رواية دخيله الشيخ زين العابدين الفصل الرابع بقلم أوتار حزينه
فزيت من شفت الصار رحت ارگض
عليها الجان وياها انهزم بسرعه هي لزكت
بالباب ومااعرف شخلت وراها
طلعت علي حرك بسرعه
رجعت وسديت الباب
عطت بيها بصوت مكتوم
منووو هذا ولج وشعندج ويااا
عليش اااسال شفت كلشي،وولج متواعده وي
واحد من من ورانا
انهزمت مني لزمتها من شعرها وصحت بيها
بغضب،
ووين موليه ولج ااحجي منو هذا
وشلون طببتي لبيتنا وووج اااحجي
راح اتخبل من الشفته
اااي عوفيني ماعندي شي وياا
عقل ماظل بيه من وره الشفته ضربتها راجدي دفعتني وضربتني بالعلاكه تملخت ووكع منها
باگيت انصدمت من ردت الضربه
صحت باعصاب
تضربيني لارااا وتبيعين سمعتج وسمعتنا
من وره هذاااا
دفرته برجلي وهي صاحت بيه
وواكسر ايدج ااذا بعد مديتيها عليه
امي طلعت حجت بخوف
هاي شكو شصاير
راحت عليها بسرعه وهي تبجي
ماما ليان ضربتني لان شافتني اخذت هديه
من صديقتي الدزتها بايد اخوها
ووج ساااقطه ياااصديقه واني شفتج بحظن واحد
وكاعد يبوسج
امي فگت عيونها وباوعت الها بصدمه
ماما جذب بالقران جذابه تغار مني انتي تعرفيها
كلش زين شلون ميته مني وتكرهني
وصديقتج ليش ماانطته الج باجر ليش
ادزها الج بهل الساعه وبايد اخوها
لارا سكتت ماما بسرعه ضربتها راجدي
صاحت بصوت مكتوم
ااادبسسز ساقطه انعل ابوج لا بو ماراباج
هااي تاليها لارا تجبين الولد لبيتنا
شالت نعالها ووگعتلها دك بي لزمتها وذيج
انهزمت للجوه حجيت بسرعه
يمه ابويه راح يكعد بالقران بس يسمع
يذبحها هو ووسيم
ووج منو هذا شفتي عرفتي عزة العزاني
بس لا من المنطقه ويعرفنا بالقران يفضحها
ويفضحنا
ااش اسكتي وطبي جوه
گوة سكتتها طبت ترجف وتبجي راحت
بسرعه لدرج رادت تصعد ماكدرت كعدت على
البايه تضرب بخدها وادكول
فضحتنا ااختج البربوك ولج الشارع كله كاميرات
واكيد صورو الصار يارب وين انطي وجهي
ووج ووينج نعل صفحه اهلج
خرب بالساعه الجبتج بيها
كامت صعدت واني وراها صحت بصوت
ناصي
يمه وووسيم لايسمع
ووج اافتحي الباب خرب اهلج خرب صفحتج
بالقران فلا اعوفج يااساقطه ياام
الولد
امي حارت شحجت عليها وذيج ولا فتحت
الباب ولا ردت سحبتها من
يم الباب اخذتها لغرفتي
كعدتها گوة وظليت افتر يمها وافرك بايدي
بخوف وتوتر
منوو هذا ومنين عرفته يااربي راح ننفضح
وينگسر بخت بناتي ووج ليش
بس فهميني شلون
كدرتي تسوين بينا هيج
يمممه بنتج طلعت عينها من الدلال وانتي
السبب كله من دلالج ساكته وتضمين الها وهاي
تاليها شوفيها شسوت جابته
لبيتنا وجايبلها هديه
وواكفه ويا جوة ويحظن بيها ويبوس
الرخيصه تبيع سمعتها من ورة جهاز
فزيت من تذكرت الجهاز بعده بالكراج طلعت
اركض نزلت بسرعه رحت شلت العلاكه
ورجعت للبيت صعدت بي
انهد امي تفتر بالصاله الفوك صاحت
بصوت مكتوم
ووج وين رحتي
جبت البله جبت مهر الرخيصه بنتج
جاوبتها بغضب ورجعنا للغرفه
جان جهاز ايفون احدث اصدار وويا كارت
فتحته قريت
الى حبيبه قلبي لارا
مع حبي وقبلاتي واشواقي
كاتب اسمه مصعب
شووفي الظاهر بنتج عدها علاقه ويا
اخذته مني بايد ترجف قرته وكامت تبجي
ظليت افتر يمها واردد
شااسوي شلون اتصرف اروح اكول لبابا
خاف يصير بي شي ويروح من
ايدينا اكول لوسيم مخبل
يذبحها والله ولا يرفله جفن
اروح املخها اني لهاي الادبسسز يطلع
