسم وهز راسو صاح
من هينه ياولد لااتبعد خلها بالنص
ابويه الشيخ عبالك متحلف للموسم الحنطه
اي يكول خلنا نرتب الشغل للفلح حتى مايتعبون
بالسگي مثل كل سنه
هزيت راسي باي وظليت اتمشى ويا بدون واهس
جلمه اسمعها وعشرة لااا بالي يسرح يم دلع ومالك الي اتصلت علي مارد
رجعت قبل الغياب لان الحر چتلني طبيت صحت
مي مشعل ااانصمطنا
كعدت جابلي المي شربت وسالت صعب
حمد مامنه جيه
ماايجي ابوه مايقبل يحدر يمنا وتعرف السبب
ابتسمت رديت
اعرفو واعرف خالي ذاب بله ابنو براسي
ههه اي والشيخه ذابه بلاك براس مالك
ههه وانت اهلك بيمن ذابين بلاهم بيه لو بحمد
سكت وانتبهت لكلامي من تغيرت ملامح وجهو
صعب يتيم
ابوه انجتل من هو صغير وجتالو ماانعرف امو تزوجت وره فتره ومارادتو
جدتو ام ابوه اخذته يمها وربتو لان هو ماعنده عمام
عندو بس عمتين جانن يلفن يم جدته بس من ماتت بطلن يجن عندو ورادن الورث تقاسمو ووكعلو بيت وگاع جدو سلمها بايد فلاح وعاش من خيرها
صعب وحمد ذوله احسبهم خوان اليه اعرفهم من الصغر وربيت وياهم بديره وحده نطلع سوه ونرد سوه وويانا مالك
شيخ شعلان لفه
سمعت صوت مشعل من طب وحجه كمت وانا عاكد الحواجب عينت لصعب
الي تكلم
انا راح ارد للبيت
اكعد واسكت ابويه ماراح يطول اجه يشوف الشغل ويعگب
تمشيت لبره دحگت لبعيد واكف بنص كاعنا ويحجي وي عم بحر تمشيت الو الحمايه يمو وعيونهم تفتر بكل مچان وصلت سلمت
الله يساعدك شيخ
هلا زين
جاوبني مختصر ومشى وي عم بحر حد الشاخه وكف هناك اشر على ماطور المي تبعنا سريت ليمو سمعتو كال
هذا يتبدل يابحر وجيب غيرو هو ومال البيرين
تامر شيخ
هيرو حالكم للموسم مااريد اي شي ينقصكم تصرف انت ووياك زين واريد من هساع الشغل يگمل عكدت حواجبي من سمعت اخر الكلام لان عرفت راح انحجز هنا للموسم الحنطه
سالتو
يابه انا مااعكب للديره
دار روحو عليه وهو عاكد الحواجب جاوبني بغضب
لااا ماتعكب الا من يتعدل حالك وتجر عدل
درت وجهي منه كمل من تقدم عليه
عبالك حجي مو عاجبك يازين
عم بحر تدخل وجاوبه
الي تامر بيه راح يسوي زين وفوكاه حبه هيل
ابويه سكت سمعت صوت عم حميد
گوة الله عزمك ياشيخ شعلان
هلاا بالغالي هلا بابو هيله
تبدلت الملامح وسرى الو بدون الحمايه
عم حميد عبر الگنطرة وسرى لابويه الي حظنو
وكفو سوه واشوف الفرح بعيونهم اثنيهم لان تلاگو
ابوك يعز مله حميد جثير
هزيت راسي لعم بحر وانا صافن عليهم كمل دينو لحد هساع يذكرو ابوك
جنت اعرف عم حميد فك ابويه من الذبح من تعاركو وي شيخ صگبان وولد عمه
عينت لبعيد هيله اجتي وهي راكبه مهرة وملثمه عكدت حواجبي من ابويه
صاحها
هلاا وغلاااا هلا بشيخه النسوان
ههه لو تسمع امك تزعل علي
عم بحر حجه بضحك رديتو بضوجه محد شيخه غير امي
سكت وهز راسو عيوني راحت لذيج الكاعده مثل الخيزران العدل فوك الفرس تعين اليه بحده
حدري ياهيله وسلمي على عمج الشيخ
ابوها صاحها عگبت لجن ابويه صاح
يااازين حدر جاي وسلم على عمك حميد
وكفت بمچاني درت روحي شفتها نطت من الفرس بسهوله حدرت متلثمه للگنطرة عبرت مشيت وبصدري غضب لان شفتها
حجت من نزلت لثامها
گوة الله عزمك ياشيخ
ابويه تبدلت ملامحه بلحظه هش بوجهها بفرح وجاوبها
ياهلا بالغاليه بنت الغالي هلا بالزين گلو