حسنا وننفضح يااربي شاسوي
باجر ماتروح للكليه وبس يطلع ابوج
ووسيم املخها تملخ بالقران الا اگتلها بالنعال
وازورك جهرتها الزفره
يممه هاي طالعه عيونها فد مرة ضربتها
ردت اليه الضربه
انكسرت ايدها العايقه الادبسسز اني اعلمها
اذا مااكسرها تكسير اني موو رباب
كعدت انهد من الهبطه ومن الصار والف
فكره دارت براسي اكول هسه صورها بالكامره
وراح ننفضح بالمنطقه اختي من هي
مراهقه خفيفه وتحب تجذب
عيون الشباب الها تحب تسمع الكلام الحلو منهم
اكثر من مرة رزلتها من وره تصرفاتها
وتعلك بينا وامي جانت توكف وياها وتدافع
عنها حجيت بقهر
هاي تالي دلالج ماما شفتيها شسوت
جابت واحد لبيتنا ادعي من الله محد شافها
بالكاميرات بالقران تصير
سيرتنا على كل لسان بالمنطقه
كعدت تبجي وتدعي عليها وتغلط
مالك
ابويه بعد ماسمع بيه متعارك وي خالد
خابرني وتعارك وياي سد الجهاز
بوجهي وهو يسب بي امي اتصلت
مااجاوبت ملت روحي
من ملحتهم وياي
رحت برجلي عليهم وابنهم عال عليه شيريدون
اسكت اله وهو جسر عليه وغلط كعدت
بيتي ومااوصلت لبيت
اهلي
بارد راسي لا مره تنگ براسي ولا قال
وقلت بشير خابرني الصبح من جنت ابدل
جاوبته
هلا بشير
وين انت
بالبيت خير صاير شي
لاا ماكو شي تاخرت وكلت خلي اشوفك شبيك
مابيه شي راحت عليه نومه هسه اجي
اطلب ريوك بين مااوصل
تمام
سديت الخط اخذت السويج والجگاير
طلعت من غرفتي جهازي دك
لميس متصله مادرت بال
سويته صامت مشيت لسيارتي رگبت
سديت الباب ورايه
دحكت بالمرايه فجي ازرك وجوة عيوني
هم حجيت بغضب قصص وروايات عراقية
وولك والله لو غريب جان جتلتك بگاعك بس ااخ
ابن عم ووتوجع لو فطست على ايدي
جهازي ومض هم هي انطيتها
رفض شغلت طلعت للشارع العام دزت رساله
على الواتس اب مافتحتها ولا
باوعت شنو هي
ميلت راسي يمنى ويسرى
وعيوني على الشارع وصلت بعد نص
ساعه للمكتب نزلت ورحت للمكتب طبيت سلمت
صباح الخير
هلا مالك
سكت صفن عليه وسالني
هاي شبيك ويامن متعارك
ماكو شي سالفه صارت وراحت
سكت من جاوبته هيج وكملت
اكلك ابو محمود مااخابرك
خابر وكال كملو اجازه البناء يله افلش
البيت
كملتها قبل يومين شلون نسيت اكلك
خلي،يطلع باجر يفلش مااريد اي تاخير لازم
بهل الكم شهر نبني ونصعد السگف
هاا تمام اخابره اني لو انت
خابره انت مالي خلك اله يلغي جثير
وراسي مصدع من الصبح
نتريك وگلي شبيك
مااريد احجي اي شي خلها تولي السوالف
مامن وراها غير بس المغثه
انت بس اعقل وهي تروح المغثه
جاوبني سكتت خله الريوك
على طبله بيني وبينه كعد صب جاي كمل
الجاي تسوي بروحك حرام
بشير رحمه لاهلك لااصير براسي شيخ
وتكعد تفتي تره لعبانه نفسي ومالي خلك اسمع
كلمه لا منك ولا من اي احد
ولك مو راح ينهجم بيتك
عساه بالهجم خلي ينهجم حتى يبرد
راسي
ماايصير يااخويه جايك طفل بالطريق
شنو ذنبه
سكتت وتنهدت هو كمل
فكر بي مالك هو شنو ذنبه بالكاعد يصير
ماله ذنب بس اني هذا مزاجي ومو مقصر
وياها بشي كاعده بيت شكبره الفلوس ماتعرف
منين تجيها مدلله دلال مو صاير
وين ماتريد اوديها يابه اسكتي هذا
هذا مزاجي الشرب احبه
وماكدر اعوفه وهي
ماكو الف عركه وعركه تسويها
بس اطب للبيت
والنسوان مالك
سكتت ودرت وجهي منه كمل
راجع نفسك اخويه اي مره شريفه وتحب
رجلها ماتقبلها على روحها تشوف رجلها يخونها
وي اكثر من وحده هن زواج وبالحلال ويتخبلن
مو عاد وي وحده ماتعرف منين جاي
وويامن جانت نايمه
ماجاوبت كمت من يمه صاح
وين رايح
للگبور السود تجي وياي
زين العابدين
ورة ماكمل الشغل بگاعنا حدرت لبيت اهلي
جان مسافه مو بعيده عنا صعب حدر لبيتو
وانا رحت لاهلي طبيت من البوابه
عينت هوسه يم مضيف ابويه كلت كعده وفصل
نزلت من سيارتي ولد من عمام ابويه
تگرب عليه وسلم
گوة الله عزمك شيخ زين
هلا عمير خير اشوف هوسه بمضيف الشيخ
مطر سوالو سالفه وي بيت مطلك وعلگت بينهم
واجوي على الشيخ يريدن يحگو
لان عال على ابنهم وضربو جيله
جتلو
لااا صوبو برجلي وهساع كعدتهم وراح يفصلو
هزيت راسي سأل
مااتجي يم ابوك
مالي خلك هالسوالف
سكت وظل صافن عليه سريت لجوه
طبيت من المطبخ امي فزت من شافتني هشت بفرح
هلا يمه هلا بنور العين
ابتسمت ورحت عليها حظتني وبوستني
من عيوني
هاا لفيت ياابن ابويه
سمعت صوت الهنوف وضحكت من
شفتها اجتي عليه هي وولدها تلعگو برگبتي
صحت بيهم
هلاااا بخلفه غيرنا
ماهم خلفه غيركم امهم بنت الشيخ
شعلان وهم ولد شيوخ
وانا اشهد
جاوبتها بضحك لزمت راسها وبسته
كملت من باستني من جتفي
شلونك يبن امي وابوي
بخير مادامج بخير
كعدت وهي يمي وامي ويانا
منهو اجه
كوم سلم على جدتك تراه مانخلص من لسانها
لو هونت بالسلام شويه
هههه ها يمه اشوفج تحجين بحده لازم جدتي
انطتج المقسوم مال اليوم من وكت
هااا هذا الزين ولد ولدي لافي عدنا ومااحدر
جاي عليه ولا سلم
ماراح تسلم
الهنوف حجت بضحك رحت
لجدتي مزنه حبيتها من راسها وسلمت
شلونج ياجده
هو اليشوف امك ويصبح بوجهها شلونو
تريد يصير هااك شوفني محد بحالي
وانت لفيت وماكلفت نفسك
تجي تسلم عليه
جده توه لفه
ااسكتي انتي يالمگموعه محد گلج تكلمي
ماحجت شي ياعمه
وانتي هم ااسكتي يافضه لا تعرفين شأسوي
بيج
بالعصا جده انا الزمهن الج وانتي دگيهن
بيها بگوة
عينت الي بخزره
جرتني من ياخه الدشادشه حجت بغضب
انت مالك لزوم بسوالف النسوان تروح تكعد
وي ابوك وتعلم سوالف الزلم وقلل مزح
يازين تراه ياخذ من هيبه الزلمه
ويقلل هيبتو بعيون الغير
وش بلاج وي الولد توة لفه يمنا هدي وروحي
اركدي بدارج وجفينا شر لسانج
امي انهدت بيها وجدتي خزرتها وصاحت بيها
محد،،ضيع هالولد غيرج انتي يبنت
عربي ظليتي خالتو بحظنج وخايفه علي الما
تنعم وصار بزر دلال ينفر من كعده الزلم ويكعد
وي النسوان
عكدت حواجبي وجاوبتها بضوجه
ليش هالحجي ياجده شايفتني شاد العصبه
ومحني ايدي بحنه وكاعد جارج انتي امي
دحكت عليه بتركيز وجاوبتني
لا يبعد امك انت ماكاعد جاري اني وامك
انت كاعد جار امهات الدف والرگص
هذني اليدورن باره وضاحكات
عليك بالچلمه الحلوه
سكتت عينت للهنوف ساكته وتهز راسها
امي انهدت مرة اللخ
ابني ماعندو هالسوالف ااا
اااش ولج عليمن جايه تضحكين عليه
اني الشيخه مزنه ولج انا اعرف كلشي يصير
بهل الديره واعرف ابنج وين يروح
ووين يجي قصص وروايات عراقية
خزرتني وكملت بغضب
دحك عليه يول واسمعني زين وعوفك من
هاي المصگوعه امك الزلمه الزين وابن الشيوخ
ابن الدله والفنجان ماهو بهدمو ولا بفلوسو
لااا ابن الشيوخ ينعرف من سمعتو
الطيبه لو حط وين مچان
سمعت لازم تسبگو
وانت يبعد امك ماخليت الك سمعه
طيبه وحدرت راسك وراس
ابوك وياك وخليتنا علج