عيونها صارت بعيوني ردت
يعز غاليك ياشيخ والزين من طيب اصلك
كوة الله عزمك عم حميد
هلا يبعد عمك شلونك يمنا عساك طيب ومرتاح
نزلت راسي وجاوبته مبتسم باستهزاء
تطمن ياعم مرتاح
رفعت راسي اجتي بعيون ابويه عكد حواجبو ماحجه شي رجع تكلم وي هيله
شلون مهرة وياج بعدها تسرع مثل الاول وماتسمع الچلمه
اي ياشيخ نفس طبعها ماتغير
سكتت عينت اليه كملت بنغزه
هيج طبع شرس ومايسمع الچلمه يرادلو ضرب عصا حتى يسري عدل
جزيت على سنوني خزرتها عيوني راحت لابويه يدحك عليه ابتسم هز راسو رد بهدؤ
ااي يبنت الغالي العصا لمن عصى
انداريت اريد اعكب ابويه تكلم
ووين يازين عگب وياي من ارد
وكفت بمچاني شهم عبر الگنطرة سلم
الله يساعدك شيخ
هلا بشهم جثير الهلا
ملامحها بسرعه تبدلت من شافت ابن عمها الي ابتسم من شافها الخجل ترس
وجهها وصارت حمرة
رجعت اللثام ترخصت من يمنا وعگبت للگنطره وعيون ابن عمها عليها صعدت مهره بسهوله وعيون ابويه وشهم عليها
سرت بيها بسرعه ابويه تكلم باعجاب بنتك ياحميد خياله وتعرف تسوك الخيل
اي شيخ
واانت ياشهم ماتعلمت تركب الخيل
لااا ياشيخ موو هاويها ولا احبها
ابويه هز راسو دحك عليه وكمل
زين خيال من الصغر ويحب الخيل جثير من صغرو يسابك زلم ويسبگهم
حجاها بفخر وخلاني اصفن علي كمل
اثنين من يركبون الخيل اعين الهم باعجاب بنت عمك هيله وابني زين العابدين
شهم ابتسم ودحك الها من بعيد عيوني تتبعت ملامحو وشفتو يحبها جثير ابويه ساله
مااناوي تزوج ياشهم
انا خاطب بنت عمي ياشيخ
جاوبه وابويه ساله
منهي
هيله
ملامح ابويه تغيرت بسرعه نزل راسو بالگاع وسكت عكدت حواجبي من شفتو هيج صار رفعو دحك لعم حميد وجاوب
مبروك وشايف كل الخير اخذت زينه البنات وشيختهن
تسلم ياشيخ ويوم لشيخ زين
ابويه ماحجه شي هز راسو ومشي ليچدام وويا عم حميد ظليت واكف وي شهم صافن للبعيد ومبتسم
عينت الو بتركيز شهم اعرفو من الصغر جان يلفي
وي ابوه وعم حميد من يجون يسلمون على ابويه
ماجنت العب معو ولا اتكرب علي جنت اشوفو مو من مستوايه
ولحد هسه هو وين واني وين انا شيخ وهو خلك فلاح سريت من يمو افكر
ابويه شبلاه تغيرت ملامحو وضاج من عرف شهم خطب بنت عموو
وكفت درت روحي دحكت الو واكف وي عم حميد ويتكلمون شهم عكب للگاعهم
ليان
رجعت لبيت اهلي تعشيت
والتهيت بشغلي بغرفتي فتحت الحاسبه ودخلت لكم مشتل حتى ادور شتلات غريبه واخذها بسعر مناسب مثل كل مرة نسيت روحي بهذا العالم الحلو واخذني الوقت فزيت وصحت
شبسررعه صارت ب2 هسه جانت 12 ووج ليونه كومي باجر شيكعدج مدفع رمضان ينضرب يمج وما تكعدين
سديت الحاسبه بسرعه كمت اتعثر وخرت مناظري فركت عيوني وحجيت
هههه هاي ضريبه العيون الملونه الي حاسدينا
عليها
طلعت من الغرفه اثاوب ردت اجيب مي نزلت جوة الكل نايم وبسابع نومه
الصاله ظلمه رحت للمطبخ
وكفت من شفت شويه مفتوح تمشيت اله حجيت وي روحي
شنو وسيم بعده بره وماما عايفتله الباب مفتوح
طلعت ووكفت من لمحت اثنين واكفين يم باب الشارع جان ضوه الكراج محترك كلت ذوله لارا ووسيم حجيت
هذوله شعدهم واكفين هنا
مشيت بهدؤ، ،، ردت اصيحهم جمدت بمكاني من شفت واحد مااعرفه دنك وباس اختي وهي تضحك
سديت حلگي من رادت تطلع مني صيحه مشيت بسرعه وصحت بصوت مگتوم
وووج لاااارا