بالحلوك نمشي ونغطي بيهن بخرگه
تراري
ااستغفر الله ياربي
دحكي يافضه ابنج يعرف الله
صلاوات على النبي تستغفر يبعد جدتك
ضجت من كلامي وهو صدچ
يالهامل بالماتسحتي تستغفر بوجهي
وانا احجي الصدچ
اشرت على راسي وجاوبت
هذا مزاجي ومحد الو خص به
سريت من يمها صاحت بغضب
روووح يبن فضه ادعي من الله
بهل اليوم وليله الجمعه ربي يبليك بوحده
تخلك تضرب التل وماتندل تدور
رضاها وهو ماكو تعل گلبك
عل وتهواها وهي
ماتهواك
وكفت يم الدرج عينت الها امي اجتي
ليها نفضت ايدها وكالت
عشتوو والله منهي الي ماتهوه ولدي
شيخ الشباب زين وشحلات اسمو كلهن
يردن وميتات علي خله بس يكول
اريد اتزوج ازوجو اربعه
بليله وحده
اااي زوجي يبنت عربي واگسري رگبه
البنات لان ولدج يحب يكسر بخت
البنات شفنا شسو بنت
صالح ماكعدت عندو
سنه وتطلكت وهي تحمد ربها خلصت
من الجان يسوي بها
بسج يااعمه كاافي تعيدين بهل السوالف
كلما شفتي وجهو الولد توه لفه علينا
لفاه الخير والعافيه والعگل الزين
صعدت واسمعهن تهاوشن بالصاله
الفوك عينت اختي هاجر شافتني ابتسمت
وكالت
هلا زين
هلا هاجر
تگربت علي شافت وجهي متكدر
سالت
خير شبلاك
طبيت لغرفتي وهي ورايه حجيت
بغضب
وين مااروح الگه بوجهي الي يغث
ويسم الدم
ههه جدتي معك موو
اي هي وابوج نفس الطاس ونفس الفاس
سكتت كعدت على الجربايه
اجتي وكفت يمي تكلمت بهدؤ
هون على نفسك هم يريدوو
خزرتها سكتت وهي خايفه تنهدت هاجر
احبها وخواتي كلهن عزيزات عندي
بس هي بزر الشيب ومدلله كلش
عندي انا وابويه اشرت
الها اكعدي
كعدت جاري لزمت اذانها وحجيت بهدؤ
مااريد اسمعج تحجين نفس
كلامهم ازعل عليج تره
هزت راسها باي فرگت رگبتي وسالت
رهيفه مااجتي
كالت بليل تجي هي وتميم
الهنوف جان ماخذها عبد العزيز ابوه ابن عم
ابويه عند تريالات حمل ومكاتب مال
صيرفه
امنه متزوجه حويدر
واحد من العشيره يگرب لابويه
من بعيد موظف بدائره
رهيفه مزوجه تميم ابن خالي اخو حمد
نقيب بالجيش وكاعده بيت من بيوت
ابويه كتبها باسمها قبل فتره هي والهنوف
وامنه كال هاي هديه
زواجهن
ظلت بس هاجر الي جان عمرها
عشرين سنه ماتزوجت رغم اجوها جثيرين
ماشفنهم مناسبين الها وهي هم جانت
ماتريد تزوج
ااريد اسبح حضري الهدوم
ادلل هسه احضرهن الك
هيله
الشيخ صگبان لفه وره جم يوم
وجاب ويا المرشات الي كال عليها على بالنا
يعوفهن ويعگب للمدينه لچن تفاجأنا من
ظل يمنا ابويه كال حضرو
غده زين الو وللعمال
امي طبخت هبيط لحم وبرياني
شلت طاسه العجين ورحت تاخبزو اني وريمه
شجرت التنور الطين وانتظرتو يبيض
وتهفت نارو
هيله اروح اجيب بعد مي
روحي وعگبي بسرعه تانخبز
اي
ريمه عگبت لبيت بديت اخبز واخلي بالتنور
جنت دائما من اخبز لو اشتغل الهي
لساني بالاستغفار
اختي رجعت ووياها ساريه كعدتها على
جذع نخله واجتني تعيني بالخبز
الشيخ صگبان ياهيله
رفعت روحي من التنور من سمعت كلام
اختي عينت الو واكف مسافه
ويدحك النا عكدت حواجبي ورفعت لثامي
حجه من تگرب علينا
گوة الله عزمجن يبنوات
وعزمك شيخ
ريمه خجلت منه ولزكت بيه تدنى ليمنا
مد ايدو للخبزة شال وحده ابتسم وكال
حدرت عليجن من اشتميت ريحه الخبز
ماجاوبت طلعت الخبز بسرعه لان راد
يحترك شمرته جدام التنور
هاا انت هينه ياشيخ
ابويه لفه وهو عاكد الحواجب ويدحك الو
بضوجه
ااي حدرت على الخبز الطيب
يعلف ويدحك عليه اخذ گرصه اللخ ودار
روحو على ابويه مشى ويا
هذا شبلاه وليش هيج يدحك الج
ريمه سالتني وهي صافنه علي ماجاوبت
التهيت بالخبز كملت وشلت الطبك مالتو وعگبت
للدار دشيت وورايه خواتي
وديتو للمطبخ امي هناك ومبين عليها
مغثوثه عكدت حواجبي
حجت بسرعه
بعد لاتطلعين منا الما يخلص الشغل
عرفت ابويه كايل الها هزيت راسي بأي
رحت غسلت وافكر بنظرات الشيخ صگبان
اعرفو زلمه مو راحه لان جنت اسمع
عنه سوالف مو حلوه
واعرف نظراتو وصخه انا مو غشيمه اميز
نظرات الزلم للمرة واعرفو شيريد
وبشنو يفكر
اعرف شهم يحبني جثير من ضحگه
عيونو واعرف الشيخ شعلان يحبني ويودني
من وجهو اليضحك من يشوفني
وااعرف زين يكرهني
عكدت حواجبي من اجه بالي برق الشر
عيونه شفتها جدامي وخزرتو وكلامو كلها مرت
بخيالي ابتسمت وحجيت وي
روحي
ههه لو جانت العيون تگتل جان انا
ميته من زمان
سكتت وكملت بثقه
لا والله ماتگتل لان لا كلامو ولا نظراتو
ولا صوابو چتلني
هيله ماكملتي
سمعت صوت هاله جاوبت
طالعه
ليان
الليل كله ماكدرت انام ولا غمضت عيوني
من وره الشفته من اختي خفت كلش
وكلت اكيد احد شافها من المنطقه وراح ننفضح جنت اريد اروح املخها اگتلها لهاي الادبسسز
لان رخصت روحها من وره جهاز
سكتت وكملت بقهر
ااذا هيج سوت من وره
تليفون باجر شراح تسوي اذا صارت
الهديه اغلى شراح تنطي
دخت من التفگير ولزمت روحي گوة وتصرفت طبيعي كدام بابا ووسيم الي انتبه اليه
اني وماما وسال
من كاعدين على الريوك
خير ليان بيج شي انتي وماما
هاا لا ماكو ليش تسال
جاوبته بذهول لان جنت افكر بهاي المصيبه
الصارت على راسنا بابا
سال
وين لارا مادوام اليوم
لااا ماعدها شي
امي جاوبته بضوجه وسيم عكد حواجبه
وظل يباوع عليه وعليها كمت
وكلت
يله مانطلع تره تاخرنا هوايه
اي يله بابا
طلعت وي اخويه وبابا وعفت ماما
تصرف وي
لارا
وصلوني للمشتل نزلت وهو راحو
فتحته واحس راسي يريد يطك من الوجع
كلت خلي اسوي گهوة حتى
اصحح شويه
اشتغل وبالي مشغول بالصار
ساعه عشرة ماتحملت اريد افتهم شسوت
وي هاي العايقه خابرت امي بس فتحت الخط
حجيت بسرعه
هاا ماما شسويتي
حجيت وياها وكالت بعد مااعيدها اعتذرت مني
وكالت من ترجع ليان اعتذر منها
فگيت عيوني من سمعت امي تحجي
بروده جاوبت بغضب
ماما اانتي شجاي تحجين شنو اعتذرت
منج ومني وبهل السهوله قبلتي اعتذراها بهل
السهوله ماما نسيتي السوته بنتج
بهاي الليله الكشرة
ااي شتريدين اسويلها اقتلها حتى ننفضح بالمنطقه
لاااا احنا ماانفضحنا لحد هسه مااتعرفين
انتي شارعنا كله كامرات واكيد
صورها لبنتج وهي واكفه
وي هذا الساقط
امي سكتت سمعت لارا تبجي وتحلف
بعد ماتعيدها ردت حجت
هااج اسمعيها شلون تبجي وتحلف بعد ماتعيدها
ماااريد اسمعها بنتج جذابه وادبسسز
وهاي سوالفها مو عليه تكدر تمشيها عليج
انتي بس اني لااا
محد يكدر يضحك عليه وسدي،السالفه عاد
اختج غلطت واجتي اعتذرت مني
وادكول ماطلعت بره
ومحد شافها
فقدت اعصابي وانهديت بغضب
اااي محد شافها موو بس شافو لهذا العار
من اجه لبيتنا وطب،بس على منوو
عليه لو عليها وراح يصير الحجي
علينا اثنينه ليييييش وااني مامسويه
شي ليش،تشوه سمعتي وسمعتنا من وره بنتج
الساقطه شنووو ذنبي اني
بسوالف بنتج الجايفه
امي سكتت كملت باعصاب
حسبي الله عليج لارا حسبي الله ونعم الوكيل
كله صوووجج ماما انتي السبب
اذا ضاعت بنتج بيوم انتي
راح تكونين السبب
سديت الخط واني ارجف من اعصابي
كعدت اتنفس بقوه رساله اجتني
على الواتس من ماما فتحتها
كاتبه
لاتحجين اي شي لابوج ولا وسيم السالفه
سديتها وهي اعتذرت وحضرت الولد
ومسحت رقمه
فريت ايدي بقهر وحجيت
هاي عفيه بيج شلون ام ياااربي
تعرف بنتها شسوت وعرفت بيها عدها علاقه
ويا واحد وتصرف بروده واكتفت بس
بالاعتذار
سكتت وكملت بقهر
شاحجي بله وشلون اتصرف اذا امي هيج
اني شأكدر اسوي
زبون طب كمت گوة على شغلي گلبي
جان يگلي اختي ماراح تبطل من سوالفها الجايفه
لان اعرفها هي شنو وشنو طينتها
مالك
اني كاعد بكوفي بليل ادخن اركيله
ابويه خابرني وكال باجر الظهر تجي عليه
ااخذك ونروح لبيت عمك تتراضى
وي خالد وترجع مرتك
ياابه رحت وطردوني وذاك العار مد ايده
عليه
حيل وااابو زايد بيك لان تستاهل شتريد يابه
يسكتلك وانت ضارب اخته تقبلهاااا على
اختك
سكتت انهد بيه
جااوب ولك لو هو ماخذ اختك وضاربها
ودازها عليك تسكتله
محد يكدر يمد ايده على خواتي
اااي محد بس انت تكدر تاذي بنات العالم
لميييس مو مثل خواتي جسرة وماتحترم
من ايدك يابه انت الجايبها لروحك
تشرب وتخون وتجي كلك خره بخرة وتريدها
ماتحجي تريدها تشوف وتسكت
ليش مالك شماخذ انت صخره
ماعدها احساس
اانت شتريد يابه
من الاخر ولك تجي باجر واخذك اني واخوتك
تعتذر من خالد وعمك وتبوس راسهم
وترجع مرتك بالقران اذا
تكلمت كلمه وحده وماعجبتني اني بنفسي
ارزلك يمهم واطلعك وجه
بلا كفه
صاار ادلل بعد اوامر ثانيه
ولك ااستحي على طولك اجيب وارزل
بيك شكبرك بكد الثور وعمرك صار بالثلاثين
يوميا داكين عليه بسالفه مسويها
ومسود وجهي من الله
يسود وجهك
اااستغفر الله ياربي
والله لو تستغفر منا لباجر ماراح يسمع ملك
من ملائكه الله لان ،،،،،الكاعد تسوي
بهل الدنيا مخلي بس الشياطين لافيه
يمك
الحجي،قصفني وسكتت كمل بغضب
بااجر العصر تجي ومااريد اي عذر
او تاخير واريد بعد من الله تعيدها لهاي السالفه
بالقران اتبرة منك واكول ماعندي
بعد ولد اسمه مالك
اسمع امي تهدي بي وهو يسكت بيها
سد الخط تنهدت وذبيت الجهاز على الميز
اخذت نفس من الاركيله وذبيته
بضوجه
والراده ابويه سويته تراضيت وي خالد وعمي
ورجعت لميس للبيت طبيت
وياها للصاله ذبت
الجنطه واجتي لحظني بسرعه كامت
تبجي لميتها بايدي وحجيت
كافي تبجين
مالك انقهرت من وره الصار اني السبب
تعاركت وي خالد من ورايه
وخرت مني صفنت عليها تشهك
والدموع تنزل كملت من رجعت ضمت
وجهها بصدري
ااني مااريد من هاي الدنيا غير بس انت اريدك
مالك واريدك تحبني مثل مااني احبك
حظتني بقوه بستها من راسها
وجاوبت
اني الج بس انتي بطلي هالغيره واعقلي
وخرت مني رادت تحجي بس عضت شفتها
وسكتت نزلت راسها بعدين
رفعته سالتني بدموع
انت تحبني
سكتت للحظه بعدين هزيت راسي
باي سالت بشهكه
لعد ليش تخوني مالك
هااا لميس هم رجعنا كتلج ماااخاينج
تريدين تصدكين صدگي ماتريدين ماتصدگين
هاي مشكلتج
جاوبت بضوجه ودرت روحي منها
اجتي وصارت جدامي حجت بتوسل
مالك لاتزعل مني اغارر عليك لان احبك
سكتت رجعت لحظني ظلت ساكته لفترة
بعدين حجت
تعرف شطلع بيه
شطلع
بنيه
حجتها بخوف جاوبت
الحمد لله اذا بنيه ولا ولد
بس يجون بخير وبصحه زينه هاي نعمه
من الله
وخرت مني وسالت
فرحان بيها
ايتسمت وجاوبت
اي فرحان
سكتت رفعت روحها وباستني
من شفتي طولت حظنتها لصدري وخرت
وهمست
مشتاگه الك
نسيت روحي وياها وتراضينا كعدت وره
ساعه وحدي بالصاله ادخن وصافن على غرفه
النوم مااعندي اي مشاعر وي لميس
الرغبه تجمعني وياها بالفراش
انطيها الي تريده واني اسمع منها احبك
واموت عليك ومايطلع
مني نفس الكلام
حاولت احبها وماكدرت
هي حلوه بيضه ومتروسه وعيونها كبار
ومو ناقصها شي بس اني
مااعرف ليش
مااحبيتها ولا كدرت اسلم گلبي الها
او لغيرها
زين العابدين
ابويه عرف بيه رديت للدارنا دز عليه
حتى اكعد بمضيفنا حدرت من فوك وانا ندمان
عگبت هينه لو ضال بگاعنا
جان هساع انا بارد راسي من محنه
جدتي واوامر ابويه
دشيت للمضيف عامر باهلو وضيوفو
سلمت
گوة الله عزمكم يالربع
هلاا شيخ زين
عيوني راحت لابويه اشر براسو اجي اكعد
حدو سريت الو كعدت وراعي الگهوة
دگ الفنجان بالدله انتبهت
الو كعدت عدل
صبلي فنجان اخذتو منو شربتو
وهزيتو رديتو وراح يصب
لغيري
ابويه مال عليه سال
شجابك هينه وعش عگبت من الگاع
اجيت اشوف الشيخه وجدتي
وشفتهم موو
سكتت كمل
تخلص الجلسه وتعگب للگاع
الليل حدر ياشيخ باجر الفجر اسري لگاعنا
عكد حواجبه وخله عيونو بعيوني تكلم
بهدؤ
سمعتني عدل يازين
سمعتك يااشيخ
،،،بداخلي غضب اشتعل
من كلام ابويه وتصرفاتو معي
عرفت راح اشوف
ايام سوده بلون الليل
ظليت كاعد اسمع كلامه وي اهلنا
والضيوف واشوفهم يسمعو وهم ساكتين
وچلمته وحده عليهم المجلس
فض وظلو بس تميم وعبد العزيز زلم خواتي
واحد من ربعنا واحد
بكد ابويه صاح
يااشيخ
سم يابو سحاب
سم الله عدوك ياشيخ اسال ماناوي تزوجو
للشيخ زين العابدين
عينت لابويه سكت وجاوبو وره لحظه
ليش تسأل يبو سحاب لازم عندك مرة الو
ههه لااا ياشيخ انت تعرف انا خلفت
بنت وحده ووسبع ولد والبنت تزوجت
من زمن
ابويه هز راسه وجاوبو
الله يخليهم الك
سكت دحك عليه وهو عاكد الحواجب
كمل
زين يتزوج من يركد عگلو
ردت اكوم من يمو لجن ماترهم اهدو
عيب بحگو وحگي جلست ساكت واريد بس
يفض المجلس تاارجع للگاع
وره دقائق ابويه كام
يالله
كمنا ويا وعگبنا للبيت دشينا للاستقبال
جدتي كاعده بها ابويه سلم
شلوونج يايمه
هلا يبعد امك هلا جثير الهلا
كعد يمها وباسها من ايدها وكال
ارضي عليه يايمه
راضيه عليك ومرضي يايمه
امي دشت سلمت
گوة الله عزمك شيخ
هلا فضه
كمت لحيلي امي،سالت
ها يمه وين العزم
اعگب للگاع
يااا بهل الوگت تريد تعگب للگاع ااكعد
واسكت ظل هينه شعندك
كاعد وحدك بهل الچوله
اااام زين خله الولد يعگب
ابويه حجه بلهجه امر ردت
شيخ مو ليل وااخاف عليه من الطريچ
عش تخافين علي حرمه هوو زلمه شطولو
شعرضو يسد عين ااشمس
اذا وگف جدامها
جدتي انهدت بيها امي ردت
الدنيا ليل ياعمه وتاخر الوگت شلون اخله
يعگب يظل بالي علي واظل
اهوجس
ززين
ابويه صاح جاوبت
نعم شيخ
عكب هساع وبعد لاترد الا انا اكلك رد
وعينك على شغلنا هناك الزمو انت
لان عمك بحر راح
يسافر لتركيا
خيرو وش نوحو ولد عمك
مابه شي يمه يريد يسوي عيونو هو
وحرمتو
جدتي هزت راسها امي تگربت عليه ادحك لابويه
خزرها حجيت
يابه ليش هيج كاعد تعمل بيه
امي لزمت زندي من شافت ابويه كام
لحيله تقدم يخزر بيه تكلم
بهدؤ من صار
جدامي
وبعد تسال يازين وانت تعرف بحالك
شعامل
ماتگلمت نغزني بايدو بجتفي وكمل
بغضب
عفتك براحتك يول كلت طيش شباب يگبر ويعگل
وجزيت العشرين وصرت بالثلاثين
وانت نفس وضعك ولااا زدت
مانقصت شرب ونسوان وكيف وصرف
بدون وجع گلب هديت كلشي وراك
يبن فضه عشت متنعم بفلوسي
هناك باربيل وبغداد
ونسيت انت منو وابن منوو نسيت
ااانا منووو
صاح بغضب وضرب عصاتو بالگاع
امي تگربت علي خزرها وكفت بمچانها ادحك
عليه وعلي بخوف
جذذذب كول لاااا انا ماعملت التكلمت عنه
خلي عيونك بعيوني وگلي يابه انا
مو هيج تگلم يبن ظهري
ياحيلتي يالاسمك من اسمي
ودمك من دمي يااااشيخ ديواني ومضيفي
مارديت درت وجهي منه جدتي
تكلمت بغضب
حظ منو يبعد جدتك حظ ابوك لو حظنا
احنا لو قبيلتنا الي انت شايل
اسمها واسم ابوك
وماصنت ولا واحد منهن
ابني،بطل ذاك الدرب ورد
رررد من هددتو بعد ماكووو بارة
ابويه انهد بامي بغضب كمل بعصبيه
رد لان يعرف هاي المرة مو مثل كل مرة
لان انا بزعت منو ومن سوالفو ولكم
اانا هاي الشيبه
مسح على لحيتو بغضب وكمل
هاااي الشيبه البيضه تتلوث
بسمعه ولد من بزري ااانا الشيخ شعلان
اسمع هينه وهينه ابنو عاق
واحد ساقط شراب عرگ ويدور گحاب
وولك جم سالفه وسالفه اسدها
وترجع باكبر منها
صاح بي وضربني بجتفي بقوه
رديت ليوره ماتحرگت الهنوف دشت وكفت
يم ابويه لزمت ايدو وحجت
بهدؤ
شيخ لخاطر جيتي عليك هد زين
هساع
اهدو يبنت ابوج بعد مايجر عدل
صاح بيها تكلمت
الي تريدو يصير وفوكاه حبه هيل بس
هدي خلگك
جر ايدو منها خزرني بغضب تكلم والوجهه
احمر دم
عگب ولك ومااريد اشوف خلقتك
هينه
مشيت بسرعه سمعتو صاح
ااارجعي يافضه لااا تشوفين شي ماايسرج
رگبت سيارتي شحطتها وطلعت للگاع
كمت اضرب بالستيرن بقوه ولنا كاره روحي
والساعه الي اجيت بيها ردت اطلع
لبغداد او اربيل لجن
غضب ابويه هالمرة مو مثل كل مرة
وماردت اكسر چلمتو ويغضب بالزايد
هيله
مافض شغل المرشات بگاع الشيخ
صگبان الا واحنا طالعه رواحنا لان ظل يروح
ويجي عليها انحصرنا انا وخواتي
بدرانا وماكدرنا نطلع من وراه هو والعمال
بس گطع رجله اخذنا راحتنا وكمنا نطلع
ونحدر يم الشاخه نتصيد سمج
لو نتمشه لگاع بيت عمي
العصر من كسرت حده ااشمس
خواتي طلعن يلعبن يم الشاخه
تمشيت
الهن وكعدت بفي سدره
ادحك الهن من بعيد يضحكن ووحده ترگض
وره اللخ عكدت حواجبي
من شفت ريهام تاشر بايدها هي وساريه
رگضن للگنطره عبرن كمت لحيلي
سريت اريد اشوفهن وي
منو يحجن عبالي
وي الشيخ شعلان لو عم بحر
لان دائما يرحن علي هو يحبهن وهن هم
هاله لحكتهن لچن ماعبرت ظلت
واكفه وادحك الهن
وگفت يم اختي من شفتو برق الشر وهايل يمو
كاعد مبتسم ويحجي وي
ساريه لزم خدها صحت بغضب
يااابنات عگبن بسرعه
خواتي فزن من سمعن صوتي ريهام
كادت ساريه ورجعن هو كام لحيله خزرني
بغضب مادرت بال
ريهام حجت بخوف
هيله مااسوينا شي
لااا سويتنا من رحتن للغريب
جاوبت بغضب سمعني رد بعصبيه
انا مو غريب تعرفيني زين انا من وابن
من
سكتت تقدم عبر القنطرة رديت بنغزه
اااي اعرفك زين من انت لچن خواتي مايعرفن
برق الشر منهو
وكف بنصها وهو يدحك اليه
بغضب وكره جاوب بحده
عدتيها يااام عيون گويه
سكتت كمل بهدؤ قاتل
هينه ياهيله يجي يووم واشوفج
برق الشر شراح يسوي بيج
